| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
205. рааж̇аг̇ахасздтивад̇т̇у
205. Rājagahaseṭṭhivatthu
332. д̇зна ко бана самаязна рааж̇аг̇ахагасса сздтисса сад̇д̇авассиго сийсааб̣аад̇хо ход̇и. б̣ахуу маханд̇аа маханд̇аа д̣̇исаабаамогкаа взж̇ж̇аа ааг̇анд̇ваа наасагким̣су арог̇ам̣ гаад̇ум̣. б̣ахум̣ хиран̃н̃ам̣ аад̣̇ааяа аг̇амам̣су. аби жа, взж̇ж̇зхи бажжагкаад̇о ход̇и. згажжз взж̇ж̇аа звамаахам̣су – ‘‘бан̃жамам̣ д̣̇ивасам̣ сздти г̇ахабад̇и гаалам̣ гариссад̇ий’’д̇и. згажжз взж̇ж̇аа звамаахам̣су – ‘‘сад̇д̇амам̣ д̣̇ивасам̣ сздти г̇ахабад̇и гаалам̣ гариссад̇ий’’д̇и. ат̇а ко рааж̇аг̇ахагасса нзг̇амасса зд̇ад̣̇ахоси – ‘‘аяам̣ ко сздти г̇ахабад̇и б̣ахуубагааро ран̃н̃о жзва нзг̇амасса жа. аби жа, взж̇ж̇зхи бажжагкаад̇о. згажжз взж̇ж̇аа звамаахам̣су – ‘бан̃жамам̣ д̣̇ивасам̣ сздти г̇ахабад̇и гаалам̣ гариссад̇ий’д̇и. згажжз взж̇ж̇аа звамаахам̣су – ‘сад̇д̇амам̣ д̣̇ивасам̣ сздти г̇ахабад̇и гаалам̣ гариссад̇ий’д̇и. аяан̃жа ран̃н̃о ж̇ийваго взж̇ж̇о д̇арун̣о бхад̣̇раго. яам̣нууна маяам̣ рааж̇аанам̣ ж̇ийвагам̣ взж̇ж̇ам̣ яаажзяяаама сздтим̣ г̇ахабад̇им̣ д̇игижчид̇у’’нд̇и. ат̇а ко рааж̇аг̇ахаго нзг̇амо язна рааж̇аа мааг̇ад̇хо сзнияо б̣имб̣исааро д̇знубасан̇гами; убасан̇гамид̇ваа рааж̇аанам̣ мааг̇ад̇хам̣ сзнияам̣ б̣имб̣исаарам̣ зд̇ад̣̇авожа – ‘‘аяам̣, д̣̇зва, сздти г̇ахабад̇и б̣ахуубагааро д̣̇звасса жзва нзг̇амасса жа; аби жа, взж̇ж̇зхи бажжагкаад̇о. згажжз взж̇ж̇аа звамаахам̣су – бан̃жамам̣ д̣̇ивасам̣ сздти г̇ахабад̇и гаалам̣ гариссад̇ийд̇и. згажжз взж̇ж̇аа звамаахам̣су – сад̇д̇амам̣ д̣̇ивасам̣ сздти г̇ахабад̇и гаалам̣ гариссад̇ийд̇и. саад̇ху д̣̇зво ж̇ийвагам̣ взж̇ж̇ам̣ аан̣аабзд̇у сздтим̣ г̇ахабад̇им̣ д̇игижчид̇у’’нд̇и .
