| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
27. рааж̇абхадавад̇т̇у
27. Rājabhaṭavatthu
90. д̇зна ко бана самаязна ран̃н̃о мааг̇ад̇хасса сзнияасса б̣имб̣исаарасса бажжанд̇о губид̇о ход̇и. ат̇а ко рааж̇аа мааг̇ад̇хо сзнияо б̣имб̣исааро сзнаанааяагз махаамад̇д̇з аан̣аабзси – ‘‘г̇ажчат̇а, бхан̣з, бажжанд̇ам̣ ужжинат̇аа’’д̇и. ‘‘звам̣, д̣̇зваа’’д̇и ко сзнаанааяагаа махаамад̇д̇аа ран̃н̃о мааг̇ад̇хасса сзнияасса б̣имб̣исаарасса бажжассосум̣. ат̇а ко абхин̃н̃аад̇аанам̣ абхин̃н̃аад̇аанам̣ яод̇хаанам̣ зд̇ад̣̇ахоси – ‘‘маяам̣ ко яуд̣̇д̇хаабхинанд̣̇ино г̇ажчанд̇аа баабан̃жа гарома, б̣ахун̃жа абун̃н̃ам̣ басаваама. гзна ну ко маяам̣ убааязна баабаа жа вирамзяяаама галяаан̣ан̃жа гарзяяаамаа’’д̇и? ат̇а ко д̇зсам̣ яод̇хаанам̣ зд̇ад̣̇ахоси – ‘‘имз ко саман̣аа сагяабуд̇д̇ияаа д̇хаммажаарино самажаарино б̣рахмажаарино сажжаваад̣̇ино сийлаванд̇о галяаан̣ад̇хаммаа. сажз ко маяам̣ саман̣зсу сагяабуд̇д̇иязсу баб̣б̣аж̇зяяаама, звам̣ маяам̣ баабаа жа вирамзяяаама галяаан̣ан̃жа гарзяяаамаа’’д̇и. ат̇а ко д̇з яод̇хаа бхигкуу убасан̇гамид̇ваа баб̣б̣аж̇ж̇ам̣ яаажим̣су. д̇з бхигкуу баб̣б̣ааж̇зсум̣, убасамбаад̣̇зсум̣. сзнаанааяагаа махаамад̇д̇аа рааж̇абхадз бужчим̣су – ‘‘гим̣ ну ко, бхан̣з, ид̇т̇аннаамо жа ид̇т̇аннаамо жа яод̇хаа на д̣̇иссанд̇ий’’д̇и? ‘‘ид̇т̇аннаамо жа ид̇т̇аннаамо жа, саами, яод̇хаа бхигкуусу баб̣б̣аж̇ид̇аа’’д̇и. сзнаанааяагаа махаамад̇д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа рааж̇абхадам̣ баб̣б̣ааж̇зссанд̇ий’’д̇и. сзнаанааяагаа махаамад̇д̇аа ран̃н̃о мааг̇ад̇хасса сзнияасса б̣имб̣исаарасса зд̇амад̇т̇ам̣ аарожзсум̣. ат̇а ко рааж̇аа мааг̇ад̇хо сзнияо б̣имб̣исааро вохааригз махаамад̇д̇з бужчи – ‘‘яо, бхан̣з, рааж̇абхадам̣ баб̣б̣ааж̇зд̇и, гим̣ со басавад̇ий’’д̇и? ‘‘убаж̇жхааяасса, д̣̇зва, сийсам̣ чзд̇аб̣б̣ам̣, ануссаавагасса 1 ж̇ивхаа уд̣̇д̇харид̇аб̣б̣аа, г̇ан̣асса убад̣дхапаасугаа бхан̃ж̇ид̇аб̣б̣аа’’д̇и. ат̇а ко рааж̇аа мааг̇ад̇хо сзнияо б̣имб̣исааро язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аа мааг̇ад̇хо сзнияо б̣имб̣исааро бхаг̇аванд̇ам̣ зд̇ад̣̇авожа – ‘‘санд̇и, бханд̇з, рааж̇аано ассад̣̇д̇хаа аббасаннаа. д̇з аббамад̇д̇агзнаби бхигкуу вихзтзяяум̣. саад̇ху, бханд̇з, аяяаа рааж̇абхадам̣ на баб̣б̣ааж̇зяяу’’нд̇и. ат̇а ко бхаг̇аваа рааж̇аанам̣ мааг̇ад̇хам̣ сзнияам̣ б̣имб̣исаарам̣ д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко рааж̇аа мааг̇ад̇хо сзнияо б̣имб̣исааро бхаг̇авад̇аа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, рааж̇абхадо баб̣б̣ааж̇зд̇аб̣б̣о. яо баб̣б̣ааж̇зяяа, аабад̇д̇и д̣̇уггадассаа’’д̇и.
