Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā

    намо д̇асса бхаг̇авад̇о арахад̇о саммаасамб̣уд̣̇д̇хасса

    Namo tassa bhagavato arahato sammāsambuddhassa

    куд̣̇д̣̇аганигааяз

    Khuddakanikāye

    б̣уд̣̇д̇хавам̣са-адтагат̇аа

    Buddhavaṃsa-aṭṭhakathā

    г̇ант̇аарамбхагат̇аа

    Ganthārambhakathā

    ананд̇ан̃аан̣ам̣ гарун̣аалаяам̣ лаяам̣, маласса б̣уд̣̇д̇хам̣ сусамаахид̇ам̣ хид̇ам̣;

    Anantañāṇaṃ karuṇālayaṃ layaṃ, malassa buddhaṃ susamāhitaṃ hitaṃ;

    намаами д̇хаммам̣ бхавасам̣варам̣ варам̣, г̇ун̣аагаран̃жзва ниран̇г̇ан̣ам̣ г̇ан̣ам̣.

    Namāmi dhammaṃ bhavasaṃvaraṃ varaṃ, guṇākarañceva niraṅgaṇaṃ gaṇaṃ.

    бан̃н̃ааяа сздто ж̇инасаавагаанам̣, яам̣ д̇хаммасзнаабад̇и д̇хаммарааж̇ам̣;

    Paññāya seṭṭho jinasāvakānaṃ, yaṃ dhammasenāpati dhammarājaṃ;

    абужчи сад̇т̇аарамабаарабаараг̇ум̣, ниран̇г̇ан̣ам̣ н̃аад̇иг̇ан̣асса маж̇жхз.

    Apucchi satthāramapārapāraguṃ, niraṅgaṇaṃ ñātigaṇassa majjhe.

    суб̣уд̣̇д̇хавам̣сзнид̇ха б̣уд̣̇д̇хавам̣со, висуд̣̇д̇хавам̣сзна винааяагзна;

    Subuddhavaṃsenidha buddhavaṃso, visuddhavaṃsena vināyakena;

    хад̇аавагаасзна багаасид̇о яо, самаад̇хиваасзна д̇ат̇ааг̇ад̇зна.

    Hatāvakāsena pakāsito yo, samādhivāsena tathāgatena.

    яааваж̇ж̇агаалаа авинаасаяанд̇аа, баал̣иггаман̃жзва жа баал̣ияад̇т̇ам̣;

    Yāvajjakālā avināsayantā, pāḷikkamañceva ca pāḷiyatthaṃ;

    гат̇аанусанд̇хим̣ суг̇ад̇асса буд̇д̇аа, яат̇аасуд̇ам̣язва самаахарим̣су.

    Kathānusandhiṃ sugatassa puttā, yathāsutaṃyeva samāhariṃsu.

    д̇ассзва самб̣уд̣̇д̇хаваранваяасса, сад̣̇аа ж̇анаанам̣ саванаамад̇асса;

    Tasseva sambuddhavaranvayassa, sadā janānaṃ savanāmatassa;

    басаад̣̇абан̃н̃ааж̇ананасса яасмаа, сам̣ван̣н̣анаануггамад̇о бавад̇д̇аа.

    Pasādapaññājananassa yasmā, saṃvaṇṇanānukkamato pavattā.

    саггажжасад̣̇д̇хаммарад̇зна б̣уд̣̇д̇хасийхзна сийлаад̣̇иг̇ун̣од̣̇ид̇зна;

    Sakkaccasaddhammaratena buddhasīhena sīlādiguṇoditena;

    ааяаажид̇охам̣ сужирамби гаалам̣, д̇асмаасса сам̣ван̣н̣анамаарабхиссам̣.

    Āyācitohaṃ sucirampi kālaṃ, tasmāssa saṃvaṇṇanamārabhissaṃ.

    сад̣̇аа ж̇анаанам̣ галинаасанасса, жирадтид̇ад̇т̇ам̣ ж̇инасаасанасса;

    Sadā janānaṃ kalināsanassa, ciraṭṭhitatthaṃ jinasāsanassa;

    мамааби бун̃н̃од̣̇аяавуд̣̇д̇хияад̇т̇ам̣, басаад̣̇анад̇т̇ан̃жа махааж̇анасса.

    Mamāpi puññodayavuddhiyatthaṃ, pasādanatthañca mahājanassa.

    махаавихаарааг̇ад̇абаал̣имаг̇г̇асанниссид̇аа сан̇гарад̣̇осахийнаа;

    Mahāvihārāgatapāḷimaggasannissitā saṅkaradosahīnā;

    самаасад̇ояам̣ бана б̣уд̣̇д̇хавам̣сасам̣ван̣н̣анаа хзссад̇и саарабхууд̇аа.

    Samāsatoyaṃ pana buddhavaṃsasaṃvaṇṇanā hessati sārabhūtā.

    сод̇аб̣б̣аруубам̣ бана б̣уд̣̇д̇хавам̣сагат̇ааяа ан̃н̃ам̣ ид̇ха над̇т̇и яасмаа;

    Sotabbarūpaṃ pana buddhavaṃsakathāya aññaṃ idha natthi yasmā;

    басаад̣̇анам̣ б̣уд̣̇д̇хаг̇ун̣з рад̇аанам̣, бавааханам̣ баабамахаамаласса.

    Pasādanaṃ buddhaguṇe ratānaṃ, pavāhanaṃ pāpamahāmalassa.

    д̇асмаа хи саггажжасамаад̇хияуд̇д̇аа, вихааяа вигкзбаманан̃н̃ажид̇д̇аа;

    Tasmā hi sakkaccasamādhiyuttā, vihāya vikkhepamanaññacittā;

    сам̣ван̣н̣анам̣ ван̣н̣аяад̇о суван̣н̣ам̣, нид̇хааяа ган̣н̣ам̣ мад̇хурам̣ сун̣аат̇а.

    Saṃvaṇṇanaṃ vaṇṇayato suvaṇṇaṃ, nidhāya kaṇṇaṃ madhuraṃ suṇātha.

    саб̣б̣амби хид̇ваа бана гижжаман̃н̃ам̣, саггажжа мажжзнид̇ха нижжагаалам̣;

    Sabbampi hitvā pana kiccamaññaṃ, sakkacca maccenidha niccakālaṃ;

    сод̇ум̣ гат̇зд̇умби б̣уд̇хзна яуд̇д̇аа, гат̇аа банааяам̣ ад̇ид̣̇уллабхаад̇и.

    Sotuṃ kathetumpi budhena yuttā, kathā panāyaṃ atidullabhāti.

    д̇ад̇т̇а ‘‘б̣уд̣̇д̇хавам̣сасам̣ван̣н̣анаа хзссад̇и саарабхууд̇аа’’д̇и вуд̇д̇ад̇д̇аа б̣уд̣̇д̇хавам̣со д̇аава вавад̇т̇абзд̇аб̣б̣о. д̇ад̇рид̣̇ам̣ вавад̇т̇аанам̣ – ид̇о хздтаа габбасад̇асахассаад̇хигзсу жад̇уусу асан̇кязяязсу уббаннаанам̣ бан̃жавийсад̇ияаа б̣уд̣̇д̇хаанам̣ уббаннагаббаад̣̇ибарижчзд̣̇авасзна бавзн̣ивид̇т̇аарагат̇аа ‘‘б̣уд̣̇д̇хавам̣со наамаа’’д̇и взд̣̇ид̇аб̣б̣о.

    Tattha ‘‘buddhavaṃsasaṃvaṇṇanā hessati sārabhūtā’’ti vuttattā buddhavaṃso tāva vavatthapetabbo. Tatridaṃ vavatthānaṃ – ito heṭṭhā kappasatasahassādhikesu catūsu asaṅkhyeyyesu uppannānaṃ pañcavīsatiyā buddhānaṃ uppannakappādiparicchedavasena paveṇivitthārakathā ‘‘buddhavaṃso nāmā’’ti veditabbo.

    свааяам̣ габбабарижчзд̣̇о наамабарижчзд̣̇о г̇од̇д̇абарижчзд̣̇о ж̇аад̇ибарижчзд̣̇о наг̇арабарижчзд̣̇о бид̇убарижчзд̣̇о маад̇убарижчзд̣̇о б̣од̇хиругкабарижчзд̣̇о д̇хаммажаггаббавад̇д̇анабарижчзд̣̇о абхисамаяабарижчзд̣̇о саавагасаннибаад̇абарижчзд̣̇о аг̇г̇асаавагабарижчзд̣̇о убадтаагабарижчзд̣̇о аг̇г̇асаавигаабарижчзд̣̇о бариваарабхигкубарижчзд̣̇о рам̣сибарижчзд̣̇о сарийраббамаан̣абарижчзд̣̇о б̣од̇хисад̇д̇аад̇хигаарабарижчзд̣̇о б̣яаагаран̣абарижчзд̣̇о б̣од̇хисад̇д̇абад̇хаанабарижчзд̣̇о ааяубарижчзд̣̇о бариниб̣б̣аанабарижчзд̣̇од̇и имзхи баал̣ияаа ааг̇ад̇зхи б̣аавийсад̇ияаа барижчзд̣̇зхи барижчинно вавад̇т̇ид̇о.

    Svāyaṃ kappaparicchedo nāmaparicchedo gottaparicchedo jātiparicchedo nagaraparicchedo pituparicchedo mātuparicchedo bodhirukkhaparicchedo dhammacakkappavattanaparicchedo abhisamayaparicchedo sāvakasannipātaparicchedo aggasāvakaparicchedo upaṭṭhākaparicchedo aggasāvikāparicchedo parivārabhikkhuparicchedo raṃsiparicchedo sarīrappamāṇaparicchedo bodhisattādhikāraparicchedo byākaraṇaparicchedo bodhisattapadhānaparicchedo āyuparicchedo parinibbānaparicchedoti imehi pāḷiyā āgatehi bāvīsatiyā paricchedehi paricchinno vavatthito.

    баал̣ианаарул̣хо бана самб̣ахулавааробзд̇т̇а аанзд̇аб̣б̣о. со аг̇аараваасабарижчзд̣̇о баасаад̣̇ад̇д̇аяабарижчзд̣̇о наадагид̇т̇ибарижчзд̣̇о аг̇г̇амахзсибарижчзд̣̇о буд̇д̇абарижчзд̣̇о яаанабарижчзд̣̇о абхинигкаманабарижчзд̣̇о бад̇хаанабарижчзд̣̇о убадтаагабарижчзд̣̇о вихаарабарижчзд̣̇од̇и д̣̇асад̇хаа вавад̇т̇ид̇о ход̇и.

    Pāḷianāruḷho pana sambahulavāropettha ānetabbo. So agāravāsaparicchedo pāsādattayaparicchedo nāṭakitthiparicchedo aggamahesiparicchedo puttaparicchedo yānaparicchedo abhinikkhamanaparicchedo padhānaparicchedo upaṭṭhākaparicchedo vihāraparicchedoti dasadhā vavatthito hoti.

    д̇ам̣ самб̣ахулаваарамби, яат̇аадтаанз маяам̣ бана;

    Taṃ sambahulavārampi, yathāṭṭhāne mayaṃ pana;

    д̣̇ассзд̇ваава г̇амиссаама, д̇ад̇т̇а д̇ад̇т̇а самаасад̇о.

    Dassetvāva gamissāma, tattha tattha samāsato.

    со звам̣ вавад̇т̇ид̇о бана –

    So evaṃ vavatthito pana –

    гзнааяам̣ д̣̇зсид̇о гад̇т̇а, гассад̇т̇ааяа жа д̣̇зсид̇о;

    Kenāyaṃ desito kattha, kassatthāya ca desito;

    гимад̇т̇ааяа гад̣̇аа гасса, важанам̣ гзна жаабхад̇о.

    Kimatthāya kadā kassa, vacanaṃ kena cābhato.

    саб̣б̣амзд̇ам̣ вид̇хим̣ вад̇ваа, буб̣б̣амзва самаасад̇о;

    Sabbametaṃ vidhiṃ vatvā, pubbameva samāsato;

    бажчаахам̣ б̣уд̣̇д̇хавам̣сасса, гариссаамад̇т̇аван̣н̣ананд̇и.

    Pacchāhaṃ buddhavaṃsassa, karissāmatthavaṇṇananti.

    д̇ад̇т̇а гзнааяам̣ д̣̇зсид̇од̇и аяам̣ б̣уд̣̇д̇хавам̣со гзна д̣̇зсид̇о? саб̣б̣ад̇хаммзсу аббадихад̇ан̃аан̣ажаарзна д̣̇асаб̣алзна жад̇увзсаараж̇ж̇ависаарад̣̇зна д̇хаммарааж̇зна д̇хаммассааминаа д̇ат̇ааг̇ад̇зна саб̣б̣ан̃н̃унаа саммаасамб̣уд̣̇д̇хзна д̣̇зсид̇о.

    Tattha kenāyaṃ desitoti ayaṃ buddhavaṃso kena desito? Sabbadhammesu appaṭihatañāṇacārena dasabalena catuvesārajjavisāradena dhammarājena dhammassāminā tathāgatena sabbaññunā sammāsambuddhena desito.

    гад̇т̇а д̣̇зсид̇од̇и? габилавад̇т̇умахаанаг̇арз ниг̇род̇хаараамамахаавихаарз барамаружирасанд̣̇ассанз д̣̇звамануссанаяананибаад̇абхууд̇з рад̇анажан̇гамз жан̇гаманд̇зна д̣̇зсид̇о.

    Kattha desitoti? Kapilavatthumahānagare nigrodhārāmamahāvihāre paramarucirasandassane devamanussanayananipātabhūte ratanacaṅkame caṅkamantena desito.

    гассад̇т̇ааяа жа д̣̇зсид̇од̇и? д̣̇ваасийд̇ияаа н̃аад̇исахассаанам̣ анзгагодийнан̃жа д̣̇звамануссаанам̣ ад̇т̇ааяа д̣̇зсид̇о.

    Kassatthāyaca desitoti? Dvāsītiyā ñātisahassānaṃ anekakoṭīnañca devamanussānaṃ atthāya desito.

    гимад̇т̇ааяа д̣̇зсид̇од̇и? жад̇урогханид̇т̇аран̣ад̇т̇ааяа д̣̇зсид̇о.

    Kimatthāya desitoti? Caturoghanittharaṇatthāya desito.

    гад̣̇аа д̣̇зсид̇од̇и бхаг̇аваа хи батамаб̣од̇хияам̣ вийсад̇ивассаани аниб̣ад̣̇д̇хаваасо худ̇ваа яад̇т̇а яад̇т̇а паасугам̣ ход̇и, д̇ад̇т̇а д̇ад̇т̇зва г̇анд̇ваа васи. гат̇ам̣? батамам̣ вассам̣ исибад̇анз д̇хаммажаггам̣ (сам̣. ни. 5.1081; махаава. 13 аад̣̇аяо; бади. ма. 2.30) бавад̇д̇зд̇ваа адтаараса б̣рахмагодияо амад̇абаанам̣ бааязд̇ваа б̣аараан̣асим̣ убаниссааяа исибад̇анз миг̇ад̣̇ааяз васи. д̣̇уд̇ияам̣ вассам̣ рааж̇аг̇ахам̣ убаниссааяа взл̣уванз махаавихаарз. д̇ад̇ияажад̇уд̇т̇ааниби д̇ад̇т̇зва. бан̃жамам̣ взсаалим̣ убаниссааяа махааванз гуудааг̇аарасаалааяам̣. чадтам̣ магулабаб̣б̣ад̇з. сад̇д̇амам̣ д̇аавад̇им̣сабхаванз. адтамам̣ бхаг̇г̇зсу сам̣сумаараг̇ирим̣ убаниссааяа бхзсагал̣ааванз. навамам̣ госамб̣ияам̣. д̣̇асамам̣ баалилзяяагаванасан̣д̣з. згаад̣̇асамам̣ наал̣ааяам̣ б̣раахман̣аг̇аамз. д̣̇ваад̣̇асамам̣ взран̃ж̇ааяам̣. д̇зрасамам̣ жаалияабаб̣б̣ад̇з. жуд̣̇д̣̇асамам̣ ж̇зд̇аванамахаавихаарз. бан̃жад̣̇асамам̣ габилавад̇т̇умахаанаг̇арз. сол̣асамам̣ аал̣авагам̣ д̣̇амзд̇ваа жад̇ураасийд̇ибаан̣асахассаани амад̇абаанам̣ бааязд̇ваа аал̣авияам̣. сад̇д̇арасамам̣ рааж̇аг̇ахзязва. адтаарасамам̣ жаалияабаб̣б̣ад̇зязва. д̇ат̇аа згуунавийсад̇имам̣ вийсад̇имам̣ бана вассам̣ рааж̇аг̇ахзязва васи. д̇зна вуд̇д̇ам̣ – ‘‘бхаг̇аваа хи батамаб̣од̇хияам̣ вийсад̇ивассаани аниб̣ад̣̇д̇хаваасо худ̇ваа яад̇т̇а яад̇т̇а паасугам̣ ход̇и, д̇ад̇т̇а д̇ад̇т̇зва г̇анд̇ваа васий’’д̇и. д̇ад̇о бадтааяа бана саавад̇т̇им̣язва убаниссааяа ж̇зд̇аванамахаавихаарз жа буб̣б̣аараамз жа д̇хувабарибхог̇авасзна васи.

    Kadā desitoti bhagavā hi paṭhamabodhiyaṃ vīsativassāni anibaddhavāso hutvā yattha yattha phāsukaṃ hoti, tattha tattheva gantvā vasi. Kathaṃ? Paṭhamaṃ vassaṃ isipatane dhammacakkaṃ (saṃ. ni. 5.1081; mahāva. 13 ādayo; paṭi. ma. 2.30) pavattetvā aṭṭhārasa brahmakoṭiyo amatapānaṃ pāyetvā bārāṇasiṃ upanissāya isipatane migadāye vasi. Dutiyaṃ vassaṃ rājagahaṃ upanissāya veḷuvane mahāvihāre. Tatiyacatutthānipi tattheva. Pañcamaṃ vesāliṃ upanissāya mahāvane kūṭāgārasālāyaṃ. Chaṭṭhaṃ makulapabbate. Sattamaṃ tāvatiṃsabhavane. Aṭṭhamaṃ bhaggesu saṃsumāragiriṃ upanissāya bhesakaḷāvane. Navamaṃ kosambiyaṃ. Dasamaṃ pālileyyakavanasaṇḍe. Ekādasamaṃ nāḷāyaṃ brāhmaṇagāme. Dvādasamaṃ verañjāyaṃ. Terasamaṃ cāliyapabbate. Cuddasamaṃ jetavanamahāvihāre. Pañcadasamaṃ kapilavatthumahānagare. Soḷasamaṃ āḷavakaṃ dametvā caturāsītipāṇasahassāni amatapānaṃ pāyetvā āḷaviyaṃ. Sattarasamaṃ rājagaheyeva. Aṭṭhārasamaṃ cāliyapabbateyeva. Tathā ekūnavīsatimaṃ vīsatimaṃ pana vassaṃ rājagaheyeva vasi. Tena vuttaṃ – ‘‘bhagavā hi paṭhamabodhiyaṃ vīsativassāni anibaddhavāso hutvā yattha yattha phāsukaṃ hoti, tattha tattheva gantvā vasī’’ti. Tato paṭṭhāya pana sāvatthiṃyeva upanissāya jetavanamahāvihāre ca pubbārāme ca dhuvaparibhogavasena vasi.

    яад̣̇аа бана сад̇т̇аа б̣уд̣̇д̇хо худ̇ваа б̣аараан̣асияам̣ исибад̇анз миг̇ад̣̇ааяз батамам̣ вассам̣ васид̇ваа вудтавассо баваарзд̇ваа урувзлам̣ г̇анд̇ваа д̇ад̇т̇а д̇аяо маасз васанд̇о д̇збхаад̇игаж̇адилз д̣̇амзд̇ваа бхигкусахассзхи гад̇абаривааро пуссамаасабун̣н̣амааяам̣ рааж̇аг̇ахам̣ г̇анд̇ваа д̣̇вз маасз д̇ад̇т̇зва васи, д̇ад̣̇аа б̣аараан̣асид̇о нигканд̇асса банасса бан̃жа маасаа ж̇аад̇аа. сагало хзманд̇о ад̇игганд̇о. уд̣̇ааяид̇т̇зрасса ааг̇ад̇ад̣̇ивасад̇о сад̇д̇адтад̣̇ивасаа вийд̇ивад̇д̇аа. со бана паг̇г̇унийбун̣н̣амаасияам̣ жинд̇зси – ‘‘ад̇игганд̇о хзманд̇о, васанд̇агаало ануббад̇д̇о, самаяо д̇ат̇ааг̇ад̇асса габилабурам̣ г̇анд̇у’’нд̇и. со звам̣ жинд̇зд̇ваа гуланаг̇араг̇аманад̇т̇ааяа садтимад̇д̇аахи г̇аат̇аахи г̇аманаван̣н̣ам̣ ван̣н̣зси. ат̇а сад̇т̇аа жасса важанам̣ суд̇ваа н̃аад̇исан̇г̇ахам̣ гаад̇угаамо худ̇ваа ан̇г̇амаг̇ад̇хаваасийнам̣ гулабуд̇д̇аанам̣ д̣̇асахи сахассзхи габилавад̇т̇уваасийнам̣ д̣̇асахи сахассзхийд̇и саб̣б̣зхзва вийсад̇ияаа кийн̣аасавасахассзхи баривуд̇о рааж̇аг̇ахад̇о нигкамид̇ваа д̣̇ивасз д̣̇ивасз яож̇анам̣ г̇ажчанд̇о рааж̇аг̇ахад̇о садтияож̇анам̣ габилавад̇т̇убурам̣ д̣̇вийхи маасзхи самбаабун̣ид̇ваа д̇ад̇т̇а н̃аад̇ийнам̣ ванд̣̇аабанад̇т̇ам̣ яамагабаадихаарияам̣ агааси. д̇ад̣̇ааяам̣ б̣уд̣̇д̇хавам̣со д̣̇зсид̇о.

    Yadā pana satthā buddho hutvā bārāṇasiyaṃ isipatane migadāye paṭhamaṃ vassaṃ vasitvā vuṭṭhavasso pavāretvā uruvelaṃ gantvā tattha tayo māse vasanto tebhātikajaṭile dametvā bhikkhusahassehi kataparivāro phussamāsapuṇṇamāyaṃ rājagahaṃ gantvā dve māse tattheva vasi, tadā bārāṇasito nikkhantassa panassa pañca māsā jātā. Sakalo hemanto atikkanto. Udāyittherassa āgatadivasato sattaṭṭhadivasā vītivattā. So pana phaggunīpuṇṇamāsiyaṃ cintesi – ‘‘atikkanto hemanto, vasantakālo anuppatto, samayo tathāgatassa kapilapuraṃ gantu’’nti. So evaṃ cintetvā kulanagaragamanatthāya saṭṭhimattāhi gāthāhi gamanavaṇṇaṃ vaṇṇesi. Atha satthā cassa vacanaṃ sutvā ñātisaṅgahaṃ kātukāmo hutvā aṅgamagadhavāsīnaṃ kulaputtānaṃ dasahi sahassehi kapilavatthuvāsīnaṃ dasahi sahassehīti sabbeheva vīsatiyā khīṇāsavasahassehi parivuto rājagahato nikkhamitvā divase divase yojanaṃ gacchanto rājagahato saṭṭhiyojanaṃ kapilavatthupuraṃ dvīhi māsehi sampāpuṇitvā tattha ñātīnaṃ vandāpanatthaṃ yamakapāṭihāriyaṃ akāsi. Tadāyaṃ buddhavaṃso desito.

    гасса важананд̇и? саавагабажжзгаб̣уд̣̇д̇хаанам̣ асаад̇хааран̣ам̣ саммаасамб̣уд̣̇д̇хассзва важанам̣.

    Kassa vacananti? Sāvakapaccekabuddhānaṃ asādhāraṇaṃ sammāsambuddhasseva vacanaṃ.

    гзнаабхад̇од̇и? аажарияабарамбарааяа аабхад̇о. аяан̃хи саарибуд̇д̇ад̇т̇зро бхад̣̇д̣̇аж̇ий д̇иссо госияабуд̇д̇о сиг̇г̇аво мог̇г̇алибуд̇д̇о суд̣̇ад̇д̇о д̇хаммиго д̣̇аасаго сон̣аго рзвад̇од̇и звамаад̣̇ийхи яаава д̇ад̇ияасан̇г̇ийд̇игаалаа аабхад̇о, д̇ад̇о уд̣̇д̇хамби д̇зсам̣язва сиссаанусиссзхийд̇и звам̣ д̇аава аажарияабарамбарааяа яааваж̇ж̇агаалаа аабхад̇од̇и взд̣̇ид̇аб̣б̣о.

    Kenābhatoti? Ācariyaparamparāya ābhato. Ayañhi sāriputtatthero bhaddajī tisso kosiyaputto siggavo moggaliputto sudatto dhammiko dāsako soṇako revatoti evamādīhi yāva tatiyasaṅgītikālā ābhato, tato uddhampi tesaṃyeva sissānusissehīti evaṃ tāva ācariyaparamparāya yāvajjakālā ābhatoti veditabbo.

    зд̇д̇аавад̇аа –

    Ettāvatā –

    ‘‘гзнааяам̣ д̣̇зсид̇о гад̇т̇а, гассад̇т̇ааяа жа д̣̇зсид̇о;

    ‘‘Kenāyaṃ desito kattha, kassatthāya ca desito;

    гимад̇т̇ааяа гад̣̇аа гасса, важанам̣ гзна жаабхад̇о’’д̇и. –

    Kimatthāya kadā kassa, vacanaṃ kena cābhato’’ti. –

    аяам̣ г̇аат̇аа вуд̇д̇ад̇т̇аа ход̇и.

    Ayaṃ gāthā vuttatthā hoti.

    нид̣̇аанагат̇аа

    Nidānakathā

    б̣аахиранид̣̇аанам̣

    Bāhiranidānaṃ

    звам̣ аабхад̇асса банасса ид̣̇аани ад̇т̇аван̣н̣анаа ход̇и, саа банааяам̣ ад̇т̇аван̣н̣анаа яасмаа д̣̇уурзнид̣̇аанам̣ авид̣̇уурзнид̣̇аанам̣ санд̇игзнид̣̇аананд̇и, имаани д̇ийн̣и нид̣̇аанаани д̣̇ассзд̇ваава ван̣н̣ид̇аа суван̣н̣ид̇аа наама ход̇и. яз жа нам̣ сун̣анд̇и, д̇зхи самуд̣̇ааг̇амад̇о бадтааяа вин̃н̃аад̇ад̇д̇аа сувин̃н̃аад̇аава ход̇и, д̇асмаа д̇аани нид̣̇аанаани д̣̇ассзд̇ваава ван̣н̣аяиссаама.

    Evaṃ ābhatassa panassa idāni atthavaṇṇanā hoti, sā panāyaṃ atthavaṇṇanā yasmā dūrenidānaṃ avidūrenidānaṃ santikenidānanti, imāni tīṇi nidānāni dassetvāva vaṇṇitā suvaṇṇitā nāma hoti. Ye ca naṃ suṇanti, tehi samudāgamato paṭṭhāya viññātattā suviññātāva hoti, tasmā tāni nidānāni dassetvāva vaṇṇayissāma.

    д̇ад̇т̇а аад̣̇ид̇о бадтааяа д̇аава д̇зсам̣ нид̣̇аанаанам̣ барижчзд̣̇о взд̣̇ид̇аб̣б̣о. д̇ад̇рааяам̣ сан̇кзбад̇о ад̇т̇ад̣̇ийбанаа – д̣̇ийбан̇гарад̣̇асаб̣аласса баад̣̇амуулз гад̇аабхинийхаарасса махаасад̇д̇асса яаава взссанд̇арад̇д̇абхааваа жавид̇ваа д̇усид̇абхаванз ниб̣б̣ад̇д̇и, д̇аава бавад̇д̇аа гат̇аа д̣̇уурзнид̣̇аанам̣ наама. д̇усид̇абхаванад̇о жавид̇ваа яаава б̣од̇химан̣д̣з саб̣б̣ан̃н̃уд̇ан̃н̃аан̣аббад̇д̇и, д̇аава бавад̇д̇аа гат̇аа авид̣̇уурзнид̣̇аанам̣ наама. ‘‘згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз’’д̇и жа, ‘‘рааж̇аг̇ахз вихарад̇и взл̣уванз галанд̣̇аганиваабз’’д̇и жа, ‘‘взсаалияам̣ вихарад̇и махааванз гуудааг̇аарасаалааяа’’нд̇и жа звам̣ махааб̣од̇химан̣д̣з саб̣б̣ан̃н̃уд̇ан̃н̃аан̣аббад̇д̇ид̇о яаава бариниб̣б̣аанаман̃жаа зд̇асмим̣ анд̇арз бхаг̇аваа яад̇т̇а яад̇т̇а вихааси, д̇ам̣ д̇ам̣ санд̇игзнид̣̇аанам̣ наамаад̇и взд̣̇ид̇аб̣б̣ам̣. зд̇д̇аавад̇аа сан̇кзбзнзва д̇ин̣н̣ам̣ д̣̇уураавид̣̇уурасанд̇игзнид̣̇аанаанам̣ васзна б̣аахиранид̣̇аанаван̣н̣анаа самад̇д̇аа ход̇ийд̇и.

    Tattha ādito paṭṭhāya tāva tesaṃ nidānānaṃ paricchedo veditabbo. Tatrāyaṃ saṅkhepato atthadīpanā – dīpaṅkaradasabalassa pādamūle katābhinīhārassa mahāsattassa yāva vessantarattabhāvā cavitvā tusitabhavane nibbatti, tāva pavattā kathā dūrenidānaṃ nāma. Tusitabhavanato cavitvā yāva bodhimaṇḍe sabbaññutaññāṇappatti, tāva pavattā kathā avidūrenidānaṃ nāma. ‘‘Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme’’ti ca, ‘‘rājagahe viharati veḷuvane kalandakanivāpe’’ti ca, ‘‘vesāliyaṃ viharati mahāvane kūṭāgārasālāya’’nti ca evaṃ mahābodhimaṇḍe sabbaññutaññāṇappattito yāva parinibbānamañcā etasmiṃ antare bhagavā yattha yattha vihāsi, taṃ taṃ santikenidānaṃ nāmāti veditabbaṃ. Ettāvatā saṅkhepeneva tiṇṇaṃ dūrāvidūrasantikenidānānaṃ vasena bāhiranidānavaṇṇanā samattā hotīti.

    аб̣бханд̇аранид̣̇аанам̣

    Abbhantaranidānaṃ

    1. рад̇анажан̇гаманаган̣д̣аван̣н̣анаа

    1. Ratanacaṅkamanakaṇḍavaṇṇanā

    ид̣̇аани бана –

    Idāni pana –

    1.

    1.

    ‘‘б̣рахмаа жа логаад̇хибад̇ий сахамбад̇ий, гад̇ан̃ж̇алий анад̇хиварам̣ аяаажат̇а;

    ‘‘Brahmā ca lokādhipatī sahampatī, katañjalī anadhivaraṃ ayācatha;

    санд̇ийд̇ха сад̇д̇ааббараж̇агкаж̇аад̇игаа, д̣̇зсзхи д̇хаммам̣ анугамбимам̣ баж̇а’’нд̇и. –

    Santīdha sattāpparajakkhajātikā, desehi dhammaṃ anukampimaṃ paja’’nti. –

    аад̣̇инаяаббавад̇д̇асса аб̣бханд̇аранид̣̇аанасса ад̇т̇аван̣н̣анаа ход̇и.

    Ādinayappavattassa abbhantaranidānassa atthavaṇṇanā hoti.

    зд̇т̇а ‘‘згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз’’д̇иаад̣̇исуд̇д̇анд̇зсу вияа – ‘‘згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко ааяасмаа саарибуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ б̣уд̣̇д̇хавам̣сам̣ абужчий’’д̇и звамаад̣̇инаа наязна нид̣̇аанам̣ авад̇ваа гасмаа ‘‘б̣рахмаа жа логаад̇хибад̇ий сахамбад̇ий, гад̇ан̃ж̇алий анад̇хиварам̣ аяаажат̇аа’’д̇иаад̣̇инаа наязна нид̣̇аанам̣ вуд̇д̇анд̇и? вужжад̇з – бхаг̇авад̇о саб̣б̣ад̇хаммад̣̇зсанаагааран̣абхууд̇ааяа б̣рахмуно д̇хаммад̣̇зсанааяаажанааяа санд̣̇ассанад̇т̇ам̣ вуд̇д̇анд̇и.

    Ettha ‘‘ekaṃ samayaṃ bhagavā rājagahe viharati veḷuvane kalandakanivāpe’’tiādisuttantesu viya – ‘‘ekaṃ samayaṃ bhagavā sakkesu viharati kapilavatthusmiṃ nigrodhārāme. Atha kho āyasmā sāriputto yena bhagavā tenupasaṅkami; upasaṅkamitvā bhagavantaṃ buddhavaṃsaṃ apucchī’’ti evamādinā nayena nidānaṃ avatvā kasmā ‘‘brahmā ca lokādhipatī sahampatī, katañjalī anadhivaraṃ ayācathā’’tiādinā nayena nidānaṃ vuttanti? Vuccate – bhagavato sabbadhammadesanākāraṇabhūtāya brahmuno dhammadesanāyācanāya sandassanatthaṃ vuttanti.

    ‘‘гад̣̇ааяам̣ д̇хаммад̣̇зсанад̇т̇ам̣, аж̇жхидто б̣рахмунаа ж̇ино;

    ‘‘Kadāyaṃ dhammadesanatthaṃ, ajjhiṭṭho brahmunā jino;

    гад̣̇аа гад̇т̇а жа гзнааяам̣, г̇аат̇аа хи самуд̣̇ийрид̇аа’’д̇и.

    Kadā kattha ca kenāyaṃ, gāthā hi samudīritā’’ti.

    вужжад̇з – б̣уд̣̇д̇хабхууд̇асса бана бхаг̇авад̇о адтамз сад̇д̇аахз сад̇т̇аа д̇хаммад̣̇зсанад̇т̇ааяа б̣рахмунаа аж̇жхидто ааяаажид̇о. д̇ад̇рааяам̣ анубуб̣б̣игат̇аа – махаабурисо гира гад̇аабхинийхааро махаабхинигкаманад̣̇ивасз вивадабаагадаб̣ийбхажчасаяанаасанажздигаа наадагид̇т̇ияо д̣̇исваа ад̇ийва сам̣виг̇г̇ахад̣̇аяо бадзгад̣̇зсааважчаннам̣ чаннам̣ ааманд̇зд̇ваа – ‘‘аринараварамант̇агам̣ ган̣д̣агам̣ наама д̇уран̇г̇аварамаахараа’’д̇и ган̣д̣агам̣ аахараабзд̇ваа чаннасахааяо варад̇уран̇г̇амааруяха наг̇арад̣̇ваарз ад̇хивад̇т̇ааяа д̣̇звад̇ааяа наг̇арад̣̇ваарз вивадз наг̇арад̇о нигкамид̇ваа д̇ийн̣и раж̇ж̇аани д̇зна рад̇д̇аавасзсзна ад̇иггамид̇ваа аномасад̇д̇о аномааяа наама над̣̇ияаа д̇ийрз тад̇ваа чаннамзвамааха – ‘‘чанна, д̇вам̣ мама имаани ан̃н̃зхи асаад̇хааран̣аани аабхаран̣аани ган̣д̣аган̃жа варад̇уран̇г̇амаад̣̇ааяа габилабурам̣ г̇ажчаахий’’д̇и чаннам̣ виссаж̇ж̇зд̇ваа асид̇ораг̇анийлуббаласад̣̇исзнаасинаа сагзсамагудам̣ чинд̣̇ид̇ваа аагаасз угкибид̇ваа д̣̇звад̣̇ад̇д̇ияам̣ бад̇д̇ажийварам̣ г̇ахзд̇ваа саяамзва баб̣б̣аж̇ид̇ваа анубуб̣б̣зна жааригам̣ жарамаано анилаб̣аласамуд̣̇д̇худ̇ад̇аран̇г̇абхан̇г̇ам̣ асан̇г̇ам̣ г̇ан̇г̇ам̣ над̣̇им̣ уд̇д̇арид̇ваа ман̣иг̇ан̣арам̣сиж̇аалавиж̇ж̇од̇ид̇арааж̇аг̇ахам̣ рааж̇аг̇ахам̣ наама наг̇арам̣ бависид̇ваа д̇ад̇т̇а иссарияамад̣̇амад̇д̇ам̣ ж̇анам̣ барихаасзнд̇о вияа жа уд̣̇д̇хад̇авзсасса ж̇анасса лаж̇ж̇амуббаад̣̇аяамаано вияа жа ваяаганд̇ийхи нааг̇араж̇анахад̣̇аяаани ад̇д̇ани б̣анд̇ханд̇о вияа жа д̣̇вад̇им̣саварамахаабурисалагкан̣авирааж̇ид̇ааяа руубасирияаа саб̣б̣аж̇ананаяанаани вилумбамаано вияа жа руубийбаад̣̇асан̃жаро бун̃н̃асан̃жаяо вияа жа баб̣б̣ад̇о вияа жа г̇аманзна ниссан̇г̇о санд̇инд̣̇рияо санд̇амаанасо яуг̇амад̇д̇ам̣ бзгкамаано рааж̇аг̇ахам̣ бин̣д̣ааяа жарид̇ваа яаабанамад̇д̇ам̣ бхад̇д̇ам̣ г̇ахзд̇ваа наг̇арад̇о нигкамид̇ваа бан̣д̣авабаб̣б̣ад̇абассз чааяууд̣̇агасамбаннз сужибхуумибхааг̇з барамараман̣ийяз бавивид̇д̇з огаасз нисийд̣̇ид̇ваа бадисан̇каанаб̣алзна миссагабхад̇д̇ам̣ барибхун̃ж̇ид̇ваа бан̣д̣аваг̇ираанусаарзна б̣имб̣исаарзна маг̇ад̇хамахаарааж̇зна махаабурисасса санд̇игам̣ г̇анд̇ваа наамаг̇од̇д̇ам̣ бужчид̇ваа д̇зна бамуд̣̇ид̇ахад̣̇аязна ‘‘мама раж̇ж̇абхааг̇ам̣ г̇ан̣хаахий’’д̇и раж̇ж̇зна ниманд̇ияамаано – ‘‘алам̣, махаарааж̇а, на маяхам̣ раж̇ж̇знад̇т̇о ахам̣ раж̇ж̇ам̣ бахааяа логахид̇ад̇т̇ааяа бад̇хаанамануяун̃ж̇ид̇ваа логз вивадажчад̣̇о б̣уд̣̇д̇хо бхависсаамийд̇и нигканд̇о’’д̇и вад̇ваа д̇зна жа ‘‘б̣уд̣̇д̇хо худ̇ваа саб̣б̣абатамам̣ мама виж̇ид̇ам̣ осарзяяаат̇аа’’д̇и вуд̇д̇о ‘саад̇хуу’д̇и д̇асса бадин̃н̃ам̣ д̣̇ад̇ваа аал̣ааран̃жа уд̣̇аган̃жа убасан̇гамид̇ваа д̇зсам̣ д̇хаммад̣̇зсанааяа саарам̣ авинд̣̇анд̇о д̇ад̇о баггамид̇ваа урувзлааяам̣ чаб̣б̣ассаани д̣̇уггарагааригам̣ гаронд̇оби амад̇ам̣ ад̇хиг̇анд̇ум̣ асаггонд̇о ол̣ааригаахаарабадисзванзна сарийрам̣ санд̇аббзси.

    Vuccate – buddhabhūtassa pana bhagavato aṭṭhame sattāhe satthā dhammadesanatthāya brahmunā ajjhiṭṭho āyācito. Tatrāyaṃ anupubbikathā – mahāpuriso kira katābhinīhāro mahābhinikkhamanadivase vivaṭapākaṭabībhacchasayanāsanaceṭikā nāṭakitthiyo disvā atīva saṃviggahadayo paṭekadesāvacchannaṃ channaṃ āmantetvā – ‘‘arinaravaramanthakaṃ kaṇḍakaṃ nāma turaṅgavaramāharā’’ti kaṇḍakaṃ āharāpetvā channasahāyo varaturaṅgamāruyha nagaradvāre adhivatthāya devatāya nagaradvāre vivaṭe nagarato nikkhamitvā tīṇi rajjāni tena rattāvasesena atikkamitvā anomasatto anomāya nāma nadiyā tīre ṭhatvā channamevamāha – ‘‘channa, tvaṃ mama imāni aññehi asādhāraṇāni ābharaṇāni kaṇḍakañca varaturaṅgamādāya kapilapuraṃ gacchāhī’’ti channaṃ vissajjetvā asitoraganīluppalasadisenāsinā sakesamakuṭaṃ chinditvā ākāse ukkhipitvā devadattiyaṃ pattacīvaraṃ gahetvā sayameva pabbajitvā anupubbena cārikaṃ caramāno anilabalasamuddhutataraṅgabhaṅgaṃ asaṅgaṃ gaṅgaṃ nadiṃ uttaritvā maṇigaṇaraṃsijālavijjotitarājagahaṃ rājagahaṃ nāma nagaraṃ pavisitvā tattha issariyamadamattaṃ janaṃ parihāsento viya ca uddhatavesassa janassa lajjamuppādayamāno viya ca vayakantīhi nāgarajanahadayāni attani bandhanto viya ca dvatiṃsavaramahāpurisalakkhaṇavirājitāya rūpasiriyā sabbajananayanāni vilumpamāno viya ca rūpīpādasañcaro puññasañcayo viya ca pabbato viya ca gamanena nissaṅgo santindriyo santamānaso yugamattaṃ pekkhamāno rājagahaṃ piṇḍāya caritvā yāpanamattaṃ bhattaṃ gahetvā nagarato nikkhamitvā paṇḍavapabbatapasse chāyūdakasampanne sucibhūmibhāge paramaramaṇīye pavivitte okāse nisīditvā paṭisaṅkhānabalena missakabhattaṃ paribhuñjitvā paṇḍavagirānusārena bimbisārena magadhamahārājena mahāpurisassa santikaṃ gantvā nāmagottaṃ pucchitvā tena pamuditahadayena ‘‘mama rajjabhāgaṃ gaṇhāhī’’ti rajjena nimantiyamāno – ‘‘alaṃ, mahārāja, na mayhaṃ rajjenattho ahaṃ rajjaṃ pahāya lokahitatthāya padhānamanuyuñjitvā loke vivaṭacchado buddho bhavissāmīti nikkhanto’’ti vatvā tena ca ‘‘buddho hutvā sabbapaṭhamaṃ mama vijitaṃ osareyyāthā’’ti vutto ‘sādhū’ti tassa paṭiññaṃ datvā āḷārañca udakañca upasaṅkamitvā tesaṃ dhammadesanāya sāraṃ avindanto tato pakkamitvā uruvelāyaṃ chabbassāni dukkarakārikaṃ karontopi amataṃ adhigantuṃ asakkonto oḷārikāhārapaṭisevanena sarīraṃ santappesi.

    д̇ад̣̇аа бана урувзлааяам̣ сзнааниг̇амз сзнааниг̇амагудумб̣игасса д̇хийд̇аа суж̇аад̇аа наама д̣̇ааригаа ваяаббад̇д̇аа згасмим̣ ниг̇род̇харугкз бад̇т̇анамагааси – ‘‘сажаахам̣ самаж̇аад̇игам̣ гулагхарам̣ г̇анд̇ваа батамаг̇аб̣бхз буд̇д̇ам̣ лабхиссаами, б̣алигаммам̣ гариссаамий’’д̇и. д̇ассаа саа бад̇т̇анаа самиж̇жхи. саа взсаакабун̣н̣амад̣̇ивасз ‘‘аж̇ж̇а б̣алигаммам̣ гариссаамий’’д̇и баад̇ова бааяаасам̣ анааяаасам̣ барамамад̇хурам̣ самбадибаад̣̇зси. б̣од̇хисад̇д̇оби д̇ад̣̇ахзва гад̇асарийрабадиж̇аг̇г̇ано бхигкаажаарагаалам̣ ааг̇амаяамаано баад̇ова г̇анд̇ваа д̇асмим̣ ниг̇род̇харугкамуулз нисийд̣̇и. ат̇а ко бун̣н̣аа наама д̣̇аасий д̇ассаа д̇хаад̇ий ругкамууласод̇ханад̇т̇ааяа г̇ад̇аа б̣од̇хисад̇д̇ам̣ баажийналогад̇хаад̇ум̣ ологаяамаанам̣ нисиннам̣ сан̃жхааббабхаануран̃ж̇ид̇авараганагаг̇ирисикарасад̣̇исасарийрасобхам̣ д̇имиранигаранид̇хаанагарам̣ гамалаванавигасанагарам̣ гханавиварамубаг̇ад̇ам̣ д̣̇ивасагарамива д̇аруварамубаг̇ад̇ам̣ мунид̣̇ивасагарамад̣̇д̣̇аса. сарийрад̇о жасса нигканд̇аахи бабхаахи сагалан̃жа д̇ам̣ ругкам̣ суван̣н̣аван̣н̣ам̣ д̣̇исваа д̇ассаа зд̇ад̣̇ахоси – ‘‘аж̇ж̇а амхаагам̣ д̣̇звад̇аа ругкад̇о оруяха сахад̇т̇знзва б̣алим̣ бадиг̇г̇ахзд̇угаамаа худ̇ваа нисиннаа’’д̇и. саа взг̇зна г̇анд̇ваа суж̇аад̇ааяа зд̇амад̇т̇ам̣ аарожзси.

    Tadā pana uruvelāyaṃ senānigame senānigamakuṭumbikassa dhītā sujātā nāma dārikā vayappattā ekasmiṃ nigrodharukkhe patthanamakāsi – ‘‘sacāhaṃ samajātikaṃ kulagharaṃ gantvā paṭhamagabbhe puttaṃ labhissāmi, balikammaṃ karissāmī’’ti. Tassā sā patthanā samijjhi. Sā vesākhapuṇṇamadivase ‘‘ajja balikammaṃ karissāmī’’ti pātova pāyāsaṃ anāyāsaṃ paramamadhuraṃ sampaṭipādesi. Bodhisattopi tadaheva katasarīrapaṭijaggano bhikkhācārakālaṃ āgamayamāno pātova gantvā tasmiṃ nigrodharukkhamūle nisīdi. Atha kho puṇṇā nāma dāsī tassā dhātī rukkhamūlasodhanatthāya gatā bodhisattaṃ pācīnalokadhātuṃ olokayamānaṃ nisinnaṃ sañjhāppabhānurañjitavarakanakagirisikharasadisasarīrasobhaṃ timiranikaranidhānakaraṃ kamalavanavikasanakaraṃ ghanavivaramupagataṃ divasakaramiva taruvaramupagataṃ munidivasakaramaddasa. Sarīrato cassa nikkhantāhi pabhāhi sakalañca taṃ rukkhaṃ suvaṇṇavaṇṇaṃ disvā tassā etadahosi – ‘‘ajja amhākaṃ devatā rukkhato oruyha sahattheneva baliṃ paṭiggahetukāmā hutvā nisinnā’’ti. Sā vegena gantvā sujātāya etamatthaṃ ārocesi.

    д̇ад̇о суж̇аад̇аа сан̃ж̇аад̇асад̣̇д̇хаа худ̇ваа саб̣б̣аалан̇гаарзна алан̇гарид̇ваа сад̇асахассаг̇гханигам̣ суван̣н̣абаад̇им̣ барамамад̇хурасса мад̇хубааяаасасса буурзд̇ваа абарааяа суван̣н̣абаад̇ияаа бид̣̇ахид̇ваа сийсзнаад̣̇ааяа ниг̇род̇харугкаабхимукий аг̇амааси. саа г̇ажчанд̇ий д̣̇уурад̇ова д̇ам̣ б̣од̇хисад̇д̇ам̣ ругкад̣̇звад̇амива сагалам̣ д̇ам̣ ругкам̣ сарийраббабхааяа суван̣н̣аван̣н̣ам̣ гад̇ваа бун̃н̃асан̃жаяамива руубаванд̇ам̣ нисиннам̣ д̣̇исваа бийд̇исоманассаж̇аад̇аа суж̇аад̇аа ‘‘ругкад̣̇звад̇аа’’д̇и сан̃н̃ааяа д̣̇идтадтаанад̇о бадтааяа онад̇онад̇аа г̇анд̇ваа сийсад̇о д̇ам̣ суван̣н̣абаад̇им̣ од̇аарзд̇ваа махаасад̇д̇асса хад̇т̇з табзд̇ваа бан̃жабад̇идтид̇зна ванд̣̇ид̇ваа – ‘‘яат̇аа мама манорат̇о нибпанно, звам̣ д̇умхаагамби нибпаж̇ж̇ад̇уу’’д̇и вад̇ваа баггаами.

    Tato sujātā sañjātasaddhā hutvā sabbālaṅkārena alaṅkaritvā satasahassagghanikaṃ suvaṇṇapātiṃ paramamadhurassa madhupāyāsassa pūretvā aparāya suvaṇṇapātiyā pidahitvā sīsenādāya nigrodharukkhābhimukhī agamāsi. Sā gacchantī dūratova taṃ bodhisattaṃ rukkhadevatamiva sakalaṃ taṃ rukkhaṃ sarīrappabhāya suvaṇṇavaṇṇaṃ katvā puññasañcayamiva rūpavantaṃ nisinnaṃ disvā pītisomanassajātā sujātā ‘‘rukkhadevatā’’ti saññāya diṭṭhaṭṭhānato paṭṭhāya onatonatā gantvā sīsato taṃ suvaṇṇapātiṃ otāretvā mahāsattassa hatthe ṭhapetvā pañcapatiṭṭhitena vanditvā – ‘‘yathā mama manoratho nipphanno, evaṃ tumhākampi nipphajjatū’’ti vatvā pakkāmi.

    ат̇а ко б̣од̇хисад̇д̇оби суван̣н̣абаад̇им̣ г̇ахзд̇ваа нзран̃ж̇арааяа над̣̇ияаа д̇ийрам̣ г̇анд̇ваа суббад̇идтид̇асса наама д̇ид̇т̇асса д̇ийрз суван̣н̣абаад̇им̣ табзд̇ваа нхад̇ваа бажжуд̇д̇арид̇ваа згуунабан̃н̃аасабин̣д̣з гаронд̇о д̇ам̣ бааяаасам̣ барибхун̃ж̇ид̇ваа – ‘‘сажаахам̣ аж̇ж̇а б̣уд̣̇д̇хо бхависсаами, аяам̣ суван̣н̣абаад̇и бадисод̇ам̣ г̇ажчад̇уу’’д̇и киби. саа баад̇и бадисод̇ам̣ г̇анд̇ваа гаал̣асса наама нааг̇арааж̇асса бхаванам̣ бависид̇ваа д̇ин̣н̣ам̣ б̣уд̣̇д̇хаанам̣ т̇аалагаани угкибид̇ваа д̇зсам̣ хздтаа адтааси.

    Atha kho bodhisattopi suvaṇṇapātiṃ gahetvā nerañjarāya nadiyā tīraṃ gantvā suppatiṭṭhitassa nāma titthassa tīre suvaṇṇapātiṃ ṭhapetvā nhatvā paccuttaritvā ekūnapaññāsapiṇḍe karonto taṃ pāyāsaṃ paribhuñjitvā – ‘‘sacāhaṃ ajja buddho bhavissāmi, ayaṃ suvaṇṇapāti paṭisotaṃ gacchatū’’ti khipi. Sā pāti paṭisotaṃ gantvā kāḷassa nāma nāgarājassa bhavanaṃ pavisitvā tiṇṇaṃ buddhānaṃ thālakāni ukkhipitvā tesaṃ heṭṭhā aṭṭhāsi.

    махаасад̇д̇о д̇ад̇т̇зва ванасан̣д̣з д̣̇иваавихаарам̣ вийд̇инаамзд̇ваа сааяанхасамаяз сод̇т̇иязна наама д̇ин̣ахаарагзна махаабурисасса аагаарам̣ н̃ад̇ваа д̣̇иннаа адта д̇ин̣амудтияо г̇ахзд̇ваа б̣од̇химан̣д̣амааруяха д̣̇агкин̣ад̣̇исаабхааг̇з адтааси. со бана бад̣̇зсо бад̣̇уминибад̇д̇з уд̣̇агаб̣инд̣̇у вияа агамбид̇т̇а. махаабурисо – ‘‘аяам̣ бад̣̇зсо мама г̇ун̣ам̣ д̇хаарзд̇ум̣ асамад̇т̇о’’д̇и бажчимад̣̇исаабхааг̇амаг̇амааси. соби д̇ат̇зва гамбид̇т̇а. буна уд̇д̇арад̣̇исаабхааг̇амаг̇амааси. соби д̇ат̇зва гамбид̇т̇а. буна бурад̇т̇имад̣̇исаабхааг̇амаг̇амааси. д̇ад̇т̇а баллан̇габбамаан̣адтаанам̣ нижжалам̣ ахоси. махаабурисо – ‘‘ид̣̇ам̣ таанам̣ гилзсавид̣̇д̇хам̣санадтаана’’нд̇и саннидтаанам̣ гад̇ваа д̇аани д̇ин̣аани аг̇г̇з г̇ахзд̇ваа жаалзси. д̇аани д̇уулигаг̇г̇зна барижчиннаани вияа ахзсум̣. б̣од̇хисад̇д̇о – ‘‘б̣од̇хим̣ абад̇ваава имам̣ баллан̇гам̣ на бхинд̣̇иссаамий’’д̇и жад̇уран̇г̇авийрияам̣ ад̇хидтахид̇ваа баллан̇гам̣ аабхуж̇ид̇ваа б̣од̇хигканд̇хам̣ бидтид̇о гад̇ваа бурад̇т̇аабхимуко нисийд̣̇и.

    Mahāsatto tattheva vanasaṇḍe divāvihāraṃ vītināmetvā sāyanhasamaye sotthiyena nāma tiṇahārakena mahāpurisassa ākāraṃ ñatvā dinnā aṭṭha tiṇamuṭṭhiyo gahetvā bodhimaṇḍamāruyha dakkhiṇadisābhāge aṭṭhāsi. So pana padeso paduminipatte udakabindu viya akampittha. Mahāpuriso – ‘‘ayaṃ padeso mama guṇaṃ dhāretuṃ asamattho’’ti pacchimadisābhāgamagamāsi. Sopi tatheva kampittha. Puna uttaradisābhāgamagamāsi. Sopi tatheva kampittha. Puna puratthimadisābhāgamagamāsi. Tattha pallaṅkappamāṇaṭṭhānaṃ niccalaṃ ahosi. Mahāpuriso – ‘‘idaṃ ṭhānaṃ kilesaviddhaṃsanaṭṭhāna’’nti sanniṭṭhānaṃ katvā tāni tiṇāni agge gahetvā cālesi. Tāni tūlikaggena paricchinnāni viya ahesuṃ. Bodhisatto – ‘‘bodhiṃ apatvāva imaṃ pallaṅkaṃ na bhindissāmī’’ti caturaṅgavīriyaṃ adhiṭṭhahitvā pallaṅkaṃ ābhujitvā bodhikkhandhaṃ piṭṭhito katvā puratthābhimukho nisīdi.

    д̇ан̇кан̣ан̃н̃зва саб̣б̣алогаабхихааро мааро б̣аахусахассам̣ маабзд̇ваа д̣̇ияад̣дхаяож̇анасад̇игам̣ химаг̇ирисикарасад̣̇исам̣ г̇иримзкалам̣ наама ариваравааран̣ам̣ варавааран̣ам̣ абхируяха наваяож̇анигзна д̇хануасипарасусарасад̇д̇исаб̣алзнаад̇иб̣ахалзна маараб̣алзна самбаривуд̇о саманд̇аа баб̣б̣ад̇о вияа аж̇жход̇т̇аранд̇о махаасабад̇д̇ам̣ вияа махаасад̇д̇ам̣ самубааг̇ами. махаабурисо суурияз д̇харанд̇зязва ад̇ид̇умуулам̣ маараб̣алам̣ вид̇хамид̇ваа вигасид̇аж̇аяасуманагусумасад̣̇исасса жийварасса убари бад̇амаанзхи рад̇д̇абаваалан̇гурасад̣̇исаружирад̣̇ассанзхи б̣од̇хиругкан̇гурзхи бийд̇ияаа вияа бууж̇ияамаано зва батамаяаамз буб̣б̣зниваасаануссад̇ин̃аан̣ам̣ лабхид̇ваа маж̇жхимаяаамз д̣̇иб̣б̣ажагкун̃аан̣ам̣ висод̇хзд̇ваа бажчимаяаамз бадижжасамуббаад̣̇з н̃аан̣ам̣ од̇аарзд̇ваа ваддавиваддам̣ саммасанд̇о арун̣од̣̇аяз б̣уд̣̇д̇хо худ̇ваа –

    Taṅkhaṇaññeva sabbalokābhihāro māro bāhusahassaṃ māpetvā diyaḍḍhayojanasatikaṃ himagirisikharasadisaṃ girimekhalaṃ nāma arivaravāraṇaṃ varavāraṇaṃ abhiruyha navayojanikena dhanuasipharasusarasattisabalenātibahalena mārabalena samparivuto samantā pabbato viya ajjhottharanto mahāsapattaṃ viya mahāsattaṃ samupāgami. Mahāpuriso sūriye dharanteyeva atitumūlaṃ mārabalaṃ vidhamitvā vikasitajayasumanakusumasadisassa cīvarassa upari patamānehi rattapavālaṅkurasadisaruciradassanehi bodhirukkhaṅkurehi pītiyā viya pūjiyamāno eva paṭhamayāme pubbenivāsānussatiñāṇaṃ labhitvā majjhimayāme dibbacakkhuñāṇaṃ visodhetvā pacchimayāme paṭiccasamuppāde ñāṇaṃ otāretvā vaṭṭavivaṭṭaṃ sammasanto aruṇodaye buddho hutvā –

    ‘‘анзгаж̇аад̇исам̣саарам̣, санд̇хаависсам̣ аниб̣б̣исам̣;

    ‘‘Anekajātisaṃsāraṃ, sandhāvissaṃ anibbisaṃ;

    г̇ахагаарам̣ г̇авзсанд̇о, д̣̇угкаа ж̇аад̇и бунаббунам̣.

    Gahakāraṃ gavesanto, dukkhā jāti punappunaṃ.

    ‘‘г̇ахагаарага д̣̇идтоси, буна г̇зхам̣ на гаахаси;

    ‘‘Gahakāraka diṭṭhosi, puna gehaṃ na kāhasi;

    саб̣б̣аа д̇з паасугаа бхаг̇г̇аа, г̇ахагуудам̣ висан̇кад̇ам̣;

    Sabbā te phāsukā bhaggā, gahakūṭaṃ visaṅkhataṃ;

    висан̇каараг̇ад̇ам̣ жид̇д̇ам̣, д̇ан̣хаанам̣ каяамаж̇жхаг̇аа’’д̇и. (д̇ха. ба. 153-154) –

    Visaṅkhāragataṃ cittaṃ, taṇhānaṃ khayamajjhagā’’ti. (dha. pa. 153-154) –

    имам̣ уд̣̇аанам̣ уд̣̇аанзд̇ваа сад̇д̇аахам̣ вимуд̇д̇исукабадисзванзна вийд̇инаамзд̇ваа адтамз д̣̇ивасз самаабад̇д̇ид̇о вудтааяа д̣̇звад̇аанам̣ ган̇кам̣ н̃ад̇ваа д̇аасам̣ ган̇каавид̇хаманад̇т̇ам̣ аагаасз уббад̇ид̇ваа яамагабаадихаарияам̣ д̣̇ассзд̇ваа д̇аасам̣ ган̇кам̣ вид̇хамид̇ваа баллан̇гад̇о ийсагам̣ баажийнаниссид̇з уд̇д̇арад̣̇исаабхааг̇з тад̇ваа – ‘‘имасмим̣ вад̇а мз баллан̇гз саб̣б̣ан̃н̃уд̇ан̃н̃аан̣ам̣ бадивид̣̇д̇ха’’нд̇и жад̇д̇аари асан̇кязяяаани габбасад̇асахассан̃жа буурид̇аанам̣ баарамийнам̣ палаад̇хиг̇амадтаанам̣ баллан̇ган̃жзва б̣од̇хиругкан̃жа анимисзхи агкийхи ологаяамаано сад̇д̇аахам̣ вийд̇инаамзси, д̇ам̣ таанам̣ анимисажзд̇ияам̣ наама ж̇аад̇ам̣.

    Imaṃ udānaṃ udānetvā sattāhaṃ vimuttisukhapaṭisevanena vītināmetvā aṭṭhame divase samāpattito vuṭṭhāya devatānaṃ kaṅkhaṃ ñatvā tāsaṃ kaṅkhāvidhamanatthaṃ ākāse uppatitvā yamakapāṭihāriyaṃ dassetvā tāsaṃ kaṅkhaṃ vidhamitvā pallaṅkato īsakaṃ pācīnanissite uttaradisābhāge ṭhatvā – ‘‘imasmiṃ vata me pallaṅke sabbaññutaññāṇaṃ paṭividdha’’nti cattāri asaṅkhyeyyāni kappasatasahassañca pūritānaṃ pāramīnaṃ phalādhigamaṭṭhānaṃ pallaṅkañceva bodhirukkhañca animisehi akkhīhi olokayamāno sattāhaṃ vītināmesi, taṃ ṭhānaṃ animisacetiyaṃ nāma jātaṃ.

    ат̇а баллан̇гасса жа тид̇адтаанасса жа анд̇арз бурад̇т̇имабажчимад̇о ааяад̇з рад̇анажан̇гамз жан̇гаманд̇о сад̇д̇аахам̣ вийд̇инаамзси, д̇ам̣ таанам̣ рад̇анажан̇гамажзд̇ияам̣ наама ж̇аад̇ам̣. д̇ад̇о бажчимад̣̇исаабхааг̇з д̣̇звад̇аа рад̇анагхарам̣ наама маабзсум̣, д̇ад̇т̇а баллан̇гзна нисийд̣̇ид̇ваа абхид̇хаммабидагам̣ висзсад̇о жзд̇т̇а ананд̇анаяасаманд̇абадтаанам̣ вижинанд̇о сад̇д̇аахам̣ вийд̇инаамзси. д̇ам̣ таанам̣ рад̇анагхаражзд̇ияам̣ наама ж̇аад̇ам̣. звам̣ б̣од̇хисамийбзязва жад̇д̇аари сад̇д̇аахаани вийд̇инаамзд̇ваа бан̃жамз сад̇д̇аахз б̣од̇хиругкамуулаа язна аж̇абааланиг̇род̇хо д̇знубасан̇гами; д̇ад̇т̇ааби д̇хаммам̣ вижинанд̇оязва вимуд̇д̇исукан̃жа бадисам̣взд̣̇знд̇о аж̇абааланиг̇род̇хз сад̇д̇аахам̣ вийд̇инаамзси.

    Atha pallaṅkassa ca ṭhitaṭṭhānassa ca antare puratthimapacchimato āyate ratanacaṅkame caṅkamanto sattāhaṃ vītināmesi, taṃ ṭhānaṃ ratanacaṅkamacetiyaṃ nāma jātaṃ. Tato pacchimadisābhāge devatā ratanagharaṃ nāma māpesuṃ, tattha pallaṅkena nisīditvā abhidhammapiṭakaṃ visesato cettha anantanayasamantapaṭṭhānaṃ vicinanto sattāhaṃ vītināmesi. Taṃ ṭhānaṃ ratanagharacetiyaṃ nāma jātaṃ. Evaṃ bodhisamīpeyeva cattāri sattāhāni vītināmetvā pañcame sattāhe bodhirukkhamūlā yena ajapālanigrodho tenupasaṅkami; tatthāpi dhammaṃ vicinantoyeva vimuttisukhañca paṭisaṃvedento ajapālanigrodhe sattāhaṃ vītināmesi.

    звам̣ абарам̣ сад̇д̇аахам̣ мужалинд̣̇з нисийд̣̇и. д̇асса нисиннамад̇д̇ассзва бхаг̇авад̇о сагалажаггаваал̣аг̇аб̣бхам̣ буурзнд̇о махааагааламзгхо уд̣̇абаад̣̇и. д̇асмим̣ бана уббаннз мужалинд̣̇о нааг̇арааж̇аа жинд̇зси – ‘‘аяам̣ махаамзгхо сад̇т̇ари маяхам̣ бхаванам̣ бавидтамад̇д̇з уббанно ваасааг̇аарамасса лад̣̇д̇хум̣ ваддад̇ий’’д̇и. со сад̇д̇арад̇анамаяам̣ д̣̇звавимаанасад̣̇исам̣ д̣̇иб̣б̣авимаанам̣ нимминид̇ум̣ самад̇т̇оби звам̣ гад̇з – ‘‘на маяхам̣ махабпалам̣ бхависсад̇и, д̣̇асаб̣аласса гааяавзяяааважжам̣ гариссаамий’’д̇и ад̇имаханд̇ам̣ ад̇д̇абхаавам̣ гад̇ваа сад̇т̇аарам̣ сад̇д̇агкад̇д̇ум̣ бхог̇зхи баригкибид̇ваа убари маханд̇ам̣ пан̣ам̣ гад̇ваа адтааси. ат̇а бхаг̇аваа баригкзбасса анд̇ова махад̇и огаасз саб̣б̣арад̇анамаяз бажжаг̇гхабаллан̇гз убари виниг̇г̇аланд̇авивид̇хасурабхигусумад̣̇аамавид̇аанз вивид̇хасурабхиг̇анд̇хаваасид̇з г̇анд̇хагудияам̣ вихаранд̇о вияа вихааси. звам̣ бхаг̇аваа д̇ам̣ сад̇д̇аахам̣ д̇ад̇т̇а вийд̇инаамзд̇ваа д̇ад̇о абарам̣ сад̇д̇аахам̣ рааж̇ааяад̇анз нисийд̣̇и. д̇ад̇т̇ааби вимуд̇д̇исукабадисам̣взд̣̇иязва. зд̇д̇аавад̇аа сад̇д̇асад̇д̇аахаани барибун̣н̣аани ахзсум̣. зд̇т̇анд̇арз бхаг̇аваа жхаанасукзна паласукзна жа вийд̇инаамзси.

    Evaṃ aparaṃ sattāhaṃ mucalinde nisīdi. Tassa nisinnamattasseva bhagavato sakalacakkavāḷagabbhaṃ pūrento mahāakālamegho udapādi. Tasmiṃ pana uppanne mucalindo nāgarājā cintesi – ‘‘ayaṃ mahāmegho satthari mayhaṃ bhavanaṃ paviṭṭhamatte uppanno vāsāgāramassa laddhuṃ vaṭṭatī’’ti. So sattaratanamayaṃ devavimānasadisaṃ dibbavimānaṃ nimminituṃ samatthopi evaṃ kate – ‘‘na mayhaṃ mahapphalaṃ bhavissati, dasabalassa kāyaveyyāvaccaṃ karissāmī’’ti atimahantaṃ attabhāvaṃ katvā satthāraṃ sattakkhattuṃ bhogehi parikkhipitvā upari mahantaṃ phaṇaṃ katvā aṭṭhāsi. Atha bhagavā parikkhepassa antova mahati okāse sabbaratanamaye paccagghapallaṅke upari viniggalantavividhasurabhikusumadāmavitāne vividhasurabhigandhavāsite gandhakuṭiyaṃ viharanto viya vihāsi. Evaṃ bhagavā taṃ sattāhaṃ tattha vītināmetvā tato aparaṃ sattāhaṃ rājāyatane nisīdi. Tatthāpi vimuttisukhapaṭisaṃvediyeva. Ettāvatā sattasattāhāni paripuṇṇāni ahesuṃ. Etthantare bhagavā jhānasukhena phalasukhena ca vītināmesi.

    ат̇асса сад̇д̇асад̇д̇аахаад̇иггамз – ‘‘мукам̣ д̇ховиссаамий’’д̇и жид̇д̇ам̣ уббаж̇ж̇и. сагго д̣̇зваанаминд̣̇о аг̇ад̣̇ахарийд̇агам̣ аахарид̇ваа ад̣̇ааси. ат̇асса сагго нааг̇алад̇аад̣̇анд̇агадтан̃жа мукад̇хованауд̣̇аган̃жа ад̣̇ааси. д̇ад̇о бхаг̇аваа д̣̇анд̇агадтам̣ каад̣̇ид̇ваа анод̇ад̇д̇ад̣̇аход̣̇агзна мукам̣ д̇ховид̇ваа рааж̇ааяад̇анамуулз нисийд̣̇и. д̇асмим̣ самаяз жад̇уухи логабаалзхи убанийд̇з бажжаг̇гхз сзламаяз бад̇д̇з д̇абуссабхаллигаанам̣ ваан̣иж̇аанам̣ мант̇ан̃жа мад̇хубин̣д̣иган̃жа бадиг̇г̇ахзд̇ваа барибхун̃ж̇ид̇ваа бажжааг̇анд̇ваа аж̇абааланиг̇род̇харугкамуулз нисийд̣̇и. ат̇асса д̇ад̇т̇а нисиннамад̇д̇ассзва ад̇д̇анаа ад̇хиг̇ад̇асса д̇хаммасса г̇амбхийрабхаавам̣ бажжавзгканд̇асса саб̣б̣аб̣уд̣̇д̇хаанам̣ аажин̣н̣о – ‘‘ад̇хиг̇ад̇о ко мяааяам̣ д̇хаммо г̇амбхийро д̣̇уд̣̇д̣̇асо д̣̇урануб̣од̇хо санд̇о бан̣ийд̇о ад̇аггааважаро нибун̣о бан̣д̣ид̇авзд̣̇анийяо’’д̇и (ма. ни. 2.281; сам̣. ни. 1.172; махаава. 7) барзсам̣ д̇хаммам̣ ад̣̇зсзд̇угаамад̇аагаараббад̇д̇о баривид̇агго уд̣̇абаад̣̇и.