332. Tena kho pana samayena rājagahakassa seṭṭhissa sattavassiko sīsābādho hoti. Bahū mahantā mahantā disāpāmokkhā vejjā āgantvā nāsakkhiṃsu arogaṃ kātuṃ. Bahuṃ hiraññaṃ ādāya agamaṃsu. Api ca, vejjehi paccakkhāto hoti. Ekacce vejjā evamāhaṃsu – ‘‘pañcamaṃ divasaṃ seṭṭhi gahapati kālaṃ karissatī’’ti. Ekacce vejjā evamāhaṃsu – ‘‘sattamaṃ divasaṃ seṭṭhi gahapati kālaṃ karissatī’’ti. Atha kho rājagahakassa negamassa etadahosi – ‘‘ayaṃ kho seṭṭhi gahapati bahūpakāro rañño ceva negamassa ca. Api ca, vejjehi paccakkhāto. Ekacce vejjā evamāhaṃsu – ‘pañcamaṃ divasaṃ seṭṭhi gahapati kālaṃ karissatī’ti. Ekacce vejjā evamāhaṃsu – ‘sattamaṃ divasaṃ seṭṭhi gahapati kālaṃ karissatī’ti. Ayañca rañño jīvako vejjo taruṇo bhadrako. Yaṃnūna mayaṃ rājānaṃ jīvakaṃ vejjaṃ yāceyyāma seṭṭhiṃ gahapatiṃ tikicchitu’’nti. Atha kho rājagahako negamo yena rājā māgadho seniyo bimbisāro tenupasaṅkami; upasaṅkamitvā rājānaṃ māgadhaṃ seniyaṃ bimbisāraṃ etadavoca – ‘‘ayaṃ, deva, seṭṭhi gahapati bahūpakāro devassa ceva negamassa ca; api ca, vejjehi paccakkhāto. Ekacce vejjā evamāhaṃsu – pañcamaṃ divasaṃ seṭṭhi gahapati kālaṃ karissatīti. Ekacce vejjā evamāhaṃsu – sattamaṃ divasaṃ seṭṭhi gahapati kālaṃ karissatīti. Sādhu devo jīvakaṃ vejjaṃ āṇāpetu seṭṭhiṃ gahapatiṃ tikicchitu’’nti .
ат̇а ко рааж̇аа мааг̇ад̇хо сзнияо б̣имб̣исааро ж̇ийвагам̣ гомаарабхажжам̣ аан̣аабзси – ‘‘г̇ажча, бхан̣з ж̇ийвага, сздтим̣ г̇ахабад̇им̣ д̇игижчаахий’’д̇и. ‘‘звам̣, д̣̇зваа’’д̇и ко ж̇ийваго гомаарабхажжо ран̃н̃о мааг̇ад̇хасса сзнияасса б̣имб̣исаарасса бадиссуд̇ваа язна сздти г̇ахабад̇и д̇знубасан̇гами; убасан̇гамид̇ваа сздтисса г̇ахабад̇исса вигаарам̣ саллагкзд̇ваа сздтим̣ г̇ахабад̇им̣ зд̇ад̣̇авожа – ‘‘сажз д̇вам̣, г̇ахабад̇и, арог̇о бхавзяяааси 1 гим̣ мз асса д̣̇зяяад̇хаммо’’д̇и? ‘‘саб̣б̣ам̣ саабад̇зяяан̃жа д̇з, аажарияа, ход̇у, ахан̃жа д̇з д̣̇аасо’’д̇и. ‘‘сагкиссаси бана д̇вам̣, г̇ахабад̇и, згзна бассзна сад̇д̇амаасз нибаж̇ж̇ид̇у’’нд̇и? ‘‘саггомахам̣, аажарияа, згзна бассзна сад̇д̇амаасз нибаж̇ж̇ид̇у’’нд̇и. ‘‘сагкиссаси бана д̇вам̣, г̇ахабад̇и, д̣̇уд̇иязна бассзна сад̇д̇амаасз нибаж̇ж̇ид̇у’’нд̇и? ‘‘саггомахам̣, аажарияа, д̣̇уд̇иязна бассзна сад̇д̇амаасз нибаж̇ж̇ид̇у’’нд̇и . ‘‘сагкиссаси бана д̇вам̣, г̇ахабад̇и, уд̇д̇аано сад̇д̇амаасз нибаж̇ж̇ид̇у’’нд̇и? ‘‘саггомахам̣, аажарияа, уд̇д̇аано сад̇д̇амаасз нибаж̇ж̇ид̇у’’нд̇и.
