| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. рагкид̇ад̇т̇зраг̇аат̇ааван̣н̣анаа
9. Rakkhitattheragāthāvaṇṇanā
саб̣б̣о рааг̇о бахийно мзд̇и ааяасмад̇о рагкид̇ад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇арасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇у д̇хаммад̣̇зсанам̣ суд̇ваа басаннамаанасо д̣̇зсанаан̃аан̣ам̣ аараб̣бха т̇оманам̣ агааси. сад̇т̇аа д̇асса жид̇д̇аббасаад̣̇ам̣ ологзд̇ваа ‘‘аяам̣ ид̇о сад̇асахассагаббамад̇т̇агз г̇од̇амасса наама саммаасамб̣уд̣̇д̇хасса рагкид̇о наама сааваго бхависсад̇ий’’д̇и б̣яаагааси . со д̇ам̣ суд̇ваа бхияяосомад̇д̇ааяа басаннамаанасо абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з д̣̇звад̣̇аханиг̇амз саагияарааж̇агулз ниб̣б̣ад̇д̇и, рагкид̇од̇исса наамам̣ ахоси. со яз саагияаголияарааж̇уухи бхаг̇авад̇о бариваарад̇т̇ааяа д̣̇иннаа бан̃жасад̇арааж̇агумаараа баб̣б̣аж̇ид̇аа, д̇зсам̣ ан̃н̃ад̇аро. д̇з бана рааж̇агумаараа на сам̣взг̇зна баб̣б̣аж̇ид̇ад̇д̇аа угган̣таабхибхууд̇аа яад̣̇аа сад̇т̇аараа гун̣аалад̣̇ахад̇ийрам̣ нзд̇ваа гун̣аалаж̇аад̇агад̣̇зсанааяа (ж̇аа. 2.21.гун̣аалаж̇аад̇ага) ид̇т̇ийнам̣ д̣̇осавибхааванзна гаамзсу аад̣̇ийнавам̣ багаасзд̇ваа гаммадтаанз нияож̇ид̇аа, д̇ад̣̇аа аяамби гаммадтаанам̣ ануяун̃ж̇анд̇о вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.14.1-9) –
Sabborāgo pahīno meti āyasmato rakkhitattherassa gāthā. Kā uppatti? Ayaṃ kira padumuttarassa bhagavato kāle kulagehe nibbattitvā viññutaṃ patto ekadivasaṃ satthu dhammadesanaṃ sutvā pasannamānaso desanāñāṇaṃ ārabbha thomanaṃ akāsi. Satthā tassa cittappasādaṃ oloketvā ‘‘ayaṃ ito satasahassakappamatthake gotamassa nāma sammāsambuddhassa rakkhito nāma sāvako bhavissatī’’ti byākāsi . So taṃ sutvā bhiyyosomattāya pasannamānaso aparāparaṃ puññāni katvā devamanussesu saṃsaranto imasmiṃ buddhuppāde devadahanigame sākiyarājakule nibbatti, rakkhitotissa nāmaṃ ahosi. So ye sākiyakoliyarājūhi bhagavato parivāratthāya dinnā pañcasatarājakumārā pabbajitā, tesaṃ aññataro. Te pana rājakumārā na saṃvegena pabbajitattā ukkaṇṭhābhibhūtā yadā satthārā kuṇāladahatīraṃ netvā kuṇālajātakadesanāya (jā. 2.21.kuṇālajātaka) itthīnaṃ dosavibhāvanena kāmesu ādīnavaṃ pakāsetvā kammaṭṭhāne niyojitā, tadā ayampi kammaṭṭhānaṃ anuyuñjanto vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 1.14.1-9) –
‘‘бад̣̇умуд̇д̇аро наама ж̇ино, логаж̇здто нараасабхо;
‘‘Padumuttaro nāma jino, lokajeṭṭho narāsabho;
махад̇о ж̇анагааяасса, д̣̇зсзд̇и амад̇ам̣ бад̣̇ам̣.
Mahato janakāyassa, deseti amataṃ padaṃ.
‘‘д̇ассаахам̣ важанам̣ суд̇ваа, ваажаасабхимуд̣̇ийрид̇ам̣;
‘‘Tassāhaṃ vacanaṃ sutvā, vācāsabhimudīritaṃ;
ан̃ж̇алим̣ баг̇г̇ахзд̇ваана, згаг̇г̇о аасахам̣ д̇ад̣̇аа.
Añjaliṃ paggahetvāna, ekaggo āsahaṃ tadā.
‘‘яат̇аа самуд̣̇д̣̇о уд̣̇ад̇хийнамаг̇г̇о, нзруу наг̇аанам̣ баваро силужжаяо;
‘‘Yathā samuddo udadhīnamaggo, nerū nagānaṃ pavaro siluccayo;
д̇ат̇зва яз жид̇д̇авасзна вад̇д̇арз, на б̣уд̣̇д̇хан̃аан̣асса галам̣ убзнд̇и д̇з.
Tatheva ye cittavasena vattare, na buddhañāṇassa kalaṃ upenti te.
‘‘д̇хаммавид̇хим̣ табзд̇ваана, б̣уд̣̇д̇хо гаарун̣иго иси;
‘‘Dhammavidhiṃ ṭhapetvāna, buddho kāruṇiko isi;
бхигкусан̇гхз нисийд̣̇ид̇ваа, имаа г̇аат̇аа абхаасат̇а.
Bhikkhusaṅghe nisīditvā, imā gāthā abhāsatha.
‘‘яо со н̃аан̣ам̣ багид̇д̇зси, б̣уд̣̇д̇хамхи логанааяагз;
‘‘Yo so ñāṇaṃ pakittesi, buddhamhi lokanāyake;
габбаанам̣ сад̇асахассам̣, д̣̇уг̇г̇ад̇им̣ на г̇амиссад̇и.
Kappānaṃ satasahassaṃ, duggatiṃ na gamissati.
‘‘гилзсз жхаабаяид̇ваана, згаг̇г̇о сусамаахид̇о;
‘‘Kilese jhāpayitvāna, ekaggo susamāhito;
собхид̇о наама наамзна, хзссад̇и сад̇т̇у сааваго.
Sobhito nāma nāmena, hessati satthu sāvako.
‘‘бан̃н̃аасз габбасахассз, сад̇д̇зваасум̣ яасуг̇г̇ад̇аа;
‘‘Paññāse kappasahasse, sattevāsuṃ yasuggatā;
сад̇д̇арад̇анасамбаннаа, жаггавад̇д̇ий махаб̣б̣алаа.
Sattaratanasampannā, cakkavattī mahabbalā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бахийнагилзсз бажжавзгканд̇о ‘‘саб̣б̣о рааг̇о’’д̇и г̇аат̇ам̣ абхааси.
Arahattaṃ pana patvā attano pahīnakilese paccavekkhanto ‘‘sabbo rāgo’’ti gāthaṃ abhāsi.
79. д̇ад̇т̇а ‘‘саб̣б̣о рааг̇о’’д̇и гаамарааг̇аад̣̇иббабхзд̣̇о саб̣б̣оби рааг̇о. бахийнод̇и арияамаг̇г̇абхааванааяа самужчзд̣̇аббахаанавасзна бахийно. саб̣б̣о д̣̇осод̇и аагхаад̇авад̇т̇угаад̣̇ибхаавзна анзгабхзд̣̇абхинно саб̣б̣оби б̣яаабаад̣̇о. самуухад̇од̇и маг̇г̇зна самуг̇гхаадид̇о. саб̣б̣о мз виг̇ад̇о моход̇и ‘‘д̣̇угкз ан̃н̃аан̣а’’нд̇иаад̣̇инаа (д̇ха. са. 1067; вибха. 909) вад̇т̇убхзд̣̇зна адтабхзд̣̇о, сам̣гилзсавад̇т̇увибхааг̇зна анзгавибхааг̇о саб̣б̣оби мохо маг̇г̇зна вид̣̇д̇хам̣сид̇ад̇д̇аа маяхам̣ виг̇ад̇о. сийд̇ибхууд̇осми ниб̣б̣уд̇од̇и звам̣ муулагилзсаббахаанзна д̇ад̣̇згадтад̇ааяа сам̣гилзсаанам̣ саммад̣̇зва бадиббассад̣̇д̇хад̇д̇аа анавасзсагилзсад̣̇арат̇абарил̣аахаабхаавад̇о сийд̇ибхаавам̣ бад̇д̇о, д̇ад̇о зва саб̣б̣асо гилзсабариниб̣б̣аанзна бариниб̣б̣уд̇о ахам̣ асми бхаваамийд̇и ан̃н̃ам̣ б̣яаагааси.
79. Tattha ‘‘sabbo rāgo’’ti kāmarāgādippabhedo sabbopi rāgo. Pahīnoti ariyamaggabhāvanāya samucchedappahānavasena pahīno. Sabbo dosoti āghātavatthukādibhāvena anekabhedabhinno sabbopi byāpādo. Samūhatoti maggena samugghāṭito. Sabbo me vigato mohoti ‘‘dukkhe aññāṇa’’ntiādinā (dha. sa. 1067; vibha. 909) vatthubhedena aṭṭhabhedo, saṃkilesavatthuvibhāgena anekavibhāgo sabbopi moho maggena viddhaṃsitattā mayhaṃ vigato. Sītibhūtosmi nibbutoti evaṃ mūlakilesappahānena tadekaṭṭhatāya saṃkilesānaṃ sammadeva paṭippassaddhattā anavasesakilesadarathapariḷāhābhāvato sītibhāvaṃ patto, tato eva sabbaso kilesaparinibbānena parinibbuto ahaṃ asmi bhavāmīti aññaṃ byākāsi.
рагкид̇ад̇т̇зраг̇аат̇ааван̣н̣анаа нидтид̇аа.
Rakkhitattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. рагкид̇ад̇т̇зраг̇аат̇аа • 9. Rakkhitattheragāthā
