| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੪. ਰਾਜਾਯਤਨਕਥਾ
4. Rājāyatanakathā
੬. ਪਾਚੀਨਕੋਣੇਤਿ ਪੁਰਤ੍ਥਿਮਅਸ੍ਸੇ, ਪੁਬ੍ਬਦਕ੍ਖਿਣਦਿਸਾਭਾਗੇਤਿ ਅਤ੍ਥੋ। ਰਾਜਾਯਤਨਰੁਕ੍ਖਨ੍ਤਿ ਖੀਰਿਕਾਰੁਕ੍ਖਂ। ਤੇਨ ਖੋ ਪਨ ਸਮਯੇਨਾਤਿ ਏਤ੍ਥ ਤਸਦ੍ਦਸ੍ਸ વਿਸਯਂ ਪੁਚ੍ਛਿਤ੍વਾ ਦਸ੍ਸੇਨ੍ਤੋ ਆਹ ‘‘ਕਤਰੇਨ ਸਮਯੇਨਾ’’ਤਿ। ਨਿਸਿਨ੍ਨਸ੍ਸ ਭਗવਤੋਤਿ ਯੋਜਨਾ। ਦੇવਰਾਜਸਦ੍ਦਸ੍ਸ ਅਞ੍ਞੇ ਪਜਾਪਤਿਆਦਯੋ ਦੇવਰਾਜਾਨੋ ਨਿવਤ੍ਤੇਤੁਂ ‘‘ਸਕ੍ਕੋ’’ਤਿ વੁਤ੍ਤਂ। ਤਨ੍ਤਿ ਹਰੀਤਕਂ। ਪਰਿਭੁਤ੍ਤਮਤ੍ਤਸ੍ਸੇવ ਭਗવਤੋਤਿ ਸਮ੍ਬਨ੍ਧੋ। ਨਿਸਿਨ੍ਨੇ ਭਗવਤਿ।
6.Pācīnakoṇeti puratthimaasse, pubbadakkhiṇadisābhāgeti attho. Rājāyatanarukkhanti khīrikārukkhaṃ. Tena kho pana samayenāti ettha tasaddassa visayaṃ pucchitvā dassento āha ‘‘katarena samayenā’’ti. Nisinnassa bhagavatoti yojanā. Devarājasaddassa aññe pajāpatiādayo devarājāno nivattetuṃ ‘‘sakko’’ti vuttaṃ. Tanti harītakaṃ. Paribhuttamattasseva bhagavatoti sambandho. Nisinne bhagavati.
‘‘ਤੇਨ ਖੋ ਪਨ ਸਮਯੇਨਾ’’ਤਿ ਇਮਿਨਾ ਯੇਨ ਸਮਯੇਨ ਭਗવਾ ਰਾਜਾਯਤਨਮੂਲੇ ਨਿਸੀਦਿ, ਤੇਨ ਖੋ ਪਨ ਸਮਯੇਨਾਤਿ ਅਤ੍ਥਂ ਦਸ੍ਸੇਤਿ। ਉਕ੍ਕਲਜਨਪਦਤੋਤਿ ਉਕ੍ਕਲਨਾਮਕਾ ਜਨਪਦਮ੍ਹਾ। ਯਸ੍ਮਿਂ ਦੇਸੇ ਭਗવਾ વਿਹਰਤਿ, ਤਂ ਦੇਸਨ੍ਤਿ ਯੋਜਨਾ। ਏਤ੍ਥਾਤਿ ‘‘ਤਂ ਦੇਸਂ ਅਦ੍ਧਾਨਮਗ੍ਗਪ੍ਪਟਿਪਨ੍ਨਾ’’ਤਿਪਦੇ। ਤੇਸਨ੍ਤਿ વਾਣਿਜਾਨਂ। ਞਾਤਿਸਾਲੋਹਿਤਸਦ੍ਦਾਨਂ ਅਞ੍ਞਮਞ੍ਞવੇવਚਨਤ੍ਤਾ ‘‘ਞਾਤੀ’’ਤਿ વੁਤ੍ਤੇ ਸਾਲੋਹਿਤਸਦ੍ਦਸ੍ਸ ਅਤ੍ਥੋ ਸਿਦ੍ਧੋਤਿ ਦਸ੍ਸੇਤੁਂ વੁਤ੍ਤਂ ‘‘ਞਾਤਿਭੂਤਪੁਬ੍ਬਾ ਦੇવਤਾ’’ਤਿ। ਸਾਤਿ ਦੇવਤਾ। ਨੇਸਨ੍ਤਿ વਾਣਿਜਾਨਂ। ਤਤੋਤਿ ਅਪવਤ੍ਤਨਕਾਰਣਾ। ਤੇਤਿ વਾਣਿਜਾ । ਇਦਨ੍ਤਿ ਅਪવਤ੍ਤਨਂ। ਬਲਿਨ੍ਤਿ ਉਪਹਾਰਂ। ਤੇਸਨ੍ਤਿ વਾਣਿਜਾਨਂ। ‘‘ਸਬ੍ਬਿਮਧੁਫਾਣਿਤਾਦੀਹਿ ਯੋਜੇਤ੍વਾ’’ਤਿ ਪਦਂ ਪੁਬ੍ਬਾਪਰਾਪੇਕ੍ਖਂ, ਤਸ੍ਮਾ ਮਜ੍ਝੇ વੁਤ੍ਤਂ। ਪਤਿਮਾਨੇਥਾਤਿ ਏਤ੍ਥ ਮਾਨ ਪੂਜਾਯਂ ਪੇਮਨੇਤਿ ਧਾਤੁਪਾਠੇਸੁ (ਸਦ੍ਦਨੀਤਿਧਾਤੁਮਾਲਾਯਂ ੧੮ ਨਕਾਰਨ੍ਤਧਾਤੁ) વੁਤ੍ਤਤ੍ਤਾ ਪੂਜਨਪੇਮਨਂ ਨਾਮ ਅਤ੍ਥਤੋ ਉਪਟ੍ਠਹਨਨ੍ਤਿ ਆਹ ‘‘ਉਪਟ੍ਠਹਥਾ’’ਤਿ। ਤਂ વੋਤਿ ਏਤ੍ਥ ਤਂਸਦ੍ਦੋ ਪਤਿਮਾਨਨવਿਸਯੋ, વੋਸਦ੍ਦੋ ਤੀਸੁ વੋਸਦ੍ਦੇਸੁ ਤੁਮ੍ਹਸਦ੍ਦਸ੍ਸ ਕਾਰਿਯੋ વੋਸਦ੍ਦੋ, ਸੋ ਚ ਚਤੁਤ੍ਥ੍ਯਤ੍ਥੋਤਿ ਆਹ ‘‘ਤਂ ਪਤਿਮਾਨਂ ਤੁਮ੍ਹਾਕ’’ਨ੍ਤਿ। વੋਕਾਰੋ ਹਿ ਤਿવਿਧੋ ਤੁਮ੍ਹਸਦ੍ਦਸ੍ਸ ਕਾਰਿਯੋ, ਯੋવਚਨਸ੍ਸ ਕਾਰਿਯੋ, ਪਦਪੂਰਣੋਤਿ। ਤਤ੍ਥ ਤੁਮ੍ਹਸਦ੍ਦਸ੍ਸ ਕਾਰਿਯੋ ਪਞ੍ਚવਿਧੋ ਪਚ੍ਚਤ੍ਤਉਪਯੋਗਕਰਣਸਮ੍ਪਦਾਨਸਾਮਿવਚਨવਸੇਨਾਤਿ। ਤਤ੍ਥ ਤੁਮ੍ਹਸਦ੍ਦਕਾਰਿਯੋ ਸਮ੍ਪਦਾਨવਚਨੋ ਇਧਾਧਿਪ੍ਪੇਤੋ। ਤੇਨਾਹ ‘‘ਤੁਮ੍ਹਾਕ’’ਨ੍ਤਿ। ‘‘ਯ’’ਨ੍ਤਿਸਦ੍ਦਸ੍ਸ વਿਸਯੋ ਪਟਿਗ੍ਗਹਣਤ੍ਥੋਤਿ ਆਹ ‘‘ਯਂ ਪਟਿਗ੍ਗਹਣ’’ਨ੍ਤਿ। ਅਸ੍ਸਾਤਿ ਭવੇਯ੍ਯ। ਯੋ ਪਤ੍ਤੋ ਅਹੋਸੀਤਿ ਯੋਜਨਾ। ਅਸ੍ਸਾਤਿ ਭਗવਤੋ। ਸੋਤਿ ਪਤ੍ਤੋ। ਸੁਜਾਤਾਯ ਆਗਚ੍ਛਨ੍ਤਿਯਾ ਏવਾਤਿ ਸਮ੍ਬਨ੍ਧੋ। ਅਨਾਦਰੇ ਚੇਤਂ ਸਾਮਿવਚਨਂ। ਤੇਨਾਤਿ ਅਨ੍ਤਰਧਾਯਹੇਤੁਨਾ। ਅਸ੍ਸਾਤਿ ਭਗવਤੋ। ਹਤ੍ਥੇਸੂਤਿ ਕਰਣਤ੍ਥੇ ਚੇਤਂ ਭੁਮ੍ਮવਚਨਂ। ਹਤ੍ਥੇਹੀਤਿ ਹਿ ਅਤ੍ਥੋ। ਕਿਮ੍ਹੀਤਿ ਕੇਨ।
‘‘Tena kho pana samayenā’’ti iminā yena samayena bhagavā rājāyatanamūle nisīdi, tena kho pana samayenāti atthaṃ dasseti. Ukkalajanapadatoti ukkalanāmakā janapadamhā. Yasmiṃ dese bhagavā viharati, taṃ desanti yojanā. Etthāti ‘‘taṃ desaṃ addhānamaggappaṭipannā’’tipade. Tesanti vāṇijānaṃ. Ñātisālohitasaddānaṃ aññamaññavevacanattā ‘‘ñātī’’ti vutte sālohitasaddassa attho siddhoti dassetuṃ vuttaṃ ‘‘ñātibhūtapubbā devatā’’ti. Sāti devatā. Nesanti vāṇijānaṃ. Tatoti apavattanakāraṇā. Teti vāṇijā . Idanti apavattanaṃ. Balinti upahāraṃ. Tesanti vāṇijānaṃ. ‘‘Sabbimadhuphāṇitādīhi yojetvā’’ti padaṃ pubbāparāpekkhaṃ, tasmā majjhe vuttaṃ. Patimānethāti ettha māna pūjāyaṃ pemaneti dhātupāṭhesu (saddanītidhātumālāyaṃ 18 nakārantadhātu) vuttattā pūjanapemanaṃ nāma atthato upaṭṭhahananti āha ‘‘upaṭṭhahathā’’ti. Taṃ voti ettha taṃsaddo patimānanavisayo, vosaddo tīsu vosaddesu tumhasaddassa kāriyo vosaddo, so ca catutthyatthoti āha ‘‘taṃ patimānaṃ tumhāka’’nti. Vokāro hi tividho tumhasaddassa kāriyo, yovacanassa kāriyo, padapūraṇoti. Tattha tumhasaddassa kāriyo pañcavidho paccattaupayogakaraṇasampadānasāmivacanavasenāti. Tattha tumhasaddakāriyo sampadānavacano idhādhippeto. Tenāha ‘‘tumhāka’’nti. ‘‘Ya’’ntisaddassa visayo paṭiggahaṇatthoti āha ‘‘yaṃ paṭiggahaṇa’’nti. Assāti bhaveyya. Yo patto ahosīti yojanā. Assāti bhagavato. Soti patto. Sujātāya āgacchantiyā evāti sambandho. Anādare cetaṃ sāmivacanaṃ. Tenāti antaradhāyahetunā. Assāti bhagavato. Hatthesūti karaṇatthe cetaṃ bhummavacanaṃ. Hatthehīti hi attho. Kimhīti kena.
