| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. рам̣сисан̃н̃агад̇т̇зраабад̣̇аанаван̣н̣анаа
5. Raṃsisaññakattheraapadānavaṇṇanā
баб̣б̣ад̇з химаванд̇амхийд̇иаад̣̇игам̣ ааяасмад̇о рам̣сисан̃н̃агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇зсу д̇зсу бхавзсу виваддуубаниссаяаани бун̃н̃аани убажинанд̇о вибассисса бхаг̇авад̇о гаалз гулаг̇зхз ниб̣б̣ад̇д̇о вуд̣̇д̇химанвааяа гхарааваасам̣ сан̣табзд̇ваа гаамзсу аад̣̇ийнавам̣ д̣̇исваа гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа аж̇инажаммад̇харо химаванд̇амхи ваасам̣ габбзси. д̇асмим̣ самаяз вибассий бхаг̇аваа химаванд̇амаг̇амааси. ат̇а со д̇аабасо д̇амубаг̇ад̇ам̣ бхаг̇аванд̇ам̣ д̣̇исваа д̇асса бхаг̇авад̇о сарийрад̇о нигканд̇ачаб̣б̣ан̣н̣аб̣уд̣̇д̇харам̣сийсу басийд̣̇ид̇ваа ан̃ж̇алим̣ баг̇г̇аяха бан̃жан̇г̇зна намаггаарамагааси. со д̇знзва бун̃н̃зна ид̇о жуд̇о д̇усид̇аад̣̇ийсу д̣̇иб̣б̣асамбад̇д̇ияо анубхавид̇ваа абарабхааг̇з мануссасамбад̇д̇ияо жа анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вуд̣̇д̇химанвааяа гхарааваасам̣ сан̣табзд̇ваа д̇ад̇т̇аад̣̇ийнавам̣ д̣̇исваа г̇зхам̣ бахааяа баб̣б̣аж̇ид̇ваа нажирассзва арахаа ахоси.
Pabbate himavantamhītiādikaṃ āyasmato raṃsisaññakattherassa apadānaṃ. Ayampi purimabuddhesu katādhikāro tesu tesu bhavesu vivaṭṭūpanissayāni puññāni upacinanto vipassissa bhagavato kāle kulagehe nibbatto vuddhimanvāya gharāvāsaṃ saṇṭhapetvā kāmesu ādīnavaṃ disvā gharāvāsaṃ pahāya tāpasapabbajjaṃ pabbajitvā ajinacammadharo himavantamhi vāsaṃ kappesi. Tasmiṃ samaye vipassī bhagavā himavantamagamāsi. Atha so tāpaso tamupagataṃ bhagavantaṃ disvā tassa bhagavato sarīrato nikkhantachabbaṇṇabuddharaṃsīsu pasīditvā añjaliṃ paggayha pañcaṅgena namakkāramakāsi. So teneva puññena ito cuto tusitādīsu dibbasampattiyo anubhavitvā aparabhāge manussasampattiyo ca anubhavitvā imasmiṃ buddhuppāde kulagehe nibbatto vuddhimanvāya gharāvāsaṃ saṇṭhapetvā tatthādīnavaṃ disvā gehaṃ pahāya pabbajitvā nacirasseva arahā ahosi.
30. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о баб̣б̣ад̇з химаванд̇амхийд̇иаад̣̇имааха. д̇ад̇т̇а баб̣б̣ад̇зд̇и багаарзна б̣руухад̇и вад̣дхзд̇ийд̇и баб̣б̣ад̇о, химо асса ад̇т̇ийд̇и химаванд̇о, химаванд̇о жа со баб̣б̣ад̇о жаад̇и химаванд̇абаб̣б̣ад̇о. химаванд̇абаб̣б̣ад̇зд̇и вад̇д̇аб̣б̣з г̇аат̇ааважанасукад̇т̇ам̣ ‘‘баб̣б̣ад̇з химаванд̇амхий’’д̇и вуд̇д̇ам̣. д̇асмим̣ химаванд̇амхи баб̣б̣ад̇з ваасам̣ габбзсим̣ бурз аханд̇и самб̣анд̇хо. сзсам̣ саб̣б̣ад̇т̇а наяаанусаарзна уд̇д̇аанамзваад̇и.
30. So aparabhāge attano pubbakammaṃ saritvā somanassajāto pubbacaritāpadānaṃ pakāsento pabbate himavantamhītiādimāha. Tattha pabbateti pakārena brūhati vaḍḍhetīti pabbato, himo assa atthīti himavanto, himavanto ca so pabbato cāti himavantapabbato. Himavantapabbateti vattabbe gāthāvacanasukhatthaṃ ‘‘pabbate himavantamhī’’ti vuttaṃ. Tasmiṃ himavantamhi pabbate vāsaṃ kappesiṃ pure ahanti sambandho. Sesaṃ sabbattha nayānusārena uttānamevāti.
рам̣сисан̃н̃агад̇т̇зраабад̣̇аанаван̣н̣анаа самад̇д̇аа.
Raṃsisaññakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. рам̣сисан̃н̃агад̇т̇зраабад̣̇аанам̣ • 5. Raṃsisaññakattheraapadānaṃ