Atha kho rājā māgadho seniyo bimbisāro jīvakaṃ komārabhaccaṃ āṇāpesi – ‘‘gaccha, bhaṇe jīvaka, seṭṭhiṃ gahapatiṃ tikicchāhī’’ti. ‘‘Evaṃ, devā’’ti kho jīvako komārabhacco rañño māgadhassa seniyassa bimbisārassa paṭissutvā yena seṭṭhi gahapati tenupasaṅkami; upasaṅkamitvā seṭṭhissa gahapatissa vikāraṃ sallakkhetvā seṭṭhiṃ gahapatiṃ etadavoca – ‘‘sace tvaṃ, gahapati, arogo bhaveyyāsi 2 kiṃ me assa deyyadhammo’’ti? ‘‘Sabbaṃ sāpateyyañca te, ācariya, hotu, ahañca te dāso’’ti. ‘‘Sakkhissasi pana tvaṃ, gahapati, ekena passena sattamāse nipajjitu’’nti? ‘‘Sakkomahaṃ, ācariya, ekena passena sattamāse nipajjitu’’nti. ‘‘Sakkhissasi pana tvaṃ, gahapati, dutiyena passena sattamāse nipajjitu’’nti? ‘‘Sakkomahaṃ, ācariya, dutiyena passena sattamāse nipajjitu’’nti . ‘‘Sakkhissasi pana tvaṃ, gahapati, uttāno sattamāse nipajjitu’’nti? ‘‘Sakkomahaṃ, ācariya, uttāno sattamāse nipajjitu’’nti.
ат̇а ко ж̇ийваго гомаарабхажжо сздтим̣ г̇ахабад̇им̣ ман̃жагз нибаад̇зд̇ваа 3 ман̃жагз 4 самб̣анд̇хид̇ваа сийсажчавим̣ уббаадзд̇ваа 5 сиб̣б̣иним̣ винаамзд̇ваа д̣̇вз баан̣агз нийхарид̇ваа махааж̇анасса д̣̇ассзси – ‘‘бассат̇аяяз 6, имз д̣̇вз баан̣агз, згам̣ куд̣̇д̣̇агам̣ згам̣ махаллагам̣. яз д̇з аажарияаа звамаахам̣су – бан̃жамам̣ д̣̇ивасам̣ сздти г̇ахабад̇и гаалам̣ гариссад̇ийд̇и – д̇зхааяам̣ махаллаго баан̣аго д̣̇идто. бан̃жамам̣ д̣̇ивасам̣ сздтисса г̇ахабад̇исса мад̇т̇алун̇г̇ам̣ барияаад̣̇ияиссад̇и. мад̇т̇алун̇г̇асса барияаад̣̇аанаа сздти г̇ахабад̇и гаалам̣ гариссад̇и. суд̣̇идто д̇зхи аажариязхи. яз д̇з аажарияаа звамаахам̣су – сад̇д̇амам̣ д̣̇ивасам̣ сздти г̇ахабад̇и гаалам̣ гариссад̇ийд̇и – д̇зхааяам̣ куд̣̇д̣̇аго баан̣аго д̣̇идто. сад̇д̇амам̣ д̣̇ивасам̣ сздтисса г̇ахабад̇исса мад̇т̇алун̇г̇ам̣ барияаад̣̇ияиссад̇и. мад̇т̇алун̇г̇асса барияаад̣̇аанаа сздти г̇ахабад̇и гаалам̣ гариссад̇и. суд̣̇идто д̇зхи аажариязхий’’д̇и. сиб̣б̣иним̣ самбадибаадзд̇ваа сийсажчавим̣ сиб̣б̣ид̇ваа аалзбам̣ ад̣̇ааси. ат̇а ко сздти г̇ахабад̇и сад̇д̇аахасса