| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
10. рааж̇асигкаабад̣̇аван̣н̣анаа
10. Rājasikkhāpadavaṇṇanā
537. д̣̇асамз ‘‘аж̇ж̇ан̣хо’’д̇и ‘‘аж̇ж̇а но’’д̇и вад̇д̇аб̣б̣з ха-гаарааг̇амам̣, на-гаарасса жа н̣а-гаарам̣ гад̇ваа вуд̇д̇од̇и ааха ‘‘аж̇ж̇а згад̣̇ивасам̣ амхаага’’нд̇и.
537. Dasame ‘‘ajjaṇho’’ti ‘‘ajja no’’ti vattabbe ha-kārāgamaṃ, na-kārassa ca ṇa-kāraṃ katvā vuttoti āha ‘‘ajja ekadivasaṃ amhāka’’nti.
538-9. яам̣ вуд̇д̇ам̣ маад̇игаадтагат̇ааяам̣ (ган̇каа. адта. рааж̇асигкаабад̣̇аван̣н̣анаа) ‘‘иминаа жийваражзд̇аабаннзна жийварам̣ жзд̇аабзд̇ваа ид̇т̇аннаамам̣ бхигкум̣ жийварзна ажчаад̣̇зхийд̇и ид̣̇ам̣ ааг̇аманасуд̣̇д̇хим̣ д̣̇ассзд̇ум̣ вуд̇д̇ам̣, сажз хи ‘ид̣̇ам̣ ид̇т̇аннаамасса бхигкуно д̣̇зхий’д̇и бзсзяяа, ааг̇аманасса асуд̣̇д̇хад̇д̇аа агаббияавад̇т̇ум̣ аараб̣бха бхигкунаа габбияагаарагоби нид̣̇д̣̇исид̇аб̣б̣о на бхавзяяаа’’д̇и, д̇ам̣ ниссаг̇г̇ияавад̇т̇уд̣̇уггадавад̇т̇убхууд̇ам̣ агаббияажийваражзд̇аабаннам̣ ‘‘асугасса бхигкуно д̣̇зхий’’д̇и звам̣ ааг̇аманасуд̣̇д̇хияаа асад̇и, сигкаабад̣̇з ааг̇ад̇анаязна д̣̇ууд̇аважанз жа асуд̣̇д̇хз саб̣б̣ат̇аа бадигкзбо зва гаад̇ум̣ ваддад̇и, на бана ‘‘жийваран̃жа ко маяам̣ бадиг̇г̇ан̣хаамаа’’д̇и вад̇д̇ум̣, д̇ад̣̇анусаарзна на взяяааважжагаран̃жа нид̣̇д̣̇исид̇ум̣ ааг̇аманад̣̇ууд̇аважанаанам̣ убхиннам̣ асуд̣̇д̇хад̇д̇аа. баал̣ияам̣ ааг̇ад̇анаязна бана ааг̇аманасуд̣̇д̇хияаа сад̇и д̣̇ууд̇аважанз асуд̣̇д̇хзби сигкаабад̣̇з ааг̇ад̇анаязна саб̣б̣ам̣ гаад̇ум̣ ваддад̇ийд̇и д̣̇ассанад̇т̇ам̣ вуд̇д̇ам̣. д̇зна жа яат̇аа д̣̇ууд̇аважанаасуд̣̇д̇хияамби ааг̇аманз суд̣̇д̇хз взяяааважжагарамби нид̣̇д̣̇исид̇ум̣ ваддад̇и, звам̣ ааг̇аманаасуд̣̇д̇хияамби д̣̇ууд̇аважанз суд̣̇д̇хз ваддад̇и зваад̇и аяамад̇т̇о ад̇т̇ад̇о сид̣̇д̇хова ход̇и, убхаяасуд̣̇д̇хияам̣ вад̇д̇аб̣б̣амзва над̇т̇ийд̇и убхаяаасуд̣̇д̇хибагкамзва санд̇хааяа маад̇игаадтагат̇ааяам̣ (ган̇каа. адта. рааж̇асигкаабад̣̇аван̣н̣анаа) ‘‘габбияагаарагоби нид̣̇д̣̇исид̇аб̣б̣о на бхавзяяаа’’д̇и вуд̇д̇анд̇и взд̣̇ид̇аб̣б̣ам̣.
538-9. Yaṃ vuttaṃ mātikāṭṭhakathāyaṃ (kaṅkhā. aṭṭha. rājasikkhāpadavaṇṇanā) ‘‘iminā cīvaracetāpannena cīvaraṃ cetāpetvā itthannāmaṃ bhikkhuṃ cīvarena acchādehīti idaṃ āgamanasuddhiṃ dassetuṃ vuttaṃ, sace hi ‘idaṃ itthannāmassa bhikkhuno dehī’ti peseyya, āgamanassa asuddhattā akappiyavatthuṃ ārabbha bhikkhunā kappiyakārakopi niddisitabbo na bhaveyyā’’ti, taṃ nissaggiyavatthudukkaṭavatthubhūtaṃ akappiyacīvaracetāpannaṃ ‘‘asukassa bhikkhuno dehī’’ti evaṃ āgamanasuddhiyā asati, sikkhāpade āgatanayena dūtavacane ca asuddhe sabbathā paṭikkhepo eva kātuṃ vaṭṭati, na pana ‘‘cīvarañca kho mayaṃ paṭiggaṇhāmā’’ti vattuṃ, tadanusārena na veyyāvaccakarañca niddisituṃ āgamanadūtavacanānaṃ ubhinnaṃ asuddhattā. Pāḷiyaṃ āgatanayena pana āgamanasuddhiyā sati dūtavacane asuddhepi sikkhāpade āgatanayena sabbaṃ kātuṃ vaṭṭatīti dassanatthaṃ vuttaṃ. Tena ca yathā dūtavacanāsuddhiyampi āgamane suddhe veyyāvaccakarampi niddisituṃ vaṭṭati, evaṃ āgamanāsuddhiyampi dūtavacane suddhe vaṭṭati evāti ayamattho atthato siddhova hoti, ubhayasuddhiyaṃ vattabbameva natthīti ubhayāsuddhipakkhameva sandhāya mātikāṭṭhakathāyaṃ (kaṅkhā. aṭṭha. rājasikkhāpadavaṇṇanā) ‘‘kappiyakārakopi niddisitabbo na bhaveyyā’’ti vuttanti veditabbaṃ.
яам̣ банзд̇т̇а саарад̇т̇ад̣̇ийбанияам̣ (саарад̇т̇а. дий. 2.537-539) ‘‘ааг̇аманасса суд̣̇д̇хияаа ваа асуд̣̇д̇хияаа ваа висзсаббаяож̇анам̣ на д̣̇иссад̇ий’’д̇иаад̣̇и вуд̇д̇ам̣, д̇ам̣ маад̇игаадтагат̇ааважанасса ад̇хиббааяам̣ асаллагкзд̇ваа вуд̇д̇ам̣ яат̇аавуд̇д̇анаязна ааг̇аманасуд̣̇д̇хиаад̣̇инаа саббаяож̇анад̇д̇аа. яо банзд̇т̇а ‘‘мууласаамигзна габбияавохааравасзна, бзсид̇асса д̣̇ууд̇асса агаббияавохааравасзна жа вад̣̇ад̇оби габбияагаараго нид̣̇д̣̇исид̇аб̣б̣о бхавзяяаа’’д̇и анидтаббасан̇г̇о вуд̇д̇о, со анидтаббасан̇г̇о зва на ход̇и абхимад̇ад̇д̇аа. д̇ат̇аа хи сигкаабад̣̇з зва ‘‘бадиг̇г̇ан̣хаад̇у ааяасмаа жийваражзд̇аабанна’’нд̇и агаббияавохаарзна вад̣̇ад̇о д̣̇ууд̇асса габбиязна гаммзна взяяааважжагаро нид̣̇д̣̇исид̇аб̣б̣о вуд̇д̇о ааг̇аманасса суд̣̇д̇хад̇д̇аа, ааг̇аманассааби асуд̣̇д̇хияам̣ бана габбиязнааби гаммзна взяяааважжагаро на нид̣̇д̣̇исид̇аб̣б̣од̇и ад̇т̇зва ааг̇аманасса суд̣̇д̇хиасуд̣̇д̇хийсу баяож̇анам̣. гат̇ам̣ бана д̣̇ууд̇аважанзна ааг̇аманасуд̣̇д̇хи вин̃н̃ааяад̇ийд̇и? нааяам̣ бхааро. д̣̇ууд̇зна хи агаббияавохаарзнзва вуд̇д̇з зва ааг̇аманасуд̣̇д̇хи г̇авзсид̇аб̣б̣аа, на ид̇арат̇аа, д̇ад̇т̇а жа д̇асса важанаггамзна бужчид̇ваа жа яуд̇д̇иаад̣̇ийхи жа саггаа вин̃н̃аад̇ум̣. ид̇хааби хи сигкаабад̣̇з ‘‘жийваражзд̇аабаннам̣ аабхад̇а’’нд̇и д̣̇ууд̇аважанзнзва жийварам̣ гин̣ид̇ваа д̣̇аад̇ум̣ бзсид̇абхааво вин̃н̃ааяад̇и. яад̣̇и хи саб̣б̣ат̇аа ааг̇аманасуд̣̇д̇хи на вин̃н̃ааяад̇и, бадигкзбо зва гад̇д̇аб̣б̣од̇и.
Yaṃ panettha sāratthadīpaniyaṃ (sārattha. ṭī. 2.537-539) ‘‘āgamanassa suddhiyā vā asuddhiyā vā visesappayojanaṃ na dissatī’’tiādi vuttaṃ, taṃ mātikāṭṭhakathāvacanassa adhippāyaṃ asallakkhetvā vuttaṃ yathāvuttanayena āgamanasuddhiādinā sappayojanattā. Yo panettha ‘‘mūlasāmikena kappiyavohāravasena, pesitassa dūtassa akappiyavohāravasena ca vadatopi kappiyakārako niddisitabbo bhaveyyā’’ti aniṭṭhappasaṅgo vutto, so aniṭṭhappasaṅgo eva na hoti abhimatattā. Tathā hi sikkhāpade eva ‘‘paṭiggaṇhātu āyasmā cīvaracetāpanna’’nti akappiyavohārena vadato dūtassa kappiyena kammena veyyāvaccakaro niddisitabbo vutto āgamanassa suddhattā, āgamanassāpi asuddhiyaṃ pana kappiyenāpi kammena veyyāvaccakaro na niddisitabboti attheva āgamanassa suddhiasuddhīsu payojanaṃ. Kathaṃ pana dūtavacanena āgamanasuddhi viññāyatīti? Nāyaṃ bhāro. Dūtena hi akappiyavohāreneva vutte eva āgamanasuddhi gavesitabbā, na itarathā, tattha ca tassa vacanakkamena pucchitvā ca yuttiādīhi ca sakkā viññātuṃ. Idhāpi hi sikkhāpade ‘‘cīvaracetāpannaṃ ābhata’’nti dūtavacaneneva cīvaraṃ kiṇitvā dātuṃ pesitabhāvo viññāyati. Yadi hi sabbathā āgamanasuddhi na viññāyati, paṭikkhepo eva kattabboti.
