| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৫. চিত্তাগারৰগ্গো
5. Cittāgāravaggo
১. রাজাগারসিক্খাপদৰণ্ণনা
1. Rājāgārasikkhāpadavaṇṇanā
কীল়নচিত্তসালন্তি ন রঞ্ঞোৰ কীল়নচিত্তসালং, অথ খো যেসং কেসঞ্চি মনুস্সানং কীল়নত্থং যত্থ কত্থচি কতসালং। এস নযো ‘‘কীল়নউপৰন’’ন্তিআদীসুপি। যথাহ ‘‘রাজাগারং নাম যত্থ কত্থচি রঞ্ঞো কীল়িতুং রমিতুং কতং হোতী’’তিআদিকো (পাচি॰ ৯৭৯) ৰিত্থারো। তত্থ কীল়নউপৰনন্তি কীল়নত্থং অন্তোনগরে কতং আরামং। কীল়নুয্যানন্তি তথেৰ বহিনগরে কতং উয্যানং।
Kīḷanacittasālanti na raññova kīḷanacittasālaṃ, atha kho yesaṃ kesañci manussānaṃ kīḷanatthaṃ yattha katthaci katasālaṃ. Esa nayo ‘‘kīḷanaupavana’’ntiādīsupi. Yathāha ‘‘rājāgāraṃ nāma yattha katthaci rañño kīḷituṃ ramituṃ kataṃ hotī’’tiādiko (pāci. 979) vitthāro. Tattha kīḷanaupavananti kīḷanatthaṃ antonagare kataṃ ārāmaṃ. Kīḷanuyyānanti tatheva bahinagare kataṃ uyyānaṃ.
রাজাগারসিক্খাপদৰণ্ণনা নিট্ঠিতা।
Rājāgārasikkhāpadavaṇṇanā niṭṭhitā.
