Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi

    ༩. རཱཛཝགྒོ

    9. Rājavaggo

    ༡༣༦. པུབྦེ ཨཔྤཊིསཾཝིདིཏེན རཉྙོ ཨནྟེཔུརཾ པཝིསནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཨཱཡསྨནྟཾ ཨཱནནྡཾ ཨཱརབྦྷ། ཀིསྨིཾ ཝཏྠུསྨིནྟི? ཨཱཡསྨཱ ཨཱནནྡོ པུབྦེ ཨཔྤཊིསཾཝིདིཏོ རཉྙོ ཨནྟེཔུརཾ པཱཝིསི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ॰…།

    136. Pubbe appaṭisaṃviditena rañño antepuraṃ pavisantassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Āyasmantaṃ ānandaṃ ārabbha. Kismiṃ vatthusminti? Āyasmā ānando pubbe appaṭisaṃvidito rañño antepuraṃ pāvisi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ dvīhi samuṭṭhānehi samuṭṭhāti kathinake…pe….

    ༡༣༧. རཏནཾ ཨུགྒཎྷནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ ། ཀཾ ཨཱརབྦྷཱཏི? ཨཉྙཏརཾ བྷིཀྑུཾ ཨཱརབྦྷ། ཀིསྨིཾ ཝཏྠུསྨིནྟི? ཨཉྙཏརོ བྷིཀྑུ རཏནཾ ཨུགྒཧེསི, ཏསྨིཾ ཝཏྠུསྨིཾ། ཨེཀཱ པཉྙཏྟི, དྭེ ཨནུཔཉྙཏྟིཡོ། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།

    137. Ratanaṃ uggaṇhantassa pācittiyaṃ kattha paññattanti? Sāvatthiyaṃ paññattaṃ . Kaṃ ārabbhāti? Aññataraṃ bhikkhuṃ ārabbha. Kismiṃ vatthusminti? Aññataro bhikkhu ratanaṃ uggahesi, tasmiṃ vatthusmiṃ. Ekā paññatti, dve anupaññattiyo. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….

    ༡༣༨. སནྟཾ བྷིཀྑུཾ ཨནཱཔུཙྪཱ ཝིཀཱལེ གཱམཾ པཝིསནྟསྶ པཱཙིཏྟིཡཾ ཀཏྠ པཉྙཏྟནྟི ? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ། ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཝིཀཱལེ གཱམཾ པཝིསིཾསུ, ཏསྨིཾ ཝཏྠུསྨིཾ། ཨེཀཱ པཉྙཏྟི, ཏིསྶོ ཨནུཔཉྙཏྟིཡོ། ཚནྣཾ ཨཱཔཏྟིསམུཊྛཱནཱནཾ དྭཱིཧི སམུཊྛཱནེཧི སམུཊྛཱཏི ཀཐིནཀེ…པེ॰…།

    138. Santaṃ bhikkhuṃ anāpucchā vikāle gāmaṃ pavisantassa pācittiyaṃ kattha paññattanti ? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū vikāle gāmaṃ pavisiṃsu, tasmiṃ vatthusmiṃ. Ekā paññatti, tisso anupaññattiyo. Channaṃ āpattisamuṭṭhānānaṃ dvīhi samuṭṭhānehi samuṭṭhāti kathinake…pe….

    ༡༣༩. ཨཊྛིམཡཾ ཝཱ དནྟམཡཾ ཝཱ ཝིསཱཎམཡཾ ཝཱ སཱུཙིགྷརཾ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཀྐེསུ པཉྙཏྟཾ། ཀཾ ཨཱརབྦྷཱཏི? སམྦཧུལེ བྷིཀྑཱུ ཨཱརབྦྷ། ཀིསྨིཾ ཝཏྠུསྨིནྟི? སམྦཧུལཱ བྷིཀྑཱུ ན མཏྟཾ ཛཱནིཏྭཱ བཧཱུ སཱུཙིགྷརེ ཝིཉྙཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།

    139. Aṭṭhimayaṃ vā dantamayaṃ vā visāṇamayaṃ vā sūcigharaṃ kārāpentassa pācittiyaṃ kattha paññattanti? Sakkesu paññattaṃ. Kaṃ ārabbhāti? Sambahule bhikkhū ārabbha. Kismiṃ vatthusminti? Sambahulā bhikkhū na mattaṃ jānitvā bahū sūcighare viññāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….

    ༡༤༠. པམཱཎཱཏིཀྐནྟཾ མཉྩཾ ཝཱ པཱིཋཾ ཝཱ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཨཱཡསྨནྟཾ ཨུཔནནྡཾ སཀྱཔུཏྟཾ ཨཱརབྦྷ། ཀིསྨིཾ ཝཏྠུསྨིནྟི? ཨཱཡསྨཱ ཨུཔནནྡོ སཀྱཔུཏྟོ ཨུཙྩེ མཉྩེ སཡི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།

    140. Pamāṇātikkantaṃ mañcaṃ vā pīṭhaṃ vā kārāpentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Āyasmantaṃ upanandaṃ sakyaputtaṃ ārabbha. Kismiṃ vatthusminti? Āyasmā upanando sakyaputto ucce mañce sayi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….

