| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. бан̃жаганибаад̇о
5. Pañcakanipāto
1. рааж̇ад̣̇ад̇д̇ад̇т̇зраг̇аат̇ааван̣н̣анаа
1. Rājadattattheragāthāvaṇṇanā
бан̃жаганибаад̇з бхигку сиват̇игам̣ г̇анд̇ваад̇иаад̣̇игаа ааяасмад̇о рааж̇ад̣̇ад̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро, д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о, ид̇о жад̇уд̣̇д̣̇асз габбз б̣уд̣̇д̇хасун̃н̃з логз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о, згад̣̇ивасам̣ гзнажид̣̇зва гаран̣ийязна вананд̇ам̣ убаг̇ад̇о д̇ад̇т̇а ан̃н̃ад̇арам̣ бажжзгаб̣уд̣̇д̇хам̣ ругкамуулз нисиннам̣ д̣̇исваа басаннамаанасо субарисуд̣̇д̇хам̣ амб̣аадагапалам̣ ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з саавад̇т̇ияам̣ сад̇т̇аваахагулз ниб̣б̣ад̇д̇и. д̇асса махаарааж̇ам̣ взссаван̣ам̣ аараад̇хзд̇ваа бадилад̣̇д̇хабхаавад̇о маад̇аабид̇аро рааж̇ад̣̇ад̇д̇од̇и наамам̣ агам̣су. со ваяаббад̇д̇о бан̃жахи сагадасад̇зхи бхан̣д̣ам̣ аад̣̇ааяа ваан̣иж̇ж̇авасзна рааж̇аг̇ахам̣ аг̇амааси. д̇зна жа самаязна рааж̇аг̇ахз ан̃н̃ад̇араа г̇ан̣игаа абхируубаа д̣̇ассанийяаа барамасобхаг̇г̇аяог̇ад̇о д̣̇ивасз д̣̇ивасз сахассам̣ лабхад̇и. ат̇а со сад̇т̇аваахабуд̇д̇о д̣̇ивасз д̣̇ивасз д̇ассаа г̇ан̣игааяа сахассам̣ д̣̇ад̇ваа сам̣ваасам̣ габбзнд̇о нажирассзва саб̣б̣ам̣ д̇ханам̣ кзбзд̇ваа д̣̇уг̇г̇ад̇о худ̇ваа гхаасажчаад̣̇анамад̇д̇амби алабханд̇о ид̇о жид̇о жа бариб̣бхаманд̇о сам̣взг̇аббад̇д̇о ахоси. со згад̣̇ивасам̣ убаасагзхи сад̣̇д̇хим̣ взл̣уванам̣ аг̇амааси.
Pañcakanipāte bhikkhu sivathikaṃ gantvātiādikā āyasmato rājadattattherassa gāthā. Kā uppatti? Ayampi purimabuddhesu katādhikāro, tattha tattha bhave vivaṭṭūpanissayaṃ puññaṃ upacinanto, ito catuddase kappe buddhasuññe loke kulagehe nibbattitvā viññutaṃ patto, ekadivasaṃ kenacideva karaṇīyena vanantaṃ upagato tattha aññataraṃ paccekabuddhaṃ rukkhamūle nisinnaṃ disvā pasannamānaso suparisuddhaṃ ambāṭakaphalaṃ adāsi. So tena puññakammena devamanussesu saṃsaranto imasmiṃ buddhuppāde sāvatthiyaṃ satthavāhakule nibbatti. Tassa mahārājaṃ vessavaṇaṃ ārādhetvā paṭiladdhabhāvato mātāpitaro rājadattoti nāmaṃ akaṃsu. So vayappatto pañcahi sakaṭasatehi bhaṇḍaṃ ādāya vāṇijjavasena rājagahaṃ agamāsi. Tena ca samayena rājagahe aññatarā gaṇikā abhirūpā dassanīyā paramasobhaggayogato divase divase sahassaṃ labhati. Atha so satthavāhaputto divase divase tassā gaṇikāya sahassaṃ datvā saṃvāsaṃ kappento nacirasseva sabbaṃ dhanaṃ khepetvā duggato hutvā ghāsacchādanamattampi alabhanto ito cito ca paribbhamanto saṃvegappatto ahosi. So ekadivasaṃ upāsakehi saddhiṃ veḷuvanaṃ agamāsi.
