рааж̇ааяад̇анагат̇аа

6. мужалинд̣̇амуулаад̇и махааб̣од̇хид̇о баажийнагон̣з тид̇амужалинд̣̇аругкамуулаа. рааж̇ааяад̇ананд̇и д̣̇агкин̣ад̣̇исаабхааг̇з тид̇ам̣ рааж̇ааяад̇анаругкам̣ убасан̇гами . д̇зна ко бана самаязнаад̇и гад̇арзна самаязна. бхаг̇авад̇о гира рааж̇ааяад̇анамуулз сад̇д̇аахам̣ згабаллан̇гзна нисиннасса самаад̇хид̇о вудтаанад̣̇ивасз арун̣уг̇г̇аманавзлааяамзва ‘‘бхож̇анагижжзна бхавид̇аб̣б̣а’’нд̇и н̃ад̇ваа сагго д̣̇зварааж̇аа осад̇хахарийд̇агам̣ убанзси. бхаг̇аваа д̇ам̣ барибхун̃ж̇и, барибхуд̇д̇амад̇д̇ассзва сарийрагижжам̣ ахоси. сагго мукод̣̇агам̣ ад̣̇ааси. бхаг̇аваа мукам̣ д̇ховид̇ваа д̇асмим̣язва ругкамуулз нисийд̣̇и. звам̣ уг̇г̇ад̇з арун̣амхи нисиннз бхаг̇авад̇и.

д̇зна ко бана самаязна д̇абуссабхаллигаа ваан̣иж̇аад̇и д̇абуссо жа бхаллиго жаад̇и д̣̇вз бхаад̇аро ваан̣иж̇аа. уггалаад̇и уггалаж̇анабад̣̇ад̇о. д̇ам̣ д̣̇зсанд̇и яасмим̣ д̣̇зсз бхаг̇аваа вихарад̇и. гад̇арасмин̃жа д̣̇зсз бхаг̇аваа вихарад̇и? маж̇жхимад̣̇зсз. д̇асмаа маж̇жхимад̣̇зсам̣ г̇анд̇ум̣ ад̣̇д̇хаанамаг̇г̇аббадибаннаа хонд̇ийд̇и аяамзд̇т̇а ад̇т̇о. н̃аад̇исаалохид̇аа д̣̇звад̇аад̇и д̇зсам̣ н̃аад̇ибхууд̇абуб̣б̣аа д̣̇звад̇аа. зд̇ад̣̇авожаад̇и саа гира нзсам̣ саб̣б̣асагадаани аббавад̇д̇ийни агааси. д̇ад̇о д̇з гим̣ ид̣̇анд̇и маг̇г̇ад̣̇звад̇аанам̣ б̣алим̣ агам̣су. д̇зсам̣ б̣алигаммагаалз саа д̣̇звад̇аа д̣̇иссамаанзнзва гааязна зд̇ам̣ авожа. мант̇зна жа мад̇хубин̣д̣игааяа жаад̇и аб̣ад̣̇д̇хасад̇д̇унаа жа саббимад̇хупаан̣ид̇аад̣̇ийхи яож̇зд̇ваа б̣ад̣̇д̇хасад̇д̇унаа жа. бад̇имаанзт̇аад̇и убадтахат̇а. д̇ам̣ вод̇и д̇ам̣ бад̇имаананам̣ д̇умхаагам̣ бхависсад̇и д̣̇ийгхарад̇д̇ам̣ хид̇ааяа сукааяа. яам̣ амхааганд̇и яам̣ бадиг̇г̇ахан̣ам̣ амхаагам̣ асса д̣̇ийгхарад̇д̇ам̣ хид̇ааяа сукааяа. бхаг̇авад̇о зд̇ад̣̇ахосийд̇и яо гирасса бад̇хаанаануяог̇агаалз бад̇д̇о ахоси, со суж̇аад̇ааяа бааяаасам̣ д̣̇аад̇ум̣ ааг̇ажчанд̇ияаа зва анд̇арад̇хааяи. д̇знасса зд̇ад̣̇ахоси – ‘‘бад̇д̇о мз над̇т̇и, буримагааби жа на ко д̇ат̇ааг̇ад̇аа хад̇т̇зсу бадиг̇г̇ан̣ханд̇и, гимхи ну ко ахам̣ бадиг̇г̇ан̣хзяяам̣ мант̇ан̃жа мад̇хубин̣д̣аган̃жаа’’д̇и.

