| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
б̣уд̣̇д̇хавам̣сабаал̣и
Buddhavaṃsapāḷi
1. рад̇анажан̇гаманаган̣д̣ам̣
1. Ratanacaṅkamanakaṇḍaṃ
1.
1.
б̣рахмаа жа логаад̇хибад̇ий сахамбад̇ий 1, гад̇ан̃ж̇алий анад̇хиварам̣ аяаажат̇а;
Brahmā ca lokādhipatī sahampatī 2, katañjalī anadhivaraṃ ayācatha;
‘‘санд̇ийд̇ха сад̇д̇ааббараж̇агкаж̇аад̇игаа, д̣̇зсзхи д̇хаммам̣ анугамбимам̣ баж̇ам̣’’.
‘‘Santīdha sattāpparajakkhajātikā, desehi dhammaṃ anukampimaṃ pajaṃ’’.
2.
2.
самбаннавиж̇ж̇аажаран̣асса д̇аад̣̇ино, ж̇уд̇инд̇харассанд̇имад̣̇зхад̇хаарино;
Sampannavijjācaraṇassa tādino, jutindharassantimadehadhārino;
д̇ат̇ааг̇ад̇ассаббадибуг̇г̇аласса, уббаж̇ж̇и гаарун̃н̃ад̇аа саб̣б̣асад̇д̇з.
Tathāgatassappaṭipuggalassa, uppajji kāruññatā sabbasatte.
3.
3.
‘‘на хзд̇з ж̇аананд̇и сад̣̇звамаанусаа, б̣уд̣̇д̇хо аяам̣ гийд̣̇исаго наруд̇д̇амо;
‘‘Na hete jānanti sadevamānusā, buddho ayaṃ kīdisako naruttamo;
ид̣̇д̇хиб̣алам̣ бан̃н̃ааб̣алан̃жа гийд̣̇исам̣, б̣уд̣̇д̇хаб̣алам̣ логахид̇асса гийд̣̇исам̣.
Iddhibalaṃ paññābalañca kīdisaṃ, buddhabalaṃ lokahitassa kīdisaṃ.
4.
4.
‘‘на хзд̇з ж̇аананд̇и сад̣̇звамаанусаа, б̣уд̣̇д̇хо аяам̣ зд̣̇исаго наруд̇д̇амо;
‘‘Na hete jānanti sadevamānusā, buddho ayaṃ edisako naruttamo;
ид̣̇д̇хиб̣алам̣ бан̃н̃ааб̣алан̃жа зд̣̇исам̣, б̣уд̣̇д̇хаб̣алам̣ логахид̇асса зд̣̇исам̣.
Iddhibalaṃ paññābalañca edisaṃ, buddhabalaṃ lokahitassa edisaṃ.
5.
5.
‘‘ханд̣̇аахам̣ д̣̇ассаяиссаами, б̣уд̣̇д̇хаб̣аламануд̇д̇арам̣;
‘‘Handāhaṃ dassayissāmi, buddhabalamanuttaraṃ;
жан̇гамам̣ маабаяиссаами, набхз рад̇анаман̣д̣ид̇ам̣’’.
Caṅkamaṃ māpayissāmi, nabhe ratanamaṇḍitaṃ’’.
6.
6.
бхуммаа махаарааж̇игаа д̇аавад̇им̣саа, яаамаа жа д̣̇зваа д̇усид̇аа жа ниммид̇аа;
Bhummā mahārājikā tāvatiṃsā, yāmā ca devā tusitā ca nimmitā;
бараниммид̇аа язби жа б̣рахмагааяигаа, аананд̣̇ид̇аа вибуламагам̣су гхосам̣.
Paranimmitā yepi ca brahmakāyikā, ānanditā vipulamakaṃsu ghosaṃ.
7.
7.
обхаасид̇аа жа бат̇авий сад̣̇звагаа, бут̇уу жа логанд̇аригаа асам̣вуд̇аа;
Obhāsitā ca pathavī sadevakā, puthū ca lokantarikā asaṃvutā;
д̇амо жа д̇иб̣б̣о вихад̇о д̇ад̣̇аа аху, д̣̇исваана ажчзрагам̣ баадихийрам̣.
Tamo ca tibbo vihato tadā ahu, disvāna accherakaṃ pāṭihīraṃ.
8.
8.
сад̣̇зваг̇анд̇хаб̣б̣амануссарагкасз, аабхаа ул̣аараа вибулаа аж̇ааяат̇а;
Sadevagandhabbamanussarakkhase, ābhā uḷārā vipulā ajāyatha;
имасмим̣ логз барасмин̃жобхаяасмим̣ 3, ад̇хо жа уд̣̇д̇хам̣ д̇ирияан̃жа вид̇т̇ад̇ам̣.