д̇зна жа самаязна сад̇т̇аа махад̇ияаа барисааяа баривуд̇о д̇хаммам̣ д̣̇зсзнд̇о нисинно ход̇и. со барисабарияанд̇з нисийд̣̇ид̇ваа сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа д̇худ̇ан̇г̇аани самаад̣̇ияид̇ваа сусаанз васад̇и. д̇ад̣̇аа ан̃н̃ад̇ароби сад̇т̇аваахабуд̇д̇о сахассам̣ д̣̇ад̇ваа д̇ааяа г̇ан̣игааяа саха васад̇и. саа жа г̇ан̣игаа д̇асса хад̇т̇з махаг̇гхарад̇анам̣ д̣̇исваа лобхам̣ уббаад̣̇зд̇ваа ан̃н̃зхи д̇худ̇д̇абурисзхи д̇ам̣ маараабзд̇ваа д̇ам̣ рад̇анам̣ г̇ан̣хи. ат̇а д̇асса сад̇т̇аваахабуд̇д̇асса мануссаа д̇ам̣ бавад̇д̇им̣ суд̇ваа ожарагамануссз бзсзсум̣. д̇з рад̇д̇ияам̣ д̇ассаа г̇ан̣игааяа гхарам̣ бависид̇ваа чавиаад̣̇ийни анубахажжзва д̇ам̣ маарзд̇ваа сиват̇игааяа чад̣д̣зсум̣. рааж̇ад̣̇ад̇д̇ад̇т̇зро асубханимид̇д̇ам̣ г̇ахзд̇ум̣ сусаанз вижаранд̇о д̇ассаа г̇ан̣игааяа гал̣зварам̣ бадиггулад̇о манаси гаад̇ум̣ убаг̇ад̇о гад̇ибаяаваарз яонисо манаси гад̇ваа ажирамад̇абхаавад̇о сон̣асин̇г̇аалаад̣̇ийхи анубахад̇ачавид̇ааяа висабхааг̇авад̇т̇уд̇ааяа жа аяонисо манасигаронд̇о, д̇ад̇т̇а гаамарааг̇ам̣ уббаад̣̇зд̇ваа сам̣виг̇г̇ад̇арамаанасо ад̇д̇ано жид̇д̇ам̣ барибхаасид̇ваа мухуд̇д̇ам̣ згаманд̇ам̣ абасаггид̇ваа аад̣̇ид̇о убадтид̇ам̣ асубханимид̇д̇амзва г̇ахзд̇ваа яонисо манасигаронд̇о жхаанам̣ уббаад̣̇зд̇ваа д̇ам̣ жхаанам̣ баад̣̇агам̣ гад̇ваа вибассанам̣ бадтабзд̇ваа д̇аавад̣̇зва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.44.55-59) –
Tena ca samayena satthā mahatiyā parisāya parivuto dhammaṃ desento nisinno hoti. So parisapariyante nisīditvā satthu santike dhammaṃ sutvā paṭiladdhasaddho pabbajitvā dhutaṅgāni samādiyitvā susāne vasati. Tadā aññataropi satthavāhaputto sahassaṃ datvā tāya gaṇikāya saha vasati. Sā ca gaṇikā tassa hatthe mahaggharatanaṃ disvā lobhaṃ uppādetvā aññehi dhuttapurisehi taṃ mārāpetvā taṃ ratanaṃ gaṇhi. Atha tassa satthavāhaputtassa manussā taṃ pavattiṃ sutvā ocarakamanusse pesesuṃ. Te rattiyaṃ tassā gaṇikāya gharaṃ pavisitvā chaviādīni anupahacceva taṃ māretvā sivathikāya chaḍḍesuṃ. Rājadattatthero asubhanimittaṃ gahetuṃ susāne vicaranto tassā gaṇikāya kaḷevaraṃ paṭikkulato manasi kātuṃ upagato katipayavāre yoniso manasi katvā aciramatabhāvato soṇasiṅgālādīhi anupahatachavitāya visabhāgavatthutāya ca ayoniso manasikaronto, tattha kāmarāgaṃ uppādetvā saṃviggataramānaso attano cittaṃ paribhāsitvā muhuttaṃ ekamantaṃ apasakkitvā ādito upaṭṭhitaṃ asubhanimittameva gahetvā yoniso manasikaronto jhānaṃ uppādetvā taṃ jhānaṃ pādakaṃ katvā vipassanaṃ paṭṭhapetvā tāvadeva arahattaṃ pāpuṇi. Tena vuttaṃ apadāne (apa. thera 2.44.55-59) –
‘‘вибинз б̣уд̣̇д̇хам̣ д̣̇исваана, саяамбхум̣ абарааж̇ид̇ам̣;
‘‘Vipine buddhaṃ disvāna, sayambhuṃ aparājitaṃ;
амб̣аадагам̣ г̇ахзд̇ваана, саяамбхусса ад̣̇аасахам̣.