    Athassa sattasattāhātikkame – ‘‘mukhaṃ dhovissāmī’’ti cittaṃ uppajji. Sakko devānamindo agadaharītakaṃ āharitvā adāsi. Athassa sakko nāgalatādantakaṭṭhañca mukhadhovanaudakañca adāsi. Tato bhagavā dantakaṭṭhaṃ khāditvā anotattadahodakena mukhaṃ dhovitvā rājāyatanamūle nisīdi. Tasmiṃ samaye catūhi lokapālehi upanīte paccagghe selamaye patte tapussabhallikānaṃ vāṇijānaṃ manthañca madhupiṇḍikañca paṭiggahetvā paribhuñjitvā paccāgantvā ajapālanigrodharukkhamūle nisīdi. Athassa tattha nisinnamattasseva attanā adhigatassa dhammassa gambhīrabhāvaṃ paccavekkhantassa sabbabuddhānaṃ āciṇṇo – ‘‘adhigato kho myāyaṃ dhammo gambhīro duddaso duranubodho santo paṇīto atakkāvacaro nipuṇo paṇḍitavedanīyo’’ti (ma. ni. 2.281; saṃ. ni. 1.172; mahāva. 7) paresaṃ dhammaṃ adesetukāmatākārappatto parivitakko udapādi.

    ат̇а б̣рахмаа сахамбад̇и д̣̇асаб̣аласса жзд̇асаа жзд̇обаривид̇аггаман̃н̃ааяа – ‘‘нассад̇и вад̇а, бхо, лого, винассад̇и вад̇а, бхо, лого’’д̇и (сам̣. ни. 1.172; ма. ни. 1.282; махаава. 8) ваажам̣ нижчаарзнд̇о д̣̇асасахассажаггаваал̣аб̣рахмаг̇ан̣абаривуд̇о саггасуяаамасанд̇усид̇абараниммид̇авасавад̇д̇ийхи ануг̇ад̇о ааг̇анд̇ваа бхаг̇авад̇о бурад̇о баад̇урахоси. со ад̇д̇ано бад̇идтаанад̇т̇ааяа бат̇авим̣ нимминид̇ваа д̣̇агкин̣ам̣ ж̇аан̣уман̣д̣алам̣ бат̇авияам̣ ниханд̇ваа ж̇алаж̇аамалаавигалагамаламагуласад̣̇исам̣ д̣̇асанакасамод̇хаанасамуж̇ж̇аламан̃ж̇алим̣ сирасмим̣ гад̇ваа – ‘‘д̣̇зсзд̇у, бханд̇з , бхаг̇аваа д̇хаммам̣, д̣̇зсзд̇у суг̇ад̇о д̇хаммам̣, санд̇и сад̇д̇аа аббараж̇агкаж̇аад̇игаа, ассаванад̇аа д̇хаммасса барихааяанд̇и, бхависсанд̇и д̇хаммасса ан̃н̃аад̇ааро’’д̇и (сам̣. ни. 1.172; махаава. 8) –

    Atha brahmā sahampati dasabalassa cetasā cetoparivitakkamaññāya – ‘‘nassati vata, bho, loko, vinassati vata, bho, loko’’ti (saṃ. ni. 1.172; ma. ni. 1.282; mahāva. 8) vācaṃ nicchārento dasasahassacakkavāḷabrahmagaṇaparivuto sakkasuyāmasantusitaparanimmitavasavattīhi anugato āgantvā bhagavato purato pāturahosi. So attano patiṭṭhānatthāya pathaviṃ nimminitvā dakkhiṇaṃ jāṇumaṇḍalaṃ pathaviyaṃ nihantvā jalajāmalāvikalakamalamakulasadisaṃ dasanakhasamodhānasamujjalamañjaliṃ sirasmiṃ katvā – ‘‘desetu, bhante , bhagavā dhammaṃ, desetu sugato dhammaṃ, santi sattā apparajakkhajātikā, assavanatā dhammassa parihāyanti, bhavissanti dhammassa aññātāro’’ti (saṃ. ni. 1.172; mahāva. 8) –

    ‘‘баад̇урахоси маг̇ад̇хзсу буб̣б̣з, д̇хаммо асуд̣̇д̇хо самалзхи жинд̇ид̇о;

    ‘‘Pāturahosi magadhesu pubbe, dhammo asuddho samalehi cintito;

    абаабурзд̇ам̣ амад̇асса д̣̇ваарам̣, сун̣анд̇у д̇хаммам̣ вималзнаануб̣уд̣̇д̇хам̣.

    Apāpuretaṃ amatassa dvāraṃ, suṇantu dhammaṃ vimalenānubuddhaṃ.

    ‘‘сзлз яат̇аа баб̣б̣ад̇амуд̣̇д̇ханидтид̇о, яат̇ааби бассз ж̇анад̇ам̣ саманд̇ад̇о;

    ‘‘Sele yathā pabbatamuddhaniṭṭhito, yathāpi passe janataṃ samantato;

    д̇ат̇уубамам̣ д̇хаммамаяам̣ сумзд̇ха, баасаад̣̇амааруяха саманд̇ажагку;

    Tathūpamaṃ dhammamayaṃ sumedha, pāsādamāruyha samantacakkhu;

    согаавад̇ин̣н̣ам̣ ж̇анад̇амабзд̇асого, авзгкассу ж̇аад̇иж̇араабхибхууд̇ам̣.

    Sokāvatiṇṇaṃ janatamapetasoko, avekkhassu jātijarābhibhūtaṃ.

    ‘‘удтзхи вийра виж̇ид̇асан̇г̇аама, сад̇т̇авааха анан̣а вижара логз;

    ‘‘Uṭṭhehi vīra vijitasaṅgāma, satthavāha anaṇa vicara loke;

    д̣̇зсассу бхаг̇аваа д̇хаммам̣, ан̃н̃аад̇ааро бхависсанд̇ий’’д̇и. (ма. ни. 1.282; сам̣. ни. 1.172; махаава. 8) –

    Desassu bhagavā dhammaṃ, aññātāro bhavissantī’’ti. (ma. ni. 1.282; saṃ. ni. 1.172; mahāva. 8) –

    ‘‘нану д̇умхзхи ‘б̣уд̣̇д̇хо б̣од̇хзяяам̣ д̇ин̣н̣о д̇аарзяяам̣ муд̇д̇о можзяяа’’’нд̇и –

    ‘‘Nanu tumhehi ‘buddho bodheyyaṃ tiṇṇo tāreyyaṃ mutto moceyya’’’nti –

    ‘‘гим̣ мз ан̃н̃аад̇авзсзна, д̇хаммам̣ сажчигад̇знид̇ха;

    ‘‘Kiṃ me aññātavesena, dhammaṃ sacchikatenidha;

    саб̣б̣ан̃н̃уд̇ам̣ баабун̣ид̇ваа, д̇аараяиссам̣ сад̣̇звага’’нд̇и. (б̣у. вам̣. 2.55) –

    Sabbaññutaṃ pāpuṇitvā, tārayissaṃ sadevaka’’nti. (bu. vaṃ. 2.55) –

    бад̇т̇анам̣ гад̇ваа баарамияо буурзд̇ваа саб̣б̣ан̃н̃убхаавам̣ бад̇д̇од̇и жа, ‘‘д̇умхзхи д̇хаммз ад̣̇зсияамаанз го хи наама ан̃н̃о д̇хаммам̣ д̣̇зсзссад̇и, гиман̃н̃ам̣ логасса саран̣ам̣ д̇аан̣ам̣ лзн̣ам̣ барааяана’’нд̇и жа звамаад̣̇ийхи анзгзхи наязхи бхаг̇аванд̇ам̣ д̇хаммад̣̇зсанад̇т̇ам̣ аяаажи. д̇зна вуд̇д̇ам̣ – ‘‘б̣уд̣̇д̇хабхууд̇асса бана бхаг̇авад̇о адтамз сад̇д̇аахз сад̇т̇аа д̇хаммад̣̇зсанад̇т̇ааяа б̣рахмунаа ааяаажид̇о’’д̇и.

    Patthanaṃ katvā pāramiyo pūretvā sabbaññubhāvaṃ pattoti ca, ‘‘tumhehi dhamme adesiyamāne ko hi nāma añño dhammaṃ desessati, kimaññaṃ lokassa saraṇaṃ tāṇaṃ leṇaṃ parāyana’’nti ca evamādīhi anekehi nayehi bhagavantaṃ dhammadesanatthaṃ ayāci. Tena vuttaṃ – ‘‘buddhabhūtassa pana bhagavato aṭṭhame sattāhe satthā dhammadesanatthāya brahmunā āyācito’’ti.

    ид̣̇аани ‘‘гад̣̇аа гад̇т̇а жа гзнааяам̣, г̇аат̇аа хи самуд̣̇ийрид̇аа’’д̇и имзсам̣ бан̃хаанам̣ виссаж̇ж̇анааяа огаасо ануббад̇д̇о. д̇ад̇т̇а гад̣̇аа вуд̇д̇аад̇и? батамамахаасан̇г̇ийд̇игаалз вуд̇д̇аа. батамамахаасан̇г̇ийд̇и наамзсаа сан̇г̇ийд̇игканд̇хз (жуул̣ава. 437) вуд̇д̇анаязнзва взд̣̇ид̇аб̣б̣аа. гад̇т̇а гзна вуд̇д̇аад̇и? бхаг̇авад̇и гира бариниб̣б̣уд̇з рааж̇аг̇аханаг̇арз взбхаарабаб̣б̣ад̇абассз сад̇д̇абан̣н̣иг̇ухаад̣̇ваарз виж̇ид̇асаб̣б̣асад̇д̇унаа аж̇аад̇асад̇д̇унаа маг̇ад̇хамахаарааж̇зна д̇хаммасан̇г̇ааяанад̇т̇ам̣ гаарид̇з барибун̣н̣ажанд̣̇аман̣д̣аласан̇гаасз д̣̇адтаб̣б̣асаараман̣д̣з ман̣д̣абз д̇хаммаасанаг̇ад̇знааяасмад̇аа аананд̣̇ад̇т̇зрзна ‘‘б̣рахмаа жа логаад̇хибад̇ий’’д̇и аяам̣ г̇аат̇аа вуд̇д̇аад̇и взд̣̇ид̇аб̣б̣аа. аяамзд̇т̇а г̇аат̇аасамб̣анд̇хо.

    Idāni ‘‘kadā kattha ca kenāyaṃ, gāthā hi samudīritā’’ti imesaṃ pañhānaṃ vissajjanāya okāso anuppatto. Tattha kadā vuttāti? Paṭhamamahāsaṅgītikāle vuttā. Paṭhamamahāsaṅgīti nāmesā saṅgītikkhandhe (cūḷava. 437) vuttanayeneva veditabbā. Kattha kena vuttāti? Bhagavati kira parinibbute rājagahanagare vebhārapabbatapasse sattapaṇṇiguhādvāre vijitasabbasattunā ajātasattunā magadhamahārājena dhammasaṅgāyanatthaṃ kārite paripuṇṇacandamaṇḍalasaṅkāse daṭṭhabbasāramaṇḍe maṇḍape dhammāsanagatenāyasmatā ānandattherena ‘‘brahmā ca lokādhipatī’’ti ayaṃ gāthā vuttāti veditabbā. Ayamettha gāthāsambandho.

    зд̇д̇аавад̇аа –

    Ettāvatā –

    ‘‘гад̣̇ааяам̣ д̇хаммад̣̇зсанад̇т̇ам̣, аж̇жхидто б̣рахмунаа ж̇ино;

    ‘‘Kadāyaṃ dhammadesanatthaṃ, ajjhiṭṭho brahmunā jino;

    гад̣̇аа гад̇т̇а жа гзнааяам̣, г̇аат̇аа хи самуд̣̇ийрид̇аа’’д̇и. –

    Kadā kattha ca kenāyaṃ, gāthā hi samudīritā’’ti. –

    аяамби г̇аат̇аа вуд̇д̇ад̇т̇аа ход̇и. звам̣ иминаа самб̣анд̇хзна вуд̇д̇ааяа банассаа ануд̇д̇аанабад̣̇аван̣н̣анам̣ гариссаама.

    Ayampi gāthā vuttatthā hoti. Evaṃ iminā sambandhena vuttāya panassā anuttānapadavaṇṇanaṃ karissāma.

    д̇ад̇т̇а б̣рахмаад̇и б̣руухид̇о д̇зхи д̇зхи г̇ун̣ависзсзхийд̇и б̣рахмаа. аяам̣ бана б̣рахма-сад̣̇д̣̇о махааб̣рахмаб̣раахман̣ад̇ат̇ааг̇ад̇амаад̇аабид̇усздтаад̣̇ийсу д̣̇иссад̇и. д̇ат̇аа хи ‘‘д̣̇висахассо б̣рахмаа’’д̇иаад̣̇ийсу (ма. ни. 3.166) махааб̣рахмаад̇и ад̇хиббзд̇о.

    Tattha brahmāti brūhito tehi tehi guṇavisesehīti brahmā. Ayaṃ pana brahma-saddo mahābrahmabrāhmaṇatathāgatamātāpituseṭṭhādīsu dissati. Tathā hi ‘‘dvisahasso brahmā’’tiādīsu (ma. ni. 3.166) mahābrahmāti adhippeto.

    ‘‘д̇амонуд̣̇о б̣уд̣̇д̇хо саманд̇ажагку, логанд̇аг̇уу саб̣б̣абхаваад̇ивад̇д̇о;

    ‘‘Tamonudo buddho samantacakkhu, lokantagū sabbabhavātivatto;

    анаасаво саб̣б̣ад̣̇угкаббахийно, сажжавхаяо б̣рахмз убаасид̇о мз’’д̇и. (су. ни. 1139) –

    Anāsavo sabbadukkhappahīno, saccavhayo brahme upāsito me’’ti. (su. ni. 1139) –

    зд̇т̇а б̣раахман̣о. ‘‘б̣рахмаад̇и ко, бхигкавз, д̇ат̇ааг̇ад̇ассзд̇ам̣ ад̇хиважана’’нд̇и зд̇т̇а д̇ат̇ааг̇ад̇о. ‘‘б̣рахмаад̇и маад̇аабид̇аро буб̣б̣аажарияаад̇и вужжарз’’д̇и (а. ни. 3.31; 4.63; ид̇иву. 106; ж̇аа. 2.20.181) зд̇т̇а маад̇аабид̇аро. ‘‘б̣рахмажаггам̣ бавад̇д̇зд̇ий’’д̇и (ма. ни. 1.148; сам̣. ни. 2.21; а. ни. 4.8; 5.11; бади. ма. 2.44) зд̇т̇а сздто ад̇хиббзд̇о. ид̇ха бана батамаж̇жхаанам̣ бан̣ийд̇ам̣ бхаавзд̇ваа батамаж̇жхаанабхуумияам̣ ниб̣б̣ад̇д̇о габбааяуго махааб̣рахмаа ад̇хиббзд̇о (ма. ни. адта. 1.3). жа-сад̣̇д̣̇о самбин̣д̣анад̇т̇о, б̣рахмаа жа ан̃н̃з жа д̣̇асасу жаггаваал̣асахассзсу б̣рахмаано жаад̇и ад̇т̇о, бад̣̇абууран̣амад̇д̇о ваа. логаад̇хибад̇ийд̇и зд̇т̇а логод̇и сан̇кааралого сад̇д̇алого огаасалогод̇и д̇аяо логаа. д̇зсу ид̇ха сад̇д̇алого ад̇хиббзд̇о. д̇асса иссаро ад̇хибад̇ийд̇и логаад̇хибад̇и, логзгад̣̇зсассааби ад̇хибад̇и логаад̇хибад̇ийд̇и вужжад̇и д̣̇зваад̇хибад̇и нараад̇хибад̇и вияа.

    Ettha brāhmaṇo. ‘‘Brahmāti kho, bhikkhave, tathāgatassetaṃ adhivacana’’nti ettha tathāgato. ‘‘Brahmāti mātāpitaro pubbācariyāti vuccare’’ti (a. ni. 3.31; 4.63; itivu. 106; jā. 2.20.181) ettha mātāpitaro. ‘‘Brahmacakkaṃ pavattetī’’ti (ma. ni. 1.148; saṃ. ni. 2.21; a. ni. 4.8; 5.11; paṭi. ma. 2.44) ettha seṭṭho adhippeto. Idha pana paṭhamajjhānaṃ paṇītaṃ bhāvetvā paṭhamajjhānabhūmiyaṃ nibbatto kappāyuko mahābrahmā adhippeto (ma. ni. aṭṭha. 1.3). Ca-saddo sampiṇḍanattho, brahmā ca aññe ca dasasu cakkavāḷasahassesu brahmāno cāti attho, padapūraṇamatto vā. Lokādhipatīti ettha lokoti saṅkhāraloko sattaloko okāsalokoti tayo lokā. Tesu idha sattaloko adhippeto. Tassa issaro adhipatīti lokādhipati, lokekadesassāpi adhipati lokādhipatīti vuccati devādhipati narādhipati viya.

    сахамбад̇ийд̇и со гира гассабасса бхаг̇авад̇о саасанз сахаго наама т̇зро батамаж̇жхаанам̣ ниб̣б̣ад̇д̇зд̇ваа абарихийнаж̇жхаано ж̇ийвид̇абарияосаанз батамаж̇жхаанабхуумияам̣ габбааяугамахааб̣рахмаа худ̇ваа ниб̣б̣ад̇д̇о, д̇ад̇ра бана нам̣ ‘‘сахамбад̇и б̣рахмаа’’д̇и сан̃ж̇аананд̇и. ‘‘сахагабад̇ий’’д̇и вад̇д̇аб̣б̣з ануссарааг̇амам̣ гад̇ваа рул̣хийвасзна ‘‘сахамбад̇ий’’д̇и вад̣̇анд̇и. гад̇ан̃ж̇алийд̇и гад̇ан̃ж̇алиго, ан̃ж̇алибудам̣ сираси гад̇ваад̇и ад̇т̇о. анад̇хиваранд̇и ажжанд̇аваро ад̇хиваро наасса ад̇т̇ийд̇и анад̇хиваро, на д̇ад̇о ад̇хиго варо ад̇т̇ийд̇и ваа анад̇хиваро, ануд̇д̇арод̇и ад̇т̇о, д̇ам̣ анад̇хиварам̣. аяаажат̇аад̇и аяаажид̇т̇а аж̇жхзси.

    Sahampatīti so kira kassapassa bhagavato sāsane sahako nāma thero paṭhamajjhānaṃ nibbattetvā aparihīnajjhāno jīvitapariyosāne paṭhamajjhānabhūmiyaṃ kappāyukamahābrahmā hutvā nibbatto, tatra pana naṃ ‘‘sahampati brahmā’’ti sañjānanti. ‘‘Sahakapatī’’ti vattabbe anussarāgamaṃ katvā ruḷhīvasena ‘‘sahampatī’’ti vadanti. Katañjalīti katañjaliko, añjalipuṭaṃ sirasi katvāti attho. Anadhivaranti accantavaro adhivaro nāssa atthīti anadhivaro, na tato adhiko varo atthīti vā anadhivaro, anuttaroti attho, taṃ anadhivaraṃ. Ayācathāti ayācittha ajjhesi.

    ид̣̇аани яассад̇т̇ааяа со бхаг̇аванд̇ам̣ аяаажи, д̇амад̇т̇ам̣ д̣̇ассзд̇ум̣ ‘‘санд̇ийд̇ха сад̇д̇аа’’д̇иаад̣̇и вуд̇д̇ам̣. д̇ад̇т̇а санд̇ийд̇и сам̣виж̇ж̇анд̇и убалаб̣бханд̇и, б̣уд̣̇д̇хажагкусса аабаат̇ам̣ ааг̇ажчанд̇аа ад̇т̇ийд̇и ад̇т̇о. ид̇хаад̇и аяам̣ д̣̇зсаабад̣̇зсз нибаад̇о . свааяам̣ гад̇т̇ажи саасанам̣ убаад̣̇ааяа вужжад̇и. яат̇ааха – ‘‘ид̇хзва, бхигкавз, саман̣о, ид̇ха д̣̇уд̇ияо саман̣о, ид̇ха д̇ад̇ияо саман̣о, ид̇ха жад̇уд̇т̇о саман̣о, сун̃н̃аа бараббаваад̣̇аа саман̣збхи ан̃н̃зхий’’д̇и (ма. ни. 1.139; д̣̇ий. ни. 2.214; а. ни. 4.241). гад̇т̇ажи огаасам̣, яат̇ааха –

    Idāni yassatthāya so bhagavantaṃ ayāci, tamatthaṃ dassetuṃ ‘‘santīdha sattā’’tiādi vuttaṃ. Tattha santīti saṃvijjanti upalabbhanti, buddhacakkhussa āpāthaṃ āgacchantā atthīti attho. Idhāti ayaṃ desāpadese nipāto . Svāyaṃ katthaci sāsanaṃ upādāya vuccati. Yathāha – ‘‘idheva, bhikkhave, samaṇo, idha dutiyo samaṇo, idha tatiyo samaṇo, idha catuttho samaṇo, suññā parappavādā samaṇebhi aññehī’’ti (ma. ni. 1.139; dī. ni. 2.214; a. ni. 4.241). Katthaci okāsaṃ, yathāha –

    ‘‘ид̇хзва д̇идтамаанасса, д̣̇звабхууд̇асса мз сад̇о;

    ‘‘Idheva tiṭṭhamānassa, devabhūtassa me sato;

    бунарааяу жа мз лад̣̇д̇хо, звам̣ ж̇аанаахи маарисаа’’д̇и. (д̣̇ий. ни. 2.369) –

    Punarāyu ca me laddho, evaṃ jānāhi mārisā’’ti. (dī. ni. 2.369) –

    гад̇т̇ажи бад̣̇абууран̣амад̇д̇амзва ход̇и. яат̇ааха – ‘‘ид̇хаахам̣, бхигкавз, бхуд̇д̇аавий ассам̣ баваарид̇о’’д̇и (ма. ни. 1.30). гад̇т̇ажи логам̣ убаад̣̇ааяа, яат̇ааха – ‘‘ид̇ха д̇ат̇ааг̇ад̇о логз уббаж̇ж̇ад̇и б̣ахуж̇анахид̇ааяа б̣ахуж̇анасукааяаа’’д̇и (а. ни. 1.170). ид̇хааби логамзва убаад̣̇ааяа вуд̇д̇од̇и взд̣̇ид̇аб̣б̣о. д̇асмаа имасмим̣ сад̇д̇алогзд̇и ад̇т̇о. сад̇д̇аад̇и руубаад̣̇ийсу канд̇хзсу чанд̣̇арааг̇зна сад̇д̇аа висад̇д̇аа аасад̇д̇аа лаг̇г̇аа лаг̇ид̇аад̇и сад̇д̇аа, сад̇д̇аад̇и баан̣ино вужжанд̇и. рул̣хийсад̣̇д̣̇зна бана вийд̇арааг̇зсуби аяам̣ вохааро вад̇д̇ад̇иязва.

    Katthaci padapūraṇamattameva hoti. Yathāha – ‘‘idhāhaṃ, bhikkhave, bhuttāvī assaṃ pavārito’’ti (ma. ni. 1.30). Katthaci lokaṃ upādāya, yathāha – ‘‘idha tathāgato loke uppajjati bahujanahitāya bahujanasukhāyā’’ti (a. ni. 1.170). Idhāpi lokameva upādāya vuttoti veditabbo. Tasmā imasmiṃ sattaloketi attho. Sattāti rūpādīsu khandhesu chandarāgena sattā visattā āsattā laggā lagitāti sattā, sattāti pāṇino vuccanti. Ruḷhīsaddena pana vītarāgesupi ayaṃ vohāro vattatiyeva.

    аббараж̇агкаж̇аад̇игаад̇и бан̃н̃аамаяз агкимхи аббам̣ барид̇д̇ам̣ рааг̇ад̣̇осамохараж̇ам̣ зд̇зсам̣ звам̣сабхааваа жа д̇зд̇и аббараж̇агкаж̇аад̇игаа, аббам̣ рааг̇аад̣̇ираж̇амзва ваа язсам̣ д̇з аббараж̇агкаа, д̇з аббараж̇агкасабхааваа аббараж̇агкаж̇аад̇игаад̇и звамзд̇т̇а ад̇т̇о д̣̇адтаб̣б̣о. д̇зсам̣ аббараж̇агкаж̇аад̇игаанам̣. ‘‘сад̇д̇аана’’нд̇и вибхад̇д̇ивибарин̣аамам̣ гад̇ваа – ‘‘д̣̇зсзхи д̇хамма’’нд̇и иминаа самб̣анд̇хам̣ гад̇ваа ад̇т̇о д̣̇адтаб̣б̣о. д̣̇зсзхийд̇и ааяаажанаважанамзд̇ам̣, д̣̇зсзхи гат̇зхи убад̣̇исаад̇и ад̇т̇о. д̇хамманд̇и зд̇т̇а аяам̣ д̇хамма-сад̣̇д̣̇о барияад̇д̇исамаад̇хибан̃н̃аабагад̇исабхаавасун̃н̃ад̇аабун̃н̃ааабад̇д̇ин̃зяяажад̇усажжад̇хаммаад̣̇ийсу д̣̇иссад̇и. д̇ат̇аа хи – ‘‘ид̇ха бхигку д̇хаммам̣ барияаабун̣аад̇и суд̇д̇ам̣ г̇зяяам̣ взяяаагаран̣ам̣…бз… взд̣̇алла’’нд̇иаад̣̇ийсу (ма. ни. 1.239; а. ни. 4.102) барияад̇д̇ияам̣ д̣̇иссад̇и. ‘‘звам̣д̇хаммаа д̇з бхаг̇аванд̇о ахзсу’’нд̇иаад̣̇ийсу самаад̇химхи.

    Apparajakkhajātikāti paññāmaye akkhimhi appaṃ parittaṃ rāgadosamoharajaṃ etesaṃ evaṃsabhāvā ca teti apparajakkhajātikā, appaṃ rāgādirajameva vā yesaṃ te apparajakkhā, te apparajakkhasabhāvā apparajakkhajātikāti evamettha attho daṭṭhabbo. Tesaṃ apparajakkhajātikānaṃ. ‘‘Sattāna’’nti vibhattivipariṇāmaṃ katvā – ‘‘desehi dhamma’’nti iminā sambandhaṃ katvā attho daṭṭhabbo. Desehīti āyācanavacanametaṃ, desehi kathehi upadisāti attho. Dhammanti ettha ayaṃ dhamma-saddo pariyattisamādhipaññāpakatisabhāvasuññatāpuññaāpattiñeyyacatusaccadhammādīsu dissati. Tathā hi – ‘‘idha bhikkhu dhammaṃ pariyāpuṇāti suttaṃ geyyaṃ veyyākaraṇaṃ…pe… vedalla’’ntiādīsu (ma. ni. 1.239; a. ni. 4.102) pariyattiyaṃ dissati. ‘‘Evaṃdhammā te bhagavanto ahesu’’ntiādīsu samādhimhi.

    ‘‘яассзд̇з жад̇уро д̇хаммаа, ваанаринд̣̇а яат̇аа д̇ава;

    ‘‘Yassete caturo dhammā, vānarinda yathā tava;

    сажжам̣ д̇хаммо д̇хид̇и жааг̇о, д̣̇идтам̣ со ад̇ивад̇д̇ад̇ий’’д̇и. –

    Saccaṃ dhammo dhiti cāgo, diṭṭhaṃ so ativattatī’’ti. –

    аад̣̇ийсу (ж̇аа. 1.2.147) бан̃н̃ааяа. ‘‘ж̇аад̇ид̇хаммаа ж̇араад̇хаммаа, ат̇о маран̣ад̇хаммино’’д̇иаад̣̇ийсу (а. ни. 3.39) багад̇ияам̣. ‘‘гусалаа д̇хаммаа, агусалаа д̇хаммаа, аб̣яаагад̇аа д̇хаммаа’’д̇иаад̣̇ийсу (д̇ха. са. д̇игамаад̇игаа) сабхаавз. ‘‘д̇асмим̣ ко бана самаяз д̇хаммаа хонд̇и канд̇хаа хонд̇ий’’д̇иаад̣̇ийсу (д̇ха. са. 121) сун̃н̃ад̇ааяам̣. ‘‘д̇хаммо сужин̣н̣о сукамаавахаад̇ий’’д̇иаад̣̇ийсу (су. ни. 184; т̇зраг̇аа. 303; ж̇аа. 1.10.102; 1.15.385) бун̃н̃з. ‘‘д̣̇вз анияад̇аа д̇хаммаа’’д̇иаад̣̇ийсу аабад̇д̇ияам̣. ‘‘саб̣б̣з д̇хаммаа саб̣б̣аагаарзна б̣уд̣̇д̇хасса бхаг̇авад̇о н̃аан̣амукз аабаат̇ам̣ ааг̇ажчанд̇ий’’д̇иаад̣̇ийсу (махаани. 156; жуул̣ани. могхарааж̇амаан̣авабужчаанид̣̇д̣̇зса 85) н̃зяяз. ‘‘д̣̇идтад̇хаммо бад̇д̇ад̇хаммо вид̣̇ид̇ад̇хаммо’’д̇иаад̣̇ийсу (д̣̇ий. ни. 1.299; махаава. 27, 57) жад̇усажжад̇хаммз. ид̇хааби жад̇усажжад̇хаммз д̣̇адтаб̣б̣о (ма. ни. адта. 1.суд̇д̇анигкзбаван̣н̣анаа; д̇ха. са. адта. жид̇д̇уббаад̣̇аган̣д̣а 1). анугамбаад̇и анугамбам̣ ануд̣̇д̣̇аяам̣ гарохи. иманд̇и баж̇ам̣ нид̣̇д̣̇исанд̇о ааха. баж̇анд̇и баж̇аад̇ад̇д̇аа баж̇аа, д̇ам̣ баж̇ам̣, сад̇д̇анигааяам̣ сам̣саарад̣̇угкад̇о можзхийд̇и ад̇хиббааяо. гзжи бана –

    Ādīsu (jā. 1.2.147) paññāya. ‘‘Jātidhammā jarādhammā, atho maraṇadhammino’’tiādīsu (a. ni. 3.39) pakatiyaṃ. ‘‘Kusalā dhammā, akusalā dhammā, abyākatā dhammā’’tiādīsu (dha. sa. tikamātikā) sabhāve. ‘‘Tasmiṃ kho pana samaye dhammā honti khandhā hontī’’tiādīsu (dha. sa. 121) suññatāyaṃ. ‘‘Dhammo suciṇṇo sukhamāvahātī’’tiādīsu (su. ni. 184; theragā. 303; jā. 1.10.102; 1.15.385) puññe. ‘‘Dve aniyatā dhammā’’tiādīsu āpattiyaṃ. ‘‘Sabbe dhammā sabbākārena buddhassa bhagavato ñāṇamukhe āpāthaṃ āgacchantī’’tiādīsu (mahāni. 156; cūḷani. mogharājamāṇavapucchāniddesa 85) ñeyye. ‘‘Diṭṭhadhammo pattadhammo viditadhammo’’tiādīsu (dī. ni. 1.299; mahāva. 27, 57) catusaccadhamme. Idhāpi catusaccadhamme daṭṭhabbo (ma. ni. aṭṭha. 1.suttanikkhepavaṇṇanā; dha. sa. aṭṭha. cittuppādakaṇḍa 1). Anukampāti anukampaṃ anuddayaṃ karohi. Imanti pajaṃ niddisanto āha. Pajanti pajātattā pajā, taṃ pajaṃ, sattanikāyaṃ saṃsāradukkhato mocehīti adhippāyo. Keci pana –

    ‘‘бхаг̇аваад̇и логаад̇хибад̇ий наруд̇д̇амо,

    ‘‘Bhagavāti lokādhipatī naruttamo,

    гад̇ан̃ж̇алий б̣рахмаг̇ан̣зхи яаажид̇о’’д̇и. –

    Katañjalī brahmagaṇehi yācito’’ti. –

    батанд̇и. зд̇д̇аавад̇аа саб̣б̣асо аяам̣ г̇аат̇аа вуд̇д̇ад̇т̇аа ход̇и.

    Paṭhanti. Ettāvatā sabbaso ayaṃ gāthā vuttatthā hoti.

    ат̇а бхаг̇авад̇о д̇ам̣ б̣рахмуно сахамбад̇исса ааяаажанаважанам̣ суд̇ваа абаримид̇асамаяасамуд̣̇ид̇агарун̣ааб̣аласса д̣̇асаб̣аласса барахид̇агаран̣анибун̣амад̇ижаарасса саб̣б̣асад̇д̇зсу огаасагаран̣амад̇д̇зна махаагарун̣аа уд̣̇абаад̣̇и. д̇ам̣ бана бхаг̇авад̇о гарун̣уббад̇д̇им̣ д̣̇ассзнд̇зхи сан̇г̇ийд̇игаалз сан̇г̇ийд̇игаарагзхи –

    Atha bhagavato taṃ brahmuno sahampatissa āyācanavacanaṃ sutvā aparimitasamayasamuditakaruṇābalassa dasabalassa parahitakaraṇanipuṇamaticārassa sabbasattesu okāsakaraṇamattena mahākaruṇā udapādi. Taṃ pana bhagavato karuṇuppattiṃ dassentehi saṅgītikāle saṅgītikārakehi –

    2.

    2.

    ‘‘самбаннавиж̇ж̇аажаран̣асса д̇аад̣̇ино, ж̇уд̇инд̇харассанд̇имад̣̇зхад̇хаарино;

    ‘‘Sampannavijjācaraṇassa tādino, jutindharassantimadehadhārino;

    д̇ат̇ааг̇ад̇ассаббадибуг̇г̇аласса, уббаж̇ж̇и гаарун̃н̃ад̇аа саб̣б̣асад̇д̇з’’д̇и. –

    Tathāgatassappaṭipuggalassa, uppajji kāruññatā sabbasatte’’ti. –

    аяам̣ г̇аат̇аа табид̇аа.

    Ayaṃ gāthā ṭhapitā.

    д̇ад̇т̇а самбаннавиж̇ж̇аажаран̣ассаад̇и самбаннам̣ наама д̇ивид̇хам̣ барибун̣н̣асаман̇г̇имад̇хуравасзна. д̇ад̇т̇а –

    Tattha sampannavijjācaraṇassāti sampannaṃ nāma tividhaṃ paripuṇṇasamaṅgimadhuravasena. Tattha –

    ‘‘самбаннам̣ саалигзд̣̇аарам̣, суваа бхун̃ж̇анд̇и госияа;

    ‘‘Sampannaṃ sālikedāraṃ, suvā bhuñjanti kosiya;

    бадивзд̣̇зми д̇з б̣рахмз, на нам̣ ваарзд̇умуссахз’’д̇и. (ж̇аа. 1.14.1) –

    Paṭivedemi te brahme, na naṃ vāretumussahe’’ti. (jā. 1.14.1) –

    ид̣̇ам̣ барибун̣н̣асамбаннам̣ наама. ‘‘иминаа баад̇имогкасам̣варзна убзд̇о ход̇и самубзд̇о убаг̇ад̇о самубаг̇ад̇о самбанно саманнааг̇ад̇о’’д̇и (вибха. 511) ид̣̇ам̣ саман̇г̇исамбаннам̣ наама. ‘‘имиссаа, бханд̇з, махаабат̇авияаа хздтимад̇алам̣ самбаннам̣, сзяяат̇ааби куд̣̇д̣̇амад̇хум̣ анийлагам̣, звамассаад̣̇а’’нд̇и (баараа. 18) ид̣̇ам̣ мад̇хурасамбаннам̣ наама. ид̇ха барибун̣н̣асамбаннамби саман̇г̇исамбаннамби яуж̇ж̇ад̇и (ма. ни. адта. 1.64). виж̇ж̇аад̇и бадибагкад̇хаммз виж̇жханадтзна вид̣̇ид̇агаран̣адтзна винд̣̇ид̇аб̣б̣адтзна жа виж̇ж̇аа. д̇аа бана д̇иссоби виж̇ж̇аа адтаби виж̇ж̇аа. д̇иссо виж̇ж̇аа бхаяабхзравасуд̇д̇з (ма. ни. 1.50 аад̣̇аяо) ааг̇ад̇анаязнзва взд̣̇ид̇аб̣б̣аа, адта амб̣адтасуд̇д̇з (д̣̇ий. ни. 1.278 аад̣̇аяо). д̇ад̇ра хи вибассанаан̃аан̣зна маномаяид̣̇д̇хияаа жа саха ча абхин̃н̃аа бариг̇г̇ахзд̇ваа адта виж̇ж̇аа вуд̇д̇аа. жаран̣анд̇и сийласам̣варо инд̣̇риязсу г̇уд̇д̇ад̣̇ваарад̇аа бхож̇анз мад̇д̇ан̃н̃уд̇аа ж̇ааг̇арияаануяог̇о сад̣̇д̇хаа хирий од̇д̇аббам̣ б̣аахусажжам̣ аарад̣̇д̇хавийрияад̇аа убадтид̇ассад̇ид̇аа бан̃н̃аасамбаннад̇аа жад̇д̇аари руубааважараж̇жхаанаанийд̇и имз баннараса д̇хаммаа взд̣̇ид̇аб̣б̣аа. имзязва хи баннараса д̇хаммаа яасмаа зд̇зхи жарад̇и арияасааваго г̇ажчад̇и амад̇ам̣ д̣̇исам̣, д̇асмаа ‘‘жаран̣а’’нд̇и вуд̇д̇аа. яат̇ааха – ‘‘ид̇ха, махаанаама, арияасааваго сийлаваа ход̇ий’’д̇и (ма. ни. 2.24) саб̣б̣ам̣ маж̇жхимабан̣н̣аасагз вуд̇д̇анаязнзва взд̣̇ид̇аб̣б̣ам̣. виж̇ж̇аа жа жаран̣ан̃жа виж̇ж̇аажаран̣аани, самбаннаани барибун̣н̣аани виж̇ж̇аажаран̣аани яасса сояам̣ самбаннавиж̇ж̇аажаран̣о, виж̇ж̇аажаран̣зхи самбанно саман̇г̇ийбхууд̇о, саманнааг̇ад̇од̇и ваа самбаннавиж̇ж̇аажаран̣о. убхаяат̇ааби ад̇т̇о яуж̇ж̇ад̇зва, д̇асса самбаннавиж̇ж̇аажаран̣асса (баараа. адта. 1.1 взран̃ж̇аган̣д̣аван̣н̣анаа).

    Idaṃ paripuṇṇasampannaṃ nāma. ‘‘Iminā pātimokkhasaṃvarena upeto hoti samupeto upagato samupagato sampanno samannāgato’’ti (vibha. 511) idaṃ samaṅgisampannaṃ nāma. ‘‘Imissā, bhante, mahāpathaviyā heṭṭhimatalaṃ sampannaṃ, seyyathāpi khuddamadhuṃ anīlakaṃ, evamassāda’’nti (pārā. 18) idaṃ madhurasampannaṃ nāma. Idha paripuṇṇasampannampi samaṅgisampannampi yujjati (ma. ni. aṭṭha. 1.64). Vijjāti paṭipakkhadhamme vijjhanaṭṭhena viditakaraṇaṭṭhena vinditabbaṭṭhena ca vijjā. Tā pana tissopi vijjā aṭṭhapi vijjā. Tisso vijjā bhayabheravasutte (ma. ni. 1.50 ādayo) āgatanayeneva veditabbā, aṭṭha ambaṭṭhasutte (dī. ni. 1.278 ādayo). Tatra hi vipassanāñāṇena manomayiddhiyā ca saha cha abhiññā pariggahetvā aṭṭha vijjā vuttā. Caraṇanti sīlasaṃvaro indriyesu guttadvāratā bhojane mattaññutā jāgariyānuyogo saddhā hirī ottappaṃ bāhusaccaṃ āraddhavīriyatā upaṭṭhitassatitā paññāsampannatā cattāri rūpāvacarajjhānānīti ime pannarasa dhammā veditabbā. Imeyeva hi pannarasa dhammā yasmā etehi carati ariyasāvako gacchati amataṃ disaṃ, tasmā ‘‘caraṇa’’nti vuttā. Yathāha – ‘‘idha, mahānāma, ariyasāvako sīlavā hotī’’ti (ma. ni. 2.24) sabbaṃ majjhimapaṇṇāsake vuttanayeneva veditabbaṃ. Vijjā ca caraṇañca vijjācaraṇāni, sampannāni paripuṇṇāni vijjācaraṇāni yassa soyaṃ sampannavijjācaraṇo, vijjācaraṇehi sampanno samaṅgībhūto, samannāgatoti vā sampannavijjācaraṇo. Ubhayathāpi attho yujjateva, tassa sampannavijjācaraṇassa (pārā. aṭṭha. 1.1 verañjakaṇḍavaṇṇanā).

    д̇аад̣̇инод̇и ‘‘идтзби д̇аад̣̇ий анидтзби д̇аад̣̇ий’’д̇иаад̣̇инаа наязна махаанид̣̇д̣̇зсз (махаани. 38, 192) ааг̇ад̇ад̇аад̣̇илагкан̣зна д̇аад̣̇ино, идтаанидтаад̣̇ийсу авигаарасса д̇аад̣̇исассаад̇и ад̇т̇о. ж̇уд̇инд̇харассаад̇и ж̇уд̇имад̇о, яуг̇анд̇харз сарад̣̇асамаяз самуд̣̇ид̇ад̣̇ивасагараад̇ирзгад̇арасассиригасарийраж̇уд̇ивисарад̇харассаад̇и ад̇т̇о. ‘‘бан̃н̃аабаж̇ж̇од̇ад̇харассаа’’д̇и ваа вад̇д̇ум̣ ваддад̇и. вуд̇д̇ан̃хзд̇ам̣ –

    Tādinoti ‘‘iṭṭhepi tādī aniṭṭhepi tādī’’tiādinā nayena mahāniddese (mahāni. 38, 192) āgatatādilakkhaṇena tādino, iṭṭhāniṭṭhādīsu avikārassa tādisassāti attho. Jutindharassāti jutimato, yugandhare saradasamaye samuditadivasakarātirekatarasassirikasarīrajutivisaradharassāti attho. ‘‘Paññāpajjotadharassā’’ti vā vattuṃ vaṭṭati. Vuttañhetaṃ –

    ‘‘жад̇д̇ааро логз баж̇ж̇од̇аа, бан̃жамзд̇т̇а на виж̇ж̇ад̇и;

    ‘‘Cattāro loke pajjotā, pañcamettha na vijjati;

    д̣̇иваа д̇абад̇и аад̣̇ижжо, рад̇д̇имаабхаад̇и жанд̣̇имаа.

    Divā tapati ādicco, rattimābhāti candimā.

    ‘‘ат̇а аг̇г̇и д̣̇иваарад̇д̇им̣, д̇ад̇т̇а д̇ад̇т̇а бабхаасад̇и;

    ‘‘Atha aggi divārattiṃ, tattha tattha pabhāsati;

    самб̣уд̣̇д̇хо д̇абад̇ам̣ сздто, зсаа аабхаа ануд̇д̇араа’’д̇и. (сам̣. ни. 1.26, 85);

    Sambuddho tapataṃ seṭṭho, esā ābhā anuttarā’’ti. (saṃ. ni. 1.26, 85);

    д̇асмаа убхаяат̇ааби сарийрабан̃н̃ааж̇уд̇ивисарад̇харассаад̇и ад̇т̇о. анд̇имад̣̇зхад̇хааринод̇и саб̣б̣абажчимасарийрад̇хаарино, абунаб̣бхавассаад̇и ад̇т̇о.

    Tasmā ubhayathāpi sarīrapaññājutivisaradharassāti attho. Antimadehadhārinoti sabbapacchimasarīradhārino, apunabbhavassāti attho.

    д̇ат̇ааг̇ад̇ассаад̇и зд̇т̇а адтахи гааран̣зхи бхаг̇аваа ‘‘д̇ат̇ааг̇ад̇о’’д̇и вужжад̇и. гад̇амзхи адтахи? д̇ат̇аа ааг̇ад̇од̇и д̇ат̇ааг̇ад̇о, д̇ат̇аа г̇ад̇од̇и д̇ат̇ааг̇ад̇о, д̇ат̇алагкан̣ам̣ ааг̇ад̇од̇и д̇ат̇ааг̇ад̇о, д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о, д̇ат̇ад̣̇ассид̇ааяа д̇ат̇ааг̇ад̇о, д̇ат̇аваад̣̇ид̇ааяа д̇ат̇ааг̇ад̇о, д̇ат̇аагаарид̇ааяа д̇ат̇ааг̇ад̇о, абхибхаванадтзна д̇ат̇ааг̇ад̇од̇и.

    Tathāgatassāti ettha aṭṭhahi kāraṇehi bhagavā ‘‘tathāgato’’ti vuccati. Katamehi aṭṭhahi? Tathā āgatoti tathāgato, tathā gatoti tathāgato, tathalakkhaṇaṃ āgatoti tathāgato, tathadhamme yāthāvato abhisambuddhoti tathāgato, tathadassitāya tathāgato, tathavāditāya tathāgato, tathākāritāya tathāgato, abhibhavanaṭṭhena tathāgatoti.

    гат̇ам̣ бхаг̇аваа д̇ат̇аа ааг̇ад̇од̇и д̇ат̇ааг̇ад̇о? яат̇аа язна абхинийхаарзна д̣̇аанабаарамим̣ буурзд̇ваа сийланзгкаммабан̃н̃аавийрияаканд̇исажжаад̇хидтаанамзд̇д̇убзгкаабаарамим̣ буурзд̇ваа имаа д̣̇аса баарамияо д̣̇аса убабаарамияо д̣̇аса барамад̇т̇абаарамияод̇и самад̇д̇им̣са баарамияо буурзд̇ваа ан̇г̇абарижжааг̇ам̣ ж̇ийвид̇абарижжааг̇ам̣ д̇ханараж̇ж̇абуд̇д̇ад̣̇аарабарижжааг̇анд̇и имз бан̃жа махаабарижжааг̇з барижжаж̇ид̇ваа яат̇аа вибассиаад̣̇аяо саммаасамб̣уд̣̇д̇хаа ааг̇ад̇аа, д̇ат̇аа амхаагамби бхаг̇аваа ааг̇ад̇од̇и д̇ат̇ааг̇ад̇о. яат̇ааха –

    Kathaṃ bhagavā tathā āgatoti tathāgato? Yathā yena abhinīhārena dānapāramiṃ pūretvā sīlanekkhammapaññāvīriyakhantisaccaadhiṭṭhānamettupekkhāpāramiṃ pūretvā imā dasa pāramiyo dasa upapāramiyo dasa paramatthapāramiyoti samattiṃsa pāramiyo pūretvā aṅgapariccāgaṃ jīvitapariccāgaṃ dhanarajjaputtadārapariccāganti ime pañca mahāpariccāge pariccajitvā yathā vipassiādayo sammāsambuddhā āgatā, tathā amhākampi bhagavā āgatoti tathāgato. Yathāha –

    ‘‘яат̇зва логамхи вибассиаад̣̇аяо, саб̣б̣ан̃н̃убхаавам̣ мунаяо ид̇хааг̇ад̇аа;

    ‘‘Yatheva lokamhi vipassiādayo, sabbaññubhāvaṃ munayo idhāgatā;

    д̇ат̇аа аяам̣ сагяамунийби ааг̇ад̇о, д̇ат̇ааг̇ад̇о вужжад̇и д̇зна жагкумаа’’д̇и.

    Tathā ayaṃ sakyamunīpi āgato, tathāgato vuccati tena cakkhumā’’ti.

    гат̇ам̣ д̇ат̇аа г̇ад̇од̇и д̇ат̇ааг̇ад̇о? яат̇аа самбад̇иж̇аад̇аа вибассиаад̣̇аяо самзхи баад̣̇зхи бат̇авияам̣ бад̇идтааяа уд̇д̇араабхимукаа сад̇д̇абад̣̇авийд̇ихаарзна г̇ад̇аа, д̇ат̇аа амхаагамби бхаг̇аваа г̇ад̇од̇и д̇ат̇ааг̇ад̇о. яат̇ааха –

    Kathaṃ tathā gatoti tathāgato? Yathā sampatijātā vipassiādayo samehi pādehi pathaviyaṃ patiṭṭhāya uttarābhimukhā sattapadavītihārena gatā, tathā amhākampi bhagavā gatoti tathāgato. Yathāha –

    ‘‘мухуд̇д̇аж̇аад̇ова г̇авамбад̇ий яат̇аа, самзхи баад̣̇зхи пусий васунд̇харам̣;

    ‘‘Muhuttajātova gavampatī yathā, samehi pādehi phusī vasundharaṃ;

    со виггамий сад̇д̇абад̣̇аани г̇од̇амо, сзд̇ан̃жа чад̇д̇ам̣ ануд̇хаараяум̣ маруу.

    So vikkamī sattapadāni gotamo, setañca chattaṃ anudhārayuṃ marū.

    ‘‘г̇анд̇ваана со сад̇д̇абад̣̇аани г̇од̇амо, д̣̇исаа вилогзси самаа саманд̇ад̇о;

    ‘‘Gantvāna so sattapadāni gotamo, disā vilokesi samā samantato;

    адтан̇г̇убзд̇ам̣ г̇ирамаб̣бхуд̣̇ийраяий, сийхо яат̇аа баб̣б̣ад̇амуд̣̇д̇ханидтид̇о’’д̇и.

    Aṭṭhaṅgupetaṃ giramabbhudīrayī, sīho yathā pabbatamuddhaniṭṭhito’’ti.

    гат̇ам̣ д̇ат̇алагкан̣ам̣ ааг̇ад̇од̇и д̇ат̇ааг̇ад̇о? саб̣б̣зсам̣ руубааруубад̇хаммаанам̣ салагкан̣ам̣ сааман̃н̃алагкан̣ан̃жа д̇ат̇ам̣ авид̇ат̇ам̣ н̃аан̣аг̇ад̇ияаа ааг̇ад̇о авираж̇жхид̇ваа бад̇д̇о ануб̣уд̣̇д̇ход̇и д̇ат̇ааг̇ад̇о.

    Kathaṃ tathalakkhaṇaṃ āgatoti tathāgato? Sabbesaṃ rūpārūpadhammānaṃ salakkhaṇaṃ sāmaññalakkhaṇañca tathaṃ avitathaṃ ñāṇagatiyā āgato avirajjhitvā patto anubuddhoti tathāgato.

    ‘‘саб̣б̣зсам̣ бана д̇хаммаанам̣, сагасааман̃н̃алагкан̣ам̣;

    ‘‘Sabbesaṃ pana dhammānaṃ, sakasāmaññalakkhaṇaṃ;

    д̇ат̇амзвааг̇ад̇о яасмаа, д̇асмаа сад̇т̇аа д̇ат̇ааг̇ад̇о’’д̇и.

    Tathamevāgato yasmā, tasmā satthā tathāgato’’ti.

    гат̇ам̣ д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о? д̇ат̇ад̇хаммаа наама жад̇д̇аари арияасажжаани. яат̇ааха – ‘‘жад̇д̇ааримаани, бхигкавз, д̇ат̇аани авид̇ат̇аани анан̃н̃ат̇аани. гад̇амаани жад̇д̇аари? ‘ид̣̇ам̣ д̣̇угка’нд̇и, бхигкавз, д̇ат̇амзд̇ам̣ авид̇ат̇амзд̇ам̣ анан̃н̃ат̇амзд̇а’’нд̇и (сам̣. ни. 5.1090) вид̇т̇ааро. д̇аани жа бхаг̇аваа абхисамб̣уд̣̇д̇хо, д̇асмаа д̇ат̇аанам̣ абхисамб̣уд̣̇д̇хад̇д̇аа ‘‘д̇ат̇ааг̇ад̇о’’д̇и вужжад̇и. абхисамб̣уд̣̇д̇хад̇т̇о хи зд̇т̇а г̇ад̇асад̣̇д̣̇о.

    Kathaṃ tathadhamme yāthāvato abhisambuddhoti tathāgato? Tathadhammā nāma cattāri ariyasaccāni. Yathāha – ‘‘cattārimāni, bhikkhave, tathāni avitathāni anaññathāni. Katamāni cattāri? ‘Idaṃ dukkha’nti, bhikkhave, tathametaṃ avitathametaṃ anaññathameta’’nti (saṃ. ni. 5.1090) vitthāro. Tāni ca bhagavā abhisambuddho, tasmā tathānaṃ abhisambuddhattā ‘‘tathāgato’’ti vuccati. Abhisambuddhattho hi ettha gatasaddo.

    ‘‘д̇ат̇анаамаани сажжаани, абхисамб̣уж̇жхи нааяаго;

    ‘‘Tathanāmāni saccāni, abhisambujjhi nāyako;

    д̇асмаа д̇ат̇аанам̣ сажжаанам̣, самб̣уд̣̇д̇хад̇д̇аа д̇ат̇ааг̇ад̇о’’.

    Tasmā tathānaṃ saccānaṃ, sambuddhattā tathāgato’’.

    гат̇ам̣ д̇ат̇ад̣̇ассид̇ааяа д̇ат̇ааг̇ад̇о? бхаг̇аваа хи абаримаан̣аасу логад̇хаад̇уусу абаримаан̣аанам̣ сад̇д̇аанам̣ жагкусод̇агхаан̣аж̇ивхаагааяаманод̣̇ваарзсу аабаат̇ам̣ ааг̇ажчанд̇ам̣ руубасад̣̇д̣̇аг̇анд̇харасаподтаб̣б̣ад̇хаммаарамман̣ам̣ д̇ат̇ааг̇ад̇о саб̣б̣аагаарад̇о ж̇аанаад̇и бассад̇ийд̇и, звам̣ д̇ат̇ад̣̇ассид̇ааяа д̇ат̇ааг̇ад̇о. ат̇а ваа яам̣ логз д̇ат̇ам̣, д̇ам̣ логасса д̇ат̇зва д̣̇ассзд̇и. д̇ад̇оби бхаг̇аваа д̇ат̇ааг̇ад̇о. зд̇т̇а д̇ат̇ад̣̇ассиад̇т̇з ‘‘д̇ат̇ааг̇ад̇о’’д̇и бад̣̇асамбхаво взд̣̇ид̇аб̣б̣о.

    Kathaṃ tathadassitāya tathāgato? Bhagavā hi aparimāṇāsu lokadhātūsu aparimāṇānaṃ sattānaṃ cakkhusotaghāṇajivhākāyamanodvāresu āpāthaṃ āgacchantaṃ rūpasaddagandharasaphoṭṭhabbadhammārammaṇaṃ tathāgato sabbākārato jānāti passatīti, evaṃ tathadassitāya tathāgato. Atha vā yaṃ loke tathaṃ, taṃ lokassa tatheva dasseti. Tatopi bhagavā tathāgato. Ettha tathadassiatthe ‘‘tathāgato’’ti padasambhavo veditabbo.

    ‘‘д̇ат̇аагаарзна яо д̇хаммз, ж̇аанаад̇и анубассад̇и;

    ‘‘Tathākārena yo dhamme, jānāti anupassati;

    д̇ат̇ад̣̇ассийд̇и самб̣уд̣̇д̇хо, д̇асмаа вуд̇д̇о д̇ат̇ааг̇ад̇о’’.

    Tathadassīti sambuddho, tasmā vutto tathāgato’’.

    гат̇ам̣ д̇ат̇аваад̣̇ид̇ааяа д̇ат̇ааг̇ад̇о? яан̃жа абхисамб̣од̇хияаа бариниб̣б̣аанасса жа анд̇арз бан̃жажад̇д̇аалийсавассабаримаан̣агаалз суд̇д̇аад̣̇инаван̇г̇асан̇г̇ахид̇ам̣ бхаасид̇ам̣ лабид̇ам̣ д̇ат̇ааг̇ад̇зна, саб̣б̣ам̣ д̇ам̣ згад̇улааяа д̇улид̇ам̣ вияа д̇ат̇амзва авид̇ат̇амзва ход̇и. д̇знзвааха –

    Kathaṃ tathavāditāya tathāgato? Yañca abhisambodhiyā parinibbānassa ca antare pañcacattālīsavassaparimāṇakāle suttādinavaṅgasaṅgahitaṃ bhāsitaṃ lapitaṃ tathāgatena, sabbaṃ taṃ ekatulāya tulitaṃ viya tathameva avitathameva hoti. Tenevāha –

    ‘‘яан̃жа, жунд̣̇а, рад̇д̇им̣ д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и, яан̃жа рад̇д̇им̣ анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и, яам̣ зд̇асмим̣ анд̇арз бхаасад̇и лабад̇и нид̣̇д̣̇исад̇и, саб̣б̣ам̣ д̇ам̣ д̇ат̇зва ход̇и, но ан̃н̃ат̇аа. д̇асмаа ‘д̇ат̇ааг̇ад̇о’д̇и вужжад̇ий’’д̇и.

    ‘‘Yañca, cunda, rattiṃ tathāgato anuttaraṃ sammāsambodhiṃ abhisambujjhati, yañca rattiṃ anupādisesāya nibbānadhātuyā parinibbāyati, yaṃ etasmiṃ antare bhāsati lapati niddisati, sabbaṃ taṃ tatheva hoti, no aññathā. Tasmā ‘tathāgato’ti vuccatī’’ti.

    зд̇т̇а бана г̇ад̣̇аад̇т̇о хи г̇ад̇асад̣̇д̣̇о. звам̣ д̇ат̇аваад̣̇ид̇ааяа д̇ат̇ааг̇ад̇о. ааг̇ад̣̇анам̣ ааг̇ад̣̇о, важананд̇и ад̇т̇о. д̇ат̇о авибарийд̇о ааг̇ад̣̇о ассаад̇и д̇ат̇ааг̇ад̇о. д̣̇а-гаарасса д̇а-гаарам̣ гад̇ваа вуд̇д̇о.

    Ettha pana gadaattho hi gatasaddo. Evaṃ tathavāditāya tathāgato. Āgadanaṃ āgado, vacananti attho. Tatho aviparīto āgado assāti tathāgato. Da-kārassa ta-kāraṃ katvā vutto.

    ‘‘д̇ат̇ааваад̣̇ий ж̇ино яасмаа, д̇ат̇ад̇хаммаббагаасаго;

    ‘‘Tathāvādī jino yasmā, tathadhammappakāsako;

    д̇ат̇аамааг̇ад̣̇анан̃жасса, д̇асмаа б̣уд̣̇д̇хо д̇ат̇ааг̇ад̇о’’.

    Tathāmāgadanañcassa, tasmā buddho tathāgato’’.

    гат̇ам̣ д̇ат̇аагаарид̇ааяа д̇ат̇ааг̇ад̇о? бхаг̇аваа хи яам̣ яам̣ ваажам̣ абхааси, д̇ам̣ д̇ам̣ зва гааязна гарод̇и, ваажааяа гааяо ануломзд̇и, гааяассаби ваажаа. д̇знзвааха –

    Kathaṃ tathākāritāya tathāgato? Bhagavā hi yaṃ yaṃ vācaṃ abhāsi, taṃ taṃ eva kāyena karoti, vācāya kāyo anulometi, kāyassapi vācā. Tenevāha –

    ‘‘яат̇аа ваад̣̇ий, бхигкавз, д̇ат̇ааг̇ад̇о д̇ат̇аа гаарий, яат̇аа гаарий д̇ат̇аа ваад̣̇ий…бз… д̇асмаа ‘д̇ат̇ааг̇ад̇о’д̇и вужжад̇ий’’д̇и (а. ни. 4.23; жуул̣ани. босааламаан̣авабужчаанид̣̇д̣̇зса 83).

    ‘‘Yathā vādī, bhikkhave, tathāgato tathā kārī, yathā kārī tathā vādī…pe… tasmā ‘tathāgato’ti vuccatī’’ti (a. ni. 4.23; cūḷani. posālamāṇavapucchāniddesa 83).

    яат̇аа жа ваажаа г̇ад̇аа, гааяоби д̇ат̇аа г̇ад̇о, яат̇аа гааяо г̇ад̇о, ваажааби д̇ат̇аа г̇ад̇аа. звам̣ д̇ат̇аагаарид̇ааяа д̇ат̇ааг̇ад̇о.

    Yathā ca vācā gatā, kāyopi tathā gato, yathā kāyo gato, vācāpi tathā gatā. Evaṃ tathākāritāya tathāgato.

    ‘‘яат̇аа ваажаа г̇ад̇аа д̇асса, д̇ат̇аа гааяо г̇ад̇о яад̇о;

    ‘‘Yathā vācā gatā tassa, tathā kāyo gato yato;

    д̇ат̇ааваад̣̇ид̇ааяа самб̣уд̣̇д̇хо, сад̇т̇аа д̇асмаа д̇ат̇ааг̇ад̇о’’.

    Tathāvāditāya sambuddho, satthā tasmā tathāgato’’.

    гат̇ам̣ абхибхаванадтзна д̇ат̇ааг̇ад̇о? убари бхаваг̇г̇ам̣ хздтаа авийжим̣ барияанд̇ам̣ гад̇ваа д̇ирияам̣ абаримаан̣аасу логад̇хаад̇уусу саб̣б̣асад̇д̇з абхибхавад̇и сийлзнаби самаад̇хинааби бан̃н̃ааяаби вимуд̇д̇ияааби вимуд̇д̇ин̃аан̣ад̣̇ассанзнаби, на д̇асса д̇улаа ваа бамаан̣ам̣ ваа ад̇т̇и, ат̇а ко ад̇уло аббамзяяо ануд̇д̇аро. д̇знзвааха –

    Kathaṃ abhibhavanaṭṭhena tathāgato? Upari bhavaggaṃ heṭṭhā avīciṃ pariyantaṃ katvā tiriyaṃ aparimāṇāsu lokadhātūsu sabbasatte abhibhavati sīlenapi samādhināpi paññāyapi vimuttiyāpi vimuttiñāṇadassanenapi, na tassa tulā vā pamāṇaṃ vā atthi, atha kho atulo appameyyo anuttaro. Tenevāha –

    ‘‘сад̣̇звагз, бхигкавз, логз…бз… д̇ат̇ааг̇ад̇о абхибхуу анабхибхууд̇о ан̃н̃ад̣̇ад̇т̇у д̣̇асо васавад̇д̇ий, д̇асмаа ‘д̇ат̇ааг̇ад̇о’д̇и вужжад̇ий’’д̇и (а. ни. 1.23; босааламаан̣авабужчаанид̣̇д̣̇зса 83).

    ‘‘Sadevake, bhikkhave, loke…pe… tathāgato abhibhū anabhibhūto aññadatthu daso vasavattī, tasmā ‘tathāgato’ti vuccatī’’ti (a. ni. 1.23; posālamāṇavapucchāniddesa 83).

    д̇ад̇рзвам̣ бад̣̇асид̣̇д̇хи взд̣̇ид̇аб̣б̣аа – аг̇ад̣̇о вияа аг̇ад̣̇о. го банзса? д̣̇зсанаавилаасо жзва бун̃н̃уссаяо жа. д̇зна хзса махаанубхааво бхисагго д̣̇иб̣б̣ааг̇ад̣̇зна саббз вияа саб̣б̣абараббаваад̣̇ино сад̣̇зваган̃жа логам̣ абхибхавад̇и, ид̇и саб̣б̣алогаабхибхаванад̇о авибарийд̇о д̣̇зсанаавилаасо жзва бун̃н̃уссаяо жа аг̇ад̣̇о ассаад̇и д̣̇а-гаарасса д̇а-гаарам̣ гад̇ваа ‘‘д̇ат̇ааг̇ад̇о’’д̇и взд̣̇ид̇аб̣б̣о. звам̣ абхибхаванадтзна д̇ат̇ааг̇ад̇о.

    Tatrevaṃ padasiddhi veditabbā – agado viya agado. Ko panesa? Desanāvilāso ceva puññussayo ca. Tena hesa mahānubhāvo bhisakko dibbāgadena sappe viya sabbaparappavādino sadevakañca lokaṃ abhibhavati, iti sabbalokābhibhavanato aviparīto desanāvilāso ceva puññussayo ca agado assāti da-kārassa ta-kāraṃ katvā ‘‘tathāgato’’ti veditabbo. Evaṃ abhibhavanaṭṭhena tathāgato.

    ‘‘д̇ат̇о авибарийд̇о жа, аг̇ад̣̇о яасса сад̇т̇уно;

    ‘‘Tatho aviparīto ca, agado yassa satthuno;

    васавад̇д̇ийд̇и со д̇зна, ход̇и сад̇т̇аа д̇ат̇ааг̇ад̇о’’.

    Vasavattīti so tena, hoti satthā tathāgato’’.

    аббадибуг̇г̇алассаад̇и бадибуг̇г̇алавирахид̇асса, ан̃н̃о гожи ‘‘ахам̣ б̣уд̣̇д̇хо’’д̇и звам̣ бадин̃н̃ам̣ д̣̇аад̇ум̣ самад̇т̇о наамасса буг̇г̇ало, над̇т̇ийд̇и аббадибуг̇г̇ало, д̇асса аббадибуг̇г̇аласса. уббаж̇ж̇ийд̇и уббанно уд̣̇абаад̣̇и. гаарун̃н̃ад̇аад̇и гарун̣ааяа бхааво гаарун̃н̃ад̇аа. саб̣б̣асад̇д̇зд̇и ниравасзсасад̇д̇абарияаад̣̇аанаважанам̣, сагалз сад̇д̇анигааязд̇и ад̇т̇о. зд̇д̇аавад̇аа аяамби г̇аат̇аа вуд̇д̇ад̇т̇аа ход̇и.

    Appaṭipuggalassāti paṭipuggalavirahitassa, añño koci ‘‘ahaṃ buddho’’ti evaṃ paṭiññaṃ dātuṃ samattho nāmassa puggalo, natthīti appaṭipuggalo, tassa appaṭipuggalassa. Uppajjīti uppanno udapādi. Kāruññatāti karuṇāya bhāvo kāruññatā. Sabbasatteti niravasesasattapariyādānavacanaṃ, sakale sattanikāyeti attho. Ettāvatā ayampi gāthā vuttatthā hoti.

    ат̇а бхаг̇аваа б̣рахмунаа д̇хаммад̣̇зсанад̇т̇ааяа ааяаажид̇о сад̇д̇зсу гаарун̃н̃ад̇ам̣ уббаад̣̇зд̇ваа д̇хаммам̣ д̣̇зсзд̇угаамо махааб̣рахмаанам̣ г̇аат̇ааяа аж̇жхабхааси –

    Atha bhagavā brahmunā dhammadesanatthāya āyācito sattesu kāruññataṃ uppādetvā dhammaṃ desetukāmo mahābrahmānaṃ gāthāya ajjhabhāsi –

    ‘‘абааруд̇аа д̇зсам̣ амад̇асса д̣̇ваараа, яз сод̇аванд̇о бамун̃жанд̇у сад̣̇д̇хам̣;

    ‘‘Apārutā tesaṃ amatassa dvārā, ye sotavanto pamuñcantu saddhaṃ;

    вихим̣сасан̃н̃ий баг̇ун̣ам̣ на бхаасим̣, д̇хаммам̣ бан̣ийд̇ам̣ мануж̇зсу б̣рахмз’’д̇и. (ма. ни. 1.283; д̣̇ий. ни. 2.71; сам̣. ни. 1.172; махаава. 9);

    Vihiṃsasaññī paguṇaṃ na bhāsiṃ, dhammaṃ paṇītaṃ manujesu brahme’’ti. (ma. ni. 1.283; dī. ni. 2.71; saṃ. ni. 1.172; mahāva. 9);

    ат̇а ко б̣рахмаа сахамбад̇и ‘‘гад̇аавагаасо комхи бхаг̇авад̇аа д̇хаммад̣̇зсанааяаа’’д̇и н̃ад̇ваа д̣̇асанакасамод̇хаанасамуж̇ж̇алам̣ ан̃ж̇алим̣ сираси гад̇ваа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа б̣рахмаг̇ан̣абаривуд̇о баггаами. ат̇а сад̇т̇аа д̇асса б̣рахмуно бадин̃н̃ам̣ д̣̇ад̇ваа – ‘‘гасса ну ко ахам̣ батамам̣ д̇хаммам̣ д̣̇зсзяяа’’нд̇и (ма. ни. 1.283; махаава. 10) жинд̇знд̇о – ‘‘аал̣ааро бан̣д̣ид̇о со имам̣ д̇хаммам̣ киббам̣ ааж̇ааниссад̇ий’’д̇и жид̇д̇ам̣ уббаад̣̇зд̇ваа буна ологзнд̇о д̇асса сад̇д̇аахам̣ гаалан̇гад̇абхаавам̣ н̃ад̇ваа уд̣̇агасса жа абхид̣̇осагаалан̇гад̇абхаавам̣ н̃ад̇ваа буна – ‘‘гахам̣ ну ко зд̇арахи бан̃жаваг̇г̇ияаа бхигкуу вихаранд̇ий’’д̇и бан̃жаваг̇г̇ияз ааваж̇ж̇знд̇о ‘‘б̣аараан̣асияам̣ исибад̇анз миг̇ад̣̇ааяз’’д̇и н̃ад̇ваа аасаал̣хияам̣ бабхаад̇ааяа рад̇д̇ияаа гаалассзва бад̇д̇ажийварамаад̣̇ааяа адтаарасаяож̇анигам̣ маг̇г̇ам̣ бадибанно анд̇араамаг̇г̇з убагам̣ наама ааж̇ийвагам̣ д̣̇исваа д̇асса ад̇д̇ано б̣уд̣̇д̇хабхаавамаавигад̇ваа д̇ам̣д̣̇ивасамзва сааяанхасамаяз исибад̇анамаг̇амааси. д̇ад̇т̇а бан̃жаваг̇г̇ияаанам̣ ад̇д̇ано б̣уд̣̇д̇хабхаавам̣ багаасзд̇ваа бан̃н̃ад̇д̇авараб̣уд̣̇д̇хаасанаг̇ад̇о бан̃жаваг̇г̇ияз бхигкуу ааманд̇зд̇ваа д̇хаммажаггаббавад̇д̇анасуд̇д̇анд̇ам̣ (сам̣. ни. 5.1081; махаава. 13 аад̣̇аяо; бади. ма. 2.30) д̣̇зсзси.

