| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
10. рааж̇асигкаабад̣̇ам̣
10. Rājasikkhāpadaṃ
537. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмад̇о убананд̣̇асса сагяабуд̇д̇асса убадтааго махаамад̇д̇о ааяасмад̇о убананд̣̇асса сагяабуд̇д̇асса д̣̇ууд̇зна жийваражзд̇аабаннам̣ баахзси – ‘‘иминаа жийваражзд̇аабаннзна жийварам̣ жзд̇аабзд̇ваа аяяам̣ убананд̣̇ам̣ жийварзна ажчаад̣̇зхий’’д̇и. ат̇а ко со д̣̇ууд̇о язнааяасмаа убананд̣̇о сагяабуд̇д̇о д̇знубасан̇гами; убасан̇гамид̇ваа ааяасманд̇ам̣ убананд̣̇ам̣ сагяабуд̇д̇ам̣ зд̇ад̣̇авожа – ‘‘ид̣̇ам̣ ко, бханд̇з, ааяасманд̇ам̣ уд̣̇д̣̇исса жийваражзд̇аабаннам̣ аабхад̇ам̣. бадиг̇г̇ан̣хаад̇у ааяасмаа жийваражзд̇аабанна’’нд̇и. звам̣ вуд̇д̇з ааяасмаа убананд̣̇о сагяабуд̇д̇о д̇ам̣ д̣̇ууд̇ам̣ зд̇ад̣̇авожа – ‘‘на ко маяам̣, аавусо, жийваражзд̇аабаннам̣ бадиг̇г̇ан̣хаама, жийваран̃жа ко маяам̣ бадиг̇г̇ан̣хаама гаалзна габбияа’’нд̇и. звам̣ вуд̇д̇з со д̣̇ууд̇о ааяасманд̇ам̣ убананд̣̇ам̣ сагяабуд̇д̇ам̣ зд̇ад̣̇авожа – ‘‘ад̇т̇и банааяасмад̇о гожи взяяааважжагаро’’д̇и ? д̇зна ко бана самаязна ан̃н̃ад̇аро убаасаго аараамам̣ аг̇амааси гзнажид̣̇зва гаран̣ийязна. ат̇а ко ааяасмаа убананд̣̇о сагяабуд̇д̇о д̇ам̣ д̣̇ууд̇ам̣ зд̇ад̣̇авожа – ‘‘зсо ко, аавусо, убаасаго бхигкуунам̣ взяяааважжагаро’’д̇и. ат̇а ко со д̣̇ууд̇о д̇ам̣ убаасагам̣ сан̃н̃аабзд̇ваа язнааяасмаа убананд̣̇о сагяабуд̇д̇о д̇знубасан̇гами ; убасан̇гамид̇ваа ааяасманд̇ам̣ убананд̣̇ам̣ сагяабуд̇д̇ам̣ зд̇ад̣̇авожа – ‘‘яам̣ ко, бханд̇з, ааяасмаа взяяааважжагарам̣ нид̣̇д̣̇иси сан̃н̃ад̇д̇о со маяаа. убасан̇гамад̇у ааяасмаа гаалзна, жийварзна д̇ам̣ ажчаад̣̇зссад̇ий’’д̇и.
537. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmato upanandassa sakyaputtassa upaṭṭhāko mahāmatto āyasmato upanandassa sakyaputtassa dūtena cīvaracetāpannaṃ pāhesi – ‘‘iminā cīvaracetāpannena cīvaraṃ cetāpetvā ayyaṃ upanandaṃ cīvarena acchādehī’’ti. Atha kho so dūto yenāyasmā upanando sakyaputto tenupasaṅkami; upasaṅkamitvā āyasmantaṃ upanandaṃ sakyaputtaṃ etadavoca – ‘‘idaṃ kho, bhante, āyasmantaṃ uddissa cīvaracetāpannaṃ ābhataṃ. Paṭiggaṇhātu āyasmā cīvaracetāpanna’’nti. Evaṃ vutte āyasmā upanando sakyaputto taṃ dūtaṃ etadavoca – ‘‘na kho mayaṃ, āvuso, cīvaracetāpannaṃ paṭiggaṇhāma, cīvarañca kho mayaṃ paṭiggaṇhāma kālena kappiya’’nti. Evaṃ vutte so dūto āyasmantaṃ upanandaṃ sakyaputtaṃ etadavoca – ‘‘atthi panāyasmato koci veyyāvaccakaro’’ti ? Tena kho pana samayena aññataro upāsako ārāmaṃ agamāsi kenacideva karaṇīyena. Atha kho āyasmā upanando sakyaputto taṃ dūtaṃ etadavoca – ‘‘eso kho, āvuso, upāsako bhikkhūnaṃ veyyāvaccakaro’’ti. Atha kho so dūto taṃ upāsakaṃ saññāpetvā yenāyasmā upanando sakyaputto tenupasaṅkami ; upasaṅkamitvā āyasmantaṃ upanandaṃ sakyaputtaṃ etadavoca – ‘‘yaṃ kho, bhante, āyasmā veyyāvaccakaraṃ niddisi saññatto so mayā. Upasaṅkamatu āyasmā kālena, cīvarena taṃ acchādessatī’’ti.
