| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
10. рааж̇асигкаабад̣̇аван̣н̣анаа
10. Rājasikkhāpadavaṇṇanā
рааж̇ад̇о бхог̇г̇анд̇и рааж̇ад̇о лад̣̇д̇хабхог̇г̇ам̣. рааж̇абхог̇г̇од̇и рааж̇аамад̇д̇о. рааж̇ад̇о бхог̇од̇и ран̃н̃аа д̣̇иннам̣ иссарияам̣. иминаад̇иаад̣̇ийд̇и ‘‘иминаа жийваражзд̇аабаннзна жийварам̣ жзд̇аабзд̇ваа ид̇т̇аннаамам̣ бхигкум̣ жийварзна ажчаад̣̇зхий’’д̇и ид̣̇ам̣. ааг̇аманасуд̣̇д̇хинд̇и мууласуд̣̇д̇хим̣. яад̣̇и хи иминаа габбияанийхаарзна абзсзд̇ваа ‘‘ид̣̇ам̣ ид̇т̇аннаамасса бхигкуно д̣̇зхий’’д̇и бзсзяяа, соби д̣̇ууд̇о д̇ам̣ бхигкум̣ убасан̇гамид̇ваа звам̣ вад̣̇зяяа ‘‘ид̣̇ам̣ ко, бханд̇з, ааяасманд̇ам̣ уд̣̇д̣̇исса жийваражзд̇аабаннам̣ аабхад̇ам̣, бадиг̇г̇ан̣хаад̇у ааяасмаа жийваражзд̇аабанна’’нд̇и (баараа. 538), д̇ад̣̇аа бадигкибид̇вааби габбияагаарагам̣ будтзна д̇ам̣ нид̣̇д̣̇исид̇ум̣ на ваддад̇и. д̇знааха ‘‘сажз хий’’д̇иаад̣̇и. агаббияавад̇т̇ум̣ аараб̣бхаад̇и хиран̃н̃аад̣̇им̣ аараб̣бха. ийд̣̇исзна д̣̇ууд̇аважанзнаад̇и ‘‘бадиг̇г̇ан̣хаад̇у ааяасмаа жийваражзд̇аабанна’’нд̇и зваруубзна д̣̇ууд̇аважанзна. д̇асмаад̇и яасмаа самбадижчид̇ум̣ агаббияам̣ ход̇и, д̇асмаа. суван̣н̣анд̇и ж̇аад̇аруубам̣. раж̇ад̇анд̇и руубияам̣. гахаабан̣знаад̇и суван̣н̣амаяо ваа руубияамаяо ваа баагад̇иго ваа гахаабан̣о. маасагод̇и лохамаасаго ваа ход̇у, д̣̇аарумаасаго ваа ход̇у, ж̇ад̇умаасаго ваа ход̇у, яо яо яад̇т̇а яад̇т̇а ж̇анабад̣̇з яад̣̇аа яад̣̇аа вохаарам̣ г̇ажчад̇и, анд̇амасо адтимаяоби жаммамаяоби ругкапалаб̣ийж̇амаяоби самудтаабид̇аруубоби асамудтаабид̇аруубоби саб̣б̣о ид̇ха маасагод̇и взд̣̇ид̇аб̣б̣о. зд̇т̇а жа яам̣ вад̇д̇аб̣б̣ам̣, д̇ам̣ руубияасигкаабад̣̇з вагкаама.
Rājatobhogganti rājato laddhabhoggaṃ. Rājabhoggoti rājāmatto. Rājato bhogoti raññā dinnaṃ issariyaṃ. Iminātiādīti ‘‘iminā cīvaracetāpannena cīvaraṃ cetāpetvā itthannāmaṃ bhikkhuṃ cīvarena acchādehī’’ti idaṃ. Āgamanasuddhinti mūlasuddhiṃ. Yadi hi iminā kappiyanīhārena apesetvā ‘‘idaṃ itthannāmassa bhikkhuno dehī’’ti peseyya, sopi dūto taṃ bhikkhuṃ upasaṅkamitvā evaṃ vadeyya ‘‘idaṃ kho, bhante, āyasmantaṃ uddissa cīvaracetāpannaṃ ābhataṃ, paṭiggaṇhātu āyasmā cīvaracetāpanna’’nti (pārā. 538), tadā paṭikkhipitvāpi kappiyakārakaṃ puṭṭhena taṃ niddisituṃ na vaṭṭati. Tenāha ‘‘sace hī’’tiādi. Akappiyavatthuṃ ārabbhāti hiraññādiṃ ārabbha. Īdisena dūtavacanenāti ‘‘paṭiggaṇhātu āyasmā cīvaracetāpanna’’nti evarūpena dūtavacanena. Tasmāti yasmā sampaṭicchituṃ akappiyaṃ hoti, tasmā. Suvaṇṇanti jātarūpaṃ. Rajatanti rūpiyaṃ. Kahāpaṇenāti suvaṇṇamayo vā rūpiyamayo vā pākatiko vā kahāpaṇo. Māsakoti lohamāsako vā hotu, dārumāsako vā hotu, jatumāsako vā hotu, yo yo yattha yattha janapade yadā yadā vohāraṃ gacchati, antamaso aṭṭhimayopi cammamayopi rukkhaphalabījamayopi samuṭṭhāpitarūpopi asamuṭṭhāpitarūpopi sabbo idha māsakoti veditabbo. Ettha ca yaṃ vattabbaṃ, taṃ rūpiyasikkhāpade vakkhāma.
