| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
2. рааж̇асуд̇д̇ам̣
2. Rājasuttaṃ
12. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна самб̣ахулаанам̣ бхигкуунам̣ бажчаабхад̇д̇ам̣ бин̣д̣абаад̇абадигганд̇аанам̣ убадтаанасаалааяам̣ саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘‘го ну ко, аавусо, имзсам̣ д̣̇виннам̣ рааж̇уунам̣ махад̣̇д̇ханад̇аро ваа махаабхог̇ад̇аро ваа махаагосад̇аро ваа махаавиж̇ид̇ад̇аро ваа махаавааханад̇аро ваа махаб̣б̣алад̇аро ваа махид̣̇д̇хигад̇аро ваа махаанубхаавад̇аро ваа рааж̇аа ваа мааг̇ад̇хо сзнияо б̣имб̣исааро, рааж̇аа ваа басзнад̣̇и госало’’д̇и? аяан̃жарахи д̇зсам̣ бхигкуунам̣ анд̇араагат̇аа ход̇и виббагад̇аа.
12. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulānaṃ bhikkhūnaṃ pacchābhattaṃ piṇḍapātapaṭikkantānaṃ upaṭṭhānasālāyaṃ sannisinnānaṃ sannipatitānaṃ ayamantarākathā udapādi – ‘‘ko nu kho, āvuso, imesaṃ dvinnaṃ rājūnaṃ mahaddhanataro vā mahābhogataro vā mahākosataro vā mahāvijitataro vā mahāvāhanataro vā mahabbalataro vā mahiddhikataro vā mahānubhāvataro vā rājā vā māgadho seniyo bimbisāro, rājā vā pasenadi kosalo’’ti? Ayañcarahi tesaṃ bhikkhūnaṃ antarākathā hoti vippakatā.
ат̇а ко бхаг̇аваа сааяанхасамаяам̣ бадисаллаанаа вудтид̇о язнубадтаанасаалаа д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа бхигкуу ааманд̇зси – ‘‘гааяа нуд̇т̇а, бхигкавз, зд̇арахи гат̇ааяа саннисиннаа саннибад̇ид̇аа, гаа жа бана во анд̇араагат̇аа виббагад̇аа’’д̇и?
Atha kho bhagavā sāyanhasamayaṃ paṭisallānā vuṭṭhito yenupaṭṭhānasālā tenupasaṅkami; upasaṅkamitvā paññatte āsane nisīdi. Nisajja kho bhagavā bhikkhū āmantesi – ‘‘kāya nuttha, bhikkhave, etarahi kathāya sannisinnā sannipatitā, kā ca pana vo antarākathā vippakatā’’ti?
‘‘ид̇ха, бханд̇з, амхаагам̣ бажчаабхад̇д̇ам̣ бин̣д̣абаад̇абадигганд̇аанам̣ убадтаанасаалааяам̣ саннисиннаанам̣ саннибад̇ид̇аанам̣ аяаманд̇араагат̇аа уд̣̇абаад̣̇и – ‘го ну ко, аавусо, имзсам̣ д̣̇виннам̣ рааж̇уунам̣ махад̣̇д̇ханад̇аро ваа махаабхог̇ад̇аро ваа махаагосад̇аро ваа махаавиж̇ид̇ад̇аро ваа махаавааханад̇аро ваа махаб̣б̣алад̇аро ваа махид̣̇д̇хигад̇аро ваа махаанубхаавад̇аро ваа рааж̇аа ваа мааг̇ад̇хо сзнияо б̣имб̣исааро, рааж̇аа ваа басзнад̣̇и госало’д̇и? аяам̣ ко но, бханд̇з, анд̇араагат̇аа виббагад̇аа, ат̇а бхаг̇аваа ануббад̇д̇о’’д̇и.
‘‘Idha, bhante, amhākaṃ pacchābhattaṃ piṇḍapātapaṭikkantānaṃ upaṭṭhānasālāyaṃ sannisinnānaṃ sannipatitānaṃ ayamantarākathā udapādi – ‘ko nu kho, āvuso, imesaṃ dvinnaṃ rājūnaṃ mahaddhanataro vā mahābhogataro vā mahākosataro vā mahāvijitataro vā mahāvāhanataro vā mahabbalataro vā mahiddhikataro vā mahānubhāvataro vā rājā vā māgadho seniyo bimbisāro, rājā vā pasenadi kosalo’ti? Ayaṃ kho no, bhante, antarākathā vippakatā, atha bhagavā anuppatto’’ti.
‘‘на квзд̇ам̣, бхигкавз, д̇умхаагам̣ бад̇ируубам̣ гулабуд̇д̇аанам̣ сад̣̇д̇хаа аг̇аарасмаа анаг̇аарияам̣ баб̣б̣аж̇ид̇аанам̣ яам̣ д̇умхз зваруубим̣ гат̇ам̣ гат̇зяяаат̇а. саннибад̇ид̇аанам̣ во, бхигкавз, д̣̇ваяам̣ гаран̣ийяам̣ – д̇хаммий ваа гат̇аа арияо ваа д̇ун̣хийбхааво’’д̇и.
‘‘Na khvetaṃ, bhikkhave, tumhākaṃ patirūpaṃ kulaputtānaṃ saddhā agārasmā anagāriyaṃ pabbajitānaṃ yaṃ tumhe evarūpiṃ kathaṃ katheyyātha. Sannipatitānaṃ vo, bhikkhave, dvayaṃ karaṇīyaṃ – dhammī vā kathā ariyo vā tuṇhībhāvo’’ti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘яан̃жа гаамасукам̣ логз, яан̃жид̣̇ам̣ д̣̇ивияам̣ сукам̣;
‘‘Yañca kāmasukhaṃ loke, yañcidaṃ diviyaṃ sukhaṃ;
д̇ан̣хагкаяасукассзд̇з , галам̣ нааг̇гханд̇и сол̣аси’’нд̇и. д̣̇уд̇ияам̣;
Taṇhakkhayasukhassete , kalaṃ nāgghanti soḷasi’’nti. dutiyaṃ;
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 2. рааж̇асуд̇д̇аван̣н̣анаа • 2. Rājasuttavaṇṇanā
