| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
10. рааж̇асигкаабад̣̇аван̣н̣анаа
10. Rājasikkhāpadavaṇṇanā
‘‘таанам̣ бхан̃ж̇ад̇и, ааг̇ад̇агааран̣ам̣ винаасзд̇ий’’д̇и вуд̇д̇ад̇д̇аа буна жод̣̇анам̣ на лабхад̇ийд̇и згз. ааг̇аманасса саад̇т̇агам̣ на ход̇и, жийварам̣ на лабхиссад̇и бадисант̇аарасса гад̇ад̇д̇аад̇и згз. жод̣̇анаалагкан̣ам̣ на ход̇ийд̇и гад̇ваа вуд̇д̇анд̇и згз. ‘‘д̇хаммад̣̇зсанаад̇хиббааяаад̣̇инаа на бадисант̇ааро гаад̇аб̣б̣о’’д̇и убад̇иссад̇т̇зро ‘‘‘ааг̇ад̇агааран̣ам̣ винаасзд̇ий’д̇и жод̣̇анаатаанаани бхан̃ж̇ад̇и, жод̣̇зд̇угаамо агад̇д̇аб̣б̣амагааси, д̇аббажжаяаа вад̇д̇абхзд̣̇з д̣̇уггада’’нд̇и жа вад̣̇ад̇и. д̇хаммасирид̇т̇зро бана ‘‘аасанз жз нисийд̣̇ад̇и, згааяа нисаж̇ж̇ааяа д̣̇вз таанаани бхан̃ж̇ад̇и. аамисам̣ жз бадиг̇г̇ан̣хаад̇и, згзна бадиг̇г̇ахан̣зна д̣̇вз таанаани бхан̃ж̇ад̇и. д̇хаммам̣ жз бхаасад̇и, д̇хаммад̣̇зсанаасигкаабад̣̇з вуд̇д̇абарижчзд̣̇ааяа згааяа ваажааяа д̣̇вз таанаани бхан̃ж̇ад̇и. д̇ам̣ санд̇хааяа ‘ааг̇ад̇агааран̣ам̣ винаасзд̇ий’д̇и вуд̇д̇а’’нд̇и вад̣̇ад̇и. ‘‘зсо ко’’д̇и вуд̇д̇зна сан̃н̃ад̇д̇о зго, ‘‘аяам̣ взяяааважжагарод̇и…бз… авуд̇д̇зби жод̣̇зд̇ум̣ ваддад̇ий’’д̇и вуд̇д̇о д̣̇уд̇ияо, сажз бана д̣̇ууд̇о г̇ажчанд̇ова ‘‘ахам̣ д̇асса хад̇т̇з д̣̇ассаамий’’д̇иаад̣̇инаа вуд̇д̇о д̇ад̇ияо, ‘‘ан̃н̃ам̣ ваа бзсзд̇ваа аарожаабзд̇ий’’д̇и вуд̇д̇о жад̇уд̇т̇од̇и яат̇аа бхигкунаа нид̣̇д̣̇идтаа жад̇д̇ааро, д̇ат̇зва д̣̇ууд̇зна нид̣̇д̣̇идтаа жад̇д̇ааро. мукавзвадигагаббияагаараго, бараммукагаббияагаараго жзд̇и зд̇зсу ан̃н̃аад̇агааббаваарид̇зсу вияа бадибаж̇ж̇ид̇аб̣б̣анд̇и ликид̇ам̣.
‘‘Ṭhānaṃ bhañjati, āgatakāraṇaṃ vināsetī’’ti vuttattā puna codanaṃ na labhatīti eke. Āgamanassa sātthakaṃ na hoti, cīvaraṃ na labhissati paṭisanthārassa katattāti eke. Codanālakkhaṇaṃ na hotīti katvā vuttanti eke. ‘‘Dhammadesanādhippāyādinā na paṭisanthāro kātabbo’’ti upatissatthero ‘‘‘āgatakāraṇaṃ vināsetī’ti codanāṭhānāni bhañjati, codetukāmo akattabbamakāsi, tappaccayā vattabhede dukkaṭa’’nti ca vadati. Dhammasiritthero pana ‘‘āsane ce nisīdati, ekāya nisajjāya dve ṭhānāni bhañjati. Āmisaṃ ce paṭiggaṇhāti, ekena paṭiggahaṇena dve ṭhānāni bhañjati. Dhammaṃ ce bhāsati, dhammadesanāsikkhāpade vuttaparicchedāya ekāya vācāya dve ṭhānāni bhañjati. Taṃ sandhāya ‘āgatakāraṇaṃ vināsetī’ti vutta’’nti vadati. ‘‘Eso kho’’ti vuttena saññatto eko, ‘‘ayaṃ veyyāvaccakaroti…pe… avuttepi codetuṃ vaṭṭatī’’ti vutto dutiyo, sace pana dūto gacchantova ‘‘ahaṃ tassa hatthe dassāmī’’tiādinā vutto tatiyo, ‘‘aññaṃ vā pesetvā ārocāpetī’’ti vutto catutthoti yathā bhikkhunā niddiṭṭhā cattāro, tatheva dūtena niddiṭṭhā cattāro. Mukhavevaṭikakappiyakārako, parammukhakappiyakārako ceti etesu aññātakaappavāritesu viya paṭipajjitabbanti likhitaṃ.
рааж̇асигкаабад̣̇аван̣н̣анаа нидтид̇аа.
Rājasikkhāpadavaṇṇanā niṭṭhitā.
жийвараваг̇г̇о батамо.
Cīvaravaggo paṭhamo.
