| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. раж̇ж̇асуд̇д̇аван̣н̣анаа
10. Rajjasuttavaṇṇanā
156. ахананд̇и гаран̣з бажжад̇д̇аважананд̇и ааха ‘‘ахананд̇знаа’’д̇и, бажжад̇д̇з зва ваа бажжад̇д̇аважанам̣, ‘‘ахананд̇о худ̇ваа’’д̇и важанасзсзна бхавид̇аб̣б̣анд̇и ад̇хиббааяо. сзсабад̣̇зсуби зсзва наяо. аж̇инанд̇и анд̇ог̇ад̇хахзд̇уад̇т̇ам̣ вад̣̇ад̇ийд̇и ааха ‘‘барасса д̇ханаж̇ааним̣ агаронд̇знаа’’д̇и. агаараабзнд̇знаад̇и барасса д̇ханаж̇ааним̣ агаарзнд̇зна. асожанд̇знаад̇и бхог̇аб̣яасанаад̣̇ивасзна барам̣ асожанд̇зна. гасмаа бхаг̇аваа звам̣ жинд̇зсийд̇и д̇ад̇т̇а гааран̣амааха ‘‘ид̇ий’’д̇иаад̣̇инаа. раж̇ж̇з виж̇ид̇з д̣̇ан̣д̣агарабийл̣ид̇зд̇и д̇ханад̣̇ан̣д̣аад̣̇ид̣̇ан̣д̣зна жзва б̣алинаа жа б̣аад̇хид̇з.
156.Ahananti karaṇe paccattavacananti āha ‘‘ahanantenā’’ti, paccatte eva vā paccattavacanaṃ, ‘‘ahananto hutvā’’ti vacanasesena bhavitabbanti adhippāyo. Sesapadesupi eseva nayo. Ajinanti antogadhahetuatthaṃ vadatīti āha ‘‘parassa dhanajāniṃ akarontenā’’ti. Akārāpentenāti parassa dhanajāniṃ akārentena. Asocantenāti bhogabyasanādivasena paraṃ asocantena. Kasmā bhagavā evaṃ cintesīti tattha kāraṇamāha ‘‘itī’’tiādinā. Rajje vijite daṇḍakarapīḷiteti dhanadaṇḍādidaṇḍena ceva balinā ca bādhite.
иж̇жханагагодтаасаад̇и жзд̇овасибхааваад̣̇игасса саад̇ханагагодтаасаа. вад̣дхид̇аад̇и бхааванаабаарибууривасзна ануб̣руухид̇аа. бунаббунам̣ гад̇аад̇и бхааванааяа б̣ахулийгаран̣зна абараабарам̣ бавад̇д̇ид̇аа. яуд̇д̇аяаананд̇и яат̇аа яуд̇д̇аанам̣ ааж̇ан̃н̃арат̇аанам̣ саарат̇инаа ад̇хидтид̇ам̣ яат̇ааружи бавад̇д̇ад̇и, звам̣ яат̇ааружибавад̇д̇ид̇ам̣ г̇амид̇аа. бад̇идтадтзнаад̇и ад̇хидтаанадтзна. вад̇т̇угад̇аад̇и саб̣б̣асо убаггилзсасод̇ханзна ид̣̇д̇хивисаяад̇ааяа бад̇идтаанабхаавад̇о сувисод̇хид̇абариссаяавад̇т̇у вияа гад̇аа. авиж̇ахид̇аад̇и бадибагкад̣̇уурийбхаавад̇о субхаавид̇абхаавзна д̇ам̣д̇ам̣ад̇хидтаанаяог̇яад̇ааяа на ж̇ахаабид̇аа. нижжаануб̣ад̣̇д̇хаад̇и д̇ад̇о зва нижжам̣ ануб̣ад̣̇д̇хаа вияа гад̇аа. субарижид̇аад̇и судту саб̣б̣абхааг̇зна бхааванаанубажаяам̣ г̇амид̇аа. авираад̇хид̇авзд̇хихад̇т̇о вияаад̇и авираж̇жханабхаавзна вираж̇жханахад̇т̇о вияа. судту самаарад̣̇д̇хаад̇и бхааванаауббад̇д̇ияаа саммад̣̇зва самбаад̣̇ид̇аа. жинд̇зяяаад̇и ад̇т̇уд̣̇д̇хааравасзна жинд̇зяяа.
Ijjhanakakoṭṭhāsāti cetovasibhāvādikassa sādhanakakoṭṭhāsā. Vaḍḍhitāti bhāvanāpāripūrivasena anubrūhitā. Punappunaṃ katāti bhāvanāya bahulīkaraṇena aparāparaṃ pavattitā. Yuttayānanti yathā yuttānaṃ ājaññarathānaṃ sārathinā adhiṭṭhitaṃ yathāruci pavattati, evaṃ yathārucipavattitaṃ gamitā. Patiṭṭhaṭṭhenāti adhiṭṭhānaṭṭhena. Vatthukatāti sabbaso upakkilesasodhanena iddhivisayatāya patiṭṭhānabhāvato suvisodhitaparissayavatthu viya katā. Avijahitāti paṭipakkhadūrībhāvato subhāvitabhāvena taṃtaṃadhiṭṭhānayogyatāya na jahāpitā. Niccānubaddhāti tato eva niccaṃ anubaddhā viya katā. Suparicitāti suṭṭhu sabbabhāgena bhāvanānupacayaṃ gamitā. Avirādhitavedhihattho viyāti avirajjhanabhāvena virajjhanahattho viya. Suṭṭhu samāraddhāti bhāvanāuppattiyā sammadeva sampāditā. Cinteyyāti atthuddhāravasena cinteyya.