д̇зна ко бана самаязна со махаамад̇д̇о ааяасмад̇о убананд̣̇асса сагяабуд̇д̇асса санд̇игз д̣̇ууд̇ам̣ баахзси – ‘‘барибхун̃ж̇ад̇у аяяо д̇ам̣ жийварам̣, ижчаама маяам̣ аяязна д̇ам̣ жийварам̣ барибхуд̇д̇а’’нд̇и. ат̇а ко ааяасмаа убананд̣̇о сагяабуд̇д̇о д̇ам̣ убаасагам̣ на гин̃жи аважааси. д̣̇уд̇ияамби ко со махаамад̇д̇о ааяасмад̇о убананд̣̇асса сагяабуд̇д̇асса санд̇игз д̣̇ууд̇ам̣ баахзси – ‘‘барибхун̃ж̇ад̇у аяяо д̇ам̣ жийварам̣, ижчаама маяам̣ аяязна д̇ам̣ жийварам̣ барибхуд̇д̇а’’нд̇и. д̣̇уд̇ияамби ко ааяасмаа убананд̣̇о сагяабуд̇д̇о д̇ам̣ убаасагам̣ на гин̃жи аважааси. д̇ад̇ияамби ко со махаамад̇д̇о ааяасмад̇о убананд̣̇асса сагяабуд̇д̇асса санд̇игз д̣̇ууд̇ам̣ баахзси – ‘‘барибхун̃ж̇ад̇у аяяо д̇ам̣ жийварам̣, ижчаама маяам̣ аяязна д̇ам̣ жийварам̣ барибхуд̇д̇а’’нд̇и.
Tena kho pana samayena so mahāmatto āyasmato upanandassa sakyaputtassa santike dūtaṃ pāhesi – ‘‘paribhuñjatu ayyo taṃ cīvaraṃ, icchāma mayaṃ ayyena taṃ cīvaraṃ paribhutta’’nti. Atha kho āyasmā upanando sakyaputto taṃ upāsakaṃ na kiñci avacāsi. Dutiyampi kho so mahāmatto āyasmato upanandassa sakyaputtassa santike dūtaṃ pāhesi – ‘‘paribhuñjatu ayyo taṃ cīvaraṃ, icchāma mayaṃ ayyena taṃ cīvaraṃ paribhutta’’nti. Dutiyampi kho āyasmā upanando sakyaputto taṃ upāsakaṃ na kiñci avacāsi. Tatiyampi kho so mahāmatto āyasmato upanandassa sakyaputtassa santike dūtaṃ pāhesi – ‘‘paribhuñjatu ayyo taṃ cīvaraṃ, icchāma mayaṃ ayyena taṃ cīvaraṃ paribhutta’’nti.
д̇зна ко бана самаязна нзг̇амасса самаяо ход̇и. нзг̇амзна жа гад̇игаа гад̇аа ход̇и – ‘‘яо бажчаа ааг̇ажчад̇и бан̃н̃аасам̣ б̣ад̣̇д̇хо’’д̇и. ат̇а ко ааяасмаа убананд̣̇о сагяабуд̇д̇о язна со убаасаго д̇знубасан̇гами; убасан̇гамид̇ваа д̇ам̣ убаасагам̣ зд̇ад̣̇авожа – ‘‘ад̇т̇о мз, аавусо, жийварзнаа’’д̇и. ‘‘аж̇ж̇ан̣хо, бханд̇з , ааг̇амзхи, аж̇ж̇а нзг̇амасса самаяо. нзг̇амзна жа гад̇игаа гад̇аа ход̇и – ‘яо бажчаа ааг̇ажчад̇и бан̃н̃аасам̣ б̣ад̣̇д̇хо’’’д̇и. ‘‘аж̇ж̇зва мз, аавусо, жийварам̣ д̣̇зхий’’д̇и оваддигааяа бараамаси. ат̇а ко со убаасаго ааяасмад̇аа убананд̣̇зна сагяабуд̇д̇зна ниббийл̣ияамаано ааяасмад̇о убананд̣̇асса сагяабуд̇д̇асса жийварам̣ жзд̇аабзд̇ваа бажчаа аг̇амааси. мануссаа д̇ам̣ убаасагам̣ зд̇ад̣̇авожум̣ – ‘‘гисса д̇вам̣, аяяо, бажчаа ааг̇ад̇о, бан̃н̃аасам̣ ж̇ийносий’’д̇и.