    Atha kho brahmā sahampati ‘‘katāvakāso khomhi bhagavatā dhammadesanāyā’’ti ñatvā dasanakhasamodhānasamujjalaṃ añjaliṃ sirasi katvā bhagavantaṃ abhivādetvā padakkhiṇaṃ katvā brahmagaṇaparivuto pakkāmi. Atha satthā tassa brahmuno paṭiññaṃ datvā – ‘‘kassa nu kho ahaṃ paṭhamaṃ dhammaṃ deseyya’’nti (ma. ni. 1.283; mahāva. 10) cintento – ‘‘āḷāro paṇḍito so imaṃ dhammaṃ khippaṃ ājānissatī’’ti cittaṃ uppādetvā puna olokento tassa sattāhaṃ kālaṅkatabhāvaṃ ñatvā udakassa ca abhidosakālaṅkatabhāvaṃ ñatvā puna – ‘‘kahaṃ nu kho etarahi pañcavaggiyā bhikkhū viharantī’’ti pañcavaggiye āvajjento ‘‘bārāṇasiyaṃ isipatane migadāye’’ti ñatvā āsāḷhiyaṃ pabhātāya rattiyā kālasseva pattacīvaramādāya aṭṭhārasayojanikaṃ maggaṃ paṭipanno antarāmagge upakaṃ nāma ājīvakaṃ disvā tassa attano buddhabhāvamāvikatvā taṃdivasameva sāyanhasamaye isipatanamagamāsi. Tattha pañcavaggiyānaṃ attano buddhabhāvaṃ pakāsetvā paññattavarabuddhāsanagato pañcavaggiye bhikkhū āmantetvā dhammacakkappavattanasuttantaṃ (saṃ. ni. 5.1081; mahāva. 13 ādayo; paṭi. ma. 2.30) desesi.

    д̇зсу ан̃н̃аасигон̣д̣ан̃н̃ад̇т̇зро д̣̇зсанаанусаарзна н̃аан̣ам̣ бзсзд̇ваа суд̇д̇абарияосаанз адтаарасахи б̣рахмагодийхи сад̣̇д̇хим̣ сод̇аабад̇д̇ипалз бад̇идтааси. сад̇т̇аа д̇ад̇т̇зва вассам̣ убаг̇анд̇ваа бунад̣̇ивасз ваббад̇т̇зрам̣ сод̇аабад̇д̇ипалз бад̇идтаабзси. зд̇знзва убааязна саб̣б̣з д̇з сод̇аабад̇д̇ипалз бад̇идтаабзд̇ваа буна бан̃жамияам̣ багкасса бан̃жаби д̇з т̇зрз саннибаад̇зд̇ваа анад̇д̇алагкан̣асуд̇д̇анд̇ам̣ (сам̣. ни. 3.59; махаава. 20 аад̣̇аяо) д̣̇зсзси, д̣̇зсанаабарияосаанз бан̃жаби т̇зраа арахад̇д̇з бад̇идтахим̣су.

    Tesu aññāsikoṇḍaññatthero desanānusārena ñāṇaṃ pesetvā suttapariyosāne aṭṭhārasahi brahmakoṭīhi saddhiṃ sotāpattiphale patiṭṭhāsi. Satthā tattheva vassaṃ upagantvā punadivase vappattheraṃ sotāpattiphale patiṭṭhāpesi. Eteneva upāyena sabbe te sotāpattiphale patiṭṭhāpetvā puna pañcamiyaṃ pakkhassa pañcapi te there sannipātetvā anattalakkhaṇasuttantaṃ (saṃ. ni. 3.59; mahāva. 20 ādayo) desesi, desanāpariyosāne pañcapi therā arahatte patiṭṭhahiṃsu.

    ат̇а сад̇т̇аа д̇ад̇т̇зва яасасса гулабуд̇д̇асса убаниссаяам̣ д̣̇исваа г̇зхам̣ бахааяа нигканд̇ам̣ д̣̇исваа – ‘‘зхи яасаа’’д̇и (махаава. 26) баггосид̇ваа д̇асмин̃н̃зва рад̇д̇ибхааг̇з сод̇аабад̇д̇ипалз бад̇идтаабзд̇ваа бунад̣̇ивасз арахад̇д̇з жа бад̇идтаабзд̇ваа абарзби д̇асса сахааяагз жад̇убан̣н̣аасаж̇анз зхибхигкубаб̣б̣аж̇ж̇ааяа баб̣б̣ааж̇зд̇ваа арахад̇д̇з бад̇идтаабзси. звам̣ логз згасадтияаа араханд̇зсу ж̇аад̇зсу сад̇т̇аа вудтавассо баваарзд̇ваа бхигкуу ааманд̇зд̇ваа зд̇ад̣̇авожа –

    Atha satthā tattheva yasassa kulaputtassa upanissayaṃ disvā gehaṃ pahāya nikkhantaṃ disvā – ‘‘ehi yasā’’ti (mahāva. 26) pakkositvā tasmiññeva rattibhāge sotāpattiphale patiṭṭhāpetvā punadivase arahatte ca patiṭṭhāpetvā aparepi tassa sahāyake catupaṇṇāsajane ehibhikkhupabbajjāya pabbājetvā arahatte patiṭṭhāpesi. Evaṃ loke ekasaṭṭhiyā arahantesu jātesu satthā vuṭṭhavasso pavāretvā bhikkhū āmantetvā etadavoca –

    ‘‘барад̇т̇ам̣ жад̇д̇ано ад̇т̇ам̣, гаронд̇аа бат̇авим̣ имам̣;

    ‘‘Paratthaṃ cattano atthaṃ, karontā pathaviṃ imaṃ;

    б̣яаахаранд̇аа мануссаанам̣, д̇хаммам̣ жарат̇а бхигкаво.

    Byāharantā manussānaṃ, dhammaṃ caratha bhikkhavo.

    ‘‘вихарат̇а вивид̇д̇зсу, баб̣б̣ад̇зсу ванзсу жа;

    ‘‘Viharatha vivittesu, pabbatesu vanesu ca;

    багаасаяанд̇аа сад̣̇д̇хаммам̣, логасса сад̇ад̇ам̣ мама.

    Pakāsayantā saddhammaṃ, lokassa satataṃ mama.

    ‘‘гаронд̇аа д̇хаммад̣̇ууд̇зяяам̣, викяаабаяат̇а бхигкаво;

    ‘‘Karontā dhammadūteyyaṃ, vikhyāpayatha bhikkhavo;

    санд̇и ад̇т̇ааяа сад̇д̇аанам̣, суб̣б̣ад̇аа важанам̣ мама.

    Santi atthāya sattānaṃ, subbatā vacanaṃ mama.

    ‘‘саб̣б̣ам̣ бид̣̇ахат̇а д̣̇ваарам̣, абааяаанаманаасаваа;

    ‘‘Sabbaṃ pidahatha dvāraṃ, apāyānamanāsavā;

    саг̇г̇амогкасса маг̇г̇асса, д̣̇ваарам̣ виварат̇аасамаа.

    Saggamokkhassa maggassa, dvāraṃ vivarathāsamā.

    ‘‘д̣̇зсанаабадибад̇д̇ийхи, гарун̣аад̣̇иг̇ун̣аалаяаа;

    ‘‘Desanāpaṭipattīhi, karuṇādiguṇālayā;

    б̣уд̣̇д̇хим̣ сад̣̇д̇хан̃жа логасса, абхивад̣дхзт̇а саб̣б̣асо.

    Buddhiṃ saddhañca lokassa, abhivaḍḍhetha sabbaso.

    ‘‘г̇ихийнамубагаронд̇аанам̣, нижжамаамисад̣̇аанад̇о;

    ‘‘Gihīnamupakarontānaṃ, niccamāmisadānato;

    гарот̇а д̇хаммад̣̇аанзна, д̇зсам̣ бажжуубагаарагам̣.

    Karotha dhammadānena, tesaṃ paccūpakārakaṃ.

    ‘‘самуссаяат̇а сад̣̇д̇хаммам̣, д̣̇зсаяанд̇аа исид̣̇д̇хаж̇ам̣;

    ‘‘Samussayatha saddhammaṃ, desayantā isiddhajaṃ;

    гад̇агад̇д̇аб̣б̣агамманд̇аа, барад̇т̇ам̣ бадибаж̇ж̇ат̇аа’’д̇и.

    Katakattabbakammantā, paratthaṃ paṭipajjathā’’ti.

    зван̃жа бана вад̇ваа бхаг̇аваа д̇з бхигкуу д̣̇исаасу виссаж̇ж̇зд̇ваа саяам̣ урувзлам̣ г̇ажчанд̇о анд̇араамаг̇г̇з габбаасигаванасан̣д̣з д̇им̣са бхад̣̇д̣̇аваг̇г̇ияагумаарз винзси. д̇зсу яо саб̣б̣абажчимаго, со сод̇аабанно, саб̣б̣асздто анааг̇аамий, згоби арахаа ваа бут̇уж̇ж̇ано ваа наахоси. д̇зби саб̣б̣з зхибхигкубаб̣б̣аж̇ж̇ааяа баб̣б̣ааж̇зд̇ваа д̣̇исаасу бзсзд̇ваа саяам̣ урувзлам̣ г̇анд̇ваа ад̣дхуд̣дхаани баадихаарияасахассаани д̣̇ассзд̇ваа урувзлагассабаад̣̇аяо сахассаж̇адилабариваарз д̇збхаад̇игаж̇адилз д̣̇амзд̇ваа зхибхигкубхаавзна баб̣б̣ааж̇зд̇ваа г̇аяаасийсз нисийд̣̇аабзд̇ваа аад̣̇ид̇д̇абарияааяад̣̇зсанааяа (сам̣. ни. 4.28; махаава. 54) арахад̇д̇з бад̇идтаабзд̇ваа д̇зна араханд̇асахассзна бхаг̇аваа баривуд̇о ‘‘б̣имб̣исаарасса ран̃н̃о бадин̃н̃ам̣ можзссаамий’’д̇и рааж̇аг̇аханаг̇аруубажаарз ладтивануяяаанам̣ наама аг̇амааси. д̇ад̇о уяяаанабаалаго ран̃н̃о аарожзси. рааж̇аа – ‘‘сад̇т̇аа ааг̇ад̇о’’д̇и суд̇ваа д̣̇ваад̣̇асанахуд̇зхи б̣раахман̣аг̇ахабад̇игзхи баривуд̇о д̣̇асаб̣алам̣ гханавивараг̇ад̇амива д̣̇ивасагарам̣ ванавивараг̇ад̇ам̣ муниварад̣̇ивасагарам̣ убасан̇гамид̇ваа жаггаалан̇гад̇ад̇алзсу ж̇алаж̇аамалаавигалагамалагомалзсу д̣̇асаб̣аласса баад̣̇зсу магудаман̣иж̇уд̇ивисаравиж̇ж̇од̇инаа сирасаа нибад̇ид̇ваа згаманд̇ам̣ нисийд̣̇и сад̣̇д̇хим̣ барисааяа.

    Evañca pana vatvā bhagavā te bhikkhū disāsu vissajjetvā sayaṃ uruvelaṃ gacchanto antarāmagge kappāsikavanasaṇḍe tiṃsa bhaddavaggiyakumāre vinesi. Tesu yo sabbapacchimako, so sotāpanno, sabbaseṭṭho anāgāmī, ekopi arahā vā puthujjano vā nāhosi. Tepi sabbe ehibhikkhupabbajjāya pabbājetvā disāsu pesetvā sayaṃ uruvelaṃ gantvā aḍḍhuḍḍhāni pāṭihāriyasahassāni dassetvā uruvelakassapādayo sahassajaṭilaparivāre tebhātikajaṭile dametvā ehibhikkhubhāvena pabbājetvā gayāsīse nisīdāpetvā ādittapariyāyadesanāya (saṃ. ni. 4.28; mahāva. 54) arahatte patiṭṭhāpetvā tena arahantasahassena bhagavā parivuto ‘‘bimbisārassa rañño paṭiññaṃ mocessāmī’’ti rājagahanagarūpacāre laṭṭhivanuyyānaṃ nāma agamāsi. Tato uyyānapālako rañño ārocesi. Rājā – ‘‘satthā āgato’’ti sutvā dvādasanahutehi brāhmaṇagahapatikehi parivuto dasabalaṃ ghanavivaragatamiva divasakaraṃ vanavivaragataṃ munivaradivasakaraṃ upasaṅkamitvā cakkālaṅkatatalesu jalajāmalāvikalakamalakomalesu dasabalassa pādesu makuṭamaṇijutivisaravijjotinā sirasā nipatitvā ekamantaṃ nisīdi saddhiṃ parisāya.

    ат̇а ко д̇зсам̣ б̣раахман̣аг̇ахабад̇игаанам̣ зд̇ад̣̇ахоси – ‘‘гим̣ ну ко махаасаман̣о урувзлагассабз б̣рахмажарияам̣ жарад̇и, уд̣̇ааху урувзлагассабо махаасаман̣з’’д̇и? ат̇а ко бхаг̇аваа д̇зсам̣ жзд̇обаривид̇аггаман̃н̃ааяа т̇зрам̣ г̇аат̇ааяа аж̇жхабхааси –

    Atha kho tesaṃ brāhmaṇagahapatikānaṃ etadahosi – ‘‘kiṃ nu kho mahāsamaṇo uruvelakassape brahmacariyaṃ carati, udāhu uruvelakassapo mahāsamaṇe’’ti? Atha kho bhagavā tesaṃ cetoparivitakkamaññāya theraṃ gāthāya ajjhabhāsi –

    ‘‘гимзва д̣̇исваа урувзлавааси, бахааси аг̇г̇им̣ гисаговад̣̇аано;

    ‘‘Kimeva disvā uruvelavāsi, pahāsi aggiṃ kisakovadāno;

    бужчаами д̇ам̣ гассаба зд̇амад̇т̇ам̣, гат̇ам̣ бахийнам̣ д̇ава аг̇г̇ихуд̇д̇а’’нд̇и. (махаава. 55);

    Pucchāmi taṃ kassapa etamatthaṃ, kathaṃ pahīnaṃ tava aggihutta’’nti. (mahāva. 55);

    т̇зро бхаг̇авад̇о ад̇хиббааяам̣ вид̣̇ид̇ваа –

    Thero bhagavato adhippāyaṃ viditvā –

    ‘‘руубз жа сад̣̇д̣̇з жа ат̇о расз жа, гаамид̇т̇ияо жаабхивад̣̇анд̇и яан̃н̃аа;

    ‘‘Rūpe ca sadde ca atho rase ca, kāmitthiyo cābhivadanti yaññā;

    зд̇ам̣ маланд̇ий убад̇хийсу н̃ад̇ваа, д̇асмаа на яидтз на худ̇з аран̃ж̇и’’нд̇и. (махаава. 55) –

    Etaṃ malantī upadhīsu ñatvā, tasmā na yiṭṭhe na hute arañji’’nti. (mahāva. 55) –

    имам̣ г̇аат̇ам̣ вад̇ваа ад̇д̇ано саавагабхааваббагаасанад̇т̇ам̣ д̇ат̇ааг̇ад̇асса баад̣̇зсу сирасаа нибад̇ид̇ваа – ‘‘сад̇т̇аа мз, бханд̇з, бхаг̇аваа, саавагохамасмий’’д̇и вад̇ваа згад̇аалад̣̇вид̇аала…бз… сад̇д̇ад̇аалаббамаан̣ам̣ взхаасам̣ сад̇д̇агкад̇д̇ум̣ аб̣бхуг̇г̇анд̇ваа баадихаарияам̣ гад̇ваа аагаасад̇о оруяха бхаг̇аванд̇ам̣ ванд̣̇ид̇ваа згаманд̇ам̣ нисийд̣̇и.

    Imaṃ gāthaṃ vatvā attano sāvakabhāvappakāsanatthaṃ tathāgatassa pādesu sirasā nipatitvā – ‘‘satthā me, bhante, bhagavā, sāvakohamasmī’’ti vatvā ekatāladvitāla…pe… sattatālappamāṇaṃ vehāsaṃ sattakkhattuṃ abbhuggantvā pāṭihāriyaṃ katvā ākāsato oruyha bhagavantaṃ vanditvā ekamantaṃ nisīdi.

    ат̇а ко махааж̇ано д̇асса д̇ам̣ баадихаарияам̣ д̣̇исваа – ‘‘ахо махаанубхааваа б̣уд̣̇д̇хаа наама, звам̣ т̇аамаг̇ад̇ад̣̇идтиго ад̇д̇аанам̣ ‘арахаа аха’нд̇и ман̃н̃амаано урувзлагассабоби д̣̇идтиж̇аалам̣ бхинд̣̇ид̇ваа д̇ат̇ааг̇ад̇зна д̣̇амид̇о’’д̇и д̣̇асаб̣аласса г̇ун̣агат̇ам̣ гат̇зси. д̇ам̣ суд̇ваа сад̇т̇аа – ‘‘наахамид̣̇ааниязва имам̣ урувзлагассабам̣ д̣̇амзми, ад̇ийд̇зби зса маяаа д̣̇амид̇оязваа’’д̇и ааха. ат̇а ко со махааж̇ано удтааяаасанаа бхаг̇аванд̇ам̣ ванд̣̇ид̇ваа сираси ан̃ж̇алим̣ баг̇г̇ахзд̇ваа звамааха – ‘‘бханд̇з, ид̣̇аани амхзхи зса д̣̇амид̇о д̣̇идто, гат̇ам̣ банзса ад̇ийд̇з бхаг̇авад̇аа д̣̇амид̇о’’д̇и. д̇ад̇о сад̇т̇аа д̇зна махааж̇анзна яаажид̇о бхаванд̇арзна бадижчаннам̣ махаанаарад̣̇агассабаж̇аад̇агам̣ (ж̇аа. 2.22.1153) гат̇зд̇ваа жад̇д̇аари арияасажжаани багаасзси. д̇ад̇о сад̇т̇у д̇хаммагат̇ам̣ суд̇ваа рааж̇аа б̣имб̣исааро згаад̣̇асанахуд̇зхи сад̣̇д̇хим̣ сод̇аабад̇д̇ипалз бад̇идтааси, зганахуд̇ам̣ убаасагад̇д̇ам̣ бадивзд̣̇зси. рааж̇аа саран̣ам̣ г̇анд̇ваа сваад̇анааяа бхаг̇аванд̇ам̣ сад̣̇д̇хим̣ бхигкусан̇гхзна ниманд̇зд̇ваа бхаг̇аванд̇ам̣ д̇игкад̇д̇ум̣ бад̣̇агкин̣ам̣ гад̇ваа ванд̣̇ид̇ваа баггаами.

    Atha kho mahājano tassa taṃ pāṭihāriyaṃ disvā – ‘‘aho mahānubhāvā buddhā nāma, evaṃ thāmagatadiṭṭhiko attānaṃ ‘arahā aha’nti maññamāno uruvelakassapopi diṭṭhijālaṃ bhinditvā tathāgatena damito’’ti dasabalassa guṇakathaṃ kathesi. Taṃ sutvā satthā – ‘‘nāhamidāniyeva imaṃ uruvelakassapaṃ damemi, atītepi esa mayā damitoyevā’’ti āha. Atha kho so mahājano uṭṭhāyāsanā bhagavantaṃ vanditvā sirasi añjaliṃ paggahetvā evamāha – ‘‘bhante, idāni amhehi esa damito diṭṭho, kathaṃ panesa atīte bhagavatā damito’’ti. Tato satthā tena mahājanena yācito bhavantarena paṭicchannaṃ mahānāradakassapajātakaṃ (jā. 2.22.1153) kathetvā cattāri ariyasaccāni pakāsesi. Tato satthu dhammakathaṃ sutvā rājā bimbisāro ekādasanahutehi saddhiṃ sotāpattiphale patiṭṭhāsi, ekanahutaṃ upāsakattaṃ paṭivedesi. Rājā saraṇaṃ gantvā svātanāya bhagavantaṃ saddhiṃ bhikkhusaṅghena nimantetvā bhagavantaṃ tikkhattuṃ padakkhiṇaṃ katvā vanditvā pakkāmi.

    бунад̣̇ивасз бхаг̇аваа бхигкусахассабаривуд̇о маруг̇ан̣абаривуд̇о вияа д̣̇асасад̇анаяано д̣̇зварааж̇аа, б̣рахмаг̇ан̣абаривуд̇о вияа махааб̣рахмаа рааж̇аг̇ахам̣ баависи. рааж̇аа б̣уд̣̇д̇хаббамукасса бхигкусан̇гхасса д̣̇аанам̣ д̣̇ад̇ваа бхож̇анабарияосаанз бхаг̇аванд̇ам̣ зд̇ад̣̇авожа – ‘‘ахам̣, бханд̇з, д̇ийн̣и рад̇анаани винаа васид̇ум̣ на сагкиссаами, взлааяа ваа авзлааяа ваа бхаг̇авад̇о санд̇игам̣ ааг̇амиссаами, ладтиванам̣ наама ад̇ид̣̇уурз, ид̣̇ам̣ бана амхаагам̣ взл̣уванам̣ наама уяяаанам̣ бавивзгагаамаанам̣ наад̇ид̣̇уурам̣ нажжаасаннам̣ г̇аманааг̇аманасамбаннам̣ ниж̇ж̇анасамб̣аад̇хам̣ бавивзгасукам̣ чааяууд̣̇агасамбаннам̣ сийд̇аласилаад̇аласамалан̇гад̇ам̣ барамараман̣ийяабхуумибхааг̇ам̣ сурабхигусумад̇арувараниранд̇арам̣ раман̣ийяабаасаад̣̇ахаммияавимаанавихаарад̣дхуяог̇аман̣д̣абаад̣̇ибадиман̣д̣ид̇ам̣. ид̣̇ам̣ мз, бханд̇з, бхаг̇аваа бадиг̇г̇ан̣хаад̇у навад̇абанан̇г̇аарасан̇гаасзна суван̣н̣абхин̇г̇аарзна сурабхигусумаваасид̇ам̣ ман̣иван̣н̣ауд̣̇агам̣ г̇ахзд̇ваа взл̣уванаараамам̣ барижжаж̇анд̇о д̣̇асаб̣аласса хад̇т̇з уд̣̇агам̣ баад̇зси. д̇асмим̣ аараамабадиг̇г̇ахан̣з ‘‘б̣уд̣̇д̇хасаасанасса муулаани од̇ин̣н̣ааний’’д̇и бийд̇ивасам̣ г̇ад̇аа нажжанд̇ий вияа аяам̣ махаабат̇авий гамби. ж̇амб̣уд̣̇ийбз бана табзд̇ваа взл̣уванамахаавихаарам̣ ан̃н̃ам̣ бат̇авим̣ гамбзд̇ваа г̇ахид̇асзнаасанам̣ наама над̇т̇и. ат̇а сад̇т̇аа взл̣уванаараамам̣ бадиг̇г̇ахзд̇ваа ран̃н̃о вихаарад̣̇аанаанумод̣̇анамагааси –

    Punadivase bhagavā bhikkhusahassaparivuto marugaṇaparivuto viya dasasatanayano devarājā, brahmagaṇaparivuto viya mahābrahmā rājagahaṃ pāvisi. Rājā buddhappamukhassa bhikkhusaṅghassa dānaṃ datvā bhojanapariyosāne bhagavantaṃ etadavoca – ‘‘ahaṃ, bhante, tīṇi ratanāni vinā vasituṃ na sakkhissāmi, velāya vā avelāya vā bhagavato santikaṃ āgamissāmi, laṭṭhivanaṃ nāma atidūre, idaṃ pana amhākaṃ veḷuvanaṃ nāma uyyānaṃ pavivekakāmānaṃ nātidūraṃ naccāsannaṃ gamanāgamanasampannaṃ nijjanasambādhaṃ pavivekasukhaṃ chāyūdakasampannaṃ sītalasilātalasamalaṅkataṃ paramaramaṇīyabhūmibhāgaṃ surabhikusumataruvaranirantaraṃ ramaṇīyapāsādahammiyavimānavihāraḍḍhuyogamaṇḍapādipaṭimaṇḍitaṃ. Idaṃ me, bhante, bhagavā paṭiggaṇhātu navatapanaṅgārasaṅkāsena suvaṇṇabhiṅgārena surabhikusumavāsitaṃ maṇivaṇṇaudakaṃ gahetvā veḷuvanārāmaṃ pariccajanto dasabalassa hatthe udakaṃ pātesi. Tasmiṃ ārāmapaṭiggahaṇe ‘‘buddhasāsanassa mūlāni otiṇṇānī’’ti pītivasaṃ gatā naccantī viya ayaṃ mahāpathavī kampi. Jambudīpe pana ṭhapetvā veḷuvanamahāvihāraṃ aññaṃ pathaviṃ kampetvā gahitasenāsanaṃ nāma natthi. Atha satthā veḷuvanārāmaṃ paṭiggahetvā rañño vihāradānānumodanamakāsi –

    ‘‘ааваасад̣̇аанасса банаанисам̣сам̣, го наама вад̇д̇ум̣, бурисо самад̇т̇о;

    ‘‘Āvāsadānassa panānisaṃsaṃ, ko nāma vattuṃ, puriso samattho;

    ан̃н̃ад̇ра б̣уд̣̇д̇хаа бана логанаат̇аа, яуд̇д̇о мукаанам̣ нахуд̇зна жааби.

    Aññatra buddhā pana lokanāthā, yutto mukhānaṃ nahutena cāpi.

    ‘‘ааяун̃жа ван̣н̣ан̃жа сукам̣ б̣алан̃жа, варам̣ басад̇т̇ам̣ бадибхаанамзва;

    ‘‘Āyuñca vaṇṇañca sukhaṃ balañca, varaṃ pasatthaṃ paṭibhānameva;

    д̣̇ад̣̇аад̇и наамаад̇и бавужжад̇з со, яо д̣̇зд̇и сан̇гхасса наро вихаарам̣.

    Dadāti nāmāti pavuccate so, yo deti saṅghassa naro vihāraṃ.

    ‘‘д̣̇аад̇аа ниваасасса нивааран̣асса, сийд̇аад̣̇ино ж̇ийвид̇убад̣̇д̣̇авасса;

    ‘‘Dātā nivāsassa nivāraṇassa, sītādino jīvitupaddavassa;

    баалзд̇и ааяум̣ бана д̇асса яасмаа, ааяуббад̣̇о ход̇и д̇амааху санд̇о.

    Pāleti āyuṃ pana tassa yasmā, āyuppado hoti tamāhu santo.

    ‘‘ажжун̣хасийд̇з васад̇о ниваасз, б̣алан̃жа ван̣н̣о бадибхаа на ход̇и;

    ‘‘Accuṇhasīte vasato nivāse, balañca vaṇṇo paṭibhā na hoti;

    д̇асмаа хи со д̣̇зд̇и вихаарад̣̇аад̇аа, б̣алан̃жа ван̣н̣ам̣ бадибхаанамзва.

    Tasmā hi so deti vihāradātā, balañca vaṇṇaṃ paṭibhānameva.

    ‘‘д̣̇угкасса сийд̇ун̣хасарийсабаа жа, ваад̇аад̇абаад̣̇иббабхавасса логз;

    ‘‘Dukkhassa sītuṇhasarīsapā ca, vātātapādippabhavassa loke;

    нивааран̣аа нзгавид̇хасса нижжам̣, сукаббад̣̇о ход̇и вихаарад̣̇аад̇аа.

    Nivāraṇā nekavidhassa niccaṃ, sukhappado hoti vihāradātā.

    ‘‘сийд̇ун̣хаваад̇аад̇абад̣ам̣савудти , сарийсабааваал̣амиг̇аад̣̇ид̣̇угкам̣;

    ‘‘Sītuṇhavātātapaḍaṃsavuṭṭhi , sarīsapāvāḷamigādidukkhaṃ;

    яасмаа ниваарзд̇и вихаарад̣̇аад̇аа, д̇асмаа сукам̣ винд̣̇ад̇и со барад̇т̇а.

    Yasmā nivāreti vihāradātā, tasmā sukhaṃ vindati so parattha.

    ‘‘басаннажид̇д̇о бхавабхог̇ахзд̇ум̣, манобхираамам̣ муд̣̇ид̇о вихаарам̣;

    ‘‘Pasannacitto bhavabhogahetuṃ, manobhirāmaṃ mudito vihāraṃ;

    яо д̣̇зд̇и сийлаад̣̇иг̇ун̣од̣̇ид̇аанам̣, саб̣б̣ам̣ д̣̇ад̣̇о наама бавужжад̇з со.

    Yo deti sīlādiguṇoditānaṃ, sabbaṃ dado nāma pavuccate so.

    ‘‘бахааяа мажчзрамалам̣ салобхам̣, г̇ун̣аалаяаанам̣ нилаяам̣ д̣̇ад̣̇аад̇и;

    ‘‘Pahāya maccheramalaṃ salobhaṃ, guṇālayānaṃ nilayaṃ dadāti;

    кид̇д̇ова со д̇ад̇т̇а барзхи саг̇г̇з, яат̇аабхад̇ам̣ ж̇ааяад̇и вийд̇асого.

    Khittova so tattha parehi sagge, yathābhataṃ jāyati vītasoko.

    ‘‘варз жааруруубз вихаарз ул̣аарз, наро гаараяз ваасаяз д̇ад̇т̇а бхигкуу;

    ‘‘Vare cārurūpe vihāre uḷāre, naro kāraye vāsaye tattha bhikkhū;

    д̣̇ад̣̇зяяаннабаанан̃жа вад̇т̇ан̃жа нзсам̣, басаннзна жид̇д̇зна саггажжа нижжам̣.

    Dadeyyannapānañca vatthañca nesaṃ, pasannena cittena sakkacca niccaṃ.

    ‘‘д̇асмаа махаарааж̇а бхавзсу бхог̇з, манорамз бажжанубхуяяа бхияяо;

    ‘‘Tasmā mahārāja bhavesu bhoge, manorame paccanubhuyya bhiyyo;

    вихаарад̣̇аанасса палзна санд̇ам̣, сукам̣ асогам̣ ад̇хиг̇ажча бажчаа’’д̇и.

    Vihāradānassa phalena santaṃ, sukhaṃ asokaṃ adhigaccha pacchā’’ti.

    ижжзвам̣ мунирааж̇аа нарарааж̇асса б̣имб̣исаарасса вихаарад̣̇аанаанумод̣̇анам̣ гад̇ваа удтааяаасанаа бхигкусан̇гхабаривуд̇о барамад̣̇ассанийяааяа ад̇д̇ано сарийраббабхааяа суван̣н̣арасасзгабин̃чараани вияа наг̇араванавимаанаад̣̇ийни гурумаано анобамааяа б̣уд̣̇д̇халийл̣ааяа ананд̇ааяа б̣уд̣̇д̇хасирияаа взл̣уванамахаавихаарамзва баависийд̇и.

    Iccevaṃ munirājā nararājassa bimbisārassa vihāradānānumodanaṃ katvā uṭṭhāyāsanā bhikkhusaṅghaparivuto paramadassanīyāya attano sarīrappabhāya suvaṇṇarasasekapiñcharāni viya nagaravanavimānādīni kurumāno anopamāya buddhalīḷāya anantāya buddhasiriyā veḷuvanamahāvihārameva pāvisīti.

    ‘‘агийл̣анз взл̣уванз вихаарз, д̇ат̇ааг̇ад̇о д̇ад̇т̇а манобхираамз;

    ‘‘Akīḷane veḷuvane vihāre, tathāgato tattha manobhirāme;

    наанаавихаарзна вихааси д̇хийро, взнзяяагаанам̣ самуд̣̇игкамаано’’.

    Nānāvihārena vihāsi dhīro, veneyyakānaṃ samudikkhamāno’’.

    ат̇звам̣ бхаг̇авад̇и д̇асмим̣ вихаранд̇з суд̣̇д̇ход̣̇анамахаарааж̇аа ‘‘буд̇д̇о мз чаб̣б̣ассаани д̣̇уггарагааригам̣ гад̇ваа барамаабхисамб̣од̇хим̣ бад̇ваа бавад̇д̇ид̇аварад̇хаммажагго рааж̇аг̇ахам̣ бад̇ваа взл̣уванамахаавихаарз вихарад̇ий’’д̇и суд̇ваа ан̃н̃ад̇арам̣ махаамажжам̣ ааманд̇зси – ‘‘зхи, бхан̣з, бурисасахассабаривааро рааж̇аг̇ахам̣ г̇анд̇ваа мама важанзна ‘бид̇аа во суд̣̇д̇ход̣̇анамахаарааж̇аа д̇ам̣ д̣̇адтугаамо’д̇и вад̇ваа буд̇д̇ам̣ мз г̇ан̣хид̇ваа зхий’’д̇и. со ‘‘саад̇ху, д̣̇зваа’’д̇и ран̃н̃о бадиссун̣ид̇ваа бурисасахассабаривааро садтияож̇анамаг̇г̇ам̣ г̇анд̇ваа д̇хаммад̣̇зсанавзлааяа вихаарам̣ баависи. со ‘‘д̇идтад̇у д̇аава ран̃н̃аа бахид̇асаасана’’нд̇и барисабарияанд̇з тид̇о сад̇т̇у д̇хаммад̣̇зсанам̣ суд̇ваа яат̇аатид̇ова сад̣̇д̇хим̣ бурисасахассзна арахад̇д̇ам̣ бад̇ваа баб̣б̣аж̇ж̇ам̣ яаажи. бхаг̇аваа – ‘‘зт̇а, бхигкаво’’д̇и хад̇т̇ам̣ басаарзси. д̇з саб̣б̣з д̇ан̇кан̣ан̃н̃зва ид̣̇д̇химаяабад̇д̇ажийварад̇хараа вассасадтигад̇т̇зраа вияа аагаббасамбаннаа худ̇ваа бхаг̇аванд̇ам̣ бариваарзсум̣. рааж̇аа ‘‘нзва г̇ад̇о ааг̇ажчад̇и, на жа саасанам̣ суяяад̇ий’’д̇и жинд̇зд̇ваа д̇знзва нийхаарзна навагкад̇д̇ум̣ амажжз бзсзси. д̇зсу навасу бурисасахассзсу згоби ран̃н̃о наарожзси, на саасанам̣ ваа бахин̣и. саб̣б̣з арахад̇д̇ам̣ бад̇ваава баб̣б̣аж̇им̣су.

    Athevaṃ bhagavati tasmiṃ viharante suddhodanamahārājā ‘‘putto me chabbassāni dukkarakārikaṃ katvā paramābhisambodhiṃ patvā pavattitavaradhammacakko rājagahaṃ patvā veḷuvanamahāvihāre viharatī’’ti sutvā aññataraṃ mahāmaccaṃ āmantesi – ‘‘ehi, bhaṇe, purisasahassaparivāro rājagahaṃ gantvā mama vacanena ‘pitā vo suddhodanamahārājā taṃ daṭṭhukāmo’ti vatvā puttaṃ me gaṇhitvā ehī’’ti. So ‘‘sādhu, devā’’ti rañño paṭissuṇitvā purisasahassaparivāro saṭṭhiyojanamaggaṃ gantvā dhammadesanavelāya vihāraṃ pāvisi. So ‘‘tiṭṭhatu tāva raññā pahitasāsana’’nti parisapariyante ṭhito satthu dhammadesanaṃ sutvā yathāṭhitova saddhiṃ purisasahassena arahattaṃ patvā pabbajjaṃ yāci. Bhagavā – ‘‘etha, bhikkhavo’’ti hatthaṃ pasāresi. Te sabbe taṅkhaṇaññeva iddhimayapattacīvaradharā vassasaṭṭhikattherā viya ākappasampannā hutvā bhagavantaṃ parivāresuṃ. Rājā ‘‘neva gato āgacchati, na ca sāsanaṃ suyyatī’’ti cintetvā teneva nīhārena navakkhattuṃ amacce pesesi. Tesu navasu purisasahassesu ekopi rañño nārocesi, na sāsanaṃ vā pahiṇi. Sabbe arahattaṃ patvāva pabbajiṃsu.

    ат̇а рааж̇аа жинд̇зси – ‘‘го ну ко мама важанам̣ гариссад̇ий’’д̇и саб̣б̣арааж̇аб̣алам̣ ологзнд̇о уд̣̇ааяим̣ ад̣̇д̣̇аса. со гира ран̃н̃о саб̣б̣ад̇т̇асаад̇хаго амажжо аб̣бханд̇ариго ад̇ивиссаасиго б̣од̇хисад̇д̇зна сад̣̇д̇хим̣ згад̣̇ивасзязва ж̇аад̇о сахабам̣сугийл̣ид̇о сахааяо. ат̇а нам̣ рааж̇аа ааманд̇зси – ‘‘д̇аад̇а уд̣̇ааяи, ахам̣ мама буд̇д̇ам̣ д̣̇адтугаамо навабурисасахассаани бзсзсим̣, згабурисоби ааг̇анд̇ваа саасанамад̇д̇амби аарожзд̇аа над̇т̇и, д̣̇уж̇ж̇аано ко бана мз ж̇ийвид̇анд̇арааяо, ахам̣ ж̇ийвамаанова буд̇д̇ам̣ д̣̇адтумижчаами. сагкиссаси мз буд̇д̇ам̣ д̣̇ассзд̇у’’нд̇и? со ‘‘сагкиссаами, д̣̇зва, сажз баб̣б̣аж̇ид̇ум̣ лабхиссаамий’’д̇и ааха. ‘‘д̇аад̇а, д̇вам̣ баб̣б̣аж̇ид̇ваа ваа абаб̣б̣аж̇ид̇ваа ваа маяхам̣ буд̇д̇ам̣ д̣̇ассзхий’’д̇и. со ‘‘саад̇ху, д̣̇зваа’’д̇и ран̃н̃о саасанам̣ аад̣̇ааяа рааж̇аг̇ахам̣ г̇анд̇ваа сад̇т̇у д̇хаммад̣̇зсанам̣ суд̇ваа сад̣̇д̇хим̣ бурисасахассзна арахад̇д̇ам̣ бад̇ваа зхибхигкубхаавз бад̇идтааяа паг̇г̇унийбун̣н̣амаасияам̣ жинд̇зси – ‘‘ад̇игганд̇о хзманд̇о, васанд̇асамаяо ануббад̇д̇о, субубпид̇аа ванасан̣д̣аа, бадибаж̇ж̇анагкамо маг̇г̇о, гаало д̣̇асаб̣аласса н̃аад̇исан̇г̇ахам̣ гаад̇у’’нд̇и жинд̇зд̇ваа бхаг̇аванд̇ам̣ убасан̇гамид̇ваа садтимад̇д̇аахи г̇аат̇аахи бхаг̇авад̇о гуланаг̇арам̣ г̇аманад̇т̇ааяа г̇аманаван̣н̣ам̣ ван̣н̣зси –

    Atha rājā cintesi – ‘‘ko nu kho mama vacanaṃ karissatī’’ti sabbarājabalaṃ olokento udāyiṃ addasa. So kira rañño sabbatthasādhako amacco abbhantariko ativissāsiko bodhisattena saddhiṃ ekadivaseyeva jāto sahapaṃsukīḷito sahāyo. Atha naṃ rājā āmantesi – ‘‘tāta udāyi, ahaṃ mama puttaṃ daṭṭhukāmo navapurisasahassāni pesesiṃ, ekapurisopi āgantvā sāsanamattampi ārocetā natthi, dujjāno kho pana me jīvitantarāyo, ahaṃ jīvamānova puttaṃ daṭṭhumicchāmi. Sakkhissasi me puttaṃ dassetu’’nti? So ‘‘sakkhissāmi, deva, sace pabbajituṃ labhissāmī’’ti āha. ‘‘Tāta, tvaṃ pabbajitvā vā apabbajitvā vā mayhaṃ puttaṃ dassehī’’ti. So ‘‘sādhu, devā’’ti rañño sāsanaṃ ādāya rājagahaṃ gantvā satthu dhammadesanaṃ sutvā saddhiṃ purisasahassena arahattaṃ patvā ehibhikkhubhāve patiṭṭhāya phaggunīpuṇṇamāsiyaṃ cintesi – ‘‘atikkanto hemanto, vasantasamayo anuppatto, supupphitā vanasaṇḍā, paṭipajjanakkhamo maggo, kālo dasabalassa ñātisaṅgahaṃ kātu’’nti cintetvā bhagavantaṃ upasaṅkamitvā saṭṭhimattāhi gāthāhi bhagavato kulanagaraṃ gamanatthāya gamanavaṇṇaṃ vaṇṇesi –

    ‘‘ан̇г̇аарино д̣̇аани д̣̇умаа бхад̣̇анд̇з, палзсино чад̣̇анам̣ виббахааяа;

    ‘‘Aṅgārino dāni dumā bhadante, phalesino chadanaṃ vippahāya;

    д̇з ажжиманд̇ова бабхаасаяанд̇и, самаяо махаавийра ан̇г̇ийрасаанам̣.

    Te accimantova pabhāsayanti, samayo mahāvīra aṅgīrasānaṃ.

    ‘‘д̣̇умаа вижид̇д̇аа сувирааж̇амаанаа, рад̇д̇ан̇гурзхзва жа баллавзхи;

    ‘‘Dumā vicittā suvirājamānā, rattaṅkureheva ca pallavehi;

    рад̇ануж̇ж̇аламан̣д̣абасаннибхаасаа, самаяо махаавийра ан̇г̇ийрасаанам̣.

    Ratanujjalamaṇḍapasannibhāsā, samayo mahāvīra aṅgīrasānaṃ.

    ‘‘субубпид̇аг̇г̇аа гусумзхи бхуусид̇аа, манун̃н̃абхууд̇аа сужисаад̇хуг̇анд̇хаа;

    ‘‘Supupphitaggā kusumehi bhūsitā, manuññabhūtā sucisādhugandhā;

    ругкаа вирожанд̇и убхосу бассзсу, самаяо махаавийра ан̇г̇ийрасаанам̣.

    Rukkhā virocanti ubhosu passesu, samayo mahāvīra aṅgīrasānaṃ.

    ‘‘палзхинзгзхи самид̣̇д̇хибхууд̇аа, вижид̇д̇аругкаа убхад̇овагаасз;

    ‘‘Phalehinekehi samiddhibhūtā, vicittarukkhā ubhatovakāse;

    куд̣̇д̣̇ам̣ бибаасамби винод̣̇аяанд̇и, самаяо махаавийра ан̇г̇ийрасаанам̣.

    Khuddaṃ pipāsampi vinodayanti, samayo mahāvīra aṅgīrasānaṃ.

    ‘‘вижид̇д̇амаалаа сужибаллавзхи, сусаж̇ж̇ид̇аа морагалаабасаннибхаа;

    ‘‘Vicittamālā sucipallavehi, susajjitā morakalāpasannibhā;

    ругкаа вирожанд̇и убхосу бассзсу, самаяо махаавийра ан̇г̇ийрасаанам̣.

    Rukkhā virocanti ubhosu passesu, samayo mahāvīra aṅgīrasānaṃ.

    ‘‘вирожамаанаа палабаллавзхи, сусаж̇ж̇ид̇аа ваасаниваасабхууд̇аа;

    ‘‘Virocamānā phalapallavehi, susajjitā vāsanivāsabhūtā;

    д̇осзнд̇и ад̣̇д̇хаанагиланд̇асад̇д̇з, самаяо махаавийра ан̇г̇ийрасаанам̣.

    Tosenti addhānakilantasatte, samayo mahāvīra aṅgīrasānaṃ.

    ‘‘супуллид̇аг̇г̇аа ванаг̇умб̣аниссид̇аа, лад̇аа анзгаа сувирааж̇амаанаа;

    ‘‘Suphullitaggā vanagumbanissitā, latā anekā suvirājamānā;

    д̇осзнд̇и сад̇д̇з ман̣иман̣д̣абаава, самаяо махаавийра ан̇г̇ийрасаанам̣.

    Tosenti satte maṇimaṇḍapāva, samayo mahāvīra aṅgīrasānaṃ.

    ‘‘лад̇аа анзгаа д̣̇уманиссид̇аава, биязхи сад̣̇д̇хим̣ сахид̇аа вад̇хуува;

    ‘‘Latā anekā dumanissitāva, piyehi saddhiṃ sahitā vadhūva;

    балобхаяанд̇ий хи суг̇анд̇хаг̇анд̇хаа, самаяо махаавийра ан̇г̇ийрасаанам̣.

    Palobhayantī hi sugandhagandhā, samayo mahāvīra aṅgīrasānaṃ.

    ‘‘вижид̇д̇анийлаад̣̇иманун̃н̃аван̣н̣аа , д̣̇иж̇аа саманд̇аа абхигууж̇амаанаа;

    ‘‘Vicittanīlādimanuññavaṇṇā , dijā samantā abhikūjamānā;

    д̇осзнд̇и ман̃ж̇уссарад̇аа рад̇ийхи, самаяо махаавийра ан̇г̇ийрасаанам̣.

    Tosenti mañjussaratā ratīhi, samayo mahāvīra aṅgīrasānaṃ.

    ‘‘миг̇аа жа наанаа сувирааж̇амаанаа, уд̇д̇ун̇г̇аган̣н̣аа жа манун̃н̃анзд̇д̇аа;

    ‘‘Migā ca nānā suvirājamānā, uttuṅgakaṇṇā ca manuññanettā;

    д̣̇исаа саманд̇аа мабхид̇хааваяанд̇и, самаяо махаавийра ан̇г̇ийрасаанам̣.

    Disā samantā mabhidhāvayanti, samayo mahāvīra aṅgīrasānaṃ.

    ‘‘манун̃н̃абхууд̇аа жа махий саманд̇аа, вирааж̇амаанаа харид̇аава сад̣̇д̣̇алаа;

    ‘‘Manuññabhūtā ca mahī samantā, virājamānā haritāva saddalā;

    субубпиругкаа мол̣инивалан̇гад̇аа, самаяо махаавийра ан̇г̇ийрасаанам̣.

    Supupphirukkhā moḷinivalaṅkatā, samayo mahāvīra aṅgīrasānaṃ.

    ‘‘сусаж̇ж̇ид̇аа муд̇д̇амаяаава ваалугаа, сусан̣тид̇аа жаарусупассад̣̇аад̇аа;

    ‘‘Susajjitā muttamayāva vālukā, susaṇṭhitā cārusuphassadātā;

    вирожаяанд̇зва д̣̇исаа саманд̇аа, самаяо махаавийра ан̇г̇ийрасаанам̣.

    Virocayanteva disā samantā, samayo mahāvīra aṅgīrasānaṃ.

    ‘‘самам̣ супассам̣ сужибхуумибхааг̇ам̣, манун̃н̃абубпод̣̇аяаг̇анд̇хаваасид̇ам̣;

    ‘‘Samaṃ suphassaṃ sucibhūmibhāgaṃ, manuññapupphodayagandhavāsitaṃ;

    вирааж̇амаанам̣ сужиман̃жа собхам̣, самаяо махаавийра ан̇г̇ийрасаанам̣.

    Virājamānaṃ sucimañca sobhaṃ, samayo mahāvīra aṅgīrasānaṃ.

    ‘‘сусаж̇ж̇ид̇ам̣ нанд̣̇анагаананам̣ва, вижид̇д̇анаанаад̣̇умасан̣д̣аман̣д̣ид̇ам̣;

    ‘‘Susajjitaṃ nandanakānanaṃva, vicittanānādumasaṇḍamaṇḍitaṃ;

    суг̇анд̇хабхууд̇ам̣ баванам̣ сураммам̣, самаяо махаавийра ан̇г̇ийрасаанам̣.

    Sugandhabhūtaṃ pavanaṃ surammaṃ, samayo mahāvīra aṅgīrasānaṃ.

    ‘‘сараа вижид̇д̇аа вивид̇хаа манорамаа, сусаж̇ж̇ид̇аа бан̇гаж̇абун̣д̣арийгаа;

    ‘‘Sarā vicittā vividhā manoramā, susajjitā paṅkajapuṇḍarīkā;

    басаннасийд̇од̣̇агажаарубун̣н̣аа, самаяо махаавийра ан̇г̇ийрасаанам̣.

    Pasannasītodakacārupuṇṇā, samayo mahāvīra aṅgīrasānaṃ.

    ‘‘супулланаанаавид̇хабан̇гаж̇зхи , вирааж̇амаанаа сужиг̇анд̇хаг̇анд̇хаа;

    ‘‘Suphullanānāvidhapaṅkajehi , virājamānā sucigandhagandhā;

    бамод̣̇аяанд̇зва нараамараанам̣, самаяо махаавийра ан̇г̇ийрасаанам̣.

    Pamodayanteva narāmarānaṃ, samayo mahāvīra aṅgīrasānaṃ.

    ‘‘супуллабан̇гзрухасаннисиннаа, д̣̇иж̇аа саманд̇аа мабхинаад̣̇аяанд̇аа;

    ‘‘Suphullapaṅkeruhasannisinnā, dijā samantā mabhinādayantā;

    мод̣̇анд̇и бхарияаахи саман̇г̇ино д̇з, самаяо махаавийра ан̇г̇ийрасаанам̣.

    Modanti bhariyāhi samaṅgino te, samayo mahāvīra aṅgīrasānaṃ.

    ‘‘супуллабубпзхи раж̇ам̣ г̇ахзд̇ваа, алий вид̇хааванд̇и вигууж̇амаанаа;

    ‘‘Suphullapupphehi rajaṃ gahetvā, alī vidhāvanti vikūjamānā;

    мад̇хумхи г̇анд̇хо вид̣̇исам̣ бавааяад̇и, самаяо махаавийра ан̇г̇ийрасаанам̣.

    Madhumhi gandho vidisaṃ pavāyati, samayo mahāvīra aṅgīrasānaṃ.

    ‘‘абхиннанаад̣̇аа мад̣̇авааран̣аа жа, г̇ирийхи д̇хааванд̇и жа ваарид̇хаараа;

    ‘‘Abhinnanādā madavāraṇā ca, girīhi dhāvanti ca vāridhārā;

    саванд̇и наж̇ж̇о сувирааж̇ид̇аава самаяо махаавийра ан̇г̇ийрасаанам̣.

    Savanti najjo suvirājitāva samayo mahāvīra aṅgīrasānaṃ.

    ‘‘г̇ирий саманд̇аава бад̣̇иссамаанаа, маяуураг̇ийваа ива нийлаван̣н̣аа;

    ‘‘Girī samantāva padissamānā, mayūragīvā iva nīlavaṇṇā;

    д̣̇исаа раж̇инд̣̇аава вирожаяанд̇и, самаяо махаавийра ан̇г̇ийрасаанам̣.

    Disā rajindāva virocayanti, samayo mahāvīra aṅgīrasānaṃ.

    ‘‘маяуурасан̇гхаа г̇иримуд̣̇д̇ханасмим̣, нажжанд̇и наарийхи саман̇г̇ибхууд̇аа;

    ‘‘Mayūrasaṅghā girimuddhanasmiṃ, naccanti nārīhi samaṅgibhūtā;

    гууж̇анд̇и наанаамад̇хурассарзхи, самаяо махаавийра ан̇г̇ийрасаанам̣.

    Kūjanti nānāmadhurassarehi, samayo mahāvīra aṅgīrasānaṃ.

    ‘‘суваад̣̇игаа нзгад̣̇иж̇аа манун̃н̃аа, вижид̇д̇абад̇д̇зхи вирааж̇амаанаа;

    ‘‘Suvādikā nekadijā manuññā, vicittapattehi virājamānā;

    г̇иримхи тад̇ваа абхинаад̣̇аяанд̇и, самаяо махаавийра ан̇г̇ийрасаанам̣.

    Girimhi ṭhatvā abhinādayanti, samayo mahāvīra aṅgīrasānaṃ.

    ‘‘супуллабубпаагарамаабхигин̣н̣аа , суг̇анд̇ханаанаад̣̇алалан̇гад̇аа жа;

    ‘‘Suphullapupphākaramābhikiṇṇā , sugandhanānādalalaṅkatā ca;

    г̇ирий вирожанд̇и д̣̇исаа саманд̇аа, самаяо махаавийра ан̇г̇ийрасаанам̣.

    Girī virocanti disā samantā, samayo mahāvīra aṅgīrasānaṃ.

    ‘‘ж̇алаасаяаа нзгасуг̇анд̇хаг̇анд̇хаа, суринд̣̇ауяяаанаж̇алаасаяаава;

    ‘‘Jalāsayā nekasugandhagandhā, surindauyyānajalāsayāva;

    саванд̇и наж̇ж̇о сувирааж̇амаанаа, самаяо махаавийра ан̇г̇ийрасаанам̣.

    Savanti najjo suvirājamānā, samayo mahāvīra aṅgīrasānaṃ.

    ‘‘вижид̇д̇ад̇ид̇т̇зхи алан̇гад̇аа жа, манун̃н̃анаанаамиг̇абагкибаасаа;

    ‘‘Vicittatitthehi alaṅkatā ca, manuññanānāmigapakkhipāsā;

    наж̇ж̇о вирожанд̇и сусанд̣̇амаанаа, самаяо махаавийра ан̇г̇ийрасаанам̣.

    Najjo virocanti susandamānā, samayo mahāvīra aṅgīrasānaṃ.

    ‘‘убхосу бассзсу ж̇алаасаязсу, субубпид̇аа жаарусуг̇анд̇харугкаа;

    ‘‘Ubhosu passesu jalāsayesu, supupphitā cārusugandharukkhā;

    вибхуусид̇аг̇г̇аа сурасунд̣̇арий жа, самаяо махаавийра ан̇г̇ийрасаанам̣.

    Vibhūsitaggā surasundarī ca, samayo mahāvīra aṅgīrasānaṃ.

    ‘‘суг̇анд̇ханаанаад̣̇умаж̇аалагин̣н̣ам̣ , ванам̣ вижид̇д̇ам̣ сурананд̣̇анам̣ва;

    ‘‘Sugandhanānādumajālakiṇṇaṃ , vanaṃ vicittaṃ suranandanaṃva;

    манобхираамам̣ сад̇ад̇ам̣ г̇ад̇ийнам̣, самаяо махаавийра ан̇г̇ийрасаанам̣.

    Manobhirāmaṃ satataṃ gatīnaṃ, samayo mahāvīra aṅgīrasānaṃ.

    ‘‘самбаннанаанаасужианнабаанаа, саб̣яан̃ж̇анаа саад̣̇урасзна яуд̇д̇аа;

    ‘‘Sampannanānāsuciannapānā, sabyañjanā sādurasena yuttā;

    бат̇зсу г̇аамз сулабхаа манун̃н̃аа, самаяо махаавийра ан̇г̇ийрасаанам̣.

    Pathesu gāme sulabhā manuññā, samayo mahāvīra aṅgīrasānaṃ.

    ‘‘вирааж̇ид̇аа ааси махий саманд̇аа, вижид̇д̇аван̣н̣аа гусумаасанасса;

    ‘‘Virājitā āsi mahī samantā, vicittavaṇṇā kusumāsanassa;

    рад̇д̇инд̣̇аг̇обзхи алан̇гад̇аава самаяо махаавийра ан̇г̇ийрасаанам̣.

    Rattindagopehi alaṅkatāva samayo mahāvīra aṅgīrasānaṃ.

    ‘‘висуд̣̇д̇хасад̣̇д̇хаад̣̇иг̇ун̣зхи яуд̇д̇аа, самб̣уд̣̇д̇харааж̇ам̣ абхибад̇т̇аяанд̇аа;

    ‘‘Visuddhasaddhādiguṇehi yuttā, sambuddharājaṃ abhipatthayantā;

    б̣ахуухи д̇ад̇т̇зва ж̇анаа саманд̇аа, самаяо махаавийра ан̇г̇ийрасаанам̣.

    Bahūhi tattheva janā samantā, samayo mahāvīra aṅgīrasānaṃ.

    ‘‘вижид̇рааараамасубогкаран̃н̃о, вижид̇ранаанаабад̣̇умзхи чаннаа;

    ‘‘Vicitraārāmasupokkharañño, vicitranānāpadumehi channā;

    бхисзхи кийрам̣ва расам̣ бавааяад̇и, самаяо махаавийра ан̇г̇ийрасаанам̣.

    Bhisehi khīraṃva rasaṃ pavāyati, samayo mahāvīra aṅgīrasānaṃ.

    ‘‘вижид̇ранийлажчад̣̇анзналан̇гад̇аа, манун̃н̃аругкаа убхад̇овагаасз;

    ‘‘Vicitranīlacchadanenalaṅkatā, manuññarukkhā ubhatovakāse;

    самуг̇г̇ад̇аа сад̇д̇асамуухабхууд̇аа, самаяо махаавийра ан̇г̇ийрасаанам̣.

    Samuggatā sattasamūhabhūtā, samayo mahāvīra aṅgīrasānaṃ.

    ‘‘вижид̇ранийлаб̣бхамивааяад̇ам̣ ванам̣, суринд̣̇алогз ива нанд̣̇анам̣ ванам̣;

    ‘‘Vicitranīlabbhamivāyataṃ vanaṃ, surindaloke iva nandanaṃ vanaṃ;

    саб̣б̣од̇угам̣ саад̇хусуг̇анд̇хабубпам̣, самаяо махаавийра ан̇г̇ийрасаанам̣.

    Sabbotukaṃ sādhusugandhapupphaṃ, samayo mahāvīra aṅgīrasānaṃ.

    ‘‘субхан̃ж̇асам̣ яож̇анаяож̇анзсу, субхигкаг̇аамаа сулабхаа манун̃н̃аа;

    ‘‘Subhañjasaṃ yojanayojanesu, subhikkhagāmā sulabhā manuññā;

    ж̇анаабхигин̣н̣аа сулабханнабаанаа, самаяо махаавийра ан̇г̇ийрасаанам̣.

    Janābhikiṇṇā sulabhannapānā, samayo mahāvīra aṅgīrasānaṃ.

    ‘‘бахууд̇ачааяууд̣̇агараммабхууд̇аа, ниваасинам̣ саб̣б̣асукаббад̣̇аад̇аа;

    ‘‘Pahūtachāyūdakarammabhūtā, nivāsinaṃ sabbasukhappadātā;

    висааласаалаа жа сабхаа жа б̣ахуу, самаяо махаавийра ан̇г̇ийрасаанам̣.

    Visālasālā ca sabhā ca bahū, samayo mahāvīra aṅgīrasānaṃ.

    ‘‘вижид̇д̇анаанаад̣̇умасан̣д̣аман̣д̣ид̇аа, манун̃н̃ауяяаанасубогкаран̃н̃о;

    ‘‘Vicittanānādumasaṇḍamaṇḍitā, manuññauyyānasupokkharañño;

    сумаабид̇аа саад̇хусуг̇анд̇хаг̇анд̇хаа, самаяо махаавийра ан̇г̇ийрасаанам̣.

    Sumāpitā sādhusugandhagandhā, samayo mahāvīra aṅgīrasānaṃ.

    ‘‘ваад̇о муд̣̇уусийд̇аласаад̇хуруубо, набхаа жа аб̣бхаа виг̇ад̇аа саманд̇аа;

    ‘‘Vāto mudūsītalasādhurūpo, nabhā ca abbhā vigatā samantā;

    д̣̇исаа жа саб̣б̣аава вирожаяанд̇и, самаяо махаавийра ан̇г̇ийрасаанам̣.

    Disā ca sabbāva virocayanti, samayo mahāvīra aṅgīrasānaṃ.

    ‘‘бат̇з раж̇онуг̇г̇аманад̇т̇амзва, рад̇д̇им̣ бавассанд̇и жа манд̣̇авудтий;

    ‘‘Pathe rajonuggamanatthameva, rattiṃ pavassanti ca mandavuṭṭhī;

    набхз жа сууро муд̣̇угова д̇аабо, самаяо махаавийра ан̇г̇ийрасаанам̣.

    Nabhe ca sūro mudukova tāpo, samayo mahāvīra aṅgīrasānaṃ.

    ‘‘мад̣̇аббаб̣аахаа мад̣̇ахад̇т̇исан̇гхаа, гарзн̣усан̇гхзхи сугийл̣аяанд̇и;

    ‘‘Madappabāhā madahatthisaṅghā, kareṇusaṅghehi sukīḷayanti;

    д̣̇исаа вид̇хааванд̇и жа г̇аж̇ж̇аяанд̇аа, самаяо махаавийра ан̇г̇ийрасаанам̣.

    Disā vidhāvanti ca gajjayantā, samayo mahāvīra aṅgīrasānaṃ.

    ‘‘ванам̣ сунийлам̣ абхид̣̇ассанийяам̣, нийлаб̣бхагуудам̣ ива раммабхууд̇ам̣;

    ‘‘Vanaṃ sunīlaṃ abhidassanīyaṃ, nīlabbhakūṭaṃ iva rammabhūtaṃ;

    вилогид̇аанам̣ ад̇ивимханийяам̣, самаяо махаавийра ан̇г̇ийрасаанам̣.

    Vilokitānaṃ ativimhanīyaṃ, samayo mahāvīra aṅgīrasānaṃ.

    ‘‘висуд̣̇д̇хамаб̣бхам̣ г̇аг̇анам̣ сураммам̣, ман̣имаязхи самалан̇гад̇аава;

    ‘‘Visuddhamabbhaṃ gaganaṃ surammaṃ, maṇimayehi samalaṅkatāva;

    д̣̇исаа жа саб̣б̣аа ад̇ирожаяанд̇и, самаяо махаавийра ан̇г̇ийрасаанам̣.

    Disā ca sabbā atirocayanti, samayo mahāvīra aṅgīrasānaṃ.

    ‘‘г̇анд̇хаб̣б̣авиж̇ж̇аад̇харагиннараа жа, суг̇ийд̇ияанд̇аа мад̇хурассарзна;

    ‘‘Gandhabbavijjādharakinnarā ca, sugītiyantā madhurassarena;

    жаранд̇и д̇асмим̣ баванз сураммз, самаяо махаавийра ан̇г̇ийрасаанам̣.

    Caranti tasmiṃ pavane suramme, samayo mahāvīra aṅgīrasānaṃ.

    ‘‘гилзсасан̇гхасса бхид̇аасагзхи, д̇абассисан̇гхзхи нисзвид̇ам̣ ванам̣;

    ‘‘Kilesasaṅghassa bhitāsakehi, tapassisaṅghehi nisevitaṃ vanaṃ;

    вихаарааараамасамид̣̇д̇хибхууд̇ам̣, самаяо махаавийра ан̇г̇ийрасаанам̣.

    Vihāraārāmasamiddhibhūtaṃ, samayo mahāvīra aṅgīrasānaṃ.

    ‘‘самид̣̇д̇хинаанаапалино вананд̇аа, анаагулаа нижжаманобхираммаа;

    ‘‘Samiddhinānāphalino vanantā, anākulā niccamanobhirammā;

    самаад̇хибийд̇им̣ абхивад̣дхаяанд̇и, самаяо махаавийра ан̇г̇ийрасаанам̣.

    Samādhipītiṃ abhivaḍḍhayanti, samayo mahāvīra aṅgīrasānaṃ.

    ‘‘нисзвид̇ам̣ нзгад̣̇иж̇зхи нижжам̣, г̇аамзна г̇аамам̣ сад̇ад̇ам̣ васанд̇аа;

    ‘‘Nisevitaṃ nekadijehi niccaṃ, gāmena gāmaṃ satataṃ vasantā;

    бурз бурз г̇аамавараа жа санд̇и, самаяо махаавийра ан̇г̇ийрасаанам̣.

    Pure pure gāmavarā ca santi, samayo mahāvīra aṅgīrasānaṃ.

    ‘‘вад̇т̇аннабаанам̣ саяанаасанан̃жа, г̇анд̇хан̃жа маалан̃жа вилзбанан̃жа;

    ‘‘Vatthannapānaṃ sayanāsanañca, gandhañca mālañca vilepanañca;

    д̇ахим̣ самид̣̇д̇хаа ж̇анад̇аа б̣ахуу жа, самаяо махаавийра ан̇г̇ийрасаанам̣.

    Tahiṃ samiddhā janatā bahū ca, samayo mahāvīra aṅgīrasānaṃ.

    ‘‘бун̃н̃ид̣̇д̇хияаа саб̣б̣аяасаг̇г̇абад̇д̇аа, ж̇анаа жа д̇асмим̣ сукид̇аа самид̣̇д̇хаа;

    ‘‘Puññiddhiyā sabbayasaggapattā, janā ca tasmiṃ sukhitā samiddhā;

    бахууд̇абхог̇аа вивид̇хаа васанд̇и, самаяо махаавийра ан̇г̇ийрасаанам̣.

    Pahūtabhogā vividhā vasanti, samayo mahāvīra aṅgīrasānaṃ.

    ‘‘набхз жа аб̣бхаа сувисуд̣̇д̇хаван̣н̣аа, д̣̇исаа жа жанд̣̇о сувирааж̇ид̇ова;

    ‘‘Nabhe ca abbhā suvisuddhavaṇṇā, disā ca cando suvirājitova;

    рад̇д̇ин̃жа ваад̇о муд̣̇усийд̇ало жа, самаяо махаавийра ан̇г̇ийрасаанам̣.

    Rattiñca vāto mudusītalo ca, samayo mahāvīra aṅgīrasānaṃ.

    ‘‘жанд̣̇уг̇г̇амз саб̣б̣аж̇анаа бахадтаа, саган̇г̇ан̣з жид̇рагат̇аа вад̣̇анд̇аа;

    ‘‘Canduggame sabbajanā pahaṭṭhā, sakaṅgaṇe citrakathā vadantā;

    биязхи сад̣̇д̇хим̣ абхимод̣̇аяанд̇и, самаяо махаавийра ан̇г̇ийрасаанам̣.

    Piyehi saddhiṃ abhimodayanti, samayo mahāvīra aṅgīrasānaṃ.

    ‘‘жанд̣̇асса рам̣сийхи набхам̣ вирожи, махий жа сам̣суд̣̇д̇хаманун̃н̃аван̣н̣аа;

    ‘‘Candassa raṃsīhi nabhaṃ viroci, mahī ca saṃsuddhamanuññavaṇṇā;

    д̣̇исаа жа саб̣б̣аа барисуд̣̇д̇харуубаа, самаяо махаавийра ан̇г̇ийрасаанам̣.

    Disā ca sabbā parisuddharūpā, samayo mahāvīra aṅgīrasānaṃ.

    ‘‘д̣̇уурз жа д̣̇исваа варажанд̣̇арам̣сим̣, бубпим̣су бубпаани махийд̇аласмим̣;

    ‘‘Dūre ca disvā varacandaraṃsiṃ, pupphiṃsu pupphāni mahītalasmiṃ;

    саманд̇ад̇о г̇анд̇хаг̇ун̣ад̇т̇игаанам̣, самаяо махаавийра ан̇г̇ийрасаанам̣.

    Samantato gandhaguṇatthikānaṃ, samayo mahāvīra aṅgīrasānaṃ.

    ‘‘жанд̣̇асса рам̣сийхи вилимбид̇аава, махий саманд̇аа гусумзналан̇гад̇аа;

    ‘‘Candassa raṃsīhi vilimpitāva, mahī samantā kusumenalaṅkatā;

    вирожи саб̣б̣ан̇г̇асумаалинийва, самаяо махаавийра ан̇г̇ийрасаанам̣.

    Viroci sabbaṅgasumālinīva, samayo mahāvīra aṅgīrasānaṃ.

    ‘‘гужанд̇и хад̇т̇ийби мад̣̇зна мад̇д̇аа, вижид̇д̇абин̃чаа жа д̣̇иж̇аа саманд̇аа;

    ‘‘Kucanti hatthīpi madena mattā, vicittapiñchā ca dijā samantā;

    гаронд̇и наад̣̇ам̣ баванз сураммз, самаяо махаавийра ан̇г̇ийрасаанам̣.

    Karonti nādaṃ pavane suramme, samayo mahāvīra aṅgīrasānaṃ.

    ‘‘бат̇ан̃жа саб̣б̣ам̣ бадибаж̇ж̇анагкамам̣, ид̣̇д̇хан̃жа радтам̣ сад̇ханам̣ сабхог̇ам̣;

    ‘‘Pathañca sabbaṃ paṭipajjanakkhamaṃ, iddhañca raṭṭhaṃ sadhanaṃ sabhogaṃ;

    саб̣б̣ад̇т̇уд̇ам̣ саб̣б̣асукаббад̣̇аанам̣, самаяо махаавийра ан̇г̇ийрасаанам̣.

    Sabbatthutaṃ sabbasukhappadānaṃ, samayo mahāvīra aṅgīrasānaṃ.

    ‘‘ванан̃жа саб̣б̣ам̣ сувижид̇д̇аруубам̣, сумаабид̇ам̣ нанд̣̇анагаананам̣ва;

    ‘‘Vanañca sabbaṃ suvicittarūpaṃ, sumāpitaṃ nandanakānanaṃva;

    яад̇ийна бийд̇им̣ сад̇ад̇ам̣ ж̇анзд̇и, самаяо махаавийра ан̇г̇ийрасаанам̣.

    Yatīna pītiṃ satataṃ janeti, samayo mahāvīra aṅgīrasānaṃ.

    ‘‘алан̇гад̇ам̣ д̣̇звабурам̣ва раммам̣, габийлавад̇т̇ум̣ ид̇и наамад̇хзяяам̣;

    ‘‘Alaṅkataṃ devapuraṃva rammaṃ, kapīlavatthuṃ iti nāmadheyyaṃ;

    гуланаг̇арам̣ ид̇ха сассиригам̣, самаяо махаавийра ан̇г̇ийрасаанам̣.

    Kulanagaraṃ idha sassirikaṃ, samayo mahāvīra aṅgīrasānaṃ.

    ‘‘манун̃н̃ааддаалавижид̇д̇аруубам̣, супуллабан̇гзрухасан̣д̣аман̣д̣ид̇ам̣;

    ‘‘Manuññaaṭṭālavicittarūpaṃ, suphullapaṅkeruhasaṇḍamaṇḍitaṃ;

    вижид̇д̇абарикаахи бурам̣ сураммам̣, самаяо махаавийра ан̇г̇ийрасаанам̣.

    Vicittaparikhāhi puraṃ surammaṃ, samayo mahāvīra aṅgīrasānaṃ.