баал̣ияан̃жа ‘‘жийваран̃жа ко маяам̣ бадиг̇г̇ан̣хаамаа’’д̇иаад̣̇и д̣̇ууд̇аважанасса агаббияад̇д̇зби ааг̇аманасуд̣̇д̇хияаа сад̇и бадибаж̇ж̇анавид̇хид̣̇ассанад̇т̇ам̣ вуд̇д̇ам̣. ‘‘зсо ко…бз… на вад̇д̇аб̣б̣о ‘д̇асса д̣̇зхий’’’д̇иаад̣̇и агаббияавад̇т̇усаад̣̇ияанабариможанад̇т̇ам̣ вуд̇д̇ам̣. ‘‘сан̃н̃ад̇д̇о’’д̇иаад̣̇и ‘‘звам̣ д̣̇ууд̇зна буна вуд̇д̇з зва жод̣̇зд̇ум̣ ваддад̇и, на ид̇арат̇аа’’д̇и д̣̇ассанад̇т̇ам̣ вуд̇д̇ам̣. ‘‘на вад̇д̇аб̣б̣о ‘д̣̇зхи мз жийварам̣…бз… жзд̇аабзхи мз жийвара’’’нд̇и ид̣̇ам̣ д̣̇ууд̇знаабхад̇аруубияам̣ бадиг̇г̇ахзд̇ум̣ ад̇д̇анаа нид̣̇д̣̇идтагаббияагаарагад̇д̇аава ‘‘д̣̇зхи мз жийварам̣…бз… жзд̇аабзхи мз жийвара’’нд̇и вад̣̇анд̇о руубияасса багад̇ад̇д̇аа д̇зна руубиязна баривад̇д̇зд̇ваа ‘‘д̣̇зхи жзд̇аабзхий’’д̇и руубияасам̣вохаарам̣ самаабаж̇ж̇анд̇о наама ход̇ийд̇и д̇ам̣ д̣̇осам̣ д̣̇уурад̇о бариваж̇ж̇зд̇ум̣ вуд̇д̇ам̣ руубияабадиг̇г̇ахан̣зна сан̇гхамаж̇жхз ниссадтаруубияз вияа. вуд̇д̇ан̃хи д̇ад̇т̇а ‘‘на вад̇д̇аб̣б̣о имам̣ ваа имам̣ ваа аахараа’’д̇и. д̇асмаа на ид̣̇ам̣ вин̃н̃ад̇д̇ид̣̇осам̣ бариваж̇ж̇зд̇ум̣ вуд̇д̇анд̇и взд̣̇ид̇аб̣б̣ам̣, ‘‘ад̇т̇о мз, аавусо, жийварзнаа’’д̇иби авад̇д̇аб̣б̣ад̇аабасан̇г̇ад̇о, д̇знзва д̣̇ууд̇анид̣̇д̣̇идтзсу руубияасам̣вохаарасан̇гаабхаавад̇о ан̃н̃ам̣ габбияагаарагам̣ табзд̇вааби аахараабзд̇аб̣б̣анд̇и вуд̇д̇ам̣. д̇ад̇т̇ааби ‘‘д̣̇ууд̇зна табид̇аруубиязна жзд̇аабзд̇ваа жийварам̣ аахараабзхий’’д̇и авад̇ваа гзвалам̣ ‘‘жийварам̣ аахараабзхий’’д̇и звам̣ аахараабзд̇аб̣б̣анд̇и ад̇хиббааяо г̇ахзд̇аб̣б̣о. таанам̣ бхан̃ж̇ад̇ийд̇и зд̇т̇а таананд̇и тид̇ияаа жа гааран̣асса жа наамам̣, д̇асмаа аасанз нисийд̣̇анзна таанамби губбад̇и, ааг̇ад̇агааран̣амби д̇зсам̣ на вин̃н̃ааяад̇и. тид̇ам̣ бана агобзд̇ваа аамисабадиг̇г̇ахан̣аад̣̇ийсу ааг̇ад̇агааран̣амзва бхан̃ж̇ад̇и, на таанам̣. д̇знааха ‘‘ааг̇ад̇агааран̣ам̣ бхан̃ж̇ад̇ий’’д̇и . гзжи бана ‘‘аамисабадиг̇г̇ахан̣аад̣̇инаа таанамби бхан̃ж̇ад̇ий’’д̇и вад̣̇анд̇и, д̇ам̣ адтагат̇ааяа на самзд̇и.
