| Library / Tipiṭaka / তিপিটক • Tipiṭaka / বুদ্ধৰংসপাল়ি • Buddhavaṃsapāḷi |
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
খুদ্দকনিকাযে
Khuddakanikāye
বুদ্ধৰংসপাল়ি
Buddhavaṃsapāḷi
১. রতনচঙ্কমনকণ্ডং
1. Ratanacaṅkamanakaṇḍaṃ
১.
1.
ব্রহ্মা চ লোকাধিপতী সহম্পতী 1, কতঞ্জলী অনধিৰরং অযাচথ।
Brahmā ca lokādhipatī sahampatī 2, katañjalī anadhivaraṃ ayācatha;
‘‘সন্তীধ সত্তাপ্পরজক্খজাতিকা, দেসেহি ধম্মং অনুকম্পিমং পজং’’॥
‘‘Santīdha sattāpparajakkhajātikā, desehi dhammaṃ anukampimaṃ pajaṃ’’.
২.
2.
সম্পন্নৰিজ্জাচরণস্স তাদিনো, জুতিন্ধরস্সন্তিমদেহধারিনো।
Sampannavijjācaraṇassa tādino, jutindharassantimadehadhārino;
তথাগতস্সপ্পটিপুগ্গলস্স, উপ্পজ্জি কারুঞ্ঞতা সব্বসত্তে॥
Tathāgatassappaṭipuggalassa, uppajji kāruññatā sabbasatte.
৩.
3.
‘‘ন হেতে জানন্তি সদেৰমানুসা, বুদ্ধো অযং কীদিসকো নরুত্তমো।
‘‘Na hete jānanti sadevamānusā, buddho ayaṃ kīdisako naruttamo;
ইদ্ধিবলং পঞ্ঞাবলঞ্চ কীদিসং, বুদ্ধবলং লোকহিতস্স কীদিসং॥
Iddhibalaṃ paññābalañca kīdisaṃ, buddhabalaṃ lokahitassa kīdisaṃ.
৪.
4.
‘‘ন হেতে জানন্তি সদেৰমানুসা, বুদ্ধো অযং এদিসকো নরুত্তমো।
‘‘Na hete jānanti sadevamānusā, buddho ayaṃ edisako naruttamo;
ইদ্ধিবলং পঞ্ঞাবলঞ্চ এদিসং, বুদ্ধবলং লোকহিতস্স এদিসং॥
Iddhibalaṃ paññābalañca edisaṃ, buddhabalaṃ lokahitassa edisaṃ.
৫.
5.
‘‘হন্দাহং দস্সযিস্সামি, বুদ্ধবলমনুত্তরং।
‘‘Handāhaṃ dassayissāmi, buddhabalamanuttaraṃ;
চঙ্কমং মাপযিস্সামি, নভে রতনমণ্ডিতং’’॥
Caṅkamaṃ māpayissāmi, nabhe ratanamaṇḍitaṃ’’.
৬.
6.
ভুম্মা মহারাজিকা তাৰতিংসা, যামা চ দেৰা তুসিতা চ নিম্মিতা।
Bhummā mahārājikā tāvatiṃsā, yāmā ca devā tusitā ca nimmitā;
পরনিম্মিতা যেপি চ ব্রহ্মকাযিকা, আনন্দিতা ৰিপুলমকংসু ঘোসং॥
Paranimmitā yepi ca brahmakāyikā, ānanditā vipulamakaṃsu ghosaṃ.
৭.
7.
ওভাসিতা চ পথৰী সদেৰকা, পুথূ চ লোকন্তরিকা অসংৰুতা।
Obhāsitā ca pathavī sadevakā, puthū ca lokantarikā asaṃvutā;
তমো চ তিব্বো ৰিহতো তদা অহু, দিস্ৰান অচ্ছেরকং পাটিহীরং॥
Tamo ca tibbo vihato tadā ahu, disvāna accherakaṃ pāṭihīraṃ.
৮.
8.
সদেৰগন্ধব্বমনুস্সরক্খসে, আভা উল়ারা ৰিপুলা অজাযথ।
Sadevagandhabbamanussarakkhase, ābhā uḷārā vipulā ajāyatha;
ইমস্মিং লোকে পরস্মিঞ্চোভযস্মিং 3, অধো চ উদ্ধং তিরিযঞ্চ ৰিত্থতং॥
Imasmiṃ loke parasmiñcobhayasmiṃ 4, adho ca uddhaṃ tiriyañca vitthataṃ.
