| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
8. раман̣ийяагудигад̇т̇зраг̇аат̇ааван̣н̣анаа
8. Ramaṇīyakuṭikattheragāthāvaṇṇanā
раман̣ийяаа мз гудигаад̇и ааяасмад̇о раман̣ийяагудигад̇т̇зрасса г̇аат̇аа. гаа уббад̇д̇и? соби гира бад̣̇умуд̇д̇арасса бхаг̇авад̇о гаалз гусалаб̣ийж̇аробанам̣ гад̇ваа д̣̇звамануссзсу сам̣саранд̇о ид̇о адтаарасагаббасад̇амад̇т̇агз ад̇т̇ад̣̇ассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о б̣уд̣̇д̇хаарахам̣ аасанам̣ бхаг̇авад̇о ад̣̇ааси. бубпзхи жа бхаг̇аванд̇ам̣ бууж̇зд̇ваа бан̃жабад̇идтид̇зна ванд̣̇ид̇ваа бад̣̇агкин̣ам̣ гад̇ваа баггаами. сзсам̣ ан̃ж̇анаванияад̇т̇зрасса вад̇т̇умхи вуд̇д̇асад̣̇исамзва. аяам̣ бана висзсо – аяам̣ гира вуд̇д̇анаязна баб̣б̣аж̇ид̇ваа гад̇абуб̣б̣агижжо важ̇ж̇ирадтз ан̃н̃ад̇арасмим̣ г̇аамагааваасз гудигааяам̣ вихарад̇и, саа ход̇и гудигаа абхируубаа д̣̇ассанийяаа баасаад̣̇игаа субаригаммагад̇абхид̇д̇ибхуумигаа аараамабогкаран̣ирааман̣зяяаад̣̇исамбаннаа муд̇д̇ааж̇ааласад̣̇исаваалигаагин̣н̣абхуумибхааг̇аа т̇зрасса жа вад̇д̇асамбаннад̇ааяа сусаммадтан̇г̇ан̣ад̇аад̣̇инаа бхияяосомад̇д̇ааяа раман̣ийяад̇араа худ̇ваа д̇идтад̇и. со д̇ад̇т̇а вихаранд̇о вибассанам̣ бадтабзд̇ваа нажирассзва арахад̇д̇з бад̇идтааси. д̇зна вуд̇д̇ам̣ абад̣̇аанз (аба. т̇зра 1.11.47-52) –
Ramaṇīyāme kuṭikāti āyasmato ramaṇīyakuṭikattherassa gāthā. Kā uppatti? Sopi kira padumuttarassa bhagavato kāle kusalabījaropanaṃ katvā devamanussesu saṃsaranto ito aṭṭhārasakappasatamatthake atthadassissa bhagavato kāle kulagehe nibbattitvā viññutaṃ patto buddhārahaṃ āsanaṃ bhagavato adāsi. Pupphehi ca bhagavantaṃ pūjetvā pañcapatiṭṭhitena vanditvā padakkhiṇaṃ katvā pakkāmi. Sesaṃ añjanavaniyattherassa vatthumhi vuttasadisameva. Ayaṃ pana viseso – ayaṃ kira vuttanayena pabbajitvā katapubbakicco vajjiraṭṭhe aññatarasmiṃ gāmakāvāse kuṭikāyaṃ viharati, sā hoti kuṭikā abhirūpā dassanīyā pāsādikā suparikammakatabhittibhūmikā ārāmapokkharaṇirāmaṇeyyādisampannā muttājālasadisavālikākiṇṇabhūmibhāgā therassa ca vattasampannatāya susammaṭṭhaṅgaṇatādinā bhiyyosomattāya ramaṇīyatarā hutvā tiṭṭhati. So tattha viharanto vipassanaṃ paṭṭhapetvā nacirasseva arahatte patiṭṭhāsi. Tena vuttaṃ apadāne (apa. thera 1.11.47-52) –
‘‘гаананам̣ ванамог̇г̇аяха, аббасад̣̇д̣̇ам̣ нираагулам̣;
‘‘Kānanaṃ vanamoggayha, appasaddaṃ nirākulaṃ;
сийхаасанам̣ маяаа д̣̇иннам̣, ад̇т̇ад̣̇ассисса д̇аад̣̇ино.
Sīhāsanaṃ mayā dinnaṃ, atthadassissa tādino.
‘‘маалаахад̇т̇ам̣ г̇ахзд̇ваана, гад̇ваа жа нам̣ бад̣̇агкин̣ам̣;
‘‘Mālāhatthaṃ gahetvāna, katvā ca naṃ padakkhiṇaṃ;
сад̇т̇аарам̣ баяирубаасид̇ваа, баггаамим̣ уд̇д̇араамуко.
Satthāraṃ payirupāsitvā, pakkāmiṃ uttarāmukho.
‘‘д̇зна гаммзна д̣̇вибад̣̇инд̣̇а, логаж̇здта нараасабха;
‘‘Tena kammena dvipadinda, lokajeṭṭha narāsabha;
санниб̣б̣аабзми ад̇д̇аанам̣, бхаваа саб̣б̣з самуухад̇аа.
Sannibbāpemi attānaṃ, bhavā sabbe samūhatā.
‘‘адтаарасагаббасад̇з, яам̣ д̣̇аанамад̣̇ад̣̇им̣ д̇ад̣̇аа;
‘‘Aṭṭhārasakappasate, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, сийхаасанассид̣̇ам̣ палам̣.
Duggatiṃ nābhijānāmi, sīhāsanassidaṃ phalaṃ.
‘‘ид̇о сад̇д̇агаббасад̇з, санниб̣б̣аабагакад̇д̇ияо;
‘‘Ito sattakappasate, sannibbāpakakhattiyo;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа т̇зрз д̇ад̇т̇а вихаранд̇з гудигааяа раман̣ийяабхаавад̇о вихаарабзгкагаа мануссаа д̇ад̇о д̇ад̇о ааг̇анд̇ваа гудим̣ бассанд̇и . ат̇згад̣̇ивасам̣ гад̇ибаяаа д̇худ̇д̇аж̇аад̇игаа ид̇т̇ияо д̇ад̇т̇а г̇ад̇аа гудигааяа раман̣ийяабхаавам̣ д̣̇исваа, ‘‘зд̇т̇а васанд̇о аяам̣ саман̣о сияаа амхзхи аагад̣дханийяахад̣̇аяо’’д̇и ад̇хиббааязна – ‘‘раман̣ийяам̣ во, бханд̇з, васанадтаанам̣. маяамби раман̣ийяаруубаа батамаяоб̣б̣анз тид̇аа’’д̇и вад̇ваа ид̇т̇игуд̇д̇аад̣̇ийни д̣̇ассзд̇ум̣ аарабхим̣су. т̇зро ад̇д̇ано вийд̇арааг̇абхаавам̣ багаасзнд̇о ‘‘раман̣ийяаа мз гудигаа, сад̣̇д̇хаад̣̇зяяаа манорамаа’’д̇и г̇аат̇ам̣ абхааси.
Arahattaṃ pana patvā there tattha viharante kuṭikāya ramaṇīyabhāvato vihārapekkhakā manussā tato tato āgantvā kuṭiṃ passanti . Athekadivasaṃ katipayā dhuttajātikā itthiyo tattha gatā kuṭikāya ramaṇīyabhāvaṃ disvā, ‘‘ettha vasanto ayaṃ samaṇo siyā amhehi ākaḍḍhanīyahadayo’’ti adhippāyena – ‘‘ramaṇīyaṃ vo, bhante, vasanaṭṭhānaṃ. Mayampi ramaṇīyarūpā paṭhamayobbane ṭhitā’’ti vatvā itthikuttādīni dassetuṃ ārabhiṃsu. Thero attano vītarāgabhāvaṃ pakāsento ‘‘ramaṇīyā me kuṭikā, saddhādeyyā manoramā’’ti gāthaṃ abhāsi.
58. д̇ад̇т̇а раман̣ийяаа мз гудигаад̇и ‘‘раман̣ийяаа д̇з, бханд̇з, гудигаа’’д̇и яам̣ д̇умхзхи вуд̇д̇ам̣, д̇ам̣ сажжам̣. аяам̣ мама васанагудигаа раман̣ийяаа манун̃н̃аруубаа, саа жа ко сад̣̇д̇хаад̣̇зяяаа, ‘‘зваруубааяа манаабам̣ гад̇ваа баб̣б̣аж̇ид̇аанам̣ д̣̇иннааяа ид̣̇ам̣ наама палам̣ ход̇ий’’д̇и гаммапалаани сад̣̇д̣̇ахид̇ваа сад̣̇д̇хааяа д̇хаммажчанд̣̇зна д̣̇аад̇аб̣б̣ад̇д̇аа сад̣̇д̇хаад̣̇зяяаа, на д̇ханзна ниб̣б̣ад̇д̇ид̇аа. саяан̃жа д̇ат̇аад̣̇иннаани сад̣̇д̇хаад̣̇зяяаани бассанд̇аанам̣ барибхун̃ж̇анд̇аанан̃жа мано рамзд̇ийд̇и манорамаа. сад̣̇д̇хаад̣̇зяяад̇д̇аа зва хи манорамаа, сад̣̇д̇хаад̣̇ийхи д̣̇зяяад̇хаммам̣ саггажжам̣ абхисан̇карид̇ваа д̣̇знд̇и, сад̣̇д̇хаад̣̇зяяан̃жа барибхун̃ж̇анд̇аа саббурисаа д̣̇ааяагасса ависам̣ваад̣̇анад̇т̇амби баяог̇аасаяасамбаннаа хонд̇и, на д̇умхзхи жинд̇ид̇аагаарзна баяог̇аасаяавибаннаад̇и ад̇хиббааяо. на мз ад̇т̇о гумаарийхийд̇и яасмаа саб̣б̣асо гаамзхи винивад̇д̇ид̇амаанасо ахам̣, д̇асмаа на мз ад̇т̇о гумаарийхи. габбияагаарагагаммавасзнаби хи маад̣̇исаанам̣ ид̇т̇ийхи баяож̇анам̣ наама над̇т̇и, баг̇зва рааг̇авасзна, д̇асмаа на мз ад̇т̇о гумаарийхийд̇и. гумаариг̇г̇ахан̣ан̃жзд̇т̇а убалагкан̣ам̣ д̣̇адтаб̣б̣ам̣. маад̣̇исасса наама санд̇игз звам̣ бадибаж̇ж̇аахийд̇и аяуд̇д̇агааринийхи яаава абарад̣̇д̇хан̃жа д̇умхзхи самаанаж̇жхаасаяаанам̣ бурад̇о аяам̣ гирияаа собхзяяаад̇и д̣̇ассзнд̇о ааха ‘‘язсам̣ ад̇т̇о д̇ахим̣ г̇ажчат̇а наарияо’’д̇и. д̇ад̇т̇а язсанд̇и гаамзсу авийд̇арааг̇аанам̣. ад̇т̇од̇и баяож̇анам̣. д̇ахинд̇и д̇ад̇т̇а д̇зсам̣ санд̇игам̣. наарияод̇и аалабанам̣. д̇ам̣ суд̇ваа ид̇т̇ияо ман̇губхууд̇аа бад̇д̇агканд̇хаа ааг̇ад̇амаг̇г̇знзва г̇ад̇аа. зд̇т̇а жа ‘‘на мз ад̇т̇о гумаарийхий’’д̇и гаамзхи анад̇т̇игабхаававажанзнзва т̇зрзна арахад̇д̇ам̣ б̣яаагад̇анд̇и д̣̇адтаб̣б̣ам̣.
58. Tattha ramaṇīyā me kuṭikāti ‘‘ramaṇīyā te, bhante, kuṭikā’’ti yaṃ tumhehi vuttaṃ, taṃ saccaṃ. Ayaṃ mama vasanakuṭikā ramaṇīyā manuññarūpā, sā ca kho saddhādeyyā, ‘‘evarūpāya manāpaṃ katvā pabbajitānaṃ dinnāya idaṃ nāma phalaṃ hotī’’ti kammaphalāni saddahitvā saddhāya dhammacchandena dātabbattā saddhādeyyā, na dhanena nibbattitā. Sayañca tathādinnāni saddhādeyyāni passantānaṃ paribhuñjantānañca mano rametīti manoramā. Saddhādeyyattā eva hi manoramā, saddhādīhi deyyadhammaṃ sakkaccaṃ abhisaṅkharitvā denti, saddhādeyyañca paribhuñjantā sappurisā dāyakassa avisaṃvādanatthampi payogāsayasampannā honti, na tumhehi cintitākārena payogāsayavipannāti adhippāyo. Na me attho kumārīhīti yasmā sabbaso kāmehi vinivattitamānaso ahaṃ, tasmā na me attho kumārīhi. Kappiyakārakakammavasenapi hi mādisānaṃ itthīhi payojanaṃ nāma natthi, pageva rāgavasena, tasmā na me attho kumārīhīti. Kumāriggahaṇañcettha upalakkhaṇaṃ daṭṭhabbaṃ. Mādisassa nāma santike evaṃ paṭipajjāhīti ayuttakārinīhi yāva aparaddhañca tumhehi samānajjhāsayānaṃ purato ayaṃ kiriyā sobheyyāti dassento āha ‘‘yesaṃ attho tahiṃ gacchatha nāriyo’’ti. Tattha yesanti kāmesu avītarāgānaṃ. Atthoti payojanaṃ. Tahinti tattha tesaṃ santikaṃ. Nāriyoti ālapanaṃ. Taṃ sutvā itthiyo maṅkubhūtā pattakkhandhā āgatamaggeneva gatā. Ettha ca ‘‘na me attho kumārīhī’’ti kāmehi anatthikabhāvavacaneneva therena arahattaṃ byākatanti daṭṭhabbaṃ.
раман̣ийяагудигад̇т̇зраг̇аат̇ааван̣н̣анаа нидтид̇аа.
Ramaṇīyakuṭikattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 8. раман̣ийяагудигад̇т̇зраг̇аат̇аа • 8. Ramaṇīyakuṭikattheragāthā
