| Library / Tipiṭaka / តិបិដក • Tipiṭaka / កង្ខាវិតរណី-អភិនវ-ដីកា • Kaṅkhāvitaraṇī-abhinava-ṭīkā |
៥. ចិត្តាគារវគ្គោ
5. Cittāgāravaggo
១. រាជាគារសិក្ខាបទវណ្ណនា
1. Rājāgārasikkhāpadavaṇṇanā
កីឡនចិត្តសាលន្តិ ន រញ្ញោវ កីឡនចិត្តសាលំ, អថ ខោ យេសំ កេសញ្ចិ មនុស្សានំ កីឡនត្ថំ យត្ថ កត្ថចិ កតសាលំ។ ឯស នយោ ‘‘កីឡនឧបវន’’ន្តិអាទីសុបិ។ យថាហ ‘‘រាជាគារំ នាម យត្ថ កត្ថចិ រញ្ញោ កីឡិតុំ រមិតុំ កតំ ហោតី’’តិអាទិកោ (បាចិ. ៩៧៩) វិត្ថារោ។ តត្ថ កីឡនឧបវនន្តិ កីឡនត្ថំ អន្តោនគរេ កតំ អារាមំ។ កីឡនុយ្យានន្តិ តថេវ ពហិនគរេ កតំ ឧយ្យានំ។
Kīḷanacittasālanti na raññova kīḷanacittasālaṃ, atha kho yesaṃ kesañci manussānaṃ kīḷanatthaṃ yattha katthaci katasālaṃ. Esa nayo ‘‘kīḷanaupavana’’ntiādīsupi. Yathāha ‘‘rājāgāraṃ nāma yattha katthaci rañño kīḷituṃ ramituṃ kataṃ hotī’’tiādiko (pāci. 979) vitthāro. Tattha kīḷanaupavananti kīḷanatthaṃ antonagare kataṃ ārāmaṃ. Kīḷanuyyānanti tatheva bahinagare kataṃ uyyānaṃ.
រាជាគារសិក្ខាបទវណ្ណនា និដ្ឋិតា។
Rājāgārasikkhāpadavaṇṇanā niṭṭhitā.