৯.
9.
সত্তুত্তমো অনধিৰরো ৰিনাযকো, সত্থা অহূ দেৰমনুস্সপূজিতো।
Sattuttamo anadhivaro vināyako, satthā ahū devamanussapūjito;
মহানুভাৰো সতপুঞ্ঞলক্খণো, দস্সেসি অচ্ছেরকং পাটিহীরং॥
Mahānubhāvo satapuññalakkhaṇo, dassesi accherakaṃ pāṭihīraṃ.
১০.
10.
সো যাচিতো দেৰৰরেন চক্খুমা, অত্থং সমেক্খিত্ৰা তদা নরুত্তমো।
So yācito devavarena cakkhumā, atthaṃ samekkhitvā tadā naruttamo;
চঙ্কমং 5 মাপযি লোকনাযকো, সুনিট্ঠিতং সব্বরতননিম্মিতং॥
Caṅkamaṃ 6 māpayi lokanāyako, suniṭṭhitaṃ sabbaratananimmitaṃ.
১১.
11.
ইদ্ধী চ আদেসনানুসাসনী, তিপাটিহীরে ভগৰা ৰসী অহু।
Iddhī ca ādesanānusāsanī, tipāṭihīre bhagavā vasī ahu;
চঙ্কমং মাপযি লোকনাযকো, সুনিট্ঠিতং সব্বরতননিম্মিতং॥
Caṅkamaṃ māpayi lokanāyako, suniṭṭhitaṃ sabbaratananimmitaṃ.
১২.
12.
দসসহস্সীলোকধাতুযা, সিনেরুপব্বতুত্তমে।
Dasasahassīlokadhātuyā, sinerupabbatuttame;
থম্ভেৰ দস্সেসি পটিপাটিযা, চঙ্কমে রতনামযে॥
Thambheva dassesi paṭipāṭiyā, caṅkame ratanāmaye.
১৩.
13.
দসসহস্সী অতিক্কম্ম, চঙ্কমং মাপযী জিনো।
Dasasahassī atikkamma, caṅkamaṃ māpayī jino;
সব্বসোণ্ণমযা পস্সে, চঙ্কমে রতনামযে॥
Sabbasoṇṇamayā passe, caṅkame ratanāmaye.
১৪.
14.
তুলাসঙ্ঘাটানুৰগ্গা , সোৰণ্ণফলকত্থতা।
Tulāsaṅghāṭānuvaggā , sovaṇṇaphalakatthatā;
ৰেদিকা সব্বসোৰণ্ণা, দুভতো পস্সেসু নিম্মিতা॥
Vedikā sabbasovaṇṇā, dubhato passesu nimmitā.
১৫.
15.
মণিমুত্তাৰালুকাকিণ্ণা, নিম্মিতো রতনামযো।
Maṇimuttāvālukākiṇṇā, nimmito ratanāmayo;
ওভাসেতি দিসা সব্বা, সতরংসীৰ উগ্গতো॥
Obhāseti disā sabbā, sataraṃsīva uggato.
১৬.
16.
তস্মিং চঙ্কমনে ধীরো, দ্ৰত্তিংসৰরলক্খণো।
Tasmiṃ caṅkamane dhīro, dvattiṃsavaralakkhaṇo;
ৰিরোচমানো সম্বুদ্ধো, চঙ্কমে চঙ্কমী জিনো॥
Virocamāno sambuddho, caṅkame caṅkamī jino.
১৭.
17.
দিব্বং মন্দারৰং পুপ্ফং, পদুমং পারিছত্তকং।
Dibbaṃ mandāravaṃ pupphaṃ, padumaṃ pārichattakaṃ;
চঙ্কমনে ওকিরন্তি, সব্বে দেৰা সমাগতা॥
Caṅkamane okiranti, sabbe devā samāgatā.
১৮.
18.