Ambāṭakaṃ gahetvāna, sayambhussa adāsahaṃ.
‘‘згад̇им̣сз ид̇о габбз, яам̣ паламад̣̇ад̣̇им̣ д̇ад̣̇аа;
‘‘Ekatiṃse ito kappe, yaṃ phalamadadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа бийд̇исоманассаж̇аад̇о –
Arahattaṃ pana patvā attano paṭipattiṃ paccavekkhitvā pītisomanassajāto –
315.
315.
‘‘бхигку сиват̇игам̣ г̇анд̇ваа, ад̣̇д̣̇аса ид̇т̇имуж̇жхид̇ам̣;
‘‘Bhikkhu sivathikaṃ gantvā, addasa itthimujjhitaṃ;
абавид̣̇д̇хам̣ сусаанасмим̣, каж̇ж̇анд̇им̣ гимихий пудам̣.
Apaviddhaṃ susānasmiṃ, khajjantiṃ kimihī phuṭaṃ.
316.
316.
‘‘яан̃хи згз ж̇иг̇ужчанд̇и, мад̇ам̣ д̣̇исваана баабагам̣;
‘‘Yañhi eke jigucchanti, mataṃ disvāna pāpakaṃ;
гаамарааг̇о баад̇ураху, анд̇хова савад̇ий ахум̣.
Kāmarāgo pāturahu, andhova savatī ahuṃ.
317.
317.
‘‘орам̣ од̣̇анабаагамхаа, д̇амхаа таанаа абаггамим̣;
‘‘Oraṃ odanapākamhā, tamhā ṭhānā apakkamiṃ;
сад̇имаа самбаж̇аанохам̣, згаманд̇ам̣ убаависим̣.
Satimā sampajānohaṃ, ekamantaṃ upāvisiṃ.
318.
318.
‘‘д̇ад̇о мз манасийгааро, яонисо уд̣̇абаж̇ж̇ат̇а;
‘‘Tato me manasīkāro, yoniso udapajjatha;
аад̣̇ийнаво баад̇ураху, ниб̣б̣ид̣̇аа самад̇идтат̇а.
Ādīnavo pāturahu, nibbidā samatiṭṭhatha.
319.
319.
‘‘д̇ад̇о жид̇д̇ам̣ вимужжи мз, басса д̇хаммасуд̇хаммад̇ам̣;
‘‘Tato cittaṃ vimucci me, passa dhammasudhammataṃ;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и. –
Tisso vijjā anuppattā, kataṃ buddhassa sāsana’’nti. –
имаа бан̃жа г̇аат̇аа абхааси.
Imā pañca gāthā abhāsi.
