| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੫. ਰਾਜਨ੍ਤੇਪੁਰਪ੍ਪવੇਸਨਸੁਤ੍ਤਂ
5. Rājantepurappavesanasuttaṃ
੪੫. 1 ‘‘ਦਸਯਿਮੇ , ਭਿਕ੍ਖવੇ, ਆਦੀਨવਾ ਰਾਜਨ੍ਤੇਪੁਰਪ੍ਪવੇਸਨੇ। ਕਤਮੇ ਦਸ? ਇਧ, ਭਿਕ੍ਖવੇ, ਰਾਜਾ ਮਹੇਸਿਯਾ ਸਦ੍ਧਿਂ ਨਿਸਿਨ੍ਨੋ ਹੋਤਿ। ਤਤ੍ਰ ਭਿਕ੍ਖੁ ਪવਿਸਤਿ। ਮਹੇਸੀ વਾ ਭਿਕ੍ਖੁਂ ਦਿਸ੍વਾ ਸਿਤਂ ਪਾਤੁਕਰੋਤਿ, ਭਿਕ੍ਖੁ વਾ ਮਹੇਸਿਂ ਦਿਸ੍વਾ ਸਿਤਂ ਪਾਤੁਕਰੋਤਿ। ਤਤ੍ਥ ਰਞ੍ਞੋ ਏવਂ ਹੋਤਿ – ‘ਅਦ੍ਧਾ ਇਮੇਸਂ ਕਤਂ વਾ ਕਰਿਸ੍ਸਨ੍ਤਿ વਾ’ਤਿ! ਅਯਂ, ਭਿਕ੍ਖવੇ, ਪਠਮੋ ਆਦੀਨવੋ ਰਾਜਨ੍ਤੇਪੁਰਪ੍ਪવੇਸਨੇ।
45.2 ‘‘Dasayime , bhikkhave, ādīnavā rājantepurappavesane. Katame dasa? Idha, bhikkhave, rājā mahesiyā saddhiṃ nisinno hoti. Tatra bhikkhu pavisati. Mahesī vā bhikkhuṃ disvā sitaṃ pātukaroti, bhikkhu vā mahesiṃ disvā sitaṃ pātukaroti. Tattha rañño evaṃ hoti – ‘addhā imesaṃ kataṃ vā karissanti vā’ti! Ayaṃ, bhikkhave, paṭhamo ādīnavo rājantepurappavesane.
‘‘ਪੁਨ ਚਪਰਂ, ਭਿਕ੍ਖવੇ, ਰਾਜਾ ਬਹੁਕਿਚ੍ਚੋ ਬਹੁਕਰਣੀਯੋ ਅਞ੍ਞਤਰਂ ਇਤ੍ਥਿਂ ਗਨ੍ਤ੍વਾ ਨ ਸਰਤਿ – ‘ਸਾ ਤੇਨ ਗਬ੍ਭਂ ਗਣ੍ਹਾਤਿ’। ਤਤ੍ਥ ਰਞ੍ਞੋ ਏવਂ ਹੋਤਿ – ‘ਨ ਖੋ ਇਧ ਅਞ੍ਞੋ ਕੋਚਿ ਪવਿਸਤਿ, ਅਞ੍ਞਤ੍ਰ ਪਬ੍ਬਜਿਤੇਨ। ਸਿਯਾ ਨੁ ਖੋ ਪਬ੍ਬਜਿਤਸ੍ਸ ਕਮ੍ਮ’ਨ੍ਤਿ। ਅਯਂ, ਭਿਕ੍ਖવੇ, ਦੁਤਿਯੋ ਆਦੀਨવੋ ਰਾਜਨ੍ਤੇਪੁਰਪ੍ਪવੇਸਨੇ।
‘‘Puna caparaṃ, bhikkhave, rājā bahukicco bahukaraṇīyo aññataraṃ itthiṃ gantvā na sarati – ‘sā tena gabbhaṃ gaṇhāti’. Tattha rañño evaṃ hoti – ‘na kho idha añño koci pavisati, aññatra pabbajitena. Siyā nu kho pabbajitassa kamma’nti. Ayaṃ, bhikkhave, dutiyo ādīnavo rājantepurappavesane.
