| Library / Tipiṭaka / ติปิฎก • Tipiṭaka / กงฺขาวิตรณี-อภินว-ฎีกา • Kaṅkhāvitaraṇī-abhinava-ṭīkā |
๕. จิตฺตาคารวโคฺค
5. Cittāgāravaggo
๑. ราชาคารสิกฺขาปทวณฺณนา
1. Rājāgārasikkhāpadavaṇṇanā
กีฬนจิตฺตสาลนฺติ น รโญฺญว กีฬนจิตฺตสาลํ, อถ โข เยสํ เกสญฺจิ มนุสฺสานํ กีฬนตฺถํ ยตฺถ กตฺถจิ กตสาลํฯ เอส นโย ‘‘กีฬนอุปวน’’นฺติอาทีสุปิฯ ยถาห ‘‘ราชาคารํ นาม ยตฺถ กตฺถจิ รโญฺญ กีฬิตุํ รมิตุํ กตํ โหตี’’ติอาทิโก (ปาจิ. ๙๗๙) วิตฺถาโรฯ ตตฺถ กีฬนอุปวนนฺติ กีฬนตฺถํ อโนฺตนคเร กตํ อารามํฯ กีฬนุยฺยานนฺติ ตเถว พหินคเร กตํ อุยฺยานํฯ
Kīḷanacittasālanti na raññova kīḷanacittasālaṃ, atha kho yesaṃ kesañci manussānaṃ kīḷanatthaṃ yattha katthaci katasālaṃ. Esa nayo ‘‘kīḷanaupavana’’ntiādīsupi. Yathāha ‘‘rājāgāraṃ nāma yattha katthaci rañño kīḷituṃ ramituṃ kataṃ hotī’’tiādiko (pāci. 979) vitthāro. Tattha kīḷanaupavananti kīḷanatthaṃ antonagare kataṃ ārāmaṃ. Kīḷanuyyānanti tatheva bahinagare kataṃ uyyānaṃ.
ราชาคารสิกฺขาปทวณฺณนา นิฎฺฐิตาฯ
Rājāgārasikkhāpadavaṇṇanā niṭṭhitā.