д̇ад̇т̇а бхигку сиват̇игам̣ г̇анд̇ваад̇и сам̣саарз бхаяасса игканад̇о бхигку, асубхагаммадтаанад̇т̇ам̣ аамагасусаанам̣ убаг̇анд̇ваа. ‘‘бхигкуу’’д̇и жзд̇ам̣ ад̇д̇аанам̣ санд̇хааяа т̇зро саяам̣ вад̣̇ад̇и. ид̇т̇инд̇и т̇ийяад̇и зд̇т̇а суггасон̣ид̇ам̣ сад̇д̇асанд̇аанабхаавзна сам̣хан̃н̃ад̇ийд̇и т̇ий, маад̇уг̇аамо. зван̃жа сабхааванируд̇д̇ивасзна ‘‘ид̇т̇ий’’д̇иби вужжад̇и. ван̃жхаад̣̇ийсу бана д̇ам̣сад̣̇исад̇ааяа д̇ам̣сабхааваанад̇ивад̇д̇анад̇о жа д̇аб̣б̣охааро. ‘‘ид̇т̇ий’’д̇и ид̇т̇игал̣зварам̣ вад̣̇ад̇и. уж̇жхид̇анд̇и барижжад̇д̇ам̣ уж̇жханияад̇д̇аа зва абавид̣̇д̇хам̣ анабзгкабхаавзна кид̇д̇ам̣. каж̇ж̇анд̇им̣ гимихий пуданд̇и гимийхи буурид̇ам̣ худ̇ваа каж̇ж̇амаанам̣.
Tattha bhikkhu sivathikaṃ gantvāti saṃsāre bhayassa ikkhanato bhikkhu, asubhakammaṭṭhānatthaṃ āmakasusānaṃ upagantvā. ‘‘Bhikkhū’’ti cetaṃ attānaṃ sandhāya thero sayaṃ vadati. Itthinti thīyati ettha sukkasoṇitaṃ sattasantānabhāvena saṃhaññatīti thī, mātugāmo. Evañca sabhāvaniruttivasena ‘‘itthī’’tipi vuccati. Vañjhādīsu pana taṃsadisatāya taṃsabhāvānativattanato ca tabbohāro. ‘‘Itthī’’ti itthikaḷevaraṃ vadati. Ujjhitanti pariccattaṃ ujjhaniyattā eva apaviddhaṃ anapekkhabhāvena khittaṃ. Khajjantiṃ kimihī phuṭanti kimīhi pūritaṃ hutvā khajjamānaṃ.
яан̃хи згз ж̇иг̇ужчанд̇и, мад̇ам̣ д̣̇исваана баабаганд̇и яам̣ абаг̇ад̇ааяуусмаавин̃н̃аан̣ад̇ааяа мад̇ам̣ гал̣зварам̣ баабагам̣ нихийнам̣ лаамагам̣ згз жогкаж̇аад̇игаа ж̇иг̇ужчанд̇и, ологзд̇умби на ижчанд̇и. гаамарааг̇о баад̇урахууд̇и д̇асмим̣ гун̣абз аяонисоманасигаарасса б̣алавад̇ааяа гаамарааг̇о маяхам̣ баад̇урахоси уббаж̇ж̇и. анд̇хова савад̇ий ахунд̇и д̇асмим̣ гал̣зварз навахи д̣̇ваарзхи асужим̣ савад̇и санд̣̇анд̇з асужибхаавасса ад̣̇ассанзна анд̇хо вияа ахосим̣. д̇знааха –
Yañhi eke jigucchanti, mataṃ disvāna pāpakanti yaṃ apagatāyuusmāviññāṇatāya mataṃ kaḷevaraṃ pāpakaṃ nihīnaṃ lāmakaṃ eke cokkhajātikā jigucchanti, oloketumpi na icchanti. Kāmarāgo pāturahūti tasmiṃ kuṇape ayonisomanasikārassa balavatāya kāmarāgo mayhaṃ pāturahosi uppajji. Andhova savatī ahunti tasmiṃ kaḷevare navahi dvārehi asuciṃ savati sandante asucibhāvassa adassanena andho viya ahosiṃ. Tenāha –
‘‘рад̇д̇о ад̇т̇ам̣ на ж̇аанаад̇и, рад̇д̇о д̇хаммам̣ на бассад̇и;
‘‘Ratto atthaṃ na jānāti, ratto dhammaṃ na passati;
анд̇хад̇амам̣ д̇ад̣̇аа ход̇и, яам̣ рааг̇о сахад̇з нара’’нд̇и жа.
