| Library / Tipiṭaka / д̇ибидага • Tipiṭaka / вимаанавад̇т̇убаал̣и • Vimānavatthupāḷi |
12. раж̇ж̇умаалаавимаанавад̇т̇у
12. Rajjumālāvimānavatthu
826.
826.
‘‘абхигганд̇зна ван̣н̣зна, яаа д̇вам̣ д̇идтаси д̣̇звад̇з;
‘‘Abhikkantena vaṇṇena, yā tvaṃ tiṭṭhasi devate;
хад̇т̇абаад̣̇з жа виг̇г̇аяха, нажжаси суббаваад̣̇ид̇з.
Hatthapāde ca viggayha, naccasi suppavādite.
827.
827.
‘‘д̇ассаа д̇з нажжамаанааяа, ан̇г̇аман̇г̇зхи саб̣б̣асо;
‘‘Tassā te naccamānāya, aṅgamaṅgehi sabbaso;
д̣̇иб̣б̣аа сад̣̇д̣̇аа нижчаранд̇и, саванийяаа манорамаа.
Dibbā saddā niccharanti, savanīyā manoramā.
828.
828.
‘‘д̇ассаа д̇з нажжамаанааяа, ан̇г̇аман̇г̇зхи саб̣б̣асо;
‘‘Tassā te naccamānāya, aṅgamaṅgehi sabbaso;
д̣̇иб̣б̣аа г̇анд̇хаа бавааяанд̇и, сужиг̇анд̇хаа манорамаа.
Dibbā gandhā pavāyanti, sucigandhā manoramā.
829.
829.
‘‘вивад̇д̇амаанаа гааязна, яаа взн̣ийсу бил̣анд̇ханаа;
‘‘Vivattamānā kāyena, yā veṇīsu piḷandhanā;
д̇зсам̣ суяяад̇и ниг̇гхосо, д̇урияз бан̃жан̇г̇игз яат̇аа.
Tesaṃ suyyati nigghoso, turiye pañcaṅgike yathā.
830.
830.
‘‘вадам̣сагаа ваад̇ад̇худ̇аа, ваад̇зна самбагамбид̇аа;
‘‘Vaṭaṃsakā vātadhutā, vātena sampakampitā;
д̇зсам̣ суяяад̇и ниг̇гхосо, д̇урияз бан̃жан̇г̇игз яат̇аа.
Tesaṃ suyyati nigghoso, turiye pañcaṅgike yathā.
831.
831.
‘‘яааби д̇з сирасмим̣ маалаа, сужиг̇анд̇хаа манорамаа;
‘‘Yāpi te sirasmiṃ mālā, sucigandhā manoramā;
ваад̇и г̇анд̇хо д̣̇исаа саб̣б̣аа, ругко ман̃ж̇уусаго яат̇аа.
Vāti gandho disā sabbā, rukkho mañjūsako yathā.
832.
832.
‘‘гхааяасз д̇ам̣ сужиг̇анд̇хам̣, руубам̣ бассаси амаанусам̣;
‘‘Ghāyase taṃ sucigandhaṃ, rūpaṃ passasi amānusaṃ;
д̣̇звад̇з бужчид̇аажигка, гисса гаммассид̣̇ам̣ пала’’нд̇и.
Devate pucchitācikkha, kissa kammassidaṃ phala’’nti.
833.
833.
‘‘д̣̇аасий ахам̣ бурз аасим̣, г̇аяааяам̣ б̣раахман̣ассахам̣;
‘‘Dāsī ahaṃ pure āsiṃ, gayāyaṃ brāhmaṇassahaṃ;
аббабун̃н̃аа алагкигаа, раж̇ж̇умаалаад̇и мам̣ вид̣̇ум̣ 1.
Appapuññā alakkhikā, rajjumālāti maṃ viduṃ 2.
834.
834.
‘‘аггосаанам̣ вад̇хаанан̃жа, д̇аж̇ж̇анааяа жа уг̇г̇ад̇аа 3;
‘‘Akkosānaṃ vadhānañca, tajjanāya ca uggatā 4;
835.
835.
‘‘вибат̇з гудам̣ нигкибид̇ваа, ванасан̣д̣ам̣ убааг̇амим̣;
‘‘Vipathe kuṭaṃ nikkhipitvā, vanasaṇḍaṃ upāgamiṃ;
836.
836.
‘‘д̣̇ал̣хам̣ баасам̣ гарид̇ваана, аасумбхид̇ваана баад̣̇абз;
‘‘Daḷhaṃ pāsaṃ karitvāna, āsumbhitvāna pādape;
д̇ад̇о д̣̇исаа вилогзсим̣,го ну ко ванамассид̇о.
Tato disā vilokesiṃ,ko nu kho vanamassito.
837.
837.
‘‘д̇ад̇т̇ад̣̇д̣̇асаасим̣ самб̣уд̣̇д̇хам̣, саб̣б̣алогахид̇ам̣ муним̣;
‘‘Tatthaddasāsiṃ sambuddhaṃ, sabbalokahitaṃ muniṃ;
нисиннам̣ ругкамууласмим̣, жхааяанд̇ам̣ агуд̇обхаяам̣.