Imasmiṃ loke parasmiñcobhayasmiṃ 4, adho ca uddhaṃ tiriyañca vitthataṃ.
9.
9.
сад̇д̇уд̇д̇амо анад̇хиваро винааяаго, сад̇т̇аа ахуу д̣̇звамануссабууж̇ид̇о;
Sattuttamo anadhivaro vināyako, satthā ahū devamanussapūjito;
махаанубхааво сад̇абун̃н̃алагкан̣о, д̣̇ассзси ажчзрагам̣ баадихийрам̣.
Mahānubhāvo satapuññalakkhaṇo, dassesi accherakaṃ pāṭihīraṃ.
10.
10.
со яаажид̇о д̣̇зваварзна жагкумаа, ад̇т̇ам̣ самзгкид̇ваа д̇ад̣̇аа наруд̇д̇амо;
So yācito devavarena cakkhumā, atthaṃ samekkhitvā tadā naruttamo;
жан̇гамам̣ 5 маабаяи логанааяаго, сунидтид̇ам̣ саб̣б̣арад̇ананиммид̇ам̣.
Caṅkamaṃ 6 māpayi lokanāyako, suniṭṭhitaṃ sabbaratananimmitaṃ.
11.
11.
ид̣̇д̇хий жа аад̣̇зсанаанусаасаний, д̇ибаадихийрз бхаг̇аваа васий аху;
Iddhī ca ādesanānusāsanī, tipāṭihīre bhagavā vasī ahu;
жан̇гамам̣ маабаяи логанааяаго, сунидтид̇ам̣ саб̣б̣арад̇ананиммид̇ам̣.
Caṅkamaṃ māpayi lokanāyako, suniṭṭhitaṃ sabbaratananimmitaṃ.
12.
12.
д̣̇асасахассийлогад̇хаад̇уяаа, синзрубаб̣б̣ад̇уд̇д̇амз;
Dasasahassīlokadhātuyā, sinerupabbatuttame;
т̇амбхзва д̣̇ассзси бадибаадияаа, жан̇гамз рад̇анаамаяз.
Thambheva dassesi paṭipāṭiyā, caṅkame ratanāmaye.
13.
13.
д̣̇асасахассий ад̇иггамма, жан̇гамам̣ маабаяий ж̇ино;
Dasasahassī atikkamma, caṅkamaṃ māpayī jino;
саб̣б̣асон̣н̣амаяаа бассз, жан̇гамз рад̇анаамаяз.
Sabbasoṇṇamayā passe, caṅkame ratanāmaye.
14.
14.
д̇улаасан̇гхаадаануваг̇г̇аа , сован̣н̣апалагад̇т̇ад̇аа;
Tulāsaṅghāṭānuvaggā , sovaṇṇaphalakatthatā;
взд̣̇игаа саб̣б̣асован̣н̣аа, д̣̇убхад̇о бассзсу ниммид̇аа.
Vedikā sabbasovaṇṇā, dubhato passesu nimmitā.
15.
15.
ман̣имуд̇д̇ааваалугаагин̣н̣аа, ниммид̇о рад̇анаамаяо;
Maṇimuttāvālukākiṇṇā, nimmito ratanāmayo;
обхаасзд̇и д̣̇исаа саб̣б̣аа, сад̇арам̣сийва уг̇г̇ад̇о.
Obhāseti disā sabbā, sataraṃsīva uggato.
16.
16.
д̇асмим̣ жан̇гаманз д̇хийро, д̣̇вад̇д̇им̣саваралагкан̣о;
Tasmiṃ caṅkamane dhīro, dvattiṃsavaralakkhaṇo;
вирожамаано самб̣уд̣̇д̇хо, жан̇гамз жан̇гамий ж̇ино.
Virocamāno sambuddho, caṅkame caṅkamī jino.
17.
17.
д̣̇иб̣б̣ам̣ манд̣̇ааравам̣ бубпам̣, бад̣̇умам̣ бааричад̇д̇агам̣;
Dibbaṃ mandāravaṃ pupphaṃ, padumaṃ pārichattakaṃ;
жан̇гаманз огиранд̇и, саб̣б̣з д̣̇зваа самааг̇ад̇аа.
Caṅkamane okiranti, sabbe devā samāgatā.
18.
18.
бассанд̇и д̇ам̣ д̣̇звасан̇гхаа, д̣̇асасахассий бамод̣̇ид̇аа;
Passanti taṃ devasaṅghā, dasasahassī pamoditā;
намассамаанаа нибад̇анд̇и, д̇удтахадтаа бамод̣̇ид̇аа.
