| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. ரஜ்ஜுஸுத்தங்
9. Rajjusuttaṃ
178. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ. லாப⁴ஸக்காரஸிலோகோ, பி⁴க்க²வே, ச²விங் சி²ந்த³தி, ச²விங் செ²த்வா சம்மங் சி²ந்த³தி, சம்மங் செ²த்வா மங்ஸங் சி²ந்த³தி, மங்ஸங் செ²த்வா ந்ஹாருங் சி²ந்த³தி, ந்ஹாருங் செ²த்வா அட்டி²ங் சி²ந்த³தி, அட்டி²ங் செ²த்வா அட்டி²மிஞ்ஜங் ஆஹச்ச திட்ட²தி’’.
178. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko. Lābhasakkārasiloko, bhikkhave, chaviṃ chindati, chaviṃ chetvā cammaṃ chindati, cammaṃ chetvā maṃsaṃ chindati, maṃsaṃ chetvā nhāruṃ chindati, nhāruṃ chetvā aṭṭhiṃ chindati, aṭṭhiṃ chetvā aṭṭhimiñjaṃ āhacca tiṭṭhati’’.
‘‘ஸெய்யதா²பி , பி⁴க்க²வே, ப³லவா புரிஸோ த³ள்ஹாய வாளரஜ்ஜுயா ஜங்க⁴ங் வேடெ²த்வா க⁴ங்ஸெய்ய. ஸா ச²விங் சி²ந்தெ³ய்ய, ச²விங் செ²த்வா சம்மங் சி²ந்தெ³ய்ய, சம்மங் செ²த்வா மங்ஸங் சி²ந்தெ³ய்ய, மங்ஸங் செ²த்வா ந்ஹாருங் சி²ந்தெ³ய்ய, ந்ஹாருங் செ²த்வா அட்டி²ங் சி²ந்தெ³ய்ய, அட்டி²ங் செ²த்வா அட்டி²மிஞ்ஜங் ஆஹச்ச திட்டெ²ய்ய. ஏவமேவ கோ², பி⁴க்க²வே, லாப⁴ஸக்காரஸிலோகோ ச²விங் சி²ந்த³தி, ச²விங் செ²த்வா சம்மங் சி²ந்த³தி, சம்மங் செ²த்வா மங்ஸங் சி²ந்த³தி, மங்ஸங் செ²த்வா ந்ஹாருங் சி²ந்த³தி, ந்ஹாருங் செ²த்வா அட்டி²ங் சி²ந்த³தி, அட்டி²ங் செ²த்வா அட்டி²ங்மிஞ்ஜங் ஆஹச்ச திட்ட²தி. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. நவமங்.
‘‘Seyyathāpi , bhikkhave, balavā puriso daḷhāya vāḷarajjuyā jaṅghaṃ veṭhetvā ghaṃseyya. Sā chaviṃ chindeyya, chaviṃ chetvā cammaṃ chindeyya, cammaṃ chetvā maṃsaṃ chindeyya, maṃsaṃ chetvā nhāruṃ chindeyya, nhāruṃ chetvā aṭṭhiṃ chindeyya, aṭṭhiṃ chetvā aṭṭhimiñjaṃ āhacca tiṭṭheyya. Evameva kho, bhikkhave, lābhasakkārasiloko chaviṃ chindati, chaviṃ chetvā cammaṃ chindati, cammaṃ chetvā maṃsaṃ chindati, maṃsaṃ chetvā nhāruṃ chindati, nhāruṃ chetvā aṭṭhiṃ chindati, aṭṭhiṃ chetvā aṭṭhiṃmiñjaṃ āhacca tiṭṭhati. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. ரஜ்ஜுஸுத்தவண்ணனா • 9. Rajjusuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. ரஜ்ஜுஸுத்தவண்ணனா • 9. Rajjusuttavaṇṇanā