‘‘ਪੁਨ ਚਪਰਂ, ਭਿਕ੍ਖવੇ, ਰਞ੍ਞੋ ਅਨ੍ਤੇਪੁਰੇ ਅਞ੍ਞਤਰਂ ਰਤਨਂ ਨਸ੍ਸਤਿ। ਤਤ੍ਥ ਰਞ੍ਞੋ ਏવਂ ਹੋਤਿ – ‘ਨ ਖੋ ਇਧ ਅਞ੍ਞੋ ਕੋਚਿ ਪવਿਸਤਿ, ਅਞ੍ਞਤ੍ਰ ਪਬ੍ਬਜਿਤੇਨ। ਸਿਯਾ ਨੁ ਖੋ ਪਬ੍ਬਜਿਤਸ੍ਸ ਕਮ੍ਮ’ਨ੍ਤਿ। ਅਯਂ, ਭਿਕ੍ਖવੇ, ਤਤਿਯੋ ਆਦੀਨવੋ ਰਾਜਨ੍ਤੇਪੁਰਪ੍ਪવੇਸਨੇ।
‘‘Puna caparaṃ, bhikkhave, rañño antepure aññataraṃ ratanaṃ nassati. Tattha rañño evaṃ hoti – ‘na kho idha añño koci pavisati, aññatra pabbajitena. Siyā nu kho pabbajitassa kamma’nti. Ayaṃ, bhikkhave, tatiyo ādīnavo rājantepurappavesane.
‘‘ਪੁਨ ਚਪਰਂ, ਭਿਕ੍ਖવੇ, ਰਞ੍ਞੋ ਅਨ੍ਤੇਪੁਰੇ ਅਬ੍ਭਨ੍ਤਰਾ ਗੁਯ੍ਹਮਨ੍ਤਾ ਬਹਿਦ੍ਧਾ ਸਮ੍ਭੇਦਂ ਗਚ੍ਛਨ੍ਤਿ। ਤਤ੍ਥ ਰਞ੍ਞੋ ਏવਂ ਹੋਤਿ – ‘ਨ ਖੋ ਇਧ ਅਞ੍ਞੋ ਕੋਚਿ ਪવਿਸਤਿ, ਅਞ੍ਞਤ੍ਰ ਪਬ੍ਬਜਿਤੇਨ । ਸਿਯਾ ਨੁ ਖੋ ਪਬ੍ਬਜਿਤਸ੍ਸ ਕਮ੍ਮ’ਨ੍ਤਿ। ਅਯਂ, ਭਿਕ੍ਖવੇ, ਚਤੁਤ੍ਥੋ ਆਦੀਨવੋ ਰਾਜਨ੍ਤੇਪੁਰਪ੍ਪવੇਸਨੇ।
‘‘Puna caparaṃ, bhikkhave, rañño antepure abbhantarā guyhamantā bahiddhā sambhedaṃ gacchanti. Tattha rañño evaṃ hoti – ‘na kho idha añño koci pavisati, aññatra pabbajitena . Siyā nu kho pabbajitassa kamma’nti. Ayaṃ, bhikkhave, catuttho ādīnavo rājantepurappavesane.
‘‘ਪੁਨ ਚਪਰਂ, ਭਿਕ੍ਖવੇ, ਰਞ੍ਞੋ ਅਨ੍ਤੇਪੁਰੇ ਪਿਤਾ વਾ ਪੁਤ੍ਤਂ ਪਤ੍ਥੇਤਿ ਪੁਤ੍ਤੋ વਾ ਪਿਤਰਂ ਪਤ੍ਥੇਤਿ। ਤੇਸਂ ਏવਂ ਹੋਤਿ – ‘ਨ ਖੋ ਇਧ ਅਞ੍ਞੋ ਕੋਚਿ ਪવਿਸਤਿ, ਅਞ੍ਞਤ੍ਰ ਪਬ੍ਬਜਿਤੇਨ। ਸਿਯਾ ਨੁ ਖੋ ਪਬ੍ਬਜਿਤਸ੍ਸ ਕਮ੍ਮ’ਨ੍ਤਿ। ਅਯਂ, ਭਿਕ੍ਖવੇ, ਪਞ੍ਚਮੋ ਆਦੀਨવੋ ਰਾਜਨ੍ਤੇਪੁਰਪ੍ਪવੇਸਨੇ।
‘‘Puna caparaṃ, bhikkhave, rañño antepure pitā vā puttaṃ pattheti putto vā pitaraṃ pattheti. Tesaṃ evaṃ hoti – ‘na kho idha añño koci pavisati, aññatra pabbajitena. Siyā nu kho pabbajitassa kamma’nti. Ayaṃ, bhikkhave, pañcamo ādīnavo rājantepurappavesane.