Namassamānā nipatanti, tuṭṭhahaṭṭhā pamoditā.
19.
19.
д̇аавад̇им̣саа жа яаамаа жа, д̇усид̇аа жааби д̣̇звад̇аа;
Tāvatiṃsā ca yāmā ca, tusitā cāpi devatā;
ниммаанарад̇ино д̣̇зваа, яз д̣̇зваа васавад̇д̇ино;
Nimmānaratino devā, ye devā vasavattino;
уд̣̇аг̇г̇ажид̇д̇аа суманаа, бассанд̇и логанааяагам̣.
Udaggacittā sumanā, passanti lokanāyakaṃ.
20.
20.
сад̣̇зваг̇анд̇хаб̣б̣амануссарагкасаа, нааг̇аа субан̣н̣аа ат̇а вааби гиннараа;
Sadevagandhabbamanussarakkhasā, nāgā supaṇṇā atha vāpi kinnarā;
бассанд̇и д̇ам̣ логахид̇аанугамбагам̣, набхзва ажжуг̇г̇ад̇ажанд̣̇аман̣д̣алам̣.
Passanti taṃ lokahitānukampakaṃ, nabheva accuggatacandamaṇḍalaṃ.
21.
21.
аабхассараа субхагин̣хаа, взхабпалаа аганидтаа жа д̣̇звад̇аа;
Ābhassarā subhakiṇhā, vehapphalā akaniṭṭhā ca devatā;
сусуд̣̇д̇хасуггавад̇т̇авасанаа, д̇идтанд̇и бан̃ж̇алийгад̇аа.
Susuddhasukkavatthavasanā, tiṭṭhanti pañjalīkatā.
22.
22.
мун̃жанд̇и бубпам̣ бана бан̃жаван̣н̣игам̣, манд̣̇ааравам̣ жанд̣̇анажун̣н̣амиссид̇ам̣;
Muñcanti pupphaṃ pana pañcavaṇṇikaṃ, mandāravaṃ candanacuṇṇamissitaṃ;
бхамзнд̇и жзлаани жа амб̣арз д̇ад̣̇аа, ‘‘ахо ж̇ино логахид̇аанугамбаго.
Bhamenti celāni ca ambare tadā, ‘‘aho jino lokahitānukampako.
23.
23.
‘‘д̇увам̣ сад̇т̇аа жа гзд̇уу жа, д̇хаж̇о яуубо жа баан̣инам̣;
‘‘Tuvaṃ satthā ca ketū ca, dhajo yūpo ca pāṇinaṃ;
барааяано бад̇идтаа жа, д̣̇ийбо жа д̣̇вибад̣̇уд̇д̇амо 7.
Parāyano patiṭṭhā ca, dīpo ca dvipaduttamo 8.
24.
24.
‘‘д̣̇асасахассийлогад̇хаад̇уяаа, д̣̇звад̇ааяо махид̣̇д̇хигаа;
‘‘Dasasahassīlokadhātuyā, devatāyo mahiddhikā;
бариваарзд̇ваа намассанд̇и, д̇удтахадтаа бамод̣̇ид̇аа.
Parivāretvā namassanti, tuṭṭhahaṭṭhā pamoditā.
25.
25.
‘‘д̣̇звад̇аа д̣̇зваган̃н̃аа жа, басаннаа д̇удтамаанасаа;
‘‘Devatā devakaññā ca, pasannā tuṭṭhamānasā;
бан̃жаван̣н̣игабубпзхи, бууж̇аяанд̇и нараасабхам̣.
Pañcavaṇṇikapupphehi, pūjayanti narāsabhaṃ.
26.
26.
‘‘бассанд̇и д̇ам̣ д̣̇звасан̇гхаа, басаннаа д̇удтамаанасаа;
‘‘Passanti taṃ devasaṅghā, pasannā tuṭṭhamānasā;
бан̃жаван̣н̣игабубпзхи, бууж̇аяанд̇и нараасабхам̣.
Pañcavaṇṇikapupphehi, pūjayanti narāsabhaṃ.
27.
27.
‘‘ахо ажчарияам̣ логз, аб̣бхуд̇ам̣ ломахам̣санам̣;
‘‘Aho acchariyaṃ loke, abbhutaṃ lomahaṃsanaṃ;
на мзд̣̇исам̣ бхууд̇абуб̣б̣ам̣, ажчзрам̣ ломахам̣санам̣’’.
Na medisaṃ bhūtapubbaṃ, accheraṃ lomahaṃsanaṃ’’.
28.
28.
