| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. раж̇ж̇усуд̇д̇ам̣
9. Rajjusuttaṃ
178. саавад̇т̇ияам̣ вихарад̇и…бз… ‘‘д̣̇аарун̣о, бхигкавз, лаабхасаггаарасилого. лаабхасаггаарасилого, бхигкавз, чавим̣ чинд̣̇ад̇и, чавим̣ чзд̇ваа жаммам̣ чинд̣̇ад̇и, жаммам̣ чзд̇ваа мам̣сам̣ чинд̣̇ад̇и, мам̣сам̣ чзд̇ваа нхаарум̣ чинд̣̇ад̇и, нхаарум̣ чзд̇ваа адтим̣ чинд̣̇ад̇и, адтим̣ чзд̇ваа адтимин̃ж̇ам̣ аахажжа д̇идтад̇и’’.
178. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko. Lābhasakkārasiloko, bhikkhave, chaviṃ chindati, chaviṃ chetvā cammaṃ chindati, cammaṃ chetvā maṃsaṃ chindati, maṃsaṃ chetvā nhāruṃ chindati, nhāruṃ chetvā aṭṭhiṃ chindati, aṭṭhiṃ chetvā aṭṭhimiñjaṃ āhacca tiṭṭhati’’.
‘‘сзяяат̇ааби , бхигкавз, б̣алаваа бурисо д̣̇ал̣хааяа ваал̣араж̇ж̇уяаа ж̇ан̇гхам̣ взтзд̇ваа гхам̣сзяяа. саа чавим̣ чинд̣̇зяяа, чавим̣ чзд̇ваа жаммам̣ чинд̣̇зяяа, жаммам̣ чзд̇ваа мам̣сам̣ чинд̣̇зяяа, мам̣сам̣ чзд̇ваа нхаарум̣ чинд̣̇зяяа, нхаарум̣ чзд̇ваа адтим̣ чинд̣̇зяяа, адтим̣ чзд̇ваа адтимин̃ж̇ам̣ аахажжа д̇идтзяяа. звамзва ко, бхигкавз, лаабхасаггаарасилого чавим̣ чинд̣̇ад̇и, чавим̣ чзд̇ваа жаммам̣ чинд̣̇ад̇и, жаммам̣ чзд̇ваа мам̣сам̣ чинд̣̇ад̇и, мам̣сам̣ чзд̇ваа нхаарум̣ чинд̣̇ад̇и, нхаарум̣ чзд̇ваа адтим̣ чинд̣̇ад̇и, адтим̣ чзд̇ваа адтим̣мин̃ж̇ам̣ аахажжа д̇идтад̇и. звам̣ д̣̇аарун̣о ко, бхигкавз, лаабхасаггаарасилого…бз… зван̃хи во, бхигкавз, сигкид̇аб̣б̣а’’нд̇и. навамам̣.
‘‘Seyyathāpi , bhikkhave, balavā puriso daḷhāya vāḷarajjuyā jaṅghaṃ veṭhetvā ghaṃseyya. Sā chaviṃ chindeyya, chaviṃ chetvā cammaṃ chindeyya, cammaṃ chetvā maṃsaṃ chindeyya, maṃsaṃ chetvā nhāruṃ chindeyya, nhāruṃ chetvā aṭṭhiṃ chindeyya, aṭṭhiṃ chetvā aṭṭhimiñjaṃ āhacca tiṭṭheyya. Evameva kho, bhikkhave, lābhasakkārasiloko chaviṃ chindati, chaviṃ chetvā cammaṃ chindati, cammaṃ chetvā maṃsaṃ chindati, maṃsaṃ chetvā nhāruṃ chindati, nhāruṃ chetvā aṭṭhiṃ chindati, aṭṭhiṃ chetvā aṭṭhiṃmiñjaṃ āhacca tiṭṭhati. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Navamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. раж̇ж̇усуд̇д̇аван̣н̣анаа • 9. Rajjusuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. раж̇ж̇усуд̇д̇аван̣н̣анаа • 9. Rajjusuttavaṇṇanā