муд̇д̇аад̇и хад̇т̇игумбхаж̇аад̣̇игаа адтавид̇хаа муд̇д̇аа. д̇ат̇аа хи хад̇т̇игумбхам̣ вараахад̣̇аатам̣, бхуж̇ан̇г̇асийсам̣, валаахагам̣, взл̣у, мажчасиро, сан̇ко, сиббийд̇и адта муд̇д̇ааяонияо. д̇ад̇т̇а яаа мажчасан̇касиббиж̇аад̇аа, саа саамуд̣̇д̣̇игаа, бхуж̇ан̇г̇аж̇ааби гаажи саамуд̣̇д̣̇игаа ход̇и. ид̇араа асаамуд̣̇д̣̇игаа. яасмаа бана б̣ахулам̣ саамуд̣̇д̣̇игаава муд̇д̇аа логз д̣̇иссанд̇и, д̇ад̇т̇ааби сиббиж̇аава, ид̇араа гад̣̇аажи. д̇асмаа саммохавинод̣̇анияам̣ ‘‘муд̇д̇аад̇и саамуд̣̇д̣̇игамуд̇д̇аа’’д̇и (вибха. адта. 172) вуд̇д̇ам̣. ман̣ийд̇и табзд̇ваа взл̣урияаад̣̇игз анд̇амасо ж̇аад̇ипалигам̣ убаад̣̇ааяа саб̣б̣оби нийлабийд̇аад̣̇иван̣н̣абхзд̣̇о ман̣ийд̇и взд̣̇ид̇аб̣б̣о, бажид̇ваа гад̇о бана гаажаман̣иязвзго бад̇д̇аад̣̇ибхан̣д̣амуулад̇т̇ам̣ самбадижчид̇ум̣ ваддад̇и. взл̣урияо наама вам̣саван̣н̣аман̣и. сан̇код̇и д̇хаманасан̇ко д̇ход̇авид̣̇д̇хо рад̇анамиссо, баанийяасан̇ко бана рад̇анаамиссагад̇о, со жа ан̃ж̇анаад̣̇ибхзсаж̇ж̇ад̇т̇ааяа, бхан̣д̣амуулад̇т̇ааяа жа самбадижчид̇ум̣ ваддад̇и. силаад̇и д̇ход̇авид̣̇д̇хаа рад̇анасам̣яуд̇д̇аа муг̇г̇аван̣н̣аа силаа. рад̇анзна бана амиссаа сад̇т̇аганисаанаад̣̇иад̇т̇ааяа бадиг̇г̇ан̣хид̇ум̣ ваддад̇и. зд̇т̇а жа ‘‘рад̇анасам̣яуд̇д̇аад̇и суван̣н̣зна сад̣̇д̇хим̣ яож̇зд̇ваа бажид̇ваа гад̇аа’’д̇и вад̣̇анд̇и. баваал̣анд̇и д̇ход̇амби ад̇ход̇амби саб̣б̣ам̣ баваал̣ам̣. лохид̇ан̇год̇и рад̇д̇аман̣и. масаараг̇алланд̇и габ̣араман̣и. яам̣ ‘‘марагад̇а’’нд̇иби вужжад̇и.
Muttāti hatthikumbhajādikā aṭṭhavidhā muttā. Tathā hi hatthikumbhaṃ varāhadāṭhaṃ, bhujaṅgasīsaṃ, valāhakaṃ, veḷu, macchasiro, saṅkho, sippīti aṭṭha muttāyoniyo. Tattha yā macchasaṅkhasippijātā, sā sāmuddikā, bhujaṅgajāpi kāci sāmuddikā hoti. Itarā asāmuddikā. Yasmā pana bahulaṃ sāmuddikāva muttā loke dissanti, tatthāpi sippijāva, itarā kadāci. Tasmā sammohavinodaniyaṃ ‘‘muttāti sāmuddikamuttā’’ti (vibha. aṭṭha. 172) vuttaṃ. Maṇīti ṭhapetvā veḷuriyādike antamaso jātiphalikaṃ upādāya sabbopi nīlapītādivaṇṇabhedo maṇīti veditabbo, pacitvā kato pana kācamaṇiyeveko pattādibhaṇḍamūlatthaṃ sampaṭicchituṃ vaṭṭati. Veḷuriyo nāma vaṃsavaṇṇamaṇi. Saṅkhoti dhamanasaṅkho dhotaviddho ratanamisso, pānīyasaṅkho pana ratanāmissakato, so ca añjanādibhesajjatthāya, bhaṇḍamūlatthāya ca sampaṭicchituṃ vaṭṭati. Silāti dhotaviddhā ratanasaṃyuttā muggavaṇṇā silā. Ratanena pana amissā satthakanisānādiatthāya paṭiggaṇhituṃ vaṭṭati. Ettha ca ‘‘ratanasaṃyuttāti suvaṇṇena saddhiṃ yojetvā pacitvā katā’’ti vadanti. Pavāḷanti dhotampi adhotampi sabbaṃ pavāḷaṃ. Lohitaṅkoti rattamaṇi. Masāragallanti kabaramaṇi. Yaṃ ‘‘marakata’’ntipi vuccati.
сад̇д̇а д̇хан̃н̃аанийд̇и саануломаани саалиаад̣̇ийни сад̇д̇а д̇хан̃н̃аани. нийваараад̣̇иубад̇хан̃н̃асса бана саалиаад̣̇имуулад̇хан̃н̃анд̇ог̇ад̇хад̇д̇аа ‘‘сад̇д̇а д̇хан̃н̃ааний’’д̇и вуд̇д̇ам̣. д̣̇аасид̣̇аасакзд̇д̇авад̇т̇убубпаараамапалаараамаад̣̇аяод̇и зд̇т̇а д̣̇аасий наама анд̇ож̇аад̇ад̇ханаггийд̇агарамараанийд̇аббабхзд̣̇аа. д̇ат̇аа д̣̇аасо. кзд̇д̇ам̣ наама яасмим̣ буб̣б̣ан̣н̣ам̣ рухад̇и. вад̇т̇у наама яасмим̣ абаран̣н̣ам̣ рухад̇и. яад̇т̇а ваа убхаяамби рухад̇и, д̇ам̣ кзд̇д̇ам̣. д̇ад̣̇ад̇т̇ааяа агад̇абхуумибхааг̇о вад̇т̇у. кзд̇д̇авад̇т̇усийсзна жзд̇т̇а ваабид̇ал̣аагаад̣̇ийниби сан̇г̇ахид̇аанзва. вассигаад̣̇ийнам̣ бубпанаго бубпаараамо. амб̣апалаад̣̇ийнам̣ паланаго палаараамо. на гзвалан̃жа ад̇д̇аноязвад̇т̇ааяа самбадижчид̇ум̣ на ваддад̇и, сажзби гожи ж̇аад̇аруубараж̇ад̇ам̣ аанзд̇ваа ‘‘ид̣̇ам̣ сан̇гхасса д̣̇амми, аараамам̣ ваа гарот̇а, жзд̇ияам̣ ваа бхож̇анасаалаад̣̇ийнам̣ ваа ан̃н̃ад̇ара’’нд̇и вад̣̇ад̇и, ид̣̇амби самбадижчид̇ум̣ на ваддад̇и. ‘‘яасса гассажи хи ан̃н̃асса ад̇т̇ааяа самбадижчанд̇асса д̣̇уггадам̣ ход̇ий’’д̇и (баараа. адта. 2.538-539) махаабажжарияам̣ вуд̇д̇ам̣. д̇знааха ‘‘жзд̇ияасан̇гхаг̇ан̣абуг̇г̇алаанам̣ ваа ад̇т̇ааяа самбадижчид̇ум̣ на вадданд̇ий’’д̇и.
