| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
4. рааж̇ааяад̇анагат̇аа
4. Rājāyatanakathā
6. ат̇а ко бхаг̇аваа сад̇д̇аахасса ажжаязна д̇амхаа самаад̇химхаа вудтахид̇ваа мужалинд̣̇амуулаа язна рааж̇ааяад̇анам̣ д̇знубасан̇гами, убасан̇гамид̇ваа рааж̇ааяад̇анамуулз сад̇д̇аахам̣ згабаллан̇гзна нисийд̣̇и вимуд̇д̇исукабадисам̣взд̣̇ий. д̇зна ко бана самаязна д̇абусса 1 бхаллигаа ваан̣иж̇аа уггалаа д̇ам̣ д̣̇зсам̣ ад̣̇д̇хаанамаг̇г̇аббадибаннаа хонд̇и. ат̇а ко д̇абуссабхаллигаанам̣ ваан̣иж̇аанам̣ н̃аад̇исаалохид̇аа д̣̇звад̇аа д̇абуссабхаллигз ваан̣иж̇з зд̇ад̣̇авожа – ‘‘аяам̣, маарисаа, бхаг̇аваа рааж̇ааяад̇анамуулз вихарад̇и батамаабхисамб̣уд̣̇д̇хо; г̇ажчат̇а д̇ам̣ бхаг̇аванд̇ам̣ мант̇зна жа мад̇хубин̣д̣игааяа жа бад̇имаанзт̇а; д̇ам̣ во бхависсад̇и д̣̇ийгхарад̇д̇ам̣ хид̇ааяа сукааяаа’’д̇и. ат̇а ко д̇абуссабхаллигаа ваан̣иж̇аа мант̇ан̃жа мад̇хубин̣д̣иган̃жа аад̣̇ааяа язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко д̇абуссабхаллигаа ваан̣иж̇аа бхаг̇аванд̇ам̣ зд̇ад̣̇авожум̣ – ‘‘бадиг̇г̇ан̣хаад̇у но, бханд̇з, бхаг̇аваа мант̇ан̃жа мад̇хубин̣д̣иган̃жа, яам̣ амхаагам̣ асса д̣̇ийгхарад̇д̇ам̣ хид̇ааяа сукааяаа’’д̇и. ат̇а ко бхаг̇авад̇о зд̇ад̣̇ахоси – ‘‘на ко д̇ат̇ааг̇ад̇аа хад̇т̇зсу бадиг̇г̇ан̣ханд̇и. гимхи ну ко ахам̣ бадиг̇г̇ан̣хзяяам̣ мант̇ан̃жа мад̇хубин̣д̣иган̃жаа’’д̇и? ат̇а ко жад̇д̇ааро махаарааж̇аано бхаг̇авад̇о жзд̇асаа жзд̇обаривид̇аггаман̃н̃ааяа жад̇уд̣̇д̣̇исаа жад̇д̇ааро сзламаяз бад̇д̇з бхаг̇авад̇о убанаамзсум̣ – ‘‘ид̇ха, бханд̇з, бхаг̇аваа бадиг̇г̇ан̣хаад̇у мант̇ан̃жа мад̇хубин̣д̣иган̃жаа’’д̇и. бадиг̇г̇ахзси бхаг̇аваа бажжаг̇гхз сзламаяз бад̇д̇з мант̇ан̃жа мад̇хубин̣д̣иган̃жа, бадиг̇г̇ахзд̇ваа барибхун̃ж̇и. ат̇а ко д̇абуссабхаллигаа ваан̣иж̇аа бхаг̇аванд̇ам̣ онийд̇абад̇д̇абаан̣им̣ вид̣̇ид̇ваа бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ (онийд̇абад̇д̇абаан̣им̣ вид̣̇ид̇ваа бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣) 2 зд̇ад̣̇авожум̣ – ‘‘зд̇з маяам̣, бханд̇з, бхаг̇аванд̇ам̣ саран̣ам̣ г̇ажчаама д̇хамман̃жа, убаасагз но бхаг̇аваа д̇хаарзд̇у аж̇ж̇ад̇аг̇г̇з баан̣убзд̇з саран̣ам̣ г̇ад̇з’’д̇и. д̇з жа логз батамам̣ убаасагаа ахзсум̣ д̣̇взваажигаа.
6. Atha kho bhagavā sattāhassa accayena tamhā samādhimhā vuṭṭhahitvā mucalindamūlā yena rājāyatanaṃ tenupasaṅkami, upasaṅkamitvā rājāyatanamūle sattāhaṃ ekapallaṅkena nisīdi vimuttisukhapaṭisaṃvedī. Tena kho pana samayena tapussa 3 bhallikā vāṇijā ukkalā taṃ desaṃ addhānamaggappaṭipannā honti. Atha kho tapussabhallikānaṃ vāṇijānaṃ ñātisālohitā devatā tapussabhallike vāṇije etadavoca – ‘‘ayaṃ, mārisā, bhagavā rājāyatanamūle viharati paṭhamābhisambuddho; gacchatha taṃ bhagavantaṃ manthena ca madhupiṇḍikāya ca patimānetha; taṃ vo bhavissati dīgharattaṃ hitāya sukhāyā’’ti. Atha kho tapussabhallikā vāṇijā manthañca madhupiṇḍikañca ādāya yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho tapussabhallikā vāṇijā bhagavantaṃ etadavocuṃ – ‘‘paṭiggaṇhātu no, bhante, bhagavā manthañca madhupiṇḍikañca, yaṃ amhākaṃ assa dīgharattaṃ hitāya sukhāyā’’ti. Atha kho bhagavato etadahosi – ‘‘na kho tathāgatā hatthesu paṭiggaṇhanti. Kimhi nu kho ahaṃ paṭiggaṇheyyaṃ manthañca madhupiṇḍikañcā’’ti? Atha kho cattāro mahārājāno bhagavato cetasā cetoparivitakkamaññāya catuddisā cattāro selamaye patte bhagavato upanāmesuṃ – ‘‘idha, bhante, bhagavā paṭiggaṇhātu manthañca madhupiṇḍikañcā’’ti. Paṭiggahesi bhagavā paccagghe selamaye patte manthañca madhupiṇḍikañca, paṭiggahetvā paribhuñji. Atha kho tapussabhallikā vāṇijā bhagavantaṃ onītapattapāṇiṃ viditvā bhagavato pādesu sirasā nipatitvā bhagavantaṃ (onītapattapāṇiṃ viditvā bhagavato pādesu sirasā nipatitvā bhagavantaṃ) 4 etadavocuṃ – ‘‘ete mayaṃ, bhante, bhagavantaṃ saraṇaṃ gacchāma dhammañca, upāsake no bhagavā dhāretu ajjatagge pāṇupete saraṇaṃ gate’’ti. Te ca loke paṭhamaṃ upāsakā ahesuṃ dvevācikā.
рааж̇ааяад̇анагат̇аа нидтид̇аа.
Rājāyatanakathā niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / рааж̇ааяад̇анагат̇аа • Rājāyatanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / рааж̇ааяад̇анагат̇ааван̣н̣анаа • Rājāyatanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / рааж̇ааяад̇анагат̇ааван̣н̣анаа • Rājāyatanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / рааж̇ааяад̇анагат̇ааван̣н̣анаа • Rājāyatanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. рааж̇ааяад̇анагат̇аа • 4. Rājāyatanakathā