পস্সন্তি তং দেৰসঙ্ঘা, দসসহস্সী পমোদিতা।
Passanti taṃ devasaṅghā, dasasahassī pamoditā;
নমস্সমানা নিপতন্তি, তুট্ঠহট্ঠা পমোদিতা॥
Namassamānā nipatanti, tuṭṭhahaṭṭhā pamoditā.
১৯.
19.
তাৰতিংসা চ যামা চ, তুসিতা চাপি দেৰতা।
Tāvatiṃsā ca yāmā ca, tusitā cāpi devatā;
নিম্মানরতিনো দেৰা, যে দেৰা ৰসৰত্তিনো।
Nimmānaratino devā, ye devā vasavattino;
উদগ্গচিত্তা সুমনা, পস্সন্তি লোকনাযকং॥
Udaggacittā sumanā, passanti lokanāyakaṃ.
২০.
20.
সদেৰগন্ধব্বমনুস্সরক্খসা, নাগা সুপণ্ণা অথ ৰাপি কিন্নরা।
Sadevagandhabbamanussarakkhasā, nāgā supaṇṇā atha vāpi kinnarā;
পস্সন্তি তং লোকহিতানুকম্পকং, নভেৰ অচ্চুগ্গতচন্দমণ্ডলং॥
Passanti taṃ lokahitānukampakaṃ, nabheva accuggatacandamaṇḍalaṃ.
২১.
21.
আভস্সরা সুভকিণ্হা, ৰেহপ্ফলা অকনিট্ঠা চ দেৰতা।
Ābhassarā subhakiṇhā, vehapphalā akaniṭṭhā ca devatā;
সুসুদ্ধসুক্কৰত্থৰসনা, তিট্ঠন্তি পঞ্জলীকতা॥
Susuddhasukkavatthavasanā, tiṭṭhanti pañjalīkatā.
২২.
22.
মুঞ্চন্তি পুপ্ফং পন পঞ্চৰণ্ণিকং, মন্দারৰং চন্দনচুণ্ণমিস্সিতং।
Muñcanti pupphaṃ pana pañcavaṇṇikaṃ, mandāravaṃ candanacuṇṇamissitaṃ;
ভমেন্তি চেলানি চ অম্বরে তদা, ‘‘অহো জিনো লোকহিতানুকম্পকো॥
Bhamenti celāni ca ambare tadā, ‘‘aho jino lokahitānukampako.
২৩.
23.
‘‘তুৰং সত্থা চ কেতূ চ, ধজো যূপো চ পাণিনং।
‘‘Tuvaṃ satthā ca ketū ca, dhajo yūpo ca pāṇinaṃ;
২৪.
24.
‘‘দসসহস্সীলোকধাতুযা, দেৰতাযো মহিদ্ধিকা।
‘‘Dasasahassīlokadhātuyā, devatāyo mahiddhikā;
পরিৰারেত্ৰা নমস্সন্তি, তুট্ঠহট্ঠা পমোদিতা॥
Parivāretvā namassanti, tuṭṭhahaṭṭhā pamoditā.
২৫.
25.
‘‘দেৰতা দেৰকঞ্ঞা চ, পসন্না তুট্ঠমানসা।
‘‘Devatā devakaññā ca, pasannā tuṭṭhamānasā;
পঞ্চৰণ্ণিকপুপ্ফেহি, পূজযন্তি নরাসভং॥
Pañcavaṇṇikapupphehi, pūjayanti narāsabhaṃ.
২৬.
26.
‘‘পস্সন্তি তং দেৰসঙ্ঘা, পসন্না তুট্ঠমানসা।
‘‘Passanti taṃ devasaṅghā, pasannā tuṭṭhamānasā;
পঞ্চৰণ্ণিকপুপ্ফেহি, পূজযন্তি নরাসভং॥
Pañcavaṇṇikapupphehi, pūjayanti narāsabhaṃ.
২৭.
27.
‘‘অহো অচ্ছরিযং লোকে, অব্ভুতং লোমহংসনং।
‘‘Aho acchariyaṃ loke, abbhutaṃ lomahaṃsanaṃ;
ন মেদিসং ভূতপুব্বং, অচ্ছেরং লোমহংসনং’’॥
Na medisaṃ bhūtapubbaṃ, accheraṃ lomahaṃsanaṃ’’.
২৮.
28.