    ‘‘вижид̇д̇абаагааран̃жа д̇оран̣ан̃жа, субхан̇г̇ан̣ам̣ д̣̇званиваасабхууд̇ам̣;

    ‘‘Vicittapākārañca toraṇañca, subhaṅgaṇaṃ devanivāsabhūtaṃ;

    манун̃н̃авийт̇и суралогасаннибхам̣, самаяо махаавийра ан̇г̇ийрасаанам̣.

    Manuññavīthi suralokasannibhaṃ, samayo mahāvīra aṅgīrasānaṃ.

    ‘‘алан̇гад̇аа саагияарааж̇абуд̇д̇аа, вирааж̇амаанаа варабхуусанзхи;

    ‘‘Alaṅkatā sākiyarājaputtā, virājamānā varabhūsanehi;

    суринд̣̇алогз ива д̣̇звабуд̇д̇аа, самаяо махаавийра ан̇г̇ийрасаанам̣.

    Surindaloke iva devaputtā, samayo mahāvīra aṅgīrasānaṃ.

    ‘‘суд̣̇д̇ход̣̇ано муниварам̣ абхид̣̇ассанааяа, амажжабуд̇д̇з д̣̇асад̇хаа абзсаяи;

    ‘‘Suddhodano munivaraṃ abhidassanāya, amaccaputte dasadhā apesayi;

    б̣алзна сад̣̇д̇хим̣ махад̇аа мунинд̣̇а, самаяо махаавийра ан̇г̇ийрасаанам̣.

    Balena saddhiṃ mahatā muninda, samayo mahāvīra aṅgīrasānaṃ.

    ‘‘нзвааг̇ад̇ам̣ бассад̇и нзва ваажам̣, согаабхибхууд̇ам̣ наравийрасздтам̣;

    ‘‘Nevāgataṃ passati neva vācaṃ, sokābhibhūtaṃ naravīraseṭṭhaṃ;

    д̇осзд̇умижчаами нараад̇хибад̇д̇ам̣, самаяо махаавийра ан̇г̇ийрасаанам̣.

    Tosetumicchāmi narādhipattaṃ, samayo mahāvīra aṅgīrasānaṃ.

    ‘‘д̇ам̣д̣̇ассанзнаб̣бхуд̇абийд̇ирааси, уд̣̇игкамаанам̣ д̣̇вибад̣̇аанаминд̣̇ам̣;

    ‘‘Taṃdassanenabbhutapītirāsi, udikkhamānaṃ dvipadānamindaṃ;

    д̇осзхи д̇ам̣ мунинд̣̇а г̇ун̣асздтам̣, самаяо махаавийра ан̇г̇ийрасаанам̣.

    Tosehi taṃ muninda guṇaseṭṭhaṃ, samayo mahāvīra aṅgīrasānaṃ.

    ‘‘аасааяа гассад̇з кзд̇д̇ам̣, б̣ийж̇ам̣ аасааяа ваббад̇и;

    ‘‘Āsāya kassate khettaṃ, bījaṃ āsāya vappati;

    аасааяа ваан̣иж̇аа яанд̇и, самуд̣̇д̣̇ам̣ д̇ханахаарагаа;

    Āsāya vāṇijā yanti, samuddaṃ dhanahārakā;

    яааяа аасааяа д̇идтаами, саа мз аасаа самиж̇жхад̇у.

    Yāya āsāya tiṭṭhāmi, sā me āsā samijjhatu.

    ‘‘наад̇исийд̇ам̣ наад̇иун̣хам̣, наад̇ид̣̇уб̣бхигкачаад̇агам̣;

    ‘‘Nātisītaṃ nātiuṇhaṃ, nātidubbhikkhachātakaṃ;

    сад̣̇д̣̇алаа харид̇аа бхууми, зса гаало махаамуний’’д̇и.

    Saddalā haritā bhūmi, esa kālo mahāmunī’’ti.

    ат̇а нам̣ сад̇т̇аа – ‘‘гим̣ ну ко, уд̣̇ааяи, г̇аманаван̣н̣ам̣ ван̣н̣зсий’’д̇и ааха. ‘‘бханд̇з, д̇умхаагам̣ бид̇аа суд̣̇д̇ход̣̇анамахаарааж̇аа д̣̇адтугаамо, гарот̇а н̃аад̇агаанам̣ сан̇г̇аха’’нд̇и ааха. ‘‘саад̇ху, уд̣̇ааяи, гариссаами н̃аад̇исан̇г̇ахам̣, д̇зна хи бхигкусан̇гхасса аарожзхи , г̇амияавад̇д̇ам̣ буурзссанд̇ий’’д̇и ааха. ‘‘саад̇ху, бханд̇з’’д̇и т̇зро бхигкусан̇гхасса аарожзси.

    Atha naṃ satthā – ‘‘kiṃ nu kho, udāyi, gamanavaṇṇaṃ vaṇṇesī’’ti āha. ‘‘Bhante, tumhākaṃ pitā suddhodanamahārājā daṭṭhukāmo, karotha ñātakānaṃ saṅgaha’’nti āha. ‘‘Sādhu, udāyi, karissāmi ñātisaṅgahaṃ, tena hi bhikkhusaṅghassa ārocehi , gamiyavattaṃ pūressantī’’ti āha. ‘‘Sādhu, bhante’’ti thero bhikkhusaṅghassa ārocesi.

    сад̇т̇аа ан̇г̇амаг̇ад̇хаваасийнам̣ гулабуд̇д̇аанам̣ д̣̇асахи сахассзхи, габилавад̇т̇уваасийнам̣ д̣̇асахи сахассзхийд̇и саб̣б̣зхзва вийсад̇ияаа кийн̣аасавабхигкусахассзхи баривуд̇о рааж̇аг̇ахаа нигкамид̇ваа д̣̇ивасз д̣̇ивасз яож̇анам̣ яож̇анам̣ г̇ажчанд̇о д̣̇вийхи маасзхи габилавад̇т̇убурам̣ самбаабун̣и. саагияааби ануббад̇д̇зязва бхаг̇авад̇и – ‘‘амхаагам̣ н̃аад̇исздтам̣ бассиссаамаа’’д̇и бхаг̇авад̇о васанадтаанам̣ виймам̣самаанаа ‘‘ниг̇род̇хасаггассаараамо раман̣ийяо’’д̇и саллагкзд̇ваа саб̣б̣ам̣ бадиж̇аг̇г̇анавид̇хим̣ гаарзд̇ваа г̇анд̇хабубпахад̇т̇аа бажжуг̇г̇аманам̣ гаронд̇аа саб̣б̣аалан̇гаарзхи самалан̇гад̇аг̇ад̇д̇аа г̇анд̇хабубпажун̣н̣аад̣̇ийхи бууж̇аяамаанаа бхаг̇аванд̇ам̣ бурагкад̇ваа ниг̇род̇хаараамамзва аг̇амам̣су.

    Satthā aṅgamagadhavāsīnaṃ kulaputtānaṃ dasahi sahassehi, kapilavatthuvāsīnaṃ dasahi sahassehīti sabbeheva vīsatiyā khīṇāsavabhikkhusahassehi parivuto rājagahā nikkhamitvā divase divase yojanaṃ yojanaṃ gacchanto dvīhi māsehi kapilavatthupuraṃ sampāpuṇi. Sākiyāpi anuppatteyeva bhagavati – ‘‘amhākaṃ ñātiseṭṭhaṃ passissāmā’’ti bhagavato vasanaṭṭhānaṃ vīmaṃsamānā ‘‘nigrodhasakkassārāmo ramaṇīyo’’ti sallakkhetvā sabbaṃ paṭijagganavidhiṃ kāretvā gandhapupphahatthā paccuggamanaṃ karontā sabbālaṅkārehi samalaṅkatagattā gandhapupphacuṇṇādīhi pūjayamānā bhagavantaṃ purakkhatvā nigrodhārāmameva agamaṃsu.

    д̇ад̇ра бхаг̇аваа вийсад̇ияаа кийн̣аасавасахассзхи баривуд̇о бан̃н̃ад̇д̇авараб̣уд̣̇д̇хаасанз нисийд̣̇и. саагияаа бана маанаж̇аад̇игаа маанад̇т̇ад̣̇д̇хаа, ‘‘сид̣̇д̇хад̇т̇агумааро амхзхи д̣̇ахарад̇аро, амхаагам̣ ганидто бхаад̇аа, буд̇д̇о, бхааг̇инзяяо, над̇д̇аа’’д̇и жинд̇зд̇ваа д̣̇ахарад̣̇ахарз рааж̇агумаарз аахам̣су – ‘‘д̇умхз ванд̣̇ат̇а, маяам̣ д̇умхаагам̣ бидтид̇о бидтид̇о нисийд̣̇иссаамаа’’д̇и. д̇зсвзвам̣ нисиннзсу бхаг̇аваа д̇зсам̣ аж̇жхаасаяам̣ ологзд̇ваа – ‘‘имз н̃аад̇агаа ад̇д̇ано могхаж̇ин̣н̣абхаавзна на мам̣ ванд̣̇анд̇и, на банзд̇з ж̇аананд̇и ‘б̣уд̣̇д̇хо наама гийд̣̇исо, б̣уд̣̇д̇хаб̣алам̣ наама гийд̣̇иса’нд̇и ваа, ‘б̣уд̣̇д̇хо наама зд̣̇исо, б̣уд̣̇д̇хаб̣алам̣ наама зд̣̇иса’нд̇и ваа, ханд̣̇аахам̣ ад̇д̇ано б̣уд̣̇д̇хаб̣алам̣ ид̣̇д̇хиб̣алан̃жа д̣̇ассзнд̇о баадихаарияан̃жа гарзяяам̣, аагаасз д̣̇асасахассажаггаваал̣авид̇т̇ад̇ам̣ саб̣б̣арад̇анамаяам̣ жан̇гамам̣ маабзд̇ваа д̇ад̇т̇а жан̇гаманд̇о махааж̇анасса аж̇жхаасаяам̣ ологзд̇ваа д̇хамман̃жа д̣̇зсзяяа’’нд̇и жинд̇зси. д̇зна вуд̇д̇ам̣ сан̇г̇ийд̇игаарагзхи бхаг̇авад̇о баривид̇аггад̣̇ассанад̇т̇ам̣ –

    Tatra bhagavā vīsatiyā khīṇāsavasahassehi parivuto paññattavarabuddhāsane nisīdi. Sākiyā pana mānajātikā mānatthaddhā, ‘‘siddhatthakumāro amhehi daharataro, amhākaṃ kaniṭṭho bhātā, putto, bhāgineyyo, nattā’’ti cintetvā daharadahare rājakumāre āhaṃsu – ‘‘tumhe vandatha, mayaṃ tumhākaṃ piṭṭhito piṭṭhito nisīdissāmā’’ti. Tesvevaṃ nisinnesu bhagavā tesaṃ ajjhāsayaṃ oloketvā – ‘‘ime ñātakā attano moghajiṇṇabhāvena na maṃ vandanti, na panete jānanti ‘buddho nāma kīdiso, buddhabalaṃ nāma kīdisa’nti vā, ‘buddho nāma ediso, buddhabalaṃ nāma edisa’nti vā, handāhaṃ attano buddhabalaṃ iddhibalañca dassento pāṭihāriyañca kareyyaṃ, ākāse dasasahassacakkavāḷavitthataṃ sabbaratanamayaṃ caṅkamaṃ māpetvā tattha caṅkamanto mahājanassa ajjhāsayaṃ oloketvā dhammañca deseyya’’nti cintesi. Tena vuttaṃ saṅgītikārakehi bhagavato parivitakkadassanatthaṃ –

    3.

    3.

    ‘‘на хзд̇з ж̇аананд̇и сад̣̇звамаанусаа, б̣уд̣̇д̇хо аяам̣ гийд̣̇исаго наруд̇д̇амо;

    ‘‘Na hete jānanti sadevamānusā, buddho ayaṃ kīdisako naruttamo;

    ид̣̇д̇хиб̣алам̣ бан̃н̃ааб̣алан̃жа гийд̣̇исам̣, б̣уд̣̇д̇хаб̣алам̣ логахид̇асса гийд̣̇исам̣.

    Iddhibalaṃ paññābalañca kīdisaṃ, buddhabalaṃ lokahitassa kīdisaṃ.

    4.

    4.

    ‘‘на хзд̇з ж̇аананд̇и сад̣̇звамаанусаа, б̣уд̣̇д̇хо аяам̣ зд̣̇исаго наруд̇д̇амо;

    ‘‘Na hete jānanti sadevamānusā, buddho ayaṃ edisako naruttamo;

    ид̣̇д̇хиб̣алам̣ бан̃н̃ааб̣алан̃жа зд̣̇исам̣, б̣уд̣̇д̇хаб̣алам̣ логахид̇асса зд̣̇исам̣.

    Iddhibalaṃ paññābalañca edisaṃ, buddhabalaṃ lokahitassa edisaṃ.

    5.

    5.

    ‘‘ханд̣̇аахам̣ д̣̇ассаяиссаами, б̣уд̣̇д̇хаб̣аламануд̇д̇арам̣;

    ‘‘Handāhaṃ dassayissāmi, buddhabalamanuttaraṃ;

    жан̇гамам̣ маабаяиссаами, набхз рад̇анаман̣д̣ид̇а’’нд̇и.

    Caṅkamaṃ māpayissāmi, nabhe ratanamaṇḍita’’nti.

    д̇ад̇т̇а на хзд̇з ж̇аананд̇ийд̇и на хи зд̇з ж̇аананд̇и. на-гааро бадисзд̇хад̇т̇о. хи-гааро гааран̣ад̇т̇з нибаад̇о. яасмаа банзд̇з мама н̃аад̇иаад̣̇аяо д̣̇звамануссаа маяаа б̣уд̣̇д̇хаб̣алз жа ид̣̇д̇хиб̣алз жа анаавигад̇з на ж̇аананд̇и ‘‘зд̣̇исо б̣уд̣̇д̇хо, зд̣̇исам̣ ид̣̇д̇хиб̣ала’’нд̇и, д̇асмаа ахам̣ мама б̣уд̣̇д̇хаб̣алан̃жа ид̣̇д̇хиб̣алан̃жа д̣̇ассзяяанд̇и ад̇т̇о. сад̣̇звамаанусаад̇и зд̇т̇а д̣̇зваад̇и убабад̇д̇ид̣̇зваа ад̇хиббзд̇аа. саха д̣̇звзхийд̇и сад̣̇зваа. гз д̇з? маанусаа, сад̣̇зваа зва маанусаа сад̣̇звамаанусаа. ат̇а ваа д̣̇звод̇и саммуд̇ид̣̇зво, суд̣̇д̇ход̣̇ано рааж̇аа ад̇хиббзд̇о. саха д̣̇звзна ран̃н̃аа суд̣̇д̇ход̣̇анзнаад̇и сад̣̇зваа. маанусаад̇и н̃аад̇имаанусаа, сад̣̇зваа сасуд̣̇д̇ход̣̇анаа маанусаа сад̣̇звамаанусаа сарааж̇аано ваа зд̇з мама н̃аад̇имаанусаа мама б̣алам̣ на виж̇аананд̇ийд̇и ад̇т̇о. сзсад̣̇звааби сан̇г̇ахам̣ г̇ажчанд̇иязва. саб̣б̣зби д̣̇зваа д̣̇званадтзна ‘‘д̣̇зваа’’д̇и вужжанд̇и. д̣̇званам̣ наама д̇хаад̇уад̇т̇о гийл̣аад̣̇и. ат̇а ваа д̣̇зваа жа маанусаа жа д̣̇звамаанусаа, саха д̣̇звамаанусзхи сад̣̇звамаанусаа. гз д̇з? логаад̇и важанасзсо д̣̇адтаб̣б̣о. б̣уд̣̇д̇ход̇и жад̇усажжад̇хаммз б̣уд̣̇д̇хо ануб̣уд̣̇д̇ход̇и б̣уд̣̇д̇хо. яат̇ааха –

    Tattha na hete jānantīti na hi ete jānanti. Na-kāro paṭisedhattho. Hi-kāro kāraṇatthe nipāto. Yasmā panete mama ñātiādayo devamanussā mayā buddhabale ca iddhibale ca anāvikate na jānanti ‘‘ediso buddho, edisaṃ iddhibala’’nti, tasmā ahaṃ mama buddhabalañca iddhibalañca dasseyyanti attho. Sadevamānusāti ettha devāti upapattidevā adhippetā. Saha devehīti sadevā. Ke te? Mānusā, sadevā eva mānusā sadevamānusā. Atha vā devoti sammutidevo, suddhodano rājā adhippeto. Saha devena raññā suddhodanenāti sadevā. Mānusāti ñātimānusā, sadevā sasuddhodanā mānusā sadevamānusā sarājāno vā ete mama ñātimānusā mama balaṃ na vijānantīti attho. Sesadevāpi saṅgahaṃ gacchantiyeva. Sabbepi devā devanaṭṭhena ‘‘devā’’ti vuccanti. Devanaṃ nāma dhātuattho kīḷādi. Atha vā devā ca mānusā ca devamānusā, saha devamānusehi sadevamānusā. Ke te? Lokāti vacanaseso daṭṭhabbo. Buddhoti catusaccadhamme buddho anubuddhoti buddho. Yathāha –

    ‘‘абхин̃н̃зяяам̣ абхин̃н̃аад̇ам̣, бхаавзд̇аб̣б̣ан̃жа бхаавид̇ам̣;

    ‘‘Abhiññeyyaṃ abhiññātaṃ, bhāvetabbañca bhāvitaṃ;

    бахаад̇аб̣б̣ам̣ бахийнам̣ мз, д̇асмаа б̣уд̣̇д̇хосми б̣раахман̣аа’’д̇и. (ма. ни. 2.399; су. ни. 563);

    Pahātabbaṃ pahīnaṃ me, tasmā buddhosmi brāhmaṇā’’ti. (ma. ni. 2.399; su. ni. 563);

    ид̇ха бана гад̇д̇угаарагз б̣уд̣̇д̇хасад̣̇д̣̇асид̣̇д̇хи д̣̇адтаб̣б̣аа. ад̇хиг̇ад̇ависзсзхи д̣̇звамануссзхи ‘‘саммаасамб̣уд̣̇д̇хо вад̇а со бхаг̇аваа’’д̇и звам̣ б̣уд̣̇д̇хад̇д̇аа н̃аад̇ад̇д̇аа б̣уд̣̇д̇хо. ид̇ха гаммагаарагз б̣уд̣̇д̇хасад̣̇д̣̇асид̣̇д̇хи д̣̇адтаб̣б̣аа. б̣уд̣̇д̇хамасса ад̇т̇ийд̇и ваа б̣уд̣̇д̇хо, б̣уд̣̇д̇хаванд̇од̇и ад̇т̇о. д̇ам̣ саб̣б̣ам̣ сад̣̇д̣̇асад̇т̇аанусаарзна взд̣̇ид̇аб̣б̣ам̣. гийд̣̇исагод̇и гийд̣̇исо гим̣саригкаго гим̣сад̣̇исо гим̣ван̣н̣о гим̣сан̣таано д̣̇ийгхо ваа рассо ваад̇и ад̇т̇о.

    Idha pana kattukārake buddhasaddasiddhi daṭṭhabbā. Adhigatavisesehi devamanussehi ‘‘sammāsambuddho vata so bhagavā’’ti evaṃ buddhattā ñātattā buddho. Idha kammakārake buddhasaddasiddhi daṭṭhabbā. Buddhamassa atthīti vā buddho, buddhavantoti attho. Taṃ sabbaṃ saddasatthānusārena veditabbaṃ. Kīdisakoti kīdiso kiṃsarikkhako kiṃsadiso kiṃvaṇṇo kiṃsaṇṭhāno dīgho vā rasso vāti attho.

    наруд̇д̇амод̇и нараанам̣ нарзсу ваа уд̇д̇амо баваро сздтод̇и наруд̇д̇амо. ид̣̇д̇хиб̣аланд̇и зд̇т̇а иж̇жханам̣ ид̣̇д̇хи нибпад̇д̇иад̇т̇зна бадилаабхадтзна жа ид̣̇д̇хи. ат̇а ваа иж̇жханд̇и д̇ааяа сад̇д̇аа ид̣̇д̇хаа вуд̣̇д̇хаа уггам̣саг̇ад̇аа хонд̇ийд̇и ид̣̇д̇хи. саа бана д̣̇асавид̇хаа ход̇и. яат̇ааха –

    Naruttamoti narānaṃ naresu vā uttamo pavaro seṭṭhoti naruttamo. Iddhibalanti ettha ijjhanaṃ iddhi nipphattiatthena paṭilābhaṭṭhena ca iddhi. Atha vā ijjhanti tāya sattā iddhā vuddhā ukkaṃsagatā hontīti iddhi. Sā pana dasavidhā hoti. Yathāha –

    ‘‘ид̣̇д̇хияод̇и д̣̇аса ид̣̇д̇хияо. гад̇амаа д̣̇аса? ад̇хидтаанаа ид̣̇д̇хи, вигуб̣б̣анаа ид̣̇д̇хи, маномаяаа ид̣̇д̇хи, н̃аан̣авибпаараа ид̣̇д̇хи, самаад̇хивибпаараа ид̣̇д̇хи, арияаа ид̣̇д̇хи, гаммавибаагаж̇аа ид̣̇д̇хи, бун̃н̃авад̇о ид̣̇д̇хи, виж̇ж̇аамаяаа ид̣̇д̇хи, д̇ад̇т̇а д̇ад̇т̇а саммаабаяог̇абажжаяаа иж̇жханадтзна ид̣̇д̇хий’’д̇и (бади. ма. 3.10).

    ‘‘Iddhiyoti dasa iddhiyo. Katamā dasa? Adhiṭṭhānā iddhi, vikubbanā iddhi, manomayā iddhi, ñāṇavipphārā iddhi, samādhivipphārā iddhi, ariyā iddhi, kammavipākajā iddhi, puññavato iddhi, vijjāmayā iddhi, tattha tattha sammāpayogapaccayā ijjhanaṭṭhena iddhī’’ti (paṭi. ma. 3.10).

    д̇аасам̣ ид̣̇ам̣ наанад̇д̇ам̣ – багад̇ияаа зго б̣ахугам̣ ааваж̇ж̇зд̇и, сад̇ам̣ ваа сахассам̣ ваа ааваж̇ж̇ид̇ваа н̃аан̣зна ад̇хидтаад̇и ‘‘б̣ахуго хомий’’д̇и (бади. ма. 3.10) звам̣ вибхаж̇ид̇ваа д̣̇ассид̇аа ид̣̇д̇хи ад̇хидтаанавасзна нибпаннад̇д̇аа ад̇хидтаанаа ид̣̇д̇хи наама. д̇ассааяамад̇т̇о – абхин̃н̃аабаад̣̇агам̣ жад̇уд̇т̇аж̇жхаанам̣ самаабаж̇ж̇ид̇ваа д̇ад̇о вудтааяа сажз сад̇ам̣ ижчад̇и ‘‘сад̇ам̣ хоми, сад̇ам̣ хомий’’д̇и гаамааважарабаригаммажид̇д̇зхи баригаммам̣ гад̇ваа буна абхин̃н̃аабаад̣̇агам̣ жхаанам̣ самаабаж̇ж̇ид̇ваа д̇ад̇о вудтааяа буна ааваж̇ж̇ид̇ваа ад̇хидтаад̇и, ад̇хидтаанажид̇д̇зна сахзва сад̇ам̣ ход̇и. сахассаад̣̇ийсуби зсзва наяо.

    Tāsaṃ idaṃ nānattaṃ – pakatiyā eko bahukaṃ āvajjeti, sataṃ vā sahassaṃ vā āvajjitvā ñāṇena adhiṭṭhāti ‘‘bahuko homī’’ti (paṭi. ma. 3.10) evaṃ vibhajitvā dassitā iddhi adhiṭṭhānavasena nipphannattā adhiṭṭhānā iddhi nāma. Tassāyamattho – abhiññāpādakaṃ catutthajjhānaṃ samāpajjitvā tato vuṭṭhāya sace sataṃ icchati ‘‘sataṃ homi, sataṃ homī’’ti kāmāvacaraparikammacittehi parikammaṃ katvā puna abhiññāpādakaṃ jhānaṃ samāpajjitvā tato vuṭṭhāya puna āvajjitvā adhiṭṭhāti, adhiṭṭhānacittena saheva sataṃ hoti. Sahassādīsupi eseva nayo.

    д̇ад̇т̇а баад̣̇агаж̇жхаанажид̇д̇ам̣ нимид̇д̇аарамман̣ам̣ баригаммажид̇д̇аани сад̇аарамман̣аани ваа сахассаад̣̇ийсу ан̃н̃ад̇араарамман̣аани ваа, д̇аани жа ко ван̣н̣авасзна, но бан̣н̣ад̇д̇ивасзна. ад̇хидтаанажид̇д̇амби сад̇аарамман̣амзва, д̇ам̣ бана аббанаажид̇д̇ам̣ вияа г̇од̇рабхуананд̇арамзва уббаж̇ж̇ад̇и руубааважаражад̇уд̇т̇ажхаанигам̣ . со бана багад̇иван̣н̣ам̣ виж̇ахид̇ваа гумаараван̣н̣ам̣ ваа д̣̇ассзд̇и нааг̇аван̣н̣ам̣ ваа д̣̇ассзд̇и. субан̣н̣аван̣н̣ам̣ ваа…бз… вивид̇хамби сзнааб̣яуухам̣ ваа д̣̇ассзд̇ийд̇и (бади. ма. 3.13) звам̣ ааг̇ад̇аа ид̣̇д̇хи багад̇иван̣н̣авиж̇аханавигааравасзна бавад̇д̇ад̇д̇аа вигуб̣б̣анид̣̇д̇хи наама.

    Tattha pādakajjhānacittaṃ nimittārammaṇaṃ parikammacittāni satārammaṇāni vā sahassādīsu aññatarārammaṇāni vā, tāni ca kho vaṇṇavasena, no paṇṇattivasena. Adhiṭṭhānacittampi satārammaṇameva, taṃ pana appanācittaṃ viya gotrabhuanantarameva uppajjati rūpāvacaracatutthajhānikaṃ . So pana pakativaṇṇaṃ vijahitvā kumāravaṇṇaṃ vā dasseti nāgavaṇṇaṃ vā dasseti. Supaṇṇavaṇṇaṃ vā…pe… vividhampi senābyūhaṃ vā dassetīti (paṭi. ma. 3.13) evaṃ āgatā iddhi pakativaṇṇavijahanavikāravasena pavattattā vikubbaniddhi nāma.

    ‘‘ид̇ха бхигку имамхаа гааяаа ан̃н̃ам̣ гааяам̣ абхинимминаад̇и руубим̣ маномаяам̣ саб̣б̣ан̇г̇абажжан̇г̇им̣ ахийнинд̣̇рияа’’нд̇и (бади. ма. 3.14) иминаа наязна ааг̇ад̇аа ид̣̇д̇хи сарийрассзва аб̣бханд̇арз ан̃н̃асса маномаяасса сарийрасса нибпад̇д̇ивасзна бавад̇д̇ад̇д̇аа маномаяид̣̇д̇хи наама.

    ‘‘Idha bhikkhu imamhā kāyā aññaṃ kāyaṃ abhinimmināti rūpiṃ manomayaṃ sabbaṅgapaccaṅgiṃ ahīnindriya’’nti (paṭi. ma. 3.14) iminā nayena āgatā iddhi sarīrasseva abbhantare aññassa manomayassa sarīrassa nipphattivasena pavattattā manomayiddhi nāma.

    н̃аан̣уббад̇д̇ид̇о буб̣б̣з ваа бажчаа ваа д̇ан̇кан̣з ваа д̇зна ад̇д̇абхаавзна бадилабхид̇аб̣б̣аарахад̇д̇ан̃аан̣аанубхаавзна ниб̣б̣ад̇д̇о висзсо н̃аан̣авибпааро ид̣̇д̇хи наама. ааяасмад̇о б̣аагуласса жа ааяасмад̇о сам̣гижжасса жа н̃аан̣авибпаараа ид̣̇д̇хи, д̇зсам̣ вад̇т̇у жзд̇т̇а гат̇зд̇аб̣б̣ам̣ (а. ни. адта. 1.1.226).

    Ñāṇuppattito pubbe vā pacchā vā taṅkhaṇe vā tena attabhāvena paṭilabhitabbaarahattañāṇānubhāvena nibbatto viseso ñāṇavipphāro iddhi nāma. Āyasmato bākulassa ca āyasmato saṃkiccassa ca ñāṇavipphārā iddhi, tesaṃ vatthu cettha kathetabbaṃ (a. ni. aṭṭha. 1.1.226).

    самаад̇хид̇о буб̣б̣з ваа бажчаа ваа д̇ан̇кан̣з ваа самат̇аанубхаавзна ниб̣б̣ад̇д̇о висзсо самаад̇хивибпаараа ид̣̇д̇хи наама. ааяасмад̇о саарибуд̇д̇асса самаад̇хивибпаараа ид̣̇д̇хи (уд̣̇аа. 34), ааяасмад̇о сан̃ж̇ийвасса самаад̇хивибпаараа ид̣̇д̇хи (ма. ни. 1.507), ааяасмад̇о каан̣угон̣д̣ан̃н̃асса самаад̇хивибпаараа ид̣̇д̇хи (д̇ха. ба. адта. 1.каан̣угон̣д̣ан̃н̃ад̇т̇зравад̇т̇у), уд̇д̇арааяа убаасигааяа самаад̇хивибпаараа ид̣̇д̇хи (д̇ха. ба. адта. 2.уд̇д̇арааубаасигаавад̇т̇у; а. ни. адта. 1.1.262), саамаавад̇ияаа убаасигааяа самаад̇хивибпаараа ид̣̇д̇хийд̇и (д̇ха. ба. адта. 1.саамаавад̇ийвад̇т̇у; а. ни. адта. 1.1.260-261) д̇зсам̣ вад̇т̇уунзд̇т̇а гат̇зд̇аб̣б̣аани, г̇ант̇авид̇т̇аарад̣̇осабарихаарад̇т̇ам̣ бана маяаа на вид̇т̇аарид̇аани.

    Samādhito pubbe vā pacchā vā taṅkhaṇe vā samathānubhāvena nibbatto viseso samādhivipphārā iddhi nāma. Āyasmato sāriputtassa samādhivipphārā iddhi (udā. 34), āyasmato sañjīvassa samādhivipphārā iddhi (ma. ni. 1.507), āyasmato khāṇukoṇḍaññassa samādhivipphārā iddhi (dha. pa. aṭṭha. 1.khāṇukoṇḍaññattheravatthu), uttarāya upāsikāya samādhivipphārā iddhi (dha. pa. aṭṭha. 2.uttarāupāsikāvatthu; a. ni. aṭṭha. 1.1.262), sāmāvatiyā upāsikāya samādhivipphārā iddhīti (dha. pa. aṭṭha. 1.sāmāvatīvatthu; a. ni. aṭṭha. 1.1.260-261) tesaṃ vatthūnettha kathetabbāni, ganthavitthāradosaparihāratthaṃ pana mayā na vitthāritāni.

    гад̇амаа арияаа ид̣̇д̇хи? ид̇ха бхигку сажз ааган̇кад̇и ‘‘бадиггуулз аббадиггууласан̃н̃ий вихарзяяа’’нд̇и аббадиггууласан̃н̃ий д̇ад̇т̇а вихарад̇и, сажз ааган̇кад̇и ‘‘аббадиггуулз бадиггууласан̃н̃ий вихарзяяа’’нд̇и бадиггууласан̃н̃ий д̇ад̇т̇а вихарад̇и…бз… убзгкаго д̇ад̇т̇а вихарад̇и сад̇о самбаж̇аанод̇и (бади. ма. 3.17). аяан̃хи жзд̇овасиббад̇д̇аанам̣ арияаанам̣язва самбхавад̇о арияаа ид̣̇д̇хи наама.

    Katamā ariyā iddhi? Idha bhikkhu sace ākaṅkhati ‘‘paṭikkūle appaṭikkūlasaññī vihareyya’’nti appaṭikkūlasaññī tattha viharati, sace ākaṅkhati ‘‘appaṭikkūle paṭikkūlasaññī vihareyya’’nti paṭikkūlasaññī tattha viharati…pe… upekkhako tattha viharati sato sampajānoti (paṭi. ma. 3.17). Ayañhi cetovasippattānaṃ ariyānaṃyeva sambhavato ariyā iddhi nāma.

    гад̇амаа гаммавибаагаж̇аа ид̣̇д̇хи? саб̣б̣зсам̣ багкийнам̣ саб̣б̣зсам̣ д̣̇зваанам̣ батамагаббигаанам̣ мануссаанам̣ згажжаанан̃жа винибаад̇игаанам̣ взхаасаг̇аманаад̣̇игаа гаммавибаагаж̇аа ид̣̇д̇хи наама. гад̇амаа бун̃н̃авад̇о ид̣̇д̇хи? рааж̇аа жаггавад̇д̇ий взхаасам̣ г̇ажчад̇и сад̣̇д̇хим̣ жад̇уран̇г̇инияаа сзнааяа. ж̇адилагасса г̇ахабад̇исса асийд̇ихад̇т̇о суван̣н̣абаб̣б̣ад̇о ниб̣б̣ад̇д̇и. аяам̣ бун̃н̃авад̇о ид̣̇д̇хи наама. гхосагасса г̇ахабад̇ино (д̇ха. ба. адта. 1.гумбхагхосагасздтивад̇т̇у) сад̇д̇асу таанзсу мааран̣ад̇т̇ааяа убаггамз гад̇зби арог̇абхааво бун̃н̃авад̇о ид̣̇д̇хи. мзн̣д̣агасздтисса (д̇ха. ба. адта. 2.мзн̣д̣агасздтивад̇т̇у) адтагарийсамад̇д̇з бад̣̇зсз сад̇д̇арад̇анамаяаанам̣ мзн̣д̣агаанам̣ баад̇убхааво бун̃н̃авад̇о ид̣̇д̇хи.

    Katamā kammavipākajā iddhi? Sabbesaṃ pakkhīnaṃ sabbesaṃ devānaṃ paṭhamakappikānaṃ manussānaṃ ekaccānañca vinipātikānaṃ vehāsagamanādikā kammavipākajā iddhi nāma. Katamā puññavato iddhi? Rājā cakkavattī vehāsaṃ gacchati saddhiṃ caturaṅginiyā senāya. Jaṭilakassa gahapatissa asītihattho suvaṇṇapabbato nibbatti. Ayaṃ puññavato iddhi nāma. Ghosakassa gahapatino (dha. pa. aṭṭha. 1.kumbhaghosakaseṭṭhivatthu) sattasu ṭhānesu māraṇatthāya upakkame katepi arogabhāvo puññavato iddhi. Meṇḍakaseṭṭhissa (dha. pa. aṭṭha. 2.meṇḍakaseṭṭhivatthu) aṭṭhakarīsamatte padese sattaratanamayānaṃ meṇḍakānaṃ pātubhāvo puññavato iddhi.

    гад̇амаа виж̇ж̇аамаяаа ид̣̇д̇хи? виж̇ж̇аад̇хараа виж̇ж̇ам̣ бариж̇аббид̇ваа взхаасам̣ г̇ажчанд̇и, аагаасз анд̇алигкз хад̇т̇имби д̣̇ассзнд̇и…бз… вивид̇хамби сзнааб̣яуухам̣ д̣̇ассзнд̇ийд̇и (бади. ма. 3.18). аад̣̇инаяаббавад̇д̇аа виж̇ж̇аамаяаа ид̣̇д̇хи наама. д̇ам̣ д̇ам̣ гаммам̣ гад̇ваа ниб̣б̣ад̇д̇о висзсо ‘саммаабаяог̇абажжаяаа иж̇жханадтзна ид̣̇д̇хий’д̇и аяам̣ д̇ад̇т̇а д̇ад̇т̇а саммаабаяог̇абажжаяаа иж̇жханадтзна ид̣̇д̇хи наама. имиссаа д̣̇асавид̇хааяа ид̣̇д̇хияаа б̣алам̣ ид̣̇д̇хиб̣алам̣ наама, ид̣̇ам̣ маяхам̣ ид̣̇д̇хиб̣алам̣ на ж̇аананд̇ийд̇и ад̇т̇о (висуд̣̇д̇хи. 2.375 аад̣̇аяо).

    Katamā vijjāmayā iddhi? Vijjādharā vijjaṃ parijappitvā vehāsaṃ gacchanti, ākāse antalikkhe hatthimpi dassenti…pe… vividhampi senābyūhaṃ dassentīti (paṭi. ma. 3.18). Ādinayappavattā vijjāmayā iddhi nāma. Taṃ taṃ kammaṃ katvā nibbatto viseso ‘sammāpayogapaccayā ijjhanaṭṭhena iddhī’ti ayaṃ tattha tattha sammāpayogapaccayā ijjhanaṭṭhena iddhi nāma. Imissā dasavidhāya iddhiyā balaṃ iddhibalaṃ nāma, idaṃ mayhaṃ iddhibalaṃ na jānantīti attho (visuddhi. 2.375 ādayo).

    бан̃н̃ааб̣аланд̇и саб̣б̣алогияалогуд̇д̇араг̇ун̣ависзсад̣̇ааяагам̣ арахад̇д̇амаг̇г̇абан̃н̃ааб̣алам̣ ад̇хиббзд̇ам̣, д̇амби зд̇з на ж̇аананд̇и. гзжи ‘‘чаннам̣ асаад̇хааран̣ан̃аан̣аанамзд̇ам̣ ад̇хиважанам̣ бан̃н̃ааб̣ала’’нд̇и вад̣̇анд̇и. б̣уд̣̇д̇хаб̣аланд̇и зд̇т̇а б̣уд̣̇д̇хаб̣алам̣ наама б̣уд̣̇д̇хаанубхааво, д̣̇асаб̣алан̃аан̣аани ваа. д̇ад̇т̇а д̣̇асаб̣алан̃аан̣аани наама таанаадтаанан̃аан̣ам̣, ад̇ийд̇аанааг̇ад̇абажжуббаннагаммавибаагаж̇аананан̃аан̣ам̣, саб̣б̣ад̇т̇аг̇ааминибадибад̣̇аан̃аан̣ам̣, анзгад̇хаад̇унаанаад̇хаад̇улогаж̇аананан̃аан̣ам̣, наанаад̇химуд̇д̇иган̃аан̣ам̣, аасаяаанусаяан̃аан̣ам̣, жхаанавимогкасамаад̇хисамаабад̇д̇ийнам̣ сам̣гилзсавод̣̇аанавудтаанзсу яат̇аабхууд̇ан̃аан̣ам̣, буб̣б̣зниваасаануссад̇ин̃аан̣ам̣, жуд̇уубабаад̇ан̃аан̣ам̣, аасавагкаяан̃аан̣анд̇и имаани д̣̇аса. имзсам̣ д̣̇асаннам̣ н̃аан̣аанам̣ ад̇хиважанам̣ б̣уд̣̇д̇хаб̣аланд̇и. зд̣̇исанд̇и ийд̣̇исам̣, аяамзва ваа баато.

    Paññābalanti sabbalokiyalokuttaraguṇavisesadāyakaṃ arahattamaggapaññābalaṃ adhippetaṃ, tampi ete na jānanti. Keci ‘‘channaṃ asādhāraṇañāṇānametaṃ adhivacanaṃ paññābala’’nti vadanti. Buddhabalanti ettha buddhabalaṃ nāma buddhānubhāvo, dasabalañāṇāni vā. Tattha dasabalañāṇāni nāma ṭhānāṭṭhānañāṇaṃ, atītānāgatapaccuppannakammavipākajānanañāṇaṃ, sabbatthagāminipaṭipadāñāṇaṃ, anekadhātunānādhātulokajānanañāṇaṃ, nānādhimuttikañāṇaṃ, āsayānusayañāṇaṃ, jhānavimokkhasamādhisamāpattīnaṃ saṃkilesavodānavuṭṭhānesu yathābhūtañāṇaṃ, pubbenivāsānussatiñāṇaṃ, cutūpapātañāṇaṃ, āsavakkhayañāṇanti imāni dasa. Imesaṃ dasannaṃ ñāṇānaṃ adhivacanaṃ buddhabalanti. Edisanti īdisaṃ, ayameva vā pāṭho.

    ханд̣̇аад̇и вавассаг̇г̇ад̇т̇з нибаад̇о. аханд̇и ад̇д̇аанам̣ нид̣̇д̣̇исад̇и. гим̣ вуд̇д̇ам̣ ход̇и? яасмаа банзд̇з мама н̃аад̇агаа б̣уд̣̇д̇хаб̣алам̣ ваа б̣уд̣̇д̇хаг̇ун̣з ваа на ж̇аананд̇и, гзвалам̣ ад̇д̇ано могхаж̇ин̣н̣абхаавам̣ ниссааяа маанавасзна саб̣б̣алогаж̇здтасздтам̣ мам̣ на ванд̣̇анд̇и. д̇асмаа д̇зсам̣ маанагзд̇у ад̇т̇и, д̇ам̣ бхан̃ж̇ид̇ваа ванд̣̇анад̇т̇ам̣ б̣уд̣̇д̇хаб̣алам̣ д̣̇ассзяяанд̇и вуд̇д̇ам̣ ход̇и. д̣̇ассаяиссаамийд̇и д̣̇ассзяяам̣. ‘‘д̣̇ассзссаамий’’д̇и жа баато, соязвад̇т̇о. б̣уд̣̇д̇хаб̣аланд̇и б̣уд̣̇д̇хаанубхаавам̣, б̣уд̣̇д̇хан̃аан̣ависзсам̣ ваа. ануд̇д̇аранд̇и нируд̇д̇арам̣. жан̇гаманд̇и жан̇гамид̇аб̣б̣адтаанам̣ вужжад̇и. маабаяиссаамийд̇и маабзяяам̣. ‘‘жан̇гаманам̣ маабзссаамий’’д̇и жа баато, соязвад̇т̇о. набхзд̇и аагаасз. саб̣б̣арад̇анаман̣д̣ид̇анд̇и саб̣б̣зхи рад̇иж̇ананадтзна рад̇анзхи муд̇д̇аа-ман̣и-взл̣урияа-сан̇ка-силаа-баваал̣а-раж̇ад̇а-суван̣н̣а-масаараг̇алла-лохид̇ан̇гзхи д̣̇асахи д̣̇асахи ман̣д̣ид̇о алан̇гад̇о саб̣б̣арад̇анаман̣д̣ид̇о, д̇ам̣ саб̣б̣арад̇анаман̣д̣ид̇ам̣. ‘‘набхз рад̇анаман̣д̣ид̇а’’нд̇и батанд̇и гзжи.

    Handāti vavassaggatthe nipāto. Ahanti attānaṃ niddisati. Kiṃ vuttaṃ hoti? Yasmā panete mama ñātakā buddhabalaṃ vā buddhaguṇe vā na jānanti, kevalaṃ attano moghajiṇṇabhāvaṃ nissāya mānavasena sabbalokajeṭṭhaseṭṭhaṃ maṃ na vandanti. Tasmā tesaṃ mānaketu atthi, taṃ bhañjitvā vandanatthaṃ buddhabalaṃ dasseyyanti vuttaṃ hoti. Dassayissāmīti dasseyyaṃ. ‘‘Dassessāmī’’ti ca pāṭho, soyevattho. Buddhabalanti buddhānubhāvaṃ, buddhañāṇavisesaṃ vā. Anuttaranti niruttaraṃ. Caṅkamanti caṅkamitabbaṭṭhānaṃ vuccati. Māpayissāmīti māpeyyaṃ. ‘‘Caṅkamanaṃ māpessāmī’’ti ca pāṭho, soyevattho. Nabheti ākāse. Sabbaratanamaṇḍitanti sabbehi ratijananaṭṭhena ratanehi muttā-maṇi-veḷuriya-saṅkha-silā-pavāḷa-rajata-suvaṇṇa-masāragalla-lohitaṅkehi dasahi dasahi maṇḍito alaṅkato sabbaratanamaṇḍito, taṃ sabbaratanamaṇḍitaṃ. ‘‘Nabhe ratanamaṇḍita’’nti paṭhanti keci.

    ат̇звам̣ бхаг̇авад̇аа жинд̇ид̇амад̇д̇з д̣̇асасахассажаггаваал̣аваасино бхуммаад̣̇аяо д̣̇зваа бамуд̣̇ид̇ахад̣̇аяаа саад̇хугаарамад̣̇ам̣су. д̇амад̇т̇ам̣ багаасзнд̇зхи сан̇г̇ийд̇игаарагзхи –

    Athevaṃ bhagavatā cintitamatte dasasahassacakkavāḷavāsino bhummādayo devā pamuditahadayā sādhukāramadaṃsu. Tamatthaṃ pakāsentehi saṅgītikārakehi –

    6.

    6.

    ‘‘бхуммаа махаарааж̇игаа д̇аавад̇им̣саа, яаамаа жа д̣̇зваа д̇усид̇аа жа ниммид̇аа;

    ‘‘Bhummā mahārājikā tāvatiṃsā, yāmā ca devā tusitā ca nimmitā;

    бараниммид̇аа язби жа б̣рахмагааяигаа, аананд̣̇ид̇аа вибуламагам̣су гхоса’’нд̇и. –

    Paranimmitā yepi ca brahmakāyikā, ānanditā vipulamakaṃsu ghosa’’nti. –

    аад̣̇иг̇аат̇ааяо табид̇аад̇и взд̣̇ид̇аб̣б̣аа.

    Ādigāthāyo ṭhapitāti veditabbā.

    д̇ад̇т̇а бхуммаад̇и бхуммадтаа, баасаан̣абаб̣б̣ад̇аванаругкаад̣̇ийсу тид̇аа. махаарааж̇игаад̇и махаарааж̇абагкигаа. бхуммадтаанам̣ д̣̇звад̇аанам̣ сад̣̇д̣̇ам̣ суд̇ваа аагаасадтагад̣̇звад̇аа, д̇ад̇о аб̣бхавалаахагаа д̣̇звад̇аа, д̇ад̇о ун̣хавалаахагаа д̣̇звад̇аа, д̇ад̇о сийд̇авалаахагаа д̣̇звад̇аа, д̇ад̇о вассавалаахагаа д̣̇звад̇аа, д̇ад̇о ваад̇авалаахагаа д̣̇звад̇аа, д̇ад̇о жад̇д̇ааро махаарааж̇аано, д̇ад̇о д̇аавад̇им̣саа, д̇ад̇о яаамаа, д̇ад̇о д̇усид̇аа, д̇ад̇о ниммаанарад̇ий, д̇ад̇о бараниммид̇авасавад̇д̇ий, д̇ад̇о б̣рахмагааяигаа, д̇ад̇о б̣рахмабурохид̇аа, д̇ад̇о махааб̣рахмаано, д̇ад̇о барид̇д̇аабхаа, д̇ад̇о аббамаан̣аабхаа, д̇ад̇о аабхассараа, д̇ад̇о барид̇д̇асубхаа, д̇ад̇о аббамаан̣асубхаа, д̇ад̇о субхагин̣хаа, д̇ад̇о взхабпалаа, д̇ад̇о авихаа, д̇ад̇о ад̇аббаа, д̇ад̇о суд̣̇ассаа, д̇ад̇о суд̣̇ассий, д̇ад̇о аганидтаа д̣̇звад̇аа сад̣̇д̣̇ам̣ суд̇ваа маханд̇ам̣ сад̣̇д̣̇ам̣ агам̣су. асан̃н̃ино жа аруубааважарасад̇д̇з жа табзд̇ваа сод̇ааяад̇анабавад̇д̇идтаанз саб̣б̣з д̣̇звамануссанааг̇аад̣̇аяо бийд̇ивасам̣ г̇ад̇ахад̣̇аяаа уггудтисад̣̇д̣̇амагам̣сууд̇и ад̇т̇о. аананд̣̇ид̇аад̇и бамуд̣̇ид̇ахад̣̇аяаа, сан̃ж̇аад̇абийд̇исоманассаа худ̇ваад̇и ад̇т̇о. вибуланд̇и бут̇улам̣.

    Tattha bhummāti bhummaṭṭhā, pāsāṇapabbatavanarukkhādīsu ṭhitā. Mahārājikāti mahārājapakkhikā. Bhummaṭṭhānaṃ devatānaṃ saddaṃ sutvā ākāsaṭṭhakadevatā, tato abbhavalāhakā devatā, tato uṇhavalāhakā devatā, tato sītavalāhakā devatā, tato vassavalāhakā devatā, tato vātavalāhakā devatā, tato cattāro mahārājāno, tato tāvatiṃsā, tato yāmā, tato tusitā, tato nimmānaratī, tato paranimmitavasavattī, tato brahmakāyikā, tato brahmapurohitā, tato mahābrahmāno, tato parittābhā, tato appamāṇābhā, tato ābhassarā, tato parittasubhā, tato appamāṇasubhā, tato subhakiṇhā, tato vehapphalā, tato avihā, tato atappā, tato sudassā, tato sudassī, tato akaniṭṭhā devatā saddaṃ sutvā mahantaṃ saddaṃ akaṃsu. Asaññino ca arūpāvacarasatte ca ṭhapetvā sotāyatanapavattiṭṭhāne sabbe devamanussanāgādayo pītivasaṃ gatahadayā ukkuṭṭhisaddamakaṃsūti attho. Ānanditāti pamuditahadayā, sañjātapītisomanassā hutvāti attho. Vipulanti puthulaṃ.

    ат̇а сад̇т̇аа жинд̇ид̇асамананд̇арамзва од̣̇аад̇агасин̣асамаабад̇д̇им̣ самаабаж̇ж̇ид̇ваа – ‘‘д̣̇асасу жаггаваал̣асахассзсу аалого ход̇уу’’д̇и ад̇хидтааси. д̇зна ад̇хидтаанажид̇д̇зна сахзва аалого ахоси бат̇авид̇о бадтааяа яаава аганидтабхаванаа. д̇зна вуд̇д̇ам̣ –

    Atha satthā cintitasamanantarameva odātakasiṇasamāpattiṃ samāpajjitvā – ‘‘dasasu cakkavāḷasahassesu āloko hotū’’ti adhiṭṭhāsi. Tena adhiṭṭhānacittena saheva āloko ahosi pathavito paṭṭhāya yāva akaniṭṭhabhavanā. Tena vuttaṃ –

    7.

    7.

    ‘‘обхаасид̇аа жа бат̇авий сад̣̇звагаа, бут̇уу жа логанд̇аригаа асам̣вуд̇аа;

    ‘‘Obhāsitā ca pathavī sadevakā, puthū ca lokantarikā asaṃvutā;

    д̇амо жа д̇иб̣б̣о вихад̇о д̇ад̣̇аа аху, д̣̇исваана ажчзрагам̣ баадихийра’’нд̇и.

    Tamo ca tibbo vihato tadā ahu, disvāna accherakaṃ pāṭihīra’’nti.

    д̇ад̇т̇а обхаасид̇аад̇и багаасид̇аа. бат̇авийд̇и зд̇т̇ааяам̣ бат̇авий жад̇уб̣б̣ид̇хаа – гагкал̣абат̇авий, сасамбхаарабат̇авий, нимид̇д̇абат̇авий, саммуд̇ибат̇авийд̇и. д̇аасу ‘‘гад̇амаа жаавусо, аж̇жхад̇д̇игаа бат̇авийд̇хаад̇у? яам̣ аж̇жхад̇д̇ам̣ бажжад̇д̇ам̣ гагкал̣ам̣ кариг̇ад̇а’’нд̇иаад̣̇ийсу (вибха. 173) вуд̇д̇аа аяам̣ гагкал̣абат̇авий наама. ‘‘яо бана бхигку бат̇авим̣ кан̣зяяа ваа кан̣аабзяяа ваа’’д̇иаад̣̇ийсу (баажи. 85) вуд̇д̇аа сасамбхаарабат̇авий, яз жа гзсаад̣̇аяо вийсад̇и годтаасаа, аяолохаад̣̇аяо жа б̣аахираа; сааби ван̣н̣аад̣̇ийхи самбхаарзхи сад̣̇д̇хим̣ бат̇авийд̇и сасамбхаарабат̇авий наама. ‘‘бат̇авийгасин̣амзго сан̃ж̇аанаад̇ий’’д̇иаад̣̇ийсу (д̣̇ий. ни. 3.360) нимид̇д̇абат̇авий ‘‘аарамман̣абат̇авий’’д̇иби вужжад̇и. бат̇авийгасин̣ажхааналаабхий д̣̇звалогз ниб̣б̣ад̇д̇о ааг̇аманавасзна ‘‘бат̇авийд̣̇зво’’д̇и наамам̣ лабхад̇и. вуд̇д̇ан̃хзд̇ам̣ – ‘‘аабо жа д̣̇зваа бат̇авий’’д̇иаад̣̇ийсу (д̣̇ий. ни. 2.340) аяам̣ саммуд̇ибат̇авий, бан̃н̃ад̇д̇ибат̇авий наамаад̇и взд̣̇ид̇аб̣б̣аа. ид̇ха бана сасамбхаарабат̇авий ад̇хиббзд̇аа (ма. ни. адта. 1.2 бат̇авийваараван̣н̣анаа).

    Tattha obhāsitāti pakāsitā. Pathavīti etthāyaṃ pathavī catubbidhā – kakkhaḷapathavī, sasambhārapathavī, nimittapathavī, sammutipathavīti. Tāsu ‘‘katamā cāvuso, ajjhattikā pathavīdhātu? Yaṃ ajjhattaṃ paccattaṃ kakkhaḷaṃ kharigata’’ntiādīsu (vibha. 173) vuttā ayaṃ kakkhaḷapathavī nāma. ‘‘Yo pana bhikkhu pathaviṃ khaṇeyya vā khaṇāpeyya vā’’tiādīsu (pāci. 85) vuttā sasambhārapathavī, ye ca kesādayo vīsati koṭṭhāsā, ayolohādayo ca bāhirā; sāpi vaṇṇādīhi sambhārehi saddhiṃ pathavīti sasambhārapathavī nāma. ‘‘Pathavīkasiṇameko sañjānātī’’tiādīsu (dī. ni. 3.360) nimittapathavī ‘‘ārammaṇapathavī’’tipi vuccati. Pathavīkasiṇajhānalābhī devaloke nibbatto āgamanavasena ‘‘pathavīdevo’’ti nāmaṃ labhati. Vuttañhetaṃ – ‘‘āpo ca devā pathavī’’tiādīsu (dī. ni. 2.340) ayaṃ sammutipathavī, paññattipathavī nāmāti veditabbā. Idha pana sasambhārapathavī adhippetā (ma. ni. aṭṭha. 1.2 pathavīvāravaṇṇanā).

    сад̣̇звагаад̇и сад̣̇звалогаа. ‘‘сад̣̇звад̇аа’’д̇иби баато ад̇т̇и жз сунд̣̇арад̇арам̣, сад̣̇зваго мануссалого обхаасид̇од̇и ад̇т̇о. бут̇ууд̇и б̣ахуу. логанд̇аригаад̇и асурагааяанарагаанамзд̇ам̣ ад̇хиважанам̣, д̇аа бана д̇ин̣н̣ам̣ жаггаваал̣аанам̣ анд̇араа згаа логанд̇аригаа ход̇и, д̇ин̣н̣ам̣ сагадажаггаанам̣ ан̃н̃аман̃н̃ам̣ аахажжа тид̇аанам̣ маж̇жхз огаасо вияа згзго логанд̇ариганираяо, баримаан̣ад̇о адтаяож̇анасахассо ход̇и. асам̣вуд̇аад̇и хздтаа аббад̇идтаа. д̇амо жаад̇и анд̇хагааро. д̇иб̣б̣од̇и б̣ахало гхано. жанд̣̇имасуурияаалогаабхаавад̇о нижжанд̇хагаарова ход̇и. вихад̇од̇и вид̣̇д̇хасд̇о. д̇ад̣̇аад̇и яад̣̇аа бана бхаг̇аваа сад̇д̇зсу гаарун̃н̃ад̇ам̣ бадижжа баадихаарияагаран̣ад̇т̇ам̣ аалогам̣ пари, д̇ад̣̇аа со д̇амо д̇иб̣б̣о логанд̇аригаасу тид̇о, вихад̇о вид̣̇д̇хасд̇о ахосийд̇и ад̇т̇о.

    Sadevakāti sadevalokā. ‘‘Sadevatā’’tipi pāṭho atthi ce sundarataraṃ, sadevako manussaloko obhāsitoti attho. Puthūti bahū. Lokantarikāti asurakāyanarakānametaṃ adhivacanaṃ, tā pana tiṇṇaṃ cakkavāḷānaṃ antarā ekā lokantarikā hoti, tiṇṇaṃ sakaṭacakkānaṃ aññamaññaṃ āhacca ṭhitānaṃ majjhe okāso viya ekeko lokantarikanirayo, parimāṇato aṭṭhayojanasahasso hoti. Asaṃvutāti heṭṭhā appatiṭṭhā. Tamo cāti andhakāro. Tibboti bahalo ghano. Candimasūriyālokābhāvato niccandhakārova hoti. Vihatoti viddhasto. Tadāti yadā pana bhagavā sattesu kāruññataṃ paṭicca pāṭihāriyakaraṇatthaṃ ālokaṃ phari, tadā so tamo tibbo lokantarikāsu ṭhito, vihato viddhasto ahosīti attho.

    ажчзраганд̇и ажчараабахаран̣аяог̇г̇ам̣, вимхаяавасзна ан̇г̇улийхи бахаран̣аяог̇г̇анд̇и ад̇т̇о. баадихийранд̇и бадибагкахаран̣ад̇о баадихийрам̣. бадихарад̇и сад̇д̇аанам̣ д̣̇идтимаанобаг̇ад̇аани жид̇д̇аанийд̇и ваа баадихийрам̣, аббасаннаанам̣ сад̇д̇аанам̣ басаад̣̇ам̣ бадиаахарад̇ийд̇и ваа баадихийрам̣. ‘‘баадихзра’’нд̇иби баато, соязвад̇т̇о. зд̇т̇а аалогавид̇хаанависзсассзд̇ам̣ ад̇хиважанам̣. д̣̇исваана ажчзрагам̣ баадихийранд̇и зд̇т̇а д̣̇зваа жа мануссаа жа логанд̇аригаасу ниб̣б̣ад̇д̇асад̇д̇ааби жа д̇ам̣ бхаг̇авад̇о баадихаарияам̣ д̣̇исваа барамаббийд̇исоманассам̣ аг̇амам̣сууд̇и ид̣̇ам̣ важанам̣ аахарид̇ваа ад̇т̇о д̣̇адтаб̣б̣о, ид̇арат̇аа на буб̣б̣зна ваа барам̣, на барзна ваа буб̣б̣ам̣ яуж̇ж̇ад̇и.

    Accherakanti accharāpaharaṇayoggaṃ, vimhayavasena aṅgulīhi paharaṇayogganti attho. Pāṭihīranti paṭipakkhaharaṇato pāṭihīraṃ. Paṭiharati sattānaṃ diṭṭhimānopagatāni cittānīti vā pāṭihīraṃ, appasannānaṃ sattānaṃ pasādaṃ paṭiāharatīti vā pāṭihīraṃ. ‘‘Pāṭihera’’ntipi pāṭho, soyevattho. Ettha ālokavidhānavisesassetaṃ adhivacanaṃ. Disvāna accherakaṃpāṭihīranti ettha devā ca manussā ca lokantarikāsu nibbattasattāpi ca taṃ bhagavato pāṭihāriyaṃ disvā paramappītisomanassaṃ agamaṃsūti idaṃ vacanaṃ āharitvā attho daṭṭhabbo, itarathā na pubbena vā paraṃ, na parena vā pubbaṃ yujjati.

    ид̣̇аани на гзвалам̣ мануссалогзсуязва аалого ад̇т̇и, саб̣б̣ад̇т̇а д̇ивид̇хзби сан̇каарасад̇д̇огаасасан̇каад̇з логз аалогоязваад̇и д̣̇ассанад̇т̇ам̣ –

    Idāni na kevalaṃ manussalokesuyeva āloko atthi, sabbattha tividhepi saṅkhārasattokāsasaṅkhāte loke ālokoyevāti dassanatthaṃ –

    8.

    8.

    ‘‘сад̣̇зваг̇анд̇хаб̣б̣амануссарагкасз,

    ‘‘Sadevagandhabbamanussarakkhase,

    аабхаа ул̣аараа вибулаа аж̇ааяат̇а;

    Ābhā uḷārā vipulā ajāyatha;

    имасмим̣ логз барасмин̃жобхаяасмим̣,

    Imasmiṃ loke parasmiñcobhayasmiṃ,

    ад̇хо жа уд̣̇д̇хам̣ д̇ирияан̃жа вид̇т̇ад̇а’’нд̇и. – аяам̣ г̇аат̇аа вуд̇д̇аа;

    Adho ca uddhaṃ tiriyañca vitthata’’nti. – ayaṃ gāthā vuttā;

    д̇ад̇т̇а д̣̇зваад̇и саммуд̇ид̣̇зваа убабад̇д̇ид̣̇зваа висуд̣̇д̇хид̣̇зваад̇и саб̣б̣зби д̣̇зваа ид̇ха сан̇г̇ахид̇аа. д̣̇зваа жа г̇анд̇хаб̣б̣аа жа мануссаа жа рагкасаа жа д̣̇зваг̇анд̇хаб̣б̣амануссарагкасаа. саха д̣̇зваг̇анд̇хаб̣б̣амануссарагкасзхийд̇и сад̣̇зваг̇анд̇хаб̣б̣амануссарагкасо. го бана со? лого, д̇асмим̣ сад̣̇зваг̇анд̇хаб̣б̣амануссарагкасз логз. аабхаад̇и аалого. ул̣аараад̇и зд̇т̇ааяам̣ ул̣аара-сад̣̇д̣̇о мад̇хурасздтавибулаад̣̇ийсу д̣̇иссад̇и. д̇ат̇аа хзса ‘‘ул̣аараани каад̣̇анийяабхож̇анийяаани каад̣̇анд̇и бхун̃ж̇анд̇ий’’д̇иаад̣̇ийсу (ма. ни. 1.366) мад̇хурз д̣̇иссад̇и. ‘‘ул̣аарааяа ко бана бхавам̣ важчааяано басам̣сааяа саман̣ам̣ г̇од̇амам̣ басам̣сад̇ий’’д̇иаад̣̇ийсу (ма. ни. 1.288) сздтз. ‘‘ад̇иггамма д̣̇зваанам̣ д̣̇зваанубхаавам̣ аббамаан̣о ул̣ааро обхаасо’’д̇иаад̣̇ийсу (д̣̇ий. ни. 2.32; ма. ни. 3.201) вибулз. свааяам̣ ид̇ха сздтз д̣̇адтаб̣б̣о (д̣̇ий. ни. адта. 3.142; ви. ва. адта. 1). вибулаад̇и аббамаан̣аа. аж̇ааяат̇аад̇и уббаж̇ж̇и уд̣̇абаад̣̇и бавад̇д̇ид̇т̇а. имасмим̣ логз барасмин̃жаад̇и имасмим̣ мануссалогз жа барасмим̣ д̣̇звалогз жаад̇и ад̇т̇о. убхаяасминд̇и д̇ад̣̇убхаяасмим̣, аж̇жхад̇д̇аб̣ахид̣̇д̇хаад̣̇ийсу вияа д̣̇адтаб̣б̣ам̣. ад̇хо жаад̇и авийжиаад̣̇ийсу нираязсу. уд̣̇д̇ханд̇и бхаваг̇г̇ад̇оби уд̣̇д̇хам̣ аж̇адаагаасзби. д̇ирияан̃жаад̇и д̇ирияад̇оби д̣̇асасу жаггаваал̣асахассзсу. вид̇т̇ад̇анд̇и висадам̣. анд̇хагаарам̣ вид̇хамид̇ваа вуд̇д̇аббагаарам̣ логан̃жа бад̣̇зсан̃жа аж̇жход̇т̇арид̇ваа аабхаа бавад̇д̇ид̇т̇аад̇и ад̇т̇о. ат̇а ваа д̇ирияан̃жа вид̇т̇ад̇анд̇и д̇ирияад̇о вид̇т̇ад̇ам̣ маханд̇ам̣, аббамаан̣ам̣ бад̣̇зсам̣ аабхаа парид̇ваа адтаасийд̇и ад̇т̇о.

    Tattha devāti sammutidevā upapattidevā visuddhidevāti sabbepi devā idha saṅgahitā. Devā ca gandhabbā ca manussā ca rakkhasā ca devagandhabbamanussarakkhasā. Saha devagandhabbamanussarakkhasehīti sadevagandhabbamanussarakkhaso. Ko pana so? Loko, tasmiṃ sadevagandhabbamanussarakkhase loke. Ābhāti āloko. Uḷārāti etthāyaṃ uḷāra-saddo madhuraseṭṭhavipulādīsu dissati. Tathā hesa ‘‘uḷārāni khādanīyabhojanīyāni khādanti bhuñjantī’’tiādīsu (ma. ni. 1.366) madhure dissati. ‘‘Uḷārāya kho pana bhavaṃ vacchāyano pasaṃsāya samaṇaṃ gotamaṃ pasaṃsatī’’tiādīsu (ma. ni. 1.288) seṭṭhe. ‘‘Atikkamma devānaṃ devānubhāvaṃ appamāṇo uḷāro obhāso’’tiādīsu (dī. ni. 2.32; ma. ni. 3.201) vipule. Svāyaṃ idha seṭṭhe daṭṭhabbo (dī. ni. aṭṭha. 3.142; vi. va. aṭṭha. 1). Vipulāti appamāṇā. Ajāyathāti uppajji udapādi pavattittha. Imasmiṃ loke parasmiñcāti imasmiṃ manussaloke ca parasmiṃ devaloke cāti attho. Ubhayasminti tadubhayasmiṃ, ajjhattabahiddhādīsu viya daṭṭhabbaṃ. Adho cāti avīciādīsu nirayesu. Uddhanti bhavaggatopi uddhaṃ ajaṭākāsepi. Tiriyañcāti tiriyatopi dasasu cakkavāḷasahassesu. Vitthatanti visaṭaṃ. Andhakāraṃ vidhamitvā vuttappakāraṃ lokañca padesañca ajjhottharitvā ābhā pavattitthāti attho. Atha vā tiriyañca vitthatanti tiriyato vitthataṃ mahantaṃ, appamāṇaṃ padesaṃ ābhā pharitvā aṭṭhāsīti attho.

    ат̇а бхаг̇аваа д̣̇асасахассажаггаваал̣зсу аалогапаран̣ам̣ гад̇ваа абхин̃н̃аабаад̣̇агам̣ жад̇уд̇т̇аж̇жхаанам̣ самаабаж̇ж̇ид̇ваа д̇ад̇о вудтааяа ааваж̇ж̇ид̇ваа ад̇хидтаанажид̇д̇зна аагаасамаб̣бхуг̇г̇анд̇ваа д̇зсам̣ н̃аад̇ийнам̣ сийсзсу баад̣̇абам̣сум̣ огирамаано вияа махад̇ияаа д̣̇звамануссабарисааяа маж̇жхз яамагабаадихаарияам̣ д̣̇ассзд̇и. д̇ам̣ бана баал̣ид̇о звам̣ взд̣̇ид̇аб̣б̣ам̣ (бади. ма. 1.116) –

    Atha bhagavā dasasahassacakkavāḷesu ālokapharaṇaṃ katvā abhiññāpādakaṃ catutthajjhānaṃ samāpajjitvā tato vuṭṭhāya āvajjitvā adhiṭṭhānacittena ākāsamabbhuggantvā tesaṃ ñātīnaṃ sīsesu pādapaṃsuṃ okiramāno viya mahatiyā devamanussaparisāya majjhe yamakapāṭihāriyaṃ dasseti. Taṃ pana pāḷito evaṃ veditabbaṃ (paṭi. ma. 1.116) –

    ‘‘гад̇амам̣ д̇ат̇ааг̇ад̇асса яамагабаадихийрз н̃аан̣ам̣? ид̇ха д̇ат̇ааг̇ад̇о яамагабаадихийрам̣ гарод̇и асаад̇хааран̣ам̣ саавагзхи убаримагааяад̇о аг̇г̇игканд̇хо бавад̇д̇ад̇и, хздтимагааяад̇о уд̣̇агад̇хаараа бавад̇д̇ад̇и. хздтимагааяад̇о аг̇г̇игканд̇хо бавад̇д̇ад̇и, убаримагааяад̇о уд̣̇агад̇хаараа бавад̇д̇ад̇и…бз… бурад̇т̇имагааяад̇о аг̇г̇игканд̇хо бавад̇д̇ад̇и, бажчимагааяад̇о уд̣̇агад̇хаараа бавад̇д̇ад̇и. бажчимагааяад̇о аг̇г̇игканд̇хо бавад̇д̇ад̇и, бурад̇т̇имагааяад̇о уд̣̇агад̇хаараа бавад̇д̇ад̇и…бз… д̣̇агкин̣аагкид̇о аг̇г̇игканд̇хо бавад̇д̇ад̇и, ваамаагкид̇о уд̣̇агад̇хаараа бавад̇д̇ад̇и. ваамаагкид̇о аг̇г̇игканд̇хо бавад̇д̇ад̇и, д̣̇агкин̣аагкид̇о уд̣̇агад̇хаараа бавад̇д̇ад̇и…бз… д̣̇агкин̣аган̣н̣асод̇ад̇о аг̇г̇игканд̇хо бавад̇д̇ад̇и, ваамаган̣н̣асод̇ад̇о уд̣̇агад̇хаараа бавад̇д̇ад̇и. ваамаган̣н̣асод̇ад̇о аг̇г̇игканд̇хо бавад̇д̇ад̇и, д̣̇агкин̣аган̣н̣асод̇ад̇о уд̣̇агад̇хаараа бавад̇д̇ад̇и…бз… д̣̇агкин̣анаасигаасод̇ад̇о аг̇г̇игканд̇хо бавад̇д̇ад̇и, вааманаасигаасод̇ад̇о уд̣̇агад̇хаараа бавад̇д̇ад̇и. вааманаасигаасод̇ад̇о аг̇г̇игканд̇хо бавад̇д̇ад̇и, д̣̇агкин̣анаасигаасод̇ад̇о уд̣̇агад̇хаараа бавад̇д̇ад̇и…бз… д̣̇агкин̣аам̣сагуудад̇о аг̇г̇игканд̇хо бавад̇д̇ад̇и, ваамаам̣сагуудад̇о уд̣̇агад̇хаараа бавад̇д̇ад̇и. ваамаам̣сагуудад̇о аг̇г̇игканд̇хо бавад̇д̇ад̇и, д̣̇агкин̣аам̣сагуудад̇о уд̣̇агад̇хаараа бавад̇д̇ад̇и…бз… д̣̇агкин̣ахад̇т̇ад̇о аг̇г̇игканд̇хо бавад̇д̇ад̇и, ваамахад̇т̇ад̇о уд̣̇агад̇хаараа бавад̇д̇ад̇и. ваамахад̇т̇ад̇о аг̇г̇игканд̇хо бавад̇д̇ад̇и, д̣̇агкин̣ахад̇т̇ад̇о уд̣̇агад̇хаараа бавад̇д̇ад̇и…бз… д̣̇агкин̣абассад̇о аг̇г̇игканд̇хо бавад̇д̇ад̇и, ваамабассад̇о уд̣̇агад̇хаараа бавад̇д̇ад̇и. ваамабассад̇о аг̇г̇игканд̇хо бавад̇д̇ад̇и, д̣̇агкин̣абассад̇о уд̣̇агад̇хаараа бавад̇д̇ад̇и…бз… д̣̇агкин̣абаад̣̇ад̇о аг̇г̇игканд̇хо бавад̇д̇ад̇и, ваамабаад̣̇ад̇о уд̣̇агад̇хаараа бавад̇д̇ад̇и. ваамабаад̣̇ад̇о аг̇г̇игканд̇хо бавад̇д̇ад̇и, д̣̇агкин̣абаад̣̇ад̇о уд̣̇агад̇хаараа бавад̇д̇ад̇и…бз… ан̇г̇улан̇г̇улзхи аг̇г̇игканд̇хо бавад̇д̇ад̇и, ан̇г̇уланд̇аригаахи уд̣̇агад̇хаараа бавад̇д̇ад̇и. ан̇г̇уланд̇аригаахи аг̇г̇игканд̇хо бавад̇д̇ад̇и, ан̇г̇улан̇г̇улзхи уд̣̇агад̇хаараа бавад̇д̇ад̇и…бз… згзгаломад̇о аг̇г̇игканд̇хо бавад̇д̇ад̇и, згзгаломад̇о уд̣̇агад̇хаараа бавад̇д̇ад̇и. ломагуубад̇о ломагуубад̇о аг̇г̇игканд̇хо бавад̇д̇ад̇и, ломагуубад̇о ломагуубад̇о уд̣̇агад̇хаараа бавад̇д̇ад̇и – чаннам̣ ван̣н̣аанам̣ нийлаанам̣ бийд̇агаанам̣ лохид̇агаанам̣ од̣̇аад̇аанам̣ ман̃ж̇идтаанам̣ бабхассараанам̣.