Satta dhaññānīti sānulomāni sāliādīni satta dhaññāni. Nīvārādiupadhaññassa pana sāliādimūladhaññantogadhattā ‘‘satta dhaññānī’’ti vuttaṃ. Dāsidāsakhettavatthupupphārāmaphalārāmādayoti ettha dāsī nāma antojātadhanakkītakaramarānītappabhedā. Tathā dāso. Khettaṃ nāma yasmiṃ pubbaṇṇaṃ ruhati. Vatthu nāma yasmiṃ aparaṇṇaṃ ruhati. Yattha vā ubhayampi ruhati, taṃ khettaṃ. Tadatthāya akatabhūmibhāgo vatthu. Khettavatthusīsena cettha vāpitaḷākādīnipi saṅgahitāneva. Vassikādīnaṃ pupphanako pupphārāmo. Ambaphalādīnaṃ phalanako phalārāmo. Na kevalañca attanoyevatthāya sampaṭicchituṃ na vaṭṭati, sacepi koci jātarūparajataṃ ānetvā ‘‘idaṃ saṅghassa dammi, ārāmaṃ vā karotha, cetiyaṃ vā bhojanasālādīnaṃ vā aññatara’’nti vadati, idampi sampaṭicchituṃ na vaṭṭati. ‘‘Yassa kassaci hi aññassa atthāya sampaṭicchantassa dukkaṭaṃ hotī’’ti (pārā. aṭṭha. 2.538-539) mahāpaccariyaṃ vuttaṃ. Tenāha ‘‘cetiyasaṅghagaṇapuggalānaṃ vā atthāya sampaṭicchituṃ na vaṭṭantī’’ti.
сажз бана сан̇гхам̣ ваа г̇ан̣ам̣ ваа буг̇г̇алам̣ ваа анаамасид̇ваа ‘‘ид̣̇ам̣ хиран̃н̃асуван̣н̣ам̣ жзд̇ияасса д̣̇зма, вихаарасса д̣̇зма, навагаммасса д̣̇змаа’’д̇и вад̣̇анд̇и, бадигкибид̇ум̣ на ваддад̇и. ‘‘имз ид̣̇ам̣ бхан̣анд̇ий’’д̇и габбияагаарагаанам̣ аажигкид̇аб̣б̣ам̣. ‘‘жзд̇ияаад̣̇ийнам̣ ад̇т̇ааяа д̇умхз г̇ахзд̇ваа табзт̇аа’’д̇и вуд̇д̇з бана ‘‘амхаагам̣ г̇ахзд̇ум̣ на ваддад̇ий’’д̇и бадигкибид̇аб̣б̣ам̣.
Sace pana saṅghaṃ vā gaṇaṃ vā puggalaṃ vā anāmasitvā ‘‘idaṃ hiraññasuvaṇṇaṃ cetiyassa dema, vihārassa dema, navakammassa demā’’ti vadanti, paṭikkhipituṃ na vaṭṭati. ‘‘Ime idaṃ bhaṇantī’’ti kappiyakārakānaṃ ācikkhitabbaṃ. ‘‘Cetiyādīnaṃ atthāya tumhe gahetvā ṭhapethā’’ti vutte pana ‘‘amhākaṃ gahetuṃ na vaṭṭatī’’ti paṭikkhipitabbaṃ.
взяяааважжагарод̇и гижжагаро. ид̇ха бана саб̣б̣о гижжагарова ‘‘взяяааважжагаро’’д̇и ад̇хиббзд̇од̇и ааха ‘‘габбияагаараго’’д̇и. зсо код̇и ‘‘асугавийт̇ияам̣ асугагхарз асуганаамо’’д̇и бараммукам̣ вад̣̇ад̇и. ид̇арамбийд̇и бараммукаанид̣̇д̣̇идтамби. ‘‘ад̇т̇о мз, аавусо, жийварзнаа’’д̇и зд̇ам̣ жод̣̇анаалагкан̣анид̣̇ассананд̇и самб̣анд̇хо. д̇ад̇т̇а жод̣̇анаалагкан̣анид̣̇ассананд̇и ваажааяа жод̣̇анаалагкан̣анид̣̇ассанам̣. д̇знааха ‘‘сажз хий’’д̇иаад̣̇и. ид̣̇ам̣ ваа важанам̣ вад̇д̇аб̣б̣анд̇и самб̣анд̇хо. зд̇асса ваа ад̇т̇о яааяа гааяажи бхаасааяа вад̇д̇аб̣б̣од̇и самб̣анд̇хо. ‘‘д̣̇зхи мз жийварам̣, аахара мз жийварам̣, баривад̇д̇зхи мз жийварам̣, жзд̇аабзхи мз жийвара’’нд̇и зд̇аани бана важанаани зд̇зсам̣ ваа ад̇т̇о яааяа гааяажи бхаасааяа на вад̇д̇аб̣б̣о. д̇знааха ‘‘д̣̇зхи мз’’д̇иаад̣̇и. саад̇хзяяаад̇и нибпаад̣̇зяяа. ижжзд̇ам̣ гусаланд̇и звам̣ яаавад̇ад̇ияам̣ жод̣̇анзна д̇асса жийварасса яад̣̇зд̇ам̣ абхинибпаад̣̇анам̣, зд̇ам̣ гусалам̣ саад̇ху судтууд̇и ад̇т̇о. д̇знааха ‘‘зд̇ам̣ сунд̣̇ара’’нд̇и.
