| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
5. රාමණෙය්‍යකසුත්‌තං
5. Rāmaṇeyyakasuttaṃ
261. සාවත්‌ථියං ජෙතවනෙ. අථ ඛො සක්‌කො දෙවානමින්‌දො යෙන භගවා තෙනුපසඞ්‌කමි; උපසඞ්‌කමිත්‌වා භගවන්‌තං අභිවාදෙත්‌වා එකමන්‌තං අට්‌ඨාසි. එකමන්‌තං ඨිතො ඛො සක්‌කො දෙවානමින්‌දො භගවන්‌තං එතදවොච – ‘‘කිං නු ඛො, භන්‌තෙ, භූමිරාමණෙය්‍යක’’න්‌ති?
261. Sāvatthiyaṃ jetavane. Atha kho sakko devānamindo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho sakko devānamindo bhagavantaṃ etadavoca – ‘‘kiṃ nu kho, bhante, bhūmirāmaṇeyyaka’’nti?
‘‘ආරාමචෙත්‍යා වනචෙත්‍යා, පොක්‌ඛරඤ්‌ඤො සුනිම්‌මිතා;
‘‘Ārāmacetyā vanacetyā, pokkharañño sunimmitā;
මනුස්‌සරාමණෙය්‍යස්‌ස, කලං නාග්‌ඝන්‌ති සොළසිං.
Manussarāmaṇeyyassa, kalaṃ nāgghanti soḷasiṃ.
‘‘ගාමෙ වා යදි වාරඤ්‌ඤෙ, නින්‌නෙ වා යදි වා ථලෙ;
‘‘Gāme vā yadi vāraññe, ninne vā yadi vā thale;
යත්‌ථ අරහන්‌තො විහරන්‌ති, තං භූමිරාමණෙය්‍යක’’න්‌ති.
Yattha arahanto viharanti, taṃ bhūmirāmaṇeyyaka’’nti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 5. රාමණෙය්‍යකසුත්‌තවණ්‌ණනා • 5. Rāmaṇeyyakasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 5. රාමණෙය්‍යකසුත්‌තවණ්‌ණනා • 5. Rāmaṇeyyakasuttavaṇṇanā
