| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
4. ரஜனநித்³தே³ஸவண்ணனா
4. Rajananiddesavaṇṇanā
58. மூலஞ்ச க²ந்தோ⁴ ச தசோ ச பத்தஞ்ச ப²லஞ்ச புப்ப²ஞ்ச, தேஸங் பபே⁴தோ³தி ச²ட்டீ²தப்புரிஸோ. அத² வா பபே⁴த³-ஸத்³த³ஸ்ஸ கம்மஸாத⁴னத்தே தானியேவ பபே⁴தோ³தி கம்மதா⁴ரயோ, ததோ. ரஜந்தி ஏதேஹீதி ரஜனானி, மூலாதீ³னி. ‘‘அனுஜானாமி, பி⁴க்க²வே, ச² ரஜனானி மூலரஜன’’ந்திஆதி³னா (மஹாவ॰ 344) ப⁴க³வதா அனுஞ்ஞாதத்தா வுத்தங் ‘‘ரஜனா ச²ப்பகாரானி, அனுஞ்ஞாதானி ஸத்து²னா’’தி.
58. Mūlañca khandho ca taco ca pattañca phalañca pupphañca, tesaṃ pabhedoti chaṭṭhītappuriso. Atha vā pabheda-saddassa kammasādhanatte tāniyeva pabhedoti kammadhārayo, tato. Rajanti etehīti rajanāni, mūlādīni. ‘‘Anujānāmi, bhikkhave, cha rajanāni mūlarajana’’ntiādinā (mahāva. 344) bhagavatā anuññātattā vuttaṃ ‘‘rajanā chappakārāni, anuññātāni satthunā’’ti.
59. மூலேதி மூலரஜனே ஹலித்³தி³ங் விவஜ்ஜிய ஸப்³ப³ங் லப்³ப⁴ந்தி ஸம்ப³ந்தோ⁴. ஏவங் ஸப்³ப³த்த². மஞ்ஜெட்டி² ச துங்க³ஹாரகோ சாதி த்³வந்தோ³. அல்லி-ஸத்³தே³ன நீலி-ஸத்³தே³ன ச தேஸங் க³ச்ச²ஜாதீனங் பத்தானி க³ஹிதானி உபசாரேன, ததா² லொத்³த³-ஸத்³தே³ன கண்டு³ல-ஸத்³தே³ன ச தசோ, குஸும்ப⁴-ஸத்³தே³ன கிங் ஸுக-ஸத்³தே³ன ச புப்பா²னி. தேனேவ ச தானி நபுங்ஸகானி. துங்க³ஹாரகோ நாம ஏகோ கண்டகருக்கோ², தஸ்ஸ ஹரிதாலவண்ணங் க²ந்த⁴ரஜனங் ஹோதி. அல்லிபத்தேன ஏகவாரங் கி³ஹிபரிபு⁴த்தங் ரஜிதுங் வட்டதி. ப²லரஜனே ஸப்³ப³ம்பி வட்டதி.
59.Mūleti mūlarajane haliddiṃ vivajjiya sabbaṃ labbhanti sambandho. Evaṃ sabbattha. Mañjeṭṭhi ca tuṅgahārako cāti dvando. Alli-saddena nīli-saddena ca tesaṃ gacchajātīnaṃ pattāni gahitāni upacārena, tathā lodda-saddena kaṇḍula-saddena ca taco, kusumbha-saddena kiṃ suka-saddena ca pupphāni. Teneva ca tāni napuṃsakāni. Tuṅgahārako nāma eko kaṇṭakarukkho, tassa haritālavaṇṇaṃ khandharajanaṃ hoti. Allipattena ekavāraṃ gihiparibhuttaṃ rajituṃ vaṭṭati. Phalarajane sabbampi vaṭṭati.
ரஜனநித்³தே³ஸவண்ணனா நிட்டி²தா.
Rajananiddesavaṇṇanā niṭṭhitā.