Veyyāvaccakaroti kiccakaro. Idha pana sabbo kiccakarova ‘‘veyyāvaccakaro’’ti adhippetoti āha ‘‘kappiyakārako’’ti. Eso khoti ‘‘asukavīthiyaṃ asukaghare asukanāmo’’ti parammukhaṃ vadati. Itarampīti parammukhāniddiṭṭhampi. ‘‘Attho me, āvuso, cīvarenā’’ti etaṃ codanālakkhaṇanidassananti sambandho. Tattha codanālakkhaṇanidassananti vācāya codanālakkhaṇanidassanaṃ. Tenāha ‘‘sace hī’’tiādi. Idaṃ vā vacanaṃ vattabbanti sambandho. Etassa vā attho yāya kāyaci bhāsāya vattabboti sambandho. ‘‘Dehi me cīvaraṃ, āhara me cīvaraṃ, parivattehi me cīvaraṃ, cetāpehi me cīvara’’nti etāni pana vacanāni etesaṃ vā attho yāya kāyaci bhāsāya na vattabbo. Tenāha ‘‘dehi me’’tiādi. Sādheyyāti nipphādeyya. Iccetaṃ kusalanti evaṃ yāvatatiyaṃ codanena tassa cīvarassa yadetaṃ abhinipphādanaṃ, etaṃ kusalaṃ sādhu suṭṭhūti attho. Tenāha ‘‘etaṃ sundara’’nti.
чагкад̇д̇ум̣ барамо барижчзд̣̇о ассаад̇и чагкад̇д̇убарамам̣. ид̣̇ан̃хи ‘‘таад̇аб̣б̣а’’нд̇и имиссаа гирияааяа висзсанам̣, чагкад̇д̇убарамам̣ таанам̣ гаад̇аб̣б̣анд̇и ад̇т̇о. д̇знааха ‘‘бхааванабум̣сагаважанамзд̇а’’нд̇и, зд̇ам̣ бхаавз таад̇аб̣б̣анд̇и вуд̇д̇ад̇хаад̇вад̇т̇амад̇д̇з саад̇хзд̇аб̣б̣з набум̣сагалин̇г̇аважананд̇и ад̇т̇о. на нисийд̣̇ид̇аб̣б̣анд̇и ‘‘ид̇ха, бханд̇з, нисийд̣̇ат̇аа’’д̇и вуд̇д̇зби на нисийд̣̇ид̇аб̣б̣ам̣ . на аамисам̣ бадиг̇г̇ахзд̇аб̣б̣анд̇и яааг̇укаж̇ж̇агаад̣̇ибхзд̣̇ам̣ гин̃жи аамисам̣ ‘‘г̇ан̣хат̇а, бханд̇з’’д̇и яаажияамаанзнааби на г̇ан̣хид̇аб̣б̣ам̣. на д̇хаммо бхаасид̇аб̣б̣од̇и (баараа. адта. 2.538-539) ‘‘ман̇г̇алам̣ ваа анумод̣̇анам̣ ваа бхаасат̇аа’’д̇и яаажияамаанзнааби на гин̃жи бхаасид̇аб̣б̣ам̣. таанам̣ бхан̃ж̇ад̇ийд̇и тид̇им̣ винаасзд̇и. тад̇ваа жийварам̣ г̇ахзд̇ум̣ ааг̇ад̇зна хи д̇ам̣ уд̣̇д̣̇исса д̇ун̣хийбхууд̇зна таад̇аб̣б̣амзва, на нисаж̇ж̇аад̣̇игам̣ гаад̇аб̣б̣ам̣. иминаа бана д̇ам̣ гад̇анд̇и таанам̣ винаасид̇ам̣ ход̇и. д̇знааха ‘‘ааг̇ад̇агааран̣ам̣ винаасзд̇ий’’д̇и. ‘‘ааг̇ад̇агааран̣ам̣ наама таанамзва, д̇асмаа ‘на гаад̇аб̣б̣а’нд̇и ваарид̇асса гад̇ад̇д̇аа нисаж̇ж̇аад̣̇ийсу гад̇зсу часу таанзсу згам̣ таанам̣ бхан̃ж̇ад̇ий’’д̇и (саарад̇т̇а. дий. 2.537-539) аяамзд̇т̇а ад̇хиббааяо. чагкад̇д̇убарамам̣ д̇ун̣хийбхууд̇зна уд̣̇д̣̇исса таад̇аб̣б̣ам̣. ‘‘на ан̃н̃ам̣ гин̃жи гаад̇аб̣б̣а’’нд̇и хи ид̣̇ам̣ тааналагкан̣ам̣. д̇знзвааха ‘‘ид̣̇а’’нд̇иаад̣̇и. д̇ад̇т̇а ид̣̇анд̇и ‘‘жад̇угкад̇д̇ум̣ бан̃жагкад̇д̇ум̣, чагкад̇д̇убарамам̣ д̇ун̣хийбхууд̇зна уд̣̇д̣̇исса таад̇аб̣б̣а’’нд̇и важанам̣. зд̇т̇а жа ‘‘нисийд̣̇анаад̣̇имхи гад̇з буна жийварам̣ г̇ахзд̇ум̣ на лабхад̇ий’’д̇и гзжи. ‘‘д̣̇вз таанаани барихааяанд̇ий’’д̇и ан̃н̃з. ‘‘згам̣ таанам̣ барихааяад̇ий’’д̇и абарз. убхаяам̣ гарод̇ийд̇и жод̣̇зд̇иби д̇идтад̇иби.