সকসকম্হি ভৰনে, নিসীদিত্ৰান দেৰতা।
Sakasakamhi bhavane, nisīditvāna devatā;
হসন্তি তা মহাহসিতং, দিস্ৰানচ্ছেরকং নভে॥
Hasanti tā mahāhasitaṃ, disvānaccherakaṃ nabhe.
২৯.
29.
আকাসট্ঠা চ ভূমট্ঠা, তিণপন্থনিৰাসিনো।
Ākāsaṭṭhā ca bhūmaṭṭhā, tiṇapanthanivāsino;
কতঞ্জলী নমস্সন্তি, তুট্ঠহট্ঠা পমোদিতা॥
Katañjalī namassanti, tuṭṭhahaṭṭhā pamoditā.
৩০.
30.
যেপি দীঘাযুকা নাগা, পুঞ্ঞৰন্তো মহিদ্ধিকা।
Yepi dīghāyukā nāgā, puññavanto mahiddhikā;
পমোদিতা নমস্সন্তি, পূজযন্তি নরুত্তমং॥
Pamoditā namassanti, pūjayanti naruttamaṃ.
৩১.
31.
সঙ্গীতিযো পৰত্তেন্তি, অম্বরে অনিলঞ্জসে।
Saṅgītiyo pavattenti, ambare anilañjase;
চম্মনদ্ধানি ৰাদেন্তি, দিস্ৰানচ্ছেরকং নভে॥
Cammanaddhāni vādenti, disvānaccherakaṃ nabhe.
৩২.
32.
অন্তলিক্খস্মিং ৰজ্জন্তি, দিস্ৰানচ্ছেরকং নভে॥
Antalikkhasmiṃ vajjanti, disvānaccherakaṃ nabhe.
৩৩.
33.
অব্ভুতো ৰত নো অজ্জ, উপ্পজ্জি লোমহংসনো।
Abbhuto vata no ajja, uppajji lomahaṃsano;
ধুৰমত্থসিদ্ধিং লভাম, খণো নো পটিপাদিতো॥
Dhuvamatthasiddhiṃ labhāma, khaṇo no paṭipādito.
৩৪.
34.
বুদ্ধোতি তেসং সুত্ৰান, পীতি উপ্পজ্জি তাৰদে।
Buddhoti tesaṃ sutvāna, pīti uppajji tāvade;
বুদ্ধো বুদ্ধোতি কথযন্তা, তিট্ঠন্তি পঞ্জলীকতা॥
Buddho buddhoti kathayantā, tiṭṭhanti pañjalīkatā.
৩৫.
35.
পজা চ ৰিৰিধা গগনে, ৰত্তেন্তি পঞ্জলীকতা॥
Pajā ca vividhā gagane, vattenti pañjalīkatā.
৩৬.
36.
গাযন্তি সেল়েন্তি চ ৰাদযন্তি চ, ভুজানি পোথেন্তি চ নচ্চযন্তি চ।
Gāyanti seḷenti ca vādayanti ca, bhujāni pothenti ca naccayanti ca;
মুঞ্চন্তি পুপ্ফং পন পঞ্চৰণ্ণিকং, মন্দারৰং চন্দনচুণ্ণমিস্সিতং॥
Muñcanti pupphaṃ pana pañcavaṇṇikaṃ, mandāravaṃ candanacuṇṇamissitaṃ.
৩৭.
37.
‘‘যথা তুয্হং মহাৰীর, পাদেসু চক্কলক্খণং।
‘‘Yathā tuyhaṃ mahāvīra, pādesu cakkalakkhaṇaṃ;
ধজৰজিরপটাকা, ৰড্ঢমানঙ্কুসাচিতং॥
Dhajavajirapaṭākā, vaḍḍhamānaṅkusācitaṃ.
৩৮.
38.
‘‘রূপে সীলে সমাধিম্হি, পঞ্ঞায চ অসাদিসো।
‘‘Rūpe sīle samādhimhi, paññāya ca asādiso;
ৰিমুত্তিযা অসমসমো, ধম্মচক্কপ্পৰত্তনে॥
Vimuttiyā asamasamo, dhammacakkappavattane.
৩৯.
39.