Andhatamaṃ tadā hoti, yaṃ rāgo sahate nara’’nti ca.
‘‘гаамажчанд̣̇о ко, б̣раахман̣а, анд̇хагаран̣о ажагкугаран̣о’’д̇и жа аад̣̇и. гзжи банзд̇т̇а д̇агаарааг̇амам̣ гад̇ваа ‘‘гилзсабарияудтаанзна авасавад̇д̇и гилзсасса ваа васавад̇д̇ий’’д̇и ад̇т̇ам̣ вад̣̇анд̇и. абарз ‘‘анд̇хова асад̇и аху’’нд̇и баал̣им̣ вад̇ваа ‘‘гаамарааг̇зна анд̇хо зва худ̇ваа сад̇ирахид̇о ахоси’’нд̇и ад̇т̇ам̣ вад̣̇анд̇и. д̇ад̣̇убхаяам̣ бана баал̣ияам̣ над̇т̇и.
‘‘Kāmacchando kho, brāhmaṇa, andhakaraṇo acakkhukaraṇo’’ti ca ādi. Keci panettha takārāgamaṃ katvā ‘‘kilesapariyuṭṭhānena avasavatti kilesassa vā vasavattī’’ti atthaṃ vadanti. Apare ‘‘andhova asati ahu’’nti pāḷiṃ vatvā ‘‘kāmarāgena andho eva hutvā satirahito ahosi’’nti atthaṃ vadanti. Tadubhayaṃ pana pāḷiyaṃ natthi.
орам̣ од̣̇анабаагамхаад̇и од̣̇анабаагад̇о орам̣, яаавад̇аа гаалзна субарид̇ход̇ад̇инд̇ад̇ан̣д̣уланаал̣ияаа од̣̇анам̣ бажад̇и, д̇ад̇о орамзва гаалам̣, д̇ад̇оби лахугаалзна рааг̇ам̣ винод̣̇знд̇о, д̇амхаа таанаа абаггамим̣ яасмим̣ таанз тид̇асса мз рааг̇о уббаж̇ж̇и, д̇амхаа таанаа абаггамим̣ абасаггим̣. абагганд̇ова сад̇имаа самбаж̇аанохам̣ саман̣асан̃н̃ам̣ убадтабзд̇ваа сад̇ибадтаанаманасигааравасзна сад̇имаа, саммад̣̇зва д̇хаммасабхааваж̇аананзна самбаж̇аано жа худ̇ваа згаманд̇ам̣ убаависим̣, баллан̇гам̣ аабхуж̇ид̇ваа нисийд̣̇им̣. нисиннасса жа д̇ад̇о мз манасийгааро, яонисо уд̣̇абаж̇ж̇ат̇аад̇иаад̣̇и саб̣б̣ам̣ хздтаа вуд̇д̇анаяамзваад̇и.
Oraṃ odanapākamhāti odanapākato oraṃ, yāvatā kālena suparidhotatintataṇḍulanāḷiyā odanaṃ pacati, tato orameva kālaṃ, tatopi lahukālena rāgaṃ vinodento, tamhā ṭhānā apakkamiṃ yasmiṃ ṭhāne ṭhitassa me rāgo uppajji, tamhā ṭhānā apakkamiṃ apasakkiṃ. Apakkantova satimā sampajānohaṃ samaṇasaññaṃ upaṭṭhapetvā satipaṭṭhānamanasikāravasena satimā, sammadeva dhammasabhāvajānanena sampajāno ca hutvā ekamantaṃ upāvisiṃ, pallaṅkaṃ ābhujitvā nisīdiṃ. Nisinnassa ca tato me manasīkāro, yoniso udapajjathātiādi sabbaṃ heṭṭhā vuttanayamevāti.
рааж̇ад̣̇ад̇д̇ад̇т̇зраг̇аат̇ааван̣н̣анаа нидтид̇аа.
Rājadattattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. рааж̇ад̣̇ад̇д̇ад̇т̇зраг̇аат̇аа • 1. Rājadattattheragāthā