    ‘‘Katamaṃ tathāgatassa yamakapāṭihīre ñāṇaṃ? Idha tathāgato yamakapāṭihīraṃ karoti asādhāraṇaṃ sāvakehi uparimakāyato aggikkhandho pavattati, heṭṭhimakāyato udakadhārā pavattati. Heṭṭhimakāyato aggikkhandho pavattati, uparimakāyato udakadhārā pavattati…pe… puratthimakāyato aggikkhandho pavattati, pacchimakāyato udakadhārā pavattati. Pacchimakāyato aggikkhandho pavattati, puratthimakāyato udakadhārā pavattati…pe… dakkhiṇaakkhito aggikkhandho pavattati, vāmaakkhito udakadhārā pavattati. Vāmaakkhito aggikkhandho pavattati, dakkhiṇaakkhito udakadhārā pavattati…pe… dakkhiṇakaṇṇasotato aggikkhandho pavattati, vāmakaṇṇasotato udakadhārā pavattati. Vāmakaṇṇasotato aggikkhandho pavattati, dakkhiṇakaṇṇasotato udakadhārā pavattati…pe… dakkhiṇanāsikāsotato aggikkhandho pavattati, vāmanāsikāsotato udakadhārā pavattati. Vāmanāsikāsotato aggikkhandho pavattati, dakkhiṇanāsikāsotato udakadhārā pavattati…pe… dakkhiṇaaṃsakūṭato aggikkhandho pavattati, vāmaaṃsakūṭato udakadhārā pavattati. Vāmaaṃsakūṭato aggikkhandho pavattati, dakkhiṇaaṃsakūṭato udakadhārā pavattati…pe… dakkhiṇahatthato aggikkhandho pavattati, vāmahatthato udakadhārā pavattati. Vāmahatthato aggikkhandho pavattati, dakkhiṇahatthato udakadhārā pavattati…pe… dakkhiṇapassato aggikkhandho pavattati, vāmapassato udakadhārā pavattati. Vāmapassato aggikkhandho pavattati, dakkhiṇapassato udakadhārā pavattati…pe… dakkhiṇapādato aggikkhandho pavattati, vāmapādato udakadhārā pavattati. Vāmapādato aggikkhandho pavattati, dakkhiṇapādato udakadhārā pavattati…pe… aṅgulaṅgulehi aggikkhandho pavattati, aṅgulantarikāhi udakadhārā pavattati. Aṅgulantarikāhi aggikkhandho pavattati, aṅgulaṅgulehi udakadhārā pavattati…pe… ekekalomato aggikkhandho pavattati, ekekalomato udakadhārā pavattati. Lomakūpato lomakūpato aggikkhandho pavattati, lomakūpato lomakūpato udakadhārā pavattati – channaṃ vaṇṇānaṃ nīlānaṃ pītakānaṃ lohitakānaṃ odātānaṃ mañjiṭṭhānaṃ pabhassarānaṃ.

    ‘‘бхаг̇аваа жан̇гамад̇и, ниммид̇о д̇идтад̇и ваа нисийд̣̇ад̇и ваа сзяяам̣ ваа габбзд̇и. бхаг̇аваа д̇идтад̇и, ниммид̇о жан̇гамад̇и ваа нисийд̣̇ад̇и ваа сзяяам̣ ваа габбзд̇и. бхаг̇аваа нисийд̣̇ад̇и, ниммид̇о жан̇гамад̇и ваа д̇идтад̇и ваа сзяяам̣ ваа габбзд̇и. бхаг̇аваа сзяяам̣ габбзд̇и, ниммид̇о жан̇гамад̇и ваа д̇идтад̇и ваа нисийд̣̇ад̇и ваа. ниммид̇о жан̇гамад̇и, бхаг̇аваа д̇идтад̇и ваа нисийд̣̇ад̇и ваа сзяяам̣ ваа габбзд̇и. ниммид̇о д̇идтад̇и, бхаг̇аваа жан̇гамад̇и ваа нисийд̣̇ад̇и ваа сзяяам̣ ваа габбзд̇и. ниммид̇о нисийд̣̇ад̇и, бхаг̇аваа жан̇гамад̇и ваа д̇идтад̇и ваа сзяяам̣ ваа габбзд̇и. ниммид̇о сзяяам̣ габбзд̇и, бхаг̇аваа жан̇гамад̇и ваа д̇идтад̇и ваа нисийд̣̇ад̇и ваа, ид̣̇ам̣ д̇ат̇ааг̇ад̇асса яамагабаадихийрз н̃аан̣анд̇и взд̣̇ид̇аб̣б̣ам̣’’.

    ‘‘Bhagavā caṅkamati, nimmito tiṭṭhati vā nisīdati vā seyyaṃ vā kappeti. Bhagavā tiṭṭhati, nimmito caṅkamati vā nisīdati vā seyyaṃ vā kappeti. Bhagavā nisīdati, nimmito caṅkamati vā tiṭṭhati vā seyyaṃ vā kappeti. Bhagavā seyyaṃ kappeti, nimmito caṅkamati vā tiṭṭhati vā nisīdati vā. Nimmito caṅkamati, bhagavā tiṭṭhati vā nisīdati vā seyyaṃ vā kappeti. Nimmito tiṭṭhati, bhagavā caṅkamati vā nisīdati vā seyyaṃ vā kappeti. Nimmito nisīdati, bhagavā caṅkamati vā tiṭṭhati vā seyyaṃ vā kappeti. Nimmito seyyaṃ kappeti, bhagavā caṅkamati vā tiṭṭhati vā nisīdati vā, idaṃ tathāgatassa yamakapāṭihīre ñāṇanti veditabbaṃ’’.

    д̇асса бана бхаг̇авад̇о д̇зж̇огасин̣асамаабад̇д̇ивасзна убаримагааяад̇о аг̇г̇игканд̇хо бавад̇д̇ад̇и. аабогасин̣асамаабад̇д̇ивасзна хздтимагааяад̇о уд̣̇агад̇хаараа бавад̇д̇ад̇ийд̇и буна уд̣̇агад̇хаарааяа бавад̇д̇адтаанад̇о аг̇г̇игканд̇хо бавад̇д̇ад̇и, аг̇г̇игканд̇хасса бавад̇д̇адтаанад̇о уд̣̇агад̇хаараа бавад̇д̇ад̇ийд̇и д̣̇ассзд̇ум̣, ‘‘хздтимагааяад̇о аг̇г̇игканд̇хо бавад̇д̇ад̇и, убаримагааяад̇о уд̣̇агад̇хаараа бавад̇д̇ад̇ий’’д̇и вуд̇д̇анд̇и взд̣̇ид̇аб̣б̣аа. зсзва наяо сзсабад̣̇зсуби. аг̇г̇игканд̇хо банзд̇т̇а уд̣̇агад̇хаарааяа асаммиссова ахоси. д̇ат̇аа уд̣̇агад̇хаараа аг̇г̇игканд̇хзна. расмийсу бана д̣̇уд̇ияаа д̣̇уд̇ияаа расми буримааяа буримааяа яамагаа вияа згагкан̣з бавад̇д̇ад̇и. д̣̇виннан̃жа жид̇д̇аанам̣ згагкан̣з бавад̇д̇и наама над̇т̇и, б̣уд̣̇д̇хаанам̣ бана бхаван̇г̇абариваасасса лахугад̇ааяа бан̃жахаагаарзхи жин̣н̣авасид̇ааяа зд̇аа расмияо згагкан̣з вияа бавад̇д̇анд̇и, д̇ассаа бана расмияаа ааваж̇ж̇анабаригаммаад̇хидтаанаани висум̣язва. нийларасмиад̇т̇ааяа хи бхаг̇аваа нийлагасин̣ам̣ самаабаж̇ж̇ад̇и. бийд̇арасмиаад̣̇ийнам̣ ад̇т̇ааяа бийд̇агасин̣аад̣̇ийни самаабаж̇ж̇ад̇и.

    Tassa pana bhagavato tejokasiṇasamāpattivasena uparimakāyato aggikkhandho pavattati. Āpokasiṇasamāpattivasena heṭṭhimakāyato udakadhārā pavattatīti puna udakadhārāya pavattaṭṭhānato aggikkhandho pavattati, aggikkhandhassa pavattaṭṭhānato udakadhārā pavattatīti dassetuṃ, ‘‘heṭṭhimakāyato aggikkhandho pavattati, uparimakāyato udakadhārā pavattatī’’ti vuttanti veditabbā. Eseva nayo sesapadesupi. Aggikkhandho panettha udakadhārāya asammissova ahosi. Tathā udakadhārā aggikkhandhena. Rasmīsu pana dutiyā dutiyā rasmi purimāya purimāya yamakā viya ekakkhaṇe pavattati. Dvinnañca cittānaṃ ekakkhaṇe pavatti nāma natthi, buddhānaṃ pana bhavaṅgaparivāsassa lahukatāya pañcahākārehi ciṇṇavasitāya etā rasmiyo ekakkhaṇe viya pavattanti, tassā pana rasmiyā āvajjanaparikammādhiṭṭhānāni visuṃyeva. Nīlarasmiatthāya hi bhagavā nīlakasiṇaṃ samāpajjati. Pītarasmiādīnaṃ atthāya pītakasiṇādīni samāpajjati.

    звам̣ бхаг̇авад̇о яамагабаадихийрз гаяирамаанз сагалассааби д̣̇асасахассажаггаваал̣асса алан̇гаарагаран̣агаало вияа ахоси. д̇зна вуд̇д̇ам̣ –

    Evaṃ bhagavato yamakapāṭihīre kayiramāne sakalassāpi dasasahassacakkavāḷassa alaṅkārakaraṇakālo viya ahosi. Tena vuttaṃ –

    9.

    9.

    ‘‘сад̇д̇уд̇д̇амо анад̇хиваро винааяаго, сад̇т̇аа ахуу д̣̇звамануссабууж̇ид̇о;

    ‘‘Sattuttamo anadhivaro vināyako, satthā ahū devamanussapūjito;

    махаанубхааво сад̇абун̃н̃алагкан̣о, д̣̇ассзси ажчзрагам̣ баадихийра’’нд̇и.

    Mahānubhāvo satapuññalakkhaṇo, dassesi accherakaṃ pāṭihīra’’nti.

    д̇ад̇т̇а сад̇д̇уд̇д̇амод̇и ад̇д̇ано сийлаад̣̇ийхи г̇ун̣зхи саб̣б̣зсу сад̇д̇зсу уд̇д̇амо баваро сздтод̇и сад̇д̇уд̇д̇амо, сад̇д̇аанам̣ ваа уд̇д̇амо сад̇д̇уд̇д̇амо. сад̇д̇анд̇и хи н̃аан̣асса наамам̣, д̇зна д̣̇асаб̣алажад̇увзсаараж̇ж̇ачаасаад̇хааран̣ан̃аан̣асан̇каад̇зна сад̇д̇зна сздто уд̇д̇амод̇и сад̇д̇уд̇д̇амо, самаанаад̇хигаран̣авасзна сад̇д̇о уд̇д̇амод̇и ваа сад̇д̇уд̇д̇амо. яад̣̇и звам̣ ‘‘уд̇д̇амасад̇д̇о’’д̇и вад̇д̇аб̣б̣ам̣ уд̇д̇ама-сад̣̇д̣̇асса буб̣б̣анибаад̇абаатад̇о. на банзса бхзд̣̇о анияамад̇о б̣ахулаважанад̇о жа наруд̇д̇амабурисуд̇д̇аманаравараад̣̇и-сад̣̇д̣̇аа вияа д̣̇адтаб̣б̣о. ат̇а ваа сад̇д̇ам̣ уд̇д̇амам̣ яасса со сад̇д̇уд̇д̇амо, ид̇хааби жа уд̇д̇ама-сад̣̇д̣̇асса буб̣б̣анибаад̇о бхавад̇и. уд̇д̇амасад̇д̇од̇и висзсанасса буб̣б̣анибаад̇абаатад̇о ‘‘жид̇д̇аг̇уу бад̣̇д̇хаг̇уу’’д̇и зд̇т̇а вияаад̇и нааяам̣ д̣̇осо. убхаяависзсанад̇о ваа аахид̇аг̇г̇иаад̣̇ибаато вияа д̣̇адтаб̣б̣о. винааяагод̇и б̣ахуухи винаяануубааязхи сад̇д̇з винзд̇и д̣̇амзд̇ийд̇и винааяаго. сад̇т̇аад̇и д̣̇идтад̇хаммигасамбарааяигад̇т̇зхи яат̇аарахам̣ сад̇д̇з анусаасад̇ийд̇и сад̇т̇аа. ахууд̇и ахоси. д̣̇звамануссабууж̇ид̇од̇и д̣̇иб̣б̣зхи бан̃жагаамаг̇ун̣зхи д̣̇иб̣б̣анд̇и гийл̣анд̇ийд̇и д̣̇зваа. манасса уссаннад̇д̇аа мануссаа, д̣̇зваа жа мануссаа жа д̣̇звамануссаа, д̣̇звамануссзхи бууж̇ид̇о д̣̇звамануссабууж̇ид̇о. бубпаад̣̇ибууж̇ааяа жа бажжаяабууж̇ааяа жа бууж̇ид̇о, абажид̇од̇и ад̇т̇о. гасмаа бана д̣̇звамануссаанамзва г̇ахан̣ам̣ гад̇ам̣, нану бхаг̇аваа д̇иражчаанаг̇ад̇зхиби аараваал̣агаал̣аабалаалад̇ханабаалабаалилзяяаганааг̇аад̣̇ийхи саад̇ааг̇ираал̣авагахзмавад̇асуужиломакараломаяагкаад̣̇ийхи винибаад̇аг̇ад̇зхиби бууж̇ид̇оязваад̇и? сажжамзвзд̇ам̣, уггадтабарижчзд̣̇авасзна саб̣б̣абуг̇г̇алабарижчзд̣̇авасзна жзд̇ам̣ вуд̇д̇анд̇и взд̣̇ид̇аб̣б̣ам̣. махаанубхаавод̇и махад̇аа б̣уд̣̇д̇хаанубхаавзна саманнааг̇ад̇о. сад̇абун̃н̃алагкан̣од̇и ананд̇зсу жаггаваал̣зсу саб̣б̣з сад̇д̇аа згзгам̣ бун̃н̃агаммам̣ сад̇агкад̇д̇ум̣ гарзяяум̣ зд̇д̇агзхи ж̇анзхи гад̇агаммам̣ б̣од̇хисад̇д̇о саяамзва згаго сад̇аг̇ун̣ам̣ гад̇ваа ниб̣б̣ад̇д̇о. д̇асмаа ‘‘сад̇абун̃н̃алагкан̣о’’д̇и вужжад̇и. гзжи бана ‘‘сад̇зна сад̇зна бун̃н̃агаммзна ниб̣б̣ад̇д̇азгзгалагкан̣о’’д̇и вад̣̇анд̇и. ‘‘звам̣ санд̇з яо гожи б̣уд̣̇д̇хо бхавзяяаа’’д̇и д̇ам̣ адтагат̇аасу бадигкид̇д̇ам̣. д̣̇ассзсийд̇и саб̣б̣зсам̣ д̣̇звамануссаанам̣ ад̇ивимхаяагарам̣ яамагабаадихаарияам̣ д̣̇ассзси.

    Tattha sattuttamoti attano sīlādīhi guṇehi sabbesu sattesu uttamo pavaro seṭṭhoti sattuttamo, sattānaṃ vā uttamo sattuttamo. Sattanti hi ñāṇassa nāmaṃ, tena dasabalacatuvesārajjachaasādhāraṇañāṇasaṅkhātena sattena seṭṭho uttamoti sattuttamo, samānādhikaraṇavasena satto uttamoti vā sattuttamo. Yadi evaṃ ‘‘uttamasatto’’ti vattabbaṃ uttama-saddassa pubbanipātapāṭhato. Na panesa bhedo aniyamato bahulavacanato ca naruttamapurisuttamanaravarādi-saddā viya daṭṭhabbo. Atha vā sattaṃ uttamaṃ yassa so sattuttamo, idhāpi ca uttama-saddassa pubbanipāto bhavati. Uttamasattoti visesanassa pubbanipātapāṭhato ‘‘cittagū paddhagū’’ti ettha viyāti nāyaṃ doso. Ubhayavisesanato vā āhitaggiādipāṭho viya daṭṭhabbo. Vināyakoti bahūhi vinayanūpāyehi satte vineti dametīti vināyako. Satthāti diṭṭhadhammikasamparāyikatthehi yathārahaṃ satte anusāsatīti satthā. Ahūti ahosi. Devamanussapūjitoti dibbehi pañcakāmaguṇehi dibbanti kīḷantīti devā. Manassa ussannattā manussā, devā ca manussā ca devamanussā, devamanussehi pūjito devamanussapūjito. Pupphādipūjāya ca paccayapūjāya ca pūjito, apacitoti attho. Kasmā pana devamanussānameva gahaṇaṃ kataṃ, nanu bhagavā tiracchānagatehipi āravāḷakāḷāpalāladhanapālapālileyyakanāgādīhi sātāgirāḷavakahemavatasūcilomakharalomayakkhādīhi vinipātagatehipi pūjitoyevāti? Saccamevetaṃ, ukkaṭṭhaparicchedavasena sabbapuggalaparicchedavasena cetaṃ vuttanti veditabbaṃ. Mahānubhāvoti mahatā buddhānubhāvena samannāgato. Satapuññalakkhaṇoti anantesu cakkavāḷesu sabbe sattā ekekaṃ puññakammaṃ satakkhattuṃ kareyyuṃ ettakehi janehi katakammaṃ bodhisatto sayameva ekako sataguṇaṃ katvā nibbatto. Tasmā ‘‘satapuññalakkhaṇo’’ti vuccati. Keci pana ‘‘satena satena puññakammena nibbattaekekalakkhaṇo’’ti vadanti. ‘‘Evaṃ sante yo koci buddho bhaveyyā’’ti taṃ aṭṭhakathāsu paṭikkhittaṃ. Dassesīti sabbesaṃ devamanussānaṃ ativimhayakaraṃ yamakapāṭihāriyaṃ dassesi.

    ат̇а сад̇т̇аа аагаасз баадихаарияам̣ гад̇ваа махааж̇анасса жид̇д̇аажаарам̣ ологзд̇ваа д̇асса аж̇жхаасаяаанугуулам̣ д̇хаммагат̇ам̣ жан̇гаманд̇о гат̇зд̇угаамо аагаасз д̣̇асасахассажаггаваал̣авид̇т̇ад̇ам̣ саб̣б̣арад̇анамаяам̣ рад̇анажан̇гамам̣ маабзси. д̇зна вуд̇д̇ам̣ –

    Atha satthā ākāse pāṭihāriyaṃ katvā mahājanassa cittācāraṃ oloketvā tassa ajjhāsayānukūlaṃ dhammakathaṃ caṅkamanto kathetukāmo ākāse dasasahassacakkavāḷavitthataṃ sabbaratanamayaṃ ratanacaṅkamaṃ māpesi. Tena vuttaṃ –

    10.

    10.

    ‘‘со яаажид̇о д̣̇зваварзна жагкумаа, ад̇т̇ам̣ самзгкид̇ваа д̇ад̣̇аа наруд̇д̇амо;

    ‘‘So yācito devavarena cakkhumā, atthaṃ samekkhitvā tadā naruttamo;

    жан̇гамам̣ маабаяи логанааяаго, сунидтид̇ам̣ саб̣б̣арад̇ананиммид̇а’’нд̇и.

    Caṅkamaṃ māpayi lokanāyako, suniṭṭhitaṃ sabbaratananimmita’’nti.

    д̇ад̇т̇а сод̇и со сад̇т̇аа. яаажид̇од̇и батамамзва адтамз сад̇д̇аахз д̇хаммад̣̇зсанааяа яаажид̇од̇и ад̇т̇о. д̣̇зваварзнаад̇и сахамбад̇иб̣рахмунаа. жагкумаад̇и зд̇т̇а жагкад̇ийд̇и жагку, самависамам̣ вибхааваяад̇ийд̇и ад̇т̇о. д̇ам̣ бана жагку д̣̇увид̇хам̣ – н̃аан̣ажагку, мам̣сажагкууд̇и. д̇ад̇т̇а н̃аан̣ажагку бан̃жавид̇хам̣ – б̣уд̣̇д̇хажагку, д̇хаммажагку, саманд̇ажагку, д̣̇иб̣б̣ажагку, бан̃н̃аажагкууд̇и. д̇зсу б̣уд̣̇д̇хажагку наама аасаяаанусаяан̃аан̣ан̃жзва инд̣̇рияабаробарияад̇д̇ан̃аан̣ан̃жа, яам̣ ‘‘б̣уд̣̇д̇хажагкунаа логам̣ вологзнд̇о’’д̇и (д̣̇ий. ни. 2.69; ма. ни. 1.283; 2.339; сам̣. ни. 1.172; махаава. 9) ааг̇ад̇ам̣. д̇хаммажагку наама хздтимаа д̇аяо маг̇г̇аа д̇ийн̣и жа палаани, яам̣ ‘‘вираж̇ам̣ вийд̇амалам̣ д̇хаммажагкум̣ уд̣̇абаад̣̇ий’’д̇и (д̣̇ий. ни. 1.355; сам̣. ни. 5.1081; махаава. 16; бади. ма. 2.30) ааг̇ад̇ам̣. саманд̇ажагку наама саб̣б̣ан̃н̃уд̇ан̃н̃аан̣ам̣ , яам̣ ‘‘д̇ат̇уубамам̣ д̇хаммамаяам̣, сумзд̇ха, баасаад̣̇амааруяха саманд̇ажагкуу’’д̇и (д̣̇ий. ни. 2.70; ма. ни. 1.282; 2.338; сам̣. ни. 1.172; махаава. 8) ааг̇ад̇ам̣. д̣̇иб̣б̣ажагку наама аалогавад̣дханзна уббаннаабхин̃н̃аажид̇д̇зна самбаяуд̇д̇ан̃аан̣ам̣, яам̣ ‘‘д̣̇иб̣б̣зна жагкунаа висуд̣̇д̇хзнаа’’д̇и (ма. ни. 1.148, 284, 385, 432; 2.341; 3.82, 261; махаава. 10) ааг̇ад̇ам̣. бан̃н̃аажагку наама ‘‘жагкум̣ уд̣̇абаад̣̇и, н̃аан̣ам̣ уд̣̇абаад̣̇ий’’д̇и (сам̣. ни. 5.1082; махаава. 15; гат̇аа. 405; бади. ма. 2.30) зд̇т̇а буб̣б̣зниваасаад̣̇ин̃аан̣ам̣ бан̃н̃аажагкууд̇и ааг̇ад̇ам̣.

    Tattha soti so satthā. Yācitoti paṭhamameva aṭṭhame sattāhe dhammadesanāya yācitoti attho. Devavarenāti sahampatibrahmunā. Cakkhumāti ettha cakkhatīti cakkhu, samavisamaṃ vibhāvayatīti attho. Taṃ pana cakkhu duvidhaṃ – ñāṇacakkhu, maṃsacakkhūti. Tattha ñāṇacakkhu pañcavidhaṃ – buddhacakkhu, dhammacakkhu, samantacakkhu, dibbacakkhu, paññācakkhūti. Tesu buddhacakkhu nāma āsayānusayañāṇañceva indriyaparopariyattañāṇañca, yaṃ ‘‘buddhacakkhunā lokaṃ volokento’’ti (dī. ni. 2.69; ma. ni. 1.283; 2.339; saṃ. ni. 1.172; mahāva. 9) āgataṃ. Dhammacakkhu nāma heṭṭhimā tayo maggā tīṇi ca phalāni, yaṃ ‘‘virajaṃ vītamalaṃ dhammacakkhuṃ udapādī’’ti (dī. ni. 1.355; saṃ. ni. 5.1081; mahāva. 16; paṭi. ma. 2.30) āgataṃ. Samantacakkhu nāma sabbaññutaññāṇaṃ , yaṃ ‘‘tathūpamaṃ dhammamayaṃ, sumedha, pāsādamāruyha samantacakkhū’’ti (dī. ni. 2.70; ma. ni. 1.282; 2.338; saṃ. ni. 1.172; mahāva. 8) āgataṃ. Dibbacakkhu nāma ālokavaḍḍhanena uppannābhiññācittena sampayuttañāṇaṃ, yaṃ ‘‘dibbena cakkhunā visuddhenā’’ti (ma. ni. 1.148, 284, 385, 432; 2.341; 3.82, 261; mahāva. 10) āgataṃ. Paññācakkhu nāma ‘‘cakkhuṃ udapādi, ñāṇaṃ udapādī’’ti (saṃ. ni. 5.1082; mahāva. 15; kathā. 405; paṭi. ma. 2.30) ettha pubbenivāsādiñāṇaṃ paññācakkhūti āgataṃ.

    мам̣сажагку наама ‘‘жагкун̃жа бадижжа руубз жаа’’д̇и (ма. ни. 1.204, 400; 3.421, 425-426; сам̣. ни. 2.43; 4.60; гат̇аа. 465, 467) зд̇т̇а басаад̣̇амам̣сажагку вуд̇д̇ам̣ (д̣̇ий. ни. адта. 1.213). д̇ам̣ бана д̣̇увид̇хам̣ – сасамбхааражагку басаад̣̇ажагкууд̇и. д̇зсу явааяам̣ агкигуубагз агкибад̇д̇агзхи бариваарид̇о мам̣сабин̣д̣о яад̇т̇а жад̇ассо д̇хаад̇уяо ван̣н̣аг̇анд̇харасож̇аа самбхаво ж̇ийвид̇ам̣ бхааво жагкубасаад̣̇о гааяабасаад̣̇од̇и сан̇кзбад̇о д̇зраса самбхаараа хонд̇и. вид̇т̇аарад̇о бана самбхавамаанаани жад̇усамудтаанаани чад̇д̇им̣са ж̇ийвид̇ам̣ бхааво жагкубасаад̣̇о гааяабасаад̣̇од̇и имз гаммасамудтаанаа жад̇д̇ааро жаад̇и сасамбхаараа хонд̇и, ид̣̇ам̣ сасамбхааражагку наама. яам̣ бана сзд̇аман̣д̣алабарижчиннзна ган̣хаман̣д̣алзна бариваарид̇з д̣̇идтаман̣д̣алз саннивидтам̣ руубад̣̇ассанасамад̇т̇ам̣ басаад̣̇амад̇д̇ам̣, ид̣̇ам̣ басаад̣̇ажагку наама. саб̣б̣аани банзд̇аани згавид̇хаани анижжад̇о сан̇кад̇ад̇о, д̣̇увид̇хаани саасаваанаасавад̇о логияалогуд̇д̇арад̇о, д̇ивид̇хаани бхуумид̇о убаад̣̇ин̣н̣ад̇д̇игад̇о, жад̇уб̣б̣ид̇хаани зганд̇абарид̇д̇ааббамаан̣аанияад̇аарамман̣ад̇о, бан̃жавид̇хаани руубаниб̣б̣аанааруубасаб̣б̣аарамман̣аанаарамман̣авасзна, чаб̣б̣ид̇хаани хонд̇и б̣уд̣̇д̇хажагкаад̣̇ивасзна. ижжзвамзд̇аани вуд̇д̇аббагаараани жагкууни асса бхаг̇авад̇о санд̇ийд̇и бхаг̇аваа жагкумаад̇и вужжад̇и. ад̇т̇ам̣ самзгкид̇ваад̇и жан̇гамам̣ маабзд̇ваа, д̇хаммад̣̇зсанаанимид̇д̇ам̣ д̣̇звамануссаанам̣ хид̇ад̇т̇ам̣ убабаригкид̇ваа убад̇хаарзд̇ваад̇и ад̇хиббааяо. маабаяийд̇и маабзси. логанааяагод̇и саг̇г̇амогкаабхимукам̣ логам̣ наяад̇ийд̇и логанааяаго. сунидтид̇анд̇и судту нидтид̇ам̣, барияосид̇анд̇и ад̇т̇о. саб̣б̣арад̇ананиммид̇анд̇и д̣̇асавид̇харад̇анамаяам̣.

    Maṃsacakkhu nāma ‘‘cakkhuñca paṭicca rūpe cā’’ti (ma. ni. 1.204, 400; 3.421, 425-426; saṃ. ni. 2.43; 4.60; kathā. 465, 467) ettha pasādamaṃsacakkhu vuttaṃ (dī. ni. aṭṭha. 1.213). Taṃ pana duvidhaṃ – sasambhāracakkhu pasādacakkhūti. Tesu yvāyaṃ akkhikūpake akkhipattakehi parivārito maṃsapiṇḍo yattha catasso dhātuyo vaṇṇagandharasojā sambhavo jīvitaṃ bhāvo cakkhupasādo kāyapasādoti saṅkhepato terasa sambhārā honti. Vitthārato pana sambhavamānāni catusamuṭṭhānāni chattiṃsa jīvitaṃ bhāvo cakkhupasādo kāyapasādoti ime kammasamuṭṭhānā cattāro cāti sasambhārā honti, idaṃ sasambhāracakkhu nāma. Yaṃ pana setamaṇḍalaparicchinnena kaṇhamaṇḍalena parivārite diṭṭhamaṇḍale sanniviṭṭhaṃ rūpadassanasamatthaṃ pasādamattaṃ, idaṃ pasādacakkhu nāma. Sabbāni panetāni ekavidhāni aniccato saṅkhatato, duvidhāni sāsavānāsavato lokiyalokuttarato, tividhāni bhūmito upādiṇṇattikato, catubbidhāni ekantaparittaappamāṇāniyatārammaṇato, pañcavidhāni rūpanibbānārūpasabbārammaṇānārammaṇavasena, chabbidhāni honti buddhacakkhādivasena. Iccevametāni vuttappakārāni cakkhūni assa bhagavato santīti bhagavā cakkhumāti vuccati. Atthaṃ samekkhitvāti caṅkamaṃ māpetvā, dhammadesanānimittaṃ devamanussānaṃ hitatthaṃ upaparikkhitvā upadhāretvāti adhippāyo. Māpayīti māpesi. Lokanāyakoti saggamokkhābhimukhaṃ lokaṃ nayatīti lokanāyako. Suniṭṭhitanti suṭṭhu niṭṭhitaṃ, pariyositanti attho. Sabbaratananimmitanti dasavidharatanamayaṃ.

    ид̣̇аани бхаг̇авад̇о д̇ивид̇хабаадихаарияасамбад̇д̇ид̣̇ассанад̇т̇ам̣ –

    Idāni bhagavato tividhapāṭihāriyasampattidassanatthaṃ –

    11.

    11.

    ‘‘ид̣̇д̇хий жа аад̣̇зсанаанусаасаний, д̇ибаадихийрз бхаг̇аваа васий аху;

    ‘‘Iddhī ca ādesanānusāsanī, tipāṭihīre bhagavā vasī ahu;

    жан̇гамам̣ маабаяи логанааяаго, сунидтид̇ам̣ саб̣б̣арад̇ананиммид̇а’’нд̇и. – вуд̇д̇ам̣;

    Caṅkamaṃ māpayi lokanāyako, suniṭṭhitaṃ sabbaratananimmita’’nti. – vuttaṃ;

    д̇ад̇т̇а ид̣̇д̇хийд̇и ид̣̇д̇хивид̇хам̣ ид̣̇д̇хибаадихаарияам̣ наама. д̇ам̣ бана згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇ийд̇иаад̣̇инаяаббавад̇д̇ам̣ (д̣̇ий. ни. 1.239; ма. ни. 1.147; бади. ма. 3.10). аад̣̇зсанаад̇и барасса жид̇д̇аажаарам̣ н̃ад̇ваа гат̇анам̣ аад̣̇зсанаабаадихаарияам̣, д̇ам̣ саавагаанан̃жа б̣уд̣̇д̇хаанан̃жа сад̇ад̇ад̇хаммад̣̇зсанаа. анусаасанийд̇и анусаасанибаадихаарияам̣, д̇асса д̇асса аж̇жхаасаяаанугууламоваад̣̇од̇и ад̇т̇о. ид̇и зд̇аани д̇ийн̣и баадихаарияаани. д̇ад̇т̇а ид̣̇д̇хибаадихаариязна анусаасанибаадихаарияам̣ махаамог̇г̇аллаанасса аажин̣н̣ам̣, аад̣̇зсанаабаадихаариязна анусаасанибаадихаарияам̣ д̇хаммасзнаабад̇исса, анусаасанибаадихаарияам̣ бана б̣уд̣̇д̇хаанам̣ сад̇ад̇ад̇хаммад̣̇зсанаа. д̇ибаадихийрзд̇и зд̇зсу д̇ийсу баадихаариязсууд̇и ад̇т̇о. бхаг̇аваад̇и ид̣̇ам̣ г̇ун̣ависидтасад̇д̇уд̇д̇амаг̇аруг̇аараваад̇хиважанам̣. вуд̇д̇ан̃хзд̇ам̣ бораан̣зхи –

    Tattha iddhīti iddhividhaṃ iddhipāṭihāriyaṃ nāma. Taṃ pana ekopi hutvā bahudhā hoti, bahudhāpi hutvā eko hotītiādinayappavattaṃ (dī. ni. 1.239; ma. ni. 1.147; paṭi. ma. 3.10). Ādesanāti parassa cittācāraṃ ñatvā kathanaṃ ādesanāpāṭihāriyaṃ, taṃ sāvakānañca buddhānañca satatadhammadesanā. Anusāsanīti anusāsanipāṭihāriyaṃ, tassa tassa ajjhāsayānukūlamovādoti attho. Iti etāni tīṇi pāṭihāriyāni. Tattha iddhipāṭihāriyena anusāsanipāṭihāriyaṃ mahāmoggallānassa āciṇṇaṃ, ādesanāpāṭihāriyena anusāsanipāṭihāriyaṃ dhammasenāpatissa, anusāsanipāṭihāriyaṃ pana buddhānaṃ satatadhammadesanā. Tipāṭihīreti etesu tīsu pāṭihāriyesūti attho. Bhagavāti idaṃ guṇavisiṭṭhasattuttamagarugāravādhivacanaṃ. Vuttañhetaṃ porāṇehi –

    ‘‘бхаг̇аваад̇и важанам̣ сздтам̣, бхаг̇аваад̇и важанамуд̇д̇амам̣;

    ‘‘Bhagavāti vacanaṃ seṭṭhaṃ, bhagavāti vacanamuttamaṃ;

    г̇аруг̇аараваяуд̇д̇о со, бхаг̇аваа д̇зна вужжад̇ий’’д̇и. (висуд̣̇д̇хи. 1.142; ма. ни. адта. 1.муулабарияааяасуд̇д̇аван̣н̣анаа; баараа. адта. 1.1 взран̃ж̇аган̣д̣аван̣н̣анаа; ид̇иву. адта. нид̣̇аанаван̣н̣анаа; махаани. адта. 50);

    Garugāravayutto so, bhagavā tena vuccatī’’ti. (visuddhi. 1.142; ma. ni. aṭṭha. 1.mūlapariyāyasuttavaṇṇanā; pārā. aṭṭha. 1.1 verañjakaṇḍavaṇṇanā; itivu. aṭṭha. nidānavaṇṇanā; mahāni. aṭṭha. 50);

    васийд̇и зд̇асмим̣ д̇ивид̇хзби баадихаарияз васиббад̇д̇о, жин̣н̣авасийд̇и ад̇т̇о. васияо наама бан̃жа васияо – ааваж̇ж̇анасамаабаж̇ж̇анаад̇хидтаанавудтаанабажжавзгкан̣асан̇каад̇аа. д̇ад̇ра яам̣ яам̣ жхаанам̣ яат̇ижчагам̣ яад̣̇ижчагам̣ яаавад̇ижчагам̣ ааваж̇ж̇ад̇и ааваж̇ж̇анааяа д̣̇анд̇хааяид̇ад̇д̇ам̣ над̇т̇ийд̇и сийгхам̣ ааваж̇ж̇зд̇ум̣ самад̇т̇ад̇аа ааваж̇ж̇анавасий наама. д̇ат̇аа яам̣ яам̣ жхаанам̣ яат̇ижчагам̣…бз… самаабаж̇ж̇ад̇и самаабаж̇ж̇анааяа д̣̇анд̇хааяид̇ад̇д̇ам̣ над̇т̇ийд̇и сийгхам̣ самаабаж̇ж̇анасамад̇т̇ад̇аа самаабаж̇ж̇анавасий наама. д̣̇ийгхам̣ гаалам̣ табзд̇ум̣ самад̇т̇ад̇аа ад̇хидтаанавасий наама. д̇ат̇зва лахум̣ вудтаад̇ум̣ самад̇т̇ад̇аа вудтаанавасий наама. бажжавзгкан̣авасий бана бажжавзгкан̣аж̇аванаанзва хонд̇и д̇аани ааваж̇ж̇анаананд̇араанзва худ̇ваа уббаж̇ж̇анд̇ийд̇и ааваж̇ж̇анавасияаа зва вуд̇д̇аани. ид̇и имаасу бан̃жасу васийсу жин̣н̣авасид̇аа васий наама ход̇и. д̇зна вуд̇д̇ам̣ – ‘‘д̇ибаадихийрз бхаг̇аваа васий ахуу’’д̇и.

    Vasīti etasmiṃ tividhepi pāṭihāriye vasippatto, ciṇṇavasīti attho. Vasiyo nāma pañca vasiyo – āvajjanasamāpajjanaadhiṭṭhānavuṭṭhānapaccavekkhaṇasaṅkhātā. Tatra yaṃ yaṃ jhānaṃ yathicchakaṃ yadicchakaṃ yāvaticchakaṃ āvajjati āvajjanāya dandhāyitattaṃ natthīti sīghaṃ āvajjetuṃ samatthatā āvajjanavasī nāma. Tathā yaṃ yaṃ jhānaṃ yathicchakaṃ…pe… samāpajjati samāpajjanāya dandhāyitattaṃ natthīti sīghaṃ samāpajjanasamatthatā samāpajjanavasī nāma. Dīghaṃ kālaṃ ṭhapetuṃ samatthatā adhiṭṭhānavasī nāma. Tatheva lahuṃ vuṭṭhātuṃ samatthatā vuṭṭhānavasī nāma. Paccavekkhaṇavasī pana paccavekkhaṇajavanāneva honti tāni āvajjanānantarāneva hutvā uppajjantīti āvajjanavasiyā eva vuttāni. Iti imāsu pañcasu vasīsu ciṇṇavasitā vasī nāma hoti. Tena vuttaṃ – ‘‘tipāṭihīre bhagavā vasī ahū’’ti.

    ид̣̇аани д̇асса рад̇анажан̇гамасса ниммид̇авид̇хаанасса д̣̇ассанад̇т̇ам̣ –

    Idāni tassa ratanacaṅkamassa nimmitavidhānassa dassanatthaṃ –

    12.

    12.

    ‘‘д̣̇асасахассийлогад̇хаад̇уяаа, синзрубаб̣б̣ад̇уд̇д̇амз;

    ‘‘Dasasahassīlokadhātuyā, sinerupabbatuttame;

    т̇амбхзва д̣̇ассзси бадибаадияаа, жан̇гамз рад̇анаамаяз’’д̇и. – аад̣̇иг̇аат̇ааяо вуд̇д̇аа;

    Thambheva dassesi paṭipāṭiyā, caṅkame ratanāmaye’’ti. – ādigāthāyo vuttā;

    д̇ад̇т̇а д̣̇асасахассийлогад̇хаад̇уяаад̇и д̣̇асасу жаггаваал̣асахассзсу. синзрубаб̣б̣ад̇уд̇д̇амзд̇и махаамзрусан̇каад̇з сздтабаб̣б̣ад̇з. т̇амбхзваад̇и т̇амбхз вияа д̣̇асажаггаваал̣асахассзсу яз синзрубаб̣б̣ад̇аа, д̇з бадибаадияаа тид̇з суван̣н̣ат̇амбхз вияа гад̇ваа д̇зсам̣ убари жан̇гамам̣ маабзд̇ваа д̣̇ассзсийд̇и ад̇т̇о. рад̇анаамаязд̇и рад̇анамаяз.

    Tattha dasasahassīlokadhātuyāti dasasu cakkavāḷasahassesu. Sinerupabbatuttameti mahāmerusaṅkhāte seṭṭhapabbate. Thambhevāti thambhe viya dasacakkavāḷasahassesu ye sinerupabbatā, te paṭipāṭiyā ṭhite suvaṇṇathambhe viya katvā tesaṃ upari caṅkamaṃ māpetvā dassesīti attho. Ratanāmayeti ratanamaye.

    13. д̣̇асасахассий ад̇иггаммаад̇и рад̇анажан̇гамам̣ бана бхаг̇аваа маабзнд̇о д̇асса згам̣ годим̣ саб̣б̣абарияанд̇ам̣ баажийнажаггаваал̣амукаваддим̣ згам̣ годим̣ бажчимажаггаваал̣амукаваддим̣ ад̇иггамид̇ваа тид̇ам̣ гад̇ваа маабзси. д̇зна вуд̇д̇ам̣ –

    13.Dasasahassī atikkammāti ratanacaṅkamaṃ pana bhagavā māpento tassa ekaṃ koṭiṃ sabbapariyantaṃ pācīnacakkavāḷamukhavaṭṭiṃ ekaṃ koṭiṃ pacchimacakkavāḷamukhavaṭṭiṃ atikkamitvā ṭhitaṃ katvā māpesi. Tena vuttaṃ –

    ‘‘д̣̇асасахассий ад̇иггамма, жан̇гамам̣ маабаяий ж̇ино;

    ‘‘Dasasahassī atikkamma, caṅkamaṃ māpayī jino;

    саб̣б̣асон̣н̣амаяаа бассз, жан̇гамз рад̇анаамаяз’’д̇и.

    Sabbasoṇṇamayā passe, caṅkame ratanāmaye’’ti.

    д̇ад̇т̇а ж̇инод̇и гилзсаариж̇аяанад̇о ж̇ино. саб̣б̣асон̣н̣амаяаа бассзд̇и д̇асса бана звам̣ ниммид̇асса жан̇гамасса убхаяабассзсу суван̣н̣амаяаа барамараман̣ийяаа марияаад̣̇абхууми ахоси, маж̇жхз ман̣имаяаад̇и ад̇хиббааяо.

    Tattha jinoti kilesārijayanato jino. Sabbasoṇṇamayā passeti tassa pana evaṃ nimmitassa caṅkamassa ubhayapassesu suvaṇṇamayā paramaramaṇīyā mariyādabhūmi ahosi, majjhe maṇimayāti adhippāyo.

    14. д̇улаасан̇гхаадаад̇и д̇улааяуг̇ал̣аа, д̇аа наанаарад̇анамаяаад̇и взд̣̇ид̇аб̣б̣аа. ануваг̇г̇аад̇и ануруубаа. сован̣н̣апалагад̇т̇ад̇аад̇и сован̣н̣амаязхи палагзхи ад̇т̇ад̇аа, д̇улаасан̇гхаад̇аанам̣ убари суван̣н̣амаяо бад̣̇аражчад̣̇од̇и ад̇т̇о. взд̣̇игаа саб̣б̣асован̣н̣аад̇и взд̣̇игаа бана саб̣б̣ааби суван̣н̣амаяаа, яаа банзсаа жан̇гаманабаригкзбавзд̣̇игаа, саа згаава ан̃н̃зхи рад̇анзхи асаммиссаад̇и ад̇т̇о. д̣̇убхад̇о бассзсу ниммид̇аад̇и убхосу бассзсу ниммид̇аа. д̣̇а-гааро бад̣̇асанд̇хигаро.

    14.Tulāsaṅghāṭāti tulāyugaḷā, tā nānāratanamayāti veditabbā. Anuvaggāti anurūpā. Sovaṇṇaphalakatthatāti sovaṇṇamayehi phalakehi atthatā, tulāsaṅghātānaṃ upari suvaṇṇamayo padaracchadoti attho. Vedikā sabbasovaṇṇāti vedikā pana sabbāpi suvaṇṇamayā, yā panesā caṅkamanaparikkhepavedikā, sā ekāva aññehi ratanehi asammissāti attho. Dubhato passesu nimmitāti ubhosu passesu nimmitā. Da-kāro padasandhikaro.

    15. ман̣имуд̇д̇ааваалугаагин̣н̣аад̇и ман̣имуд̇д̇аамаяаваалугаагин̣н̣аа. ат̇а ваа ман̣аяо жа муд̇д̇аа жа ваалугаа жа ман̣имуд̇д̇ааваалугаа. д̇аахи ман̣имуд̇д̇ааваалугаахи аагин̣н̣аа сант̇ад̇аад̇и ман̣имуд̇д̇ааваалугаагин̣н̣аа. ниммид̇од̇и иминаагаарзна ниммид̇о гад̇о. рад̇анаамаяод̇и саб̣б̣арад̇анамаяо, жан̇гамод̇и ад̇т̇о. обхаасзд̇и д̣̇исаа саб̣б̣аад̇и саб̣б̣ааби д̣̇аса д̣̇исаа обхаасзд̇и багаасзд̇и. сад̇арам̣сийваад̇и сахассарам̣сиаад̣̇ижжо вияа. уг̇г̇ад̇од̇и уд̣̇ид̇о. яат̇аа бана аб̣бхуг̇г̇ад̇о сахассарам̣си саб̣б̣ааби д̣̇аса д̣̇исаа обхаасзд̇и, звамзва зсоби саб̣б̣арад̇анамаяо жан̇гамо обхаасзд̇ийд̇и ад̇т̇о.

    15.Maṇimuttāvālukākiṇṇāti maṇimuttāmayavālukākiṇṇā. Atha vā maṇayo ca muttā ca vālukā ca maṇimuttāvālukā. Tāhi maṇimuttāvālukāhi ākiṇṇā santhatāti maṇimuttāvālukākiṇṇā. Nimmitoti iminākārena nimmito kato. Ratanāmayoti sabbaratanamayo, caṅkamoti attho. Obhāseti disā sabbāti sabbāpi dasa disā obhāseti pakāseti. Sataraṃsīvāti sahassaraṃsiādicco viya. Uggatoti udito. Yathā pana abbhuggato sahassaraṃsi sabbāpi dasa disā obhāseti, evameva esopi sabbaratanamayo caṅkamo obhāsetīti attho.

    ид̣̇аани бана нидтид̇з жан̇гамз д̇ад̇т̇а бхаг̇авад̇о бавад̇д̇ид̣̇ассанад̇т̇ам̣ –

    Idāni pana niṭṭhite caṅkame tattha bhagavato pavattidassanatthaṃ –

    16.

    16.

    ‘‘д̇асмим̣ жан̇гаманз д̇хийро, д̣̇вад̇д̇им̣саваралагкан̣о;

    ‘‘Tasmiṃ caṅkamane dhīro, dvattiṃsavaralakkhaṇo;

    вирожамаано самб̣уд̣̇д̇хо, жан̇гамз жан̇гамий ж̇ино.

    Virocamāno sambuddho, caṅkame caṅkamī jino.

    17.

    17.

    ‘‘д̣̇иб̣б̣ам̣ манд̣̇ааравам̣ бубпам̣, бад̣̇умам̣ бааричад̇д̇агам̣;

    ‘‘Dibbaṃ mandāravaṃ pupphaṃ, padumaṃ pārichattakaṃ;

    жан̇гаманз огиранд̇и, саб̣б̣з д̣̇зваа самааг̇ад̇аа.

    Caṅkamane okiranti, sabbe devā samāgatā.

    18.

    18.

    ‘‘бассанд̇и д̇ам̣ д̣̇звасан̇гхаа, д̣̇асасахассий бамод̣̇ид̇аа;

    ‘‘Passanti taṃ devasaṅghā, dasasahassī pamoditā;

    намассамаанаа нибад̇анд̇и, д̇удтахадтаа бамод̣̇ид̇аа’’д̇и. – г̇аат̇ааяо вуд̇д̇аа;

    Namassamānā nipatanti, tuṭṭhahaṭṭhā pamoditā’’ti. – gāthāyo vuttā;

    д̇ад̇т̇а д̇хийрод̇и д̇хид̇ияуд̇д̇о. д̣̇вад̇д̇им̣саваралагкан̣од̇и суббад̇идтид̇абаад̣̇ад̇алаад̣̇ийхи д̣̇вад̇д̇им̣самахаабурисалагкан̣зхи саманнааг̇ад̇од̇и ад̇т̇о. д̣̇иб̣б̣анд̇и д̣̇звалогз бхавам̣ ж̇аад̇ам̣ д̣̇иб̣б̣ам̣. бааричад̇д̇аганд̇и д̣̇зваанам̣ д̇аавад̇им̣саанам̣ говил̣аараругкасса ниссанд̣̇зна саманд̇аа яож̇анасад̇абаримаан̣о барамад̣̇ассанийяо баарижчад̇д̇агаругко ниб̣б̣ад̇д̇и. яасмим̣ бубпид̇з сагалам̣ д̣̇званаг̇арам̣ згасурабхиг̇анд̇хаваасид̇ам̣ ход̇и, д̇асса гусумарзн̣уогин̣н̣аани наваганагавимаанаани бин̃ж̇араани худ̇ваа кааяанд̇и. имасса бана баарижчад̇д̇агаругкасса бубпан̃жа баарижчад̇д̇аганд̇и вуд̇д̇ам̣. жан̇гамз огиранд̇ийд̇и д̇асмим̣ рад̇анажан̇гамз авагиранд̇и, д̇зна вуд̇д̇аббагаарзна бубпзна д̇асмим̣ жан̇гамз жан̇гамамаанам̣ бхаг̇аванд̇ам̣ бууж̇знд̇ийд̇и ад̇т̇о. саб̣б̣з д̣̇зваад̇и гаамааважарад̣̇зваад̣̇аяо д̣̇зваа. д̇знааха ‘‘бассанд̇и д̇ам̣ д̣̇звасан̇гхаа’’д̇и. д̇ам̣ бхаг̇аванд̇ам̣ рад̇анажан̇гаманз жан̇гаманд̇ам̣ сагзсу аалаязсуби бассанд̇ийд̇и ад̇т̇о. д̣̇асасахассийд̇и бхуммад̇т̇з бажжад̇д̇аважанам̣, д̣̇асасахассияам̣ д̣̇звасан̇гхаа д̇ам̣ бассанд̇ийд̇и ад̇т̇о. бамод̣̇ид̇аад̇и бамуд̣̇ид̇аа. нибад̇анд̇ийд̇и саннибад̇анд̇и. д̇удтахадтаад̇и бийд̇ивасзна д̇удтахадтаа. бамод̣̇ид̇аад̇и ид̣̇аани вад̇д̇аб̣б̣зхи д̇аавад̇им̣саад̣̇ид̣̇звзхи сад̣̇д̇хинд̇и самб̣анд̇хо д̣̇адтаб̣б̣о, ид̇арат̇аа бунаруд̇д̇ид̣̇осад̇о на мужжад̇и. ат̇а ваа бамод̣̇ид̇аа д̇ам̣ бхаг̇аванд̇ам̣ бассанд̇и, д̇удтахадтаа бамод̣̇ид̇аа д̇ахим̣ д̇ахим̣ саннибад̇анд̇ийд̇и ад̇т̇о.

    Tattha dhīroti dhitiyutto. Dvattiṃsavaralakkhaṇoti suppatiṭṭhitapādatalādīhi dvattiṃsamahāpurisalakkhaṇehi samannāgatoti attho. Dibbanti devaloke bhavaṃ jātaṃ dibbaṃ. Pārichattakanti devānaṃ tāvatiṃsānaṃ koviḷārarukkhassa nissandena samantā yojanasataparimāṇo paramadassanīyo pāricchattakarukkho nibbatti. Yasmiṃ pupphite sakalaṃ devanagaraṃ ekasurabhigandhavāsitaṃ hoti, tassa kusumareṇuokiṇṇāni navakanakavimānāni piñjarāni hutvā khāyanti. Imassa pana pāricchattakarukkhassa pupphañca pāricchattakanti vuttaṃ. Caṅkame okirantīti tasmiṃ ratanacaṅkame avakiranti, tena vuttappakārena pupphena tasmiṃ caṅkame caṅkamamānaṃ bhagavantaṃ pūjentīti attho. Sabbe devāti kāmāvacaradevādayo devā. Tenāha ‘‘passanti taṃ devasaṅghā’’ti. Taṃ bhagavantaṃ ratanacaṅkamane caṅkamantaṃ sakesu ālayesupi passantīti attho. Dasasahassīti bhummatthe paccattavacanaṃ, dasasahassiyaṃ devasaṅghā taṃ passantīti attho. Pamoditāti pamuditā. Nipatantīti sannipatanti. Tuṭṭhahaṭṭhāti pītivasena tuṭṭhahaṭṭhā. Pamoditāti idāni vattabbehi tāvatiṃsādidevehi saddhinti sambandho daṭṭhabbo, itarathā punaruttidosato na muccati. Atha vā pamoditā taṃ bhagavantaṃ passanti, tuṭṭhahaṭṭhā pamoditā tahiṃ tahiṃ sannipatantīti attho.

    ид̣̇аани яз бассим̣су яз саннибад̇им̣су, д̇з саруубад̇о д̣̇ассзд̇ум̣ –

    Idāni ye passiṃsu ye sannipatiṃsu, te sarūpato dassetuṃ –

    19.

    19.

    ‘‘д̇аавад̇им̣саа жа яаамаа жа, д̇усид̇аа жааби д̣̇звад̇аа;

    ‘‘Tāvatiṃsā ca yāmā ca, tusitā cāpi devatā;

    ниммаанарад̇ино д̣̇зваа, яз д̣̇зваа васавад̇д̇ино;

    Nimmānaratino devā, ye devā vasavattino;

    уд̣̇аг̇г̇ажид̇д̇аа суманаа, бассанд̇и логанааяагам̣.

    Udaggacittā sumanā, passanti lokanāyakaṃ.

    20.

    20.

    ‘‘сад̣̇зваг̇анд̇хаб̣б̣амануссарагкасаа , нааг̇аа субан̣н̣аа ат̇а вааби гиннараа;

    ‘‘Sadevagandhabbamanussarakkhasā , nāgā supaṇṇā atha vāpi kinnarā;

    бассанд̇и д̇ам̣ логахид̇аанугамбагам̣, набхзва ажжуг̇г̇ад̇ажанд̣̇аман̣д̣алам̣.

    Passanti taṃ lokahitānukampakaṃ, nabheva accuggatacandamaṇḍalaṃ.

    21.

    21.

    ‘‘аабхассараа субхагин̣хаа, взхабпалаа аганидтаа жа д̣̇звад̇аа;

    ‘‘Ābhassarā subhakiṇhā, vehapphalā akaniṭṭhā ca devatā;

    сусуд̣̇д̇хасуггавад̇т̇авасанаа, д̇идтанд̇и бан̃ж̇алийгад̇аа.

    Susuddhasukkavatthavasanā, tiṭṭhanti pañjalīkatā.

    22.

    22.

    ‘‘мун̃жанд̇и бубпам̣ бана бан̃жаван̣н̣игам̣, манд̣̇ааравам̣ жанд̣̇анажун̣н̣амиссид̇ам̣;

    ‘‘Muñcanti pupphaṃ pana pañcavaṇṇikaṃ, mandāravaṃ candanacuṇṇamissitaṃ;

    бхамзнд̇и жзлаани жа амб̣арз д̇ад̣̇аа, ахо ж̇ино логахид̇аанугамбаго’’д̇и. –

    Bhamenti celāni ca ambare tadā, aho jino lokahitānukampako’’ti. –

    имаа г̇аат̇ааяо вуд̇д̇аа.

    Imā gāthāyo vuttā.

    д̇ад̇т̇а уд̣̇аг̇г̇ажид̇д̇аад̇и бийд̇исоманассавасзна уд̣̇аг̇г̇ажид̇д̇аа. суманаад̇и уд̣̇аг̇г̇ажид̇д̇ад̇д̇аа зва суманаа. логахид̇аанугамбаганд̇и логахид̇ан̃жа логаанугамбаган̃жа. логахид̇зна ваа анугамбагам̣ логахид̇аанугамбагам̣. набхзва ажжуг̇г̇ад̇ажанд̣̇аман̣д̣аланд̇и зд̇т̇а аагаасз абхинавод̣̇ид̇ам̣ барибун̣н̣ам̣ саб̣б̣обад̣̇д̣̇ававинимуд̇д̇ам̣ сарад̣̇асамаяз жанд̣̇аман̣д̣алам̣ вияа б̣уд̣̇д̇хасирияаа вирожамаанам̣ наяанаананд̣̇агарам̣ бассанд̇ийд̇и ад̇т̇о.

    Tattha udaggacittāti pītisomanassavasena udaggacittā. Sumanāti udaggacittattā eva sumanā. Lokahitānukampakanti lokahitañca lokānukampakañca. Lokahitena vā anukampakaṃ lokahitānukampakaṃ. Nabheva accuggatacandamaṇḍalanti ettha ākāse abhinavoditaṃ paripuṇṇaṃ sabbopaddavavinimuttaṃ saradasamaye candamaṇḍalaṃ viya buddhasiriyā virocamānaṃ nayanānandakaraṃ passantīti attho.

    аабхассараад̇и уггадтабарижчзд̣̇авасзна вуд̇д̇ам̣. барид̇д̇аабхааббамаан̣аабхааабхассараабарид̇д̇амаж̇жхимабан̣ийд̇абхзд̣̇зна д̣̇уд̇ияаж̇жхаанзнаабхиниб̣б̣ад̇д̇аа саб̣б̣зва г̇ахид̇аад̇и взд̣̇ид̇аб̣б̣аа. субхагин̣хаад̇и ид̣̇ам̣ уггадтабарижчзд̣̇авасзнзва вуд̇д̇ам̣, д̇асмаа барид̇д̇асубхааббамаан̣асубхасубхагин̣хаабарид̇д̇аад̣̇ибхзд̣̇зна д̇ад̇ияаж̇жхаанзна ниб̣б̣ад̇д̇аа саб̣б̣зва г̇ахид̇аад̇и взд̣̇ид̇аб̣б̣аа. взхабпалаад̇и вибулаа палаад̇и взхабпалаа. д̇з жад̇уд̇т̇аж̇жхаананиб̣б̣ад̇д̇аа асан̃н̃асад̇д̇зхи згад̇алаваасино. хздтаа бана батамаж̇жхаананиб̣б̣ад̇д̇аа б̣рахмагааяигаад̣̇аяо д̣̇ассид̇аа. д̇асмаа ид̇ха на д̣̇ассид̇аа. жагкусод̇аанамабхаавад̇о асан̃н̃асад̇д̇аа жа аруубино жа ид̇ха на уд̣̇д̣̇идтаа. аганидтаа жа д̣̇звад̇аад̇и ид̇хааби уггадтабарижчзд̣̇авасзнзва вуд̇д̇ам̣. д̇асмаа авихаад̇аббасуд̣̇ассаасуд̣̇ассиаганидтасан̇каад̇аа бан̃жаби суд̣̇д̇хааваасаа г̇ахид̇аад̇и взд̣̇ид̇аб̣б̣аа. сусуд̣̇д̇хасуггавад̇т̇авасанаад̇и судту суд̣̇д̇хаани сусуд̣̇д̇хаани суггаани од̣̇аад̇аани. сусуд̣̇д̇хаани суггаани вад̇т̇аани нивад̇т̇аани жзва бааруд̇аани жа язхи д̇з сусуд̣̇д̇хасуггавад̇т̇авасанаа, барид̣̇ахид̇абарисуд̣̇д̇хабан̣д̣аравад̇т̇аад̇и ад̇т̇о. ‘‘сусуд̣̇д̇хасуггавасанаа’’д̇иби баато. бан̃ж̇алийгад̇аад̇и гад̇абан̃ж̇алигаа гамаламагуласад̣̇исам̣ ан̃ж̇алим̣ сираси гад̇ваа д̇идтанд̇и.

    Ābhassarāti ukkaṭṭhaparicchedavasena vuttaṃ. Parittābhaappamāṇābhaābhassarāparittamajjhimapaṇītabhedena dutiyajjhānenābhinibbattā sabbeva gahitāti veditabbā. Subhakiṇhāti idaṃ ukkaṭṭhaparicchedavaseneva vuttaṃ, tasmā parittasubhaappamāṇasubhasubhakiṇhāparittādibhedena tatiyajjhānena nibbattā sabbeva gahitāti veditabbā. Vehapphalāti vipulā phalāti vehapphalā. Te catutthajjhānanibbattā asaññasattehi ekatalavāsino. Heṭṭhā pana paṭhamajjhānanibbattā brahmakāyikādayo dassitā. Tasmā idha na dassitā. Cakkhusotānamabhāvato asaññasattā ca arūpino ca idha na uddiṭṭhā. Akaniṭṭhā ca devatāti idhāpi ukkaṭṭhaparicchedavaseneva vuttaṃ. Tasmā avihātappasudassāsudassiakaniṭṭhasaṅkhātā pañcapi suddhāvāsā gahitāti veditabbā. Susuddhasukkavatthavasanāti suṭṭhu suddhāni susuddhāni sukkāni odātāni. Susuddhāni sukkāni vatthāni nivatthāni ceva pārutāni ca yehi te susuddhasukkavatthavasanā, paridahitaparisuddhapaṇḍaravatthāti attho. ‘‘Susuddhasukkavasanā’’tipi pāṭho. Pañjalīkatāti katapañjalikā kamalamakulasadisaṃ añjaliṃ sirasi katvā tiṭṭhanti.

    мун̃жанд̇ийд̇и огиранд̇и. бубпам̣ банаад̇и гусумам̣ бана. ‘‘бубпаани ваа’’д̇иби баато, важанавибарияаасо д̣̇адтаб̣б̣о, ад̇т̇о банасса соязва. бан̃жаван̣н̣иганд̇и бан̃жаван̣н̣ам̣ – нийлабийд̇алохид̇од̣̇аад̇аман̃ж̇идтагаван̣н̣авасзна бан̃жаван̣н̣ам̣. жанд̣̇анажун̣н̣амиссид̇анд̇и жанд̣̇анажун̣н̣зна миссид̇ам̣. бхамзнд̇и жзлаанийд̇и бхамаяанд̇и вад̇т̇аани. ахо ж̇ино логахид̇аанугамбагод̇и ‘‘ахо ж̇ино логахид̇о ахо жа логахид̇аанугамбаго ахо гаарун̣иго’’д̇и звамаад̣̇ийни т̇уд̇иважанаани уг̇г̇иранд̇аа. мун̃жанд̇и бубпам̣ бхамаяанд̇и жзлаанийд̇и самб̣анд̇хо.

    Muñcantīti okiranti. Pupphaṃ panāti kusumaṃ pana. ‘‘Pupphāni vā’’tipi pāṭho, vacanavipariyāso daṭṭhabbo, attho panassa soyeva. Pañcavaṇṇikanti pañcavaṇṇaṃ – nīlapītalohitodātamañjiṭṭhakavaṇṇavasena pañcavaṇṇaṃ. Candanacuṇṇamissitanti candanacuṇṇena missitaṃ. Bhamenti celānīti bhamayanti vatthāni. Aho jino lokahitānukampakoti ‘‘aho jino lokahito aho ca lokahitānukampako aho kāruṇiko’’ti evamādīni thutivacanāni uggirantā. Muñcanti pupphaṃ bhamayanti celānīti sambandho.

    ид̣̇аани д̇зхи баяуд̇д̇аани т̇уд̇иважанаани д̣̇ассзд̇ум̣ имаа г̇аат̇ааяо вуд̇д̇аа –

    Idāni tehi payuttāni thutivacanāni dassetuṃ imā gāthāyo vuttā –

    23.

    23.

    ‘‘д̇увам̣ сад̇т̇аа жа гзд̇уу жа, д̇хаж̇о яуубо жа баан̣инам̣;

    ‘‘Tuvaṃ satthā ca ketū ca, dhajo yūpo ca pāṇinaṃ;

    барааяано бад̇идтаа жа, д̣̇ийбо жа д̣̇вибад̣̇уд̇д̇амо.

    Parāyano patiṭṭhā ca, dīpo ca dvipaduttamo.

    24.

    24.

    ‘‘д̣̇асасахассийлогад̇хаад̇уяаа, д̣̇звад̇ааяо махид̣̇д̇хигаа;

    ‘‘Dasasahassīlokadhātuyā, devatāyo mahiddhikā;

    бариваарзд̇ваа намассанд̇и, д̇удтахадтаа бамод̣̇ид̇аа.

    Parivāretvā namassanti, tuṭṭhahaṭṭhā pamoditā.

    25.

    25.

    ‘‘д̣̇звад̇аа д̣̇зваган̃н̃аа жа, басаннаа д̇удтамаанасаа;

    ‘‘Devatā devakaññā ca, pasannā tuṭṭhamānasā;

    бан̃жаван̣н̣игабубпзхи, бууж̇аяанд̇и нараасабхам̣.

    Pañcavaṇṇikapupphehi, pūjayanti narāsabhaṃ.

    26.

    26.

    ‘‘бассанд̇и д̇ам̣ д̣̇звасан̇гхаа, басаннаа д̇удтамаанасаа;

    ‘‘Passanti taṃ devasaṅghā, pasannā tuṭṭhamānasā;

    бан̃жаван̣н̣игабубпзхи, бууж̇аяанд̇и нараасабхам̣.

    Pañcavaṇṇikapupphehi, pūjayanti narāsabhaṃ.

    27.

    27.

    ‘‘ахо ажчарияам̣ логз, аб̣бхуд̇ам̣ ломахам̣санам̣;

    ‘‘Aho acchariyaṃ loke, abbhutaṃ lomahaṃsanaṃ;

    на мзд̣̇исам̣ бхууд̇абуб̣б̣ам̣, ажчзрам̣ ломахам̣санам̣.

    Na medisaṃ bhūtapubbaṃ, accheraṃ lomahaṃsanaṃ.

    28.

    28.

    ‘‘сагасагамхи бхаванз, нисийд̣̇ид̇ваана д̣̇звад̇аа;

    ‘‘Sakasakamhi bhavane, nisīditvāna devatā;

    хасанд̇и д̇аа махаахасид̇ам̣, д̣̇исваанажчзрагам̣ набхз.

    Hasanti tā mahāhasitaṃ, disvānaccherakaṃ nabhe.

    29.

    29.

    ‘‘аагаасадтаа жа бхуумадтаа, д̇ин̣абант̇аниваасино;

    ‘‘Ākāsaṭṭhā ca bhūmaṭṭhā, tiṇapanthanivāsino;

    гад̇ан̃ж̇алий намассанд̇и, д̇удтахадтаа бамод̣̇ид̇аа.

    Katañjalī namassanti, tuṭṭhahaṭṭhā pamoditā.

    30.

    30.

    ‘‘язби д̣̇ийгхааяугаа нааг̇аа, бун̃н̃аванд̇о махид̣̇д̇хиго;

    ‘‘Yepi dīghāyukā nāgā, puññavanto mahiddhiko;

    бамод̣̇ид̇аа намассанд̇и, бууж̇аяанд̇и наруд̇д̇амам̣.

    Pamoditā namassanti, pūjayanti naruttamaṃ.

    31.

    31.