Pāḷiyañca ‘‘cīvarañca kho mayaṃ paṭiggaṇhāmā’’tiādi dūtavacanassa akappiyattepi āgamanasuddhiyā sati paṭipajjanavidhidassanatthaṃ vuttaṃ. ‘‘Eso kho…pe… na vattabbo ‘tassa dehī’’’tiādi akappiyavatthusādiyanaparimocanatthaṃ vuttaṃ. ‘‘Saññatto’’tiādi ‘‘evaṃ dūtena puna vutte eva codetuṃ vaṭṭati, na itarathā’’ti dassanatthaṃ vuttaṃ. ‘‘Na vattabbo ‘dehi me cīvaraṃ…pe… cetāpehi me cīvara’’’nti idaṃ dūtenābhatarūpiyaṃ paṭiggahetuṃ attanā niddiṭṭhakappiyakārakattāva ‘‘dehi me cīvaraṃ…pe… cetāpehi me cīvara’’nti vadanto rūpiyassa pakatattā tena rūpiyena parivattetvā ‘‘dehi cetāpehī’’ti rūpiyasaṃvohāraṃ samāpajjanto nāma hotīti taṃ dosaṃ dūrato parivajjetuṃ vuttaṃ rūpiyapaṭiggahaṇena saṅghamajjhe nissaṭṭharūpiye viya. Vuttañhi tattha ‘‘na vattabbo imaṃ vā imaṃ vā āharā’’ti. Tasmā na idaṃ viññattidosaṃ parivajjetuṃ vuttanti veditabbaṃ, ‘‘attho me, āvuso, cīvarenā’’tipi avattabbatāpasaṅgato, teneva dūtaniddiṭṭhesu rūpiyasaṃvohārasaṅkābhāvato aññaṃ kappiyakārakaṃ ṭhapetvāpi āharāpetabbanti vuttaṃ. Tatthāpi ‘‘dūtena ṭhapitarūpiyena cetāpetvā cīvaraṃ āharāpehī’’ti avatvā kevalaṃ ‘‘cīvaraṃ āharāpehī’’ti evaṃ āharāpetabbanti adhippāyo gahetabbo. Ṭhānaṃ bhañjatīti ettha ṭhānanti ṭhitiyā ca kāraṇassa ca nāmaṃ, tasmā āsane nisīdanena ṭhānampi kuppati, āgatakāraṇampi tesaṃ na viññāyati. Ṭhitaṃ pana akopetvā āmisapaṭiggahaṇādīsu āgatakāraṇameva bhañjati, na ṭhānaṃ. Tenāha ‘‘āgatakāraṇaṃ bhañjatī’’ti . Keci pana ‘‘āmisapaṭiggahaṇādinā ṭhānampi bhañjatī’’ti vadanti, taṃ aṭṭhakathāya na sameti.
яад̇асса жийваражзд̇аабаннанд̇иаад̣̇и язна ад̇д̇анаа взяяааважжагаро нид̣̇д̣̇идто, жийваран̃жа анибпаад̣̇ид̇ам̣, д̇асса гад̇д̇аб̣б̣авид̇хид̣̇ассанам̣. звам̣ бхигкунаа вад̇т̇усаамигаанам̣ вуд̇д̇з д̇з жод̣̇зд̇ваа д̣̇знд̇и, ваддад̇и ‘‘саамигаа жод̣̇зд̇ваа д̣̇знд̇ий’’д̇и анаабад̇д̇ияам̣ вуд̇д̇ад̇д̇аа. д̇зна жа яо саяам̣ ажод̣̇зд̇ваа убаасагаад̣̇ийхи барияааязна вад̇ваа жод̣̇аабзд̇и, д̇зсу сад̇д̇агкад̇д̇умби жод̣̇зд̇ваа жийварам̣ д̣̇аабзнд̇зсу д̇асса анаабад̇д̇и сид̣̇д̇хаа ход̇и сигкаабад̣̇асса анаан̣ад̇д̇игад̇д̇аа.
Yatassacīvaracetāpannantiādi yena attanā veyyāvaccakaro niddiṭṭho, cīvarañca anipphāditaṃ, tassa kattabbavidhidassanaṃ. Evaṃ bhikkhunā vatthusāmikānaṃ vutte te codetvā denti, vaṭṭati ‘‘sāmikā codetvā dentī’’ti anāpattiyaṃ vuttattā. Tena ca yo sayaṃ acodetvā upāsakādīhi pariyāyena vatvā codāpeti, tesu sattakkhattumpi codetvā cīvaraṃ dāpentesu tassa anāpatti siddhā hoti sikkhāpadassa anāṇattikattā.
гзнажи анид̣̇д̣̇идто ад̇д̇ано мукзнзва б̣яаавадабхаавам̣ взяяааважжагарад̇д̇ам̣ бад̇д̇о мукавзвадиго. ‘‘авижаарзд̇угаамад̇ааяаа’’д̇и иминаа виж̇ж̇амаанамби д̣̇аад̇ум̣ анижчанд̇аа арияааби ван̃жанаад̇хиббааяам̣ винаа вохаарад̇о над̇т̇ийд̇и вад̣̇анд̇ийд̇и д̣̇ассзд̇и. бхзсаж̇ж̇агканд̇хагз мзн̣д̣агасздтивад̇т̇умхи (махаава. 299) вуд̇д̇ам̣ ‘‘санд̇и, бхигкавз’’д̇иаад̣̇иважанамзва (махаава. 299) мзн̣д̣агасигкаабад̣̇ам̣ наама. габбияагаарагаанам̣ хад̇т̇зд̇и д̣̇ууд̇зна нид̣̇д̣̇идтагаббияагаарагз санд̇хааяа вуд̇д̇ам̣, на бана бхигкунаа нид̣̇д̣̇идтз, анид̣̇д̣̇идтз ваад̇и. д̇знааха ‘‘зд̇т̇а жа жод̣̇анааяа бамаан̣ам̣ над̇т̇ий’’д̇иаад̣̇и.
