| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៨. រជនីយសណ្ឋិតសុត្តំ
8. Rajanīyasaṇṭhitasuttaṃ
៧០. សាវត្ថិនិទានំ។ អថ ខោ អញ្ញតរោ ភិក្ខុ…បេ.… ឯកមន្តំ និសិន្នោ ខោ សោ ភិក្ខុ ភគវន្តំ ឯតទវោច – ‘‘សាធុ មេ, ភន្តេ, ភគវា សំខិត្តេន ធម្មំ ទេសេតុ, យមហំ ភគវតោ ធម្មំ សុត្វា…បេ.… វិហរេយ្យ’’ន្តិ។ ‘‘យំ ខោ, ភិក្ខុ, រជនីយសណ្ឋិតំ; តត្រ តេ ឆន្ទោ បហាតព្ពោ’’តិ។ ‘‘អញ្ញាតំ, ភគវា; អញ្ញាតំ, សុគតា’’តិ។
70. Sāvatthinidānaṃ. Atha kho aññataro bhikkhu…pe… ekamantaṃ nisinno kho so bhikkhu bhagavantaṃ etadavoca – ‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā…pe… vihareyya’’nti. ‘‘Yaṃ kho, bhikkhu, rajanīyasaṇṭhitaṃ; tatra te chando pahātabbo’’ti. ‘‘Aññātaṃ, bhagavā; aññātaṃ, sugatā’’ti.
‘‘យថា កថំ បន ត្វំ, ភិក្ខុ, មយា សំខិត្តេន ភាសិតស្ស វិត្ថារេន អត្ថំ អាជានាសី’’តិ? ‘‘រូបំ ខោ, ភន្តេ, រជនីយសណ្ឋិតំ; តត្រ មេ ឆន្ទោ បហាតព្ពោ។ វេទនា… សញ្ញា… សង្ខារា… វិញ្ញាណំ រជនីយសណ្ឋិតំ; តត្រ មេ ឆន្ទោ បហាតព្ពោ។ ឥមស្ស ខ្វាហំ, ភន្តេ, ភគវតា សំខិត្តេន ភាសិតស្ស ឯវំ វិត្ថារេន អត្ថំ អាជានាមី’’តិ។
‘‘Yathā kathaṃ pana tvaṃ, bhikkhu, mayā saṃkhittena bhāsitassa vitthārena atthaṃ ājānāsī’’ti? ‘‘Rūpaṃ kho, bhante, rajanīyasaṇṭhitaṃ; tatra me chando pahātabbo. Vedanā… saññā… saṅkhārā… viññāṇaṃ rajanīyasaṇṭhitaṃ; tatra me chando pahātabbo. Imassa khvāhaṃ, bhante, bhagavatā saṃkhittena bhāsitassa evaṃ vitthārena atthaṃ ājānāmī’’ti.
‘‘សាធុ សាធុ ភិក្ខុ! សាធុ ខោ ត្វំ, ភិក្ខុ, មយា សំខិត្តេន ភាសិតស្ស វិត្ថារេន អត្ថំ អាជានាសិ។ រូបំ ខោ, ភិក្ខុ, រជនីយសណ្ឋិតំ; តត្រ តេ ឆន្ទោ បហាតព្ពោ។ វេទនា… សញ្ញា… សង្ខារា… វិញ្ញាណំ រជនីយសណ្ឋិតំ; តត្រ តេ ឆន្ទោ បហាតព្ពោ។ ឥមស្ស ខោ, ភិក្ខុ, មយា សំខិត្តេន ភាសិតស្ស ឯវំ វិត្ថារេន អត្ថោ ទដ្ឋព្ពោ’’តិ…បេ.… អញ្ញតរោ ច បន សោ ភិក្ខុ អរហតំ អហោសីតិ។ អដ្ឋមំ។
‘‘Sādhu sādhu bhikkhu! Sādhu kho tvaṃ, bhikkhu, mayā saṃkhittena bhāsitassa vitthārena atthaṃ ājānāsi. Rūpaṃ kho, bhikkhu, rajanīyasaṇṭhitaṃ; tatra te chando pahātabbo. Vedanā… saññā… saṅkhārā… viññāṇaṃ rajanīyasaṇṭhitaṃ; tatra te chando pahātabbo. Imassa kho, bhikkhu, mayā saṃkhittena bhāsitassa evaṃ vitthārena attho daṭṭhabbo’’ti…pe… aññataro ca pana so bhikkhu arahataṃ ahosīti. Aṭṭhamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៨-១០. រជនីយសណ្ឋិតសុត្តាទិវណ្ណនា • 8-10. Rajanīyasaṇṭhitasuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៨-១០. រជនីយសណ្ឋិតសុត្តាទិវណ្ណនា • 8-10. Rajanīyasaṇṭhitasuttādivaṇṇanā