Nisinnaṃ rukkhamūlasmiṃ, jhāyantaṃ akutobhayaṃ.
838.
838.
‘‘д̇ассаа мз аху сам̣взг̇о, аб̣бхуд̇о ломахам̣сано;
‘‘Tassā me ahu saṃvego, abbhuto lomahaṃsano;
го ну ко ванамассид̇о, мануссо уд̣̇ааху д̣̇звад̇аа.
Ko nu kho vanamassito, manusso udāhu devatā.
839.
839.
‘‘баасаад̣̇игам̣ басаад̣̇анийяам̣, ванаа ниб̣б̣анамааг̇ад̇ам̣;
‘‘Pāsādikaṃ pasādanīyaṃ, vanā nibbanamāgataṃ;
д̣̇исваа мано мз басийд̣̇и, нааяам̣ яаад̣̇исагийд̣̇исо.
Disvā mano me pasīdi, nāyaṃ yādisakīdiso.
840.
840.
‘‘г̇уд̇д̇инд̣̇рияо жхаанарад̇о, аб̣ахиг̇г̇ад̇амаанасо;
‘‘Guttindriyo jhānarato, abahiggatamānaso;
хид̇о саб̣б̣асса логасса, б̣уд̣̇д̇хо аяам̣ 11 бхависсад̇и.
Hito sabbassa lokassa, buddho ayaṃ 12 bhavissati.
841.
841.
‘‘бхаяабхзраво д̣̇ураасад̣̇о, сийхова г̇ухамассид̇о;
‘‘Bhayabheravo durāsado, sīhova guhamassito;
д̣̇уллабхааяам̣ д̣̇ассанааяа, бубпам̣ од̣̇умб̣арам̣ яат̇аа.
Dullabhāyaṃ dassanāya, pupphaṃ odumbaraṃ yathā.
842.
842.
‘‘со мам̣ муд̣̇уухи ваажаахи, аалабид̇ваа д̇ат̇ааг̇ад̇о;
‘‘So maṃ mudūhi vācāhi, ālapitvā tathāgato;
раж̇ж̇умаалзд̇и мам̣вожа, саран̣ам̣ г̇ажча д̇ат̇ааг̇ад̇ам̣.
Rajjumāleti maṃvoca, saraṇaṃ gaccha tathāgataṃ.
843.
843.
‘‘д̇аахам̣ г̇ирам̣ сун̣ид̇ваана, нзлам̣ ад̇т̇авад̇им̣ сужим̣;
‘‘Tāhaṃ giraṃ suṇitvāna, nelaṃ atthavatiṃ suciṃ;
сан̣хам̣ муд̣̇ун̃жа ваг̇г̇ун̃жа, саб̣б̣асогаабанууд̣̇анам̣.
Saṇhaṃ muduñca vagguñca, sabbasokāpanūdanaṃ.
844.
844.
‘‘галлажид̇д̇ан̃жа мам̣ н̃ад̇ваа, басаннам̣ суд̣̇д̇хамаанасам̣;
‘‘Kallacittañca maṃ ñatvā, pasannaṃ suddhamānasaṃ;
хид̇о саб̣б̣асса логасса, анусааси д̇ат̇ааг̇ад̇о.
Hito sabbassa lokassa, anusāsi tathāgato.
845.
845.
‘‘ид̣̇ам̣ д̣̇угканд̇и мам̣вожа, аяам̣ д̣̇угкасса самбхаво;
‘‘Idaṃ dukkhanti maṃvoca, ayaṃ dukkhassa sambhavo;
846.
846.
‘‘анугамбагасса гусаласса, оваад̣̇амхи ахам̣ тид̇аа;
‘‘Anukampakassa kusalassa, ovādamhi ahaṃ ṭhitā;
аж̇жхаг̇аа амад̇ам̣ санд̇им̣, ниб̣б̣аанам̣ бад̣̇амажжуд̇ам̣.
Ajjhagā amataṃ santiṃ, nibbānaṃ padamaccutaṃ.
847.
847.
‘‘саахам̣ авадтид̇аабзмаа, д̣̇ассанз авигамбиний;
‘‘Sāhaṃ avaṭṭhitāpemā, dassane avikampinī;
муулаж̇аад̇ааяа сад̣̇д̇хааяа, д̇хийд̇аа б̣уд̣̇д̇хасса орасаа.
Mūlajātāya saddhāya, dhītā buddhassa orasā.
848.
848.
‘‘саахам̣ рамаами гийл̣аами, мод̣̇аами агуд̇обхаяаа;
‘‘Sāhaṃ ramāmi kīḷāmi, modāmi akutobhayā;
д̣̇иб̣б̣амаалам̣ д̇хаараяаами, биваами мад̇хумад̣̇д̣̇авам̣.
Dibbamālaṃ dhārayāmi, pivāmi madhumaddavaṃ.
849.
849.