Chakkhattuṃ paramo paricchedo assāti chakkhattuparamaṃ. Idañhi ‘‘ṭhātabba’’nti imissā kiriyāya visesanaṃ, chakkhattuparamaṃ ṭhānaṃ kātabbanti attho. Tenāha ‘‘bhāvanapuṃsakavacanameta’’nti, etaṃ bhāve ṭhātabbanti vuttadhātvatthamatte sādhetabbe napuṃsakaliṅgavacananti attho. Na nisīditabbanti ‘‘idha, bhante, nisīdathā’’ti vuttepi na nisīditabbaṃ . Na āmisaṃ paṭiggahetabbanti yāgukhajjakādibhedaṃ kiñci āmisaṃ ‘‘gaṇhatha, bhante’’ti yāciyamānenāpi na gaṇhitabbaṃ. Na dhammo bhāsitabboti (pārā. aṭṭha. 2.538-539) ‘‘maṅgalaṃ vā anumodanaṃ vā bhāsathā’’ti yāciyamānenāpi na kiñci bhāsitabbaṃ. Ṭhānaṃ bhañjatīti ṭhitiṃ vināseti. Ṭhatvā cīvaraṃ gahetuṃ āgatena hi taṃ uddissa tuṇhībhūtena ṭhātabbameva, na nisajjādikaṃ kātabbaṃ. Iminā pana taṃ katanti ṭhānaṃ vināsitaṃ hoti. Tenāha ‘‘āgatakāraṇaṃ vināsetī’’ti. ‘‘Āgatakāraṇaṃ nāma ṭhānameva, tasmā ‘na kātabba’nti vāritassa katattā nisajjādīsu katesu chasu ṭhānesu ekaṃ ṭhānaṃ bhañjatī’’ti (sārattha. ṭī. 2.537-539) ayamettha adhippāyo. Chakkhattuparamaṃ tuṇhībhūtena uddissa ṭhātabbaṃ. ‘‘Na aññaṃ kiñci kātabba’’nti hi idaṃ ṭhānalakkhaṇaṃ. Tenevāha ‘‘ida’’ntiādi. Tattha idanti ‘‘catukkhattuṃ pañcakkhattuṃ, chakkhattuparamaṃ tuṇhībhūtena uddissa ṭhātabba’’nti vacanaṃ. Ettha ca ‘‘nisīdanādimhi kate puna cīvaraṃ gahetuṃ na labhatī’’ti keci. ‘‘Dve ṭhānāni parihāyantī’’ti aññe. ‘‘Ekaṃ ṭhānaṃ parihāyatī’’ti apare. Ubhayaṃ karotīti codetipi tiṭṭhatipi.
‘‘д̇ад̇ра д̇ад̇ра таанз д̇идтад̇ий’’д̇и ид̣̇ам̣ жод̣̇агасса тид̇адтид̇адтаанад̇о абаггамма д̇ад̇ра д̇ад̇ра жийварам̣ уд̣̇д̣̇исса таанам̣язва санд̇хааяа вуд̇д̇ам̣. зд̇т̇аад̇и зд̇зсу д̣̇вийсу жод̣̇анаадтаанзсу.
‘‘Tatra tatra ṭhāne tiṭṭhatī’’ti idaṃ codakassa ṭhitaṭṭhitaṭṭhānato apakkamma tatra tatra cīvaraṃ uddissa ṭhānaṃyeva sandhāya vuttaṃ. Etthāti etesu dvīsu codanāṭṭhānesu.
гим̣ бана саб̣б̣агаббияагаарагзсу (баараа. адта. 2.538-539; ви. сан̇г̇а. адта. 65) звам̣ бадибаж̇ж̇ид̇аб̣б̣анд̇и? на бадибаж̇ж̇ид̇аб̣б̣ам̣. аяан̃хи габбияагаараго наама сан̇кзбад̇о д̣̇увид̇хо нид̣̇д̣̇идто жа анид̣̇д̣̇идто жа. д̇ад̇т̇а жа нид̣̇д̣̇идто д̣̇увид̇хо бхигкунаа нид̣̇д̣̇идто, д̣̇ууд̇зна нид̣̇д̣̇идтод̇и. анид̣̇д̣̇идтоби д̣̇увид̇хо мукавзвадигагаббияагаараго, бараммукагаббияагаарагод̇и. д̇зсу бхигкунаа нид̣̇д̣̇идто саммукаасаммукавасзна жад̇уб̣б̣ид̇хо ход̇и, д̇ат̇аа д̣̇ууд̇зна нид̣̇д̣̇идтоби.
Kiṃ pana sabbakappiyakārakesu (pārā. aṭṭha. 2.538-539; vi. saṅga. aṭṭha. 65) evaṃ paṭipajjitabbanti? Na paṭipajjitabbaṃ. Ayañhi kappiyakārako nāma saṅkhepato duvidho niddiṭṭho ca aniddiṭṭho ca. Tattha ca niddiṭṭho duvidho bhikkhunā niddiṭṭho, dūtena niddiṭṭhoti. Aniddiṭṭhopi duvidho mukhavevaṭikakappiyakārako, parammukhakappiyakārakoti. Tesu bhikkhunā niddiṭṭho sammukhāsammukhavasena catubbidho hoti, tathā dūtena niddiṭṭhopi.
гат̇ам̣? ид̇хзгажжо бхигкусса жийварад̇т̇ааяа д̣̇ууд̇зна агаббияавад̇т̇ум̣ бахин̣ад̇и, д̣̇ууд̇о жа д̇ам̣ бхигкум̣ убасан̇гамид̇ваа ‘‘ид̣̇ам̣, бханд̇з, ид̇т̇аннаамзна д̇умхаагам̣ жийварад̇т̇ааяа бахид̇ам̣, г̇ан̣хат̇а на’’нд̇и вад̣̇ад̇и. бхигку ‘‘ид̣̇ам̣ на габбад̇ий’’д̇и бадигкибад̇и. д̣̇ууд̇о ‘‘ад̇т̇и бана д̇з, бханд̇з, взяяааважжагаро’’д̇и бужчад̇и, бун̃н̃ад̇т̇игзхи жа убаасагзхи ‘‘бхигкуунам̣ взяяааважжам̣ гарот̇аа’’д̇и аан̣ад̇д̇аа ваа бхигкуунам̣ ваа санд̣̇идтаа самбхад̇д̇аа гзжи взяяааважжагараа хонд̇и, д̇зсам̣ ан̃н̃ад̇аро д̇асмим̣ кан̣з бхигкусса санд̇игз нисинно ход̇и, бхигку д̇ам̣ нид̣̇д̣̇исад̇и ‘‘аяам̣ бхигкуунам̣ взяяааважжагаро’’д̇и . д̣̇ууд̇о д̇асса хад̇т̇з агаббияавад̇т̇ум̣ д̣̇ад̇ваа ‘‘т̇зрасса жийварам̣ гин̣ид̇ваа д̣̇зхий’’д̇и г̇ажчад̇и, аяам̣ бхигкунаа саммукаанид̣̇д̣̇идто.
