| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੦. ਰਜ੍ਜਸੁਤ੍ਤવਣ੍ਣਨਾ
10. Rajjasuttavaṇṇanā
੧੫੬. ਦਸਮੇ ਅਹਨਂ ਅਘਾਤਯਨ੍ਤਿ ਅਹਨਨ੍ਤੇਨ ਅਘਾਤਯਨ੍ਤੇਨ। ਅਜਿਨਂ ਅਜਾਪਯਨ੍ਤਿ ਪਰਸ੍ਸ ਧਨਜਾਨਿਂ ਅਕਰੋਨ੍ਤੇਨ ਅਕਾਰਾਪੇਨ੍ਤੇਨ। ਅਸੋਚਂ ਅਸੋਚਾਪਯਨ੍ਤਿ ਅਸੋਚਨ੍ਤੇਨ ਅਸੋਚਾਪਯਨ੍ਤੇਨ। ਇਤਿ ਭਗવਾ ਅਧਮ੍ਮਿਕਰਾਜੂਨਂ ਰਜ੍ਜੇ વਿਜਿਤੇ ਦਣ੍ਡਕਰਪੀਲ਼ਿਤੇ ਮਨੁਸ੍ਸੇ ਦਿਸ੍વਾ ਕਾਰੁਞ੍ਞવਸੇਨ ਏવਂ ਚਿਨ੍ਤੇਸਿ। ਉਪਸਙ੍ਕਮੀਤਿ ‘‘ਸਮਣੋ ਗੋਤਮੋ ‘ਸਕ੍ਕਾ ਨੁ ਖੋ ਰਜ੍ਜਂ ਕਾਰੇਤੁ’ਨ੍ਤਿ ਚਿਨ੍ਤੇਸਿ, ਰਜ੍ਜਂ ਕਾਰੇਤੁਕਾਮੋ ਭવਿਸ੍ਸਤਿ, ਰਜ੍ਜਞ੍ਚ ਨਾਮੇਤਂ ਪਮਾਦਟ੍ਠਾਨਂ, ਰਜ੍ਜਂ ਕਾਰੇਨ੍ਤੇ ਸਕ੍ਕਾ ਓਤਾਰਂ ਲਭਿਤੁਂ, ਗਚ੍ਛਾਮਿ ਉਸ੍ਸਾਹਮਸ੍ਸ ਜਨੇਸ੍ਸਾਮੀ’’ਤਿ ਚਿਨ੍ਤੇਤ੍વਾ ਉਪਸਙ੍ਕਮਿ। ਇਦ੍ਧਿਪਾਦਾਤਿ ਇਜ੍ਝਨਕਕੋਟ੍ਠਾਸਾ । ਭਾવਿਤਾਤਿ વਡ੍ਢਿਤਾ। ਬਹੁਲੀਕਤਾਤਿ ਪੁਨਪ੍ਪੁਨਂ ਕਤਾ। ਯਾਨੀਕਤਾਤਿ ਯੁਤ੍ਤਯਾਨਂ વਿਯ ਕਤਾ। વਤ੍ਥੁਕਤਾਤਿ ਪਤਿਟ੍ਠਟ੍ਠੇਨવਤ੍ਥੁਕਤਾ। ਅਨੁਟ੍ਠਿਤਾਤਿ ਅવਿਜਹਿਤਾ ਨਿਚ੍ਚਾਨੁਬਦ੍ਧਾ। ਪਰਿਚਿਤਾਤਿ ਸਾਤਚ੍ਚਕਿਰਿਯਾਯ ਸੁਪਰਿਚਿਤਾ ਕਤਾ ਇਸ੍ਸਾਸਸ੍ਸ ਅવਿਰਾਧਿਤવੇਧਿਹਤ੍ਥੋ વਿਯ। ਸੁਸਮਾਰਦ੍ਧਾਤਿ ਸੁਟ੍ਠੁ ਸਮਾਰਦ੍ਧਾ ਪਰਿਪੁਣ੍ਣਭਾવਨਾ। ਅਧਿਮੁਚ੍ਚੇਯ੍ਯਾਤਿ ਚਿਨ੍ਤੇਯ੍ਯ।
156. Dasame ahanaṃ aghātayanti ahanantena aghātayantena. Ajinaṃ ajāpayanti parassa dhanajāniṃ akarontena akārāpentena. Asocaṃ asocāpayanti asocantena asocāpayantena. Iti bhagavā adhammikarājūnaṃ rajje vijite daṇḍakarapīḷite manusse disvā kāruññavasena evaṃ cintesi. Upasaṅkamīti ‘‘samaṇo gotamo ‘sakkā nu kho rajjaṃ kāretu’nti cintesi, rajjaṃ kāretukāmo bhavissati, rajjañca nāmetaṃ pamādaṭṭhānaṃ, rajjaṃ kārente sakkā otāraṃ labhituṃ, gacchāmi ussāhamassa janessāmī’’ti cintetvā upasaṅkami. Iddhipādāti ijjhanakakoṭṭhāsā . Bhāvitāti vaḍḍhitā. Bahulīkatāti punappunaṃ katā. Yānīkatāti yuttayānaṃ viya katā. Vatthukatāti patiṭṭhaṭṭhenavatthukatā. Anuṭṭhitāti avijahitā niccānubaddhā. Paricitāti sātaccakiriyāya suparicitā katā issāsassa avirādhitavedhihattho viya. Susamāraddhāti suṭṭhu samāraddhā paripuṇṇabhāvanā. Adhimucceyyāti cinteyya.