Kenaci aniddiṭṭho attano mukheneva byāvaṭabhāvaṃ veyyāvaccakarattaṃ patto mukhavevaṭiko. ‘‘Avicāretukāmatāyā’’ti iminā vijjamānampi dātuṃ anicchantā ariyāpi vañcanādhippāyaṃ vinā vohārato natthīti vadantīti dasseti. Bhesajjakkhandhake meṇḍakaseṭṭhivatthumhi (mahāva. 299) vuttaṃ ‘‘santi, bhikkhave’’tiādivacanameva (mahāva. 299) meṇḍakasikkhāpadaṃ nāma. Kappiyakārakānaṃ hattheti dūtena niddiṭṭhakappiyakārake sandhāya vuttaṃ, na pana bhikkhunā niddiṭṭhe, aniddiṭṭhe vāti. Tenāha ‘‘ettha ca codanāya pamāṇaṃ natthī’’tiādi.
саяам̣ аахарид̇ваа д̣̇ад̣̇анд̇зсууд̇и самб̣анд̇хо. ‘‘бин̣д̣абаад̇аад̣̇ийнам̣ ад̇т̇ааяаа’’д̇и иминаа жийварад̇т̇ааязва на ход̇ийд̇и д̣̇ассзд̇и. ‘‘зсзва наяо’’д̇и иминаа вад̇т̇усааминаа нид̣̇д̣̇идтагаббияагаарагабхзд̣̇зсуби бин̣д̣абаад̇аад̣̇ийнамби ад̇т̇ааяа д̣̇иннз жа таанажод̣̇анаад̣̇и саб̣б̣ам̣ хздтаа вуд̇д̇анаязнзва гаад̇аб̣б̣анд̇и д̣̇ассзд̇и.
Sayaṃ āharitvā dadantesūti sambandho. ‘‘Piṇḍapātādīnaṃ atthāyā’’ti iminā cīvaratthāyeva na hotīti dasseti. ‘‘Eseva nayo’’ti iminā vatthusāminā niddiṭṭhakappiyakārakabhedesupi piṇḍapātādīnampi atthāya dinne ca ṭhānacodanādi sabbaṃ heṭṭhā vuttanayeneva kātabbanti dasseti.
‘‘сан̇гхам̣ ваа…бз… анаамасид̇ваа’’д̇и вуд̇д̇ад̇д̇аа ‘‘сан̇гхасса вихаарад̇т̇ааяа д̣̇змаа’’д̇иаад̣̇инаа аамасид̇ваа вад̣̇анд̇зсу бадигкибид̇аб̣б̣амзва. ‘‘сан̇гхо самбадижчад̇ий’’д̇и ид̣̇ам̣ уггадтавасзна вуд̇д̇ам̣, г̇ан̣аад̣̇ийсуби сан̇гхассад̇т̇ааяа самбадижчанд̇зсуби бадиг̇г̇ахан̣зби барибхог̇зби д̣̇уггадамзва. саарад̇т̇ад̣̇ийбанияам̣ ‘‘бадиг̇г̇ахан̣з баажид̇д̇ияа’’нд̇и (саарад̇т̇а. дий. 2.537-539) вуд̇д̇ам̣, д̇ам̣ на яуд̇д̇ам̣ сан̇гхажзд̇ияаад̣̇ийнам̣ ад̇т̇ааяа д̣̇уггадасса вуд̇д̇ад̇д̇аа. жод̣̇зд̇ийд̇и д̇асса д̣̇осаабхаавам̣ н̃ад̇вааби год̇хзна ваа лобхзна ваа бхан̣д̣ад̣̇зяяанд̇и жод̣̇зд̇и. со зва хи мусааваад̣̇аад̣̇ибажжаяаа баажид̇д̇ияад̣̇уггадаад̣̇иаабад̇д̇ийхи саабад̇д̇иго ход̇и, г̇ийваад̇исан̃н̃ааяа бана вад̇ваа нид̣̇д̣̇осабхаавам̣ н̃ад̇ваа вираманд̇асса над̇т̇и аабад̇д̇и.
‘‘Saṅghaṃ vā…pe… anāmasitvā’’ti vuttattā ‘‘saṅghassa vihāratthāya demā’’tiādinā āmasitvā vadantesu paṭikkhipitabbameva. ‘‘Saṅgho sampaṭicchatī’’ti idaṃ ukkaṭṭhavasena vuttaṃ, gaṇādīsupi saṅghassatthāya sampaṭicchantesupi paṭiggahaṇepi paribhogepi dukkaṭameva. Sāratthadīpaniyaṃ ‘‘paṭiggahaṇe pācittiya’’nti (sārattha. ṭī. 2.537-539) vuttaṃ, taṃ na yuttaṃ saṅghacetiyādīnaṃ atthāya dukkaṭassa vuttattā. Codetīti tassa dosābhāvaṃ ñatvāpi kodhena vā lobhena vā bhaṇḍadeyyanti codeti. So eva hi musāvādādipaccayā pācittiyadukkaṭādiāpattīhi sāpattiko hoti, gīvātisaññāya pana vatvā niddosabhāvaṃ ñatvā viramantassa natthi āpatti.