‘‘দসনাগবলং কাযে, তুয্হং পাকতিকং বলং।
‘‘Dasanāgabalaṃ kāye, tuyhaṃ pākatikaṃ balaṃ;
ইদ্ধিবলেন অসমো, ধম্মচক্কপ্পৰত্তনে॥
Iddhibalena asamo, dhammacakkappavattane.
৪০.
40.
‘‘এৰং সব্বগুণূপেতং, সব্বঙ্গসমুপাগতং।
‘‘Evaṃ sabbaguṇūpetaṃ, sabbaṅgasamupāgataṃ;
মহামুনিং কারুণিকং, লোকনাথং নমস্সথ॥
Mahāmuniṃ kāruṇikaṃ, lokanāthaṃ namassatha.
৪১.
41.
‘‘অভিৰাদনং থোমনঞ্চ, ৰন্দনঞ্চ পসংসনং।
‘‘Abhivādanaṃ thomanañca, vandanañca pasaṃsanaṃ;
নমস্সনঞ্চ পূজঞ্চ, সব্বং অরহসী তুৰং॥
Namassanañca pūjañca, sabbaṃ arahasī tuvaṃ.
৪২.
42.
‘‘যে কেচি লোকে ৰন্দনেয্যা, ৰন্দনং অরহন্তি যে।
‘‘Ye keci loke vandaneyyā, vandanaṃ arahanti ye;
সব্বসেট্ঠো মহাৰীর, সদিসো তে ন ৰিজ্জতি॥
Sabbaseṭṭho mahāvīra, sadiso te na vijjati.
৪৩.
43.
‘‘সারিপুত্তো মহাপঞ্ঞো, সমাধিজ্ঝানকোৰিদো।
‘‘Sāriputto mahāpañño, samādhijjhānakovido;
গিজ্ঝকূটে ঠিতোযেৰ, পস্সতি লোকনাযকং॥
Gijjhakūṭe ṭhitoyeva, passati lokanāyakaṃ.
৪৪.
44.
‘‘সুফুল্লং সালরাজংৰ, চন্দংৰ গগনে যথা।
‘‘Suphullaṃ sālarājaṃva, candaṃva gagane yathā;
৪৫.
45.
‘‘জলন্তং দীপরুক্খংৰ, তরুণসূরিযংৰ উগ্গতং।
‘‘Jalantaṃ dīparukkhaṃva, taruṇasūriyaṃva uggataṃ;
ব্যামপ্পভানুরঞ্জিতং, ধীরং পস্সতি লোকনাযকং॥
Byāmappabhānurañjitaṃ, dhīraṃ passati lokanāyakaṃ.
৪৬.
46.
‘‘পঞ্চন্নং ভিক্খুসতানং, কতকিচ্চান তাদিনং।
‘‘Pañcannaṃ bhikkhusatānaṃ, katakiccāna tādinaṃ;
খীণাসৰানং ৰিমলানং, খণেন সন্নিপাতযি॥
Khīṇāsavānaṃ vimalānaṃ, khaṇena sannipātayi.
৪৭.
47.
‘‘লোকপ্পসাদনং নাম, পাটিহীরং নিদস্সযি।
‘‘Lokappasādanaṃ nāma, pāṭihīraṃ nidassayi;
অম্হেপি তত্থ গন্ত্ৰান, ৰন্দিস্সাম মযং জিনং॥
Amhepi tattha gantvāna, vandissāma mayaṃ jinaṃ.
৪৮.
48.
‘‘এথ সব্বে গমিস্সাম, পুচ্ছিস্সাম মযং জিনং।
‘‘Etha sabbe gamissāma, pucchissāma mayaṃ jinaṃ;
কঙ্খং ৰিনোদযিস্সাম, পস্সিত্ৰা লোকনাযকং’’॥
Kaṅkhaṃ vinodayissāma, passitvā lokanāyakaṃ’’.
৪৯.
49.
সাধূতি তে পটিস্সুত্ৰা, নিপকা সংৰুতিন্দ্রিযা।
Sādhūti te paṭissutvā, nipakā saṃvutindriyā;
পত্তচীৰরমাদায, তরমানা উপাগমুং॥
Pattacīvaramādāya, taramānā upāgamuṃ.
৫০.
50.