ажжаязна ж̇ийвагам̣ гомаарабхажжам̣ зд̇ад̣̇авожа – ‘‘наахам̣, аажарияа, саггоми згзна бассзна сад̇д̇амаасз нибаж̇ж̇ид̇у’’нд̇и. ‘‘нану мз д̇вам̣, г̇ахабад̇и, бадиссун̣и – саггомахам̣, аажарияа, згзна бассзна сад̇д̇амаасз нибаж̇ж̇ид̇у’’нд̇и? ‘‘сажжаахам̣, аажарияа, бадиссун̣им̣, абаахам̣ мариссаами, наахам̣ саггоми згзна бассзна сад̇д̇амаасз нибаж̇ж̇ид̇у’’нд̇и. ‘‘д̇зна хи д̇вам̣, г̇ахабад̇и, д̣̇уд̇иязна бассзна сад̇д̇амаасз нибаж̇ж̇аахий’’д̇и. ат̇а ко сздти г̇ахабад̇и сад̇д̇аахасса ажжаязна ж̇ийвагам̣ гомаарабхажжам̣ зд̇ад̣̇авожа – ‘‘наахам̣, аажарияа, саггоми д̣̇уд̇иязна бассзна сад̇д̇амаасз нибаж̇ж̇ид̇у’’нд̇и. ‘‘нану мз д̇вам̣, г̇ахабад̇и, бадиссун̣и – саггомахам̣, аажарияа, д̣̇уд̇иязна бассзна сад̇д̇амаасз нибаж̇ж̇ид̇у’’нд̇и? ‘‘сажжаахам̣, аажарияа, бадиссун̣им̣, абаахам̣ мариссаами, наахам̣, аажарияа, саггоми д̣̇уд̇иязна бассзна сад̇д̇амаасз нибаж̇ж̇ид̇у’’нд̇и. ‘‘д̇зна хи д̇вам̣, г̇ахабад̇и, уд̇д̇аано сад̇д̇амаасз нибаж̇ж̇аахий’’д̇и. ат̇а ко сздти г̇ахабад̇и сад̇д̇аахасса ажжаязна ж̇ийвагам̣ гомаарабхажжам̣ зд̇ад̣̇авожа – ‘‘наахам̣, аажарияа, саггоми уд̇д̇аано сад̇д̇амаасз нибаж̇ж̇ид̇у’’нд̇и. ‘‘нану мз д̇вам̣, г̇ахабад̇и, бадиссун̣и – саггомахам̣, аажарияа, уд̇д̇аано сад̇д̇амаасз нибаж̇ж̇ид̇у’’нд̇и? ‘‘сажжаахам̣, аажарияа, бадиссун̣им̣, абаахам̣ мариссаами, наахам̣ саггоми уд̇д̇аано сад̇д̇амаасз нибаж̇ж̇ид̇у’’нд̇и. ‘‘ахам̣ жз д̇ам̣, г̇ахабад̇и, на вад̣̇зяяам̣, зд̇д̇агамби д̇вам̣ на нибаж̇ж̇зяяааси, аби жа бадигажжзва маяаа н̃аад̇о – д̇ийхи сад̇д̇аахзхи сздти г̇ахабад̇и арог̇о бхависсад̇ийд̇и. удтзхи , г̇ахабад̇и, арог̇оси. ж̇аанааси гим̣ мз д̣̇зяяад̇хаммо’’д̇и? ‘‘саб̣б̣ам̣ саабад̇зяяан̃жа д̇з, аажарияа, ход̇у, ахан̃жа д̇з д̣̇аасо’’д̇и. ‘‘алам̣, г̇ахабад̇и, маа мз д̇вам̣ саб̣б̣ам̣ саабад̇зяяам̣ ад̣̇ааси, маа жа мз д̣̇аасо. ран̃н̃о сад̇асахассам̣ д̣̇зхи, маяхам̣ сад̇асахасса’’нд̇и. ат̇а ко сздти г̇ахабад̇и арог̇о самаано ран̃н̃о сад̇асахассам̣ ад̣̇ааси, ж̇ийвагасса гомаарабхажжасса сад̇асахассам̣.