д̇ал̣аагам̣ кзд̇д̇з бавидтад̇д̇аа ‘‘на самбадижчид̇аб̣б̣а’’нд̇и вуд̇д̇ам̣. жад̇д̇ааро бажжаяз сан̇гхо барибхун̃ж̇ад̇ууд̇и д̣̇зд̇и, ваддад̇ийд̇и зд̇т̇а ‘‘бхигкусан̇гхасса жад̇убажжаяабарибхог̇ад̇т̇ааяа д̇ал̣аагам̣ д̣̇аммий’’д̇и ваа ‘‘бхигкусан̇гхо жад̇д̇ааро бажжаяз барибхун̃ж̇ид̇ум̣ д̇ал̣аагам̣ д̣̇аммий’’д̇и ваа ‘‘ид̇о д̇ал̣аагад̇о уббаннз жад̇д̇ааро бажжаяз д̣̇аммий’’д̇и ваа вад̇д̇умби ваддад̇и, ид̣̇ан̃жа сан̇гхасса барибхог̇ад̇т̇ааяа д̣̇ияяамаанан̃н̃зва санд̇хааяа вуд̇д̇ам̣, буг̇г̇аласса бана звамби д̣̇иннам̣ д̇ал̣аагакзд̇д̇аад̣̇и на ваддад̇и. суд̣̇д̇хажид̇д̇асса бана уд̣̇агабарибхог̇ад̇т̇ам̣ гуубабогкаран̣ийаад̣̇аяо вадданд̇и. ‘‘сан̇гхасса д̇ал̣аагам̣ ад̇т̇и, д̇ам̣ гат̇а’’нд̇и хи аад̣̇инаа саб̣б̣ад̇т̇а сан̇гхавасзнзва вуд̇д̇ам̣. хад̇т̇зд̇и васз.
Taḷākaṃ khette paviṭṭhattā ‘‘na sampaṭicchitabba’’nti vuttaṃ. Cattāro paccaye saṅgho paribhuñjatūti deti, vaṭṭatīti ettha ‘‘bhikkhusaṅghassa catupaccayaparibhogatthāya taḷākaṃ dammī’’ti vā ‘‘bhikkhusaṅgho cattāro paccaye paribhuñjituṃ taḷākaṃ dammī’’ti vā ‘‘ito taḷākato uppanne cattāro paccaye dammī’’ti vā vattumpi vaṭṭati, idañca saṅghassa paribhogatthāya diyyamānaññeva sandhāya vuttaṃ, puggalassa pana evampi dinnaṃ taḷākakhettādi na vaṭṭati. Suddhacittassa pana udakaparibhogatthaṃ kūpapokkharaṇīādayo vaṭṭanti. ‘‘Saṅghassa taḷākaṃ atthi, taṃ katha’’nti hi ādinā sabbattha saṅghavaseneva vuttaṃ. Hattheti vase.
‘‘табзт̇аад̇и вуд̇д̇з’’д̇и ид̣̇ам̣ саамийживасзна вуд̇д̇ам̣, авуд̇д̇зби табзнд̇асса д̣̇осо над̇т̇и. д̇знааха ‘‘уд̣̇агам̣ ваарзд̇ум̣ лаб̣бхад̇ий’’д̇и. сассагаалзби д̇аасзд̇ваа мун̃жид̇ум̣ ваддад̇и, амун̃жад̇о бана бхан̣д̣ад̣̇зяяам̣. буна д̣̇зд̇ийд̇и ажчинд̣̇ид̇ваа буна д̣̇зд̇и, звамби ваддад̇ийд̇и самб̣анд̇хо. иминаа ‘‘язна гзнажи иссарзна ‘барижжад̇д̇амид̣̇ам̣ бхигкуухи, ассаамига’нд̇исан̃н̃ааяа ад̇д̇анаа г̇ахзд̇ваа д̣̇иннам̣ ваддад̇ий’’д̇и д̣̇ассзд̇и. габбияавохаарзби винижчаяам̣ вагкаамаад̇и баатасзсо.
‘‘Ṭhapethāti vutte’’ti idaṃ sāmīcivasena vuttaṃ, avuttepi ṭhapentassa doso natthi. Tenāha ‘‘udakaṃ vāretuṃ labbhatī’’ti. Sassakālepi tāsetvā muñcituṃ vaṭṭati, amuñcato pana bhaṇḍadeyyaṃ. Puna detīti acchinditvā puna deti, evampi vaṭṭatīti sambandho. Iminā ‘‘yena kenaci issarena ‘pariccattamidaṃ bhikkhūhi, assāmika’ntisaññāya attanā gahetvā dinnaṃ vaṭṭatī’’ti dasseti. Kappiyavohārepi vinicchayaṃ vakkhāmāti pāṭhaseso.