    ‘‘сан̇г̇ийд̇ияо бавад̇д̇знд̇и, амб̣арз анилан̃ж̇асз;

    ‘‘Saṅgītiyo pavattenti, ambare anilañjase;

    жамманад̣̇д̇хаани ваад̣̇знд̇и, д̣̇исваанажчзрагам̣ набхз.

    Cammanaddhāni vādenti, disvānaccherakaṃ nabhe.

    32.

    32.

    ‘‘сан̇каа жа бан̣аваа жзва, ат̇оби д̣ин̣д̣имаа б̣ахуу;

    ‘‘Saṅkhā ca paṇavā ceva, athopi ḍiṇḍimā bahū;

    анд̇алигкасмим̣ важ̇ж̇анд̇и, д̣̇исваанажчзрагам̣ набхз.

    Antalikkhasmiṃ vajjanti, disvānaccherakaṃ nabhe.

    33.

    33.

    ‘‘аб̣бхуд̇о вад̇а но аж̇ж̇а, уббаж̇ж̇и ломахам̣сано;

    ‘‘Abbhuto vata no ajja, uppajji lomahaṃsano;

    д̇хувамад̇т̇асид̣̇д̇хим̣ лабхаама, кан̣о но бадибаад̣̇ид̇о.

    Dhuvamatthasiddhiṃ labhāma, khaṇo no paṭipādito.

    34.

    34.

    ‘‘б̣уд̣̇д̇ход̇и д̇зсам̣ суд̇ваана, бийд̇и уббаж̇ж̇и д̇аавад̣̇з;

    ‘‘Buddhoti tesaṃ sutvāna, pīti uppajji tāvade;

    б̣уд̣̇д̇хо б̣уд̣̇д̇ход̇и гат̇аяанд̇аа, д̇идтанд̇и бан̃ж̇алийгад̇аа.

    Buddho buddhoti kathayantā, tiṭṭhanti pañjalīkatā.

    35.

    35.

    ‘‘хин̇гаараа саад̇хугаараа жа, уггудти самбахам̣санам̣;

    ‘‘Hiṅkārā sādhukārā ca, ukkuṭṭhi sampahaṃsanaṃ;

    баж̇аа жа вивид̇хаа г̇аг̇анз, вад̇д̇анд̇и бан̃ж̇алийгад̇аа.

    Pajā ca vividhā gagane, vattanti pañjalīkatā.

    36.

    36.

    ‘‘г̇ааяанд̇и сзл̣знд̇и жа ваад̣̇аяанд̇и жа, бхуж̇аани бот̇знд̇и жа нажжаяанд̇и жа;

    ‘‘Gāyanti seḷenti ca vādayanti ca, bhujāni pothenti ca naccayanti ca;

    мун̃жанд̇и бубпам̣ бана бан̃жаван̣н̣игам̣, манд̣̇ааравам̣ жанд̣̇анажун̣н̣амиссид̇ам̣.

    Muñcanti pupphaṃ pana pañcavaṇṇikaṃ, mandāravaṃ candanacuṇṇamissitaṃ.

    37.

    37.

    ‘‘яат̇аа д̇уяхам̣ махаавийра, баад̣̇зсу жаггалагкан̣ам̣;

    ‘‘Yathā tuyhaṃ mahāvīra, pādesu cakkalakkhaṇaṃ;

    д̇хаж̇аваж̇ирабадаагаа, вад̣дхамаанан̇гусаажид̇а’’нд̇и.

    Dhajavajirapaṭākā, vaḍḍhamānaṅkusācita’’nti.

    д̇ад̇т̇а ид̇халогабаралогахид̇ад̇т̇ам̣ саасад̇ийд̇и сад̇т̇аа. гзд̇ууд̇и гзд̇уно абажид̇игаад̇аб̣б̣адтзна гзд̇у вияаад̇и гзд̇у. д̇хаж̇од̇и инд̣̇ад̇хаж̇о самуссаяадтзна д̣̇ассанийяадтзна жа д̇увам̣ д̇хаж̇о вияаад̇и д̇хаж̇од̇и. ат̇а ваа яат̇аа хи логз яасса гассажи д̇хаж̇ам̣ д̣̇исваава – ‘‘аяам̣ д̇хаж̇о ид̇т̇аннаамассаа’’д̇и д̇хаж̇аваа д̇хаж̇ийд̇и бан̃н̃ааяад̇и, звамзва бхаг̇аваа бан̃н̃ааниб̣б̣аанаад̇хиг̇амааяа бхаг̇аванд̇ам̣ д̣̇исваава ниб̣б̣аанаад̇хиг̇амо бан̃н̃ааяад̇и. д̇зна вуд̇д̇ам̣ – ‘‘д̇хаж̇о яуубо жаа’’д̇и. гуудад̣̇анд̇асуд̇д̇з вуд̇д̇аанам̣ д̣̇аанаад̣̇иаасавагкаяан̃аан̣абарияосаанаанам̣ саб̣б̣аяааг̇аанам̣ яаж̇анад̇т̇ааяа самуссид̇о яуубо д̇уванд̇и ад̇т̇о. барааяанод̇и бадисаран̣ам̣. бад̇идтаад̇и яат̇аа махаабат̇авий саб̣б̣абаан̣ийнам̣ аад̇хаарабхаавзна бад̇идтаа ниссаяабхууд̇аа, звам̣ д̇увамби бад̇идтаабхууд̇аа. д̣̇ийбо жаад̇и бад̣̇ийбо. яат̇аа жад̇уран̇г̇з д̇амаси вад̇д̇амаанаанам̣ сад̇д̇аанам̣ ааробид̇о бад̣̇ийбо руубасанд̣̇ассано ход̇и. звам̣ авиж̇ж̇анд̇хагаарз вад̇д̇амаанаанам̣ сад̇д̇аанам̣ барамад̇т̇асанд̣̇ассано бад̣̇ийбо д̇уванд̇и ад̇т̇о. ат̇а ваа махаасамуд̣̇д̣̇з бхиннанааваанам̣ сад̇д̇аанам̣ самуд̣̇д̣̇ад̣̇ийбо яат̇аа бад̇идтаа ход̇и, звам̣ д̇увамби сам̣саарасааг̇арз алаб̣бханзяяабад̇идтз осийд̣̇анд̇аанам̣ баан̣ийнам̣ д̣̇ийбо вияаад̇и д̣̇ийбод̇и ад̇т̇о.

    Tattha idhalokaparalokahitatthaṃ sāsatīti satthā. Ketūti ketuno apacitikātabbaṭṭhena ketu viyāti ketu. Dhajoti indadhajo samussayaṭṭhena dassanīyaṭṭhena ca tuvaṃ dhajo viyāti dhajoti. Atha vā yathā hi loke yassa kassaci dhajaṃ disvāva – ‘‘ayaṃ dhajo itthannāmassā’’ti dhajavā dhajīti paññāyati, evameva bhagavā paññānibbānādhigamāya bhagavantaṃ disvāva nibbānādhigamo paññāyati. Tena vuttaṃ – ‘‘dhajo yūpo cā’’ti. Kūṭadantasutte vuttānaṃ dānādiāsavakkhayañāṇapariyosānānaṃ sabbayāgānaṃ yajanatthāya samussito yūpo tuvanti attho. Parāyanoti paṭisaraṇaṃ. Patiṭṭhāti yathā mahāpathavī sabbapāṇīnaṃ ādhārabhāvena patiṭṭhā nissayabhūtā, evaṃ tuvampi patiṭṭhābhūtā. Dīpo cāti padīpo. Yathā caturaṅge tamasi vattamānānaṃ sattānaṃ āropito padīpo rūpasandassano hoti. Evaṃ avijjandhakāre vattamānānaṃ sattānaṃ paramatthasandassano padīpo tuvanti attho. Atha vā mahāsamudde bhinnanāvānaṃ sattānaṃ samuddadīpo yathā patiṭṭhā hoti, evaṃ tuvampi saṃsārasāgare alabbhaneyyapatiṭṭhe osīdantānaṃ pāṇīnaṃ dīpo viyāti dīpoti attho.

    д̣̇вибад̣̇уд̇д̇амод̇и д̣̇вибад̣̇аанам̣ уд̇д̇амо д̣̇вибад̣̇уд̇д̇амо, зд̇т̇а бана нид̣̇д̇хааран̣алагкан̣асса абхаавад̇о чадтийсамаасасса бадисзд̇хо над̇т̇и, нид̣̇д̇хааран̣алагкан̣ааяа чадтияаа самаасо бадисид̣̇д̇хо. саммаасамб̣уд̣̇д̇хо бана абад̣̇аанам̣ д̣̇вибад̣̇аанам̣ жад̇уббад̣̇аанам̣ б̣ахуббад̣̇аанам̣ руубийнам̣ аруубийнам̣ сан̃н̃ийнам̣ асан̃н̃ийнам̣ нзвасан̃н̃ийнаасан̃н̃ийнам̣ уд̇д̇амова. гасмаа банид̇ха ‘‘д̣̇вибад̣̇уд̇д̇амо’’д̇и вуд̇д̇од̇и жз? сздтад̇аравасзна. имасмин̃хи логз сздто наама уббаж̇ж̇амаано абад̣̇ажад̇уббад̣̇аб̣ахуббад̣̇зсуби нуббаж̇ж̇ад̇и. аяам̣ д̣̇вибад̣̇зсуязва уббаж̇ж̇ад̇и. гад̇арад̣̇вибад̣̇зсууд̇и? мануссзсу жзва д̣̇звзсу жа. мануссзсу уббаж̇ж̇амаано д̇исахассимахаасахассилогад̇хаад̇у васз гад̇д̇ум̣ самад̇т̇о б̣уд̣̇д̇хо худ̇ваа ниб̣б̣ад̇д̇ад̇и. д̣̇звзсу уббаж̇ж̇амаано д̣̇асасахассилогад̇хаад̇у васавад̇д̇ий махааб̣рахмаа худ̇ваа ниб̣б̣ад̇д̇ад̇и. со д̇асса габбияагаараго ваа аараамиго ваа самбаж̇ж̇ад̇и. ид̇и д̇ад̇оби сздтад̇аравасзна ‘‘д̣̇вибад̣̇уд̇д̇амо’’д̇и вуд̇д̇о.

    Dvipaduttamoti dvipadānaṃ uttamo dvipaduttamo, ettha pana niddhāraṇalakkhaṇassa abhāvato chaṭṭhīsamāsassa paṭisedho natthi, niddhāraṇalakkhaṇāya chaṭṭhiyā samāso paṭisiddho. Sammāsambuddho pana apadānaṃ dvipadānaṃ catuppadānaṃ bahuppadānaṃ rūpīnaṃ arūpīnaṃ saññīnaṃ asaññīnaṃ nevasaññīnāsaññīnaṃ uttamova. Kasmā panidha ‘‘dvipaduttamo’’ti vuttoti ce? Seṭṭhataravasena. Imasmiñhi loke seṭṭho nāma uppajjamāno apadacatuppadabahuppadesupi nuppajjati. Ayaṃ dvipadesuyeva uppajjati. Kataradvipadesūti? Manussesu ceva devesu ca. Manussesu uppajjamāno tisahassimahāsahassilokadhātu vase kattuṃ samattho buddho hutvā nibbattati. Devesu uppajjamāno dasasahassilokadhātu vasavattī mahābrahmā hutvā nibbattati. So tassa kappiyakārako vā ārāmiko vā sampajjati. Iti tatopi seṭṭhataravasena ‘‘dvipaduttamo’’ti vutto.

    д̣̇асасахассилогад̇хаад̇уяаад̇и д̣̇асасахассисан̇каад̇ааяа логад̇хаад̇уяаа. махид̣̇д̇хигаад̇и махад̇ияаа ид̣̇д̇хияаа яуд̇д̇аа, махаанубхааваад̇и ад̇т̇о. бариваарзд̇ваад̇и бхаг̇аванд̇ам̣ саманд̇ад̇о баригкибид̇ваа. басаннаад̇и сан̃ж̇аад̇асад̣̇д̇хаа. нараасабханд̇и нарабун̇г̇авам̣. ахо ажчарияанд̇и зд̇т̇а анд̇хасса баб̣б̣ад̇аароханам̣ вияа нижжам̣ на ход̇ийд̇и ажчарияам̣, ажчарааяог̇г̇анд̇и ваа ажчарияам̣, ‘‘ахо, ид̣̇ам̣ вимхаяа’’нд̇и ажчарам̣ бахарид̇ум̣ яуд̇д̇анд̇и ад̇т̇о. аб̣бхуд̇анд̇и абхууд̇абуб̣б̣ам̣ абхууд̇анд̇и аб̣бхуд̇ам̣. убхаяамбзд̇ам̣ вимхаяаавахассаад̇хиважанам̣. ломахам̣сананд̇и ломаанам̣ уд̣̇д̇хаг̇г̇абхаавагаран̣ам̣. на мзд̣̇исам̣ бхууд̇абуб̣б̣анд̇и на маяаа ийд̣̇исам̣ бхууд̇абуб̣б̣ам̣, аб̣бхуд̇ам̣ д̣̇идтанд̇и ад̇т̇о. д̣̇идтанд̇и важанам̣ аахарид̇ваа г̇ахзд̇аб̣б̣ам̣. ажчзранд̇и ажчарияам̣.

    Dasasahassilokadhātuyāti dasasahassisaṅkhātāya lokadhātuyā. Mahiddhikāti mahatiyā iddhiyā yuttā, mahānubhāvāti attho. Parivāretvāti bhagavantaṃ samantato parikkhipitvā. Pasannāti sañjātasaddhā. Narāsabhanti narapuṅgavaṃ. Aho acchariyanti ettha andhassa pabbatārohanaṃ viya niccaṃ na hotīti acchariyaṃ, accharāyogganti vā acchariyaṃ, ‘‘aho, idaṃ vimhaya’’nti accharaṃ paharituṃ yuttanti attho. Abbhutanti abhūtapubbaṃ abhūtanti abbhutaṃ. Ubhayampetaṃ vimhayāvahassādhivacanaṃ. Lomahaṃsananti lomānaṃ uddhaggabhāvakaraṇaṃ. Na medisaṃ bhūtapubbanti na mayā īdisaṃ bhūtapubbaṃ, abbhutaṃ diṭṭhanti attho. Diṭṭhanti vacanaṃ āharitvā gahetabbaṃ. Accheranti acchariyaṃ.

    сагасагамхи бхаванзд̇и ад̇д̇ано ад̇д̇ано бхаванз. нисийд̣̇ид̇ваанаад̇и убависса. д̣̇звад̇аад̇и ид̣̇ам̣ бана важанам̣ д̣̇зваанамби д̣̇звад̇хийд̇аанамби саад̇хааран̣аважананд̇и взд̣̇ид̇аб̣б̣ам̣. хасанд̇ид̇аад̇и д̇аа д̣̇звад̇аа махаахасид̇ам̣ хасанд̇и, бийд̇ивасам̣ г̇ад̇ахад̣̇аяад̇ааяа михид̇амад̇д̇ам̣ агад̇ваа аддахаасам̣ хасанд̇ийд̇и ад̇т̇о. набхзд̇и аагаасз.

    Sakasakamhi bhavaneti attano attano bhavane. Nisīditvānāti upavissa. Devatāti idaṃ pana vacanaṃ devānampi devadhītānampi sādhāraṇavacananti veditabbaṃ. Hasantitāti tā devatā mahāhasitaṃ hasanti, pītivasaṃ gatahadayatāya mihitamattaṃ akatvā aṭṭahāsaṃ hasantīti attho. Nabheti ākāse.

    аагаасадтаад̇и аагаасз вимаанаад̣̇ийсу тид̇аа, зсзва наяо бхуумадтзсуби. д̇ин̣абант̇аниваасинод̇и д̇ин̣аг̇г̇зсу жзва бант̇зсу жа ниваасино. бун̃н̃аванд̇од̇и махаабун̃н̃аа. махид̣̇д̇хигаад̇и махаанубхааваа. сан̇г̇ийд̇ияо бавад̇д̇знд̇ийд̇и д̣̇званаадагасан̇г̇ийд̇ияо бавад̇д̇знд̇и, д̇ат̇ааг̇ад̇ам̣ бууж̇анад̇т̇ааяа баяуж̇ж̇анд̇ийд̇и ад̇т̇о. амб̣арзд̇и аагаасз. анилан̃ж̇асзд̇и анилабат̇з, амб̣арасса анзгад̇т̇ад̇д̇аа ‘‘анилан̃ж̇асз’’д̇и вуд̇д̇ам̣, буримассзва взважанам̣. жамманад̣̇д̇хаанийд̇и жаммавинад̣̇д̇хаани. аяамзва ваа баато, д̣̇звад̣̇унд̣̇убхияод̇и ад̇т̇о. ваад̣̇знд̇ийд̇и ваад̣̇аяанд̇и д̣̇звад̇аа.

    Ākāsaṭṭhāti ākāse vimānādīsu ṭhitā, eseva nayo bhūmaṭṭhesupi. Tiṇapanthanivāsinoti tiṇaggesu ceva panthesu ca nivāsino. Puññavantoti mahāpuññā. Mahiddhikāti mahānubhāvā. Saṅgītiyo pavattentīti devanāṭakasaṅgītiyo pavattenti, tathāgataṃ pūjanatthāya payujjantīti attho. Ambareti ākāse. Anilañjaseti anilapathe, ambarassa anekatthattā ‘‘anilañjase’’ti vuttaṃ, purimasseva vevacanaṃ. Cammanaddhānīti cammavinaddhāni. Ayameva vā pāṭho, devadundubhiyoti attho. Vādentīti vādayanti devatā.

    сан̇каад̇и д̇хаманасан̇каа. бан̣аваад̇и д̇анумаж̇жхад̇урияависзсаа. д̣ин̣д̣имаад̇и д̇ин̣аваакуд̣̇д̣̇агабхзрияо вужжанд̇и. важ̇ж̇анд̇ийд̇и ваад̣̇аяанд̇и. аб̣бхуд̇о вад̇а нод̇и ажчарияо вад̇а ну. уббаж̇ж̇ийд̇и уббанно. ломахам̣санод̇и ломахам̣санагаро. д̇хуванд̇и яасмаа бана аб̣бхуд̇о аяам̣ сад̇т̇аа логз уббанно, д̇асмаа д̇хувам̣ авассам̣ ад̇т̇асид̣̇д̇хим̣ лабхаамаад̇и ад̇хиббааяо. лабхаамаад̇и лабхиссаама. кан̣од̇и адтагкан̣авирахид̇о навамо кан̣од̇и ад̇т̇о. нод̇и амхаагам̣. бадибаад̣̇ид̇од̇и бадилад̣̇д̇хо.

    Saṅkhāti dhamanasaṅkhā. Paṇavāti tanumajjhaturiyavisesā. Ḍiṇḍimāti tiṇavākhuddakabheriyo vuccanti. Vajjantīti vādayanti. Abbhuto vata noti acchariyo vata nu. Uppajjīti uppanno. Lomahaṃsanoti lomahaṃsanakaro. Dhuvanti yasmā pana abbhuto ayaṃ satthā loke uppanno, tasmā dhuvaṃ avassaṃ atthasiddhiṃ labhāmāti adhippāyo. Labhāmāti labhissāma. Khaṇoti aṭṭhakkhaṇavirahito navamo khaṇoti attho. Noti amhākaṃ. Paṭipāditoti paṭiladdho.

    б̣уд̣̇д̇ход̇и д̇зсам̣ суд̇ваанаад̇и б̣уд̣̇д̇ход̇и ид̣̇ам̣ важанам̣ суд̇ваа д̇зсам̣ д̣̇зваанам̣ бан̃жаван̣н̣аа бийд̇и уд̣̇абаад̣̇ийд̇и ад̇т̇о. д̇аавад̣̇зд̇и д̇асмим̣ гаалз. хин̇гаараад̇и хин̇гаарасад̣̇д̣̇аа, хим̣хинд̇и яагкаад̣̇аяо бахадтагаалз гаронд̇и. саад̇хугаараад̇и саад̇хугаарасад̣̇д̣̇аа жа бавад̇д̇анд̇и. уггудтийд̇и уггудтисад̣̇д̣̇о жа уннаад̣̇асад̣̇д̣̇о жаад̇и ад̇т̇о. баж̇аад̇и д̣̇зваад̣̇аяо ад̇хиббзд̇аа. гзжи ‘‘бадаагаа вивид̇хаа г̇аг̇анз вад̇д̇анд̇ий’’д̇и батанд̇и. г̇ааяанд̇ийд̇и б̣уд̣̇д̇хаг̇ун̣абадисам̣яуд̇д̇ам̣ г̇ийд̇ам̣ г̇ааяанд̇и.

    Buddhoti tesaṃ sutvānāti buddhoti idaṃ vacanaṃ sutvā tesaṃ devānaṃ pañcavaṇṇā pīti udapādīti attho. Tāvadeti tasmiṃ kāle. Hiṅkārāti hiṅkārasaddā, hiṃhinti yakkhādayo pahaṭṭhakāle karonti. Sādhukārāti sādhukārasaddā ca pavattanti. Ukkuṭṭhīti ukkuṭṭhisaddo ca unnādasaddo cāti attho. Pajāti devādayo adhippetā. Keci ‘‘paṭākā vividhā gagane vattantī’’ti paṭhanti. Gāyantīti buddhaguṇapaṭisaṃyuttaṃ gītaṃ gāyanti.

    сзл̣знд̇ийд̇и мукзна сзл̣ид̇асад̣̇д̣̇ам̣ гаронд̇и. ваад̣̇аяанд̇ийд̇и махад̇ий вибан̃жигаамагарамукаад̣̇аяо вийн̣аа жа д̇урияаани жа д̇ат̇ааг̇ад̇асса бууж̇анад̇т̇ааяа ваад̣̇знд̇и баяож̇знд̇и. бхуж̇аани бот̇знд̇ийд̇и бхуж̇з абподзнд̇и. лин̇г̇авибарияаасо д̣̇адтаб̣б̣о. нажжанд̇и жаад̇и ан̃н̃з жа нажжаабзнд̇и саяан̃жа нажжанд̇и.

    Seḷentīti mukhena seḷitasaddaṃ karonti. Vādayantīti mahatī vipañcikāmakaramukhādayo vīṇā ca turiyāni ca tathāgatassa pūjanatthāya vādenti payojenti. Bhujāni pothentīti bhuje apphoṭenti. Liṅgavipariyāso daṭṭhabbo. Naccanti cāti aññe ca naccāpenti sayañca naccanti.

    яат̇аа д̇уяхам̣ махаавийра, баад̣̇зсу жаггалагкан̣анд̇и зд̇т̇а язна багаарзна яат̇аа. махаавийриязна яог̇ад̇о махаавийро. баад̣̇зсу жаггалагкан̣анд̇и д̇ава убхосу баад̣̇ад̇алзсу сахассаарам̣ санзмигам̣ санаабхигам̣ саб̣б̣аагаарабарибуурам̣ жаггалагкан̣ам̣ собхад̇ийд̇и ад̇т̇о. жагга-сад̣̇д̣̇о банааяам̣ самбад̇д̇ират̇ан̇г̇аирияаабат̇ад̣̇аанарад̇анад̇хаммакуражаггалагкан̣аад̣̇ийсу д̣̇иссад̇и. ‘‘жад̇д̇ааримаани, бхигкавз, жаггаани язхи саманнааг̇ад̇аанам̣ д̣̇звамануссаана’’нд̇иаад̣̇ийсу (а. ни. 4.31) самбад̇д̇ияам̣ д̣̇иссад̇и. ‘‘жаггам̣ва вахад̇о бад̣̇а’’нд̇иаад̣̇ийсу (д̇ха. ба. 1) рат̇ан̇г̇з. ‘‘жад̇ужаггам̣ навад̣̇ваара’’нд̇иаад̣̇ийсу (сам̣. ни. 1.29) ирияаабат̇з. ‘‘д̣̇ад̣̇ам̣ бхун̃ж̇а жа маа жа бамаад̣̇о, жаггам̣ вад̇д̇аяа саб̣б̣абаан̣ина’’нд̇и (ж̇аа. 1.7.149) зд̇т̇а д̣̇аанз. ‘‘д̣̇иб̣б̣ам̣ жаггарад̇анам̣ баад̇убхууд̇а’’нд̇и (д̣̇ий. ни. 2.243; 3.85; ма. ни. 3.256) зд̇т̇а рад̇анажаггз. ‘‘маяаа бавад̇д̇ид̇ам̣ жагга’’нд̇и (су. ни. 562; б̣у. вам̣. 28.17) зд̇т̇а бана д̇хаммажаггз. ‘‘ижчаахад̇асса босасса, жаггам̣ бхамад̇и мад̇т̇агз’’д̇и (ж̇аа. 1.1.104; 1.5.103) зд̇т̇а куражаггз, бахаран̣ажаггзд̇и ад̇т̇о. ‘‘баад̣̇ад̇алзсу жаггаани ж̇аад̇ааний’’д̇и (д̣̇ий. ни. 2.35; 3.200, 204; ма. ни. 2.386) зд̇т̇а лагкан̣з. ид̇хааби лагкан̣ажаггз д̣̇адтаб̣б̣о (ма. ни. адта. 1.148; а. ни. адта. 1.1.187; 2.4.8; бади. ма. адта. 2.2.44). д̇хаж̇аваж̇ирабадаагаа, вад̣дхамаанан̇гусаажид̇анд̇и д̇хаж̇зна жа важ̇ирзна жа бадаагааяа жа вад̣дхамаанзна жа ан̇гусзна жа аажид̇ам̣ алан̇гад̇ам̣ бариваарид̇ам̣ баад̣̇зсу жаггалагкан̣анд̇и ад̇т̇о. жаггалагкан̣з бана г̇ахид̇з сзсалагкан̣аани г̇ахид̇аанзва хонд̇и. д̇ат̇аа асийд̇и ануб̣яан̃ж̇анаани б̣яаамаббабхаа жа. д̇асмаа д̇зхи д̣̇вад̇д̇им̣самахаабурисалагкан̣аасийд̇иануб̣яан̃ж̇анаб̣яаамаббабхаахи самалан̇гад̇о бхаг̇авад̇о гааяо саб̣б̣апаалипулло вияа баарижчад̇д̇аго вигасид̇абад̣̇умам̣ вияа гамалаванам̣ вивид̇харад̇анавижид̇д̇ам̣ вияа наваганагад̇оран̣ам̣ д̇аараамарийживирааж̇ид̇амива г̇аг̇анад̇алам̣ ид̇о жид̇о жа вид̇хаавамаанаа вибпанд̣̇амаанаа чаб̣б̣ан̣н̣аб̣уд̣̇д̇харасмияо мун̃жамаано ад̇ивияа собхад̇и.

    Yathā tuyhaṃ mahāvīra, pādesu cakkalakkhaṇanti ettha yena pakārena yathā. Mahāvīriyena yogato mahāvīro. Pādesu cakkalakkhaṇanti tava ubhosu pādatalesu sahassāraṃ sanemikaṃ sanābhikaṃ sabbākāraparipūraṃ cakkalakkhaṇaṃ sobhatīti attho. Cakka-saddo panāyaṃ sampattirathaṅgairiyāpathadānaratanadhammakhuracakkalakkhaṇādīsu dissati. ‘‘Cattārimāni, bhikkhave, cakkāni yehi samannāgatānaṃ devamanussāna’’ntiādīsu (a. ni. 4.31) sampattiyaṃ dissati. ‘‘Cakkaṃva vahato pada’’ntiādīsu (dha. pa. 1) rathaṅge. ‘‘Catucakkaṃ navadvāra’’ntiādīsu (saṃ. ni. 1.29) iriyāpathe. ‘‘Dadaṃ bhuñja ca mā ca pamādo, cakkaṃ vattaya sabbapāṇina’’nti (jā. 1.7.149) ettha dāne. ‘‘Dibbaṃ cakkaratanaṃ pātubhūta’’nti (dī. ni. 2.243; 3.85; ma. ni. 3.256) ettha ratanacakke. ‘‘Mayā pavattitaṃ cakka’’nti (su. ni. 562; bu. vaṃ. 28.17) ettha pana dhammacakke. ‘‘Icchāhatassa posassa, cakkaṃ bhamati matthake’’ti (jā. 1.1.104; 1.5.103) ettha khuracakke, paharaṇacakketi attho. ‘‘Pādatalesu cakkāni jātānī’’ti (dī. ni. 2.35; 3.200, 204; ma. ni. 2.386) ettha lakkhaṇe. Idhāpi lakkhaṇacakke daṭṭhabbo (ma. ni. aṭṭha. 1.148; a. ni. aṭṭha. 1.1.187; 2.4.8; paṭi. ma. aṭṭha. 2.2.44). Dhajavajirapaṭākā, vaḍḍhamānaṅkusācitanti dhajena ca vajirena ca paṭākāya ca vaḍḍhamānena ca aṅkusena ca ācitaṃ alaṅkataṃ parivāritaṃ pādesu cakkalakkhaṇanti attho. Cakkalakkhaṇe pana gahite sesalakkhaṇāni gahitāneva honti. Tathā asīti anubyañjanāni byāmappabhā ca. Tasmā tehi dvattiṃsamahāpurisalakkhaṇāsītianubyañjanabyāmappabhāhi samalaṅkato bhagavato kāyo sabbaphāliphullo viya pāricchattako vikasitapadumaṃ viya kamalavanaṃ vividharatanavicittaṃ viya navakanakatoraṇaṃ tārāmarīcivirājitamiva gaganatalaṃ ito cito ca vidhāvamānā vipphandamānā chabbaṇṇabuddharasmiyo muñcamāno ativiya sobhati.

    ид̣̇аани бхаг̇авад̇о руубагааяад̇хаммагааяасамбад̇д̇ид̣̇ассанад̇т̇ам̣ –

    Idāni bhagavato rūpakāyadhammakāyasampattidassanatthaṃ –

    38.

    38.

    ‘‘руубз сийлз самаад̇химхи, бан̃н̃ааяа жа асаад̣̇исо;

    ‘‘Rūpe sīle samādhimhi, paññāya ca asādiso;

    вимуд̇д̇ияаа асамасамо, д̇хаммажаггаббавад̇д̇анз’’д̇и. – аяам̣ г̇аат̇аа вуд̇д̇аа;

    Vimuttiyā asamasamo, dhammacakkappavattane’’ti. – ayaṃ gāthā vuttā;

    д̇ад̇т̇а руубзд̇и аяам̣ рууба-сад̣̇д̣̇о канд̇хабхаванимид̇д̇абажжаяасарийраван̣н̣асан̣таанаад̣̇ийсу д̣̇иссад̇и. яат̇ааха – ‘‘яам̣ гин̃жи руубам̣ ад̇ийд̇аанааг̇ад̇абажжуббанна’’нд̇и (ма. ни. 1.361; 3.86, 89; вибха. 2; махаава. 22) зд̇т̇а руубагканд̇хз д̣̇иссад̇и. ‘‘руубуубабад̇д̇ияаа маг̇г̇ам̣ бхаавзд̇ий’’д̇и (д̇ха. са. 160-161; вибха. 624) зд̇т̇а руубабхавз. ‘‘аж̇жхад̇д̇ам̣ аруубасан̃н̃ий б̣ахид̣̇д̇хаа руубаани бассад̇ий’’д̇и (д̣̇ий. ни. 3.338; ма. ни. 2.249; а. ни. 1.435-442; д̇ха. са. 204-205) зд̇т̇а гасин̣анимид̇д̇з. ‘‘саруубаа, бхигкавз, уббаж̇ж̇анд̇и баабагаа агусалаа д̇хаммаа но аруубаа’’д̇и (а. ни. 2.83) зд̇т̇а бажжаяз. ‘‘аагаасо бариваарид̇о руубанд̇взва сан̇кам̣ г̇ажчад̇ий’’д̇и (ма. ни. 1.306) зд̇т̇а сарийрз. ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣а’’нд̇и (ма. ни. 1.204, 400; 3.421, 425-426; сам̣. ни. 4.60; гат̇аа. 465) зд̇т̇а ван̣н̣з. ‘‘руубаббамаан̣о руубаббасанно’’д̇и (а. ни. 4.65) зд̇т̇а сан̣таанз. ид̇хааби сан̣таанз д̣̇адтаб̣б̣о (а. ни. адта. 1.1.1 руубаад̣̇иваг̇г̇аван̣н̣анаа). сийлзд̇и жад̇уб̣б̣ид̇хз сийлз. самаад̇химхийд̇и д̇ивид̇хзби самаад̇химхи. бан̃н̃ааяаад̇и логияалогуд̇д̇арааяа бан̃н̃ааяа. асаад̣̇исод̇и асад̣̇исо анубамо. вимуд̇д̇ияаад̇и палавимуд̇д̇ияаа . асамасамод̇и асамаа ад̇ийд̇аа б̣уд̣̇д̇хаа д̇зхи асамзхи б̣уд̣̇д̇хзхи сийлаад̣̇ийхи самод̇и асамасамо. зд̇д̇аавад̇аа бхаг̇авад̇о руубагааяасамбад̇д̇и д̣̇ассид̇аа.

    Tattha rūpeti ayaṃ rūpa-saddo khandhabhavanimittapaccayasarīravaṇṇasaṇṭhānādīsu dissati. Yathāha – ‘‘yaṃ kiñci rūpaṃ atītānāgatapaccuppanna’’nti (ma. ni. 1.361; 3.86, 89; vibha. 2; mahāva. 22) ettha rūpakkhandhe dissati. ‘‘Rūpūpapattiyā maggaṃ bhāvetī’’ti (dha. sa. 160-161; vibha. 624) ettha rūpabhave. ‘‘Ajjhattaṃ arūpasaññī bahiddhā rūpāni passatī’’ti (dī. ni. 3.338; ma. ni. 2.249; a. ni. 1.435-442; dha. sa. 204-205) ettha kasiṇanimitte. ‘‘Sarūpā, bhikkhave, uppajjanti pāpakā akusalā dhammā no arūpā’’ti (a. ni. 2.83) ettha paccaye. ‘‘Ākāso parivārito rūpantveva saṅkhaṃ gacchatī’’ti (ma. ni. 1.306) ettha sarīre. ‘‘Cakkhuñca paṭicca rūpe ca uppajjati cakkhuviññāṇa’’nti (ma. ni. 1.204, 400; 3.421, 425-426; saṃ. ni. 4.60; kathā. 465) ettha vaṇṇe. ‘‘Rūpappamāṇo rūpappasanno’’ti (a. ni. 4.65) ettha saṇṭhāne. Idhāpi saṇṭhāne daṭṭhabbo (a. ni. aṭṭha. 1.1.1 rūpādivaggavaṇṇanā). Sīleti catubbidhe sīle. Samādhimhīti tividhepi samādhimhi. Paññāyāti lokiyalokuttarāya paññāya. Asādisoti asadiso anupamo. Vimuttiyāti phalavimuttiyā . Asamasamoti asamā atītā buddhā tehi asamehi buddhehi sīlādīhi samoti asamasamo. Ettāvatā bhagavato rūpakāyasampatti dassitā.

    ид̣̇аани бхаг̇авад̇о гааяаб̣алаад̣̇им̣ д̣̇ассзд̇ум̣ –

    Idāni bhagavato kāyabalādiṃ dassetuṃ –

    39.

    39.

    ‘‘д̣̇асанааг̇аб̣алам̣ гааяз, д̇уяхам̣ баагад̇игам̣ б̣алам̣;

    ‘‘Dasanāgabalaṃ kāye, tuyhaṃ pākatikaṃ balaṃ;

    ид̣̇д̇хиб̣алзна асамо, д̇хаммажаггаббавад̇д̇анз’’д̇и. – вуд̇д̇ам̣;

    Iddhibalena asamo, dhammacakkappavattane’’ti. – vuttaṃ;

    д̇ад̇т̇а д̣̇асанааг̇аб̣аланд̇и д̣̇асачад̣̇д̣̇анд̇анааг̇аб̣алам̣. д̣̇увид̇хан̃хи д̇ат̇ааг̇ад̇асса б̣алам̣ – гааяаб̣алам̣, н̃аан̣аб̣алан̃жаад̇и. д̇ад̇т̇а гааяаб̣алам̣ хад̇т̇игулаанусаарзна взд̣̇ид̇аб̣б̣ам̣. гат̇ам̣?

    Tattha dasanāgabalanti dasachaddantanāgabalaṃ. Duvidhañhi tathāgatassa balaṃ – kāyabalaṃ, ñāṇabalañcāti. Tattha kāyabalaṃ hatthikulānusārena veditabbaṃ. Kathaṃ?

    ‘‘гаал̣ааваган̃жа г̇ан̇г̇зяяам̣, бан̣д̣арам̣ д̇амб̣абин̇г̇алам̣;

    ‘‘Kāḷāvakañca gaṅgeyyaṃ, paṇḍaraṃ tambapiṅgalaṃ;

    г̇анд̇хаман̇г̇алахзман̃жа, убосат̇ачад̣̇д̣̇анд̇имз д̣̇асаа’’д̇и.(ма. ни. адта. 1.148; сам̣. ни. адта. 2.2.22; а. ни. адта. 3.10.21; д̣̇ий. ни. адта. 2.198; вибха. адта. 760; уд̣̇аа. адта. 75; жуул̣ани. адта. 81; бади. ма. адта. 2.2.44) –

    Gandhamaṅgalahemañca, uposathachaddantime dasā’’ti.(ma. ni. aṭṭha. 1.148; saṃ. ni. aṭṭha. 2.2.22; a. ni. aṭṭha. 3.10.21; dī. ni. aṭṭha. 2.198; vibha. aṭṭha. 760; udā. aṭṭha. 75; cūḷani. aṭṭha. 81; paṭi. ma. aṭṭha. 2.2.44) –

    имаани д̣̇аса хад̇т̇игулаани взд̣̇ид̇аб̣б̣аани. гаал̣аавагод̇и багад̇ихад̇т̇игулам̣. яам̣ д̣̇асаннам̣ бурисаанам̣ гааяаб̣алам̣, д̇ам̣ згасса гаал̣аавагасса хад̇т̇ино б̣алам̣. яам̣ д̣̇асаннам̣ гаал̣аавагаанам̣ б̣алам̣, д̇ам̣ згасса г̇ан̇г̇зяяассаад̇и зд̇знзва убааязна яаава чад̣̇д̣̇анд̇аб̣алам̣ нзд̇аб̣б̣анд̇и. яам̣ д̣̇асаннам̣ чад̣̇д̣̇анд̇аанам̣ б̣алам̣, д̇ам̣ згасса д̇ат̇ааг̇ад̇асса б̣алам̣, наарааяанаб̣алам̣ важ̇ираб̣аланд̇и ид̣̇амзва вужжад̇и. д̇ад̣̇зд̇ам̣ багад̇ихад̇т̇иг̇ан̣анааяа хад̇т̇игодисахассаанам̣ б̣алам̣, бурисаг̇ан̣анааяа д̣̇асаннам̣ бурисагодисахассаанам̣ б̣алам̣ ход̇и. ид̣̇ам̣ д̇аава д̇ат̇ааг̇ад̇асса багад̇игааяаб̣алам̣, н̃аан̣аб̣алам̣ бана аббамзяяам̣ д̣̇асаб̣алан̃аан̣ам̣ жад̇увзсаараж̇ж̇ан̃аан̣ам̣ адтасу барисаасу агамбанан̃аан̣ам̣ жад̇уяонибарижчзд̣̇аган̃аан̣ам̣ бан̃жаг̇ад̇ибарижчзд̣̇аган̃аан̣ам̣ жуд̣̇д̣̇аса б̣уд̣̇д̇хан̃аан̣аанийд̇и звамаад̣̇игам̣ н̃аан̣аб̣алам̣. ид̇ха бана гааяаб̣алам̣ ад̇хиббзд̇ам̣. гааяз, д̇уяхам̣ баагад̇игам̣ б̣аланд̇и д̇ан̃жа бана д̇ава гааяз баагад̇игаб̣аланд̇и ад̇т̇о. д̇асмаа ‘‘д̣̇асанааг̇аб̣ала’’нд̇и д̣̇асачад̣̇д̣̇анд̇анааг̇аб̣аланд̇и ад̇т̇о.

    Imāni dasa hatthikulāni veditabbāni. Kāḷāvakoti pakatihatthikulaṃ. Yaṃ dasannaṃ purisānaṃ kāyabalaṃ, taṃ ekassa kāḷāvakassa hatthino balaṃ. Yaṃ dasannaṃ kāḷāvakānaṃ balaṃ, taṃ ekassa gaṅgeyyassāti eteneva upāyena yāva chaddantabalaṃ netabbanti. Yaṃ dasannaṃ chaddantānaṃ balaṃ, taṃ ekassa tathāgatassa balaṃ, nārāyanabalaṃ vajirabalanti idameva vuccati. Tadetaṃ pakatihatthigaṇanāya hatthikoṭisahassānaṃ balaṃ, purisagaṇanāya dasannaṃ purisakoṭisahassānaṃ balaṃ hoti. Idaṃ tāva tathāgatassa pakatikāyabalaṃ, ñāṇabalaṃ pana appameyyaṃ dasabalañāṇaṃ catuvesārajjañāṇaṃ aṭṭhasu parisāsu akampanañāṇaṃ catuyoniparicchedakañāṇaṃ pañcagatiparicchedakañāṇaṃ cuddasa buddhañāṇānīti evamādikaṃ ñāṇabalaṃ. Idha pana kāyabalaṃ adhippetaṃ. Kāye, tuyhaṃ pākatikaṃ balanti tañca pana tava kāye pākatikabalanti attho. Tasmā ‘‘dasanāgabala’’nti dasachaddantanāgabalanti attho.

    ид̣̇аани н̃аан̣аб̣алам̣ д̣̇ассзнд̇о ‘‘ид̣̇д̇хиб̣алзна асамо, д̇хаммажаггаббавад̇д̇анз’’д̇и ааха. д̇ад̇т̇а ид̣̇д̇хиб̣алзна асамод̇и вигуб̣б̣анаад̇хидтаанаад̣̇инаа ид̣̇д̇хиб̣алзна асамо асад̣̇исо анубамо. д̇хаммажаггаббавад̇д̇анзд̇и д̣̇зсанаан̃аан̣зби асамод̇и ад̇т̇о.

    Idāni ñāṇabalaṃ dassento ‘‘iddhibalena asamo, dhammacakkappavattane’’ti āha. Tattha iddhibalena asamoti vikubbanādhiṭṭhānādinā iddhibalena asamo asadiso anupamo. Dhammacakkappavattaneti desanāñāṇepi asamoti attho.

    ид̣̇аани ‘‘яо звамаад̣̇иг̇ун̣асаманнааг̇ад̇о сад̇т̇аа, со саб̣б̣алогзганааяаго, д̇ам̣ сад̇т̇аарам̣ намассат̇аа’’д̇и д̇ат̇ааг̇ад̇асса бан̣ааманз нияог̇ад̣̇ассанад̇т̇ам̣ –

    Idāni ‘‘yo evamādiguṇasamannāgato satthā, so sabbalokekanāyako, taṃ satthāraṃ namassathā’’ti tathāgatassa paṇāmane niyogadassanatthaṃ –

    40.

    40.

    ‘‘звам̣ саб̣б̣аг̇ун̣уубзд̇ам̣, саб̣б̣ан̇г̇асамубааг̇ад̇ам̣;

    ‘‘Evaṃ sabbaguṇūpetaṃ, sabbaṅgasamupāgataṃ;

    махаамуним̣ гаарун̣игам̣, логанаат̇ам̣ намассат̇аа’’д̇и. – вуд̇д̇ам̣;

    Mahāmuniṃ kāruṇikaṃ, lokanāthaṃ namassathā’’ti. – vuttaṃ;

    д̇ад̇т̇а званд̇и вуд̇д̇аббагааранид̣̇ассанз нибаад̇о. саб̣б̣аг̇ун̣уубзд̇анд̇и зд̇т̇а саб̣б̣од̇и аяам̣ ниравасзсаваажий. г̇ун̣од̇и аяам̣ г̇ун̣а-сад̣̇д̣̇о анзгзсу ад̇т̇зсу д̣̇иссад̇и. д̇ат̇аа хзса – ‘‘ануж̇аанаами, бхигкавз, ахад̇аанам̣ вад̇т̇аанам̣ д̣̇иг̇ун̣ам̣ сан̇гхаади’’нд̇и (д̣̇ий. ни. адта. 1.546; махаава. 348) зд̇т̇а бадалад̇т̇з д̣̇иссад̇и. ‘‘ажжзнд̇и гаалаа д̇араяанд̇и рад̇д̇ияо, ваяог̇ун̣аа анубуб̣б̣ам̣ ж̇аханд̇ий’’д̇и (сам̣. ни. 1.4) зд̇т̇а раасад̇т̇з. ‘‘сад̇аг̇ун̣аа д̣̇агкин̣аа баадиган̇кид̇аб̣б̣аа’’д̇и (ма. ни. 3.379) зд̇т̇а аанисам̣сад̇т̇з. ‘‘анд̇ам̣ анд̇аг̇ун̣ам̣’’ (д̣̇ий. ни. 2.377; ма. ни. 1.110, 302; 2.114; 3.154, 349; ку. баа. 3.д̣̇вад̇д̇им̣саагаара) ‘‘гаяираа маалааг̇ун̣з б̣ахуу’’д̇и (д̇ха. ба. 53) зд̇т̇а б̣анд̇ханад̇т̇з. ‘‘адтаг̇ун̣асамубзд̇ам̣, абхин̃н̃ааб̣аламаахари’’нд̇и (б̣у. вам̣. 2.29) зд̇т̇а самбад̇д̇иад̇т̇з. ид̇хааби самбад̇д̇иад̇т̇з д̣̇адтаб̣б̣о (д̣̇ий. ни. адта. 1.546; ма. ни. адта. 1.166; жуул̣ани. адта. 136). д̇асмаа саб̣б̣зхи логияалогуд̇д̇арзхи г̇ун̣зхи саб̣б̣асамбад̇д̇ийхи убзд̇ам̣ саманнааг̇ад̇анд̇и ад̇т̇о. саб̣б̣ан̇г̇асамубааг̇ад̇анд̇и саб̣б̣зхи б̣уд̣̇д̇хаг̇ун̣зхи г̇ун̣ан̇г̇зхи ваа самубааг̇ад̇ам̣ саманнааг̇ад̇ам̣. махаамунинд̇и ан̃н̃зхи бажжзгаб̣уд̣̇д̇хаад̣̇ийхи мунийхи ад̇хигабхаавад̇о маханд̇о мунийд̇и вужжад̇и махаамуни. гаарун̣иганд̇и гарун̣ааг̇ун̣аяог̇ад̇о гаарун̣игам̣. логанаат̇анд̇и саб̣б̣алогзганаат̇ам̣, саб̣б̣алогзхи ‘‘аяам̣ но д̣̇угкобад̇аабасса ааханд̇аа самзд̇аа’’д̇и звамаасийсийяад̇ийд̇и ад̇т̇о.

    Tattha evanti vuttappakāranidassane nipāto. Sabbaguṇūpetanti ettha sabboti ayaṃ niravasesavācī. Guṇoti ayaṃ guṇa-saddo anekesu atthesu dissati. Tathā hesa – ‘‘anujānāmi, bhikkhave, ahatānaṃ vatthānaṃ diguṇaṃ saṅghāṭi’’nti (dī. ni. aṭṭha. 1.546; mahāva. 348) ettha paṭalatthe dissati. ‘‘Accenti kālā tarayanti rattiyo, vayoguṇā anupubbaṃ jahantī’’ti (saṃ. ni. 1.4) ettha rāsatthe. ‘‘Sataguṇā dakkhiṇā pāṭikaṅkhitabbā’’ti (ma. ni. 3.379) ettha ānisaṃsatthe. ‘‘Antaṃ antaguṇaṃ’’ (dī. ni. 2.377; ma. ni. 1.110, 302; 2.114; 3.154, 349; khu. pā. 3.dvattiṃsākāra) ‘‘kayirā mālāguṇe bahū’’ti (dha. pa. 53) ettha bandhanatthe. ‘‘Aṭṭhaguṇasamupetaṃ, abhiññābalamāhari’’nti (bu. vaṃ. 2.29) ettha sampattiatthe. Idhāpi sampattiatthe daṭṭhabbo (dī. ni. aṭṭha. 1.546; ma. ni. aṭṭha. 1.166; cūḷani. aṭṭha. 136). Tasmā sabbehi lokiyalokuttarehi guṇehi sabbasampattīhi upetaṃ samannāgatanti attho. Sabbaṅgasamupāgatanti sabbehi buddhaguṇehi guṇaṅgehi vā samupāgataṃ samannāgataṃ. Mahāmuninti aññehi paccekabuddhādīhi munīhi adhikabhāvato mahanto munīti vuccati mahāmuni. Kāruṇikanti karuṇāguṇayogato kāruṇikaṃ. Lokanāthanti sabbalokekanāthaṃ, sabbalokehi ‘‘ayaṃ no dukkhopatāpassa āhantā sametā’’ti evamāsīsīyatīti attho.

    ид̣̇аани д̣̇асаб̣аласса саб̣б̣анибажжаагаарасса арахабхаавад̣̇ассанад̇т̇ам̣ –

    Idāni dasabalassa sabbanipaccākārassa arahabhāvadassanatthaṃ –

    41.

    41.

    ‘‘абхиваад̣̇анам̣ т̇оманан̃жа, ванд̣̇анан̃жа басам̣санам̣;

    ‘‘Abhivādanaṃ thomanañca, vandanañca pasaṃsanaṃ;

    намассанан̃жа бууж̇ан̃жа, саб̣б̣ам̣ арахасий д̇увам̣.

    Namassanañca pūjañca, sabbaṃ arahasī tuvaṃ.

    42.

    42.

    ‘‘яз гзжи логз ванд̣̇анзяяаа, ванд̣̇анам̣ араханд̇и яз;

    ‘‘Ye keci loke vandaneyyā, vandanaṃ arahanti ye;

    саб̣б̣асздто махаавийра, сад̣̇исо д̇з на виж̇ж̇ад̇ий’’д̇и. – вуд̇д̇ам̣;

    Sabbaseṭṭho mahāvīra, sadiso te na vijjatī’’ti. – vuttaṃ;

    д̇ад̇т̇а абхиваад̣̇ананд̇и ан̃н̃зхи ад̇д̇ано абхиваад̣̇анагаараабанам̣. т̇омананд̇и бараммукад̇о т̇уд̇и. ванд̣̇ананд̇и бан̣ааманам̣. басам̣сананд̇и саммукад̇о басам̣санам̣. намассананд̇и ан̃ж̇алигаран̣ам̣, манасаа намассанам̣ ваа. бууж̇ананд̇и маалааг̇анд̇хавилзбанаад̣̇ийхи бууж̇анан̃жа. саб̣б̣анд̇и саб̣б̣амби д̇ам̣ вуд̇д̇аббагаарам̣ саггаарависзсам̣ д̇увам̣ арахаси яуд̇д̇од̇и ад̇т̇о. яз гзжи логз ванд̣̇анзяяаад̇и яз гзжи логз ванд̣̇ид̇аб̣б̣аа ванд̣̇анийяаа ванд̣̇анам̣ араханд̇и. язд̇и яз бана логз ванд̣̇анам̣ араханд̇и. ид̣̇ам̣ бана буримабад̣̇ассзва взважанам̣. саб̣б̣асздтод̇и саб̣б̣зсам̣ д̇зсам̣ сздто уд̇д̇амо, д̇вам̣ махаавийра сад̣̇исо д̇з логз гожи на виж̇ж̇ад̇ийд̇и ад̇т̇о.

    Tattha abhivādananti aññehi attano abhivādanakārāpanaṃ. Thomananti parammukhato thuti. Vandananti paṇāmanaṃ. Pasaṃsananti sammukhato pasaṃsanaṃ. Namassananti añjalikaraṇaṃ, manasā namassanaṃ vā. Pūjananti mālāgandhavilepanādīhi pūjanañca. Sabbanti sabbampi taṃ vuttappakāraṃ sakkāravisesaṃ tuvaṃ arahasi yuttoti attho. Ye keci loke vandaneyyāti ye keci loke vanditabbā vandanīyā vandanaṃ arahanti. Yeti ye pana loke vandanaṃ arahanti. Idaṃ pana purimapadasseva vevacanaṃ. Sabbaseṭṭhoti sabbesaṃ tesaṃ seṭṭho uttamo, tvaṃ mahāvīra sadiso te loke koci na vijjatīti attho.

    ат̇а бхаг̇авад̇и яамагабаадихаарияам̣ д̣̇ассзд̇ваа рад̇анажан̇гамам̣ маабзд̇ваа д̇ад̇ра жан̇гамамаанз ааяасмаа саарибуд̇д̇о рааж̇аг̇ахз вихарад̇и г̇иж̇жхагуудз баб̣б̣ад̇з бан̃жахи бариваарабхигкусад̇зхи. ат̇а т̇зро бхаг̇аванд̇ам̣ ологзнд̇о ад̣̇д̣̇аса габилабурз аагаасз рад̇анажан̇гамз жан̇гамамаанам̣. д̇зна вуд̇д̇ам̣ –

    Atha bhagavati yamakapāṭihāriyaṃ dassetvā ratanacaṅkamaṃ māpetvā tatra caṅkamamāne āyasmā sāriputto rājagahe viharati gijjhakūṭe pabbate pañcahi parivārabhikkhusatehi. Atha thero bhagavantaṃ olokento addasa kapilapure ākāse ratanacaṅkame caṅkamamānaṃ. Tena vuttaṃ –

    43.

    43.

    ‘‘саарибуд̇д̇о махаабан̃н̃о, самаад̇хиж̇жхаанаговид̣̇о;

    ‘‘Sāriputto mahāpañño, samādhijjhānakovido;

    г̇иж̇жхагуудз тид̇оязва, бассад̇и логанааяага’’нд̇и. – аад̣̇и;

    Gijjhakūṭe ṭhitoyeva, passati lokanāyaka’’nti. – ādi;

    д̇ад̇т̇а саарибуд̇д̇од̇и руубасаарияаа наама б̣раахман̣ияаа буд̇д̇од̇и саарибуд̇д̇о. махаабан̃н̃од̇и махад̇ияаа сол̣асавид̇хааяа бан̃н̃ааяа саманнааг̇ад̇од̇и махаабан̃н̃о. самаад̇хиж̇жхаанаговид̣̇од̇и зд̇т̇а самаад̇хийд̇и жид̇д̇ам̣ самам̣ аад̣̇ахад̇и аарамман̣з табзд̇ийд̇и самаад̇хи. со д̇ивид̇хо ход̇и савид̇аггасавижааро авид̇аггавижаарамад̇д̇о авид̇аггаавижааро самаад̇хийд̇и. жхаананд̇и батамаж̇жхаанам̣ д̣̇уд̇ияаж̇жхаанам̣ д̇ад̇ияаж̇жхаанам̣ жад̇уд̇т̇аж̇жхаананд̇и имзхи батамаж̇жхаанаад̣̇ийхи мзд̇д̇аажхаанаад̣̇ийниби сан̇г̇ахид̇аанзва хонд̇и, жхаанамби д̣̇увид̇хам̣ ход̇и лагкан̣уубаниж̇жхаанам̣ аарамман̣уубаниж̇жхаананд̇и. д̇ад̇т̇а анижжаад̣̇илагкан̣ам̣ убаниж̇жхааяад̇ийд̇и вибассанаан̃аан̣ам̣ ‘‘лагкан̣уубаниж̇жхаана’’нд̇и вужжад̇и. батамаж̇жхаанаад̣̇игам̣ бана аарамман̣уубаниж̇жхаанад̇о бажжанийгажхаабанад̇о ваа жхаананд̇и вужжад̇и. самаад̇хийсу жа жхаанзсу жа говид̣̇од̇и самаад̇хиж̇жхаанаговид̣̇о, самаад̇хиж̇жхаанагусалод̇и ад̇т̇о. г̇иж̇жхагуудзд̇и звам̣наамагз баб̣б̣ад̇з тид̇оязва бассад̇ийд̇и басси.

    Tattha sāriputtoti rūpasāriyā nāma brāhmaṇiyā puttoti sāriputto. Mahāpaññoti mahatiyā soḷasavidhāya paññāya samannāgatoti mahāpañño. Samādhijjhānakovidoti ettha samādhīti cittaṃ samaṃ ādahati ārammaṇe ṭhapetīti samādhi. So tividho hoti savitakkasavicāro avitakkavicāramatto avitakkaavicāro samādhīti. Jhānanti paṭhamajjhānaṃ dutiyajjhānaṃ tatiyajjhānaṃ catutthajjhānanti imehi paṭhamajjhānādīhi mettājhānādīnipi saṅgahitāneva honti, jhānampi duvidhaṃ hoti lakkhaṇūpanijjhānaṃ ārammaṇūpanijjhānanti. Tattha aniccādilakkhaṇaṃ upanijjhāyatīti vipassanāñāṇaṃ ‘‘lakkhaṇūpanijjhāna’’nti vuccati. Paṭhamajjhānādikaṃ pana ārammaṇūpanijjhānato paccanīkajhāpanato vā jhānanti vuccati. Samādhīsu ca jhānesu ca kovidoti samādhijjhānakovido, samādhijjhānakusaloti attho. Gijjhakūṭeti evaṃnāmake pabbate ṭhitoyeva passatīti passi.

    44. супуллам̣ сааларааж̇ам̣ ваад̇и самаваддагканд̇хам̣ самуг̇г̇ад̇авибулагомалапалабаллаван̇гурасамалан̇гад̇асаакам̣ саб̣б̣апаалипуллам̣ сааларааж̇ам̣ вияа сийламуулам̣ самаад̇хигканд̇хам̣ бан̃н̃аасаакам̣ абхин̃н̃аабубпам̣ вимуд̇д̇ипалам̣ д̣̇асаб̣аласааларааж̇ам̣ ологзсийд̇и звам̣ ологабад̣̇зна самб̣анд̇хо. жанд̣̇ам̣ва г̇аг̇анз яат̇аад̇и аб̣бхаахимад̇хуумараж̇ораахубасаг̇г̇авинимуд̇д̇ам̣ д̇аараг̇ан̣абаривуд̇ам̣ сарад̣̇асамаяз барибун̣н̣ам̣ вияа раж̇анигарам̣ саб̣б̣агилзсад̇имиравид̇хаманагарам̣ взнзяяаж̇анагумуд̣̇аванавигасанагарам̣ муниварараж̇анигарам̣ ологзд̇ийд̇и ад̇т̇о. яат̇аад̇и нибаад̇амад̇д̇ам̣. маж̇жханхигзва суурияанд̇и маж̇жханхигасамаяз сирияаа бадуд̇арагиран̣амаалинам̣ ам̣сумаалинамива вирожамаанам̣. нараасабханд̇и наравасабхам̣.

    44.Suphullaṃsālarājaṃ vāti samavaṭṭakkhandhaṃ samuggatavipulakomalaphalapallavaṅkurasamalaṅkatasākhaṃ sabbaphāliphullaṃ sālarājaṃ viya sīlamūlaṃ samādhikkhandhaṃ paññāsākhaṃ abhiññāpupphaṃ vimuttiphalaṃ dasabalasālarājaṃ olokesīti evaṃ olokapadena sambandho. Candaṃva gagane yathāti abbhāhimadhūmarajorāhupasaggavinimuttaṃ tāragaṇaparivutaṃ saradasamaye paripuṇṇaṃ viya rajanikaraṃ sabbakilesatimiravidhamanakaraṃ veneyyajanakumudavanavikasanakaraṃ munivararajanikaraṃ oloketīti attho. Yathāti nipātamattaṃ. Majjhanhikeva sūriyanti majjhanhikasamaye siriyā paṭutarakiraṇamālinaṃ aṃsumālinamiva virocamānaṃ. Narāsabhanti naravasabhaṃ.

    45. ж̇аланд̇анд̇и д̣̇ад̣̇д̣̇ал̣хамаанам̣, сарад̣̇асамаяам̣ барибун̣н̣ажанд̣̇асассиригажаарувад̣̇анасобхам̣ лагкан̣аануб̣яан̃ж̇анасамалан̇гад̇аварасарийрам̣ барамааяа б̣уд̣̇д̇хасирияаа вирожамаананд̇и ад̇т̇о. д̣̇ийбаругкам̣ ваад̇и ааробид̇ад̣̇ийбам̣ д̣̇ийбаругкамива. д̇арун̣асуурияам̣ва уг̇г̇ад̇анд̇и абхинавод̣̇ид̇аад̣̇ижжамива, соммабхаавзна ж̇аланд̇анд̇и ад̇т̇о. суурияасса д̇арун̣абхааво бана уд̣̇аяам̣ бадижжа вужжад̇и. на хи жанд̣̇асса вияа хаанивуд̣̇д̇хияо ад̇т̇и. б̣яаамаббабхаануран̃ж̇ид̇анд̇и б̣яаамаббабхааяа ануран̃ж̇ид̇ам̣. д̇хийрам̣ бассад̇и логанааяаганд̇и саб̣б̣алогзгад̇хийрам̣ бассад̇и нааяаганд̇и ад̇т̇о.

    45.Jalantanti daddaḷhamānaṃ, saradasamayaṃ paripuṇṇacandasassirikacāruvadanasobhaṃ lakkhaṇānubyañjanasamalaṅkatavarasarīraṃ paramāya buddhasiriyā virocamānanti attho. Dīparukkhaṃ vāti āropitadīpaṃ dīparukkhamiva. Taruṇasūriyaṃva uggatanti abhinavoditādiccamiva, sommabhāvena jalantanti attho. Sūriyassa taruṇabhāvo pana udayaṃ paṭicca vuccati. Na hi candassa viya hānivuddhiyo atthi. Byāmappabhānurañjitanti byāmappabhāya anurañjitaṃ. Dhīraṃ passati lokanāyakanti sabbalokekadhīraṃ passati nāyakanti attho.

    ат̇ааяасмаа д̇хаммасзнаабад̇и ад̇исийд̇аласалилад̇харанигарабарижумб̣ид̇агуудз наанаавид̇хасурабхид̇аругусумаваасид̇агуудз барамаружиражид̇д̇агуудз г̇иж̇жхагуудз баб̣б̣ад̇з тад̇ваава д̣̇асахи жаггаваал̣асахассзхи ааг̇ад̇зхи д̣̇зваб̣рахмаг̇ан̣зхи баривуд̇ам̣ бхаг̇аванд̇ам̣ ануд̇д̇арааяа б̣уд̣̇д̇хасирияаа анобамааяа б̣уд̣̇д̇халийл̣ааяа саб̣б̣арад̇анамаяз жан̇гамз жан̇гамамаанам̣ д̣̇исваа – ‘‘ханд̣̇аахам̣ бхаг̇аванд̇ам̣ убасан̇гамид̇ваа б̣уд̣̇д̇хаг̇ун̣абарид̣̇ийбанам̣ б̣уд̣̇д̇хавам̣сад̣̇зсанам̣ яаажзяяа’’нд̇и жинд̇зд̇ваа ад̇д̇анаа сад̣̇д̇хим̣ васамаанаани бан̃жа бхигкусад̇аани саннибаад̇зси. д̇зна вуд̇д̇ам̣ –

    Athāyasmā dhammasenāpati atisītalasaliladharanikaraparicumbitakūṭe nānāvidhasurabhitarukusumavāsitakūṭe paramaruciracittakūṭe gijjhakūṭe pabbate ṭhatvāva dasahi cakkavāḷasahassehi āgatehi devabrahmagaṇehi parivutaṃ bhagavantaṃ anuttarāya buddhasiriyā anopamāya buddhalīḷāya sabbaratanamaye caṅkame caṅkamamānaṃ disvā – ‘‘handāhaṃ bhagavantaṃ upasaṅkamitvā buddhaguṇaparidīpanaṃ buddhavaṃsadesanaṃ yāceyya’’nti cintetvā attanā saddhiṃ vasamānāni pañca bhikkhusatāni sannipātesi. Tena vuttaṃ –

    46.

    46.

    ‘‘бан̃жаннам̣ бхигкусад̇аанам̣, гад̇агижжаана д̇аад̣̇инам̣;

    ‘‘Pañcannaṃ bhikkhusatānaṃ, katakiccāna tādinaṃ;

    кийн̣аасаваанам̣ вималаанам̣, кан̣зна саннибаад̇аяий’’д̇и.

    Khīṇāsavānaṃ vimalānaṃ, khaṇena sannipātayī’’ti.

    д̇ад̇т̇а бан̃жаннам̣ бхигкусад̇аананд̇и бан̃жа бхигкусад̇аани, убаяог̇ад̇т̇з саамиважанам̣ д̣̇адтаб̣б̣ам̣. гад̇агижжаананд̇и жад̇уусу сажжзсу жад̇уухи маг̇г̇зхи барин̃н̃аабахаанасажчигирияабхааванаавасзна баринидтид̇асол̣асагижжаананд̇и ад̇т̇о. кийн̣аасаваананд̇и баригкийн̣ажад̇ураасаваанам̣. вималаананд̇и виг̇ад̇амалаанам̣ , кийн̣аасавад̇д̇аа ваа вималаанам̣ барамабарисуд̣̇д̇хажид̇д̇асанд̇аанаананд̇и ад̇т̇о. кан̣знаад̇и кан̣зязва. саннибаад̇аяийд̇и саннибаад̇зси.

    Tattha pañcannaṃ bhikkhusatānanti pañca bhikkhusatāni, upayogatthe sāmivacanaṃ daṭṭhabbaṃ. Katakiccānanti catūsu saccesu catūhi maggehi pariññāpahānasacchikiriyabhāvanāvasena pariniṭṭhitasoḷasakiccānanti attho. Khīṇāsavānanti parikkhīṇacaturāsavānaṃ. Vimalānanti vigatamalānaṃ , khīṇāsavattā vā vimalānaṃ paramaparisuddhacittasantānānanti attho. Khaṇenāti khaṇeyeva. Sannipātayīti sannipātesi.

    ид̣̇аани д̇зсам̣ бхигкуунам̣ саннибаад̇з г̇аманз жа гааран̣ам̣ д̣̇ассанад̇т̇ам̣ –

    Idāni tesaṃ bhikkhūnaṃ sannipāte gamane ca kāraṇaṃ dassanatthaṃ –

    47.

    47.

    ‘‘логаббасаад̣̇анам̣ наама, баадихийрам̣ нид̣̇ассаяи;

    ‘‘Lokappasādanaṃ nāma, pāṭihīraṃ nidassayi;

    амхзби д̇ад̇т̇а г̇анд̇ваана, ванд̣̇иссаама маяам̣ ж̇инам̣.

    Amhepi tattha gantvāna, vandissāma mayaṃ jinaṃ.

    48.

    48.

    ‘‘зт̇а саб̣б̣з г̇амиссаама, д̇ужчиссаама маяам̣ ж̇инам̣;

    ‘‘Etha sabbe gamissāma, tucchissāma mayaṃ jinaṃ;

    ган̇кам̣ винод̣̇аяиссаама, бассид̇ваа логанааяага’’нд̇и. – имаа г̇аат̇ааяо вуд̇д̇аа;

    Kaṅkhaṃ vinodayissāma, passitvā lokanāyaka’’nti. – imā gāthāyo vuttā;

    д̇ад̇т̇а логаббасаад̣̇анам̣ наамаад̇и логасса басаад̣̇агаран̣ад̇о логаббасаад̣̇анам̣ баадихийрам̣ вужжад̇и. ‘‘уллогаббасаад̣̇анам̣ наамаад̇иби баато, д̇асса логавиваран̣абаадихаарияанд̇и ад̇т̇о. д̇ам̣ бана уд̣̇д̇хам̣ аганидтабхаванад̇о хздтаа яаава авийжи зд̇т̇анд̇арз згаалогам̣ гад̇ваа зд̇т̇анд̇арз саб̣б̣зсамби сад̇д̇аанам̣ ан̃н̃аман̃н̃ам̣ д̣̇ассанагаран̣аад̇хидтаананд̇и вужжад̇и. нид̣̇ассаяийд̇и д̣̇ассзси. амхзбийд̇и маяамби. д̇ад̇т̇аад̇и яад̇т̇а бхаг̇аваа, д̇ад̇т̇а г̇анд̇ваанаад̇и ад̇т̇о. ванд̣̇иссаамаад̇и маяам̣ бхаг̇авад̇о баад̣̇з сирасаа ванд̣̇иссаама. зд̇т̇а бана амхзби, маяанд̇и имзсам̣ д̣̇виннам̣ сад̣̇д̣̇аанам̣ буримасса г̇аманагирияааяа самб̣анд̇хо д̣̇адтаб̣б̣о, бажчимасса ванд̣̇анагирияааяа. ид̇арат̇аа хи бунаруд̇д̇ид̣̇осад̇о на мужжад̇и.

    Tattha lokappasādanaṃ nāmāti lokassa pasādakaraṇato lokappasādanaṃ pāṭihīraṃ vuccati. ‘‘Ullokappasādanaṃ nāmātipi pāṭho, tassa lokavivaraṇapāṭihāriyanti attho. Taṃ pana uddhaṃ akaniṭṭhabhavanato heṭṭhā yāva avīci etthantare ekālokaṃ katvā etthantare sabbesampi sattānaṃ aññamaññaṃ dassanakaraṇādhiṭṭhānanti vuccati. Nidassayīti dassesi. Amhepīti mayampi. Tatthāti yattha bhagavā, tattha gantvānāti attho. Vandissāmāti mayaṃ bhagavato pāde sirasā vandissāma. Ettha pana amhepi, mayanti imesaṃ dvinnaṃ saddānaṃ purimassa gamanakiriyāya sambandho daṭṭhabbo, pacchimassa vandanakiriyāya. Itarathā hi punaruttidosato na muccati.