খীণাসৰেহি ৰিমলেহি, দন্তেহি উত্তমে দমে।
Khīṇāsavehi vimalehi, dantehi uttame dame;
সারিপুত্তো মহাপঞ্ঞো, ইদ্ধিযা উপসঙ্কমি॥
Sāriputto mahāpañño, iddhiyā upasaṅkami.
৫১.
51.
তেহি ভিক্খূহি পরিৰুতো, সারিপুত্তো মহাগণী।
Tehi bhikkhūhi parivuto, sāriputto mahāgaṇī;
লল়ন্তো দেৰোৰ গগনে, ইদ্ধিযা উপসঙ্কমি॥
Laḷanto devova gagane, iddhiyā upasaṅkami.
৫২.
52.
সগারৰা সপ্পতিস্সা, সম্বুদ্ধং উপসঙ্কমুং॥
Sagāravā sappatissā, sambuddhaṃ upasaṅkamuṃ.
৫৩.
53.
উপসঙ্কমিত্ৰা পস্সন্তি, সযম্ভুং লোকনাযকং।
Upasaṅkamitvā passanti, sayambhuṃ lokanāyakaṃ;
নভে অচ্চুগ্গতং ধীরং, চন্দংৰ গগনে যথা॥
Nabhe accuggataṃ dhīraṃ, candaṃva gagane yathā.
৫৪.
54.
জলন্তং দীপরুক্খংৰ, ৰিজ্জুংৰ গগনে যথা।
Jalantaṃ dīparukkhaṃva, vijjuṃva gagane yathā;
মজ্ঝন্হিকেৰ সূরিযং, পস্সন্তি লোকনাযকং॥
Majjhanhikeva sūriyaṃ, passanti lokanāyakaṃ.
৫৫.
55.
পঞ্চভিক্খুসতা সব্বে, পস্সন্তি লোকনাযকং।
Pañcabhikkhusatā sabbe, passanti lokanāyakaṃ;
রহদমিৰ ৰিপ্পসন্নং, সুফুল্লং পদুমং যথা॥
Rahadamiva vippasannaṃ, suphullaṃ padumaṃ yathā.
৫৬.
56.
অঞ্জলিং পগ্গহেত্ৰান, তুট্ঠহট্ঠা পমোদিতা।
Añjaliṃ paggahetvāna, tuṭṭhahaṭṭhā pamoditā;
নমস্সমানা নিপতন্তি, সত্থুনো চক্কলক্খণে॥
Namassamānā nipatanti, satthuno cakkalakkhaṇe.
৫৭.
57.
সারিপুত্তো মহাপঞ্ঞো, কোরণ্ডসমসাদিসো।
Sāriputto mahāpañño, koraṇḍasamasādiso;
সমাধিজ্ঝানকুসলো, ৰন্দতে লোকনাযকং॥
Samādhijjhānakusalo, vandate lokanāyakaṃ.
৫৮.
58.
গজ্জিতা কালমেঘোৰ, নীলুপ্পলসমসাদিসো।
Gajjitā kālameghova, nīluppalasamasādiso;
ইদ্ধিবলেন অসমো, মোগ্গল্লানো মহিদ্ধিকো॥
Iddhibalena asamo, moggallāno mahiddhiko.
৫৯.
59.
মহাকস্সপোপি চ থেরো, উত্তত্তকনকসন্নিভো।
Mahākassapopi ca thero, uttattakanakasannibho;
ধুতগুণে অগ্গনিক্খিত্তো, থোমিতো সত্থুৰণ্ণিতো॥
Dhutaguṇe agganikkhitto, thomito satthuvaṇṇito.
৬০.
60.
দিব্বচক্খূনং যো অগ্গো, অনুরুদ্ধো মহাগণী।
Dibbacakkhūnaṃ yo aggo, anuruddho mahāgaṇī;
ঞাতিসেট্ঠো ভগৰতো, অৰিদূরেৰ তিট্ঠতি॥
Ñātiseṭṭho bhagavato, avidūreva tiṭṭhati.
৬১.
61.
আপত্তিঅনাপত্তিযা , সতেকিচ্ছায কোৰিদো।
Āpattianāpattiyā , satekicchāya kovido;
ৰিনযে অগ্গনিক্খিত্তো, উপালি সত্থুৰণ্ণিতো॥
Vinaye agganikkhitto, upāli satthuvaṇṇito.