ਇਤੋਤਿ ਆਸਲ਼੍ਹੀਮਾਸਜੁਣ੍ਹਪਕ੍ਖਪਞ੍ਚਮਿਤੋ। ਏਤ੍ਤਕਂ ਕਾਲਨ੍ਤਿ ਏਤਂ ਪਮਾਣਂ ਏਕੂਨਪਞ੍ਞਾਸਦਿવਸਕਾਲਂ। ਜਿਘਚ੍ਛਾਤਿ ਘਸਿਤੁਮਿਚ੍ਛਾ। ਪਿਪਾਸਾਤਿ ਪਾਤੁਮਿਚ੍ਛਾ। ਅਸ੍ਸਾਤਿ ਭਗવਤੋ। ਚੇਤਸਾ-ਚੇਤੋਸਦ੍ਦਾਨਂ ਸਮ੍ਬਨ੍ਧਾਪੇਕ੍ਖਤ੍ਤਾ ਤੇਸਂ ਸਮ੍ਬਨ੍ਧਂ ਦਸ੍ਸੇਤੁਂ વੁਤ੍ਤਂ ‘‘ਅਤ੍ਤਨੋ’’ਤਿ ਚ ‘‘ਭਗવਤੋ’’ਤਿ ਚ। ਇਮੇਹਿ ਸਮ੍ਬਨ੍ਧਿਸਦ੍ਦਾਨਮਸਦਿਸਤ੍ਤਾ ਸਮ੍ਬਨ੍ਧੋਪਿ ਅਸਦਿਸੋਤਿ ਦਸ੍ਸੇਤਿ। ਅਤ੍ਤਨੋਤਿ ਚਤੁਨ੍ਨਂ ਮਹਾਰਾਜਾਨਂ। ਸਮਾਸੋਯੇવ ਅવਯવੀਪਧਾਨੋ ਹੋਤਿ, વਾਕ੍ਯਂ ਪਨ ਅવਯવਪਧਾਨੋਯੇવਾਤਿ ਦਸ੍ਸੇਨ੍ਤੋ ਆਹ ‘‘ਚਤੂਹਿ ਦਿਸਾਹੀ’’ਤਿ। ਪਾਲ਼ਿਯਂ ‘‘ਆਗਨ੍ਤ੍વਾ’’ਤਿ ਪਾਠਸੇਸੋ ਯੋਜੇਤਬ੍ਬੋ। ‘‘ਸਿਲਾਮਯੇ’’ਤਿ ਇਮਿਨਾ ਸਿਲਾਮਯਮੇવ ਸੇਲਾਮਯਨ੍ਤਿ ਅਤ੍ਥਂ ਦਸ੍ਸੇਤਿ। ਇਦਨ੍ਤਿ ‘‘ਸੇਲਾਮਯੇ ਪਤ੍ਤੇ’’ਤਿ વਚਨਂ। ਯੇਤਿ ਮੁਗ੍ਗવਣ੍ਣਸਿਲਾਮਯੇ ਪਤ੍ਤੇ। ਤਤੋਤਿ ਇਨ੍ਦਨੀਲਮਣਿਮਯਪਤ੍ਤਉਪਨਾਮਨਤੋ, ਪਰਨ੍ਤਿ ਸਮ੍ਬਨ੍ਧੋ। ਤੇਸਨ੍ਤਿ ਚਤੁਨ੍ਨਂ ਮਹਾਰਾਜਾਨਂ। ਚਤ੍ਤਾਰੋਪਿ ਅਧਿਟ੍ਠਹੀਤਿ ਸਮ੍ਬਨ੍ਧੋ । ਯਥਾਤਿ ਯੇਨਾਕਾਰੇਨ, ਅਧਿਟ੍ਠਿਯਮਾਨੇਤਿ ਯੋਜਨਾ। ਏਕਸਦਿਸੋਤਿ ਏਕਂਸੇਨ ਸਦਿਸੋ। ਅਧਿਟ੍ਠਿਤੇ ਪਤ੍ਤੇਤਿ ਸਮ੍ਬਨ੍ਧੋ। ਪਤ੍ਤੇਤਿ ਚ ਕਰਣਤ੍ਥੇ ਭੁਮ੍ਮવਚਨਂ। ਪਤ੍ਤੇਨ ਪਟਿਗ੍ਗਹੇਸੀਤਿ ਹਿ ਅਤ੍ਥੋ। ਪਚ੍ਚਗ੍ਘੇਤਿ ਏਤ੍ਥ ਏਕਾਰੋ ਸ੍ਮਿਂવਚਨਸ੍ਸ ਕਾਰਿਯੋਤਿ ਆਹ ‘‘ਪਚ੍ਚਗ੍ਘਸ੍ਮਿ’’ਨ੍ਤਿ। ਪਟਿ ਅਗ੍ਘਨ੍ਤਿ ਪਦવਿਭਾਗਂ ਕਤ੍વਾ ਪਟਿਸਦ੍ਦੋ ਪਾਟੇਕ੍ਕਤ੍ਥੋ, ‘‘ਅਗ੍ਘ’’ਨ੍ਤਿ ਸਾਮਞ੍ਞਤੋ વੁਤ੍ਤੇਪਿ ਮਹਗ੍ਘਤ੍ਥੋਤਿ ਦਸ੍ਸੇਨ੍ਤੋ ਆਹ ‘‘ਪਾਟੇਕ੍ਕਂ ਮਹਗ੍ਘਸ੍ਮਿ’’ਨ੍ਤਿ। ਇਮਿਨਾ ਚਤ੍ਤਾਰੋ ਏਕਤੋ ਹੁਤ੍વਾ ਨ ਮਹਗ੍ਘਾ ਹੋਨ੍ਤਿ, ਪਾਟੇਕ੍ਕਂ ਪਨ ਮਹਗ੍ਘਾ ਹੋਨ੍ਤੀਤਿ ਦਸ੍ਸੇਤਿ। ਅਥ વਾ ਸਉਪਸਗ੍ਗੋ ਪਚ੍ਚਗ੍ਘਸਦ੍ਦੋ ਅਭਿਨવਪਰਿਯਾਯੋਤਿ ਆਹ ‘‘ਅਭਿਨવੇ’’ਤਿ। ਅਭਿਨવੋਤਿ ਚ ਅਚਿਰਤਨવਤ੍ਥੁਸ੍ਸ ਨਾਮਂ। ਅਚਿਰਤਨવਤ੍ਥੁ ਅਚਿਰਤਨਤ੍ਤਾ ਅਬ੍ਭੁਣ੍ਹਂ વਿਯ ਹੋਤਿ, ਤਸ੍ਮਾ વੁਤ੍ਤਂ ‘‘ਅਬ੍ਭੁਣ੍ਹੇ’’ਤਿ। ‘‘ਤਙ੍ਖਣੇ ਨਿਬ੍ਬਤ੍ਤਸ੍ਮਿ’’ਨ੍ਤਿ ਇਮਿਨਾ ਤਮੇવਤ੍ਥਂ વਿਭਾવੇਤਿ। ਦ੍વੇવਾਚਿਕਾਤਿਪਦਸ੍ਸ ਸਮਾਸવਸੇਨ ਚ ਤਦ੍ਧਿਤવਸੇਨ ਚ ਨਿਪ੍ਫਨ੍ਨਭਾવਂ ਦਸ੍ਸੇਨ੍ਤੋ ਆਹ ‘‘ਦ੍વੇ વਾਚਾ’’ਤਿਆਦਿ। ਪਤ੍ਤਾਤਿ ਏਤ੍ਥ ਏਕੋ ਇਤਿਸਦ੍ਦੋ ਲੁਤ੍ਤਨਿਦ੍ਦਿਟ੍ਠੋ। ਇਤਿ ਤਸ੍ਮਾ ਦ੍વੇવਾਚਿਕਾਇਤਿ ਅਤ੍ਥੋਤਿ ਯੋਜਨਾ। ਤੇਤਿ વਾਣਿਜਾ। ਅਥਾਤਿ ਤਸ੍ਮਿਂ ਕਾਲੇ। ਤੇਤਿ ਕੇਸੇ। ਤੇਸਨ੍ਤਿ વਾਣਿਜਾਨਂ। ਪਰਿਹਰਥਾਤਿ ਅਤ੍ਤਨੋ ਅਭਿવਾਦਨਪਚ੍ਚੁਟ੍ਠਾਨਟ੍ਠਾਨਨ੍ਤਿ ਪਟਿਗ੍ਗਹੇਤ੍વਾ, ਪਰਿਚ੍ਛਿਨ੍ਦਿਤ੍વਾ વਾ ਹਰਥਾਤਿ ਅਤ੍ਥੋ। ਤੇਤਿ વਾਣਿਜਾ। ਅਮਤੇਨੇવਾਤਿ ਅਮਤੇਨ ਇવ, ਅਭਿਸਿਤ੍ਤਾ ਇવਾਤਿ ਯੋਜਨਾ।
Itoti āsaḷhīmāsajuṇhapakkhapañcamito. Ettakaṃ kālanti etaṃ pamāṇaṃ ekūnapaññāsadivasakālaṃ. Jighacchāti ghasitumicchā. Pipāsāti pātumicchā. Assāti bhagavato. Cetasā-cetosaddānaṃ sambandhāpekkhattā tesaṃ sambandhaṃ dassetuṃ vuttaṃ ‘‘attano’’ti ca ‘‘bhagavato’’ti ca. Imehi sambandhisaddānamasadisattā sambandhopi asadisoti dasseti. Attanoti catunnaṃ mahārājānaṃ. Samāsoyeva avayavīpadhāno hoti, vākyaṃ pana avayavapadhānoyevāti dassento āha ‘‘catūhi disāhī’’ti. Pāḷiyaṃ ‘‘āgantvā’’ti pāṭhaseso yojetabbo. ‘‘Silāmaye’’ti iminā silāmayameva selāmayanti atthaṃ dasseti. Idanti ‘‘selāmaye patte’’ti vacanaṃ. Yeti muggavaṇṇasilāmaye patte. Tatoti indanīlamaṇimayapattaupanāmanato, paranti sambandho. Tesanti catunnaṃ mahārājānaṃ. Cattāropi adhiṭṭhahīti sambandho . Yathāti yenākārena, adhiṭṭhiyamāneti yojanā. Ekasadisoti ekaṃsena sadiso. Adhiṭṭhite patteti sambandho. Patteti ca karaṇatthe bhummavacanaṃ. Pattena paṭiggahesīti hi attho. Paccaggheti ettha ekāro smiṃvacanassa