| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၅. စိတ္တာဂာရဝဂ္ဂော
5. Cittāgāravaggo
၁. ရာဇာဂာရသိက္ခာပဒဝဏ္ဏနာ
1. Rājāgārasikkhāpadavaṇṇanā
ကီဠနစိတ္တသာလန္တိ န ရညောဝ ကီဠနစိတ္တသာလံ, အထ ခော ယေသံ ကေသဉ္စိ မနုသ္သာနံ ကီဠနတ္ထံ ယတ္ထ ကတ္ထစိ ကတသာလံ။ ဧသ နယော ‘‘ကီဠနဥပဝန’’န္တိအာဒီသုပိ။ ယထာဟ ‘‘ရာဇာဂာရံ နာမ ယတ္ထ ကတ္ထစိ ရညော ကီဠိတုံ ရမိတုံ ကတံ ဟောတီ’’တိအာဒိကော (ပာစိ. ၉၇၉) ဝိတ္ထာရော။ တတ္ထ ကီဠနဥပဝနန္တိ ကီဠနတ္ထံ အန္တောနဂရေ ကတံ အာရာမံ။ ကီဠနုယ္ယာနန္တိ တထေဝ ဗဟိနဂရေ ကတံ ဥယ္ယာနံ။
Kīḷanacittasālanti na raññova kīḷanacittasālaṃ, atha kho yesaṃ kesañci manussānaṃ kīḷanatthaṃ yattha katthaci katasālaṃ. Esa nayo ‘‘kīḷanaupavana’’ntiādīsupi. Yathāha ‘‘rājāgāraṃ nāma yattha katthaci rañño kīḷituṃ ramituṃ kataṃ hotī’’tiādiko (pāci. 979) vitthāro. Tattha kīḷanaupavananti kīḷanatthaṃ antonagare kataṃ ārāmaṃ. Kīḷanuyyānanti tatheva bahinagare kataṃ uyyānaṃ.
ရာဇာဂာရသိက္ခာပဒဝဏ္ဏနာ နိဋ္ဌိတာ။
Rājāgārasikkhāpadavaṇṇanā niṭṭhitā.