‘‘ਪੁਨ ਚਪਰਂ, ਭਿਕ੍ਖવੇ, ਰਾਜਾ ਨੀਚਟ੍ਠਾਨਿਯਂ ਉਚ੍ਚੇ ਠਾਨੇ ਠਪੇਤਿ। ਯੇਸਂ ਤਂ ਅਮਨਾਪਂ ਤੇਸਂ ਏવਂ ਹੋਤਿ – ‘ਰਾਜਾ ਖੋ ਪਬ੍ਬਜਿਤੇਨ ਸਂਸਟ੍ਠੋ। ਸਿਯਾ ਨੁ ਖੋ ਪਬ੍ਬਜਿਤਸ੍ਸ ਕਮ੍ਮ’ਨ੍ਤਿ। ਅਯਂ, ਭਿਕ੍ਖવੇ, ਛਟ੍ਠੋ ਆਦੀਨવੋ ਰਾਜਨ੍ਤੇਪੁਰਪ੍ਪવੇਸਨੇ।
‘‘Puna caparaṃ, bhikkhave, rājā nīcaṭṭhāniyaṃ ucce ṭhāne ṭhapeti. Yesaṃ taṃ amanāpaṃ tesaṃ evaṃ hoti – ‘rājā kho pabbajitena saṃsaṭṭho. Siyā nu kho pabbajitassa kamma’nti. Ayaṃ, bhikkhave, chaṭṭho ādīnavo rājantepurappavesane.
‘‘ਪੁਨ ਚਪਰਂ, ਭਿਕ੍ਖવੇ, ਰਾਜਾ ਉਚ੍ਚਟ੍ਠਾਨਿਯਂ ਨੀਚੇ ਠਾਨੇ ਠਪੇਤਿ। ਯੇਸਂ ਤਂ ਅਮਨਾਪਂ ਤੇਸਂ ਏવਂ ਹੋਤਿ – ‘ਰਾਜਾ ਖੋ ਪਬ੍ਬਜਿਤੇਨ ਸਂਸਟ੍ਠੋ। ਸਿਯਾ ਨੁ ਖੋ ਪਬ੍ਬਜਿਤਸ੍ਸ ਕਮ੍ਮ’ਨ੍ਤਿ। ਅਯਂ, ਭਿਕ੍ਖવੇ, ਸਤ੍ਤਮੋ ਆਦੀਨવੋ ਰਾਜਨ੍ਤੇਪੁਰਪ੍ਪવੇਸਨੇ।
‘‘Puna caparaṃ, bhikkhave, rājā uccaṭṭhāniyaṃ nīce ṭhāne ṭhapeti. Yesaṃ taṃ amanāpaṃ tesaṃ evaṃ hoti – ‘rājā kho pabbajitena saṃsaṭṭho. Siyā nu kho pabbajitassa kamma’nti. Ayaṃ, bhikkhave, sattamo ādīnavo rājantepurappavesane.
‘‘ਪੁਨ ਚਪਰਂ, ਭਿਕ੍ਖવੇ, ਰਾਜਾ ਅਕਾਲੇ ਸੇਨਂ ਉਯ੍ਯੋਜੇਤਿ। ਯੇਸਂ ਤਂ ਅਮਨਾਪਂ ਤੇਸਂ ਏવਂ ਹੋਤਿ – ‘ਰਾਜਾ ਖੋ ਪਬ੍ਬਜਿਤੇਨ ਸਂਸਟ੍ਠੋ। ਸਿਯਾ ਨੁ ਖੋ ਪਬ੍ਬਜਿਤਸ੍ਸ ਕਮ੍ਮ’ਨ੍ਤਿ। ਅਯਂ, ਭਿਕ੍ਖવੇ, ਅਟ੍ਠਮੋ ਆਦੀਨવੋ ਰਾਜਨ੍ਤੇਪੁਰਪ੍ਪવੇਸਨੇ।
‘‘Puna caparaṃ, bhikkhave, rājā akāle senaṃ uyyojeti. Yesaṃ taṃ amanāpaṃ tesaṃ evaṃ hoti – ‘rājā kho pabbajitena saṃsaṭṭho. Siyā nu kho pabbajitassa kamma’nti. Ayaṃ, bhikkhave, aṭṭhamo ādīnavo rājantepurappavesane.