৬২.
62.
সুখুমনিপুণত্থপটিৰিদ্ধো, কথিকানং পৰরো গণী।
Sukhumanipuṇatthapaṭividdho, kathikānaṃ pavaro gaṇī;
ইসি মন্তানিযা পুত্তো, পুণ্ণো নামাতি ৰিস্সুতো॥
Isi mantāniyā putto, puṇṇo nāmāti vissuto.
৬৩.
63.
এতেসং চিত্তমঞ্ঞায, ওপম্মকুসলো মুনি।
Etesaṃ cittamaññāya, opammakusalo muni;
কঙ্খচ্ছেদো মহাৰীরো, কথেসি অত্তনো গুণং॥
Kaṅkhacchedo mahāvīro, kathesi attano guṇaṃ.
৬৪.
64.
‘‘চত্তারো তে অসঙ্খেয্যা, কোটি যেসং ন নাযতি।
‘‘Cattāro te asaṅkheyyā, koṭi yesaṃ na nāyati;
সত্তকাযো চ আকাসো, চক্কৰাল়া চনন্তকা।
Sattakāyo ca ākāso, cakkavāḷā canantakā;
বুদ্ধঞাণং অপ্পমেয্যং, ন সক্কা এতে ৰিজানিতুং॥
Buddhañāṇaṃ appameyyaṃ, na sakkā ete vijānituṃ.
৬৫.
65.
‘‘কিমেতং অচ্ছরিযং লোকে, যং মে ইদ্ধিৰিকুব্বনং।
‘‘Kimetaṃ acchariyaṃ loke, yaṃ me iddhivikubbanaṃ;
অঞ্ঞে বহূ অচ্ছরিযা, অব্ভুতা লোমহংসনা॥
Aññe bahū acchariyā, abbhutā lomahaṃsanā.
৬৬.
66.
‘‘যদাহং তুসিতে কাযে, সন্তুসিতো নামহং তদা।
‘‘Yadāhaṃ tusite kāye, santusito nāmahaṃ tadā;
দসসহস্সী সমাগম্ম, যাচন্তি পঞ্জলী মমং॥
Dasasahassī samāgamma, yācanti pañjalī mamaṃ.
৬৭.
67.
সদেৰকং তারযন্তো, বুজ্ঝস্সু অমতং পদং’॥
Sadevakaṃ tārayanto, bujjhassu amataṃ padaṃ’.
৬৮.
68.
‘‘তুসিতা কাযা চৰিত্ৰান, যদা ওক্কমি কুচ্ছিযং।
‘‘Tusitā kāyā cavitvāna, yadā okkami kucchiyaṃ;
দসসহস্সীলোকধাতু, কম্পিত্থ ধরণী তদা॥
Dasasahassīlokadhātu, kampittha dharaṇī tadā.
৬৯.
69.
‘‘যদাহং মাতুকুচ্ছিতো, সম্পজানোৰ নিক্খমিং।
‘‘Yadāhaṃ mātukucchito, sampajānova nikkhamiṃ;
সাধুকারং পৰত্তেন্তি, দসসহস্সী পকম্পথ॥
Sādhukāraṃ pavattenti, dasasahassī pakampatha.
৭০.
70.
‘‘ওক্কন্তিং মে সমো নত্থি, জাতিতো অভিনিক্খমে।
‘‘Okkantiṃ me samo natthi, jātito abhinikkhame;
সম্বোধিযং অহং সেট্ঠো, ধম্মচক্কপ্পৰত্তনে॥
Sambodhiyaṃ ahaṃ seṭṭho, dhammacakkappavattane.
৭১.
71.
‘‘অহো অচ্ছরিযং লোকে, বুদ্ধানং গুণমহন্ততা।
‘‘Aho acchariyaṃ loke, buddhānaṃ guṇamahantatā;
দসসহস্সীলোকধাতু, ছপ্পকারং পকম্পথ।
Dasasahassīlokadhātu, chappakāraṃ pakampatha;
ওভাসো চ মহা আসি, অচ্ছেরং লোমহংসনং’’॥
Obhāso ca mahā āsi, accheraṃ lomahaṃsanaṃ’’.
৭২.
72.