    зт̇аад̇и ааг̇ажчат̇а. ган̇кам̣ винод̣̇аяиссаамаад̇и зд̇т̇ааха – кийн̣аасаваанам̣ бана ган̇каа наама гаажиби над̇т̇и, гасмаа т̇зро звамаахаад̇и? сажжамзвзд̇ам̣, батамамаг̇г̇знзва самужчзд̣̇ам̣ г̇ад̇аа. яат̇ааха –

    Ethāti āgacchatha. Kaṅkhaṃvinodayissāmāti etthāha – khīṇāsavānaṃ pana kaṅkhā nāma kācipi natthi, kasmā thero evamāhāti? Saccamevetaṃ, paṭhamamaggeneva samucchedaṃ gatā. Yathāha –

    ‘‘гад̇амз д̇хаммаа д̣̇ассанзна бахаад̇аб̣б̣аад̇и? жад̇д̇ааро д̣̇идтиг̇ад̇асамбаяуд̇д̇ажид̇д̇уббаад̣̇аа вижигижчаасахаг̇ад̇о жид̇д̇уббаад̣̇о абааяаг̇аманийяо лобхо д̣̇осо мохо маано д̇ад̣̇згадтаа жа гилзсаа’’д̇и (д̇ха. са. 1405 т̇огам̣ висад̣̇исам̣).

    ‘‘Katame dhammā dassanena pahātabbāti? Cattāro diṭṭhigatasampayuttacittuppādā vicikicchāsahagato cittuppādo apāyagamanīyo lobho doso moho māno tadekaṭṭhā ca kilesā’’ti (dha. sa. 1405 thokaṃ visadisaṃ).

    на банзсаа вижигижчаасан̇каад̇аа ган̇каад̇и, гинд̇у бан̃н̃ад̇д̇иаж̇аананам̣ наама. т̇зро бана бхаг̇аванд̇ам̣ б̣уд̣̇д̇хавам̣сам̣ бужчид̇угаамо, со бана б̣уд̣̇д̇хаанам̣язва висаяо, на бажжзгаб̣уд̣̇д̇хаб̣уд̣̇д̇хасаавагаанам̣, д̇асмаа т̇зро ависаяад̇д̇аа звамаахаад̇и взд̣̇ид̇аб̣б̣ам̣. винод̣̇аяиссаамаад̇и винод̣̇зссаама.

    Na panesā vicikicchāsaṅkhātā kaṅkhāti, kintu paññattiajānanaṃ nāma. Thero pana bhagavantaṃ buddhavaṃsaṃ pucchitukāmo, so pana buddhānaṃyeva visayo, na paccekabuddhabuddhasāvakānaṃ, tasmā thero avisayattā evamāhāti veditabbaṃ. Vinodayissāmāti vinodessāma.

    ат̇а ко д̇з бхигкуу т̇зрасса важанам̣ суд̇ваа ад̇д̇ано ад̇д̇ано бад̇д̇ажийварамаад̣̇ааяа суваммид̇аа вияа махаанааг̇аа бабхиннагилзсаа чиннаб̣анд̇ханаа аббижчаа санд̇удтаа бавивид̇д̇аа асам̣садтаа сийласамаад̇хибан̃н̃аавимуд̇д̇ивимуд̇д̇ин̃аан̣ад̣̇ассанасамбаннаа д̇арамаанаа саннибад̇д̇им̣су. д̇зна вуд̇д̇ам̣ –

    Atha kho te bhikkhū therassa vacanaṃ sutvā attano attano pattacīvaramādāya suvammitā viya mahānāgā pabhinnakilesā chinnabandhanā appicchā santuṭṭhā pavivittā asaṃsaṭṭhā sīlasamādhipaññāvimuttivimuttiñāṇadassanasampannā taramānā sannipattiṃsu. Tena vuttaṃ –

    49.

    49.

    ‘‘саад̇хууд̇и д̇з бадиссуд̇ваа, нибагаа сам̣вуд̇инд̣̇рияаа;

    ‘‘Sādhūti te paṭissutvā, nipakā saṃvutindriyā;

    бад̇д̇ажийварамаад̣̇ааяа, д̇арамаанаа убааг̇аму’’нд̇и.

    Pattacīvaramādāya, taramānā upāgamu’’nti.

    д̇ад̇т̇а саад̇хууд̇и аяам̣ саад̇ху-сад̣̇д̣̇о ааяаажанасамбадижчанасамбахам̣санасунд̣̇араад̣̇ийсу д̣̇иссад̇и. д̇ат̇аа хзса – ‘‘саад̇ху мз, бханд̇з бхаг̇аваа, сам̣кид̇д̇зна д̇хаммам̣ д̣̇зсзд̇уу’’д̇иаад̣̇ийсу (сам̣. ни. 4.95; 5.382; а. ни. 4.257) ааяаажанз д̣̇иссад̇и. ‘‘саад̇ху, бханд̇зд̇и ко со бхигку бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа’’д̇иаад̣̇ийсу (ма. ни. 3.86) самбадижчанз. ‘‘саад̇ху саад̇ху, саарибуд̇д̇аа’’д̇иаад̣̇ийсу (д̣̇ий. ни. 3.349) самбахам̣санз.

    Tattha sādhūti ayaṃ sādhu-saddo āyācanasampaṭicchanasampahaṃsanasundarādīsu dissati. Tathā hesa – ‘‘sādhu me, bhante bhagavā, saṃkhittena dhammaṃ desetū’’tiādīsu (saṃ. ni. 4.95; 5.382; a. ni. 4.257) āyācane dissati. ‘‘Sādhu, bhanteti kho so bhikkhu bhagavato bhāsitaṃ abhinanditvā anumoditvā’’tiādīsu (ma. ni. 3.86) sampaṭicchane. ‘‘Sādhu sādhu, sāriputtā’’tiādīsu (dī. ni. 3.349) sampahaṃsane.

    ‘‘саад̇ху д̇хаммаружи рааж̇аа, саад̇ху бан̃н̃аан̣аваа наро;

    ‘‘Sādhu dhammaruci rājā, sādhu paññāṇavā naro;

    саад̇ху мид̇д̇аанамад̣̇д̣̇уб̣бхо, баабассаагаран̣ам̣ сука’’нд̇и. –

    Sādhu mittānamaddubbho, pāpassākaraṇaṃ sukha’’nti. –

    аад̣̇ийсу (ж̇аа. 2.18.101) сунд̣̇арз. ид̇ха самбадижчанз. д̇асмаа саад̇ху судтууд̇и т̇зрасса важанам̣ самбадижчид̇ваад̇и ад̇т̇о (д̣̇ий. ни. адта. 1.189; ма. ни. адта. 1.1 суд̇д̇анигкзбаван̣н̣анаа; сам̣. ни. адта. 1.115 аг̇г̇игабхаарад̣̇вааж̇асуд̇д̇аван̣н̣анаа). нибагаад̇и бан̣д̣ид̇аа бан̃н̃аванд̇аа. сам̣вуд̇инд̣̇рияаад̇и инд̣̇риязсу г̇уд̇д̇ад̣̇ваараа, инд̣̇рияасам̣варасаманнааг̇ад̇аад̇и ад̇т̇о. д̇арамаанаад̇и д̇урид̇аа. убааг̇амунд̇и т̇зрам̣ убасан̇гамим̣су.

    Ādīsu (jā. 2.18.101) sundare. Idha sampaṭicchane. Tasmā sādhu suṭṭhūti therassa vacanaṃ sampaṭicchitvāti attho (dī. ni. aṭṭha. 1.189; ma. ni. aṭṭha. 1.1 suttanikkhepavaṇṇanā; saṃ. ni. aṭṭha. 1.115 aggikabhāradvājasuttavaṇṇanā). Nipakāti paṇḍitā paññavantā. Saṃvutindriyāti indriyesu guttadvārā, indriyasaṃvarasamannāgatāti attho. Taramānāti turitā. Upāgamunti theraṃ upasaṅkamiṃsu.

    50-1. ид̣̇аани д̇хаммасзнаабад̇исса бавад̇д̇им̣ д̣̇ассзнд̇зхи сан̇г̇ийд̇игаарагзхи ‘‘кийн̣аасавзхи вималзхий’’д̇иаад̣̇иг̇аат̇ааяо вуд̇д̇аа д̇ад̇т̇а д̣̇анд̇зхийд̇и гааязна жа жид̇д̇зна жа д̣̇анд̇зхи. уд̇д̇амз д̣̇амзд̇и арахад̇д̇з, нимид̇д̇ад̇т̇з бхуммам̣ д̣̇адтаб̣б̣ам̣. д̇зхи бхигкуухийд̇и бан̃жахи бхигкусад̇зхи. махааг̇ан̣ийд̇и сийлаад̣̇ийхи жа сан̇кяаавасзна жа маханд̇о г̇ан̣о асса ад̇т̇ийд̇и махааг̇ан̣ий, наанаабад̣̇авасзна ваа сийлаад̣̇ийхи г̇ун̣зхи маханд̇о г̇ан̣од̇и махааг̇ан̣о, махааг̇ан̣о асса ад̇т̇ийд̇и махааг̇ан̣ий. лал̣анд̇о д̣̇звова г̇аг̇анзд̇и ид̣̇д̇хивилаасзна вилаасзнд̇о д̣̇зво вияа г̇аг̇анад̇алз бхаг̇аванд̇ам̣ убасан̇гамийд̇и ад̇т̇о.

    50-1. Idāni dhammasenāpatissa pavattiṃ dassentehi saṅgītikārakehi ‘‘khīṇāsavehi vimalehī’’tiādigāthāyo vuttā tattha dantehīti kāyena ca cittena ca dantehi. Uttame dameti arahatte, nimittatthe bhummaṃ daṭṭhabbaṃ. Tehi bhikkhūhīti pañcahi bhikkhusatehi. Mahāgaṇīti sīlādīhi ca saṅkhyāvasena ca mahanto gaṇo assa atthīti mahāgaṇī, nānāpadavasena vā sīlādīhi guṇehi mahanto gaṇoti mahāgaṇo, mahāgaṇo assa atthīti mahāgaṇī. Laḷanto devova gaganeti iddhivilāsena vilāsento devo viya gaganatale bhagavantaṃ upasaṅkamīti attho.

    52. ид̣̇аани ‘‘д̇з ид̇т̇амбхууд̇аа убасан̇гамим̣суу’’д̇и убасан̇гамавид̇хаанад̣̇ассанад̇т̇ам̣ ‘‘уггаасид̇ан̃жа кибид̇а’’нд̇иаад̣̇и аарад̣̇д̇хам̣. д̇ад̇т̇а уггаасид̇ан̃жаад̇и уггаасид̇асад̣̇д̣̇ан̃жа. кибид̇анд̇и кибид̇асад̣̇д̣̇ан̃жа. аж̇жхубзгкияаад̇и убзгкид̇ваа, д̇ам̣ убхаяам̣ агад̇ваад̇и ад̇хиббааяо. суб̣б̣ад̇аад̇и сувималад̇худ̇аг̇ун̣аа. саббад̇иссаад̇и сахабад̇иссаяаа, нийжавуд̇д̇инод̇и ад̇т̇о.

    52. Idāni ‘‘te itthambhūtā upasaṅkamiṃsū’’ti upasaṅkamavidhānadassanatthaṃ ‘‘ukkāsitañca khipita’’ntiādi āraddhaṃ. Tattha ukkāsitañcāti ukkāsitasaddañca. Khipitanti khipitasaddañca. Ajjhupekkhiyāti upekkhitvā, taṃ ubhayaṃ akatvāti adhippāyo. Subbatāti suvimaladhutaguṇā. Sappatissāti sahapatissayā, nīcavuttinoti attho.

    53. саяамбхунд̇и саяамзва ан̃н̃аабад̣̇зсам̣ винаа баарамияо буурзд̇ваа ад̇хиг̇ад̇аб̣уд̣̇д̇хабхааванд̇и ад̇т̇о. ажжуг̇г̇ад̇анд̇и абхинавод̣̇ид̇ам̣. жанд̣̇ам̣ ваад̇и жанд̣̇ам̣ вияа, набхз ж̇аланд̇ам̣ бхаг̇аванд̇ам̣ г̇аг̇анз жанд̣̇ам̣ вияа бассанд̇ийд̇и звам̣ бад̣̇асамб̣анд̇хо д̣̇адтаб̣б̣о. ид̇хааби яат̇аа-сад̣̇д̣̇о нибаад̇амад̇д̇ова.

    53.Sayambhunti sayameva aññāpadesaṃ vinā pāramiyo pūretvā adhigatabuddhabhāvanti attho. Accuggatanti abhinavoditaṃ. Candaṃ vāti candaṃ viya, nabhe jalantaṃ bhagavantaṃ gagane candaṃ viya passantīti evaṃ padasambandho daṭṭhabbo. Idhāpi yathā-saddo nipātamattova.

    54. виж̇ж̇ум̣ ваад̇и виж̇ж̇угханам̣ вияа. яад̣̇и жирадтид̇игаа ажираббабхаа асса д̇аад̣̇исанд̇и ад̇т̇о. г̇аг̇анз яат̇аад̇и аагаасз яат̇аа, ид̇хааби яат̇аа-сад̣̇д̣̇о нибаад̇амад̇д̇ова. ид̇о барамби ийд̣̇исзсу таанзсу яат̇аа-сад̣̇д̣̇о нибаад̇амад̇д̇од̇и д̣̇адтаб̣б̣о.

    54.Vijjuṃ vāti vijjughanaṃ viya. Yadi ciraṭṭhitikā acirappabhā assa tādisanti attho. Gagane yathāti ākāse yathā, idhāpi yathā-saddo nipātamattova. Ito parampi īdisesu ṭhānesu yathā-saddo nipātamattoti daṭṭhabbo.

    55. рахад̣̇амива виббасаннанд̇и ад̇иг̇амбхийравид̇т̇ад̇ам̣ махаарахад̣̇ам̣ вияа анаавилам̣ виббасаннам̣ салилам̣. супуллам̣ бад̣̇умам̣ яат̇аад̇и сувигасид̇абад̣̇умаванам̣ рахад̣̇амиваад̇и ад̇т̇о д̣̇адтаб̣б̣о. ‘‘супуллам̣ гамалам̣ яат̇аа’’д̇иби баато, д̇асса гаманийяабхаавзна супуллам̣ гамалаванамиваад̇и ад̇т̇о.

    55.Rahadamiva vippasannanti atigambhīravitthataṃ mahārahadaṃ viya anāvilaṃ vippasannaṃ salilaṃ. Suphullaṃ padumaṃ yathāti suvikasitapadumavanaṃ rahadamivāti attho daṭṭhabbo. ‘‘Suphullaṃ kamalaṃ yathā’’tipi pāṭho, tassa kamanīyabhāvena suphullaṃ kamalavanamivāti attho.

    56. ат̇а д̇з бхигкуу д̇хаммасзнаабад̇иббамукаа ан̃ж̇алим̣ сираси гад̇ваа д̣̇асаб̣аласса жаггаалан̇гад̇ад̇алзсу баад̣̇зсу нибад̇им̣сууд̇и ад̇т̇о. д̇зна вуд̇д̇ам̣ – ‘‘ан̃ж̇алим̣ баг̇г̇ахзд̇ваана, д̇удтахадтаа бамод̣̇ид̇аа’’д̇иаад̣̇и. д̇ад̇т̇а нибад̇анд̇ийд̇и нибад̇им̣су, ванд̣̇им̣сууд̇и ад̇т̇о. жаггалагкан̣зд̇и жаггам̣ лагкан̣ам̣ яасмим̣ баад̣̇з со баад̣̇о жаггалагкан̣о, д̇асмим̣ жаггалагкан̣з. ж̇аад̇ивасзна ‘‘баад̣̇з’’д̇и вуд̇д̇ам̣, сад̇т̇уно жаггаалан̇гад̇ад̇алзсу баад̣̇зсу нибад̇им̣сууд̇и ад̇т̇о.

    56. Atha te bhikkhū dhammasenāpatippamukhā añjaliṃ sirasi katvā dasabalassa cakkālaṅkatatalesu pādesu nipatiṃsūti attho. Tena vuttaṃ – ‘‘añjaliṃ paggahetvāna, tuṭṭhahaṭṭhā pamoditā’’tiādi. Tattha nipatantīti nipatiṃsu, vandiṃsūti attho. Cakkalakkhaṇeti cakkaṃ lakkhaṇaṃ yasmiṃ pāde so pādo cakkalakkhaṇo, tasmiṃ cakkalakkhaṇe. Jātivasena ‘‘pāde’’ti vuttaṃ, satthuno cakkālaṅkatatalesu pādesu nipatiṃsūti attho.

    57. ид̣̇аани д̇зсам̣ гзсан̃жи т̇зраанам̣ наамам̣ д̣̇ассзнд̇зхи ‘‘саарибуд̇д̇о махаабан̃н̃о, горан̣д̣асамасаад̣̇исо’’д̇иаад̣̇и г̇аат̇ааяо вуд̇д̇аа. д̇ад̇т̇а горан̣д̣асамасаад̣̇исод̇и горан̣д̣агусумасад̣̇исаван̣н̣о, яад̣̇и звам̣ ‘‘горан̣д̣асамо’’д̇и ваа, ‘‘горан̣д̣асад̣̇исо’’д̇и ваа вад̇д̇аб̣б̣ам̣, гим̣ д̣̇вигкад̇д̇ум̣ ‘‘самасаад̣̇исо’’д̇и вуд̇д̇анд̇и жз? нааяам̣ д̣̇осо, д̇аад̣̇исо горан̣д̣асамад̇д̇аа горан̣д̣асад̣̇исабхаавзнзва горан̣д̣асамасаад̣̇исо. на банаад̇хигаважанавасзнаад̇и ад̇хиббааяо. самаад̇хиж̇жхаанагусалод̇и зд̇т̇а аяам̣ гусала-сад̣̇д̣̇о д̇аава арог̇яаанаваж̇ж̇ачзгасукавибаагаад̣̇ийсу д̣̇иссад̇и. аяан̃хи ‘‘гажжи ну бход̇о гусалам̣, гажжи бход̇о анаамаяа’’нд̇иаад̣̇ийсу (ж̇аа. 1.15.146; 2.20.129) аарог̇яз д̣̇иссад̇и. ‘‘гад̇амо бана, бханд̇з, гааяасамаажааро гусало ? яо ко, махаарааж̇а, гааяасамаажааро анаваж̇ж̇о’’д̇и (ма. ни. 2.361) звамаад̣̇ийсу анаваж̇ж̇з. ‘‘гусало д̇вам̣ рат̇асса ан̇г̇абажжан̇г̇аана’’нд̇иаад̣̇ийсу (ма. ни. 2.87) чзгз. ‘‘гусаласса гаммасса гад̇ад̇д̇аа убажид̇ад̇д̇аа’’д̇иаад̣̇ийсу (д̇ха. са. 431 аад̣̇аяо) сукавибаагз. ид̇ха бана чзгз д̣̇адтаб̣б̣о. ванд̣̇ад̇зд̇и ванд̣̇ид̇т̇а.

    57. Idāni tesaṃ kesañci therānaṃ nāmaṃ dassentehi ‘‘sāriputto mahāpañño, koraṇḍasamasādiso’’tiādi gāthāyo vuttā. Tattha koraṇḍasamasādisoti koraṇḍakusumasadisavaṇṇo, yadi evaṃ ‘‘koraṇḍasamo’’ti vā, ‘‘koraṇḍasadiso’’ti vā vattabbaṃ, kiṃ dvikkhattuṃ ‘‘samasādiso’’ti vuttanti ce? Nāyaṃ doso, tādiso koraṇḍasamattā koraṇḍasadisabhāveneva koraṇḍasamasādiso. Na panādhikavacanavasenāti adhippāyo. Samādhijjhānakusaloti ettha ayaṃ kusala-saddo tāva arogyānavajjachekasukhavipākādīsu dissati. Ayañhi ‘‘kacci nu bhoto kusalaṃ, kacci bhoto anāmaya’’ntiādīsu (jā. 1.15.146; 2.20.129) ārogye dissati. ‘‘Katamo pana, bhante, kāyasamācāro kusalo ? Yo kho, mahārāja, kāyasamācāro anavajjo’’ti (ma. ni. 2.361) evamādīsu anavajje. ‘‘Kusalo tvaṃ rathassa aṅgapaccaṅgāna’’ntiādīsu (ma. ni. 2.87) cheke. ‘‘Kusalassa kammassa katattā upacitattā’’tiādīsu (dha. sa. 431 ādayo) sukhavipāke. Idha pana cheke daṭṭhabbo. Vandateti vandittha.

    58. г̇аж̇ж̇ид̇аад̇и г̇аж̇ж̇анд̇ийд̇и г̇аж̇ж̇ид̇аа. гааламзгхо ваад̇и нийласалилад̇харо вияа г̇аж̇ж̇ид̇аа ид̣̇д̇хивисаязд̇и ад̇хиббааяо. нийлуббаласамасаад̣̇исод̇и нийлагувалаяасад̣̇исаван̣н̣о. хздтаа вуд̇д̇анаязнзвзд̇т̇ааби ад̇т̇о взд̣̇ид̇аб̣б̣о. мог̇г̇аллаанод̇и звам̣ г̇од̇д̇авасзна лад̣̇д̇ханаамо голид̇о.

    58.Gajjitāti gajjantīti gajjitā. Kālamegho vāti nīlasaliladharo viya gajjitā iddhivisayeti adhippāyo. Nīluppalasamasādisoti nīlakuvalayasadisavaṇṇo. Heṭṭhā vuttanayenevetthāpi attho veditabbo. Moggallānoti evaṃ gottavasena laddhanāmo kolito.

    59. махаагассабоби жаад̇и урувзлагассабанад̣̇ийгассабаг̇аяаагассабагумаарагассабз куд̣̇д̣̇аанукуд̣̇д̣̇агз т̇зрз убаад̣̇ааяа аяам̣ махаа, д̇асмаа ‘‘махаагассабо’’д̇и вуд̇д̇о. би жаад̇и самбхааванасамбин̣д̣анад̇т̇о. уд̇д̇ад̇д̇аганагасаннибход̇и санд̇ад̇д̇асуван̣н̣асад̣̇исачавиван̣н̣о. д̇худ̇аг̇ун̣зд̇и зд̇т̇а гилзсад̇хунанад̇о д̇хаммо д̇худ̇о наама, д̇худ̇аг̇ун̣о наама д̇худ̇ад̇хаммо. гад̇амо бана д̇худ̇ад̇хаммо наама? аббижчад̇аа, санд̇удтид̇аа, саллзкад̇аа, бавивзгад̇аа, ид̣̇амадтигад̇аад̇и имз д̇худ̇ан̇г̇ажзд̇анааяа бариваарабхууд̇аа бан̃жа д̇хаммаа ‘‘аббижчам̣язва ниссааяаа’’д̇иаад̣̇иважанад̇о д̇худ̇ад̇хаммаа наама. ат̇а ваа гилзсз д̇хунанад̇о н̃аан̣ам̣ д̇худ̇ам̣ наама, д̇асмим̣ д̇худ̇аг̇ун̣з. аг̇г̇анигкид̇д̇од̇и аг̇г̇о сздто годибхууд̇од̇и табид̇о. ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ д̇худ̇аваад̣̇аанам̣ яад̣̇ид̣̇ам̣ махаагассабо’’д̇и (а. ни. 1.188, 191) таананд̇арз табид̇од̇и ад̇т̇о. аяам̣ бана аг̇г̇а-сад̣̇д̣̇о аад̣̇игодигодтаасасздтаад̣̇ийсу д̣̇иссад̇и. д̇ат̇аа хзса – ‘‘аж̇ж̇ад̇аг̇г̇з, самма д̣̇оваарига , аавараами д̣̇аарам̣ ниг̇ан̣таанам̣ ниг̇ан̣тийна’’нд̇иаад̣̇ийсу (ма. ни. 2.70) аад̣̇имхи д̣̇иссад̇и. ‘‘д̇знзва ан̇г̇улаг̇г̇зна д̇ам̣ ан̇г̇улаг̇г̇ам̣ бараамасзяяа’’ (гат̇аа. 441), ‘‘ужчаг̇г̇ам̣ взл̣аг̇г̇а’’нд̇иаад̣̇ийсу годияам̣. ‘‘амб̣илаг̇г̇ам̣ ваа мад̇хураг̇г̇ам̣ ваа’’ (сам̣. ни. 5.374) ‘‘ануж̇аанаами, бхигкавз, вихаараг̇г̇зна ваа баривзн̣аг̇г̇зна ваа бхааж̇зд̇у’’нд̇иаад̣̇ийсу (жуул̣ава. 318) годтаасз. ‘‘яаавад̇аа, бхигкавз, сад̇д̇аа абад̣̇аа ваа д̣̇вибад̣̇аа ваа…бз… д̇ат̇ааг̇ад̇о д̇зсам̣ аг̇г̇амагкааяад̇ий’’д̇иаад̣̇ийсу (а. ни. 4.34) сздтз. свааяамид̇ха сздтз д̣̇адтаб̣б̣о. годияамби вад̇д̇ад̇и. т̇зро ад̇д̇ано таанз сздто жзва годибхууд̇о жа. д̇зна вуд̇д̇ам̣ – ‘‘аг̇г̇анигкид̇д̇о’’д̇и, аг̇г̇о сздто годибхууд̇од̇и ад̇т̇о (д̣̇ий. ни. адта. 1.250 саран̣аг̇аманагат̇аа; баараа. адта. 1.15). т̇омид̇од̇и басам̣сид̇о д̣̇звамануссаад̣̇ийхи. сад̇т̇у ван̣н̣ид̇од̇и сад̇т̇аараа ван̣н̣ид̇о т̇уд̇о, ‘‘гассабо, бхигкавз, жанд̣̇уубамо гулаани убасан̇гамад̇и абагассзва гааяам̣ абагасса жид̇д̇ам̣ нижжанаваго гулзсу аббаг̇аб̣бхо’’д̇и звамаад̣̇ийхи анзгзхи суд̇д̇анаязхи (сам̣. ни. 2.146) ван̣н̣ид̇о басад̇т̇о, соби бхаг̇аванд̇ам̣ ванд̣̇ад̇ийд̇и ад̇т̇о.

    59.Mahākassapopi cāti uruvelakassapanadīkassapagayākassapakumārakassape khuddānukhuddake there upādāya ayaṃ mahā, tasmā ‘‘mahākassapo’’ti vutto. Pi cāti sambhāvanasampiṇḍanattho. Uttattakanakasannibhoti santattasuvaṇṇasadisachavivaṇṇo. Dhutaguṇeti ettha kilesadhunanato dhammo dhuto nāma, dhutaguṇo nāma dhutadhammo. Katamo pana dhutadhammo nāma? Appicchatā, santuṭṭhitā, sallekhatā, pavivekatā, idamaṭṭhikatāti ime dhutaṅgacetanāya parivārabhūtā pañca dhammā ‘‘appicchaṃyeva nissāyā’’tiādivacanato dhutadhammā nāma. Atha vā kilese dhunanato ñāṇaṃ dhutaṃ nāma, tasmiṃ dhutaguṇe. Agganikkhittoti aggo seṭṭho koṭibhūtoti ṭhapito. ‘‘Etadaggaṃ, bhikkhave, mama sāvakānaṃ bhikkhūnaṃ dhutavādānaṃ yadidaṃ mahākassapo’’ti (a. ni. 1.188, 191) ṭhānantare ṭhapitoti attho. Ayaṃ pana agga-saddo ādikoṭikoṭṭhāsaseṭṭhādīsu dissati. Tathā hesa – ‘‘ajjatagge, samma dovārika , āvarāmi dāraṃ nigaṇṭhānaṃ nigaṇṭhīna’’ntiādīsu (ma. ni. 2.70) ādimhi dissati. ‘‘Teneva aṅgulaggena taṃ aṅgulaggaṃ parāmaseyya’’ (kathā. 441), ‘‘ucchaggaṃ veḷagga’’ntiādīsu koṭiyaṃ. ‘‘Ambilaggaṃ vā madhuraggaṃ vā’’ (saṃ. ni. 5.374) ‘‘anujānāmi, bhikkhave, vihāraggena vā pariveṇaggena vā bhājetu’’ntiādīsu (cūḷava. 318) koṭṭhāse. ‘‘Yāvatā, bhikkhave, sattā apadā vā dvipadā vā…pe… tathāgato tesaṃ aggamakkhāyatī’’tiādīsu (a. ni. 4.34) seṭṭhe. Svāyamidha seṭṭhe daṭṭhabbo. Koṭiyampi vattati. Thero attano ṭhāne seṭṭho ceva koṭibhūto ca. Tena vuttaṃ – ‘‘agganikkhitto’’ti, aggo seṭṭho koṭibhūtoti attho (dī. ni. aṭṭha. 1.250 saraṇagamanakathā; pārā. aṭṭha. 1.15). Thomitoti pasaṃsito devamanussādīhi. Satthu vaṇṇitoti satthārā vaṇṇito thuto, ‘‘kassapo, bhikkhave, candūpamo kulāni upasaṅkamati apakasseva kāyaṃ apakassa cittaṃ niccanavako kulesu appagabbho’’ti evamādīhi anekehi suttanayehi (saṃ. ni. 2.146) vaṇṇito pasattho, sopi bhagavantaṃ vandatīti attho.

    60. д̣̇иб̣б̣ажагкуунанд̇и д̣̇иб̣б̣ам̣ жагку язсам̣ ад̇т̇и д̇з д̣̇иб̣б̣ажагкуу, д̇зсам̣ д̣̇иб̣б̣ажагкуунам̣ бхигкуунам̣ аг̇г̇о сздтод̇и ад̇т̇о. яат̇ааха – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ д̣̇иб̣б̣ажагкугаанам̣ яад̣̇ид̣̇ам̣ ануруд̣̇д̇хо’’д̇и (а. ни. 1.188, 192). ануруд̣̇д̇хад̇т̇зро бхаг̇авад̇о жуул̣абид̇уно амид̇од̣̇анасса наама саггасса буд̇д̇о махаанаамасса ганидтабхаад̇аа махаабун̃н̃о барамасукумаало, со ад̇д̇асад̇д̇амо нигкамид̇ваа аг̇аарасмаа анаг̇аарияам̣ баб̣б̣аж̇ид̇о, д̇асса баб̣б̣аж̇ж̇аануггамо сан̇гхабхзд̣̇агагканд̇хагз (жуул̣ава. 330 аад̣̇аяо) ааг̇ад̇ова. авид̣̇уурз ваад̇и бхаг̇авад̇о санд̇игзязва.

    60.Dibbacakkhūnanti dibbaṃ cakkhu yesaṃ atthi te dibbacakkhū, tesaṃ dibbacakkhūnaṃ bhikkhūnaṃ aggo seṭṭhoti attho. Yathāha – ‘‘etadaggaṃ, bhikkhave, mama sāvakānaṃ bhikkhūnaṃ dibbacakkhukānaṃ yadidaṃ anuruddho’’ti (a. ni. 1.188, 192). Anuruddhatthero bhagavato cūḷapituno amitodanassa nāma sakkassa putto mahānāmassa kaniṭṭhabhātā mahāpuñño paramasukhumālo, so attasattamo nikkhamitvā agārasmā anagāriyaṃ pabbajito, tassa pabbajjānukkamo saṅghabhedakakkhandhake (cūḷava. 330 ādayo) āgatova. Avidūre vāti bhagavato santikeyeva.

    61. аабад̇д̇ианаабад̇д̇ияаад̇и аабад̇д̇ияан̃жа анаабад̇д̇ияан̃жа говид̣̇о. сад̇згижчааяаад̇и саббадигаммааяаби аббадигаммааяаби жаад̇и ад̇т̇о. д̇ад̇т̇а саббадигаммаа саа чаб̣б̣ид̇хаа ход̇и, аббадигаммаа саа баарааж̇игаабад̇д̇и. ‘‘аабад̇д̇ианаабад̇д̇ияаа, сад̇згижчааяа говид̣̇о’’д̇иби баато, соязва ад̇т̇о. винаязд̇и винаяабидагз. аг̇г̇анигкид̇д̇од̇и ‘‘зд̇ад̣̇аг̇г̇ам̣, бхигкавз , мама саавагаанам̣ бхигкуунам̣ винаяад̇хараанам̣ яад̣̇ид̣̇ам̣, убаалий’’д̇и (а. ни. 1.219, 228) зд̇ад̣̇аг̇г̇адтаанз табид̇од̇и ад̇т̇о. убаалийд̇и убаалид̇т̇зро. сад̇т̇у ван̣н̣ид̇од̇и сад̇т̇аараа ван̣н̣ид̇о басад̇т̇о. т̇зро гира д̇ат̇ааг̇ад̇ассзва санд̇игз винаяабидагам̣ уг̇г̇ан̣хид̇ваа бхааругажчагавад̇т̇ум̣ (баараа. 78), аж̇ж̇угавад̇т̇ум̣ (баараа. 158), гумаарагассабавад̇т̇унд̇и (ма. ни. 1.249) имаани д̇ийн̣и вад̇т̇ууни саб̣б̣ан̃н̃уд̇ан̃н̃аан̣зна сад̣̇д̇хим̣ сам̣санд̣̇ид̇ваа гат̇зси. д̇асмаа т̇зро винаяад̇хараанам̣ аг̇г̇од̇и звамаад̣̇инаа наязна сад̇т̇аараа ван̣н̣ид̇од̇и вуд̇д̇о.

    61.Āpattianāpattiyāti āpattiyañca anāpattiyañca kovido. Satekicchāyāti sappaṭikammāyapi appaṭikammāyapi cāti attho. Tattha sappaṭikammā sā chabbidhā hoti, appaṭikammā sā pārājikāpatti. ‘‘Āpattianāpattiyā, satekicchāya kovido’’tipi pāṭho, soyeva attho. Vinayeti vinayapiṭake. Agganikkhittoti ‘‘etadaggaṃ, bhikkhave , mama sāvakānaṃ bhikkhūnaṃ vinayadharānaṃ yadidaṃ, upālī’’ti (a. ni. 1.219, 228) etadaggaṭṭhāne ṭhapitoti attho. Upālīti upālitthero. Satthu vaṇṇitoti satthārā vaṇṇito pasattho. Thero kira tathāgatasseva santike vinayapiṭakaṃ uggaṇhitvā bhārukacchakavatthuṃ (pārā. 78), ajjukavatthuṃ (pārā. 158), kumārakassapavatthunti (ma. ni. 1.249) imāni tīṇi vatthūni sabbaññutaññāṇena saddhiṃ saṃsanditvā kathesi. Tasmā thero vinayadharānaṃ aggoti evamādinā nayena satthārā vaṇṇitoti vutto.

    62. сукуманибун̣ад̇т̇абадивид̣̇д̇ход̇и бадивид̣̇д̇хасукуманибун̣ад̇т̇о, бадивид̣̇д̇хад̣̇уд̣̇д̣̇асанибун̣ад̇т̇од̇и ад̇т̇о. гат̇игаанам̣ баварод̇и д̇хаммагат̇игаанам̣ сздто. ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ д̇хаммагат̇игаанам̣ яад̣̇ид̣̇ам̣ бун̣н̣о манд̇аан̣ибуд̇д̇о’’д̇и (а. ни. 1.188, 196) зд̇ад̣̇аг̇г̇абаал̣ияам̣ ааробид̇о. д̇зна вуд̇д̇ам̣ ‘‘гат̇игаанам̣ баваро’’д̇и. г̇ан̣ийд̇и сасан̇гхо. т̇зрасса гира санд̇игз баб̣б̣аж̇ид̇аа гулабуд̇д̇аа бан̃жасад̇аа ахзсум̣. саб̣б̣зби д̇з д̣̇асаб̣аласса ж̇аад̇абхуумигаа ж̇аад̇арадтаваасино саб̣б̣зва кийн̣аасаваа саб̣б̣зва д̣̇асагат̇аавад̇т̇улаабхино. д̇зна вуд̇д̇ам̣ ‘‘г̇ан̣ий’’д̇и. исийд̇и зсад̇и г̇авзсад̇и гусалз д̇хаммзд̇и иси. манд̇аан̣ияаа буд̇д̇од̇и манд̇аан̣ияаа наама б̣раахман̣ияаа буд̇д̇о. бун̣н̣од̇и д̇асса наамам̣. виссуд̇од̇и ад̇д̇ано аббижчад̇аад̣̇ийхи г̇ун̣зхи виссуд̇о.

    62.Sukhumanipuṇatthapaṭividdhoti paṭividdhasukhumanipuṇattho, paṭividdhaduddasanipuṇatthoti attho. Kathikānaṃ pavaroti dhammakathikānaṃ seṭṭho. ‘‘Etadaggaṃ, bhikkhave, mama sāvakānaṃ bhikkhūnaṃ dhammakathikānaṃ yadidaṃ puṇṇo mantāṇiputto’’ti (a. ni. 1.188, 196) etadaggapāḷiyaṃ āropito. Tena vuttaṃ ‘‘kathikānaṃ pavaro’’ti. Gaṇīti sasaṅgho. Therassa kira santike pabbajitā kulaputtā pañcasatā ahesuṃ. Sabbepi te dasabalassa jātabhūmikā jātaraṭṭhavāsino sabbeva khīṇāsavā sabbeva dasakathāvatthulābhino. Tena vuttaṃ ‘‘gaṇī’’ti. Isīti esati gavesati kusale dhammeti isi. Mantāṇiyā puttoti mantāṇiyā nāma brāhmaṇiyā putto. Puṇṇoti tassa nāmaṃ. Vissutoti attano appicchatādīhi guṇehi vissuto.

    ан̃н̃аасигон̣д̣ан̃н̃ад̇т̇зро бана сад̇т̇ари абхисамб̣од̇хим̣ бад̇ваа бавад̇д̇ид̇аварад̇хаммажаггз анубуб̣б̣зна ааг̇анд̇ваа рааж̇аг̇ахам̣ убаниссааяа вихаранд̇з габилавад̇т̇ум̣ ааг̇анд̇ваа ад̇д̇ано бхааг̇инзяяам̣ бун̣н̣ам̣ наама маан̣авам̣ баб̣б̣ааж̇зд̇ваа бхаг̇аванд̇ам̣ ванд̣̇ид̇ваа аабужчид̇ваа ниваасад̇т̇ааяа саяам̣ чад̣̇д̣̇анд̇ад̣̇ахам̣ г̇ад̇о. бун̣н̣о бана бхаг̇аванд̇ам̣ д̣̇ассанааяа т̇зрзна сад̣̇д̇хим̣ ааг̇анд̇ваа – ‘‘маяхам̣ баб̣б̣аж̇ид̇агижжам̣ мад̇т̇агам̣ баабзд̇ваава д̣̇асаб̣аласса санд̇игам̣ г̇амиссаамий’’д̇и габилабурзязва охийно, со яонисоманасигаарам̣ гаронд̇о нажирассзва арахад̇д̇ам̣ бад̇ваа бхаг̇аванд̇ам̣ убасан̇гами. зд̇т̇а бана ануруд̣̇д̇хад̇т̇зро жа убаалид̇т̇зро жа имз д̣̇вз т̇зраа бхаг̇авад̇о габилавад̇т̇убурам̣ бависид̇ваа н̃аад̇исамааг̇амад̣̇ивасз баб̣б̣аж̇ид̇аа вияа д̣̇ассид̇аа, д̇ам̣ бана канд̇хагабаал̣ияаа адтагат̇ааяа жа на самзд̇и. виймам̣сид̇ваа г̇ахзд̇аб̣б̣ам̣.

    Aññāsikoṇḍaññatthero pana satthari abhisambodhiṃ patvā pavattitavaradhammacakke anupubbena āgantvā rājagahaṃ upanissāya viharante kapilavatthuṃ āgantvā attano bhāgineyyaṃ puṇṇaṃ nāma māṇavaṃ pabbājetvā bhagavantaṃ vanditvā āpucchitvā nivāsatthāya sayaṃ chaddantadahaṃ gato. Puṇṇo pana bhagavantaṃ dassanāya therena saddhiṃ āgantvā – ‘‘mayhaṃ pabbajitakiccaṃ matthakaṃ pāpetvāva dasabalassa santikaṃ gamissāmī’’ti kapilapureyeva ohīno, so yonisomanasikāraṃ karonto nacirasseva arahattaṃ patvā bhagavantaṃ upasaṅkami. Ettha pana anuruddhatthero ca upālitthero ca ime dve therā bhagavato kapilavatthupuraṃ pavisitvā ñātisamāgamadivase pabbajitā viya dassitā, taṃ pana khandhakapāḷiyā aṭṭhakathāya ca na sameti. Vīmaṃsitvā gahetabbaṃ.

    ат̇а сад̇т̇аа саарибуд̇д̇ад̇т̇зраад̣̇ийнам̣ бан̃жаннам̣ бхигкусад̇аанам̣ жид̇д̇аажаараман̃н̃ааяа ад̇д̇ано г̇ун̣з гат̇зд̇умаарабхи. д̇зна вуд̇д̇ам̣ –

    Atha satthā sāriputtattherādīnaṃ pañcannaṃ bhikkhusatānaṃ cittācāramaññāya attano guṇe kathetumārabhi. Tena vuttaṃ –

    63.

    63.

    ‘‘зд̇зсам̣ жид̇д̇аман̃н̃ааяа, обаммагусало муни;

    ‘‘Etesaṃ cittamaññāya, opammakusalo muni;

    ган̇кажчзд̣̇о махаавийро, гат̇зси ад̇д̇ано г̇ун̣а’’нд̇и.

    Kaṅkhacchedo mahāvīro, kathesi attano guṇa’’nti.

    д̇ад̇т̇а обаммагусалод̇и убамааяа гусало. ган̇кажчзд̣̇од̇и саб̣б̣асад̇д̇аанам̣ сам̣саяажчзд̣̇аго.

    Tattha opammakusaloti upamāya kusalo. Kaṅkhacchedoti sabbasattānaṃ saṃsayacchedako.

    ид̣̇аани д̇з ад̇д̇ано г̇ун̣з гат̇зси, д̇з д̣̇ассзд̇ум̣ –

    Idāni te attano guṇe kathesi, te dassetuṃ –

    64.

    64.

    ‘‘жад̇д̇ааро д̇з асан̇кязяяаа, годи язсам̣ на нааяад̇и;

    ‘‘Cattāro te asaṅkhyeyyā, koṭi yesaṃ na nāyati;

    сад̇д̇агааяо жа аагаасо, жаггаваал̣аа жананд̇агаа;

    Sattakāyo ca ākāso, cakkavāḷā canantakā;

    б̣уд̣̇д̇хан̃аан̣ам̣ аббамзяяам̣, на саггаа зд̇з виж̇аанид̇у’’нд̇и. – вуд̇д̇ам̣;

    Buddhañāṇaṃ appameyyaṃ, na sakkā ete vijānitu’’nti. – vuttaṃ;

    д̇ад̇т̇а жад̇д̇аарод̇и г̇ан̣анабарижчзд̣̇о. зд̇зд̇и ид̣̇аани вад̇д̇аб̣б̣з ад̇т̇з нид̣̇ассзд̇и. асан̇кязяяаад̇и сан̇кяаад̇умасаггун̣зяяад̇д̇аа асан̇кязяяаа, г̇ан̣анабат̇ам̣ вийд̇ивад̇д̇аад̇и ад̇т̇о. годийд̇иаад̣̇и ваа анд̇о ваа марияаад̣̇аа. язсанд̇и язсам̣ жад̇уннам̣ асан̇кязяяаанам̣. на нааяад̇ийд̇и на бан̃н̃ааяад̇и. ид̣̇аани д̇з вуд̇д̇аббагаарз жад̇д̇ааро асан̇кязяяз д̣̇ассзд̇ум̣ ‘‘сад̇д̇агааяо’’д̇иаад̣̇и вуд̇д̇ам̣. сад̇д̇агааяод̇и сад̇д̇асамуухо, сад̇д̇агааяо ананд̇о абаримаан̣о аббамзяяо. д̇ат̇аа аагаасо аагаасассааби анд̇о над̇т̇и. д̇ат̇аа жаггаваал̣аани ананд̇аани зва. б̣уд̣̇д̇хан̃аан̣ам̣ саб̣б̣ан̃н̃уд̇ан̃н̃аан̣ам̣ аббамзяяам̣. на саггаа зд̇з виж̇аанид̇унд̇и яасмаа банзд̇з ананд̇аа, д̇асмаа на саггаа виж̇аанид̇ум̣.

    Tattha cattāroti gaṇanaparicchedo. Eteti idāni vattabbe atthe nidasseti. Asaṅkhyeyyāti saṅkhyātumasakkuṇeyyattā asaṅkhyeyyā, gaṇanapathaṃ vītivattāti attho. Koṭītiādi vā anto vā mariyādā. Yesanti yesaṃ catunnaṃ asaṅkhyeyyānaṃ. Na nāyatīti na paññāyati. Idāni te vuttappakāre cattāro asaṅkhyeyye dassetuṃ ‘‘sattakāyo’’tiādi vuttaṃ. Sattakāyoti sattasamūho, sattakāyo ananto aparimāṇo appameyyo. Tathā ākāso ākāsassāpi anto natthi. Tathā cakkavāḷāni anantāni eva. Buddhañāṇaṃ sabbaññutaññāṇaṃ appameyyaṃ. Na sakkā ete vijānitunti yasmā panete anantā, tasmā na sakkā vijānituṃ.

    65. ид̣̇аани сад̇т̇аа ад̇д̇ано ид̣̇д̇хивигуб̣б̣анз сан̃ж̇аад̇ажчарияаб̣бхуд̇аанам̣ д̣̇звамануссаад̣̇ийнам̣ гиннаамзд̇ам̣ ажчарияам̣, ид̇оби висидтад̇арам̣ ажчарияам̣ аб̣бхуд̇ам̣ ад̇т̇и, мама д̇ам̣ сун̣аат̇аад̇и д̇хаммад̣̇зсанам̣ вад̣дхзнд̇о –

    65. Idāni satthā attano iddhivikubbane sañjātacchariyabbhutānaṃ devamanussādīnaṃ kinnāmetaṃ acchariyaṃ, itopi visiṭṭhataraṃ acchariyaṃ abbhutaṃ atthi, mama taṃ suṇāthāti dhammadesanaṃ vaḍḍhento –

    ‘‘гимзд̇ам̣ ажчарияам̣ логз, яам̣ мз ид̣̇д̇хивигуб̣б̣анам̣;

    ‘‘Kimetaṃ acchariyaṃ loke, yaṃ me iddhivikubbanaṃ;

    ан̃н̃з б̣ахуу ажчарияаа, аб̣бхуд̇аа ломахам̣санаа’’д̇и. – аад̣̇имааха;

    Aññe bahū acchariyā, abbhutā lomahaṃsanā’’ti. – ādimāha;

    д̇ад̇т̇а гинд̇и бадигкзбаважанам̣.зд̇анд̇и ид̣̇ам̣ ид̣̇д̇хивигуб̣б̣анам̣ санд̇хааяааха. яанд̇и аяам̣ яам̣-сад̣̇д̣̇о ‘‘яам̣ д̇ам̣ абужчимха агид̇д̇аяий но, ан̃н̃ам̣ д̇ам̣ бужчаама д̇ад̣̇ин̇гха б̣руухий’’д̇иаад̣̇ийсу (су. ни. 1058; махаани. 110; жуул̣ани. мзд̇д̇аг̇уумаан̣авабужчаа 77) убаяог̇аважанз д̣̇иссад̇и . ‘‘адтаанамзд̇ам̣, бхигкавз, анавагаасо; яам̣ згиссаа логад̇хаад̇уяаа д̣̇вз араханд̇о саммаасамб̣уд̣̇д̇хаа’’д̇и (а. ни. 1.277; вибха. 809; ми. ба. 5.1.1) зд̇т̇а гааран̣аважанз. ‘‘яам̣ вибассий бхаг̇аваа габбз уд̣̇абаад̣̇ий’’д̇и (д̣̇ий. ни. 2.4) зд̇т̇а бхуммз. ‘‘яам̣ ко мз, бханд̇з, д̣̇зваанам̣ д̇аавад̇им̣саанам̣ саммукаа суд̇ам̣ саммукаа бадиг̇г̇ахид̇ам̣, аарожзми д̇ам̣ бхаг̇авад̇о’’д̇иаад̣̇ийсу (д̣̇ий. ни. 2.293) бажжад̇д̇аважанз. ид̇хааби бажжад̇д̇аважанз д̣̇адтаб̣б̣о (д̣̇ий. ни. адта. 2.4). ан̃н̃з б̣ахуу мама ажчарияаа аб̣бхуд̇ависзсаа санд̇ийд̇и д̣̇ийбзд̇и.

    Tattha kinti paṭikkhepavacanaṃ.Etanti idaṃ iddhivikubbanaṃ sandhāyāha. Yanti ayaṃ yaṃ-saddo ‘‘yaṃ taṃ apucchimha akittayī no, aññaṃ taṃ pucchāma tadiṅgha brūhī’’tiādīsu (su. ni. 1058; mahāni. 110; cūḷani. mettagūmāṇavapucchā 77) upayogavacane dissati . ‘‘Aṭṭhānametaṃ, bhikkhave, anavakāso; yaṃ ekissā lokadhātuyā dve arahanto sammāsambuddhā’’ti (a. ni. 1.277; vibha. 809; mi. pa. 5.1.1) ettha kāraṇavacane. ‘‘Yaṃ vipassī bhagavā kappe udapādī’’ti (dī. ni. 2.4) ettha bhumme. ‘‘Yaṃ kho me, bhante, devānaṃ tāvatiṃsānaṃ sammukhā sutaṃ sammukhā paṭiggahitaṃ, ārocemi taṃ bhagavato’’tiādīsu (dī. ni. 2.293) paccattavacane. Idhāpi paccattavacane daṭṭhabbo (dī. ni. aṭṭha. 2.4). Aññe bahū mama acchariyā abbhutavisesā santīti dīpeti.

    ид̣̇аани д̇з ажчарияз д̣̇ассзнд̇о –

    Idāni te acchariye dassento –

    66.

    66.

    ‘‘яад̣̇аахам̣ д̇усид̇з гааяз, санд̇усид̇о наамахам̣ д̇ад̣̇аа;

    ‘‘Yadāhaṃ tusite kāye, santusito nāmahaṃ tadā;

    д̣̇асасахассий самааг̇амма, яаажанд̇и бан̃ж̇алий мама’’нд̇и. – аад̣̇имааха;

    Dasasahassī samāgamma, yācanti pañjalī mama’’nti. – ādimāha;

    д̇ад̇т̇а яад̣̇аад̇и яасмим̣ гаалз. аханд̇и ад̇д̇аанам̣ нид̣̇д̣̇исад̇и. д̇усид̇з гааязд̇и д̇усид̇асан̇каад̇з д̣̇званигааяз. яад̣̇аа банаахам̣ самад̇д̇им̣сабаарамияо буурзд̇ваа бан̃жамахаабарижжааг̇з барижжаж̇ид̇ваа н̃аад̇ад̇т̇ажарияалогад̇т̇ажарияаб̣уд̣̇д̇хад̇т̇ажарияаанам̣ годим̣ бад̇ваа сад̇д̇асад̇агамахаад̣̇аанаани д̣̇ад̇ваа сад̇д̇агкад̇д̇ум̣ бат̇авим̣ гамбзд̇ваа взссанд̇арад̇д̇абхаавад̇о жавид̇ваа д̣̇уд̇ияз жид̇д̇аваарз д̇усид̇абхаванз ниб̣б̣ад̇д̇о д̇ад̣̇ааби санд̇усид̇о наама д̣̇зварааж̇аа ахосим̣. д̣̇асасахассий самааг̇аммаад̇и д̣̇асасахассажаггаваал̣зсу д̣̇звад̇аа саннибад̇ид̇ваад̇и ад̇т̇о. яаажанд̇и бан̃ж̇алий маманд̇и мам̣ убасан̇гамид̇ваа, ‘‘маариса, д̇аяаа д̣̇аса баарамияо буурзнд̇зна на саггасамбад̇д̇им̣ на маара на б̣рахма на жаггавад̇д̇исамбад̇д̇им̣ бад̇т̇знд̇зна буурид̇аа, логанид̇т̇аран̣ад̇т̇ааяа бана б̣уд̣̇д̇хад̇д̇ам̣ бад̇т̇аяамаанзна буурид̇аа, со д̇ава гаало, маариса, б̣уд̣̇д̇хад̇д̇ааяа самаяо , маариса, б̣уд̣̇д̇хад̇д̇ааяаа’’д̇и (ж̇аа. адта. 1.нид̣̇аанагат̇аа, авид̣̇уурзнид̣̇аанагат̇аа) яаажанд̇и маманд̇и. д̇зна вуд̇д̇ам̣ –

    Tattha yadāti yasmiṃ kāle. Ahanti attānaṃ niddisati. Tusite kāyeti tusitasaṅkhāte devanikāye. Yadā panāhaṃ samattiṃsapāramiyo pūretvā pañcamahāpariccāge pariccajitvā ñātatthacariyalokatthacariyabuddhatthacariyānaṃ koṭiṃ patvā sattasatakamahādānāni datvā sattakkhattuṃ pathaviṃ kampetvā vessantarattabhāvato cavitvā dutiye cittavāre tusitabhavane nibbatto tadāpi santusito nāma devarājā ahosiṃ. Dasasahassī samāgammāti dasasahassacakkavāḷesu devatā sannipatitvāti attho. Yācanti pañjalī mamanti maṃ upasaṅkamitvā, ‘‘mārisa, tayā dasa pāramiyo pūrentena na sakkasampattiṃ na māra na brahma na cakkavattisampattiṃ patthentena pūritā, lokanittharaṇatthāya pana buddhattaṃ patthayamānena pūritā, so tava kālo, mārisa, buddhattāya samayo , mārisa, buddhattāyā’’ti (jā. aṭṭha. 1.nidānakathā, avidūrenidānakathā) yācanti mamanti. Tena vuttaṃ –

    67.

    67.

    ‘‘гаало ко д̇з махаавийра, уббаж̇ж̇а маад̇угужчияам̣;

    ‘‘Kālo kho te mahāvīra, uppajja mātukucchiyaṃ;

    сад̣̇звагам̣ д̇аараяанд̇о, б̣уж̇жхассу амад̇ам̣ бад̣̇а’’нд̇и.

    Sadevakaṃ tārayanto, bujjhassu amataṃ pada’’nti.

    д̇ад̇т̇а гаало д̇зд̇и гаало д̇ава, аяамзва ваа баато. уббаж̇ж̇аад̇и бадисанд̇хим̣ г̇ан̣ха, ‘‘оггамаа’’д̇иби баато. сад̣̇зваганд̇и сад̣̇звагам̣ логанд̇и ад̇т̇о. д̇аараяанд̇од̇и зд̇т̇а баарамияо буурзнд̇оби д̇аараяад̇и наама, баарамияо мад̇т̇агам̣ баабзнд̇оби д̇аараяад̇и наама, взссанд̇арад̇д̇абхаавад̇о жавид̇ваа д̇усид̇абурз бадисанд̇хим̣ г̇ахзд̇ваа садтивассасад̇асахассаад̇хигаани сад̇д̇абан̣н̣аасавассагодияо д̇ад̇т̇а д̇идтанд̇оби д̇аараяад̇и наама, д̣̇звад̇аахи яаажид̇о бан̃жавид̇хам̣ махаавилогид̇ам̣ вилогзд̇ваа махаамааяаад̣̇звияаа гужчисмим̣ бадисанд̇хим̣ г̇ан̣ханд̇оби д̣̇асамаасз г̇аб̣бхаваасам̣ васанд̇оби д̇аараяад̇и наама, згуунад̇им̣са вассаани аг̇аарамаж̇жхз д̇идтанд̇оби д̇аараяад̇и наама. раахулабхад̣̇д̣̇асса ж̇аад̇ад̣̇ивасз чаннасахааяо ган̣д̣агам̣ ааруяха нигкаманд̇оби д̇ийн̣и раж̇ж̇аани ад̇иггамид̇ваа аномааяа наама над̣̇ияаа д̇ийрз баб̣б̣аж̇анд̇оби д̇аараяад̇и наама, чаб̣б̣ассаани бад̇хаанам̣ гаронд̇оби висаакабун̣н̣амааяам̣ махааб̣од̇химан̣д̣ам̣ ааруяха маараб̣алам̣ вид̇хамид̇ваа батамаяаамз буб̣б̣зниваасам̣ ануссарид̇ваа маж̇жхимаяаамз д̣̇иб̣б̣ажагкум̣ висод̇хзд̇ваа бажчимаяаамз д̣̇ваад̣̇асан̇г̇ам̣ бадижжасамуббаад̣̇ам̣ ануломабадиломад̇о саммасид̇ваа сод̇аабад̇д̇имаг̇г̇ам̣ бадивиж̇жханд̇оби д̇аараяад̇и наама, сод̇аабад̇д̇ипалагкан̣зби, сагад̣̇ааг̇аамимаг̇г̇агкан̣зби, сагад̣̇ааг̇аамипалагкан̣зби, анааг̇аамимаг̇г̇агкан̣зби, анааг̇аамипалагкан̣зби, арахад̇д̇амаг̇г̇агкан̣зби, арахад̇д̇апалагкан̣зби д̇аараяад̇и наама, яад̣̇аа адтаарасад̣̇звад̇аагодисахассзхи бан̃жаваг̇г̇ияаанам̣ амад̇абаанам̣ ад̣̇ааси, д̇ад̇о бадтааяа д̇аараяи наамаад̇и вужжад̇и. д̇зна вуд̇д̇ам̣ –

    Tattha kālo teti kālo tava, ayameva vā pāṭho. Uppajjāti paṭisandhiṃ gaṇha, ‘‘okkamā’’tipi pāṭho. Sadevakanti sadevakaṃ lokanti attho. Tārayantoti ettha pāramiyo pūrentopi tārayati nāma, pāramiyo matthakaṃ pāpentopi tārayati nāma, vessantarattabhāvato cavitvā tusitapure paṭisandhiṃ gahetvā saṭṭhivassasatasahassādhikāni sattapaṇṇāsavassakoṭiyo tattha tiṭṭhantopi tārayati nāma, devatāhi yācito pañcavidhaṃ mahāvilokitaṃ viloketvā mahāmāyādeviyā kucchismiṃ paṭisandhiṃ gaṇhantopi dasamāse gabbhavāsaṃ vasantopi tārayati nāma, ekūnatiṃsa vassāni agāramajjhe tiṭṭhantopi tārayati nāma. Rāhulabhaddassa jātadivase channasahāyo kaṇḍakaṃ āruyha nikkhamantopi tīṇi rajjāni atikkamitvā anomāya nāma nadiyā tīre pabbajantopi tārayati nāma, chabbassāni padhānaṃ karontopi visākhapuṇṇamāyaṃ mahābodhimaṇḍaṃ āruyha mārabalaṃ vidhamitvā paṭhamayāme pubbenivāsaṃ anussaritvā majjhimayāme dibbacakkhuṃ visodhetvā pacchimayāme dvādasaṅgaṃ paṭiccasamuppādaṃ anulomapaṭilomato sammasitvā sotāpattimaggaṃ paṭivijjhantopi tārayati nāma, sotāpattiphalakkhaṇepi, sakadāgāmimaggakkhaṇepi, sakadāgāmiphalakkhaṇepi, anāgāmimaggakkhaṇepi, anāgāmiphalakkhaṇepi, arahattamaggakkhaṇepi, arahattaphalakkhaṇepi tārayati nāma, yadā aṭṭhārasadevatākoṭisahassehi pañcavaggiyānaṃ amatapānaṃ adāsi, tato paṭṭhāya tārayi nāmāti vuccati. Tena vuttaṃ –

    ‘‘сад̣̇звагам̣ д̇аараяанд̇о, б̣уж̇жхассу амад̇ам̣ бад̣̇а’’нд̇и.

    ‘‘Sadevakaṃ tārayanto, bujjhassu amataṃ pada’’nti.

    ат̇а махаасад̇д̇о д̣̇звад̇аахи яаажияамааноби д̣̇звад̇аанам̣ бадин̃н̃ам̣ ад̣̇ад̇ваава гаалад̣̇ийбад̣̇зсагулаж̇анзд̇д̇иааяубарижчзд̣̇авасзна бан̃жавид̇хам̣ махаавилоганам̣ наама вилогзси. д̇ад̇т̇а ‘‘гаало ну ко, на гаало’’д̇и батамам̣ гаалам̣ вилогзси. д̇ад̇т̇а вассасад̇асахассад̇о уд̣̇д̇хам̣ ааяугаало гаало наама на ход̇и. гасмаа? ж̇аад̇иж̇араамаран̣аад̣̇ийнам̣ абаагадад̇д̇аа, б̣уд̣̇д̇хаанан̃жа д̇хаммад̣̇зсанаа наама д̇илагкан̣амуд̇д̇аа наама над̇т̇и, д̇зсам̣ анижжам̣ д̣̇угкаманад̇д̇аад̇и гат̇знд̇аанам̣ ‘‘гиннаамзд̇з гат̇знд̇ий’’д̇и на сад̣̇д̣̇аханд̇и, д̇ад̇о абхисамаяо на ход̇и, д̇асмим̣ асад̇и анияяаанигам̣ саасанам̣ ход̇и . д̇асмаа со агаало. вассасад̇ад̇о ууно ааяугаалоби гаало на ход̇и. гасмаа? д̇ад̣̇аа сад̇д̇аа уссаннагилзсаа хонд̇и, уссаннагилзсаанан̃жа д̣̇инно оваад̣̇о оваад̣̇адтаанз на д̇идтад̇и, д̇асмаа соби агаало. вассасад̇асахассад̇о бадтааяа хздтаа вассасад̇ад̇о бадтааяа уд̣̇д̇хам̣ ааяугаало гаало наама. ид̣̇аани вассасад̇ааяугаа мануссаад̇и ат̇а б̣од̇хисад̇д̇о ‘‘ниб̣б̣ад̇д̇ид̇аб̣б̣агаало’’д̇и ад̣̇д̣̇аса.

    Atha mahāsatto devatāhi yāciyamānopi devatānaṃ paṭiññaṃ adatvāva kāladīpadesakulajanettiāyuparicchedavasena pañcavidhaṃ mahāvilokanaṃ nāma vilokesi. Tattha ‘‘kālo nu kho, na kālo’’ti paṭhamaṃ kālaṃ vilokesi. Tattha vassasatasahassato uddhaṃ āyukālo kālo nāma na hoti. Kasmā? Jātijarāmaraṇādīnaṃ apākaṭattā, buddhānañca dhammadesanā nāma tilakkhaṇamuttā nāma natthi, tesaṃ aniccaṃ dukkhamanattāti kathentānaṃ ‘‘kinnāmete kathentī’’ti na saddahanti, tato abhisamayo na hoti, tasmiṃ asati aniyyānikaṃ sāsanaṃ hoti . Tasmā so akālo. Vassasatato ūno āyukālopi kālo na hoti. Kasmā? Tadā sattā ussannakilesā honti, ussannakilesānañca dinno ovādo ovādaṭṭhāne na tiṭṭhati, tasmā sopi akālo. Vassasatasahassato paṭṭhāya heṭṭhā vassasatato paṭṭhāya uddhaṃ āyukālo kālo nāma. Idāni vassasatāyukā manussāti atha bodhisatto ‘‘nibbattitabbakālo’’ti addasa.

    д̇ад̇о д̣̇ийбам̣ ологзнд̇о ‘‘ж̇амб̣уд̣̇ийбзязва б̣уд̣̇д̇хаа ниб̣б̣ад̇д̇анд̇ий’’д̇и д̣̇ийбам̣ басси. д̇ад̇о ж̇амб̣уд̣̇ийбо наама махаа д̣̇асаяож̇анасахассабаримаан̣о, гад̇арасмим̣ ну ко бад̣̇зсз б̣уд̣̇д̇хаа ниб̣б̣ад̇д̇анд̇ий’’д̇и д̣̇зсам̣ вилогзнд̇о маж̇жхимад̣̇зсам̣ басси. д̇ад̇о гулам̣ вилогзнд̇о ‘‘б̣уд̣̇д̇хаа наама логасаммад̇з гулз ниб̣б̣ад̇д̇анд̇и, ид̣̇аани кад̇д̇ияагулам̣ логасаммад̇ам̣, д̇ад̇т̇а ниб̣б̣ад̇д̇иссаами, суд̣̇д̇ход̣̇ано наама мз рааж̇аа бид̇аа бхависсад̇ий’’д̇и гулам̣ ад̣̇д̣̇аса. д̇ад̇о маад̇арам̣ вилогзнд̇о ‘‘б̣уд̣̇д̇хамаад̇аа наама лолаа сураад̇худ̇д̇аа на ход̇и, акан̣д̣абан̃жасийлаад̇и аяан̃жа махаамааяаа наама д̣̇звий зд̣̇исаа, аяам̣ мз маад̇аа бхависсад̇ийд̇и гид̇д̇агам̣ ассаа ааяуу’’д̇и ааваж̇ж̇знд̇о д̣̇асаннам̣ маасаанам̣ убари сад̇д̇ад̣̇ивасаани басси. ид̇и имам̣ бан̃жавид̇хавилоганам̣ вилогзд̇ваа – ‘‘гаало мз, маариса, б̣уд̣̇д̇хабхаавааяаа’’д̇и д̣̇звад̇аанам̣ бадин̃н̃ам̣ д̣̇ад̇ваа д̇ад̇т̇а яаавад̇ааяугам̣ тад̇ваа д̇ад̇о жавид̇ваа сагяарааж̇агулз мааяаад̣̇звияаа гужчияам̣ бадисанд̇хим̣ аг̇г̇ахзси (ж̇аа. адта. 1.нид̣̇аанагат̇аа, авид̣̇уурзнид̣̇аанагат̇аа; аба. адта. 1.нид̣̇аанагат̇аа, авид̣̇уурзнид̣̇аанагат̇аа). д̇зна вуд̇д̇ам̣ –

    Tato dīpaṃ olokento ‘‘jambudīpeyeva buddhā nibbattantī’’ti dīpaṃ passi. Tato jambudīpo nāma mahā dasayojanasahassaparimāṇo, katarasmiṃ nu kho padese buddhā nibbattantī’’ti desaṃ vilokento majjhimadesaṃ passi. Tato kulaṃ vilokento ‘‘buddhā nāma lokasammate kule nibbattanti, idāni khattiyakulaṃ lokasammataṃ, tattha nibbattissāmi, suddhodano nāma me rājā pitā bhavissatī’’ti kulaṃ addasa. Tato mātaraṃ vilokento ‘‘buddhamātā nāma lolā surādhuttā na hoti, akhaṇḍapañcasīlāti ayañca mahāmāyā nāma devī edisā, ayaṃ me mātā bhavissatīti kittakaṃ assā āyū’’ti āvajjento dasannaṃ māsānaṃ upari sattadivasāni passi. Iti imaṃ pañcavidhavilokanaṃ viloketvā – ‘‘kālo me, mārisa, buddhabhāvāyā’’ti devatānaṃ paṭiññaṃ datvā tattha yāvatāyukaṃ ṭhatvā tato cavitvā sakyarājakule māyādeviyā kucchiyaṃ paṭisandhiṃ aggahesi (jā. aṭṭha. 1.nidānakathā, avidūrenidānakathā; apa. aṭṭha. 1.nidānakathā, avidūrenidānakathā). Tena vuttaṃ –

    68.

    68.

    ‘‘д̇усид̇аа гааяаа жавид̇ваана, яад̣̇аа оггами гужчияам̣;

    ‘‘Tusitā kāyā cavitvāna, yadā okkami kucchiyaṃ;

    д̣̇асасахассийлогад̇хаад̇у, гамбид̇т̇а д̇харан̣ий д̇ад̣̇аа’’д̇и. – аад̣̇и;

    Dasasahassīlokadhātu, kampittha dharaṇī tadā’’ti. – ādi;

    д̇ад̇т̇а оггамийд̇и оггамим̣ баависим̣. гужчияанд̇и маад̇угужчимхи. д̣̇асасахассийлогад̇хаад̇у, гамбид̇т̇аад̇и сад̇о самбаж̇аано бана б̣од̇хисад̇д̇о маад̇угужчим̣ оггаманд̇о згуунавийсад̇ияаа бадисанд̇хижид̇д̇зсу мзд̇д̇аабуб̣б̣абхааг̇асса соманассасахаг̇ад̇ан̃аан̣асамбаяуд̇д̇аасан̇кааригагусалажид̇д̇асса сад̣̇иса махаавибаагажид̇д̇зна аасаал̣хибун̣н̣амааяам̣ уд̇д̇араасаал̣ханагкад̇д̇знзва бадисанд̇хим̣ аг̇г̇ахзси. д̇ад̣̇аа д̣̇асасахассийлогад̇хаад̇у сагалааби гамби сан̇гамби самбагамбийд̇и ад̇т̇о. д̇харан̣ийд̇и д̇хаарзд̇и саб̣б̣з т̇аавараж̇ан̇г̇амзд̇и д̇харан̣ий, бат̇авий.

    Tattha okkamīti okkamiṃ pāvisiṃ. Kucchiyanti mātukucchimhi. Dasasahassīlokadhātu, kampitthāti sato sampajāno pana bodhisatto mātukucchiṃ okkamanto ekūnavīsatiyā paṭisandhicittesu mettāpubbabhāgassa somanassasahagatañāṇasampayuttaasaṅkhārikakusalacittassa sadisa mahāvipākacittena āsāḷhipuṇṇamāyaṃ uttarāsāḷhanakkhatteneva paṭisandhiṃ aggahesi. Tadā dasasahassīlokadhātu sakalāpi kampi saṅkampi sampakampīti attho. Dharaṇīti dhāreti sabbe thāvarajaṅgameti dharaṇī, pathavī.

    69. самбаж̇аанова нигкаминд̇и зд̇т̇а яад̣̇аа банаахам̣ сад̇о самбаж̇аанова маад̇угужчид̇о д̇хаммаасанад̇о од̇аранд̇о д̇хаммагат̇иго вияа ниссзн̣ид̇о од̇аранд̇о бурисо вияа жа д̣̇вз хад̇т̇з жа баад̣̇з жа басаарзд̇ваа тид̇агова маад̇угужчисамбхавзна гзнажи асужинаа амагкид̇ова нигкамим̣. саад̇хугаарам̣ бавад̇д̇знд̇ийд̇и саад̇хугаарам̣ бавад̇д̇аяанд̇и, саад̇хугаарам̣ д̣̇знд̇ийд̇и ад̇т̇о. багамбид̇т̇аад̇и гамбид̇т̇а, оггаманзби маад̇угужчид̇о нигкаманзби д̣̇асасахассий багамбид̇т̇аад̇и ад̇т̇о.