уд̣̇агавасзнаад̇и уд̣̇агабарибхог̇ад̇т̇ам̣. ‘‘суд̣̇д̇хажид̇д̇аана’’нд̇и ид̣̇ам̣ сахад̇т̇зна жа агаббияавохаарзна жа гаронд̇з санд̇хааяа вуд̇д̇ам̣. сассасамбаад̣̇анад̇т̇анд̇и звам̣ асуд̣̇д̇хажид̇д̇аанамби бана саяам̣ агад̇ваа габбияавохаарзна аан̣аабзд̇ум̣ ваддад̇и зва. ‘‘габбияагаарагам̣ табзд̇ум̣ на ваддад̇ий’’д̇и ид̣̇ам̣ сахад̇т̇аад̣̇инаа гад̇ад̇ал̣аагад̇д̇аа ‘‘асаарубба’’нд̇и вуд̇д̇ам̣, табзнд̇асса, бана д̇ам̣ бажжаяам̣ барибхун̃ж̇анд̇ассаби ваа сан̇гхасса аабад̇д̇и на вин̃н̃ааяад̇и, адтагат̇аабамаан̣зна ваа зд̇т̇а аабад̇д̇и г̇ахзд̇аб̣б̣аа. лаж̇ж̇ибхигкунаад̇и лаж̇ж̇инааби, баг̇зва алаж̇ж̇инаа мад̇д̇игуд̣̇д̇харан̣аад̣̇ийсу гаараабид̇зсууд̇и ад̇хиббааяо. навасассзд̇и агад̇абуб̣б̣з гзд̣̇аарз. ‘‘гахаабан̣з’’д̇и иминаа д̇хан̃н̃удтаабанз д̇ассзва агаббияанд̇и д̣̇ассзд̇и, д̇хан̃н̃удтаабанз жасса баяог̇зби д̣̇уггадамзва, на гахаабан̣удтаабанз вияа.
Udakavasenāti udakaparibhogatthaṃ. ‘‘Suddhacittāna’’nti idaṃ sahatthena ca akappiyavohārena ca karonte sandhāya vuttaṃ. Sassasampādanatthanti evaṃ asuddhacittānampi pana sayaṃ akatvā kappiyavohārena āṇāpetuṃ vaṭṭati eva. ‘‘Kappiyakārakaṃ ṭhapetuṃ na vaṭṭatī’’ti idaṃ sahatthādinā katataḷākattā ‘‘asāruppa’’nti vuttaṃ, ṭhapentassa, pana taṃ paccayaṃ paribhuñjantassapi vā saṅghassa āpatti na viññāyati, aṭṭhakathāpamāṇena vā ettha āpatti gahetabbā. Lajjibhikkhunāti lajjināpi, pageva alajjinā mattikuddharaṇādīsu kārāpitesūti adhippāyo. Navasasseti akatapubbe kedāre. ‘‘Kahāpaṇe’’ti iminā dhaññuṭṭhāpane tasseva akappiyanti dasseti, dhaññuṭṭhāpane cassa payogepi dukkaṭameva, na kahāpaṇuṭṭhāpane viya.
‘‘гасат̇а вабат̇аа’’д̇и важанз саб̣б̣зсамби агаббияам̣ сияаад̇и ааха ‘‘авад̇ваа’’д̇и. зд̇д̇аго наама бхааг̇од̇и зд̇т̇а зд̇д̇аго гахаабан̣од̇и ид̣̇амби санд̇хааяа вад̣̇ад̇и. д̇ат̇аа вуд̇д̇зби хи д̇ад̣̇аа гахаабан̣аанам̣ авиж̇ж̇амаанад̇д̇аа ааяад̇им̣ уббаннам̣ ан̃н̃зсам̣ ваддад̇и зва. д̇знааха ‘‘д̇ассзва д̇ам̣ агаббияа’’нд̇и. д̇асса бана саб̣б̣абаяог̇зсу, барибхог̇зсуби д̣̇уггадам̣. гзжи бана ‘‘д̇хан̃н̃абарибхог̇з зва аабад̇д̇и, на буб̣б̣абаяог̇з’’д̇и вад̣̇анд̇и, д̇ам̣ на яуд̇д̇ам̣, язна минанарагкан̣аад̣̇ибаяог̇зна бажчаа д̇хан̃н̃абарибхог̇з аабад̇д̇и ход̇и, д̇асса баяог̇асса гаран̣з анаабад̇д̇ияаа аяуд̇д̇ад̇д̇аа. барияааяагат̇ааяа бана саб̣б̣ад̇т̇а анаабад̇д̇и. д̇знзва ‘‘зд̇д̇агзхи вийхийхи ид̣̇ан̃жид̣̇ан̃жа аахарат̇аа’’д̇и нияамаважанз агаббияам̣ вуд̇д̇ам̣, гахаабан̣авижааран̣зби зсзва наяо. вад̇т̇у жа зваруубам̣ наама сам̣виж̇ж̇ад̇и, габбияагаараго над̇т̇ийд̇и вад̇д̇аб̣б̣анд̇иаад̣̇иважанан̃жзд̇т̇а саад̇хагам̣.
‘‘Kasatha vapathā’’ti vacane sabbesampi akappiyaṃ siyāti āha ‘‘avatvā’’ti. Ettako nāma bhāgoti ettha ettako kahāpaṇoti idampi sandhāya vadati. Tathā vuttepi hi tadā kahāpaṇānaṃ avijjamānattā āyatiṃ uppannaṃ aññesaṃ vaṭṭati eva. Tenāha ‘‘tasseva taṃ akappiya’’nti. Tassa pana sabbapayogesu, paribhogesupi dukkaṭaṃ. Keci pana ‘‘dhaññaparibhoge eva āpatti, na pubbapayoge’’ti vadanti, taṃ na yuttaṃ, yena minanarakkhaṇādipayogena pacchā dhaññaparibhoge āpatti hoti, tassa payogassa karaṇe anāpattiyā ayuttattā. Pariyāyakathāya pana sabbattha anāpatti. Teneva ‘‘ettakehi vīhīhi idañcidañca āharathā’’ti niyamavacane akappiyaṃ vuttaṃ, kahāpaṇavicāraṇepi eseva nayo. Vatthu ca evarūpaṃ nāma saṃvijjati, kappiyakārako natthīti vattabbantiādivacanañcettha sādhakaṃ.