сагасагамхи бхаванз, нисийд̣̇ид̇ваана д̣̇звад̇аа;
Sakasakamhi bhavane, nisīditvāna devatā;
хасанд̇и д̇аа махаахасид̇ам̣, д̣̇исваанажчзрагам̣ набхз.
Hasanti tā mahāhasitaṃ, disvānaccherakaṃ nabhe.
29.
29.
аагаасадтаа жа бхуумадтаа, д̇ин̣абант̇аниваасино;
Ākāsaṭṭhā ca bhūmaṭṭhā, tiṇapanthanivāsino;
гад̇ан̃ж̇алий намассанд̇и, д̇удтахадтаа бамод̣̇ид̇аа.
Katañjalī namassanti, tuṭṭhahaṭṭhā pamoditā.
30.
30.
язби д̣̇ийгхааяугаа нааг̇аа, бун̃н̃аванд̇о махид̣̇д̇хигаа;
Yepi dīghāyukā nāgā, puññavanto mahiddhikā;
бамод̣̇ид̇аа намассанд̇и, бууж̇аяанд̇и наруд̇д̇амам̣.
Pamoditā namassanti, pūjayanti naruttamaṃ.
31.
31.
сан̇г̇ийд̇ияо бавад̇д̇знд̇и, амб̣арз анилан̃ж̇асз;
Saṅgītiyo pavattenti, ambare anilañjase;
жамманад̣̇д̇хаани ваад̣̇знд̇и, д̣̇исваанажчзрагам̣ набхз.
Cammanaddhāni vādenti, disvānaccherakaṃ nabhe.
32.
32.
сан̇каа жа бан̣аваа жзва, ат̇оби д̣ин̣д̣имаа 9 б̣ахуу;
Saṅkhā ca paṇavā ceva, athopi ḍiṇḍimā 10 bahū;
анд̇алигкасмим̣ важ̇ж̇анд̇и, д̣̇исваанажчзрагам̣ набхз.
Antalikkhasmiṃ vajjanti, disvānaccherakaṃ nabhe.
33.
33.
аб̣бхуд̇о вад̇а но аж̇ж̇а, уббаж̇ж̇и ломахам̣сано;
Abbhuto vata no ajja, uppajji lomahaṃsano;
д̇хувамад̇т̇асид̣̇д̇хим̣ лабхаама, кан̣о но бадибаад̣̇ид̇о.
Dhuvamatthasiddhiṃ labhāma, khaṇo no paṭipādito.
34.
34.
б̣уд̣̇д̇ход̇и д̇зсам̣ суд̇ваана, бийд̇и уббаж̇ж̇и д̇аавад̣̇з;
Buddhoti tesaṃ sutvāna, pīti uppajji tāvade;
б̣уд̣̇д̇хо б̣уд̣̇д̇ход̇и гат̇аяанд̇аа, д̇идтанд̇и бан̃ж̇алийгад̇аа.
Buddho buddhoti kathayantā, tiṭṭhanti pañjalīkatā.
35.
35.
баж̇аа жа вивид̇хаа г̇аг̇анз, вад̇д̇знд̇и бан̃ж̇алийгад̇аа.
Pajā ca vividhā gagane, vattenti pañjalīkatā.
36.
36.
г̇ааяанд̇и сзл̣знд̇и жа ваад̣̇аяанд̇и жа, бхуж̇аани бот̇знд̇и жа нажжаяанд̇и жа;
Gāyanti seḷenti ca vādayanti ca, bhujāni pothenti ca naccayanti ca;
мун̃жанд̇и бубпам̣ бана бан̃жаван̣н̣игам̣, манд̣̇ааравам̣ жанд̣̇анажун̣н̣амиссид̇ам̣.
Muñcanti pupphaṃ pana pañcavaṇṇikaṃ, mandāravaṃ candanacuṇṇamissitaṃ.
37.
37.
‘‘яат̇аа д̇уяхам̣ махаавийра, баад̣̇зсу жаггалагкан̣ам̣;
‘‘Yathā tuyhaṃ mahāvīra, pādesu cakkalakkhaṇaṃ;
д̇хаж̇аваж̇ирабадаагаа, вад̣дхамаанан̇гусаажид̇ам̣.
Dhajavajirapaṭākā, vaḍḍhamānaṅkusācitaṃ.
38.
38.
‘‘руубз сийлз самаад̇химхи, бан̃н̃ааяа жа асаад̣̇исо;
‘‘Rūpe sīle samādhimhi, paññāya ca asādiso;
вимуд̇д̇ияаа асамасамо, д̇хаммажаггаббавад̇д̇анз.
Vimuttiyā asamasamo, dhammacakkappavattane.
39.
39.