90. Tena kho pana samayena rañño māgadhassa seniyassa bimbisārassa paccanto kupito hoti. Atha kho rājā māgadho seniyo bimbisāro senānāyake mahāmatte āṇāpesi – ‘‘gacchatha, bhaṇe, paccantaṃ uccinathā’’ti. ‘‘Evaṃ, devā’’ti kho senānāyakā mahāmattā rañño māgadhassa seniyassa bimbisārassa paccassosuṃ. Atha kho abhiññātānaṃ abhiññātānaṃ yodhānaṃ etadahosi – ‘‘mayaṃ kho yuddhābhinandino gacchantā pāpañca karoma, bahuñca apuññaṃ pasavāma. Kena nu kho mayaṃ upāyena pāpā ca virameyyāma kalyāṇañca kareyyāmā’’ti? Atha kho tesaṃ yodhānaṃ etadahosi – ‘‘ime kho samaṇā sakyaputtiyā dhammacārino samacārino brahmacārino saccavādino sīlavanto kalyāṇadhammā. Sace kho mayaṃ samaṇesu sakyaputtiyesu pabbajeyyāma, evaṃ mayaṃ pāpā ca virameyyāma kalyāṇañca kareyyāmā’’ti. Atha kho te yodhā bhikkhū upasaṅkamitvā pabbajjaṃ yāciṃsu. Te bhikkhū pabbājesuṃ, upasampādesuṃ. Senānāyakā mahāmattā rājabhaṭe pucchiṃsu – ‘‘kiṃ nu kho, bhaṇe, itthannāmo ca itthannāmo ca yodhā na dissantī’’ti? ‘‘Itthannāmo ca itthannāmo ca, sāmi, yodhā bhikkhūsu pabbajitā’’ti. Senānāyakā mahāmattā ujjhāyanti khiyyanti vipācenti – ‘‘kathañhi nāma samaṇā sakyaputtiyā rājabhaṭaṃ pabbājessantī’’ti. Senānāyakā mahāmattā rañño māgadhassa seniyassa bimbisārassa etamatthaṃ ārocesuṃ. Atha kho rājā māgadho seniyo bimbisāro vohārike mahāmatte pucchi – ‘‘yo, bhaṇe, rājabhaṭaṃ pabbājeti, kiṃ so pasavatī’’ti? ‘‘Upajjhāyassa, deva, sīsaṃ chetabbaṃ, anussāvakassa 2 jivhā uddharitabbā, gaṇassa upaḍḍhaphāsukā bhañjitabbā’’ti. Atha kho rājā māgadho seniyo bimbisāro yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho rājā māgadho seniyo bimbisāro bhagavantaṃ etadavoca – ‘‘santi, bhante, rājāno assaddhā appasannā. Te appamattakenapi bhikkhū viheṭheyyuṃ. Sādhu, bhante, ayyā rājabhaṭaṃ na pabbājeyyu’’nti. Atha kho bhagavā rājānaṃ māgadhaṃ seniyaṃ bimbisāraṃ dhammiyā kathāya sandassesi samādapesi samuttejesi sampahaṃsesi. Atha kho rājā māgadho seniyo bimbisāro bhagavatā dhammiyā kathāya sandassito samādapito samuttejito sampahaṃsito uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘na, bhikkhave, rājabhaṭo pabbājetabbo. Yo pabbājeyya, āpatti dukkaṭassā’’ti.
рааж̇абхадавад̇т̇у нидтид̇ам̣.
Rājabhaṭavatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / рааж̇абхадавад̇т̇угат̇аа • Rājabhaṭavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / рааж̇абхадаад̣̇ивад̇т̇угат̇ааван̣н̣анаа • Rājabhaṭādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / рааж̇абхадавад̇т̇угат̇ааван̣н̣анаа • Rājabhaṭavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 27. рааж̇абхадавад̇т̇угат̇аа • 27. Rājabhaṭavatthukathā