Tena kho pana samayena negamassa samayo hoti. Negamena ca katikā katā hoti – ‘‘yo pacchā āgacchati paññāsaṃ baddho’’ti. Atha kho āyasmā upanando sakyaputto yena so upāsako tenupasaṅkami; upasaṅkamitvā taṃ upāsakaṃ etadavoca – ‘‘attho me, āvuso, cīvarenā’’ti. ‘‘Ajjaṇho, bhante , āgamehi, ajja negamassa samayo. Negamena ca katikā katā hoti – ‘yo pacchā āgacchati paññāsaṃ baddho’’’ti. ‘‘Ajjeva me, āvuso, cīvaraṃ dehī’’ti ovaṭṭikāya parāmasi. Atha kho so upāsako āyasmatā upanandena sakyaputtena nippīḷiyamāno āyasmato upanandassa sakyaputtassa cīvaraṃ cetāpetvā pacchā agamāsi. Manussā taṃ upāsakaṃ etadavocuṃ – ‘‘kissa tvaṃ, ayyo, pacchā āgato, paññāsaṃ jīnosī’’ti.
ат̇а ко со убаасаго д̇зсам̣ мануссаанам̣ зд̇амад̇т̇ам̣ аарожзси. мануссаа уж̇жхааяанд̇и кияяанд̇и вибаажзнд̇и – ‘‘махижчаа имз саман̣аа сагяабуд̇д̇ияаа асанд̇удтаа . наяимзсам̣ сугарам̣ взяяааважжамби гаад̇ум̣. гат̇ан̃хи наама ааяасмаа убананд̣̇о убаасагзна – ‘аж̇ж̇ан̣хо, бханд̇з, ааг̇амзхий’д̇и вужжамаано нааг̇амзссад̇ий’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа убананд̣̇о сагяабуд̇д̇о убаасагзна – ‘аж̇ж̇ан̣хо, бханд̇з, ааг̇амзхий’д̇и вужжамаано нааг̇амзссад̇ий’’д̇и! ат̇а ко д̇з бхигкуу ааяасманд̇ам̣ убананд̣̇ам̣ сагяабуд̇д̇ам̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, убананд̣̇а, убаасагзна – ‘аж̇ж̇ан̣хо, бханд̇з, ааг̇амзхий’д̇и вужжамаано нааг̇амзсий’’д̇и ? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇вам̣, могхабуриса, убаасагзна – ‘аж̇ж̇ан̣хо, бханд̇з, ааг̇амзхий’д̇и вужжамаано нааг̇амзссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Atha kho so upāsako tesaṃ manussānaṃ etamatthaṃ ārocesi. Manussā ujjhāyanti khiyyanti vipācenti – ‘‘mahicchā ime samaṇā sakyaputtiyā asantuṭṭhā . Nayimesaṃ sukaraṃ veyyāvaccampi kātuṃ. Kathañhi nāma āyasmā upanando upāsakena – ‘ajjaṇho, bhante, āgamehī’ti vuccamāno nāgamessatī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā… te ujjhāyanti khiyyanti vipācenti – ‘‘kathañhi nāma āyasmā upanando sakyaputto upāsakena – ‘ajjaṇho, bhante, āgamehī’ti vuccamāno nāgamessatī’’ti! Atha kho te bhikkhū āyasmantaṃ upanandaṃ sakyaputtaṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, upananda, upāsakena – ‘ajjaṇho, bhante, āgamehī’ti vuccamāno nāgamesī’’ti ? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tvaṃ, moghapurisa, upāsakena – ‘ajjaṇho, bhante, āgamehī’ti vuccamāno nāgamessasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