Kathaṃ? Idhekacco bhikkhussa cīvaratthāya dūtena akappiyavatthuṃ pahiṇati, dūto ca taṃ bhikkhuṃ upasaṅkamitvā ‘‘idaṃ, bhante, itthannāmena tumhākaṃ cīvaratthāya pahitaṃ, gaṇhatha na’’nti vadati. Bhikkhu ‘‘idaṃ na kappatī’’ti paṭikkhipati. Dūto ‘‘atthi pana te, bhante, veyyāvaccakaro’’ti pucchati, puññatthikehi ca upāsakehi ‘‘bhikkhūnaṃ veyyāvaccaṃ karothā’’ti āṇattā vā bhikkhūnaṃ vā sandiṭṭhā sambhattā keci veyyāvaccakarā honti, tesaṃ aññataro tasmiṃ khaṇe bhikkhussa santike nisinno hoti, bhikkhu taṃ niddisati ‘‘ayaṃ bhikkhūnaṃ veyyāvaccakaro’’ti . Dūto tassa hatthe akappiyavatthuṃ datvā ‘‘therassa cīvaraṃ kiṇitvā dehī’’ti gacchati, ayaṃ bhikkhunā sammukhāniddiṭṭho.
но жз бхигкусса (баараа. адта. 2.537; ви. сан̇г̇а. адта. 65) санд̇игз нисинно ход̇и, абижа ко бхигку нид̣̇д̣̇исад̇и ‘‘асугасмим̣ наама г̇аамз ид̇т̇аннаамо бхигкуунам̣ взяяааважжагаро’’д̇и. со г̇анд̇ваа д̇асса хад̇т̇з агаббияавад̇т̇ум̣ д̣̇ад̇ваа ‘‘т̇зрасса жийварам̣ гин̣ид̇ваа д̣̇ад̣̇зяяаасий’’д̇и ааг̇анд̇ваа бхигкусса аарожзд̇ваа г̇ажчад̇и, аяамзго бхигкунаа асаммукаанид̣̇д̣̇идто.
No ce bhikkhussa (pārā. aṭṭha. 2.537; vi. saṅga. aṭṭha. 65) santike nisinno hoti, apica kho bhikkhu niddisati ‘‘asukasmiṃ nāma gāme itthannāmo bhikkhūnaṃ veyyāvaccakaro’’ti. So gantvā tassa hatthe akappiyavatthuṃ datvā ‘‘therassa cīvaraṃ kiṇitvā dadeyyāsī’’ti āgantvā bhikkhussa ārocetvā gacchati, ayameko bhikkhunā asammukhāniddiṭṭho.
на хзва ко со д̣̇ууд̇о ад̇д̇анаа ааг̇анд̇ваа аарожзд̇и, абижа ко ан̃н̃ам̣ бахин̣ад̇и ‘‘д̣̇иннам̣ маяаа, бханд̇з, д̇асса хад̇т̇з жийваражзд̇аабаннам̣, жийварам̣ г̇ан̣хзяяаат̇аа’’д̇и, аяам̣ д̣̇уд̇ияо бхигкунаа асаммукаанид̣̇д̣̇идто.
Na heva kho so dūto attanā āgantvā āroceti, apica kho aññaṃ pahiṇati ‘‘dinnaṃ mayā, bhante, tassa hatthe cīvaracetāpannaṃ, cīvaraṃ gaṇheyyāthā’’ti, ayaṃ dutiyo bhikkhunā asammukhāniddiṭṭho.
на хзва ко ан̃н̃ам̣ бахин̣ад̇и, абижа ко г̇ажчанд̇ова бхигкум̣ вад̣̇ад̇и ‘‘ахам̣ д̇асса хад̇т̇з жийваражзд̇аабаннам̣ д̣̇ассаами, д̇умхз жийварам̣ г̇ан̣хзяяаат̇аа’’д̇и, аяам̣ д̇ад̇ияо бхигкунаа асаммукаанид̣̇д̣̇идтод̇и звам̣ зго саммукаанид̣̇д̣̇идто д̇аяо асаммукаанид̣̇д̣̇идтаад̇и имз жад̇д̇ааро бхигкунаа нид̣̇д̣̇идтавзяяааважжагараа наама. зд̇зсу имасмим̣ рааж̇асигкаабад̣̇з вуд̇д̇анаязнзва бадибаж̇ж̇ид̇аб̣б̣ам̣.
Na heva kho aññaṃ pahiṇati, apica kho gacchantova bhikkhuṃ vadati ‘‘ahaṃ tassa hatthe cīvaracetāpannaṃ dassāmi, tumhe cīvaraṃ gaṇheyyāthā’’ti, ayaṃ tatiyo bhikkhunā asammukhāniddiṭṭhoti evaṃ eko sammukhāniddiṭṭho tayo asammukhāniddiṭṭhāti ime cattāro bhikkhunā niddiṭṭhaveyyāvaccakarā nāma. Etesu imasmiṃ rājasikkhāpade vuttanayeneva paṭipajjitabbaṃ.
абаро бхигку буриманаязнзва д̣̇ууд̇зна бужчид̇о над̇т̇ид̇ааяа ваа авижаарзд̇угаамад̇ааяа ваа ‘‘над̇т̇амхаагам̣ габбияагаараго’’д̇и вад̣̇ад̇и, д̇асмин̃жа кан̣з гожи мануссо ааг̇ажчад̇и, д̣̇ууд̇о д̇асса хад̇т̇з агаббияавад̇т̇ум̣ д̣̇ад̇ваа ‘‘имасса хад̇т̇ад̇о жийварам̣ г̇ан̣хзяяаат̇аа’’д̇и вад̇ваа г̇ажчад̇и, аяам̣ д̣̇ууд̇зна саммукаанид̣̇д̣̇идто.
Aparo bhikkhu purimanayeneva dūtena pucchito natthitāya vā avicāretukāmatāya vā ‘‘natthamhākaṃ kappiyakārako’’ti vadati, tasmiñca khaṇe koci manusso āgacchati, dūto tassa hatthe akappiyavatthuṃ datvā ‘‘imassa hatthato cīvaraṃ gaṇheyyāthā’’ti vatvā gacchati, ayaṃ dūtena sammukhāniddiṭṭho.
