| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. рааман̣зяяагад̇т̇зраг̇аат̇ааван̣н̣анаа
9. Rāmaṇeyyakattheragāthāvaṇṇanā
жихажихаабхинад̣̇ид̇зд̇и ааяасмад̇о рааман̣зяяагад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сикисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о бхаг̇аванд̇ам̣ д̣̇исваа басаннамаанасо бубпзхи бууж̇ам̣ агааси. со д̇зна бун̃н̃агаммзна д̣̇звалогз ниб̣б̣ад̇д̇о абараабарам̣ бун̃н̃аани гад̇ваа суг̇ад̇ийсу зва баривад̇д̇знд̇о имасмим̣ б̣уд̣̇д̇хуббаад̣̇з саавад̇т̇ияам̣ иб̣бхагулз ниб̣б̣ад̇д̇ид̇ваа ваяаббад̇д̇о ж̇зд̇аванабадиг̇г̇ахан̣з сан̃ж̇аад̇аббасаад̣̇о баб̣б̣аж̇ид̇ваа жарияаанугуулам̣ гаммадтаанам̣ г̇ахзд̇ваа аран̃н̃з вихарад̇и. д̇асса ад̇д̇ано самбад̇д̇ияаа баб̣б̣аж̇ид̇асааруббааяа жа бадибад̇д̇ияаа баасаад̣̇игабхаавад̇о рааман̣зяяагод̇взва саман̃н̃аа ахоси . ат̇згад̣̇ивасам̣ мааро т̇зрам̣ бхим̣саабзд̇угаамо бхзравасад̣̇д̣̇ам̣ агааси. д̇ам̣ суд̇ваа т̇зро т̇ирабагад̇ид̇ааяа д̇зна асанд̇асанд̇о ‘‘мааро аяа’’нд̇и н̃ад̇ваа д̇ад̇т̇а анаад̣̇арам̣ д̣̇ассзнд̇о ‘‘жихажихаабхинад̣̇ид̇з’’д̇и г̇аат̇ам̣ абхааси.
Cihacihābhinaditeti āyasmato rāmaṇeyyakattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto sikhissa bhagavato kāle kulagehe nibbattitvā viññutaṃ patto bhagavantaṃ disvā pasannamānaso pupphehi pūjaṃ akāsi. So tena puññakammena devaloke nibbatto aparāparaṃ puññāni katvā sugatīsu eva parivattento imasmiṃ buddhuppāde sāvatthiyaṃ ibbhakule nibbattitvā vayappatto jetavanapaṭiggahaṇe sañjātappasādo pabbajitvā cariyānukūlaṃ kammaṭṭhānaṃ gahetvā araññe viharati. Tassa attano sampattiyā pabbajitasāruppāya ca paṭipattiyā pāsādikabhāvato rāmaṇeyyakotveva samaññā ahosi . Athekadivasaṃ māro theraṃ bhiṃsāpetukāmo bheravasaddaṃ akāsi. Taṃ sutvā thero thirapakatitāya tena asantasanto ‘‘māro aya’’nti ñatvā tattha anādaraṃ dassento ‘‘cihacihābhinadite’’ti gāthaṃ abhāsi.
49. д̇ад̇т̇а жихажихаабхинад̣̇ид̇зд̇и жихажихаад̇и абхин̣хам̣ бавад̇д̇асад̣̇д̣̇ад̇ааяа ‘‘жихажихаа’’д̇и лад̣̇д̇ханаамаанам̣ ваддагаанам̣ абхинаад̣̇анимид̇д̇ам̣, виравахзд̇ууд̇и ад̇т̇о. сиббигаабхируд̇зхи жаад̇и сиббигаа вужжанд̇и д̣̇звагаа баранаамагаа г̇злан̃н̃зна чаад̇агисад̣̇аарагаагаараа саакаамиг̇аа. ‘‘махаагаланд̣̇агаа’’д̇и гзжи, сиббигаанам̣ абхируд̇зхи махаавиравзхи, хзд̇умхи жзд̇ам̣ гаран̣аважанам̣, д̇ам̣ хзд̇ууд̇и ад̇т̇о. на мз д̇ам̣ панд̣̇ад̇и жид̇д̇анд̇и мама жид̇д̇ам̣ на панд̣̇ад̇и на жавад̇и. ид̣̇ам̣ вуд̇д̇ам̣ ход̇и – имасмим̣ аран̃н̃з виравахзд̇у сиббигаабхируд̇ахзд̇у вияа, баабима, д̇ава виссарагаран̣ахзд̇у мама жид̇д̇ам̣ гаммадтаанад̇о на барибад̇ад̇ийд̇и. д̇ад̇т̇а гааран̣амааха ‘‘згад̇д̇анирад̇ан̃хи мз’’д̇и. хи-сад̣̇д̣̇о хзд̇у ад̇т̇о, яасмаа мама жид̇д̇ам̣ г̇ан̣асан̇г̇ан̣игам̣ бахааяа згад̇д̇з згийбхаавз, б̣ахид̣̇д̇хаа ваа вигкзбам̣ бахааяа згад̇д̇з згаг̇г̇ад̇ааяа, згад̇д̇з згасабхаавз ваа ниб̣б̣аанз нирад̇ам̣ абхирад̇ам̣, д̇асмаа гаммадтаанад̇о на панд̣̇ад̇и на жавад̇ийд̇и, имам̣ гира г̇аат̇ам̣ вад̣̇анд̇о зва т̇зро вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.21.5-9) –
49. Tattha cihacihābhinaditeti cihacihāti abhiṇhaṃ pavattasaddatāya ‘‘cihacihā’’ti laddhanāmānaṃ vaṭṭakānaṃ abhinādanimittaṃ, viravahetūti attho. Sippikābhirutehi cāti sippikā vuccanti devakā paranāmakā gelaññena chātakisadārakākārā sākhāmigā. ‘‘Mahākalandakā’’ti keci, sippikānaṃ abhirutehi mahāviravehi, hetumhi cetaṃ karaṇavacanaṃ, taṃ hetūti attho. Na me taṃ phandati cittanti mama cittaṃ na phandati na cavati. Idaṃ vuttaṃ hoti – imasmiṃ araññe viravahetu sippikābhirutahetu viya, pāpima, tava vissarakaraṇahetu mama cittaṃ kammaṭṭhānato na paripatatīti. Tattha kāraṇamāha ‘‘ekattaniratañhi me’’ti. Hi-saddo hetu attho, yasmā mama cittaṃ gaṇasaṅgaṇikaṃ pahāya ekatte ekībhāve, bahiddhā vā vikkhepaṃ pahāya ekatte ekaggatāya, ekatte ekasabhāve vā nibbāne nirataṃ abhirataṃ, tasmā kammaṭṭhānato na phandati na cavatīti, imaṃ kira gāthaṃ vadanto eva thero vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 1.21.5-9) –
‘‘суван̣н̣аван̣н̣о бхаг̇аваа, сад̇арам̣сий бад̇аабаваа;
‘‘Suvaṇṇavaṇṇo bhagavā, sataraṃsī patāpavā;
жан̇гаманам̣ самааруул̣хо, мзд̇д̇ажид̇д̇о сикийсабхо.
Caṅkamanaṃ samārūḷho, mettacitto sikhīsabho.
‘‘басаннажид̇д̇о сумано, ванд̣̇ид̇ваа н̃аан̣амуд̇д̇амам̣;
‘‘Pasannacitto sumano, vanditvā ñāṇamuttamaṃ;
минзлабубпам̣ баг̇г̇аяха, б̣уд̣̇д̇хасса абхиробаяим̣.
Minelapupphaṃ paggayha, buddhassa abhiropayiṃ.
‘‘згад̇им̣сз ид̇о габбз, яам̣ бубпамабхибууж̇аяим̣;
‘‘Ekatiṃse ito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘згуунад̇им̣сагаббамхи, сумзгхагхананаамаго;
‘‘Ekūnatiṃsakappamhi, sumeghaghananāmako;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
аяамзва жа т̇зрасса ан̃н̃ааб̣яаагаран̣аг̇аат̇аа ахоси.
Ayameva ca therassa aññābyākaraṇagāthā ahosi.
рааман̣зяяагад̇т̇зраг̇аат̇ааван̣н̣анаа нидтид̇аа.
Rāmaṇeyyakattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. рааман̣зяяагад̇т̇зраг̇аат̇аа • 9. Rāmaṇeyyakattheragāthā