‘‘садтид̇урияасахассаани, бадиб̣од̇хам̣ гаронд̇и мз;
‘‘Saṭṭhituriyasahassāni, paṭibodhaṃ karonti me;
аал̣амб̣о г̇аг̇г̇аро бхиймо, саад̇хуваад̣̇ий жа сам̣саяо.
Āḷambo gaggaro bhīmo, sādhuvādī ca saṃsayo.
850.
850.
‘‘богкаро жа супассо жа, вийн̣аамогкаа жа наарияо;
‘‘Pokkharo ca suphasso ca, vīṇāmokkhā ca nāriyo;
нанд̣̇аа жзва сунанд̣̇аа жа, сон̣ад̣̇иннаа сужимхид̇аа.
Nandā ceva sunandā ca, soṇadinnā sucimhitā.
851.
851.
‘‘аламб̣усаа миссагзсий жа, бун̣д̣арийгаад̇ид̣̇аарун̣ий 17;
‘‘Alambusā missakesī ca, puṇḍarīkātidāruṇī 18;
852.
852.
‘‘зд̇аа жан̃н̃аа жа сзяяаасз, ажчараанам̣ баб̣од̇хигаа;
‘‘Etā caññā ca seyyāse, accharānaṃ pabodhikā;
д̇аа мам̣ гаалзнубааг̇анд̇ваа, абхибхаасанд̇и д̣̇звад̇аа.
Tā maṃ kālenupāgantvā, abhibhāsanti devatā.
853.
853.
‘‘ханд̣̇а нажжаама г̇ааяаама, ханд̣̇а д̇ам̣ рамаяаамасз;
‘‘Handa naccāma gāyāma, handa taṃ ramayāmase;
наяид̣̇ам̣ агад̇абун̃н̃аанам̣, гад̇абун̃н̃аанамзвид̣̇ам̣.
Nayidaṃ akatapuññānaṃ, katapuññānamevidaṃ.
854.
854.
‘‘асогам̣ нанд̣̇анам̣ раммам̣, д̇ид̣̇асаанам̣ махааванам̣;
‘‘Asokaṃ nandanaṃ rammaṃ, tidasānaṃ mahāvanaṃ;
сукам̣ агад̇абун̃н̃аанам̣, ид̇ха над̇т̇и барад̇т̇а жа.
Sukhaṃ akatapuññānaṃ, idha natthi parattha ca.
855.
855.
‘‘сукан̃жа гад̇абун̃н̃аанам̣, ид̇ха жзва барад̇т̇а жа;
‘‘Sukhañca katapuññānaṃ, idha ceva parattha ca;
д̇зсам̣ сахаб̣яагаамаанам̣, гад̇д̇аб̣б̣ам̣ гусалам̣ б̣ахум̣;
Tesaṃ sahabyakāmānaṃ, kattabbaṃ kusalaṃ bahuṃ;
гад̇абун̃н̃аа хи мод̣̇анд̇и, саг̇г̇з бхог̇асаман̇г̇ино.
Katapuññā hi modanti, sagge bhogasamaṅgino.
856.
856.
‘‘б̣ахуунам̣ вад̇а ад̇т̇ааяа, уббаж̇ж̇анд̇и д̇ат̇ааг̇ад̇аа;
‘‘Bahūnaṃ vata atthāya, uppajjanti tathāgatā;
д̣̇агкин̣зяяаа мануссаанам̣, бун̃н̃акзд̇д̇аанамаагараа;
Dakkhiṇeyyā manussānaṃ, puññakhettānamākarā;
яад̇т̇а гаарам̣ гарид̇ваана, саг̇г̇з мод̣̇анд̇и д̣̇ааяагаа’’д̇и.
Yattha kāraṃ karitvāna, sagge modanti dāyakā’’ti.
раж̇ж̇умаалаавимаанам̣ д̣̇ваад̣̇асамам̣.
Rajjumālāvimānaṃ dvādasamaṃ.
ман̃ж̇идтагаваг̇г̇о жад̇уд̇т̇о нидтид̇о.
Mañjiṭṭhakavaggo catuttho niṭṭhito.
д̇ассуд̣̇д̣̇аанам̣ –
Tassuddānaṃ –
ман̃ж̇идтаа бабхассараа нааг̇аа, аломааган̃ж̇игад̣̇ааяигаа;
Mañjiṭṭhā pabhassarā nāgā, alomākañjikadāyikā;
вихааражад̇урид̇т̇амб̣аа, бийд̇аа ужчуванд̣̇анараж̇ж̇умаалаа жа;
Vihāracaturitthambā, pītā ucchuvandanarajjumālā ca;
ваг̇г̇о д̇зна бавужжад̇ийд̇и.
Vaggo tena pavuccatīti.
ид̇т̇ивимаанам̣ самад̇д̇ам̣.
Itthivimānaṃ samattaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / вимаанавад̇т̇у-адтагат̇аа • Vimānavatthu-aṭṭhakathā / 12. раж̇ж̇умаалаавимаанаван̣н̣анаа • 12. Rajjumālāvimānavaṇṇanā
