| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੪. ਰਜਨਨਿਦ੍ਦੇਸવਣ੍ਣਨਾ
4. Rajananiddesavaṇṇanā
੫੮. ਮੂਲਞ੍ਚ ਖਨ੍ਧੋ ਚ ਤਚੋ ਚ ਪਤ੍ਤਞ੍ਚ ਫਲਞ੍ਚ ਪੁਪ੍ਫਞ੍ਚ, ਤੇਸਂ ਪਭੇਦੋਤਿ ਛਟ੍ਠੀਤਪ੍ਪੁਰਿਸੋ। ਅਥ વਾ ਪਭੇਦ-ਸਦ੍ਦਸ੍ਸ ਕਮ੍ਮਸਾਧਨਤ੍ਤੇ ਤਾਨਿਯੇવ ਪਭੇਦੋਤਿ ਕਮ੍ਮਧਾਰਯੋ, ਤਤੋ। ਰਜਨ੍ਤਿ ਏਤੇਹੀਤਿ ਰਜਨਾਨਿ, ਮੂਲਾਦੀਨਿ। ‘‘ਅਨੁਜਾਨਾਮਿ, ਭਿਕ੍ਖવੇ, ਛ ਰਜਨਾਨਿ ਮੂਲਰਜਨ’’ਨ੍ਤਿਆਦਿਨਾ (ਮਹਾવ॰ ੩੪੪) ਭਗવਤਾ ਅਨੁਞ੍ਞਾਤਤ੍ਤਾ વੁਤ੍ਤਂ ‘‘ਰਜਨਾ ਛਪ੍ਪਕਾਰਾਨਿ, ਅਨੁਞ੍ਞਾਤਾਨਿ ਸਤ੍ਥੁਨਾ’’ਤਿ।
58. Mūlañca khandho ca taco ca pattañca phalañca pupphañca, tesaṃ pabhedoti chaṭṭhītappuriso. Atha vā pabheda-saddassa kammasādhanatte tāniyeva pabhedoti kammadhārayo, tato. Rajanti etehīti rajanāni, mūlādīni. ‘‘Anujānāmi, bhikkhave, cha rajanāni mūlarajana’’ntiādinā (mahāva. 344) bhagavatā anuññātattā vuttaṃ ‘‘rajanā chappakārāni, anuññātāni satthunā’’ti.
੫੯. ਮੂਲੇਤਿ ਮੂਲਰਜਨੇ ਹਲਿਦ੍ਦਿਂ વਿવਜ੍ਜਿਯ ਸਬ੍ਬਂ ਲਬ੍ਭਨ੍ਤਿ ਸਮ੍ਬਨ੍ਧੋ। ਏવਂ ਸਬ੍ਬਤ੍ਥ। ਮਞ੍ਜੇਟ੍ਠਿ ਚ ਤੁਙ੍ਗਹਾਰਕੋ ਚਾਤਿ ਦ੍વਨ੍ਦੋ। ਅਲ੍ਲਿ-ਸਦ੍ਦੇਨ ਨੀਲਿ-ਸਦ੍ਦੇਨ ਚ ਤੇਸਂ ਗਚ੍ਛਜਾਤੀਨਂ ਪਤ੍ਤਾਨਿ ਗਹਿਤਾਨਿ ਉਪਚਾਰੇਨ, ਤਥਾ ਲੋਦ੍ਦ-ਸਦ੍ਦੇਨ ਕਣ੍ਡੁਲ-ਸਦ੍ਦੇਨ ਚ ਤਚੋ, ਕੁਸੁਮ੍ਭ-ਸਦ੍ਦੇਨ ਕਿਂ ਸੁਕ-ਸਦ੍ਦੇਨ ਚ ਪੁਪ੍ਫਾਨਿ। ਤੇਨੇવ ਚ ਤਾਨਿ ਨਪੁਂਸਕਾਨਿ। ਤੁਙ੍ਗਹਾਰਕੋ ਨਾਮ ਏਕੋ ਕਣ੍ਟਕਰੁਕ੍ਖੋ, ਤਸ੍ਸ ਹਰਿਤਾਲવਣ੍ਣਂ ਖਨ੍ਧਰਜਨਂ ਹੋਤਿ। ਅਲ੍ਲਿਪਤ੍ਤੇਨ ਏਕવਾਰਂ ਗਿਹਿਪਰਿਭੁਤ੍ਤਂ ਰਜਿਤੁਂ વਟ੍ਟਤਿ। ਫਲਰਜਨੇ ਸਬ੍ਬਮ੍ਪਿ વਟ੍ਟਤਿ।
59.Mūleti mūlarajane haliddiṃ vivajjiya sabbaṃ labbhanti sambandho. Evaṃ sabbattha. Mañjeṭṭhi ca tuṅgahārako cāti dvando. Alli-saddena nīli-saddena ca tesaṃ gacchajātīnaṃ pattāni gahitāni upacārena, tathā lodda-saddena kaṇḍula-saddena ca taco, kusumbha-saddena kiṃ suka-saddena ca pupphāni. Teneva ca tāni napuṃsakāni. Tuṅgahārako nāma eko kaṇṭakarukkho, tassa haritālavaṇṇaṃ khandharajanaṃ hoti. Allipattena ekavāraṃ gihiparibhuttaṃ rajituṃ vaṭṭati. Phalarajane sabbampi vaṭṭati.
ਰਜਨਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Rajananiddesavaṇṇanā niṭṭhitā.