баб̣б̣ад̇ассаад̇и баб̣б̣ад̇о асса. баб̣б̣ад̇о ассаад̇и баб̣б̣ад̇о бхавзяяа гийд̣̇исассаад̇и ааха ‘‘суван̣н̣ассаа’’д̇иаад̣̇и. ж̇аад̇аруубассаад̇и аад̇абаруубасамбаннасса. д̣̇вигкад̇д̇умби д̇аава маханд̇од̇и яад̇д̇аго со баб̣б̣ад̇о ход̇и, д̣̇вигкад̇д̇ум̣ д̇ад̇д̇аго. згассаад̇и згассаби буг̇г̇аласса наалам̣ на барияад̇д̇о д̇ан̣хааяа д̣̇уббууран̣абхааваа. звам̣ ж̇аананд̇од̇и звам̣ д̇ан̣хааяа д̣̇уббууран̣абхааваад̣̇ийнавад̇ам̣ ж̇аананд̇о. самам̣ жарзяяаад̇и баравад̇т̇убараамаасаад̣̇им̣ вихааяа гааяаад̣̇ийхи самамзва бадибаж̇ж̇зяяа.
Pabbatassāti pabbato assa. Pabbato assāti pabbato bhaveyya kīdisassāti āha ‘‘suvaṇṇassā’’tiādi. Jātarūpassāti ātaparūpasampannassa. Dvikkhattumpi tāva mahantoti yattako so pabbato hoti, dvikkhattuṃ tattako. Ekassāti ekassapi puggalassa nālaṃ na pariyatto taṇhāya duppūraṇabhāvā. Evaṃ jānantoti evaṃ taṇhāya duppūraṇabhāvādīnavataṃ jānanto. Samaṃ careyyāti paravatthuparāmāsādiṃ vihāya kāyādīhi samameva paṭipajjeyya.
д̣̇угкам̣ д̇ан̣хаанид̣̇аанам̣, д̇ан̣хаа гаамаг̇ун̣анид̣̇аанаа, д̇асмаа д̣̇угкасса д̇ан̣хаабажжаяагаамаг̇ун̣анид̣̇аанад̇д̇ам̣ вуд̇д̇ам̣. д̇анд̇и д̣̇угкам̣. яад̇онид̣̇аанам̣ ход̇ийд̇и яам̣нид̣̇аанам̣ яам̣гааран̣ам̣ д̇ам̣ бавад̇д̇ад̇и. звам̣ яо ад̣̇агкийд̇и яо барин̃н̃аад̇авад̇т̇уго звам̣ д̣̇угкам̣ д̇асса нид̣̇аанабхууд̇з гаамаг̇ун̣з жа д̇ат̇ад̇о бан̃н̃аажагкунаа басси. гзна гааран̣зна намзяяа? д̇ам̣ гааран̣ам̣ над̇т̇ийд̇и ад̇т̇о. гаамаг̇ун̣аубад̇хинд̇и гаамаг̇ун̣асан̇каад̇ам̣ убад̇хим̣. саж̇ж̇ад̇и зд̇т̇аад̇и сан̇г̇о зсо, лаг̇г̇анамзд̇анд̇и звам̣ вид̣̇ид̇ваа. д̇амзва гаамаабхибхууд̇о наббадисзвзяяа на лаг̇г̇зяяаад̇и звам̣ винаяааяа вуубасамааяа сигкзяяаад̇и.
Dukkhaṃ taṇhānidānaṃ, taṇhā kāmaguṇanidānā, tasmā dukkhassa taṇhāpaccayakāmaguṇanidānattaṃ vuttaṃ. Tanti dukkhaṃ. Yatonidānaṃ hotīti yaṃnidānaṃ yaṃkāraṇaṃ taṃ pavattati. Evaṃ yo adakkhīti yo pariññātavatthuko evaṃ dukkhaṃ tassa nidānabhūte kāmaguṇe ca tathato paññācakkhunā passi. Kena kāraṇena nameyya? Taṃ kāraṇaṃ natthīti attho. Kāmaguṇaupadhinti kāmaguṇasaṅkhātaṃ upadhiṃ. Sajjati etthāti saṅgo eso, lagganametanti evaṃviditvā. Tameva kāmābhibhūto nappaṭiseveyya na laggeyyāti evaṃ vinayāya vūpasamāya sikkheyyāti.
раж̇ж̇асуд̇д̇аван̣н̣анаа нидтид̇аа.
Rajjasuttavaṇṇanā niṭṭhitā.
д̣̇уд̇ияаваг̇г̇аван̣н̣анаа нидтид̇аа.
Dutiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. раж̇ж̇асуд̇д̇ам̣ • 10. Rajjasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. раж̇ж̇асуд̇д̇аван̣н̣анаа • 10. Rajjasuttavaṇṇanā
