| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
12. раасияасуд̇д̇аван̣н̣анаа
12. Rāsiyasuttavaṇṇanā
364. д̣̇ваад̣̇асамз раасияод̇и раасим̣ гад̇ваа бан̃хасса бужчид̇ад̇д̇аа раасияод̇и звам̣ д̇хаммасан̇г̇аахагад̇т̇зрзхи г̇ахид̇анаамо. д̇абассинд̇и д̇абаниссид̇агам̣. луукаж̇ийвинд̇и луукаж̇ийвигам̣. анд̇аад̇и годтаасаа. г̇аамод̇и г̇ааммо. г̇аммод̇иби баато, г̇аамаваасийнам̣ д̇хаммод̇и ад̇т̇о. ад̇д̇агиламат̇аануяог̇од̇и ад̇д̇ано гиламат̇аануяог̇о, сарийрад̣̇угкагаран̣анд̇и ад̇т̇о.
364. Dvādasame rāsiyoti rāsiṃ katvā pañhassa pucchitattā rāsiyoti evaṃ dhammasaṅgāhakattherehi gahitanāmo. Tapassinti tapanissitakaṃ. Lūkhajīvinti lūkhajīvikaṃ. Antāti koṭṭhāsā. Gāmoti gāmmo. Gammotipi pāṭho, gāmavāsīnaṃ dhammoti attho. Attakilamathānuyogoti attano kilamathānuyogo, sarīradukkhakaraṇanti attho.
гасмаа банзд̇т̇а гаамасукаллигаануяог̇о г̇ахид̇о, гасмаа ад̇д̇агиламат̇аануяог̇о, гасмаа маж̇жхимаа бадибад̣̇аад̇и? гаамасукаллигаануяог̇о д̇аава гаамабхог̇ийнам̣ д̣̇ассанад̇т̇ам̣ г̇ахид̇о, ад̇д̇агиламат̇аануяог̇о д̇абаниссид̇агаанам̣, маж̇жхимаа бадибад̣̇аа д̇ин̣н̣ам̣ ниж̇ж̇аравад̇т̇уунам̣ д̣̇ассанад̇т̇ам̣ г̇ахид̇аа. гим̣ зд̇зсам̣ д̣̇ассанз баяож̇ананд̇и? имз д̣̇вз анд̇з бахааяа д̇ат̇ааг̇ад̇о маж̇жхимааяа бадибад̣̇ааяа саммаасамб̣од̇хим̣ бад̇д̇о. со гаамабхог̇иноби на саб̣б̣з г̇арахад̇и на басам̣сад̇и, д̇абаниссид̇агзби на саб̣б̣з г̇арахад̇и на басам̣сад̇и, г̇арахид̇аб̣б̣аяуд̇д̇агзязва г̇арахад̇и, басам̣сид̇аб̣б̣аяуд̇д̇агз басам̣сад̇ийд̇и имассад̇т̇асса багаасанам̣ зд̇зсам̣ д̣̇ассанз баяож̇ананд̇и взд̣̇ид̇аб̣б̣ам̣.
Kasmā panettha kāmasukhallikānuyogo gahito, kasmā attakilamathānuyogo, kasmā majjhimā paṭipadāti? Kāmasukhallikānuyogo tāva kāmabhogīnaṃ dassanatthaṃ gahito, attakilamathānuyogo tapanissitakānaṃ, majjhimā paṭipadā tiṇṇaṃ nijjaravatthūnaṃ dassanatthaṃ gahitā. Kiṃ etesaṃ dassane payojananti? Ime dve ante pahāya tathāgato majjhimāya paṭipadāya sammāsambodhiṃ patto. So kāmabhoginopi na sabbe garahati na pasaṃsati, tapanissitakepi na sabbe garahati na pasaṃsati, garahitabbayuttakeyeva garahati, pasaṃsitabbayuttake pasaṃsatīti imassatthassa pakāsanaṃ etesaṃ dassane payojananti veditabbaṃ.
ид̣̇аани д̇амад̇т̇ам̣ багаасзнд̇о д̇аяо комз, г̇ааман̣и, гаамабхог̇инод̇иаад̣̇имааха. д̇ад̇т̇а саахасзнаад̇и саахасигагаммзна. на сам̣вибхаж̇ад̇ийд̇и мид̇д̇асахааяасанд̣̇идтасамбхад̇д̇аанам̣ сам̣вибхааг̇ам̣ на гарод̇и. на бун̃н̃аани гарод̇ийд̇и анааг̇ад̇абхавасса бажжаяабхууд̇аани бун̃н̃аани на гарод̇и. д̇хаммаад̇хаммзнаад̇и д̇хаммзна жа ад̇хаммзна жа. таанзхийд̇и гааран̣зхи. сажчигарод̇ийд̇и гат̇ам̣ ад̇д̇аанам̣ аад̇аабзнд̇о барид̇аабзнд̇о сажчигарод̇и? жад̇уран̇г̇авийрияавасзна жа д̇худ̇ан̇г̇авасзна жа. д̇иссо санд̣̇идтигаа ниж̇ж̇араад̇и зд̇т̇а згоби маг̇г̇о д̇ин̣н̣ам̣ гилзсаанам̣ ниж̇ж̇аран̣ад̇ааяа д̇иссо ниж̇ж̇араад̇и вуд̇д̇од̇и.
Idāni tamatthaṃ pakāsento tayo khome, gāmaṇi, kāmabhoginotiādimāha. Tattha sāhasenāti sāhasikakammena. Na saṃvibhajatīti mittasahāyasandiṭṭhasambhattānaṃ saṃvibhāgaṃ na karoti. Na puññāni karotīti anāgatabhavassa paccayabhūtāni puññāni na karoti. Dhammādhammenāti dhammena ca adhammena ca. Ṭhānehīti kāraṇehi. Sacchikarotīti kathaṃ attānaṃ ātāpento paritāpento sacchikaroti? Caturaṅgavīriyavasena ca dhutaṅgavasena ca. Tisso sandiṭṭhikā nijjarāti ettha ekopi maggo tiṇṇaṃ kilesānaṃ nijjaraṇatāya tisso nijjarāti vuttoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 12. раасияасуд̇д̇ам̣ • 12. Rāsiyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 12. раасияасуд̇д̇аван̣н̣анаа • 12. Rāsiyasuttavaṇṇanā