‘‘ਪੁਨ ਚਪਰਂ, ਭਿਕ੍ਖવੇ, ਰਾਜਾ ਕਾਲੇ ਸੇਨਂ ਉਯ੍ਯੋਜੇਤ੍વਾ ਅਨ੍ਤਰਾਮਗ੍ਗਤੋ ਨਿવਤ੍ਤਾਪੇਤਿ। ਯੇਸਂ ਤਂ ਅਮਨਾਪਂ ਤੇਸਂ ਏવਂ ਹੋਤਿ – ‘ਰਾਜਾ ਖੋ ਪਬ੍ਬਜਿਤੇਨ ਸਂਸਟ੍ਠੋ। ਸਿਯਾ ਨੁ ਖੋ ਪਬ੍ਬਜਿਤਸ੍ਸ ਕਮ੍ਮ’ਨ੍ਤਿ। ਅਯਂ, ਭਿਕ੍ਖવੇ, ਨવਮੋ ਆਦੀਨવੋ ਰਾਜਨ੍ਤੇਪੁਰਪ੍ਪવੇਸਨੇ।
‘‘Puna caparaṃ, bhikkhave, rājā kāle senaṃ uyyojetvā antarāmaggato nivattāpeti. Yesaṃ taṃ amanāpaṃ tesaṃ evaṃ hoti – ‘rājā kho pabbajitena saṃsaṭṭho. Siyā nu kho pabbajitassa kamma’nti. Ayaṃ, bhikkhave, navamo ādīnavo rājantepurappavesane.
‘‘ਪੁਨ ਚਪਰਂ, ਭਿਕ੍ਖવੇ, ਰਞ੍ਞੋ ਅਨ੍ਤੇਪੁਰਂ ਹਤ੍ਥਿਸਮ੍ਮਦ੍ਦਂ ਅਸ੍ਸਸਮ੍ਮਦ੍ਦਂ ਰਥਸਮ੍ਮਦ੍ਦਂ ਰਜਨੀਯਾਨਿ ਰੂਪਸਦ੍ਦਗਨ੍ਧਰਸਫੋਟ੍ਠਬ੍ਬਾਨਿ, ਯਾਨਿ ਨ ਪਬ੍ਬਜਿਤਸ੍ਸ ਸਾਰੁਪ੍ਪਾਨਿ। ਅਯਂ, ਭਿਕ੍ਖવੇ, ਦਸਮੋ ਆਦੀਨવੋ ਰਾਜਨ੍ਤੇਪੁਰਪ੍ਪવੇਸਨੇ। ਇਮੇ ਖੋ, ਭਿਕ੍ਖવੇ, ਦਸ ਆਦੀਨવਾ ਰਾਜਨ੍ਤੇਪੁਰਪ੍ਪવੇਸਨੇ’’ਤਿ। ਪਞ੍ਚਮਂ।
‘‘Puna caparaṃ, bhikkhave, rañño antepuraṃ hatthisammaddaṃ assasammaddaṃ rathasammaddaṃ rajanīyāni rūpasaddagandharasaphoṭṭhabbāni, yāni na pabbajitassa sāruppāni. Ayaṃ, bhikkhave, dasamo ādīnavo rājantepurappavesane. Ime kho, bhikkhave, dasa ādīnavā rājantepurappavesane’’ti. Pañcamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. ਰਾਜਨ੍ਤੇਪੁਰਪ੍ਪવੇਸਨਸੁਤ੍ਤવਣ੍ਣਨਾ • 5. Rājantepurappavesanasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੮. વਿવਾਦਸੁਤ੍ਤਾਦਿવਣ੍ਣਨਾ • 1-8. Vivādasuttādivaṇṇanā