538. ‘‘бхигкум̣ банзва уд̣̇д̣̇исса рааж̇аа ваа рааж̇абхог̇г̇о ваа б̣раахман̣о ваа г̇ахабад̇иго ваа д̣̇ууд̇зна жийваражзд̇аабаннам̣ бахин̣зяяа – ‘иминаа жийваражзд̇аабаннзна жийварам̣ жзд̇аабзд̇ваа ид̇т̇аннаамам̣ бхигкум̣ жийварзна ажчаад̣̇зхий’д̇и. со жз д̣̇ууд̇о д̇ам̣ бхигкум̣ убасан̇гамид̇ваа звам̣ вад̣̇зяяа – ‘ид̣̇ам̣ ко, бханд̇з, ааяасманд̇ам̣ уд̣̇д̣̇исса жийваражзд̇аабаннам̣ аабхад̇ам̣, бадиг̇г̇ан̣хаад̇у ааяасмаа жийваражзд̇аабанна’нд̇и, д̇зна бхигкунаа со д̣̇ууд̇о звамасса важанийяо – ‘на ко маяам̣, аавусо, жийваражзд̇аабаннам̣ бадиг̇г̇ан̣хаама. жийваран̃жа ко маяам̣ бадиг̇г̇ан̣хаама, гаалзна габбияа’нд̇и. со жз д̣̇ууд̇о д̇ам̣ бхигкум̣ звам̣ вад̣̇зяяа – ‘ад̇т̇и банааяасмад̇о гожи взяяааважжагаро’д̇и, жийварад̇т̇игзна, бхигкавз, бхигкунаа взяяааважжагаро нид̣̇д̣̇исид̇аб̣б̣о аараамиго ваа убаасаго ваа – ‘зсо ко, аавусо, бхигкуунам̣ взяяааважжагаро’д̇и. со жз д̣̇ууд̇о д̇ам̣ взяяааважжагарам̣ сан̃н̃аабзд̇ваа д̇ам̣ бхигкум̣ убасан̇гамид̇ваа звам̣ вад̣̇зяяа – ‘яам̣ ко, бханд̇з, ааяасмаа взяяааважжагарам̣ нид̣̇д̣̇иси сан̃н̃ад̇д̇о со маяаа, убасан̇гамад̇у ааяасмаа гаалзна, жийварзна д̇ам̣ ажчаад̣̇зссад̇ий’д̇и, жийварад̇т̇игзна, бхигкавз, бхигкунаа взяяааважжагаро убасан̇гамид̇ваа д̣̇вад̇д̇игкад̇д̇ум̣ жод̣̇зд̇аб̣б̣о саарзд̇аб̣б̣о – ‘ад̇т̇о мз, аавусо, жийварзнаа’д̇и. д̣̇вад̇д̇игкад̇д̇ум̣ жод̣̇аяамаано саараяамаано д̇ам̣ жийварам̣ абхинибпаад̣̇зяяа, ижжзд̇ам̣ гусалам̣; но жз абхинибпаад̣̇зяяа, жад̇угкад̇д̇ум̣ бан̃жагкад̇д̇ум̣ чагкад̇д̇убарамам̣ д̇ун̣хийбхууд̇зна уд̣̇д̣̇исса таад̇аб̣б̣ам̣. жад̇угкад̇д̇ум̣ бан̃жагкад̇д̇ум̣ чагкад̇д̇убарамам̣ д̇ун̣хийбхууд̇о уд̣̇д̣̇исса д̇идтамаано д̇ам̣ жийварам̣ абхинибпаад̣̇зяяа, ижжзд̇ам̣ гусалам̣; д̇ад̇о жз уд̇д̇ари вааяамамаано д̇ам̣ жийвара абхинибпаад̣̇зяяа, ниссаг̇г̇ияам̣ баажид̇д̇ияам̣. но жз абхинибпаад̣̇зяяа, яад̇асса жийваражзд̇аабаннам̣ аабхад̇ам̣, д̇ад̇т̇а саамам̣ ваа г̇анд̇аб̣б̣ам̣ д̣̇ууд̇о ваа баахзд̇аб̣б̣о – ‘яам̣ ко д̇умхз ааяасманд̇о бхигкум̣ уд̣̇д̣̇исса жийваражзд̇аабаннам̣ бахин̣ид̇т̇а, на д̇ам̣ д̇асса бхигкуно гин̃жи ад̇т̇ам̣ анубход̇и, яун̃ж̇анд̇ааяасманд̇о сагам̣, маа во сагам̣ винассаа’д̇и, аяам̣ д̇ад̇т̇а саамийжий’’д̇и.