‘‘д̣̇асанааг̇аб̣алам̣ гааяз, д̇уяхам̣ баагад̇игам̣ б̣алам̣;
‘‘Dasanāgabalaṃ kāye, tuyhaṃ pākatikaṃ balaṃ;
ид̣̇д̇хиб̣алзна асамо, д̇хаммажаггаббавад̇д̇анз.
Iddhibalena asamo, dhammacakkappavattane.
40.
40.
‘‘звам̣ саб̣б̣аг̇ун̣уубзд̇ам̣, саб̣б̣ан̇г̇асамубааг̇ад̇ам̣;
‘‘Evaṃ sabbaguṇūpetaṃ, sabbaṅgasamupāgataṃ;
махаамуним̣ гаарун̣игам̣, логанаат̇ам̣ намассат̇а.
Mahāmuniṃ kāruṇikaṃ, lokanāthaṃ namassatha.
41.
41.
‘‘абхиваад̣̇анам̣ т̇оманан̃жа, ванд̣̇анан̃жа басам̣санам̣;
‘‘Abhivādanaṃ thomanañca, vandanañca pasaṃsanaṃ;
намассанан̃жа бууж̇ан̃жа, саб̣б̣ам̣ арахасий д̇увам̣.
Namassanañca pūjañca, sabbaṃ arahasī tuvaṃ.
42.
42.
‘‘яз гзжи логз ванд̣̇анзяяаа, ванд̣̇анам̣ араханд̇и яз;
‘‘Ye keci loke vandaneyyā, vandanaṃ arahanti ye;
саб̣б̣асздто махаавийра, сад̣̇исо д̇з на виж̇ж̇ад̇и.
Sabbaseṭṭho mahāvīra, sadiso te na vijjati.
43.
43.
‘‘саарибуд̇д̇о махаабан̃н̃о, самаад̇хиж̇жхаанаговид̣̇о;
‘‘Sāriputto mahāpañño, samādhijjhānakovido;
г̇иж̇жхагуудз тид̇оязва, бассад̇и логанааяагам̣.
Gijjhakūṭe ṭhitoyeva, passati lokanāyakaṃ.
44.
44.
‘‘супуллам̣ сааларааж̇ам̣ва, жанд̣̇ам̣ва г̇аг̇анз яат̇аа;
‘‘Suphullaṃ sālarājaṃva, candaṃva gagane yathā;
45.
45.
‘‘ж̇аланд̇ам̣ д̣̇ийбаругкам̣ва, д̇арун̣асуурияам̣ва уг̇г̇ад̇ам̣;
‘‘Jalantaṃ dīparukkhaṃva, taruṇasūriyaṃva uggataṃ;
б̣яаамаббабхаануран̃ж̇ид̇ам̣, д̇хийрам̣ бассад̇и логанааяагам̣.
Byāmappabhānurañjitaṃ, dhīraṃ passati lokanāyakaṃ.
46.
46.
‘‘бан̃жаннам̣ бхигкусад̇аанам̣, гад̇агижжаана д̇аад̣̇инам̣;
‘‘Pañcannaṃ bhikkhusatānaṃ, katakiccāna tādinaṃ;
кийн̣аасаваанам̣ вималаанам̣, кан̣зна саннибаад̇аяи.
Khīṇāsavānaṃ vimalānaṃ, khaṇena sannipātayi.
47.
47.
‘‘логаббасаад̣̇анам̣ наама, баадихийрам̣ нид̣̇ассаяи;
‘‘Lokappasādanaṃ nāma, pāṭihīraṃ nidassayi;
амхзби д̇ад̇т̇а г̇анд̇ваана, ванд̣̇иссаама маяам̣ ж̇инам̣.
Amhepi tattha gantvāna, vandissāma mayaṃ jinaṃ.
48.
48.
‘‘зт̇а саб̣б̣з г̇амиссаама, бужчиссаама маяам̣ ж̇инам̣;
‘‘Etha sabbe gamissāma, pucchissāma mayaṃ jinaṃ;
ган̇кам̣ винод̣̇аяиссаама, бассид̇ваа логанааяагам̣’’.
Kaṅkhaṃ vinodayissāma, passitvā lokanāyakaṃ’’.
49.
49.
саад̇хууд̇и д̇з бадиссуд̇ваа, нибагаа сам̣вуд̇инд̣̇рияаа;
Sādhūti te paṭissutvā, nipakā saṃvutindriyā;
бад̇д̇ажийварамаад̣̇ааяа, д̇арамаанаа убааг̇амум̣.
Pattacīvaramādāya, taramānā upāgamuṃ.
50.
50.
кийн̣аасавзхи вималзхи, д̣̇анд̇зхи уд̇д̇амз д̣̇амз;
Khīṇāsavehi vimalehi, dantehi uttame dame;
саарибуд̇д̇о махаабан̃н̃о, ид̣̇д̇хияаа убасан̇гами.