kāriyoti āha ‘‘paccagghasmi’’nti. Paṭi agghanti padavibhāgaṃ katvā paṭisaddo pāṭekkattho, ‘‘aggha’’nti sāmaññato vuttepi mahagghatthoti dassento āha ‘‘pāṭekkaṃ mahagghasmi’’nti. Iminā cattāro ekato hutvā na mahagghā honti, pāṭekkaṃ pana mahagghā hontīti dasseti. Atha vā saupasaggo paccagghasaddo abhinavapariyāyoti āha ‘‘abhinave’’ti. Abhinavoti ca aciratanavatthussa nāmaṃ. Aciratanavatthu aciratanattā abbhuṇhaṃ viya hoti, tasmā vuttaṃ ‘‘abbhuṇhe’’ti. ‘‘Taṅkhaṇe nibbattasmi’’nti iminā tamevatthaṃ vibhāveti. Dvevācikātipadassa samāsavasena ca taddhitavasena ca nipphannabhāvaṃ dassento āha ‘‘dve vācā’’tiādi. Pattāti ettha eko itisaddo luttaniddiṭṭho. Iti tasmā dvevācikāiti atthoti yojanā. Teti vāṇijā. Athāti tasmiṃ kāle. Teti kese. Tesanti vāṇijānaṃ. Pariharathāti attano abhivādanapaccuṭṭhānaṭṭhānanti paṭiggahetvā, paricchinditvā vā harathāti attho. Teti vāṇijā. Amatenevāti amatena iva, abhisittā ivāti yojanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੪. ਰਾਜਾਯਤਨਕਥਾ • 4. Rājāyatanakathā
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਰਾਜਾਯਤਨਕਥਾ • Rājāyatanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਰਾਜਾਯਤਨਕਥਾવਣ੍ਣਨਾ • Rājāyatanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਰਾਜਾਯਤਨਕਥਾવਣ੍ਣਨਾ • Rājāyatanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਰਾਜਾਯਤਨਕਥਾવਣ੍ਣਨਾ • Rājāyatanakathāvaṇṇanā