538.‘‘Bhikkhuṃ paneva uddissa rājā vā rājabhoggo vā brāhmaṇo vā gahapatiko vā dūtena cīvaracetāpannaṃ pahiṇeyya – ‘iminā cīvaracetāpannena cīvaraṃ cetāpetvā itthannāmaṃ bhikkhuṃ cīvarena acchādehī’ti. So ce dūto taṃ bhikkhuṃ upasaṅkamitvā evaṃ vadeyya – ‘idaṃ kho, bhante, āyasmantaṃ uddissa cīvaracetāpannaṃ ābhataṃ, paṭiggaṇhātu āyasmā cīvaracetāpanna’nti, tena bhikkhunā so dūto evamassa vacanīyo – ‘na kho mayaṃ, āvuso, cīvaracetāpannaṃ paṭiggaṇhāma. Cīvarañca kho mayaṃ paṭiggaṇhāma, kālena kappiya’nti. So ce dūto taṃ bhikkhuṃ evaṃ vadeyya – ‘atthi panāyasmato koci veyyāvaccakaro’ti, cīvaratthikena, bhikkhave, bhikkhunā veyyāvaccakaro niddisitabbo ārāmiko vā upāsako vā – ‘eso kho, āvuso, bhikkhūnaṃ veyyāvaccakaro’ti. So ce dūto taṃ veyyāvaccakaraṃ saññāpetvā taṃ bhikkhuṃ upasaṅkamitvā evaṃ vadeyya – ‘yaṃ kho, bhante, āyasmā veyyāvaccakaraṃ niddisi saññatto so mayā, upasaṅkamatu āyasmā kālena, cīvarena taṃ acchādessatī’ti, cīvaratthikena, bhikkhave, bhikkhunā veyyāvaccakaro upasaṅkamitvā dvattikkhattuṃ codetabbo sāretabbo – ‘attho me, āvuso, cīvarenā’ti. Dvattikkhattuṃ codayamāno sārayamāno taṃ cīvaraṃ abhinipphādeyya, iccetaṃ kusalaṃ; no ce abhinipphādeyya, catukkhattuṃpañcakkhattuṃ chakkhattuparamaṃ tuṇhībhūtena uddissa ṭhātabbaṃ. Catukkhattuṃ pañcakkhattuṃ chakkhattuparamaṃ tuṇhībhūto uddissa tiṭṭhamāno taṃ cīvaraṃ abhinipphādeyya, iccetaṃ kusalaṃ; tato ce uttarivāyamamāno taṃ cīvara abhinipphādeyya, nissaggiyaṃ pācittiyaṃ. No ce abhinipphādeyya, yatassa cīvaracetāpannaṃ ābhataṃ, tattha sāmaṃ vā gantabbaṃ dūto vā pāhetabbo – ‘yaṃ kho tumhe āyasmanto bhikkhuṃ uddissa cīvaracetāpannaṃ pahiṇittha, na taṃ tassa bhikkhuno kiñci atthaṃ anubhoti, yuñjantāyasmanto sakaṃ, mā vo sakaṃ vinassā’ti, ayaṃ tattha sāmīcī’’ti.
539. бхигкум̣ банзва уд̣̇д̣̇иссаад̇и бхигкуссад̇т̇ааяа, бхигкум̣ аарамман̣ам̣ гарид̇ваа , бхигкум̣ ажчаад̣̇зд̇угаамо.
539.Bhikkhuṃ paneva uddissāti bhikkhussatthāya, bhikkhuṃ ārammaṇaṃ karitvā , bhikkhuṃ acchādetukāmo.
рааж̇аа наама яо гожи раж̇ж̇ам̣ гаарзд̇и.
Rājā nāma yo koci rajjaṃ kāreti.
рааж̇абхог̇г̇о наама яо гожи ран̃н̃о бхад̇д̇авзд̇анаахааро.
Rājabhoggo nāma yo koci rañño bhattavetanāhāro.
б̣раахман̣о наама ж̇аад̇ияаа б̣раахман̣о.
Brāhmaṇo nāma jātiyā brāhmaṇo.
г̇ахабад̇иго наама табзд̇ваа рааж̇ам̣ рааж̇абхог̇г̇ам̣ б̣раахман̣ам̣ авасзсо г̇ахабад̇иго наама.
Gahapatiko nāma ṭhapetvā rājaṃ rājabhoggaṃ brāhmaṇaṃ avaseso gahapatiko nāma.
жийваражзд̇аабаннам̣ наама хиран̃н̃ам̣ ваа суван̣н̣ам̣ ваа муд̇д̇аа ваа ман̣и ваа.
Cīvaracetāpannaṃ nāma hiraññaṃ vā suvaṇṇaṃ vā muttā vā maṇi vā.
иминаа жийваражзд̇аабаннзнаад̇и бажжубадтид̇зна.
Iminā cīvaracetāpannenāti paccupaṭṭhitena.
жзд̇аабзд̇ваад̇и баривад̇д̇зд̇ваа.
Cetāpetvāti parivattetvā.
ажчаад̣̇зхийд̇и д̣̇аж̇ж̇зхи.
Acchādehīti dajjehi.