ਪਬ੍ਬਤਸ੍ਸਾਤਿ ਪਬ੍ਬਤੋ ਭવੇਯ੍ਯ। ਦ੍વਿਤ੍ਤਾવਾਤਿ ਤਿਟ੍ਠਤੁ ਏਕੋ ਪਬ੍ਬਤੋ, ਦ੍વਿਕ੍ਖਤ੍ਤੁਮ੍ਪਿ ਤਾવ ਮਹਨ੍ਤੋ ਸੁવਣ੍ਣਪਬ੍ਬਤੋ ਏਕਸ੍ਸ ਨਾਲਂ, ਨ ਪਰਿਯਤ੍ਤੋਤਿ ਅਤ੍ਥੋ। ਇਤਿ વਿਦ੍વਾ ਸਮਞ੍ਚਰੇਤਿ ਏવਂ ਜਾਨਨ੍ਤੋ ਸਮਂ ਚਰੇਯ੍ਯ। ਯਤੋਨਿਦਾਨਨ੍ਤਿ ਦੁਕ੍ਖਂ ਨਾਮ ਪਞ੍ਚਕਾਮਗੁਣਨਿਦਾਨਂ, ਤਂ ਯਤੋਨਿਦਾਨਂ ਹੋਤਿ, ਏવਂ ਯੋ ਅਦਕ੍ਖਿ। ਕਥਂ ਨਮੇਯ੍ਯਾਤਿ ਸੋ ਜਨ੍ਤੁ ਤੇਸੁ ਦੁਕ੍ਖਸ੍ਸ ਨਿਦਾਨਭੂਤੇਸੁ ਕਾਮੇਸੁ ਕੇਨ ਕਾਰਣੇਨ ਨਮੇਯ੍ਯ। ਉਪਧਿਂ વਿਦਿਤ੍વਾਤਿ ਕਾਮਗੁਣਉਪਧਿਂ ‘‘ਸਙ੍ਗੋ ਏਸੋ, ਲਗ੍ਗਨਮੇਤ’’ਨ੍ਤਿ ਏવਂ વਿਦਿਤ੍વਾ। ਤਸ੍ਸੇવ ਜਨ੍ਤੁ વਿਨਯਾਯ ਸਿਕ੍ਖੇਤਿ ਤਸ੍ਸੇવ ਉਪਧਿਸ੍ਸ વਿਨਯਾਯ ਸਿਕ੍ਖੇਯ੍ਯ। ਦਸਮਂ।
Pabbatassāti pabbato bhaveyya. Dvittāvāti tiṭṭhatu eko pabbato, dvikkhattumpi tāva mahanto suvaṇṇapabbato ekassa nālaṃ, na pariyattoti attho. Iti vidvā samañcareti evaṃ jānanto samaṃ careyya. Yatonidānanti dukkhaṃ nāma pañcakāmaguṇanidānaṃ, taṃ yatonidānaṃ hoti, evaṃ yo adakkhi. Kathaṃ nameyyāti so jantu tesu dukkhassa nidānabhūtesu kāmesu kena kāraṇena nameyya. Upadhiṃ viditvāti kāmaguṇaupadhiṃ ‘‘saṅgo eso, lagganameta’’nti evaṃ viditvā. Tasseva jantu vinayāya sikkheti tasseva upadhissa vinayāya sikkheyya. Dasamaṃ.
ਦੁਤਿਯੋ વਗ੍ਗੋ।
Dutiyo vaggo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਰਜ੍ਜਸੁਤ੍ਤਂ • 10. Rajjasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਰਜ੍ਜਸੁਤ੍ਤવਣ੍ਣਨਾ • 10. Rajjasuttavaṇṇanā