    69.Sampajānova nikkhaminti ettha yadā panāhaṃ sato sampajānova mātukucchito dhammāsanato otaranto dhammakathiko viya nisseṇito otaranto puriso viya ca dve hatthe ca pāde ca pasāretvā ṭhitakova mātukucchisambhavena kenaci asucinā amakkhitova nikkhamiṃ. Sādhukāraṃ pavattentīti sādhukāraṃ pavattayanti, sādhukāraṃ dentīti attho. Pakampitthāti kampittha, okkamanepi mātukucchito nikkhamanepi dasasahassī pakampitthāti attho.

    70. ат̇а бхаг̇аваа г̇аб̣бхогганд̇иаад̣̇ийсу ад̇д̇анаа самасамам̣ ад̣̇исваа г̇аб̣бхогганд̇иаад̣̇ийсу ад̇д̇ано ажчарияад̣̇ассанад̇т̇ам̣ ‘‘огганд̇и мз само над̇т̇ий’’д̇и имам̣ г̇аат̇амааха. д̇ад̇т̇а огганд̇ийд̇и г̇аб̣бхогганд̇ияам̣, бхуммад̇т̇з бажжад̇д̇аважанам̣, бадисанд̇хиг̇г̇ахан̣зд̇и ад̇т̇о. мзд̇и маяаа. самод̇и сад̣̇исо над̇т̇и. ж̇аад̇ид̇од̇и зд̇т̇а ж̇ааяад̇и зд̇ааяа маад̇уяаад̇и маад̇аа ‘‘ж̇аад̇ий’’д̇и вужжад̇и, д̇ад̇о ж̇аад̇ид̇о маад̇уяаад̇и ад̇т̇о. абхинигкамзд̇и маад̇угужчид̇о абхинигкаманз басавз сад̇ийд̇и ад̇т̇о. самб̣од̇хияанд̇и зд̇т̇а басад̇т̇аа сунд̣̇араа б̣од̇хи самб̣од̇хи. аяам̣ бана б̣од̇хи-сад̣̇д̣̇о ругкамаг̇г̇аниб̣б̣аанасаб̣б̣ан̃н̃уд̇ан̃н̃аан̣аад̣̇ийсу д̣̇иссад̇и – ‘‘б̣од̇хиругкамуулз батамаабхисамб̣уд̣̇д̇хо’’д̇и (махаава. 1; уд̣̇аа. 1) жа, ‘‘анд̇араа жа г̇аяам̣ анд̇араа жа б̣од̇хи’’нд̇и (ма. ни. 1.285; 2.341; махаава. 11) жа ааг̇ад̇адтаанз хи ругко б̣од̇хийд̇и вужжад̇и. ‘‘б̣од̇хи вужжад̇и жад̇уусу маг̇г̇зсу н̃аан̣а’’нд̇и (жуул̣ани. каг̇г̇ависаан̣асуд̇д̇анид̣̇д̣̇зса 121) ааг̇ад̇адтаанз маг̇г̇о. ‘‘бад̇ваана б̣од̇хим̣ амад̇ам̣ асан̇кад̇а’’нд̇и ааг̇ад̇адтаанз ниб̣б̣аанам̣. ‘‘баббод̇и б̣од̇хим̣ варабхууримзд̇хасо’’д̇и (д̣̇ий. ни. 3.217) ааг̇ад̇адтаанз саб̣б̣ан̃н̃уд̇ан̃н̃аан̣ам̣. ид̇ха бана бхаг̇авад̇о арахад̇д̇амаг̇г̇ан̃аан̣ам̣ ад̇хиббзд̇ам̣ (ма. ни. адта. 1.13; баараа. адта. 1.11; уд̣̇аа. адта. 20; жарияаа. адта. нид̣̇аанагат̇аа). абарз ‘‘саб̣б̣ан̃н̃уд̇ан̃н̃аан̣а’’нд̇иби вад̣̇анд̇и, д̇ассам̣ самб̣од̇хияам̣ ахам̣ сздтод̇и ад̇т̇о.

    70. Atha bhagavā gabbhokkantiādīsu attanā samasamaṃ adisvā gabbhokkantiādīsu attano acchariyadassanatthaṃ ‘‘okkanti me samo natthī’’ti imaṃ gāthamāha. Tattha okkantīti gabbhokkantiyaṃ, bhummatthe paccattavacanaṃ, paṭisandhiggahaṇeti attho. Meti mayā. Samoti sadiso natthi. Jātitoti ettha jāyati etāya mātuyāti mātā ‘‘jātī’’ti vuccati, tato jātito mātuyāti attho. Abhinikkhameti mātukucchito abhinikkhamane pasave satīti attho. Sambodhiyanti ettha pasatthā sundarā bodhi sambodhi. Ayaṃ pana bodhi-saddo rukkhamagganibbānasabbaññutaññāṇādīsu dissati – ‘‘bodhirukkhamūle paṭhamābhisambuddho’’ti (mahāva. 1; udā. 1) ca, ‘‘antarā ca gayaṃ antarā ca bodhi’’nti (ma. ni. 1.285; 2.341; mahāva. 11) ca āgataṭṭhāne hi rukkho bodhīti vuccati. ‘‘Bodhi vuccati catūsu maggesu ñāṇa’’nti (cūḷani. khaggavisāṇasuttaniddesa 121) āgataṭṭhāne maggo. ‘‘Patvāna bodhiṃ amataṃ asaṅkhata’’nti āgataṭṭhāne nibbānaṃ. ‘‘Pappoti bodhiṃ varabhūrimedhaso’’ti (dī. ni. 3.217) āgataṭṭhāne sabbaññutaññāṇaṃ. Idha pana bhagavato arahattamaggañāṇaṃ adhippetaṃ (ma. ni. aṭṭha. 1.13; pārā. aṭṭha. 1.11; udā. aṭṭha. 20; cariyā. aṭṭha. nidānakathā). Apare ‘‘sabbaññutaññāṇa’’ntipi vadanti, tassaṃ sambodhiyaṃ ahaṃ seṭṭhoti attho.

    гасмаа бана бхаг̇аваа самб̣од̇хим̣ бадижжа ад̇д̇аанам̣ басам̣сад̇ийд̇и? саб̣б̣аг̇ун̣ад̣̇ааяагад̇д̇аа. бхаг̇авад̇о хи самб̣од̇хи саб̣б̣аг̇ун̣ад̣̇ааяигаа саб̣б̣зби ниравасзсз б̣уд̣̇д̇хаг̇ун̣з д̣̇ад̣̇аад̇и, на бана ан̃н̃зсам̣. ан̃н̃зсам̣ бана гассажи арахад̇д̇амаг̇г̇о арахад̇д̇апаламзва д̣̇зд̇и, гассажи д̇иссо виж̇ж̇аа, гассажи ча абхин̃н̃аа, гассажи жад̇ассо бадисамбхид̣̇аа, гассажи саавагабаарамин̃аан̣ам̣, бажжзгаб̣уд̣̇д̇хаанам̣ бажжзгаб̣од̇хин̃аан̣амзва д̣̇зд̇и. б̣уд̣̇д̇хаанам̣ бана саб̣б̣аг̇ун̣асамбад̇д̇им̣ д̣̇зд̇и. д̇асмаа бхаг̇аваа саб̣б̣аг̇ун̣ад̣̇ааяагад̇д̇аа ‘‘самб̣од̇хияам̣ ахам̣ сздто’’д̇и ад̇д̇аанам̣ басам̣сад̇и. аби жа бхуумим̣ жаалзд̇ваа самб̣од̇хим̣ баабун̣и, д̇асмаа ‘‘самб̣од̇хияам̣ ахам̣ сздто’’д̇и вад̣̇ад̇и. д̇хаммажаггаббавад̇д̇анзд̇и зд̇т̇а д̇хаммажаггам̣ бана д̣̇увид̇хам̣ ход̇и – бадивзд̇хан̃аан̣ан̃жа д̣̇зсанаан̃аан̣ан̃жаад̇и. д̇ад̇т̇а бан̃н̃аабабхаавид̇ам̣ ад̇д̇ано арияапалаавахам̣ бадивзд̇хан̃аан̣ам̣, гарун̣аабабхаавид̇ам̣ саавагаанам̣ арияапалаавахам̣ д̣̇зсанаан̃аан̣ам̣. бадивзд̇хан̃аан̣ам̣ логуд̇д̇арам̣ гусалам̣ убзгкаасахаг̇ад̇ам̣ авид̇аггаавижаарам̣, д̣̇зсанаан̃аан̣ам̣ логияам̣ аб̣яаагад̇ам̣ , убхаяамби банзд̇ам̣ ан̃н̃зхи асаад̇хааран̣ам̣. ид̇ха бана д̣̇зсанаан̃аан̣ам̣ ад̇хиббзд̇ам̣ (бади. ма. адта. 2.2.44).

    Kasmā pana bhagavā sambodhiṃ paṭicca attānaṃ pasaṃsatīti? Sabbaguṇadāyakattā. Bhagavato hi sambodhi sabbaguṇadāyikā sabbepi niravasese buddhaguṇe dadāti, na pana aññesaṃ. Aññesaṃ pana kassaci arahattamaggo arahattaphalameva deti, kassaci tisso vijjā, kassaci cha abhiññā, kassaci catasso paṭisambhidā, kassaci sāvakapāramiñāṇaṃ, paccekabuddhānaṃ paccekabodhiñāṇameva deti. Buddhānaṃ pana sabbaguṇasampattiṃ deti. Tasmā bhagavā sabbaguṇadāyakattā ‘‘sambodhiyaṃ ahaṃ seṭṭho’’ti attānaṃ pasaṃsati. Api ca bhūmiṃ cāletvā sambodhiṃ pāpuṇi, tasmā ‘‘sambodhiyaṃ ahaṃ seṭṭho’’ti vadati. Dhammacakkappavattaneti ettha dhammacakkaṃ pana duvidhaṃ hoti – paṭivedhañāṇañca desanāñāṇañcāti. Tattha paññāpabhāvitaṃ attano ariyaphalāvahaṃ paṭivedhañāṇaṃ, karuṇāpabhāvitaṃ sāvakānaṃ ariyaphalāvahaṃ desanāñāṇaṃ. Paṭivedhañāṇaṃ lokuttaraṃ kusalaṃ upekkhāsahagataṃ avitakkaavicāraṃ, desanāñāṇaṃ lokiyaṃ abyākataṃ , ubhayampi panetaṃ aññehi asādhāraṇaṃ. Idha pana desanāñāṇaṃ adhippetaṃ (paṭi. ma. aṭṭha. 2.2.44).

    71. ид̣̇аани бхаг̇авад̇о г̇аб̣бхоггаманзва бат̇авигамбанаад̣̇игам̣ бавад̇д̇им̣ суд̇ваа ‘‘ахо ажчарияам̣ логз’’д̇и д̣̇звад̇аахи аяам̣ г̇аат̇аа вуд̇д̇аа. д̇ад̇т̇а б̣уд̣̇д̇хаанам̣ г̇ун̣амаханд̇ад̇аад̇и ахо б̣уд̣̇д̇хаанам̣ г̇ун̣амаханд̇абхааво, ахо б̣уд̣̇д̇хаанам̣ махаанубхаавод̇и ад̇т̇о д̣̇асасахассийлогад̇хаад̇у, чаббагаарам̣ багамбат̇аад̇и д̣̇асасу жаггаваал̣асахассзсу махаабат̇авий чаббагаарам̣ багамбид̇т̇а жалид̇т̇а. гат̇ам̣? бурад̇т̇имад̇о уннамад̇и бажчимад̇о онамад̇и, бажчимад̇о уннамад̇и бурад̇т̇имад̇о онамад̇и, уд̇д̇арад̇о уннамад̇и д̣̇агкин̣ад̇о онамад̇и, д̣̇агкин̣ад̇о уннамад̇и уд̇д̇арад̇о онамад̇и, маж̇жхимад̇о уннамад̇и барияанд̇ад̇о онамад̇и, барияанд̇ад̇о уннамад̇и маж̇жхимад̇о онамад̇ийд̇и звам̣ чаббагаарам̣ анилаб̣алажалид̇аж̇алад̇аран̇г̇абхан̇г̇асан̇гхаддид̇аа вияа нааваа жад̇унахуд̇аад̇хигад̣̇вияож̇анасад̇асахассаб̣ахалаа бат̇ависанд̇хаарагаж̇алабарияанд̇аа ажзд̇анааби самаанаа сажзд̇анаа вияа аяам̣ махаабат̇авий бийд̇ияаа нажжанд̇ий вияа агамбид̇т̇аад̇и ад̇т̇о. обхаасо жа махаа аасийд̇и ад̇иггаммзва д̣̇зваанам̣ д̣̇зваанубхаавам̣ ул̣ааро обхаасо ахосийд̇и ад̇т̇о. ажчзрам̣ ломахам̣сананд̇и ажчзран̃жа ломахам̣санан̃жа ахосийд̇и ад̇т̇о.

    71. Idāni bhagavato gabbhokkamaneva pathavikampanādikaṃ pavattiṃ sutvā ‘‘aho acchariyaṃ loke’’ti devatāhi ayaṃ gāthā vuttā. Tattha buddhānaṃ guṇamahantatāti aho buddhānaṃ guṇamahantabhāvo, aho buddhānaṃ mahānubhāvoti attho dasasahassīlokadhātu, chappakāraṃ pakampathāti dasasu cakkavāḷasahassesu mahāpathavī chappakāraṃ pakampittha calittha. Kathaṃ? Puratthimato unnamati pacchimato onamati, pacchimato unnamati puratthimato onamati, uttarato unnamati dakkhiṇato onamati, dakkhiṇato unnamati uttarato onamati, majjhimato unnamati pariyantato onamati, pariyantato unnamati majjhimato onamatīti evaṃ chappakāraṃ anilabalacalitajalataraṅgabhaṅgasaṅghaṭṭitā viya nāvā catunahutādhikadviyojanasatasahassabahalā pathavisandhārakajalapariyantā acetanāpi samānā sacetanā viya ayaṃ mahāpathavī pītiyā naccantī viya akampitthāti attho. Obhāsoca mahā āsīti atikkammeva devānaṃ devānubhāvaṃ uḷāro obhāso ahosīti attho. Accheraṃ lomahaṃsananti accherañca lomahaṃsanañca ahosīti attho.

    72. ид̣̇аани бат̇авигамбанаалогабаад̇убхааваад̣̇ийсу ажчариязсу вад̇д̇амаанзсу бхаг̇авад̇о бавад̇д̇ид̣̇ассанад̇т̇ам̣ ‘‘бхаг̇аваа д̇амхи самаяз’’д̇иаад̣̇иг̇аат̇ааяо вуд̇д̇аа. д̇ад̇т̇а логаж̇здтод̇и логасздто. сад̣̇зваганд̇и сад̣̇звагасса логасса, саамиад̇т̇з убаяог̇аважанам̣ д̣̇адтаб̣б̣ам̣. д̣̇ассаяанд̇од̇и баадихаарияам̣ д̣̇ассзнд̇о.

    72. Idāni pathavikampanālokapātubhāvādīsu acchariyesu vattamānesu bhagavato pavattidassanatthaṃ ‘‘bhagavā tamhi samaye’’tiādigāthāyo vuttā. Tattha lokajeṭṭhoti lokaseṭṭho. Sadevakanti sadevakassa lokassa, sāmiatthe upayogavacanaṃ daṭṭhabbaṃ. Dassayantoti pāṭihāriyaṃ dassento.

    73. жан̇гаманд̇оваад̇и д̣̇асалогад̇хаад̇усахассаани аж̇жход̇т̇арид̇ваа тид̇з д̇асмим̣ рад̇анамаяз жан̇гамз жан̇гамамаанова гат̇зси. логанааяагод̇и ат̇а сад̇т̇аа маносилаад̇алз сийханаад̣̇ам̣ над̣̇анд̇о сийхо вияа г̇аж̇ж̇анд̇о баавуссагамзгхо вияа жа аагаасаг̇ан̇г̇ам̣ од̇аарзнд̇о вияа жа адтан̇г̇асаманнааг̇ад̇зна (д̣̇ий. ни. 2.285, 301) саванийязна гаманийязна б̣рахмассарзна наанаанаяавижид̇д̇ам̣ жад̇усажжабадисам̣яуд̇д̇ам̣ д̇илагкан̣аахад̇ам̣ мад̇хурад̇хаммагат̇ам̣ гат̇зсийд̇и ад̇т̇о.

    73.Caṅkamantovāti dasalokadhātusahassāni ajjhottharitvā ṭhite tasmiṃ ratanamaye caṅkame caṅkamamānova kathesi. Lokanāyakoti atha satthā manosilātale sīhanādaṃ nadanto sīho viya gajjanto pāvussakamegho viya ca ākāsagaṅgaṃ otārento viya ca aṭṭhaṅgasamannāgatena (dī. ni. 2.285, 301) savanīyena kamanīyena brahmassarena nānānayavicittaṃ catusaccapaṭisaṃyuttaṃ tilakkhaṇāhataṃ madhuradhammakathaṃ kathesīti attho.

    анд̇араа на нивад̇д̇зд̇и, жад̇ухад̇т̇з жан̇гамз яат̇аад̇и зд̇т̇а сад̇т̇аараа бана ниммид̇асса д̇асса жан̇гамасса згаа годи баажийнажаггаваал̣амукаваддияам̣ згаа бажчимажаггаваал̣амукаваддияам̣ звам̣ тид̇з д̇асмим̣ рад̇анажан̇гамз жан̇гамамаано сад̇т̇аа убхо годияо бад̇ваава нивад̇д̇ад̇и, анд̇араа убхо годияо абад̇ваа на нивад̇д̇ад̇и. яат̇аа жад̇ухад̇т̇аббамаан̣з жан̇гамз жан̇гамамаано убхо годияо сийгхамзва бад̇ваа нивад̇д̇ад̇и, звам̣ анд̇араа на нивад̇д̇ад̇ийд̇и ад̇т̇о. гим̣ бана бхаг̇аваа д̣̇асасахассаяож̇анаббамаан̣ааяаамам̣ жан̇гамам̣ рассамагааси , д̇аавамаханд̇ам̣ ваа ад̇д̇абхаавам̣ нимминийд̇и? на банзвамагааси. ажинд̇зяяо б̣уд̣̇д̇хаанам̣ б̣уд̣̇д̇хаанубхааво. аганидтабхаванад̇о бадтааяа яаава авийжи, д̇аава зган̇г̇ан̣аа ахоси. д̇ирияад̇о жа д̣̇асажаггаваал̣асахассаани зган̇г̇ан̣аани ахзсум̣. д̣̇зваа мануссз бассанд̇и, мануссааби д̣̇звз бассанд̇и. яат̇аа саб̣б̣з д̣̇звамануссаа багад̇ияаа жан̇гамамаанам̣ бассанд̇и, звам̣ бхаг̇аванд̇ам̣ жан̇гамамаанам̣ бассим̣сууд̇и. бхаг̇аваа бана жан̇гаманд̇ова д̇хаммам̣ д̣̇зсзд̇и анд̇араасамаабад̇д̇ин̃жа самаабаж̇ж̇ад̇и.

    Antarā na nivatteti, catuhatthe caṅkame yathāti ettha satthārā pana nimmitassa tassa caṅkamassa ekā koṭi pācīnacakkavāḷamukhavaṭṭiyaṃ ekā pacchimacakkavāḷamukhavaṭṭiyaṃ evaṃ ṭhite tasmiṃ ratanacaṅkame caṅkamamāno satthā ubho koṭiyo patvāva nivattati, antarā ubho koṭiyo apatvā na nivattati. Yathā catuhatthappamāṇe caṅkame caṅkamamāno ubho koṭiyo sīghameva patvā nivattati, evaṃ antarā na nivattatīti attho. Kiṃ pana bhagavā dasasahassayojanappamāṇāyāmaṃ caṅkamaṃ rassamakāsi , tāvamahantaṃ vā attabhāvaṃ nimminīti? Na panevamakāsi. Acinteyyo buddhānaṃ buddhānubhāvo. Akaniṭṭhabhavanato paṭṭhāya yāva avīci, tāva ekaṅgaṇā ahosi. Tiriyato ca dasacakkavāḷasahassāni ekaṅgaṇāni ahesuṃ. Devā manusse passanti, manussāpi deve passanti. Yathā sabbe devamanussā pakatiyā caṅkamamānaṃ passanti, evaṃ bhagavantaṃ caṅkamamānaṃ passiṃsūti. Bhagavā pana caṅkamantova dhammaṃ deseti antarāsamāpattiñca samāpajjati.

    ат̇а ааяасмаа саарибуд̇д̇о абаримид̇асамаяасамубажид̇агусалаб̣алаж̇анид̇ад̣̇вад̇д̇им̣саваралагкан̣обасобхид̇ам̣ асийд̇аануб̣яан̃ж̇анавирааж̇ид̇ам̣ варасарийрам̣ сарад̣̇асамаяз барибун̣н̣ам̣ вияа раж̇анигарам̣ саб̣б̣апаалипуллам̣ вияа жа яож̇анасад̇уб̣б̣зд̇хам̣ баарижчад̇д̇агам̣ адтаарасарад̇ануб̣б̣зд̇хам̣ б̣яаамаббабхаабаригкзбасассиригам̣ вараганагаг̇иримива ж̇ан̇г̇амам̣ анобамааяа б̣уд̣̇д̇халийл̣ааяа анобамзна б̣уд̣̇д̇хасиривилаасзна жан̇гаманд̇ам̣ д̣̇асасахассид̣̇зваг̇ан̣абаривуд̇ам̣ бхаг̇аванд̇ам̣ ад̣̇д̣̇аса. д̣̇исваана аяам̣ бана сагалааби д̣̇асасахассий логад̇хаад̇у саннибад̇ид̇аа, махад̇ияаа банзд̇т̇а д̇хаммад̣̇зсанааяа бхавид̇аб̣б̣ам̣, б̣уд̣̇д̇хавам̣сад̣̇зсанаа бана б̣ахуубагаараа бхаг̇авад̇и басаад̣̇аавахаа, яам̣нуунаахам̣ д̣̇асаб̣аласса абхинийхаарад̇о бадтааяа б̣уд̣̇д̇хавам̣сам̣ барибужчзяяа’’нд̇и жинд̇зд̇ваа згам̣сам̣ жийварам̣ гад̇ваа бхаг̇аванд̇ам̣ убасан̇гамид̇ваа д̣̇асанакасамуж̇ж̇алам̣ ж̇алаж̇аамалаавигала-гамала-магуласад̣̇исам̣ ан̃ж̇алим̣ сираси гад̇ваа бхаг̇аванд̇ам̣ ‘‘гийд̣̇исо д̇з махаавийраа’’д̇иаад̣̇игам̣ барибужчи. д̇зна вуд̇д̇ам̣ –

    Atha āyasmā sāriputto aparimitasamayasamupacitakusalabalajanitadvattiṃsavaralakkhaṇopasobhitaṃ asītānubyañjanavirājitaṃ varasarīraṃ saradasamaye paripuṇṇaṃ viya rajanikaraṃ sabbaphāliphullaṃ viya ca yojanasatubbedhaṃ pāricchattakaṃ aṭṭhārasaratanubbedhaṃ byāmappabhāparikkhepasassirikaṃ varakanakagirimiva jaṅgamaṃ anopamāya buddhalīḷāya anopamena buddhasirivilāsena caṅkamantaṃ dasasahassidevagaṇaparivutaṃ bhagavantaṃ addasa. Disvāna ayaṃ pana sakalāpi dasasahassī lokadhātu sannipatitā, mahatiyā panettha dhammadesanāya bhavitabbaṃ, buddhavaṃsadesanā pana bahūpakārā bhagavati pasādāvahā, yaṃnūnāhaṃ dasabalassa abhinīhārato paṭṭhāya buddhavaṃsaṃ paripuccheyya’’nti cintetvā ekaṃsaṃ cīvaraṃ katvā bhagavantaṃ upasaṅkamitvā dasanakhasamujjalaṃ jalajāmalāvikala-kamala-makulasadisaṃ añjaliṃ sirasi katvā bhagavantaṃ ‘‘kīdiso te mahāvīrā’’tiādikaṃ paripucchi. Tena vuttaṃ –

    74.

    74.

    ‘‘саарибуд̇д̇о махаабан̃н̃о, самаад̇хиж̇жхаанаговид̣̇о;

    ‘‘Sāriputto mahāpañño, samādhijjhānakovido;

    бан̃н̃ааяа баарамиббад̇д̇о, бужчад̇и логанааяагам̣.

    Paññāya pāramippatto, pucchati lokanāyakaṃ.

    75.

    75.

    ‘‘гийд̣̇исо д̇з махаавийра, абхинийхааро наруд̇д̇ама;

    ‘‘Kīdiso te mahāvīra, abhinīhāro naruttama;

    гамхи гаалз д̇аяаа д̇хийра, бад̇т̇ид̇аа б̣од̇химуд̇д̇амаа’’д̇и. –

    Kamhi kāle tayā dhīra, patthitā bodhimuttamā’’ti. –

    аад̣̇и. гаа наамааяам̣ анусанд̇хийд̇и? бужчаанусанд̇хи наама. д̇иссо хи анусанд̇хияо – бужчаанусанд̇хи аж̇жхаасаяаанусанд̇хи яат̇аанусанд̇хийд̇и. д̇ад̇т̇а ‘‘звам̣ вуд̇д̇з ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘гим̣ ну ко, бханд̇з, оримам̣ д̇ийрам̣ гим̣ бааримам̣ д̇ийра’’нд̇и (сам̣. ни. 4.241) звам̣ бужчанд̇аанам̣ бхаг̇авад̇аа виссаж̇ж̇ид̇асуд̇д̇авасзна бужчаанусанд̇хи взд̣̇ид̇аб̣б̣аа.

    Ādi. Kā nāmāyaṃ anusandhīti? Pucchānusandhi nāma. Tisso hi anusandhiyo – pucchānusandhi ajjhāsayānusandhi yathānusandhīti. Tattha ‘‘evaṃ vutte aññataro bhikkhu bhagavantaṃ etadavoca – ‘‘kiṃ nu kho, bhante, orimaṃ tīraṃ kiṃ pārimaṃ tīra’’nti (saṃ. ni. 4.241) evaṃ pucchantānaṃ bhagavatā vissajjitasuttavasena pucchānusandhi veditabbā.

    ‘‘ат̇а ко ан̃н̃ад̇арасса бхигкуно звам̣ жзд̇асо баривид̇агго уд̣̇абаад̣̇и ‘ид̇и гира, бхо, руубам̣ анад̇д̇аа, взд̣̇анаа анад̇д̇аа, сан̃н̃аа анад̇д̇аа, сан̇каараа анад̇д̇аа, вин̃н̃аан̣ам̣ анад̇д̇аа, анад̇д̇агад̇аани гаммаани гамад̇д̇аанам̣ пусиссанд̇ий’д̇и. ат̇а ко бхаг̇аваа д̇асса бхигкуно жзд̇асаа жзд̇обаривид̇аггаман̃н̃ааяа бхигкуу ааманд̇зси – таанам̣ ко банзд̇ам̣, бхигкавз, виж̇ж̇ад̇и, яам̣ ид̇хзгажжо могхабурисо авид̣̇ваа авиж̇ж̇ааг̇ад̇о д̇ан̣хаад̇хибад̇зяязна жзд̇асаа сад̇т̇усаасанам̣ ад̇ид̇хаавид̇аб̣б̣ам̣ ман̃н̃зяяа ‘ид̇и гира, бхо, руубам̣ анад̇д̇аа, взд̣̇анаа анад̇д̇аа, сан̃н̃аа анад̇д̇аа, сан̇каараа анад̇д̇аа, вин̃н̃аан̣ам̣ анад̇д̇аа, анад̇д̇агад̇аани гаммаани гамад̇д̇аанам̣ пусиссанд̇ий’д̇и…бз… д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и (ма. ни. 3.90) звам̣ барзсам̣ аж̇жхаасаяам̣ вид̣̇ид̇ваа бхаг̇авад̇аа вуд̇д̇авасзна аж̇жхаасаяаанусанд̇хи взд̣̇ид̇аб̣б̣аа.

    ‘‘Atha kho aññatarassa bhikkhuno evaṃ cetaso parivitakko udapādi ‘iti kira, bho, rūpaṃ anattā, vedanā anattā, saññā anattā, saṅkhārā anattā, viññāṇaṃ anattā, anattakatāni kammāni kamattānaṃ phusissantī’ti. Atha kho bhagavā tassa bhikkhuno cetasā cetoparivitakkamaññāya bhikkhū āmantesi – ṭhānaṃ kho panetaṃ, bhikkhave, vijjati, yaṃ idhekacco moghapuriso avidvā avijjāgato taṇhādhipateyyena cetasā satthusāsanaṃ atidhāvitabbaṃ maññeyya ‘iti kira, bho, rūpaṃ anattā, vedanā anattā, saññā anattā, saṅkhārā anattā, viññāṇaṃ anattā, anattakatāni kammāni kamattānaṃ phusissantī’ti…pe… taṃ kiṃ maññatha, bhikkhave, rūpaṃ niccaṃ vā aniccaṃ vā’’ti (ma. ni. 3.90) evaṃ paresaṃ ajjhāsayaṃ viditvā bhagavatā vuttavasena ajjhāsayānusandhi veditabbā.

    язна бана д̇хаммзна аад̣̇имхи д̣̇зсанаа удтид̇аа, д̇асса д̇хаммасса ануруубад̇хаммавасзна ваа бадигкзбавасзна ваа язсу суд̇д̇зсу убарид̣̇зсанаа ааг̇ажчад̇и, д̇зсам̣ васзна яат̇аанусанд̇хи взд̣̇ид̇аб̣б̣аа. д̇зна вуд̇д̇ам̣ ‘‘бужчаанусанд̇хий’’д̇и.

    Yena pana dhammena ādimhi desanā uṭṭhitā, tassa dhammassa anurūpadhammavasena vā paṭikkhepavasena vā yesu suttesu uparidesanā āgacchati, tesaṃ vasena yathānusandhi veditabbā. Tena vuttaṃ ‘‘pucchānusandhī’’ti.

    д̇ад̇т̇а бан̃н̃ааяа баарамиббад̇д̇од̇и саавагабаарамин̃аан̣асса мад̇т̇агам̣ бад̇д̇о. бужчад̇ийд̇и абужчи. д̇ад̇т̇а бужчаа наама ад̣̇идтаж̇од̇анаабужчаа, д̣̇идтасам̣санд̣̇анаабужчаа, вимад̇ижчзд̣̇анаабужчаа, анумад̇ибужчаа, гат̇зд̇угамяад̇аабужчаад̇и бан̃жавид̇хаа ход̇и. д̇ад̇т̇ааяам̣ т̇зрасса гад̇амаа бужчаад̇и жз? яасмаа банааяам̣ б̣уд̣̇д̇хавам̣со габбасад̇асахассаад̇хигаасан̇кязяяобажид̇абун̃н̃асамбхаараанам̣ бажжзгаб̣уд̣̇д̇хаанам̣ габбасад̇асахассаад̇хигаасан̇кязяяобажид̇абун̃н̃асамбхаараанам̣ д̣̇виннам̣ аг̇г̇асаавагаанан̃жа габбасад̇асахассобажид̇абун̃н̃асамбхаараанам̣ сзсамахаасаавагаанам̣ ваа ависаяо, саб̣б̣ан̃н̃уб̣уд̣̇д̇хаанам̣язва висаяо, д̇асмаа т̇зрасса ад̣̇идтаж̇од̇анаа бужчаад̇и взд̣̇ид̇аб̣б̣аа.

    Tattha paññāya pāramippattoti sāvakapāramiñāṇassa matthakaṃ patto. Pucchatīti apucchi. Tattha pucchā nāma adiṭṭhajotanāpucchā, diṭṭhasaṃsandanāpucchā, vimaticchedanāpucchā, anumatipucchā, kathetukamyatāpucchāti pañcavidhā hoti. Tatthāyaṃ therassa katamā pucchāti ce? Yasmā panāyaṃ buddhavaṃso kappasatasahassādhikaasaṅkhyeyyopacitapuññasambhārānaṃ paccekabuddhānaṃ kappasatasahassādhikaasaṅkhyeyyopacitapuññasambhārānaṃ dvinnaṃ aggasāvakānañca kappasatasahassopacitapuññasambhārānaṃ sesamahāsāvakānaṃ vā avisayo, sabbaññubuddhānaṃyeva visayo, tasmā therassa adiṭṭhajotanā pucchāti veditabbā.

    гийд̣̇исод̇и бужчанаагааро, гим̣багаарод̇и ад̇т̇о. д̇зд̇и д̇ава. абхинийхаарод̇и абхинийхааро наама б̣уд̣̇д̇хабхаавад̇т̇ам̣ маанасам̣ б̣анд̇хид̇ваа ‘‘б̣уд̣̇д̇хаб̣яаагаран̣ам̣ алад̣̇д̇хаа на удтахиссаамий’’д̇и вийрияамад̇хидтааяа нибаж̇ж̇анам̣. д̇зна вуд̇д̇ам̣ –

    Kīdisoti pucchanākāro, kiṃpakāroti attho. Teti tava. Abhinīhāroti abhinīhāro nāma buddhabhāvatthaṃ mānasaṃ bandhitvā ‘‘buddhabyākaraṇaṃ aladdhā na uṭṭhahissāmī’’ti vīriyamadhiṭṭhāya nipajjanaṃ. Tena vuttaṃ –

    ‘‘гийд̣̇исо д̇з махаавийра, абхинийхааро наруд̇д̇амаа’’д̇и.

    ‘‘Kīdiso te mahāvīra, abhinīhāro naruttamā’’ti.

    гамхи гаалзд̇и д̇асмим̣ гаалз. бад̇т̇ид̇аад̇и ижчид̇аа абхиган̇кид̇аа, ‘‘б̣уд̣̇д̇хо б̣од̇хзяяам̣ муд̇д̇о можзяяа’’нд̇иаад̣̇инаа наязна б̣уд̣̇д̇хабхаавааяа бан̣ид̇хаанам̣ гад̣̇аа гад̇анд̇и абужчи. б̣од̇хийд̇и саммаасамб̣од̇хи, арахад̇д̇амаг̇г̇ан̃аан̣асса жа саб̣б̣ан̃н̃уд̇ан̃н̃аан̣асса жзд̇ам̣ ад̇хиважанам̣. уд̇д̇амаад̇и саавагаб̣од̇хибажжзгаб̣од̇хийхи сздтад̇д̇аа уд̇д̇амаад̇и вуд̇д̇аа. убхиннаманд̇араа ма-гааро бад̣̇асанд̇хигаро.

    Kamhi kāleti tasmiṃ kāle. Patthitāti icchitā abhikaṅkhitā, ‘‘buddho bodheyyaṃ mutto moceyya’’ntiādinā nayena buddhabhāvāya paṇidhānaṃ kadā katanti apucchi. Bodhīti sammāsambodhi, arahattamaggañāṇassa ca sabbaññutaññāṇassa cetaṃ adhivacanaṃ. Uttamāti sāvakabodhipaccekabodhīhi seṭṭhattā uttamāti vuttā. Ubhinnamantarā ma-kāro padasandhikaro.

    ид̣̇аани б̣уд̣̇д̇хабхаавагаарагз д̇хаммз бужчанд̇о –

    Idāni buddhabhāvakārake dhamme pucchanto –

    76.

    76.

    ‘‘д̣̇аанам̣ сийлан̃жа нзгкаммам̣, бан̃н̃аавийрияан̃жа гийд̣̇исам̣;

    ‘‘Dānaṃ sīlañca nekkhammaṃ, paññāvīriyañca kīdisaṃ;

    канд̇исажжамад̇хидтаанам̣, мзд̇д̇убзгкаа жа гийд̣̇исаа.

    Khantisaccamadhiṭṭhānaṃ, mettupekkhā ca kīdisā.

    77.

    77.

    ‘‘д̣̇аса баарамий д̇аяаа д̇хийра, гийд̣̇исий логанааяага;

    ‘‘Dasa pāramī tayā dhīra, kīdisī lokanāyaka;

    гат̇ам̣ убабаарамий бун̣н̣аа, барамад̇т̇абаарамий гат̇а’’нд̇и. – ааха;

    Kathaṃ upapāramī puṇṇā, paramatthapāramī katha’’nti. – āha;

    д̇ад̇т̇а д̣̇аанабаарамияам̣ д̇аава б̣аахирабхан̣д̣абарижжааг̇о баарамий наама, ан̇г̇абарижжааг̇о убабаарамий наама, ж̇ийвид̇абарижжааг̇о барамад̇т̇абаарамий наамаад̇и. зса наяо сзсабаарамийсуби. звам̣ д̣̇аса баарамияо д̣̇аса убабаарамияо д̣̇аса барамад̇т̇абаарамияод̇и самад̇д̇им̣са баарамияо хонд̇и. д̇ад̇т̇а б̣од̇хисад̇д̇асса д̣̇аанабаарамид̇ааяа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса сасабан̣д̣ид̇аж̇аад̇агз –

    Tattha dānapāramiyaṃ tāva bāhirabhaṇḍapariccāgo pāramī nāma, aṅgapariccāgo upapāramī nāma, jīvitapariccāgo paramatthapāramī nāmāti. Esa nayo sesapāramīsupi. Evaṃ dasa pāramiyo dasa upapāramiyo dasa paramatthapāramiyoti samattiṃsa pāramiyo honti. Tattha bodhisattassa dānapāramitāya pūritattabhāvānaṃ parimāṇaṃ nāma natthi. Ekantena panassa sasapaṇḍitajātake –

    ‘‘бхигкааяа убаг̇ад̇ам̣ д̣̇исваа, сагад̇д̇аанам̣ барижжаж̇им̣;

    ‘‘Bhikkhāya upagataṃ disvā, sakattānaṃ pariccajiṃ;

    д̣̇аанзна мз само над̇т̇и, зсаа мз д̣̇аанабаарамий’’д̇и. (жарияаа. 1.143 д̇ассуд̣̇д̣̇аанам̣) –

    Dānena me samo natthi, esā me dānapāramī’’ti. (cariyā. 1.143 tassuddānaṃ) –

    звам̣ барам̣ ж̇ийвид̇абарижжааг̇ам̣ гаронд̇асса д̣̇аанабаарамий барамад̇т̇абаарамий наама ж̇аад̇аа.

    Evaṃ paraṃ jīvitapariccāgaṃ karontassa dānapāramī paramatthapāramī nāma jātā.

    д̇ат̇аа сийлабаарамид̇ааяа буурид̇ад̇д̇абхааваанам̣ баримаан̣ам̣ наама над̇т̇и. зганд̇знзва банасса сан̇кабаалаж̇аад̇агз –

    Tathā sīlapāramitāya pūritattabhāvānaṃ parimāṇaṃ nāma natthi. Ekanteneva panassa saṅkhapālajātake –

    ‘‘суулзхи винивиж̇жханд̇з, годдаяанд̇зби сад̇д̇ибхи;

    ‘‘Sūlehi vinivijjhante, koṭṭayantepi sattibhi;

    бхож̇абуд̇д̇з на губбаами, зсаа мз сийлабаарамий’’д̇и. (жарияаа. 2.91) –

    Bhojaputte na kuppāmi, esā me sīlapāramī’’ti. (cariyā. 2.91) –

    звам̣ ад̇д̇абарижжааг̇ам̣ гаронд̇асса сийлабаарамий барамад̇т̇абаарамий наама ж̇аад̇аа.

    Evaṃ attapariccāgaṃ karontassa sīlapāramī paramatthapāramī nāma jātā.

    д̇ат̇аа махаараж̇ж̇ам̣ бахааяа нзгкаммабаарамияаа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса жуул̣асуд̇асомаж̇аад̇агз –

    Tathā mahārajjaṃ pahāya nekkhammapāramiyā pūritattabhāvānaṃ parimāṇaṃ nāma natthi. Ekantena panassa cūḷasutasomajātake –

    ‘‘махаараж̇ж̇ам̣ хад̇т̇аг̇ад̇ам̣, кзл̣абин̣д̣ам̣ва чад̣д̣аяим̣;

    ‘‘Mahārajjaṃ hatthagataṃ, kheḷapiṇḍaṃva chaḍḍayiṃ;

    жаж̇ад̇о на ход̇и лаг̇г̇анам̣, зсаа мз нзгкаммабаарамий’’д̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа) –

    Cajato na hoti lagganaṃ, esā me nekkhammapāramī’’ti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakathā) –

    звам̣ ниссан̇г̇ад̇ааяа раж̇ж̇ам̣ чад̣д̣зд̇ваа нигкаманд̇асса нзгкаммабаарамий барамад̇т̇абаарамий наама ж̇аад̇аа.

    Evaṃ nissaṅgatāya rajjaṃ chaḍḍetvā nikkhamantassa nekkhammapāramī paramatthapāramī nāma jātā.

    д̇ат̇аа махосад̇хабан̣д̣ид̇агаалаад̣̇ийсу бан̃н̃аабаарамияаа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса сад̇д̇убхад̇д̇агабан̣д̣ид̇агаалз –

    Tathā mahosadhapaṇḍitakālādīsu paññāpāramiyā pūritattabhāvānaṃ parimāṇaṃ nāma natthi. Ekantena panassa sattubhattakapaṇḍitakāle –

    ‘‘бан̃н̃ааяа вижинанд̇охам̣, б̣раахман̣ам̣ можаяим̣ д̣̇укаа;

    ‘‘Paññāya vicinantohaṃ, brāhmaṇaṃ mocayiṃ dukhā;

    бан̃н̃ааяа мз само над̇т̇и, зсаа мз бан̃н̃аабаарамий’’д̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа) –

    Paññāya me samo natthi, esā me paññāpāramī’’ti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakathā) –

    анд̇обхасд̇аг̇ад̇ам̣ саббам̣ д̣̇ассзнд̇асса бан̃н̃аабаарамий барамад̇т̇абаарамий наама ж̇аад̇аа.

    Antobhastagataṃ sappaṃ dassentassa paññāpāramī paramatthapāramī nāma jātā.

    д̇ат̇аа вийрияабаарамид̇ааяа буурид̇ад̇д̇абхааваанам̣ баримаан̣ам̣ наама над̇т̇и. зганд̇зна банасса махааж̇анагаж̇аад̇агз –

    Tathā vīriyapāramitāya pūritattabhāvānaṃ parimāṇaṃ nāma natthi. Ekantena panassa mahājanakajātake –

    ‘‘ад̇ийрад̣̇ассий ж̇аламаж̇жхз, хад̇аа саб̣б̣зва маанусаа;

    ‘‘Atīradassī jalamajjhe, hatā sabbeva mānusā;

    жид̇д̇асса ан̃н̃ат̇аа над̇т̇и, зсаа мз вийрияабаарамий’’д̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа) –

    Cittassa aññathā natthi, esā me vīriyapāramī’’ti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakathā) –

    звам̣ махаасамуд̣̇д̣̇ам̣ д̇аранд̇асса вийрияабаарамий барамад̇т̇абаарамий наама ж̇аад̇аа.

    Evaṃ mahāsamuddaṃ tarantassa vīriyapāramī paramatthapāramī nāma jātā.

    д̇ат̇аа канд̇иваад̣̇иж̇аад̇агз –

    Tathā khantivādijātake –

    ‘‘ажзд̇анам̣ва годдзнд̇з, д̇ин̣хзна парасунаа мамам̣;

    ‘‘Acetanaṃva koṭṭente, tiṇhena pharasunā mamaṃ;

    гаасирааж̇з на губбаами, зсаа мз канд̇ибаарамий’’д̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа) –

    Kāsirāje na kuppāmi, esā me khantipāramī’’ti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakathā) –

    звам̣ ажзд̇анабхаавзна вияа махаад̣̇угкам̣ ад̇хиваасзнд̇асса канд̇ибаарамий барамад̇т̇абаарамий наама ж̇аад̇аа.

    Evaṃ acetanabhāvena viya mahādukkhaṃ adhivāsentassa khantipāramī paramatthapāramī nāma jātā.

    д̇ат̇аа махаасуд̇асомаж̇аад̇агз –

    Tathā mahāsutasomajātake –

    ‘‘сажжаваажам̣нурагканд̇о, жаж̇ид̇ваа мама ж̇ийвид̇ам̣;

    ‘‘Saccavācaṃnurakkhanto, cajitvā mama jīvitaṃ;

    можзсим̣ згасад̇ам̣ кад̇д̇ияз, зсаа мз сажжабаарамий’’д̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа) –

    Mocesiṃ ekasataṃ khattiye, esā me saccapāramī’’ti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakathā) –

    звам̣ ж̇ийвид̇ам̣ жаж̇ид̇ваа сажжам̣ анурагканд̇асса сажжабаарамий барамад̇т̇абаарамий наама ж̇аад̇аа.

    Evaṃ jīvitaṃ cajitvā saccaṃ anurakkhantassa saccapāramī paramatthapāramī nāma jātā.

    д̇ат̇аа мууг̇абагкаж̇аад̇агз –

    Tathā mūgapakkhajātake –

    ‘‘маад̇аа бид̇аа на мз д̣̇зссаа, ад̇д̇аа мз на жа д̣̇зссияо;

    ‘‘Mātā pitā na me dessā, attā me na ca dessiyo;

    саб̣б̣ан̃н̃уд̇ам̣ бияам̣ маяхам̣, д̇асмаа вад̇ам̣ ад̇хидтахи’’нд̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа; жарияаа 3.65) –

    Sabbaññutaṃ piyaṃ mayhaṃ, tasmā vataṃ adhiṭṭhahi’’nti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakathā; cariyā 3.65) –

    звам̣ ж̇ийвид̇амби барижжаж̇ид̇ваа вад̇ам̣ ад̇хидтаханд̇асса ад̇хидтаанабаарамий барамад̇т̇абаарамий наама ж̇аад̇аа.

    Evaṃ jīvitampi pariccajitvā vataṃ adhiṭṭhahantassa adhiṭṭhānapāramī paramatthapāramī nāma jātā.

    д̇ат̇аа суван̣н̣асаамаж̇аад̇агз –

    Tathā suvaṇṇasāmajātake –

    ‘‘на мам̣ гожи уд̇д̇асад̇и, наби бхааяаами гассажи;

    ‘‘Na maṃ koci uttasati, napi bhāyāmi kassaci;

    мзд̇д̇ааб̣алзнубад̇т̇ад̣̇д̇хо, рамаами баванз д̇ад̣̇аа’’д̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа; жарияаа. 3.113) –

    Mettābalenupatthaddho, ramāmi pavane tadā’’ti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakathā; cariyā. 3.113) –

    звам̣ ж̇ийвид̇амби анологзд̇ваа мзд̇д̇ааяанд̇асса мзд̇д̇аабаарамий барамад̇т̇абаарамий наама ж̇аад̇аа.

    Evaṃ jīvitampi anoloketvā mettāyantassa mettāpāramī paramatthapāramī nāma jātā.

    д̇ад̇о ломахам̣саж̇аад̇агз –

    Tato lomahaṃsajātake –

    ‘‘сусаанз сзяяам̣ габбзми, чавадтигам̣ убанид̇хааяахам̣;

    ‘‘Susāne seyyaṃ kappemi, chavaṭṭhikaṃ upanidhāyahaṃ;

    г̇ааман̣д̣алаа убаг̇анд̇ваа, руубам̣ д̣̇ассзнд̇инаббага’’нд̇и. (д̇ха. са. адта. нид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; аба. адта. 1.д̣̇уурзнид̣̇аанагат̇аа; жарияаа. 3.119) –

    Gāmaṇḍalā upagantvā, rūpaṃ dassentinappaka’’nti. (dha. sa. aṭṭha. nidānakathā; jā. aṭṭha. 1.dūrenidānakathā; apa. aṭṭha. 1.dūrenidānakathā; cariyā. 3.119) –

    звам̣ г̇аамад̣̇аарагзсу нидтубханаад̣̇ийхи жзва маалааг̇анд̇хуубахаараад̣̇ийхи жа сукад̣̇угкам̣ уббаад̣̇знд̇зсуби убзгкам̣ анад̇ивад̇д̇анд̇асса убзгкаабаарамий барамад̇т̇абаарамий наама ж̇аад̇аа. аяамзд̇т̇а сан̇кзбо, вид̇т̇ааро бана жарияаабидагад̇о г̇ахзд̇аб̣б̣о.

    Evaṃ gāmadārakesu niṭṭhubhanādīhi ceva mālāgandhūpahārādīhi ca sukhadukkhaṃ uppādentesupi upekkhaṃ anativattantassa upekkhāpāramī paramatthapāramī nāma jātā. Ayamettha saṅkhepo, vitthāro pana cariyāpiṭakato gahetabbo.

    ид̣̇аани т̇зрзна будтасса бхаг̇авад̇о б̣яаагаран̣ам̣ д̣̇ассзнд̇зхи сан̇г̇ийд̇игаарагзхи –

    Idāni therena puṭṭhassa bhagavato byākaraṇaṃ dassentehi saṅgītikārakehi –

    78.

    78.

    ‘‘д̇асса будто вияаагааси, гаравийгамад̇хураг̇иро;

    ‘‘Tassa puṭṭho viyākāsi, karavīkamadhuragiro;

    ниб̣б̣аабаяанд̇о хад̣̇аяам̣, хаасаяанд̇о сад̣̇звагам̣.

    Nibbāpayanto hadayaṃ, hāsayanto sadevakaṃ.

    79.

    79.

    ‘‘ад̇ийд̇аб̣уд̣̇д̇хаанам̣ ж̇инаанам̣ д̣̇зсид̇ам̣, нигийлид̇ам̣ б̣уд̣̇д̇хабарамбарааг̇ад̇ам̣;

    ‘‘Atītabuddhānaṃ jinānaṃ desitaṃ, nikīlitaṃ buddhaparamparāgataṃ;

    буб̣б̣зниваасаануг̇ад̇ааяа б̣уд̣̇д̇хияаа, багаасаяий логахид̇ам̣ сад̣̇звагз’’д̇и. – вуд̇д̇ам̣;

    Pubbenivāsānugatāya buddhiyā, pakāsayī lokahitaṃ sadevake’’ti. – vuttaṃ;

    д̇ад̇т̇а д̇асса будто вияаагаасийд̇и д̇зна д̇хаммасзнаабад̇инаа будто худ̇ваа д̇асса б̣яаагааси, ад̇д̇ано абхинийхаарад̇о бадтааяа абхисамб̣од̇хибарияосаанам̣ саб̣б̣ам̣ б̣уд̣̇д̇хавам̣сам̣ гат̇зсийд̇и ад̇т̇о. гаравийгамад̇хураг̇ирод̇и гаравийгасагун̣асса вияа мад̇хураа г̇ираа яасса со гаравийгамад̇хураг̇иро, гаравийгамад̇хураман̃ж̇уссарод̇и ад̇т̇о. д̇ад̇рид̣̇ам̣ гаравийгаанам̣ мад̇хурассарад̇аа – гаравийгасагун̣аа гира мад̇хурарасам̣ амб̣абаггам̣ мукад̇ун̣д̣агзна бахарид̇ваа баг̇гхарид̇ам̣ паларасам̣ бивид̇ваа багкзна д̇аал̣ам̣ д̣̇ад̇ваа вигууж̇амаанз жад̇уббад̣̇аа мад̣̇амад̇д̇аа вияа лал̣ид̇ум̣ аарабханд̇и, г̇ожарабасуд̇ааби жад̇уббад̣̇аг̇ан̣аа мукаг̇ад̇ааниби д̇ин̣аани чад̣д̣зд̇ваа д̇ам̣ наад̣̇ам̣ сун̣анд̇и, ваал̣амиг̇аа куд̣̇д̣̇агамиг̇з ануб̣анд̇хамаанаа угкид̇д̇ам̣ баад̣̇ам̣ анигкибид̇ваа жид̇д̇агад̇аа вияа д̇идтанд̇и, ануб̣анд̇хамиг̇ааби маран̣абхаяам̣ хид̇ваа д̇идтанд̇и, аагаасз багканд̣̇анд̇аа багкиноби багкз басаарзд̇ваа д̇идтанд̇и, уд̣̇агз мажчааби ган̣н̣абадалам̣ ажаалзнд̇аа д̇ам̣ сад̣̇д̣̇ам̣ сун̣амаанаа д̇идтанд̇и. звам̣ мад̇хурассараа гаравийгаа (д̣̇ий. ни. адта. 2.38; ма. ни. адта. 2.386). ниб̣б̣аабаяанд̇о хад̣̇аяанд̇и гилзсаг̇г̇исанд̇ад̇д̇асаб̣б̣аж̇анамаанасам̣ д̇хаммагат̇аамад̇ад̇хаарааяа сийд̇ибхаавам̣ ж̇анаяанд̇од̇и ад̇т̇о. хаасаяанд̇од̇и д̇осаяанд̇о. сад̣̇зваганд̇и сад̣̇звагам̣ логам̣.

    Tattha tassa puṭṭho viyākāsīti tena dhammasenāpatinā puṭṭho hutvā tassa byākāsi, attano abhinīhārato paṭṭhāya abhisambodhipariyosānaṃ sabbaṃ buddhavaṃsaṃ kathesīti attho. Karavīkamadhuragiroti karavīkasakuṇassa viya madhurā girā yassa so karavīkamadhuragiro, karavīkamadhuramañjussaroti attho. Tatridaṃ karavīkānaṃ madhurassaratā – karavīkasakuṇā kira madhurarasaṃ ambapakkaṃ mukhatuṇḍakena paharitvā paggharitaṃ phalarasaṃ pivitvā pakkhena tāḷaṃ datvā vikūjamāne catuppadā madamattā viya laḷituṃ ārabhanti, gocarapasutāpi catuppadagaṇā mukhagatānipi tiṇāni chaḍḍetvā taṃ nādaṃ suṇanti, vāḷamigā khuddakamige anubandhamānā ukkhittaṃ pādaṃ anikkhipitvā cittakatā viya tiṭṭhanti, anubandhamigāpi maraṇabhayaṃ hitvā tiṭṭhanti, ākāse pakkhandantā pakkhinopi pakkhe pasāretvā tiṭṭhanti, udake macchāpi kaṇṇapaṭalaṃ acālentā taṃ saddaṃ suṇamānā tiṭṭhanti. Evaṃ madhurassarā karavīkā (dī. ni. aṭṭha. 2.38; ma. ni. aṭṭha. 2.386). Nibbāpayanto hadayanti kilesaggisantattasabbajanamānasaṃ dhammakathāmatadhārāya sītibhāvaṃ janayantoti attho. Hāsayantoti tosayanto. Sadevakanti sadevakaṃ lokaṃ.

    ад̇ийд̇аб̣уд̣̇д̇хаананд̇и ад̇ийд̇аанам̣ б̣уд̣̇д̇хаанам̣. амхаагам̣ бхаг̇авад̇о абхинийхаарасса бурад̇о бана д̇ан̣хан̇гаро мзд̇хан̇гаро саран̣ан̇гаро д̣̇ийбан̇гарод̇и жад̇д̇ааро б̣уд̣̇д̇хаа згасмим̣ габбз ниб̣б̣ад̇д̇им̣су. д̇зсам̣ абарабхааг̇з гон̣д̣ан̃н̃аад̣̇аяо д̇звийсад̇и б̣уд̣̇д̇хаад̇и саб̣б̣з д̣̇ийбан̇гараад̣̇аяо жад̇увийсад̇и б̣уд̣̇д̇хаа ид̇ха ‘‘ад̇ийд̇аб̣уд̣̇д̇хаа’’д̇и ад̇хиббзд̇аа, д̇зсам̣ ад̇ийд̇аб̣уд̣̇д̇хаанам̣. ж̇инаананд̇и д̇ассзва взважанам̣. д̣̇зсид̇анд̇и гат̇ид̇ам̣. жад̇увийсад̇ияаа б̣уд̣̇д̇хаанам̣ жад̇усажжабадисам̣яуд̇д̇ам̣ д̇хаммагат̇ам̣. нигийлид̇анд̇и д̇зсам̣ жарид̇ам̣ габбаж̇аад̇иг̇од̇д̇ааяуб̣од̇хисаавагасаннибаад̇аубадтаагамаад̇аабид̇убуд̇д̇абхарияаабарижчзд̣̇аад̣̇игам̣ нигийлид̇ам̣ наама. б̣уд̣̇д̇хабарамбарааг̇ад̇анд̇и д̣̇ийбан̇гарад̣̇асаб̣алад̇о бадтааяа яаава гассабабарамбарад̇о ааг̇ад̇ам̣ д̣̇зсид̇ам̣ нигийлид̇ам̣ ваад̇и ад̇т̇о. буб̣б̣зниваасаануг̇ад̇ааяа б̣уд̣̇д̇хияаад̇и згамби ж̇аад̇им̣ д̣̇взби ж̇аад̇ияод̇и (ма. ни. 1.148, 384, 421; 2.233; 3.82; баараа. 12) звам̣ вибхад̇д̇ам̣ буб̣б̣з нивудтагканд̇хасанд̇аанасан̇каад̇ам̣ буб̣б̣зниваасам̣ ануг̇ад̇аа убаг̇ад̇аа д̇ааяа буб̣б̣зниваасаануг̇ад̇ааяа б̣уд̣̇д̇хияаа, буб̣б̣зниваасаануссад̇ин̃аан̣знаад̇и ад̇т̇о. багаасаяийд̇и б̣яаагааси. логахид̇анд̇и саб̣б̣алогахид̇ам̣ б̣уд̣̇д̇хавам̣сам̣. сад̣̇звагзд̇и сад̣̇звагз логзд̇и ад̇т̇о.

    Atītabuddhānanti atītānaṃ buddhānaṃ. Amhākaṃ bhagavato abhinīhārassa purato pana taṇhaṅkaro medhaṅkaro saraṇaṅkaro dīpaṅkaroti cattāro buddhā ekasmiṃ kappe nibbattiṃsu. Tesaṃ aparabhāge koṇḍaññādayo tevīsati buddhāti sabbe dīpaṅkarādayo catuvīsati buddhā idha ‘‘atītabuddhā’’ti adhippetā, tesaṃ atītabuddhānaṃ. Jinānanti tasseva vevacanaṃ. Desitanti kathitaṃ. Catuvīsatiyā buddhānaṃ catusaccapaṭisaṃyuttaṃ dhammakathaṃ. Nikīlitanti tesaṃ caritaṃ kappajātigottāyubodhisāvakasannipātaupaṭṭhākamātāpituputtabhariyāparicchedādikaṃ nikīlitaṃ nāma. Buddhaparamparāgatanti dīpaṅkaradasabalato paṭṭhāya yāva kassapaparamparato āgataṃ desitaṃ nikīlitaṃ vāti attho. Pubbenivāsānugatāya buddhiyāti ekampi jātiṃ dvepi jātiyoti (ma. ni. 1.148, 384, 421; 2.233; 3.82; pārā. 12) evaṃ vibhattaṃ pubbe nivuṭṭhakkhandhasantānasaṅkhātaṃ pubbenivāsaṃ anugatā upagatā tāya pubbenivāsānugatāya buddhiyā, pubbenivāsānussatiñāṇenāti attho. Pakāsayīti byākāsi. Lokahitanti sabbalokahitaṃ buddhavaṃsaṃ. Sadevaketi sadevake loketi attho.

    80. ат̇а бхаг̇аваа гарун̣аасийд̇алзна хад̣̇аязна сад̣̇звагам̣ логам̣ саванз нияож̇знд̇о ‘‘бийд̇ибаамож̇ж̇аж̇анана’’нд̇иаад̣̇имааха. д̇ад̇т̇а бийд̇ибаамож̇ж̇аж̇анананд̇и бийд̇ибаамож̇ж̇агарам̣ бийд̇ияаа буб̣б̣абхааг̇ам̣ баамож̇ж̇ам̣, бан̃жаван̣н̣ааяа бийд̇ияаа ж̇анананд̇и ад̇т̇о. согасаллавинод̣̇ананд̇и согасан̇каад̇аанам̣ саллаанам̣ винод̣̇анам̣ вид̣̇д̇хам̣санам̣. саб̣б̣асамбад̇д̇ибадилаабханд̇и саб̣б̣ааби д̣̇звамануссасамбад̇д̇иаад̣̇аяо самбад̇д̇ияо бадилабханд̇и зд̇знаад̇и саб̣б̣асамбад̇д̇ибадилаабхо, д̇ам̣ саб̣б̣асамбад̇д̇ибадилаабхам̣ б̣уд̣̇д̇хавам̣сад̣̇зсананд̇и ад̇т̇о. жид̇д̇ийгад̇ваад̇и жид̇д̇з гад̇ваа, б̣уд̣̇д̇хаануссад̇им̣ бурагкад̇ваад̇и ад̇т̇о. сун̣аат̇аад̇и нисаамзт̇а ниб̣од̇хат̇а. мзд̇и мама.

    80. Atha bhagavā karuṇāsītalena hadayena sadevakaṃ lokaṃ savane niyojento ‘‘pītipāmojjajanana’’ntiādimāha. Tattha pītipāmojjajanananti pītipāmojjakaraṃ pītiyā pubbabhāgaṃ pāmojjaṃ, pañcavaṇṇāya pītiyā janananti attho. Sokasallavinodananti sokasaṅkhātānaṃ sallānaṃ vinodanaṃ viddhaṃsanaṃ. Sabbasampattipaṭilābhanti sabbāpi devamanussasampattiādayo sampattiyo paṭilabhanti etenāti sabbasampattipaṭilābho, taṃ sabbasampattipaṭilābhaṃ buddhavaṃsadesananti attho. Cittīkatvāti citte katvā, buddhānussatiṃ purakkhatvāti attho. Suṇāthāti nisāmetha nibodhatha. Meti mama.

    81. мад̣̇аниммад̣̇ананд̇и ж̇аад̇имад̣̇аад̣̇ийнам̣ саб̣б̣амад̣̇аанам̣ ниммад̣̇анагарам̣. согануд̣̇анд̇и сого наама н̃аад̇иб̣яасанаад̣̇ийхи пудтасса жид̇д̇асанд̇аабо. гин̃жааби ад̇т̇ад̇о д̣̇оманассамзва ход̇и, звам̣ санд̇зби анд̇ониж̇жхааналагкан̣о, жзд̇асо бариниж̇жхааяанарасо, анусожанабажжубадтаано, д̇ам̣ согам̣ нуд̣̇ад̇ийд̇и согануд̣̇о, д̇ам̣ согануд̣̇ам̣. сам̣саарабариможананд̇и сам̣саараб̣анд̇ханад̇о бариможанагарам̣. ‘‘сам̣саарасамад̇иггама’’нд̇иби баато, д̇асса сам̣саарасамад̇иггамагаранд̇и ад̇т̇о.

    81.Madanimmadananti jātimadādīnaṃ sabbamadānaṃ nimmadanakaraṃ. Sokanudanti soko nāma ñātibyasanādīhi phuṭṭhassa cittasantāpo. Kiñcāpi atthato domanassameva hoti, evaṃ santepi antonijjhānalakkhaṇo, cetaso parinijjhāyanaraso, anusocanapaccupaṭṭhāno, taṃ sokaṃ nudatīti sokanudo, taṃ sokanudaṃ. Saṃsāraparimocananti saṃsārabandhanato parimocanakaraṃ. ‘‘Saṃsārasamatikkama’’ntipi pāṭho, tassa saṃsārasamatikkamakaranti attho.

    саб̣б̣ад̣̇угкагкаяанд̇и зд̇т̇а д̣̇угка-сад̣̇д̣̇о д̣̇угкавзд̣̇анаа-д̣̇угкавад̇т̇у-д̣̇угкаарамман̣а-д̣̇угкабажжаяа-д̣̇угкадтаанаад̣̇ийсу д̣̇иссад̇и. аяан̃хи ‘‘д̣̇угкасса жа бахаанаа’’д̇иаад̣̇ийсу (д̣̇ий. ни. 1.232; ма. ни. 1.383, 430; баараа. 11) д̣̇угкавзд̣̇анааяам̣ д̣̇иссад̇и. ‘‘ж̇аад̇иби д̣̇угкаа ж̇арааби д̣̇угкаа’’д̇иаад̣̇ийсу (д̣̇ий. ни. 2.387; сам̣. ни. 5.1081) д̣̇угкавад̇т̇усмим̣. ‘‘яасмаа жа ко, махаали, руубам̣ д̣̇угкам̣ д̣̇угкаанубад̇ид̇ам̣ д̣̇угкаавагганд̇а’’нд̇иаад̣̇ийсу (сам̣. ни. 3.60) д̣̇угкаарамман̣з. ‘‘д̣̇угко баабасса ужжаяо’’д̇иаад̣̇ийсу (д̇ха. ба. 117) д̣̇угкабажжаяз. ‘‘яааван̃жид̣̇ам̣, бхигкавз, на сугараа агкаанзна баабун̣ид̇ам̣ яаава д̣̇угкаа нираяаа’’д̇иаад̣̇ийсу (ма. ни. 3.250) д̣̇угкадтаанз. ид̇ха банааяам̣ д̣̇угкавад̇т̇усмим̣ д̣̇угкабажжаязби жа д̣̇адтаб̣б̣о. д̇асмаа ж̇аад̇иаад̣̇исаб̣б̣ад̣̇угкагкаяагаранд̇и ад̇т̇о (д̇ха. са. адта. 2 аад̣̇аяо). маг̇г̇анд̇и зд̇т̇а гусалад̇т̇игзхи маг̇г̇ийяад̇и, гилзсз ваа маарзнд̇о г̇ажчад̇ийд̇и маг̇г̇од̇и б̣уд̣̇д̇хавам̣сад̣̇зсанаа вужжад̇и, д̇ам̣ ниб̣б̣аанасса маг̇г̇абхууд̇ам̣ б̣уд̣̇д̇хавам̣сад̣̇зсанам̣. саггажжанд̇и саггажжам̣ жид̇д̇ийгад̇ваа, охид̇асод̇аа худ̇ваад̇и ад̇т̇о. бадибаж̇ж̇ат̇аад̇и ад̇хид̇идтат̇а, сун̣аат̇аад̇и ад̇т̇о. ат̇а ваа бийд̇ибаамож̇ж̇аж̇ананам̣ согасаллавинод̣̇анам̣ саб̣б̣асамбад̇д̇ибадилаабхахзд̇убхууд̇ам̣ имам̣ б̣уд̣̇д̇хавам̣сад̣̇зсанам̣ суд̇ваа ид̣̇аани мад̣̇аниммад̣̇анаад̣̇иг̇ун̣ависзсаавахам̣ саб̣б̣ад̣̇угкагкаяам̣ б̣уд̣̇д̇хабхаавамаг̇г̇ам̣ бадибаж̇ж̇ат̇аад̇и саб̣б̣зсам̣ д̣̇звамануссаанам̣ б̣уд̣̇д̇хад̇д̇ам̣ бан̣ид̇хааяа уссаахам̣ ж̇анзд̇и. сзсамзд̇т̇а уд̇д̇аанамзваад̇и.

    Sabbadukkhakkhayanti ettha dukkha-saddo dukkhavedanā-dukkhavatthu-dukkhārammaṇa-dukkhapaccaya-dukkhaṭṭhānādīsu dissati. Ayañhi ‘‘dukkhassa ca pahānā’’tiādīsu (dī. ni. 1.232; ma. ni. 1.383, 430; pārā. 11) dukkhavedanāyaṃ dissati. ‘‘Jātipi dukkhā jarāpi dukkhā’’tiādīsu (dī. ni. 2.387; saṃ. ni. 5.1081) dukkhavatthusmiṃ. ‘‘Yasmā ca kho, mahāli, rūpaṃ dukkhaṃ dukkhānupatitaṃ dukkhāvakkanta’’ntiādīsu (saṃ. ni. 3.60) dukkhārammaṇe. ‘‘Dukkho pāpassa uccayo’’tiādīsu (dha. pa. 117) dukkhapaccaye. ‘‘Yāvañcidaṃ, bhikkhave, na sukarā akkhānena pāpuṇitaṃ yāva dukkhā nirayā’’tiādīsu (ma. ni. 3.250) dukkhaṭṭhāne. Idha panāyaṃ dukkhavatthusmiṃ dukkhapaccayepi ca daṭṭhabbo. Tasmā jātiādisabbadukkhakkhayakaranti attho (dha. sa. aṭṭha. 2 ādayo). Magganti ettha kusalatthikehi maggīyati, kilese vā mārento gacchatīti maggoti buddhavaṃsadesanā vuccati, taṃ nibbānassa maggabhūtaṃ buddhavaṃsadesanaṃ. Sakkaccanti sakkaccaṃ cittīkatvā, ohitasotā hutvāti attho. Paṭipajjathāti adhitiṭṭhatha, suṇāthāti attho. Atha vā pītipāmojjajananaṃ sokasallavinodanaṃ sabbasampattipaṭilābhahetubhūtaṃ imaṃ buddhavaṃsadesanaṃ sutvā idāni madanimmadanādiguṇavisesāvahaṃ sabbadukkhakkhayaṃ buddhabhāvamaggaṃ paṭipajjathāti sabbesaṃ devamanussānaṃ buddhattaṃ paṇidhāya ussāhaṃ janeti. Sesamettha uttānamevāti.

    ид̇и мад̇хурад̇т̇авилаасинияаа б̣уд̣̇д̇хавам̣са-адтагат̇ааяа

    Iti madhuratthavilāsiniyā buddhavaṃsa-aṭṭhakathāya

    рад̇анажан̇гаманаган̣д̣аван̣н̣анаа нидтид̇аа.

    Ratanacaṅkamanakaṇḍavaṇṇanā niṭṭhitā.

    нидтид̇аа жа саб̣б̣аагаарзна аб̣бханд̇аранид̣̇аанассад̇т̇аван̣н̣анаа.

    Niṭṭhitā ca sabbākārena abbhantaranidānassatthavaṇṇanā.




    Next: 2. сумзд̇хабад̇т̇анаагат̇ааван̣н̣анаа • 2. Sumedhapatthanākathāvaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 1. рад̇анажан̇гаманаган̣д̣ам̣ • 1. Ratanacaṅkamanakaṇḍaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact