| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੨. ਰਾਸਿਯਸੁਤ੍ਤવਣ੍ਣਨਾ
12. Rāsiyasuttavaṇṇanā
੩੬੪. ਦ੍વਾਦਸਮੇ ਰਾਸਿਯੋਤਿ ਰਾਸਿਂ ਕਤ੍વਾ ਪਞ੍ਹਸ੍ਸ ਪੁਚ੍ਛਿਤਤ੍ਤਾ ਰਾਸਿਯੋਤਿ ਏવਂ ਧਮ੍ਮਸਙ੍ਗਾਹਕਤ੍ਥੇਰੇਹਿ ਗਹਿਤਨਾਮੋ। ਤਪਸ੍ਸਿਨ੍ਤਿ ਤਪਨਿਸ੍ਸਿਤਕਂ। ਲੂਖਜੀવਿਨ੍ਤਿ ਲੂਖਜੀવਿਕਂ। ਅਨ੍ਤਾਤਿ ਕੋਟ੍ਠਾਸਾ। ਗਾਮੋਤਿ ਗਾਮ੍ਮੋ। ਗਮ੍ਮੋਤਿਪਿ ਪਾਠੋ, ਗਾਮવਾਸੀਨਂ ਧਮ੍ਮੋਤਿ ਅਤ੍ਥੋ। ਅਤ੍ਤਕਿਲਮਥਾਨੁਯੋਗੋਤਿ ਅਤ੍ਤਨੋ ਕਿਲਮਥਾਨੁਯੋਗੋ, ਸਰੀਰਦੁਕ੍ਖਕਰਣਨ੍ਤਿ ਅਤ੍ਥੋ।
364. Dvādasame rāsiyoti rāsiṃ katvā pañhassa pucchitattā rāsiyoti evaṃ dhammasaṅgāhakattherehi gahitanāmo. Tapassinti tapanissitakaṃ. Lūkhajīvinti lūkhajīvikaṃ. Antāti koṭṭhāsā. Gāmoti gāmmo. Gammotipi pāṭho, gāmavāsīnaṃ dhammoti attho. Attakilamathānuyogoti attano kilamathānuyogo, sarīradukkhakaraṇanti attho.
ਕਸ੍ਮਾ ਪਨੇਤ੍ਥ ਕਾਮਸੁਖਲ੍ਲਿਕਾਨੁਯੋਗੋ ਗਹਿਤੋ, ਕਸ੍ਮਾ ਅਤ੍ਤਕਿਲਮਥਾਨੁਯੋਗੋ, ਕਸ੍ਮਾ ਮਜ੍ਝਿਮਾ ਪਟਿਪਦਾਤਿ? ਕਾਮਸੁਖਲ੍ਲਿਕਾਨੁਯੋਗੋ ਤਾવ ਕਾਮਭੋਗੀਨਂ ਦਸ੍ਸਨਤ੍ਥਂ ਗਹਿਤੋ, ਅਤ੍ਤਕਿਲਮਥਾਨੁਯੋਗੋ ਤਪਨਿਸ੍ਸਿਤਕਾਨਂ, ਮਜ੍ਝਿਮਾ ਪਟਿਪਦਾ ਤਿਣ੍ਣਂ ਨਿਜ੍ਜਰવਤ੍ਥੂਨਂ ਦਸ੍ਸਨਤ੍ਥਂ ਗਹਿਤਾ। ਕਿਂ ਏਤੇਸਂ ਦਸ੍ਸਨੇ ਪਯੋਜਨਨ੍ਤਿ? ਇਮੇ ਦ੍વੇ ਅਨ੍ਤੇ ਪਹਾਯ ਤਥਾਗਤੋ ਮਜ੍ਝਿਮਾਯ ਪਟਿਪਦਾਯ ਸਮ੍ਮਾਸਮ੍ਬੋਧਿਂ ਪਤ੍ਤੋ। ਸੋ ਕਾਮਭੋਗਿਨੋਪਿ ਨ ਸਬ੍ਬੇ ਗਰਹਤਿ ਨ ਪਸਂਸਤਿ, ਤਪਨਿਸ੍ਸਿਤਕੇਪਿ ਨ ਸਬ੍ਬੇ ਗਰਹਤਿ ਨ ਪਸਂਸਤਿ, ਗਰਹਿਤਬ੍ਬਯੁਤ੍ਤਕੇਯੇવ ਗਰਹਤਿ, ਪਸਂਸਿਤਬ੍ਬਯੁਤ੍ਤਕੇ ਪਸਂਸਤੀਤਿ ਇਮਸ੍ਸਤ੍ਥਸ੍ਸ ਪਕਾਸਨਂ ਏਤੇਸਂ ਦਸ੍ਸਨੇ ਪਯੋਜਨਨ੍ਤਿ વੇਦਿਤਬ੍ਬਂ।
Kasmā panettha kāmasukhallikānuyogo gahito, kasmā attakilamathānuyogo, kasmā majjhimā paṭipadāti? Kāmasukhallikānuyogo tāva kāmabhogīnaṃ dassanatthaṃ gahito, attakilamathānuyogo tapanissitakānaṃ, majjhimā paṭipadā tiṇṇaṃ nijjaravatthūnaṃ dassanatthaṃ gahitā. Kiṃ etesaṃ dassane payojananti? Ime dve ante pahāya tathāgato majjhimāya paṭipadāya sammāsambodhiṃ patto. So kāmabhoginopi na sabbe garahati na pasaṃsati, tapanissitakepi na sabbe garahati na pasaṃsati, garahitabbayuttakeyeva garahati, pasaṃsitabbayuttake pasaṃsatīti imassatthassa pakāsanaṃ etesaṃ dassane payojananti veditabbaṃ.
ਇਦਾਨਿ ਤਮਤ੍ਥਂ ਪਕਾਸੇਨ੍ਤੋ ਤਯੋ ਖੋਮੇ, ਗਾਮਣਿ, ਕਾਮਭੋਗਿਨੋਤਿਆਦਿਮਾਹ। ਤਤ੍ਥ ਸਾਹਸੇਨਾਤਿ ਸਾਹਸਿਕਕਮ੍ਮੇਨ। ਨ ਸਂવਿਭਜਤੀਤਿ ਮਿਤ੍ਤਸਹਾਯਸਨ੍ਦਿਟ੍ਠਸਮ੍ਭਤ੍ਤਾਨਂ ਸਂવਿਭਾਗਂ ਨ ਕਰੋਤਿ। ਨ ਪੁਞ੍ਞਾਨਿ ਕਰੋਤੀਤਿ ਅਨਾਗਤਭવਸ੍ਸ ਪਚ੍ਚਯਭੂਤਾਨਿ ਪੁਞ੍ਞਾਨਿ ਨ ਕਰੋਤਿ। ਧਮ੍ਮਾਧਮ੍ਮੇਨਾਤਿ ਧਮ੍ਮੇਨ ਚ ਅਧਮ੍ਮੇਨ ਚ। ਠਾਨੇਹੀਤਿ ਕਾਰਣੇਹਿ। ਸਚ੍ਛਿਕਰੋਤੀਤਿ ਕਥਂ ਅਤ੍ਤਾਨਂ ਆਤਾਪੇਨ੍ਤੋ ਪਰਿਤਾਪੇਨ੍ਤੋ ਸਚ੍ਛਿਕਰੋਤਿ? ਚਤੁਰਙ੍ਗવੀਰਿਯવਸੇਨ ਚ ਧੁਤਙ੍ਗવਸੇਨ ਚ। ਤਿਸ੍ਸੋ ਸਨ੍ਦਿਟ੍ਠਿਕਾ ਨਿਜ੍ਜਰਾਤਿ ਏਤ੍ਥ ਏਕੋਪਿ ਮਗ੍ਗੋ ਤਿਣ੍ਣਂ ਕਿਲੇਸਾਨਂ ਨਿਜ੍ਜਰਣਤਾਯ ਤਿਸ੍ਸੋ ਨਿਜ੍ਜਰਾਤਿ વੁਤ੍ਤੋਤਿ।
Idāni tamatthaṃ pakāsento tayo khome, gāmaṇi, kāmabhoginotiādimāha. Tattha sāhasenāti sāhasikakammena. Na saṃvibhajatīti mittasahāyasandiṭṭhasambhattānaṃ saṃvibhāgaṃ na karoti. Na puññāni karotīti anāgatabhavassa paccayabhūtāni puññāni na karoti. Dhammādhammenāti dhammena ca adhammena ca. Ṭhānehīti kāraṇehi. Sacchikarotīti kathaṃ attānaṃ ātāpento paritāpento sacchikaroti? Caturaṅgavīriyavasena ca dhutaṅgavasena ca. Tisso sandiṭṭhikā nijjarāti ettha ekopi maggo tiṇṇaṃ kilesānaṃ nijjaraṇatāya tisso nijjarāti vuttoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੨. ਰਾਸਿਯਸੁਤ੍ਤਂ • 12. Rāsiyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੨. ਰਾਸਿਯਸੁਤ੍ਤવਣ੍ਣਨਾ • 12. Rāsiyasuttavaṇṇanā