ванам̣ д̣̇амми…бз… ваддад̇ийд̇и зд̇т̇а ниваасадтаанад̇д̇аа буг̇г̇алассааби суд̣̇д̇хажид̇д̇зна г̇ахзд̇ум̣ ваддад̇и. сиймам̣ д̣̇змаад̇и вихаарасиймаад̣̇исаад̇хааран̣аважанзна вуд̇д̇ад̇д̇аа ‘‘ваддад̇ий’’д̇и вуд̇д̇ам̣.
Vanaṃ dammi…pe… vaṭṭatīti ettha nivāsaṭṭhānattā puggalassāpi suddhacittena gahetuṃ vaṭṭati. Sīmaṃ demāti vihārasīmādisādhāraṇavacanena vuttattā ‘‘vaṭṭatī’’ti vuttaṃ.
‘‘взяяааважжагара’’нд̇иаад̣̇инаа вуд̇д̇зби буг̇г̇алассаби д̣̇аасам̣ г̇ахзд̇ум̣ ваддад̇и ‘‘ануж̇аанаами, бхигкавз, аараамига’’нд̇и (баараа. 619; махаава. 270) висзсзд̇ваа анун̃н̃аад̇ад̇д̇аа, д̇ан̃жа ко билинд̣̇аважчзна г̇ахид̇абарибхуд̇д̇аггамзна, на г̇ахадтаанам̣ д̣̇аасабарибхог̇аггамзна. кзд̇д̇аад̣̇аяо бана саб̣б̣з сан̇гхассзва вадданд̇и баал̣ияам̣ буг̇г̇алигавасзна г̇ахзд̇ум̣ ананун̃н̃аад̇ад̇д̇аад̇и д̣̇адтаб̣б̣ам̣. вихаарасса д̣̇змаад̇и сан̇гхигавихаарам̣ санд̇хааяа вуд̇д̇ам̣, ‘‘кзд̇д̇авад̇т̇убадиг̇г̇ахан̣аа бадивирад̇о ход̇ий’’д̇иаад̣̇инаа (д̣̇ий. ни. 1.10, 194) суд̇д̇анд̇зсу ааг̇ад̇абадигкзбо бхаг̇авад̇аа аабад̇д̇ияааби хзд̇убхаавзна гад̇од̇и бхаг̇авад̇о ад̇хиббааяам̣ ж̇аананд̇зхи сан̇г̇ийд̇имахаат̇зрзхи кзд̇д̇абадиг̇г̇ахан̣аад̣̇иниссид̇о аяам̣ саб̣б̣оби баал̣имуд̇д̇авинижчаяо вуд̇д̇од̇и г̇ахзд̇аб̣б̣о. габбияагаарагасса нид̣̇д̣̇идтабхааво, д̣̇ууд̇зна аббид̇ад̇аа, д̇ад̇уд̇д̇ари вааяаамо, д̇зна бадилаабход̇и имаанзд̇т̇а жад̇д̇аари ан̇г̇аани.
‘‘Veyyāvaccakara’’ntiādinā vuttepi puggalassapi dāsaṃ gahetuṃ vaṭṭati ‘‘anujānāmi, bhikkhave, ārāmika’’nti (pārā. 619; mahāva. 270) visesetvā anuññātattā, tañca kho pilindavacchena gahitaparibhuttakkamena, na gahaṭṭhānaṃ dāsaparibhogakkamena. Khettādayo pana sabbe saṅghasseva vaṭṭanti pāḷiyaṃ puggalikavasena gahetuṃ ananuññātattāti daṭṭhabbaṃ. Vihārassa demāti saṅghikavihāraṃ sandhāya vuttaṃ, ‘‘khettavatthupaṭiggahaṇā paṭivirato hotī’’tiādinā (dī. ni. 1.10, 194) suttantesu āgatapaṭikkhepo bhagavatā āpattiyāpi hetubhāvena katoti bhagavato adhippāyaṃ jānantehi saṅgītimahātherehi khettapaṭiggahaṇādinissito ayaṃ sabbopi pāḷimuttavinicchayo vuttoti gahetabbo. Kappiyakārakassa niddiṭṭhabhāvo, dūtena appitatā, tatuttari vāyāmo, tena paṭilābhoti imānettha cattāri aṅgāni.
рааж̇асигкаабад̣̇аван̣н̣анаа нидтид̇аа.
Rājasikkhāpadavaṇṇanā niṭṭhitā.
нидтид̇о жийвараваг̇г̇о батамо.
Niṭṭhito cīvaravaggo paṭhamo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 10. рааж̇асигкаабад̣̇ам̣ • 10. Rājasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 10. рааж̇асигкаабад̣̇аван̣н̣анаа • 10. Rājasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 10. рааж̇асигкаабад̣̇аван̣н̣анаа • 10. Rājasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. рааж̇асигкаабад̣̇аван̣н̣анаа • 10. Rājasikkhāpadavaṇṇanā