со жз д̣̇ууд̇о д̇ам̣ бхигкум̣ убасан̇гамид̇ваа звам̣ вад̣̇зяяа – ‘‘ид̣̇ам̣ ко, бханд̇з, ааяасманд̇ам̣ уд̣̇д̣̇исса жийваражзд̇аабаннам̣ аабхад̇ам̣. бадиг̇г̇ан̣хаад̇у ааяасмаа жийваражзд̇аабанна’’нд̇и, д̇зна бхигкунаа со д̣̇ууд̇о звамасса важанийяо – ‘‘на ко маяам̣, аавусо, жийваражзд̇аабаннам̣ бадиг̇г̇ан̣хаама. жийваран̃жа ко маяам̣ бадиг̇г̇ан̣хаама, гаалзна габбияа’’нд̇и. со жз д̣̇ууд̇о д̇ам̣ бхигкум̣ звам̣ вад̣̇зяяа – ‘‘ад̇т̇и банааяасмад̇о гожи взяяааважжагаро’’д̇и? жийварад̇т̇игзна, бхигкавз, бхигкунаа взяяааважжагаро нид̣̇д̣̇исид̇аб̣б̣о аараамиго ваа убаасаго ваа – ‘‘зсо ко, аавусо , бхигкуунам̣ взяяааважжагаро’’д̇и. на вад̇д̇аб̣б̣о – ‘‘д̇асса д̣̇зхийд̇и ваа, со ваа нигкибиссад̇и, со ваа баривад̇д̇зссад̇и, со ваа жзд̇аабзссад̇ий’’д̇и.
So ce dūto taṃ bhikkhuṃ upasaṅkamitvā evaṃ vadeyya – ‘‘idaṃ kho, bhante, āyasmantaṃ uddissa cīvaracetāpannaṃ ābhataṃ. Paṭiggaṇhātu āyasmā cīvaracetāpanna’’nti, tena bhikkhunā so dūto evamassa vacanīyo – ‘‘na kho mayaṃ, āvuso, cīvaracetāpannaṃ paṭiggaṇhāma. Cīvarañca kho mayaṃ paṭiggaṇhāma, kālena kappiya’’nti. So ce dūto taṃ bhikkhuṃ evaṃ vadeyya – ‘‘atthi panāyasmato koci veyyāvaccakaro’’ti? Cīvaratthikena, bhikkhave, bhikkhunā veyyāvaccakaro niddisitabbo ārāmiko vā upāsako vā – ‘‘eso kho, āvuso , bhikkhūnaṃ veyyāvaccakaro’’ti. Na vattabbo – ‘‘tassa dehīti vā, so vā nikkhipissati, so vā parivattessati, so vā cetāpessatī’’ti.
со жз д̣̇ууд̇о д̇ам̣ взяяааважжагарам̣ сан̃н̃аабзд̇ваа д̇ам̣ бхигкум̣ убасан̇гамид̇ваа звам̣ вад̣̇зяяа – ‘‘яам̣ ко, бханд̇з, ааяасмаа взяяааважжагарам̣ нид̣̇д̣̇иси сан̃н̃ад̇д̇о со маяаа. убасан̇гамад̇у ааяасмаа гаалзна, жийварзна д̇ам̣ ажчаад̣̇зссад̇ий’’д̇и, жийварад̇т̇игзна, бхигкавз, бхигкунаа взяяааважжагаро убасан̇гамид̇ваа д̣̇вад̇д̇игкад̇д̇ум̣ жод̣̇зд̇аб̣б̣о саарзд̇аб̣б̣о – ‘‘ад̇т̇о мз, аавусо, жийварзнаа’’д̇и. на вад̇д̇аб̣б̣о – ‘‘д̣̇зхи мз жийварам̣, аахара мз жийварам̣, баривад̇д̇зхи мз жийварам̣, жзд̇аабзхи мз жийвара’’нд̇и. д̣̇уд̇ияамби вад̇д̇аб̣б̣о. д̇ад̇ияамби вад̇д̇аб̣б̣о. сажз абхинибпаад̣̇зд̇и, ижжзд̇ам̣ гусалам̣; но жз абхинибпаад̣̇зд̇и, д̇ад̇т̇а г̇анд̇ваа д̇ун̣хийбхууд̇зна уд̣̇д̣̇исса таад̇аб̣б̣ам̣. на аасанз нисийд̣̇ид̇аб̣б̣ам̣. на аамисам̣ бадиг̇г̇ахзд̇аб̣б̣ам̣. на д̇хаммо бхаасид̇аб̣б̣о. ‘‘гим̣ гааран̣аа ааг̇ад̇осий’’д̇и бужчияамаано ‘‘ж̇аанаахи, аавусо’’д̇и вад̇д̇аб̣б̣о. сажз аасанз ваа нисийд̣̇ад̇и , аамисам̣ ваа бадиг̇г̇ан̣хаад̇и, д̇хаммам̣ ваа бхаасад̇и, таанам̣ бхан̃ж̇ад̇и. д̣̇уд̇ияамби таад̇аб̣б̣ам̣. д̇ад̇ияамби таад̇аб̣б̣ам̣. жад̇угкад̇д̇ум̣ жод̣̇зд̇ваа жад̇угкад̇д̇ум̣ таад̇аб̣б̣ам̣. бан̃жагкад̇ум̣ жод̣̇зд̇ваа д̣̇вигкад̇д̇ум̣ таад̇аб̣б̣ам̣. чагкад̇д̇ум̣ жод̣̇зд̇ваа на таад̇аб̣б̣ам̣. д̇ад̇о жз уд̇д̇ари вааяамамаано д̇ам̣ жийварам̣ абхинибпаад̣̇зд̇и, баяог̇з д̣̇уггадам̣. бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз , бханд̇з, жийварам̣ ад̇ирзгад̇игкад̇д̇ум̣ жод̣̇анааяа ад̇ирзгачагкад̇д̇ум̣ таанзна абхинибпаад̣̇ид̇ам̣ ниссаг̇г̇ияам̣. имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
So ce dūto taṃ veyyāvaccakaraṃ saññāpetvā taṃ bhikkhuṃ upasaṅkamitvā evaṃ vadeyya – ‘‘yaṃ kho, bhante, āyasmā veyyāvaccakaraṃ niddisi saññatto so mayā. Upasaṅkamatu āyasmā kālena, cīvarena taṃ acchādessatī’’ti, cīvaratthikena, bhikkhave, bhikkhunā veyyāvaccakaro upasaṅkamitvā dvattikkhattuṃ codetabbo sāretabbo – ‘‘attho me, āvuso, cīvarenā’’ti. Na vattabbo – ‘‘dehi me cīvaraṃ, āhara me cīvaraṃ, parivattehi me cīvaraṃ, cetāpehi me cīvara’’nti. Dutiyampi vattabbo. Tatiyampi vattabbo. Sace abhinipphādeti, iccetaṃ kusalaṃ; no ce abhinipphādeti, tattha gantvā tuṇhībhūtena uddissa ṭhātabbaṃ. Na āsane nisīditabbaṃ. Na āmisaṃ paṭiggahetabbaṃ. Na dhammo bhāsitabbo. ‘‘Kiṃ kāraṇā āgatosī’’ti pucchiyamāno ‘‘jānāhi, āvuso’’ti vattabbo. Sace āsane vā nisīdati , āmisaṃ vā paṭiggaṇhāti, dhammaṃ vā bhāsati, ṭhānaṃ bhañjati. Dutiyampi ṭhātabbaṃ. Tatiyampi ṭhātabbaṃ. Catukkhattuṃ codetvā catukkhattuṃ ṭhātabbaṃ. Pañcakkhatuṃ codetvā dvikkhattuṃ ṭhātabbaṃ. Chakkhattuṃ codetvā na ṭhātabbaṃ. Tato ce uttari vāyamamāno taṃ cīvaraṃ abhinipphādeti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me , bhante, cīvaraṃ atirekatikkhattuṃ codanāya atirekachakkhattuṃ ṭhānena abhinipphāditaṃ nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
но жз абхинибпаад̣̇зяяа, яад̇асса жийваражзд̇аабаннам̣ аабхад̇ам̣ д̇ад̇т̇а саамам̣ ваа г̇анд̇аб̣б̣ам̣ д̣̇ууд̇о ваа баахзд̇аб̣б̣о – ‘‘яам̣ ко д̇умхз ааяасманд̇о бхигкум̣ уд̣̇д̣̇исса жийваражзд̇аабаннам̣ бахин̣ид̇т̇а на д̇ам̣ д̇асса бхигкуно гин̃жи ад̇т̇ам̣ анубход̇и. яун̃ж̇анд̇ааяасманд̇о сагам̣, маа во сагам̣ винассаа’’д̇и.
No ce abhinipphādeyya, yatassa cīvaracetāpannaṃ ābhataṃ tattha sāmaṃ vā gantabbaṃ dūto vā pāhetabbo – ‘‘yaṃ kho tumhe āyasmanto bhikkhuṃ uddissa cīvaracetāpannaṃ pahiṇittha na taṃ tassa bhikkhuno kiñci atthaṃ anubhoti. Yuñjantāyasmanto sakaṃ, mā vo sakaṃ vinassā’’ti.