সদেৰকং দস্সযন্তো, ইদ্ধিযা চঙ্কমী জিনো॥
Sadevakaṃ dassayanto, iddhiyā caṅkamī jino.
৭৩.
73.
চঙ্কমে চঙ্কমন্তোৰ, কথেসি লোকনাযকো।
Caṅkame caṅkamantova, kathesi lokanāyako;
অন্তরা ন নিৰত্তেতি, চতুহত্থে চঙ্কমে যথা॥
Antarā na nivatteti, catuhatthe caṅkame yathā.
৭৪.
74.
সারিপুত্তো মহাপঞ্ঞো, সমাধিজ্ঝানকোৰিদো।
Sāriputto mahāpañño, samādhijjhānakovido;
পঞ্ঞায পারমিপ্পত্তো, পুচ্ছতি লোকনাযকং॥
Paññāya pāramippatto, pucchati lokanāyakaṃ.
৭৫.
75.
‘‘কীদিসো তে মহাৰীর, অভিনীহারো নরুত্তম।
‘‘Kīdiso te mahāvīra, abhinīhāro naruttama;
কম্হি কালে তযা ধীর, পত্থিতা বোধিমুত্তমা॥
Kamhi kāle tayā dhīra, patthitā bodhimuttamā.
৭৬.
76.
‘‘দানং সীলঞ্চ নেক্খম্মং, পঞ্ঞাৰীরিযঞ্চ কীদিসং।
‘‘Dānaṃ sīlañca nekkhammaṃ, paññāvīriyañca kīdisaṃ;
খন্তিসচ্চমধিট্ঠানং, মেত্তুপেক্খা চ কীদিসা॥
Khantisaccamadhiṭṭhānaṃ, mettupekkhā ca kīdisā.
৭৭.
77.
‘‘দস পারমী তযা ধীর, কীদিসী লোকনাযক।
‘‘Dasa pāramī tayā dhīra, kīdisī lokanāyaka;
কথং উপপারমী পুণ্ণা, পরমত্থপারমী কথং’’॥
Kathaṃ upapāramī puṇṇā, paramatthapāramī kathaṃ’’.
৭৮.
78.
তস্স পুট্ঠো ৰিযাকাসি, করৰীকমধুরগিরো।
Tassa puṭṭho viyākāsi, karavīkamadhuragiro;
নিব্বাপযন্তো হদযং, হাসযন্তো সদেৰকং॥
Nibbāpayanto hadayaṃ, hāsayanto sadevakaṃ.
৭৯.
79.
অতীতবুদ্ধানং জিনানং দেসিতং, নিকীলিতং 23 বুদ্ধপরম্পরাগতং।
Atītabuddhānaṃ jinānaṃ desitaṃ, nikīlitaṃ 24 buddhaparamparāgataṃ;
পুব্বেনিৰাসানুগতায বুদ্ধিযা, পকাসযী লোকহিতং সদেৰকে॥
Pubbenivāsānugatāya buddhiyā, pakāsayī lokahitaṃ sadevake.
৮০.
80.
‘‘পীতিপামোজ্জজননং, সোকসল্লৰিনোদনং।
‘‘Pītipāmojjajananaṃ, sokasallavinodanaṃ;
সব্বসম্পত্তিপটিলাভং, চিত্তীকত্ৰা সুণাথ মে॥
Sabbasampattipaṭilābhaṃ, cittīkatvā suṇātha me.
৮১.
81.
‘‘মদনিম্মদনং সোকনুদং, সংসারপরিমোচনং।
‘‘Madanimmadanaṃ sokanudaṃ, saṃsāraparimocanaṃ;
সব্বদুক্খক্খযং মগ্গং, সক্কচ্চং পটিপজ্জথা’’তি॥
Sabbadukkhakkhayaṃ maggaṃ, sakkaccaṃ paṭipajjathā’’ti.
রতনচঙ্কমনকণ্ডো নিট্ঠিতো।
Ratanacaṅkamanakaṇḍo niṭṭhito.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / বুদ্ধৰংস-অট্ঠকথা • Buddhavaṃsa-aṭṭhakathā / ১. রতনচঙ্কমনকণ্ডৰণ্ণনা • 1. Ratanacaṅkamanakaṇḍavaṇṇanā
