| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
12. раасияасуд̇д̇аван̣н̣анаа
12. Rāsiyasuttavaṇṇanā
364. раасим̣ гад̇ваа маарабаасавасзна, д̇ад̇рааби анд̇арабхзд̣̇зна вибхаж̇ид̇ваа бужчид̇аб̣б̣абан̃хз згад̇о раасим̣ гад̇ваа. д̇абанам̣ ад̇д̇абарид̇аабанам̣ д̇або, со зд̇асса ад̇т̇ийд̇и д̇абассий, д̇ам̣ д̇абассим̣. со бана д̇ам̣ д̇абам̣ ниссааяа тид̇о наама ход̇ийд̇и вуд̇д̇ам̣ ‘‘д̇абаниссид̇ага’’нд̇и. со бана анзгаагаарабхзд̣̇зна луукам̣ парусам̣ ж̇ийванасийлад̇д̇аа луукаж̇ийвий наама. д̇знааха ‘‘луукаж̇ийвига’’нд̇и. маж̇жхимааяа бадибад̇д̇ияаа уббат̇абхаавзна аванияаа г̇анд̇хаб̣б̣аад̇и анд̇аа, д̇ад̇о зва лаамагад̇д̇аа анд̇аа. лаамагамби ‘‘анд̇о’’д̇и вужжад̇и ‘‘анд̇амид̣̇ам̣, бхигкавз, ж̇ийвигаанам̣ (ид̇иву. 91; сам̣. ни. 3.80), зго анд̇о’’д̇и звамаад̣̇ийсу (сам̣. ни. 2.15; 3.90). адтагат̇ааяам̣ бана ан̃н̃аман̃н̃ааад̇хаарабхаавам̣ урийгад̇ваа ‘‘годтаасаа’’д̇и вуд̇д̇ам̣. хийно г̇аамод̇и баал̣и. г̇аама-сад̣̇д̣̇о хийнабарияааяод̇и ад̇хиббааязнааха ‘‘г̇ааммо’’д̇и. г̇аамз бхавод̇и г̇ааммо. г̇аама-сад̣̇д̣̇о жзд̇т̇а г̇аамаваасивисаяо ‘‘г̇аамо ааг̇ад̇о’’д̇иаад̣̇ийсу вияа. адтагат̇ааяам̣ бана ‘‘г̇аамаваасийнам̣ д̇хаммо’’д̇и вуд̇д̇ам̣, д̇зсам̣ жаарид̇д̇анд̇и ад̇т̇о. ад̇д̇а-сад̣̇д̣̇о ид̇ха сарийрабарияааяо ‘‘ад̇д̇анд̇або’’д̇иаад̣̇ийсу вияаад̇и ааха ‘‘сарийрад̣̇угкагаран̣анд̇и ад̇т̇о’’д̇и.
364.Rāsiṃ katvā mārapāsavasena, tatrāpi antarabhedena vibhajitvā pucchitabbapañhe ekato rāsiṃ katvā. Tapanaṃ attaparitāpanaṃ tapo, so etassa atthīti tapassī, taṃ tapassiṃ. So pana taṃ tapaṃ nissāya ṭhito nāma hotīti vuttaṃ ‘‘tapanissitaka’’nti. So pana anekākārabhedena lūkhaṃ pharusaṃ jīvanasīlattā lūkhajīvī nāma. Tenāha ‘‘lūkhajīvika’’nti. Majjhimāya paṭipattiyā uppathabhāvena avaniyā gandhabbāti antā, tato eva lāmakattā antā. Lāmakampi ‘‘anto’’ti vuccati ‘‘antamidaṃ, bhikkhave, jīvikānaṃ (itivu. 91; saṃ. ni. 3.80), eko anto’’ti evamādīsu (saṃ. ni. 2.15; 3.90). Aṭṭhakathāyaṃ pana aññamaññaādhārabhāvaṃ urīkatvā ‘‘koṭṭhāsā’’ti vuttaṃ. Hīno gāmoti pāḷi. Gāma-saddo hīnapariyāyoti adhippāyenāha ‘‘gāmmo’’ti. Gāme bhavoti gāmmo. Gāma-saddo cettha gāmavāsivisayo ‘‘gāmo āgato’’tiādīsu viya. Aṭṭhakathāyaṃ pana ‘‘gāmavāsīnaṃ dhammo’’ti vuttaṃ, tesaṃ cārittanti attho. Atta-saddo idha sarīrapariyāyo ‘‘attantapo’’tiādīsu viyāti āha ‘‘sarīradukkhakaraṇanti attho’’ti.
зд̇т̇аад̇и зд̇асмим̣ д̇абаниссид̇аг̇арахид̇аб̣б̣абад̣̇з гасмаа анд̇ад̣̇ваяамаж̇жхимабадибад̣̇ааг̇ахан̣ам̣? ад̇д̇агиламат̇аануяог̇о д̇аава г̇аяхад̇у ид̣̇амад̇т̇ид̇ааяаад̇и ад̇хиббааяо. гаамабхог̇ийд̇абаниссид̇аганиж̇ж̇аравад̇т̇уунам̣ д̣̇ассанз яат̇аад̇хиббзд̇асса ад̇т̇асса вибхаж̇ид̇ваа гат̇анам̣ самбхавад̇ийд̇и д̇з д̣̇ассзд̇ваа ад̇хиббзд̇ад̇т̇о гат̇ид̇о.
Etthāti etasmiṃ tapanissitagarahitabbapade kasmā antadvayamajjhimapaṭipadāgahaṇaṃ? Attakilamathānuyogo tāva gayhatu idamatthitāyāti adhippāyo. Kāmabhogītapanissitakanijjaravatthūnaṃ dassane yathādhippetassa atthassa vibhajitvā kathanaṃ sambhavatīti te dassetvā adhippetattho kathito.
д̇амад̇т̇анд̇и яо ‘‘гаамабхог̇ийд̇абаниссид̇агзсу г̇арахид̇аб̣б̣зязва г̇арахад̇и, басам̣сид̇аб̣б̣зязва жа басам̣сад̇ий’’д̇и вуд̇д̇о ад̇т̇о, д̇амад̇т̇ам̣ багаасзнд̇о. саахасигагаммзнаад̇и аяуд̇д̇зна гаммзна. д̇хаммзна жа ад̇хаммзна жаад̇и д̇хаммигзна ад̇хаммигзна жа. аяонисо бавад̇д̇ам̣ б̣аахирагам̣ санд̇хааяа жод̣̇аго ‘‘гат̇а’’нд̇иаад̣̇имааха. ид̇аро наяид̣̇ам̣ д̇аад̣̇исам̣ ад̇д̇абарид̇аабанам̣ ад̇хиббзд̇ам̣, ат̇а ко яонисо бавад̇д̇ам̣ саасанигамзваад̇и д̣̇ассзнд̇о ‘‘жад̇уран̇г̇авийрияавасзна жаа’’д̇и ааха. д̇ад̇т̇а ‘‘гаамам̣ д̇ажо жа нхаару жа адти жа авасиссад̇уу’’д̇иаад̣̇инаа (ма. ни. 2.184; сам̣. ни. 2.22.237; а. ни. 2.5) наязна вуд̇д̇аа сарийрзнирабзгкавибассанааяа уссуггаабанавасзна бавад̇д̇аа вийрияабхааванаа ‘‘жад̇уран̇г̇авийрияавасзнаа’’д̇и вуд̇д̇аа. д̇ат̇аа аб̣бхогаасиганзсаж̇ж̇игад̇абаад̣̇иниссид̇аава гилзсаниммат̇анаяог̇яаа вийрияабхааванаа ‘‘д̇худ̇ан̇г̇авасзна жаа’’д̇и вуд̇д̇аад̇и. арияамаг̇г̇зна ниссзсагилзсаанам̣ баж̇аханаа ниж̇ж̇араа. саа жа ад̇д̇абажжагкад̇ааяа санд̣̇идтигаа д̇ин̣н̣ам̣ муулагилзсаанам̣ баж̇аханзна ‘‘д̇иссо’’д̇и жа вуд̇д̇аа. д̇знааха ‘‘згобий’’д̇иаад̣̇и.
Tamatthanti yo ‘‘kāmabhogītapanissitakesu garahitabbeyeva garahati, pasaṃsitabbeyeva ca pasaṃsatī’’ti vutto attho, tamatthaṃ pakāsento. Sāhasikakammenāti ayuttena kammena. Dhammena ca adhammena cāti dhammikena adhammikena ca. Ayoniso pavattaṃ bāhirakaṃ sandhāya codako ‘‘katha’’ntiādimāha. Itaro nayidaṃ tādisaṃ attaparitāpanaṃ adhippetaṃ, atha kho yoniso pavattaṃ sāsanikamevāti dassento ‘‘caturaṅgavīriyavasena cā’’ti āha. Tattha ‘‘kāmaṃ taco ca nhāru ca aṭṭhi ca avasissatū’’tiādinā (ma. ni. 2.184; saṃ. ni. 2.22.237; a. ni. 2.5) nayena vuttā sarīrenirapekkhavipassanāya ussukkāpanavasena pavattā vīriyabhāvanā ‘‘caturaṅgavīriyavasenā’’ti vuttā. Tathā abbhokāsikanesajjikatapādinissitāva kilesanimmathanayogyā vīriyabhāvanā ‘‘dhutaṅgavasena cā’’ti vuttāti. Ariyamaggena nissesakilesānaṃ pajahanā nijjarā. Sā ca attapaccakkhatāya sandiṭṭhikā tiṇṇaṃ mūlakilesānaṃ pajahanena ‘‘tisso’’ti ca vuttā. Tenāha ‘‘ekopī’’tiādi.
раасияасуд̇д̇аван̣н̣анаа нидтид̇аа.
Rāsiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 12. раасияасуд̇д̇ам̣ • 12. Rāsiyasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 12. раасияасуд̇д̇аван̣н̣анаа • 12. Rāsiyasuttavaṇṇanā