абаро д̣̇ууд̇о г̇аамам̣ бависид̇ваа ад̇д̇анаа абхиружид̇асса гассажи хад̇т̇з агаббияавад̇т̇ум̣ д̣̇ад̇ваа буриманаязнзва ааг̇анд̇ваа ваа аарожзд̇и, ан̃н̃ам̣ ваа бахин̣ад̇и, ‘‘ахам̣ асугасса наама хад̇т̇з жийваражзд̇аабаннам̣ д̣̇ассаами, д̇умхз жийварам̣ г̇ан̣хзяяаат̇аа’’д̇и вад̇ваа ваа г̇ажчад̇и, аяам̣ д̇ад̇ияо д̣̇ууд̇зна асаммукаанид̣̇д̣̇идтод̇и звам̣ зго саммукаанид̣̇д̣̇идто, д̇аяо асаммукаанид̣̇д̣̇идтаад̇и имз жад̇д̇ааро д̣̇ууд̇зна нид̣̇д̣̇идтавзяяааважжагараа наама. зд̇зсу мзн̣д̣агасигкаабад̣̇з вуд̇д̇анаязнзва бадибаж̇ж̇ид̇аб̣б̣ам̣.
Aparo dūto gāmaṃ pavisitvā attanā abhirucitassa kassaci hatthe akappiyavatthuṃ datvā purimanayeneva āgantvā vā āroceti, aññaṃ vā pahiṇati, ‘‘ahaṃ asukassa nāma hatthe cīvaracetāpannaṃ dassāmi, tumhe cīvaraṃ gaṇheyyāthā’’ti vatvā vā gacchati, ayaṃ tatiyo dūtena asammukhāniddiṭṭhoti evaṃ eko sammukhāniddiṭṭho, tayo asammukhāniddiṭṭhāti ime cattāro dūtena niddiṭṭhaveyyāvaccakarā nāma. Etesu meṇḍakasikkhāpade vuttanayeneva paṭipajjitabbaṃ.
вуд̇д̇ан̃хзд̇ам̣ –
Vuttañhetaṃ –
‘‘санд̇и, бхигкавз, мануссаа сад̣̇д̇хаа басаннаа, д̇з габбияагаарагаанам̣ хад̇т̇з хиран̃н̃ам̣ убанигкибанд̇и ‘иминаа аяяасса яам̣ габбияам̣, д̇ам̣ д̣̇зт̇аа’д̇и. ануж̇аанаами, бхигкавз, яам̣ д̇ад̇о габбияам̣, д̇ам̣ саад̣̇ид̇ум̣, на д̇взваахам̣, бхигкавз, гзнажи барияааязна ж̇аад̇аруубараж̇ад̇ам̣ саад̣̇ид̇аб̣б̣ам̣ бариязсид̇аб̣б̣анд̇и вад̣̇аамий’’д̇и (махаава. 299).
‘‘Santi, bhikkhave, manussā saddhā pasannā, te kappiyakārakānaṃ hatthe hiraññaṃ upanikkhipanti ‘iminā ayyassa yaṃ kappiyaṃ, taṃ dethā’ti. Anujānāmi, bhikkhave, yaṃ tato kappiyaṃ, taṃ sādituṃ, na tvevāhaṃ, bhikkhave, kenaci pariyāyena jātarūparajataṃ sāditabbaṃ pariyesitabbanti vadāmī’’ti (mahāva. 299).
зд̇т̇а жа жод̣̇анааяа баримаан̣ам̣ над̇т̇и. муулам̣ асаад̣̇ияанд̇зна сахассагкад̇д̇умби жод̣̇анааяа ваа таанзна ваа габбияабхан̣д̣ам̣ саад̣̇ид̇ум̣ ваддад̇и. но жз д̣̇зд̇и, ан̃н̃ам̣ габбияагаарагам̣ табзд̇вааби аахараабзд̇аб̣б̣ам̣. сажз ижчад̇и, мууласаамигаанамби гат̇зд̇аб̣б̣ам̣. но жз ижчад̇и, на гат̇зд̇аб̣б̣ам̣.
Ettha ca codanāya parimāṇaṃ natthi. Mūlaṃ asādiyantena sahassakkhattumpi codanāya vā ṭhānena vā kappiyabhaṇḍaṃ sādituṃ vaṭṭati. No ce deti, aññaṃ kappiyakārakaṃ ṭhapetvāpi āharāpetabbaṃ. Sace icchati, mūlasāmikānampi kathetabbaṃ. No ce icchati, na kathetabbaṃ.
абаро бхигку буриманаязнзва д̣̇ууд̇зна бужчид̇о ‘‘над̇т̇амхаагам̣ габбияагаараго’’д̇и вад̣̇ад̇и, д̇ад̣̇ан̃н̃о самийбз тид̇о суд̇ваа ‘‘аахара, бхо, ахам̣ аяяасса жийварам̣ жзд̇аабзд̇ваа д̣̇ассаамий’’д̇и вад̣̇ад̇и. д̣̇ууд̇о ‘‘ханд̣̇а, бхо, д̣̇ад̣̇зяяаасий’’д̇и д̇асса хад̇т̇з д̣̇ад̇ваа бхигкусса анаарожзд̇ваава г̇ажчад̇и, аяам̣ мукавзвадигагаббияагаараго.
Aparo bhikkhu purimanayeneva dūtena pucchito ‘‘natthamhākaṃ kappiyakārako’’ti vadati, tadañño samīpe ṭhito sutvā ‘‘āhara, bho, ahaṃ ayyassa cīvaraṃ cetāpetvā dassāmī’’ti vadati. Dūto ‘‘handa, bho, dadeyyāsī’’ti tassa hatthe datvā bhikkhussa anārocetvāva gacchati, ayaṃ mukhavevaṭikakappiyakārako.
абаро (баараа. адта. 2.538-539; ви. сан̇г̇а. адта. 65) бхигкуно убадтаагасса ваа ан̃н̃асса ваа хад̇т̇з агаббияавад̇т̇ум̣ д̣̇ад̇ваа ‘‘т̇зрасса жийварам̣ д̣̇ад̣̇зяяаасий’’д̇и зд̇д̇ова баггамад̇и, аяам̣ бараммукагаббияагаарагод̇и имз д̣̇вз анид̣̇д̣̇идтагаббияагаарагаа наама. зд̇зсу ан̃н̃аад̇агааббаваарид̇зсу вияа бадибаж̇ж̇ид̇аб̣б̣ам̣.