Atha kho jīvako komārabhacco seṭṭhiṃ gahapatiṃ mañcake nipātetvā 7 mañcake 8 sambandhitvā sīsacchaviṃ uppāṭetvā 9 sibbiniṃ vināmetvā dve pāṇake nīharitvā mahājanassa dassesi – ‘‘passathayye 10, ime dve pāṇake, ekaṃ khuddakaṃ ekaṃ mahallakaṃ. Ye te ācariyā evamāhaṃsu – pañcamaṃ divasaṃ seṭṭhi gahapati kālaṃ karissatīti – tehāyaṃ mahallako pāṇako diṭṭho. Pañcamaṃ divasaṃ seṭṭhissa gahapatissa matthaluṅgaṃ pariyādiyissati. Matthaluṅgassa pariyādānā seṭṭhi gahapati kālaṃ karissati. Sudiṭṭho tehi ācariyehi. Ye te ācariyā evamāhaṃsu – sattamaṃ divasaṃ seṭṭhi gahapati kālaṃ karissatīti – tehāyaṃ khuddako pāṇako diṭṭho. Sattamaṃ divasaṃ seṭṭhissa gahapatissa matthaluṅgaṃ pariyādiyissati. Matthaluṅgassa pariyādānā seṭṭhi gahapati kālaṃ karissati. Sudiṭṭho tehi ācariyehī’’ti. Sibbiniṃ sampaṭipāṭetvā sīsacchaviṃ sibbitvā ālepaṃ adāsi. Atha kho seṭṭhi gahapati sattāhassa accayena jīvakaṃ komārabhaccaṃ etadavoca – ‘‘nāhaṃ, ācariya, sakkomi ekena passena sattamāse nipajjitu’’nti. ‘‘Nanu me tvaṃ, gahapati, paṭissuṇi – sakkomahaṃ, ācariya, ekena passena sattamāse nipajjitu’’nti? ‘‘Saccāhaṃ, ācariya, paṭissuṇiṃ, apāhaṃ marissāmi, nāhaṃ sakkomi ekena passena sattamāse nipajjitu’’nti. ‘‘Tena hi tvaṃ, gahapati, dutiyena passena sattamāse nipajjāhī’’ti. Atha kho seṭṭhi gahapati sattāhassa accayena jīvakaṃ komārabhaccaṃ etadavoca – ‘‘nāhaṃ, ācariya, sakkomi dutiyena passena sattamāse nipajjitu’’nti. ‘‘Nanu me tvaṃ, gahapati, paṭissuṇi – sakkomahaṃ, ācariya, dutiyena passena sattamāse nipajjitu’’nti? ‘‘Saccāhaṃ, ācariya, paṭissuṇiṃ, apāhaṃ marissāmi, nāhaṃ, ācariya, sakkomi dutiyena passena sattamāse nipajjitu’’nti. ‘‘Tena hi tvaṃ, gahapati, uttāno sattamāse nipajjāhī’’ti. Atha kho seṭṭhi gahapati sattāhassa accayena jīvakaṃ komārabhaccaṃ etadavoca – ‘‘nāhaṃ, ācariya, sakkomi uttāno sattamāse nipajjitu’’nti. ‘‘Nanu me tvaṃ, gahapati, paṭissuṇi – sakkomahaṃ, ācariya, uttāno sattamāse nipajjitu’’nti? ‘‘Saccāhaṃ, ācariya, paṭissuṇiṃ, apāhaṃ marissāmi, nāhaṃ sakkomi uttāno sattamāse nipajjitu’’nti. ‘‘Ahaṃ ce taṃ, gahapati, na vadeyyaṃ, ettakampi tvaṃ na nipajjeyyāsi, api ca paṭikacceva mayā ñāto – tīhi sattāhehi seṭṭhi gahapati arogo bhavissatīti. Uṭṭhehi , gahapati, arogosi. Jānāsi kiṃ me deyyadhammo’’ti? ‘‘Sabbaṃ sāpateyyañca te, ācariya, hotu, ahañca te dāso’’ti. ‘‘Alaṃ, gahapati, mā me tvaṃ sabbaṃ sāpateyyaṃ adāsi, mā ca me dāso. Rañño satasahassaṃ dehi, mayhaṃ satasahassa’’nti. Atha kho seṭṭhi gahapati arogo samāno rañño satasahassaṃ adāsi, jīvakassa komārabhaccassa satasahassaṃ.
рааж̇аг̇ахасздтивад̇т̇у нидтид̇ам̣.
Rājagahaseṭṭhivatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / рааж̇аг̇ахасздтивад̇т̇угат̇аа • Rājagahaseṭṭhivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 205. рааж̇аг̇ахасздтивад̇т̇угат̇аа • 205. Rājagahaseṭṭhivatthukathā