Sāriputto mahāpañño, iddhiyā upasaṅkami.
51.
51.
д̇зхи бхигкуухи баривуд̇о, саарибуд̇д̇о махааг̇ан̣ий;
Tehi bhikkhūhi parivuto, sāriputto mahāgaṇī;
лал̣анд̇о д̣̇звова г̇аг̇анз, ид̣̇д̇хияаа убасан̇гами.
Laḷanto devova gagane, iddhiyā upasaṅkami.
52.
52.
уггаасид̇ан̃жа кибид̇ам̣ 17, аж̇жхубзгкияа суб̣б̣ад̇аа;
Ukkāsitañca khipitaṃ 18, ajjhupekkhiya subbatā;
саг̇аараваа саббад̇иссаа, самб̣уд̣̇д̇хам̣ убасан̇гамум̣.
Sagāravā sappatissā, sambuddhaṃ upasaṅkamuṃ.
53.
53.
убасан̇гамид̇ваа бассанд̇и, саяамбхум̣ логанааяагам̣;
Upasaṅkamitvā passanti, sayambhuṃ lokanāyakaṃ;
набхз ажжуг̇г̇ад̇ам̣ д̇хийрам̣, жанд̣̇ам̣ва г̇аг̇анз яат̇аа.
Nabhe accuggataṃ dhīraṃ, candaṃva gagane yathā.
54.
54.
ж̇аланд̇ам̣ д̣̇ийбаругкам̣ва, виж̇ж̇ум̣ва г̇аг̇анз яат̇аа;
Jalantaṃ dīparukkhaṃva, vijjuṃva gagane yathā;
маж̇жханхигзва суурияам̣, бассанд̇и логанааяагам̣.
Majjhanhikeva sūriyaṃ, passanti lokanāyakaṃ.
55.
55.
бан̃жабхигкусад̇аа саб̣б̣з, бассанд̇и логанааяагам̣;
Pañcabhikkhusatā sabbe, passanti lokanāyakaṃ;
рахад̣̇амива виббасаннам̣, супуллам̣ бад̣̇умам̣ яат̇аа.
Rahadamiva vippasannaṃ, suphullaṃ padumaṃ yathā.
56.
56.
ан̃ж̇алим̣ баг̇г̇ахзд̇ваана, д̇удтахадтаа бамод̣̇ид̇аа;
Añjaliṃ paggahetvāna, tuṭṭhahaṭṭhā pamoditā;
намассамаанаа нибад̇анд̇и, сад̇т̇уно жаггалагкан̣з.
Namassamānā nipatanti, satthuno cakkalakkhaṇe.
57.
57.
саарибуд̇д̇о махаабан̃н̃о, горан̣д̣асамасаад̣̇исо;
Sāriputto mahāpañño, koraṇḍasamasādiso;
самаад̇хиж̇жхаанагусало, ванд̣̇ад̇з логанааяагам̣.
Samādhijjhānakusalo, vandate lokanāyakaṃ.
58.
58.
г̇аж̇ж̇ид̇аа гааламзгхова, нийлуббаласамасаад̣̇исо;
Gajjitā kālameghova, nīluppalasamasādiso;
ид̣̇д̇хиб̣алзна асамо, мог̇г̇аллаано махид̣̇д̇хиго.
Iddhibalena asamo, moggallāno mahiddhiko.
59.
59.
махаагассабоби жа т̇зро, уд̇д̇ад̇д̇аганагасаннибхо;
Mahākassapopi ca thero, uttattakanakasannibho;
д̇худ̇аг̇ун̣з аг̇г̇анигкид̇д̇о, т̇омид̇о сад̇т̇уван̣н̣ид̇о.
Dhutaguṇe agganikkhitto, thomito satthuvaṇṇito.
60.
60.
д̣̇иб̣б̣ажагкуунам̣ яо аг̇г̇о, ануруд̣̇д̇хо махааг̇ан̣ий;
Dibbacakkhūnaṃ yo aggo, anuruddho mahāgaṇī;
н̃аад̇исздто бхаг̇авад̇о, авид̣̇уурзва д̇идтад̇и.
Ñātiseṭṭho bhagavato, avidūreva tiṭṭhati.
61.
61.
аабад̇д̇ианаабад̇д̇ияаа , сад̇згижчааяа говид̣̇о;
Āpattianāpattiyā , satekicchāya kovido;
винаяз аг̇г̇анигкид̇д̇о, убаали сад̇т̇уван̣н̣ид̇о.
Vinaye agganikkhitto, upāli satthuvaṇṇito.