Aparo (pārā. aṭṭha. 2.538-539; vi. saṅga. aṭṭha. 65) bhikkhuno upaṭṭhākassa vā aññassa vā hatthe akappiyavatthuṃ datvā ‘‘therassa cīvaraṃ dadeyyāsī’’ti ettova pakkamati, ayaṃ parammukhakappiyakārakoti ime dve aniddiṭṭhakappiyakārakā nāma. Etesu aññātakaappavāritesu viya paṭipajjitabbaṃ.
сажз саяамзва жийварам̣ аанзд̇ваа д̣̇знд̇и, г̇ахзд̇аб̣б̣ам̣. но жз, на гин̃жи вад̇д̇аб̣б̣аа. д̇знааха ‘‘сажз’’д̇иаад̣̇и. габбияагаарагзд̇и саммукаасаммукавасзна жад̇д̇ааро габбияагаарагзд̇и ад̇т̇о. ‘‘д̣̇ааяаго саяамзваа’’д̇и иминаа бхигкум̣ бадигкибад̇и, на д̣̇ууд̇ам̣. д̇асмаа д̣̇ууд̇зна нид̣̇д̣̇идтоби яат̇ааружи жод̣̇зд̇ум̣ ваддад̇и. мукам̣ виварид̇ваа саяамзва габбияагаарагад̇д̇ам̣ убаг̇ад̇од̇и мукавзвадигагаббияагаараго. званд̇и ‘‘зсо ко’’д̇иаад̣̇инаа яат̇аавуд̇д̇зна аагаарзна. д̣̇ассид̇аа хонд̇и сан̇кзбад̇од̇и ад̇хиббааяо.
Sace sayameva cīvaraṃ ānetvā denti, gahetabbaṃ. No ce, na kiñci vattabbā. Tenāha ‘‘sace’’tiādi. Kappiyakāraketi sammukhāsammukhavasena cattāro kappiyakāraketi attho. ‘‘Dāyako sayamevā’’ti iminā bhikkhuṃ paṭikkhipati, na dūtaṃ. Tasmā dūtena niddiṭṭhopi yathāruci codetuṃ vaṭṭati. Mukhaṃ vivaritvā sayameva kappiyakārakattaṃ upagatoti mukhavevaṭikakappiyakārako. Evanti ‘‘eso kho’’tiādinā yathāvuttena ākārena. Dassitā honti saṅkhepatoti adhippāyo.
вуд̇д̇ажод̣̇анаадтаанабаримаан̣ад̇од̇и вуд̇д̇ажод̣̇анаабаримаан̣ад̇о жа вуд̇д̇адтаанабаримаан̣ад̇о жа. санд̇иганд̇и самийбам̣. д̇ад̇т̇аад̇и зд̇т̇а гат̇амаяамад̇т̇о лаб̣бхад̇ийд̇и ааха ‘‘самийбад̇т̇з хи ид̣̇ам̣ бхуммаважана’’нд̇и . ид̣̇ам̣ вуд̇д̇ам̣ ход̇и – ‘‘г̇ан̇г̇ааяам̣ г̇ояуут̇аани жаранд̇и, гуубз г̇аг̇г̇агуула’’нд̇иаад̣̇ийсу вияа яасмаа самийбаад̇хаарз ид̣̇ам̣ сад̇д̇амийвибхад̇д̇иважанам̣, д̇асмаа аяамад̇т̇о лаб̣бхад̇ийд̇и. звам̣ агаронд̇од̇и саамам̣ ваа аг̇ажчанд̇о, д̣̇ууд̇ам̣ ваа абаахзнд̇о.
Vuttacodanāṭṭhānaparimāṇatoti vuttacodanāparimāṇato ca vuttaṭṭhānaparimāṇato ca. Santikanti samīpaṃ. Tatthāti ettha kathamayamattho labbhatīti āha ‘‘samīpatthe hi idaṃ bhummavacana’’nti . Idaṃ vuttaṃ hoti – ‘‘gaṅgāyaṃ goyūthāni caranti, kūpe gaggakūla’’ntiādīsu viya yasmā samīpādhāre idaṃ sattamīvibhattivacanaṃ, tasmā ayamattho labbhatīti. Evaṃ akarontoti sāmaṃ vā agacchanto, dūtaṃ vā apāhento.
аж̇ж̇ан̣хо, бханд̇з, ааг̇амзхийд̇и, бханд̇з, аж̇ж̇а згад̣̇ивасам̣ амхаагам̣ д̇идта, ад̇хиваасзхийд̇и ад̇т̇о. д̇игабаажид̇д̇ияанд̇и ад̇ирзгзсу жод̣̇анаадтаанзсу ад̇ирзгасан̃н̃ивзмад̇игауунагасан̃н̃ийнам̣ васзна д̇ийн̣и баажид̇д̇ияаани. д̇игкад̇д̇ум̣ жод̣̇анааяа чагкад̇д̇ум̣ таанзна, уунагад̇игкад̇д̇ум̣ жод̣̇анааяа уунагажчагкад̇д̇ум̣ таанзна лад̣̇д̇хзби анаабад̇д̇и. аббид̇ад̇аад̇и бад̇идтаабид̇ад̇аа, ‘‘сан̃н̃ад̇д̇о со маяаа’’д̇иаад̣̇инаа (баараа. 538) гат̇ид̇ад̇аад̇и вуд̇д̇ам̣ ход̇и.
Ajjaṇho, bhante, āgamehīti, bhante, ajja ekadivasaṃ amhākaṃ tiṭṭha, adhivāsehīti attho. Tikapācittiyanti atirekesu codanāṭṭhānesu atirekasaññivematikaūnakasaññīnaṃ vasena tīṇi pācittiyāni. Tikkhattuṃ codanāya chakkhattuṃ ṭhānena, ūnakatikkhattuṃ codanāya ūnakacchakkhattuṃ ṭhānena laddhepi anāpatti. Appitatāti patiṭṭhāpitatā, ‘‘saññatto so mayā’’tiādinā (pārā. 538) kathitatāti vuttaṃ hoti.
рааж̇асигкаабад̣̇аван̣н̣анаа нидтид̇аа.
Rājasikkhāpadavaṇṇanā niṭṭhitā.
жийвараваг̇г̇о батамо.
Cīvaravaggo paṭhamo.