    ༡༤༡. མཉྩཾ ཝཱ པཱིཋཾ ཝཱ ཏཱུལོནདྡྷཾ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ། ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ མཉྩཾ ཝཱ པཱིཋཾ ཝཱ ཏཱུལོནདྡྷཾ ཀཱརཱཔེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།

    141. Mañcaṃ vā pīṭhaṃ vā tūlonaddhaṃ kārāpentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū mañcaṃ vā pīṭhaṃ vā tūlonaddhaṃ kārāpesuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….

    ༡༤༢. པམཱཎཱཏིཀྐནྟཾ ནིསཱིདནཾ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ། ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨཔྤམཱཎིཀཱནི ནིསཱིདནཱནི དྷཱརེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི, ཨེཀཱ ཨནུཔཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།

    142. Pamāṇātikkantaṃ nisīdanaṃ kārāpentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū appamāṇikāni nisīdanāni dhāresuṃ, tasmiṃ vatthusmiṃ. Ekā paññatti, ekā anupaññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….

    ༡༤༣. པམཱཎཱཏིཀྐནྟཾ ཀཎྜུཔྤཊིཙྪཱདིཾ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ། ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨཔྤམཱཎིཀཱཡོ ཀཎྜུཔྤཊིཙྪཱདིཡོ དྷཱརེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།

    143. Pamāṇātikkantaṃ kaṇḍuppaṭicchādiṃ kārāpentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha. Kismiṃ vatthusminti? Chabbaggiyā bhikkhū appamāṇikāyo kaṇḍuppaṭicchādiyo dhāresuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….

    ༡༤༤. པམཱཎཱཏིཀྐནྟཾ ཝསྶིཀསཱཊིཀཾ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཚབྦགྒིཡེ བྷིཀྑཱུ ཨཱརབྦྷ ། ཀིསྨིཾ ཝཏྠུསྨིནྟི? ཚབྦགྒིཡཱ བྷིཀྑཱུ ཨཔྤམཱཎིཀཱཡོ ཝསྶིཀསཱཊིཀཱཡོ དྷཱརེསུཾ, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།

    144. Pamāṇātikkantaṃ vassikasāṭikaṃ kārāpentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Chabbaggiye bhikkhū ārabbha . Kismiṃ vatthusminti? Chabbaggiyā bhikkhū appamāṇikāyo vassikasāṭikāyo dhāresuṃ, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….

    ༡༤༥. སུགཏཙཱིཝརཔྤམཱཎཾ ཙཱིཝརཾ ཀཱརཱཔེནྟསྶ པཱཙིཏྟིཡཾ ཀཏྠ པཉྙཏྟནྟི? སཱཝཏྠིཡཾ པཉྙཏྟཾ། ཀཾ ཨཱརབྦྷཱཏི? ཨཱཡསྨནྟཾ ནནྡཾ ཨཱརབྦྷ། ཀིསྨིཾ ཝཏྠུསྨིནྟི? ཨཱཡསྨཱ ནནྡོ སུགཏཙཱིཝརཔྤམཱཎཾ ཙཱིཝརཾ དྷཱརེསི, ཏསྨིཾ ཝཏྠུསྨིཾ། ཨེཀཱ པཉྙཏྟི། ཚནྣཾ ཨཱཔཏྟིསམུཊྛཱནཱནཾ ཚཧི སམུཊྛཱནེཧི སམུཊྛཱཏི…པེ॰…།

    145. Sugatacīvarappamāṇaṃ cīvaraṃ kārāpentassa pācittiyaṃ kattha paññattanti? Sāvatthiyaṃ paññattaṃ. Kaṃ ārabbhāti? Āyasmantaṃ nandaṃ ārabbha. Kismiṃ vatthusminti? Āyasmā nando sugatacīvarappamāṇaṃ cīvaraṃ dhāresi, tasmiṃ vatthusmiṃ. Ekā paññatti. Channaṃ āpattisamuṭṭhānānaṃ chahi samuṭṭhānehi samuṭṭhāti…pe….

    རཱཛཝགྒོ ནཝམོ།

    Rājavaggo navamo.

    དྭེནཝུཏི པཱཙིཏྟིཡཱ ནིཊྛིཏཱ།

    Dvenavuti pācittiyā niṭṭhitā.

    ཁུདྡཀཾ སམཏྟཾ།

    Khuddakaṃ samattaṃ.

    ཏསྶུདྡཱནཾ –

    Tassuddānaṃ –

    མུསཱ ཨོམསཔེསུཉྙཾ, པདསེཡྻཱ ཙ ཨིཏྠིཡཱ།

    Musā omasapesuññaṃ, padaseyyā ca itthiyā;

    ཨཉྙཏྲ ཝིཉྙུནཱ བྷཱུཏཱ 1, དུཊྛུལླཱཔཏྟི ཁཎནཱ༎

    Aññatra viññunā bhūtā 2, duṭṭhullāpatti khaṇanā.