62.
62.
сукуманибун̣ад̇т̇абадивид̣̇д̇хо, гат̇игаанам̣ баваро г̇ан̣ий;
Sukhumanipuṇatthapaṭividdho, kathikānaṃ pavaro gaṇī;
иси манд̇аанияаа буд̇д̇о, бун̣н̣о наамаад̇и виссуд̇о.
Isi mantāniyā putto, puṇṇo nāmāti vissuto.
63.
63.
зд̇зсам̣ жид̇д̇аман̃н̃ааяа, обаммагусало муни;
Etesaṃ cittamaññāya, opammakusalo muni;
ган̇кажчзд̣̇о махаавийро, гат̇зси ад̇д̇ано г̇ун̣ам̣.
Kaṅkhacchedo mahāvīro, kathesi attano guṇaṃ.
64.
64.
‘‘жад̇д̇ааро д̇з асан̇кзяяаа, годи язсам̣ на нааяад̇и;
‘‘Cattāro te asaṅkheyyā, koṭi yesaṃ na nāyati;
сад̇д̇агааяо жа аагаасо, жаггаваал̣аа жананд̇агаа;
Sattakāyo ca ākāso, cakkavāḷā canantakā;
б̣уд̣̇д̇хан̃аан̣ам̣ аббамзяяам̣, на саггаа зд̇з виж̇аанид̇ум̣.
Buddhañāṇaṃ appameyyaṃ, na sakkā ete vijānituṃ.
65.
65.
‘‘гимзд̇ам̣ ажчарияам̣ логз, яам̣ мз ид̣̇д̇хивигуб̣б̣анам̣;
‘‘Kimetaṃ acchariyaṃ loke, yaṃ me iddhivikubbanaṃ;
ан̃н̃з б̣ахуу ажчарияаа, аб̣бхуд̇аа ломахам̣санаа.
Aññe bahū acchariyā, abbhutā lomahaṃsanā.
66.
66.
‘‘яад̣̇аахам̣ д̇усид̇з гааяз, санд̇усид̇о наамахам̣ д̇ад̣̇аа;
‘‘Yadāhaṃ tusite kāye, santusito nāmahaṃ tadā;
д̣̇асасахассий самааг̇амма, яаажанд̇и бан̃ж̇алий мамам̣.
Dasasahassī samāgamma, yācanti pañjalī mamaṃ.
67.
67.
‘‘‘гаало ко д̇з 19 махаавийра, уббаж̇ж̇а маад̇угужчияам̣;
‘‘‘Kālo kho te 20 mahāvīra, uppajja mātukucchiyaṃ;
сад̣̇звагам̣ д̇аараяанд̇о, б̣уж̇жхассу амад̇ам̣ бад̣̇ам̣’.
Sadevakaṃ tārayanto, bujjhassu amataṃ padaṃ’.
68.
68.
‘‘д̇усид̇аа гааяаа жавид̇ваана, яад̣̇аа оггами гужчияам̣;
‘‘Tusitā kāyā cavitvāna, yadā okkami kucchiyaṃ;
д̣̇асасахассийлогад̇хаад̇у, гамбид̇т̇а д̇харан̣ий д̇ад̣̇аа.
Dasasahassīlokadhātu, kampittha dharaṇī tadā.
69.
69.
‘‘яад̣̇аахам̣ маад̇угужчид̇о, самбаж̇аанова нигкамим̣;
‘‘Yadāhaṃ mātukucchito, sampajānova nikkhamiṃ;
саад̇хугаарам̣ бавад̇д̇знд̇и, д̣̇асасахассий багамбат̇а.
Sādhukāraṃ pavattenti, dasasahassī pakampatha.
70.
70.
‘‘огганд̇им̣ мз само над̇т̇и, ж̇аад̇ид̇о абхинигкамз;
‘‘Okkantiṃ me samo natthi, jātito abhinikkhame;
самб̣од̇хияам̣ ахам̣ сздто, д̇хаммажаггаббавад̇д̇анз.
Sambodhiyaṃ ahaṃ seṭṭho, dhammacakkappavattane.
71.
71.
‘‘ахо ажчарияам̣ логз, б̣уд̣̇д̇хаанам̣ г̇ун̣амаханд̇ад̇аа;
‘‘Aho acchariyaṃ loke, buddhānaṃ guṇamahantatā;
д̣̇асасахассийлогад̇хаад̇у, чаббагаарам̣ багамбат̇а;
Dasasahassīlokadhātu, chappakāraṃ pakampatha;
обхаасо жа махаа ааси, ажчзрам̣ ломахам̣санам̣’’.