аяам̣ д̇ад̇т̇а саамийжийд̇и аяам̣ д̇ад̇т̇а ануд̇хаммад̇аа.
Ayaṃ tattha sāmīcīti ayaṃ tattha anudhammatā.
540. ад̇ирзгад̇игкад̇д̇ум̣ жод̣̇анааяа ад̇ирзгачагкад̇д̇ум̣ таанзна ад̇ирзгасан̃н̃ий абхинибпаад̣̇зд̇и, ниссаг̇г̇ияам̣ баажид̇д̇ияам̣. ад̇ирзгад̇игкад̇д̇ум̣ жод̣̇анааяа ад̇ирзгачагкад̇д̇ум̣ таанзна взмад̇иго абхинибпаад̣̇зд̇и, ниссаг̇г̇ияам̣ баажид̇д̇ияам̣. ад̇ирзгад̇игкад̇д̇ум̣ жод̣̇анааяа ад̇ирзгачагкад̇д̇ум̣ таанзна уунагасан̃н̃ий абхинибпаад̣̇зд̇и, ниссаг̇г̇ияам̣ баажид̇д̇ияам̣.
540. Atirekatikkhattuṃ codanāya atirekachakkhattuṃ ṭhānena atirekasaññī abhinipphādeti, nissaggiyaṃ pācittiyaṃ. Atirekatikkhattuṃ codanāya atirekachakkhattuṃ ṭhānena vematiko abhinipphādeti, nissaggiyaṃ pācittiyaṃ. Atirekatikkhattuṃ codanāya atirekachakkhattuṃ ṭhānena ūnakasaññī abhinipphādeti, nissaggiyaṃ pācittiyaṃ.
уунагад̇игкад̇д̇ум̣ жод̣̇анааяа уунагачагкад̇д̇ум̣ таанзна ад̇ирзгасан̃н̃ий, аабад̇д̇и д̣̇уггадасса. уунагад̇игкад̇д̇ум̣ жод̣̇анааяа уунагачагкад̇д̇ум̣ таанзна взмад̇иго, аабад̇д̇и д̣̇уггадасса. уунагад̇игкад̇д̇ум̣ жод̣̇анааяа уунагачагкад̇д̇ум̣ таанзна уунагасан̃н̃ий анаабад̇д̇и.
Ūnakatikkhattuṃ codanāya ūnakachakkhattuṃ ṭhānena atirekasaññī, āpatti dukkaṭassa. Ūnakatikkhattuṃ codanāya ūnakachakkhattuṃ ṭhānena vematiko, āpatti dukkaṭassa. Ūnakatikkhattuṃ codanāya ūnakachakkhattuṃ ṭhānena ūnakasaññī anāpatti.
541. анаабад̇д̇и – д̇игкад̇д̇ум̣ жод̣̇анааяа, чагкад̇д̇ум̣ таанзна, уунагад̇игкад̇д̇ум̣ жод̣̇анааяа, уунагачагкад̇д̇ум̣ таанзна, ажод̣̇ияамаано д̣̇зд̇и, саамигаа жод̣̇зд̇ваа д̣̇знд̇и, уммад̇д̇агасса, аад̣̇игаммигассаад̇и.
541. Anāpatti – tikkhattuṃ codanāya, chakkhattuṃ ṭhānena, ūnakatikkhattuṃ codanāya, ūnakachakkhattuṃ ṭhānena, acodiyamāno deti, sāmikā codetvā denti, ummattakassa, ādikammikassāti.
рааж̇асигкаабад̣̇ам̣ нидтид̇ам̣ д̣̇асамам̣.
Rājasikkhāpadaṃ niṭṭhitaṃ dasamaṃ.
гат̇инаваг̇г̇о батамо.
Kathinavaggo paṭhamo.
д̇ассуд̣̇д̣̇аанам̣ –
Tassuddānaṃ –
уб̣бхад̇ам̣ гат̇инам̣ д̇ийн̣и, д̇хованан̃жа бадиг̇г̇ахо;
Ubbhataṃ kathinaṃ tīṇi, dhovanañca paṭiggaho;
ан̃н̃аад̇агаани д̇ийн̣зва, убхиннам̣ д̣̇ууд̇агзна жаад̇и.
Aññātakāni tīṇeva, ubhinnaṃ dūtakena cāti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. рааж̇асигкаабад̣̇аван̣н̣анаа • 10. Rājasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. рааж̇асигкаабад̣̇аван̣н̣анаа • 10. Rājasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. рааж̇асигкаабад̣̇аван̣н̣анаа • 10. Rājasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 10. рааж̇асигкаабад̣̇аван̣н̣анаа • 10. Rājasikkhāpadavaṇṇanā