баривид̇аггаман̃н̃ааяаад̇и ид̇о буб̣б̣зва бхаг̇авад̇о суж̇аад̇ааяа д̣̇иннабхож̇анам̣язва ож̇аануббаб̣анд̇ханавасзна адтааси, зд̇д̇агам̣ гаалам̣ нзва ж̇игхажчаа на бибаасаа на гааяад̣̇уб̣б̣аляам̣ ахоси. ид̣̇аани банасса аахаарам̣ бадиг̇г̇ахзд̇угаамад̇ааяа ‘‘на ко д̇ат̇ааг̇ад̇аа’’д̇иаад̣̇инаа наязна баривид̇агго уд̣̇абаад̣̇и . д̇ам̣ звам̣ уббаннам̣ ад̇д̇ано жзд̇асаа бхаг̇авад̇о жзд̇обаривид̇аггаман̃н̃ааяа. жад̇уд̣̇д̣̇исаад̇и жад̇уухи д̣̇исаахи. сзламаяз бад̇д̇зд̇и муг̇г̇аван̣н̣асзламаяз бад̇д̇з. ид̣̇ам̣язва бхаг̇аваа бадиг̇г̇ахзси, д̇зязва санд̇хааяа вуд̇д̇ам̣. жад̇д̇ааро бана махаарааж̇аано батамам̣ инд̣̇анийламан̣имаяз бад̇д̇з убанаамзсум̣, на д̇з бхаг̇аваа аг̇г̇ахзси. д̇ад̇о имз жад̇д̇аароби муг̇г̇аван̣н̣асилаамаяз бад̇д̇з убанаамзсум̣, бхаг̇аваа жад̇д̇аароби бад̇д̇з аг̇г̇ахзси д̇зсам̣ басаад̣̇аанурагкан̣ад̇т̇ааяа, но махижчад̇ааяа. г̇ахзд̇ваа жа бана жад̇д̇аароби яат̇аа згова бад̇д̇о ход̇и д̇ат̇аа ад̇хидтахи, жад̇уннамби згасад̣̇исо бун̃н̃авибааго ахоси. звам̣ згам̣ гад̇ваа ад̇хидтид̇з бадиг̇г̇ахзси бхаг̇аваа бажжаг̇гхз сзламаяз бад̇д̇з мант̇ан̃жа мад̇хубин̣д̣иган̃жа. бажжаг̇гхзд̇и бажжаг̇гхасмим̣; баадзггам̣ махаг̇гхасминд̇и ад̇т̇о. ат̇а ваа бажжаг̇гхзд̇и абхинавз аб̣бхун̣хз; д̇ан̇кан̣з ниб̣б̣ад̇д̇асминд̇и ад̇т̇о. д̣̇вз ваажаа зд̇зсам̣ ахзсунд̇и д̣̇взваажигаа. ат̇а ваа д̣̇вийхи ваажаахи убаасагабхаавам̣ бад̇д̇аад̇и ад̇т̇о . д̇з звам̣ убаасагабхаавам̣ бадивзд̣̇зд̇ваа бхаг̇аванд̇ам̣ аахам̣су – ‘‘гасса д̣̇аани бханд̇з амхзхи аж̇ж̇а бадтааяа абхиваад̣̇анабажжудтаанам̣ гаад̇аб̣б̣а’’нд̇и? ат̇а бхаг̇аваа сийсам̣ бараамаси, гзсаа хад̇т̇з лаг̇г̇им̣су. д̇з д̇зсам̣ ад̣̇ааси ‘‘имз д̇умхз барихарат̇аа’’д̇и. д̇з гзсад̇хаад̇уяо лабхид̇ваа амад̇знзва абхисид̇д̇аа хадтад̇удтаа бхаг̇аванд̇ам̣ ванд̣̇ид̇ваа баггамим̣су.

рааж̇ааяад̇анагат̇аа нидтид̇аа.