Obhāso ca mahā āsi, accheraṃ lomahaṃsanaṃ’’.
72.
72.
сад̣̇звагам̣ д̣̇ассаяанд̇о, ид̣̇д̇хияаа жан̇гамий ж̇ино.
Sadevakaṃ dassayanto, iddhiyā caṅkamī jino.
73.
73.
жан̇гамз жан̇гаманд̇ова, гат̇зси логанааяаго;
Caṅkame caṅkamantova, kathesi lokanāyako;
анд̇араа на нивад̇д̇зд̇и, жад̇ухад̇т̇з жан̇гамз яат̇аа.
Antarā na nivatteti, catuhatthe caṅkame yathā.
74.
74.
саарибуд̇д̇о махаабан̃н̃о, самаад̇хиж̇жхаанаговид̣̇о;
Sāriputto mahāpañño, samādhijjhānakovido;
бан̃н̃ааяа баарамиббад̇д̇о, бужчад̇и логанааяагам̣.
Paññāya pāramippatto, pucchati lokanāyakaṃ.
75.
75.
‘‘гийд̣̇исо д̇з махаавийра, абхинийхааро наруд̇д̇ама;
‘‘Kīdiso te mahāvīra, abhinīhāro naruttama;
гамхи гаалз д̇аяаа д̇хийра, бад̇т̇ид̇аа б̣од̇химуд̇д̇амаа.
Kamhi kāle tayā dhīra, patthitā bodhimuttamā.
76.
76.
‘‘д̣̇аанам̣ сийлан̃жа нзгкаммам̣, бан̃н̃аавийрияан̃жа гийд̣̇исам̣;
‘‘Dānaṃ sīlañca nekkhammaṃ, paññāvīriyañca kīdisaṃ;
канд̇исажжамад̇хидтаанам̣, мзд̇д̇убзгкаа жа гийд̣̇исаа.
Khantisaccamadhiṭṭhānaṃ, mettupekkhā ca kīdisā.
77.
77.
‘‘д̣̇аса баарамий д̇аяаа д̇хийра, гийд̣̇исий логанааяага;
‘‘Dasa pāramī tayā dhīra, kīdisī lokanāyaka;
гат̇ам̣ убабаарамий бун̣н̣аа, барамад̇т̇абаарамий гат̇ам̣’’.
Kathaṃ upapāramī puṇṇā, paramatthapāramī kathaṃ’’.
78.
78.
д̇асса будто вияаагааси, гаравийгамад̇хураг̇иро;
Tassa puṭṭho viyākāsi, karavīkamadhuragiro;
ниб̣б̣аабаяанд̇о хад̣̇аяам̣, хаасаяанд̇о сад̣̇звагам̣.
Nibbāpayanto hadayaṃ, hāsayanto sadevakaṃ.
79.
79.
ад̇ийд̇аб̣уд̣̇д̇хаанам̣ ж̇инаанам̣ д̣̇зсид̇ам̣, нигийлид̇ам̣ 23 б̣уд̣̇д̇хабарамбарааг̇ад̇ам̣;
Atītabuddhānaṃ jinānaṃ desitaṃ, nikīlitaṃ 24 buddhaparamparāgataṃ;
буб̣б̣зниваасаануг̇ад̇ааяа б̣уд̣̇д̇хияаа, багаасаяий логахид̇ам̣ сад̣̇звагз.
Pubbenivāsānugatāya buddhiyā, pakāsayī lokahitaṃ sadevake.
80.
80.
‘‘бийд̇ибаамож̇ж̇аж̇ананам̣, согасаллавинод̣̇анам̣;
‘‘Pītipāmojjajananaṃ, sokasallavinodanaṃ;
саб̣б̣асамбад̇д̇ибадилаабхам̣, жид̇д̇ийгад̇ваа сун̣аат̇а мз.
Sabbasampattipaṭilābhaṃ, cittīkatvā suṇātha me.
81.
81.
‘‘мад̣̇аниммад̣̇анам̣ согануд̣̇ам̣, сам̣саарабариможанам̣;
‘‘Madanimmadanaṃ sokanudaṃ, saṃsāraparimocanaṃ;
саб̣б̣ад̣̇угкагкаяам̣ маг̇г̇ам̣, саггажжам̣ бадибаж̇ж̇ат̇аа’’д̇и.
Sabbadukkhakkhayaṃ maggaṃ, sakkaccaṃ paṭipajjathā’’ti.
рад̇анажан̇гаманаган̣д̣о нидтид̇о.
Ratanacaṅkamanakaṇḍo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 1. рад̇анажан̇гаманаган̣д̣аван̣н̣анаа • 1. Ratanacaṅkamanakaṇḍavaṇṇanā
