| Library / Tipiṭaka / తిపిటక • Tipiṭaka / కఙ్ఖావితరణీ-అభినవ-టీకా • Kaṅkhāvitaraṇī-abhinava-ṭīkā |
౫. చిత్తాగారవగ్గో
5. Cittāgāravaggo
౧. రాజాగారసిక్ఖాపదవణ్ణనా
1. Rājāgārasikkhāpadavaṇṇanā
కీళనచిత్తసాలన్తి న రఞ్ఞోవ కీళనచిత్తసాలం, అథ ఖో యేసం కేసఞ్చి మనుస్సానం కీళనత్థం యత్థ కత్థచి కతసాలం. ఏస నయో ‘‘కీళనఉపవన’’న్తిఆదీసుపి. యథాహ ‘‘రాజాగారం నామ యత్థ కత్థచి రఞ్ఞో కీళితుం రమితుం కతం హోతీ’’తిఆదికో (పాచి॰ ౯౭౯) విత్థారో. తత్థ కీళనఉపవనన్తి కీళనత్థం అన్తోనగరే కతం ఆరామం. కీళనుయ్యానన్తి తథేవ బహినగరే కతం ఉయ్యానం.
Kīḷanacittasālanti na raññova kīḷanacittasālaṃ, atha kho yesaṃ kesañci manussānaṃ kīḷanatthaṃ yattha katthaci katasālaṃ. Esa nayo ‘‘kīḷanaupavana’’ntiādīsupi. Yathāha ‘‘rājāgāraṃ nāma yattha katthaci rañño kīḷituṃ ramituṃ kataṃ hotī’’tiādiko (pāci. 979) vitthāro. Tattha kīḷanaupavananti kīḷanatthaṃ antonagare kataṃ ārāmaṃ. Kīḷanuyyānanti tatheva bahinagare kataṃ uyyānaṃ.
రాజాగారసిక్ఖాపదవణ్ణనా నిట్ఠితా.
Rājāgārasikkhāpadavaṇṇanā niṭṭhitā.
