| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
২০৫. রাজগহসেট্ঠিৰত্থুকথা
205. Rājagahaseṭṭhivatthukathā
৩৩২. ইরিযাপথসম্পরিৰত্তনেনাতি ইরিযাপথস্স পুনপ্পুনং পরিৰত্তনেন। তীহি সত্তাহেহি নিচ্চলস্স নিপন্নস্স অস্স সেট্ঠিস্স মত্থলুঙ্গন্তি যোজনা। অপ্পেৰ নিপজ্জেয্যাতি যোজনা। নন্তি সেট্ঠিং। তেনেৰাতি তেনেৰ কারণেন। সীসং ছাদেতীতি সীসচ্ছৰীতি ৰুত্তে সীসপটিচ্ছাদনচম্মন্তি আহ ‘‘সীসচম্ম’’ন্তি। তস্সাতি সেট্ঠিস্স। তীহি সত্তাহেনাতি এত্থ পুব্বপদেন পচ্ছিমপদং গুণিত্ৰা গহেতব্বন্তি আহ ‘‘তীহি পস্সেহি একেনেকেন সত্তাহেনা’’তি।
332.Iriyāpathasamparivattanenāti iriyāpathassa punappunaṃ parivattanena. Tīhi sattāhehi niccalassa nipannassa assa seṭṭhissa matthaluṅganti yojanā. Appeva nipajjeyyāti yojanā. Nanti seṭṭhiṃ. Tenevāti teneva kāraṇena. Sīsaṃ chādetīti sīsacchavīti vutte sīsapaṭicchādanacammanti āha ‘‘sīsacamma’’nti. Tassāti seṭṭhissa. Tīhi sattāhenāti ettha pubbapadena pacchimapadaṃ guṇitvā gahetabbanti āha ‘‘tīhi passehi ekenekena sattāhenā’’ti.
৩৩৩. জনং নীহরাপেত্ৰাতি জনং অপক্কমাপেত্ৰা।
333.Janaṃ nīharāpetvāti janaṃ apakkamāpetvā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
২০৫. রাজগহসেট্ঠিৰত্থু • 205. Rājagahaseṭṭhivatthu
২০৬. সেট্ঠিপুত্তৰত্থু • 206. Seṭṭhiputtavatthu
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / রাজগহসেট্ঠিৰত্থুকথা • Rājagahaseṭṭhivatthukathā