    བྷཱུཏཾ ཨཉྙཱཡ ཨུཛ྄ཛྷཱཡི 3, མཉྩོ སེཡྻོ ཙ ཝུཙྩཏི།

    Bhūtaṃ aññāya ujjhāyi 4, mañco seyyo ca vuccati;

    པུབྦེ ནིཀྐཌྜྷནཱཧཙྩ, དྭཱརཾ སཔྤཱཎཀེན ཙ༎

    Pubbe nikkaḍḍhanāhacca, dvāraṃ sappāṇakena ca.

    ཨསམྨཏཱ ཨཏྠངྒཏེ, ཨུཔསྶཡཱམིསེན ཙ།

    Asammatā atthaṅgate, upassayāmisena ca;

    དདེ སིབྦེ ཝིདྷཱནེན, ནཱཝཱ བྷུཉྫེཡྻ ཨེཀཏོ༎

    Dade sibbe vidhānena, nāvā bhuñjeyya ekato.

    པིཎྜཾ གཎཾ པརཾ པཱུཝཾ, པཝཱརིཏོ པཝཱརིཏཾ།

    Piṇḍaṃ gaṇaṃ paraṃ pūvaṃ, pavārito pavāritaṃ;

    ཝིཀཱལཾ སནྣིདྷི ཁཱིརཾ, དནྟཔོནེན ཏེ དས༎

    Vikālaṃ sannidhi khīraṃ, dantaponena te dasa.

    ཨཙེལཀཾ ཨུཡྻོཁཛྫ 5, པཊིཙྪནྣཾ རཧེན ཙ།

    Acelakaṃ uyyokhajja 6, paṭicchannaṃ rahena ca;

    ནིམནྟིཏོ པཙྩཡེཧི, སེནཱཝསནུཡྻོདྷིཀཾ༎

    Nimantito paccayehi, senāvasanuyyodhikaṃ.

    སུརཱ ཨངྒུལི ཧཱསོ ཙ, ཨནཱདརིཡཉྩ བྷིཾསནཾ།

    Surā aṅguli hāso ca, anādariyañca bhiṃsanaṃ;

    ཛོཏི ནཧཱན དུབྦཎྞཾ, སཱམཾ ཨཔནིདྷེན ཙ༎

    Joti nahāna dubbaṇṇaṃ, sāmaṃ apanidhena ca.

    སཉྩིཙྩུདཀཀམྨཱ ཙ, དུཊྛུལླཾ ཨཱུནཝཱིསཏི།

    Sañciccudakakammā ca, duṭṭhullaṃ ūnavīsati;

    ཐེཡྻཨིཏྠིཨཝདེསཾ 7, སཾཝཱསེ ནཱསིཏེན ཙ༎

    Theyyaitthiavadesaṃ 8, saṃvāse nāsitena ca.

    སཧདྷམྨིཀཝིལེཁཱ, མོཧོ པཧཱརེནུགྒིརེ།

    Sahadhammikavilekhā, moho pahārenuggire;

    ཨམཱུལཀཉྩ སཉྩིཙྩ, སོསྶཱམི ཁིཡྻཔཀྐམེ༎

    Amūlakañca sañcicca, sossāmi khiyyapakkame.

    སངྒྷེན ཙཱིཝརཾ དཏྭཱ, པརིཎཱམེཡྻ པུགྒལེ།

    Saṅghena cīvaraṃ datvā, pariṇāmeyya puggale;

    རཉྙཉྩ རཏནཾ སནྟཾ, སཱུཙི མཉྩོ ཙ ཏཱུལིཀཱ།

    Raññañca ratanaṃ santaṃ, sūci mañco ca tūlikā;

    ནིསཱིདནཾ ཀཎྜུཙྪཱདི, ཝསྶིཀཱ སུགཏེན ཙཱཏི༎

    Nisīdanaṃ kaṇḍucchādi, vassikā sugatena cāti.

    ཏེསཾ ཝགྒཱནཾ ཨུདྡཱནཾ –

    Tesaṃ vaggānaṃ uddānaṃ –

    མུསཱ བྷཱུཏཱ ཙ ཨོཝཱདོ, བྷོཛནཱཙེལཀེན ཙ།

    Musā bhūtā ca ovādo, bhojanācelakena ca;

    སུརཱ སཔྤཱཎཀཱ དྷམྨོ, རཱཛཝགྒེན ཏེ ནཝཱཏི༎

    Surā sappāṇakā dhammo, rājavaggena te navāti.




    Next: ༦. པཱཊིདེསནཱིཡཀཎྜཾ • 6. Pāṭidesanīyakaṇḍaṃ




    Footnotes:
    1. དེསནཱརོཙནཱ ཙེཝ (སཱི॰ སྱཱ॰)
    2. desanārocanā ceva (sī. syā.)
    3. བྷཱུཏཉྙཝཱདཨུཛ྄ཛྷཱཡི (སཱི॰)
    4. bhūtaññavādaujjhāyi (sī.)
    5. ཨཙེལཀཱནུཔཁཛྫ (ཀ॰)
    6. acelakānupakhajja (ka.)
    7. ཨརིཊྛཀཾ (ཝིབྷངྒེ)
    8. ariṭṭhakaṃ (vibhaṅge)

    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact