| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
5. раман̣ийяавихаарид̇т̇зраг̇аат̇ааван̣н̣анаа
5. Ramaṇīyavihārittheragāthāvaṇṇanā
яат̇ааби бхад̣̇д̣̇о ааж̇ан̃н̃од̇и ааяасмад̇о раман̣ийяавихаарид̇т̇зрасса г̇аат̇аа. гаа уббад̇д̇и? соби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бун̃н̃аани убажинанд̇о ид̇о зганавуд̇з габбз вибассим̣ бхаг̇аванд̇ам̣ д̣̇исваа басаннамаанасо бан̃жабад̇идтид̇зна ванд̣̇ид̇ваа горан̣д̣абубпзхи бууж̇ам̣ агааси. со д̇зна бун̃н̃агаммзна д̣̇звзсу ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рааж̇аг̇ахз ан̃н̃ад̇арасса сздтисса буд̇д̇о худ̇ваа ниб̣б̣ад̇д̇о яоб̣б̣анамад̣̇зна гаамзсу мужчам̣ аабанно вихарад̇и. со згад̣̇ивасам̣ ан̃н̃ад̇арам̣ баарад̣̇ааригам̣ рааж̇абурисзхи вивид̇хаа гаммагааран̣аа гарийяамаанам̣ д̣̇исваа сам̣взг̇аж̇аад̇о сад̇т̇у санд̇игз д̇хаммам̣ суд̇ваа баб̣б̣аж̇и. баб̣б̣аж̇ид̇о жа рааг̇ажарид̇ад̇ааяа нижжагаалам̣ сусаммадтам̣ баривзн̣ам̣ суубадтид̇ам̣ баанийяабарибхож̇анийяам̣ субан̃н̃ад̇ам̣ ман̃жабийтам̣ гад̇ваа вихарад̇и. д̇зна со раман̣ийяавихаарийд̇взва бан̃н̃ааяид̇т̇а.
Yathāpibhaddo ājaññoti āyasmato ramaṇīyavihārittherassa gāthā. Kā uppatti? Sopi purimabuddhesu katādhikāro tattha tattha puññāni upacinanto ito ekanavute kappe vipassiṃ bhagavantaṃ disvā pasannamānaso pañcapatiṭṭhitena vanditvā koraṇḍapupphehi pūjaṃ akāsi. So tena puññakammena devesu nibbattitvā aparāparaṃ puññāni katvā devamanussesu saṃsaranto imasmiṃ buddhuppāde rājagahe aññatarassa seṭṭhissa putto hutvā nibbatto yobbanamadena kāmesu mucchaṃ āpanno viharati. So ekadivasaṃ aññataraṃ pāradārikaṃ rājapurisehi vividhā kammakāraṇā karīyamānaṃ disvā saṃvegajāto satthu santike dhammaṃ sutvā pabbaji. Pabbajito ca rāgacaritatāya niccakālaṃ susammaṭṭhaṃ pariveṇaṃ sūpaṭṭhitaṃ pānīyaparibhojanīyaṃ supaññataṃ mañcapīṭhaṃ katvā viharati. Tena so ramaṇīyavihārītveva paññāyittha.
со рааг̇уссаннад̇ааяа аяонисо манаси гарид̇ваа сан̃жзд̇анигам̣ суггависсадтиаабад̇д̇им̣ аабаж̇ж̇ид̇ваа, ‘‘д̇хирад̇т̇у, мам̣ звам̣бхууд̇о сад̣̇д̇хаад̣̇зяяам̣ бхун̃ж̇зяяа’’нд̇и виббадисаарий худ̇ваа ‘‘виб̣бхамиссаамий’’д̇и г̇ажчанд̇о анд̇араамаг̇г̇з ругкамуулз нисийд̣̇и, д̇зна жа маг̇г̇зна сагадзсу г̇ажчанд̇зсу зго сагадаяуд̇д̇о г̇он̣о бариссаманд̇о висамадтаанз калид̇ваа бад̇и, д̇ам̣ саагадигаа яуг̇ад̇о мун̃жид̇ваа д̇ин̣од̣̇агам̣ д̣̇ад̇ваа бариссамам̣ винод̣̇зд̇ваа бунаби д̇хурз яож̇зд̇ваа аг̇амам̣су. т̇зро д̇ам̣ д̣̇исваа – ‘‘яат̇ааяам̣ г̇он̣о сагим̣ калид̇вааби удтааяа сагим̣ д̇хурам̣ вахад̇и, звам̣ маяааби гилзсавасзна сагим̣ калид̇знааби вудтааяа саман̣ад̇хаммам̣ гаад̇ум̣ ваддад̇ий’’д̇и яонисо уммуж̇ж̇анд̇о нивад̇д̇ид̇ваа убаалид̇т̇зрасса ад̇д̇ано бавад̇д̇им̣ аажигкид̇ваа д̇зна вуд̇д̇авид̇хинаа аабад̇д̇ид̇о вудтахид̇ваа сийлам̣ баагад̇игам̣ гад̇ваа вибассанам̣ бадтабзд̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.21.35-39) –
So rāgussannatāya ayoniso manasi karitvā sañcetanikaṃ sukkavissaṭṭhiāpattiṃ āpajjitvā, ‘‘dhiratthu, maṃ evaṃbhūto saddhādeyyaṃ bhuñjeyya’’nti vippaṭisārī hutvā ‘‘vibbhamissāmī’’ti gacchanto antarāmagge rukkhamūle nisīdi, tena ca maggena sakaṭesu gacchantesu eko sakaṭayutto goṇo parissamanto visamaṭṭhāne khalitvā pati, taṃ sākaṭikā yugato muñcitvā tiṇodakaṃ datvā parissamaṃ vinodetvā punapi dhure yojetvā agamaṃsu. Thero taṃ disvā – ‘‘yathāyaṃ goṇo sakiṃ khalitvāpi uṭṭhāya sakiṃ dhuraṃ vahati, evaṃ mayāpi kilesavasena sakiṃ khalitenāpi vuṭṭhāya samaṇadhammaṃ kātuṃ vaṭṭatī’’ti yoniso ummujjanto nivattitvā upālittherassa attano pavattiṃ ācikkhitvā tena vuttavidhinā āpattito vuṭṭhahitvā sīlaṃ pākatikaṃ katvā vipassanaṃ paṭṭhapetvā nacirasseva arahattaṃ pāpuṇi. Tena vuttaṃ apadāne (apa. thera 1.21.35-39) –
‘‘агганд̇ан̃жа бад̣̇ам̣ д̣̇исваа, жаггаалан̇гаарабхуусид̇ам̣;
‘‘Akkantañca padaṃ disvā, cakkālaṅkārabhūsitaṃ;
бад̣̇знаанубад̣̇ам̣ яанд̇о, вибассисса махзсино.
Padenānupadaṃ yanto, vipassissa mahesino.
‘‘горан̣д̣ам̣ бубпид̇ам̣ д̣̇исваа, самуулам̣ бууж̇ид̇ам̣ маяаа;
‘‘Koraṇḍaṃ pupphitaṃ disvā, samūlaṃ pūjitaṃ mayā;
хадто хадтзна жид̇д̇зна, аванд̣̇им̣ бад̣̇амуд̇д̇амам̣.
Haṭṭho haṭṭhena cittena, avandiṃ padamuttamaṃ.
‘‘зганавуд̇ид̇о габбз, яам̣ бубпамабхибууж̇аяим̣;
‘‘Ekanavutito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘сад̇д̇абан̃н̃аасагаббамхи, зго вийд̇амало ахум̣;
‘‘Sattapaññāsakappamhi, eko vītamalo ahuṃ;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа вимуд̇д̇исукам̣ анубхаванд̇о ад̇д̇ано буб̣б̣абхааг̇абадибад̇д̇ияаа сад̣̇д̇хим̣ арияад̇хаммаад̇хиг̇аманад̣̇ийбаним̣ ‘‘яат̇ааби бхад̣̇д̣̇о ааж̇ан̃н̃о, калид̇ваа бад̇ид̇идтад̇ий’’д̇и г̇аат̇ам̣ абхааси.
Arahattaṃ pana patvā vimuttisukhaṃ anubhavanto attano pubbabhāgapaṭipattiyā saddhiṃ ariyadhammādhigamanadīpaniṃ ‘‘yathāpi bhaddo ājañño, khalitvā patitiṭṭhatī’’ti gāthaṃ abhāsi.
45. д̇ад̇т̇а калид̇ваад̇и багкалид̇ваа. бад̇ид̇идтад̇ийд̇и бад̇идтахад̇и, бунад̣̇зва яат̇аатаанз д̇идтад̇и. званд̇и яат̇аа бхад̣̇д̣̇о усабхааж̇аанийяо бхаарам̣ ваханд̇о бариссамаббад̇д̇о висамадтаанам̣ ааг̇амма згаваарам̣ багкалид̇ваа бад̇ид̇о на д̇ад̇д̇агзна д̇хурам̣ чад̣д̣зд̇и, т̇аамаж̇авабараггамасамбаннад̇ааяа бана калид̇вааби бад̇ид̇идтад̇и, ад̇д̇ано сабхаавзнзва тад̇ваа бхаарам̣ вахад̇и, звам̣ гилзсабариссамаббад̇д̇о гирияаабараад̇хзна калид̇ваа д̇ам̣ калид̇ам̣ т̇аамавийрияасамбад̇д̇ид̇ааяа бадибаагад̇игам̣ гад̇ваа маг̇г̇асаммаад̣̇идтияаа д̣̇ассанасамбаннам̣, д̇ад̇о зва саммаасамб̣уд̣̇д̇хасса савананд̇з арияааяа ж̇аад̇ияаа ж̇аад̇ад̇ааяа саавагам̣, д̇асса урз вааяаамаж̇анид̇аабхиж̇аад̇ид̇ааяа орасам̣ буд̇д̇ам̣ бхад̣̇д̣̇ааж̇аанийяасад̣̇исагижжад̇ааяа ааж̇аанийяанд̇и жа мам̣ д̇хаарзт̇а убад̇хаарзт̇аад̇и ад̇т̇о.
45. Tattha khalitvāti pakkhalitvā. Patitiṭṭhatīti patiṭṭhahati, punadeva yathāṭhāne tiṭṭhati. Evanti yathā bhaddo usabhājānīyo bhāraṃ vahanto parissamappatto visamaṭṭhānaṃ āgamma ekavāraṃ pakkhalitvā patito na tattakena dhuraṃ chaḍḍeti, thāmajavaparakkamasampannatāya pana khalitvāpi patitiṭṭhati, attano sabhāveneva ṭhatvā bhāraṃ vahati, evaṃ kilesaparissamappatto kiriyāparādhena khalitvā taṃ khalitaṃ thāmavīriyasampattitāya paṭipākatikaṃ katvā maggasammādiṭṭhiyā dassanasampannaṃ, tato eva sammāsambuddhassa savanante ariyāya jātiyā jātatāya sāvakaṃ, tassa ure vāyāmajanitābhijātitāya orasaṃ puttaṃ bhaddājānīyasadisakiccatāya ājānīyanti ca maṃ dhāretha upadhārethāti attho.
раман̣ийяавихаарид̇т̇зраг̇аат̇ааван̣н̣анаа нидтид̇аа.
Ramaṇīyavihārittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 5. раман̣ийяавихаарид̇т̇зраг̇аат̇аа • 5. Ramaṇīyavihārittheragāthā
