| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
2. рад̇анасигкаабад̣̇ам̣
2. Ratanasikkhāpadaṃ
502. д̣̇уд̇ияз бамуссид̇ваад̇и сад̇ивиббаваасзна бамуссид̇ваа. бун̣н̣абад̇д̇анд̇и д̇удтид̣̇ааяам̣. д̇ан̃хи манорат̇абун̣н̣зна бад̇д̇аб̣б̣абхааг̇ад̇д̇аа ‘‘бун̣н̣абад̇д̇а’’нд̇и вужжад̇и. д̇асса саруубам̣ д̣̇ассзд̇ум̣ вуд̇д̇ам̣ ‘‘сад̇ад̇о бан̃жа гахаабан̣аа’’д̇и. ид̇ха бана гахаабан̣аанам̣ бан̃жасад̇ад̇д̇аа бан̃жавийсагахаабан̣аа ад̇хиббзд̇аа. аабхаран̣асад̣̇д̣̇асса алан̇гаарасад̣̇д̣̇зна барияааяабхаавам̣ д̣̇ассзд̇ум̣ вуд̇д̇ам̣ ‘‘алан̇гаара’’нд̇и. ‘‘махаалад̇ам̣ наамаа’’д̇и иминаа на яо ваа со ваа алан̇гааро, ат̇а ко висзсаалан̇гаарод̇и д̣̇ассзд̇и. маханд̇аани маалаагаммалад̇аагаммаани зд̇т̇аад̇и махаалад̇аа. лад̇ааг̇ахан̣зна хи маалааби г̇ахид̇аа. навахи годийхи аг̇гхам̣ имассаад̇и навагодиаг̇гханагам̣, навагодисан̇каад̇ам̣ аг̇гхам̣ арахад̇ийд̇и ваа навагодиаг̇гханагам̣.
502. Dutiye pamussitvāti sativippavāsena pamussitvā. Puṇṇapattanti tuṭṭhidāyaṃ. Tañhi manorathapuṇṇena pattabbabhāgattā ‘‘puṇṇapatta’’nti vuccati. Tassa sarūpaṃ dassetuṃ vuttaṃ ‘‘satato pañca kahāpaṇā’’ti. Idha pana kahāpaṇānaṃ pañcasatattā pañcavīsakahāpaṇā adhippetā. Ābharaṇasaddassa alaṅkārasaddena pariyāyabhāvaṃ dassetuṃ vuttaṃ ‘‘alaṅkāra’’nti. ‘‘Mahālataṃ nāmā’’ti iminā na yo vā so vā alaṅkāro, atha kho visesālaṅkāroti dasseti. Mahantāni mālākammalatākammāni etthāti mahālatā. Latāgahaṇena hi mālāpi gahitā. Navahi koṭīhi agghaṃ imassāti navakoṭiagghanakaṃ, navakoṭisaṅkhātaṃ agghaṃ arahatīti vā navakoṭiagghanakaṃ.
504. анд̇з самийбз васанасийлад̇д̇аа барижаариго ‘‘анд̇зваасий’’д̇и вужжад̇ийд̇и ааха ‘‘барижаариго’’д̇и.
504. Ante samīpe vasanasīlattā paricāriko ‘‘antevāsī’’ti vuccatīti āha ‘‘paricāriko’’ti.
506. д̣̇вз лзд̣д̣убаад̇аад̇и т̇аамамаж̇жхимасса бурисасса д̣̇вз лзд̣д̣убаад̇аа. сан̇гха…бз… навагаммаанам̣ ад̇т̇ааяа уг̇г̇ан̣ханд̇асса ваа уг̇г̇ан̣хаабзнд̇асса ваа д̣̇уггаданд̇и яож̇анаа. авасзсанд̇и ж̇аад̇аруубараж̇ад̇ад̇о авасзсам̣. маад̇уган̣н̣абил̣анд̇ханад̇аалабан̣н̣амбийд̇и маад̇уяаа ган̣н̣з бил̣анд̇хид̇ад̇аалабан̣н̣амби, бадисаамзнд̇ассаад̇и самб̣анд̇хо.
506.Dve leḍḍupātāti thāmamajjhimassa purisassa dve leḍḍupātā. Saṅgha…pe… navakammānaṃ atthāya uggaṇhantassa vā uggaṇhāpentassa vā dukkaṭanti yojanā. Avasesanti jātarūparajatato avasesaṃ. Mātukaṇṇapiḷandhanatālapaṇṇampīti mātuyā kaṇṇe piḷandhitatālapaṇṇampi, paṭisāmentassāti sambandho.
‘‘габбияабхан̣д̣ам̣ ход̇ий’’д̇и иминаа агаббияабхан̣д̣ам̣ на ваддад̇ийд̇и д̣̇ассзд̇и. ид̣̇анд̇и бхан̣д̣ам̣. балиб̣од̇хо наамаад̇и ад̇д̇ано балиб̣од̇хо наама. чанд̣̇знабийд̇и вад̣дхагийаад̣̇ийнам̣ чанд̣̇ахзд̇унааби. бхаязнабийд̇и рааж̇аваллабхаанам̣ бхаяахзд̇унааби. б̣алаггаарзнаад̇и гаран̣ам̣ гааро, б̣алзна гааро б̣алаггааро, д̇зна, б̣алаггааро худ̇ваа баад̇зд̇ваад̇и ад̇т̇о.
‘‘Kappiyabhaṇḍaṃ hotī’’ti iminā akappiyabhaṇḍaṃ na vaṭṭatīti dasseti. Idanti bhaṇḍaṃ. Palibodhonāmāti attano palibodho nāma. Chandenapīti vaḍḍhakīādīnaṃ chandahetunāpi. Bhayenapīti rājavallabhānaṃ bhayahetunāpi. Balakkārenāti karaṇaṃ kāro, balena kāro balakkāro, tena, balakkāro hutvā pātetvāti attho.
д̇ад̇т̇аад̇и махаараамз. яад̇т̇аад̇и яасмим̣ таанз, сан̇гаа уббаж̇ж̇ад̇ийд̇и самб̣анд̇хо. махааж̇анасан̃жаран̣адтаанзсууд̇и б̣ахуунам̣ ж̇анаанам̣ сан̃жаран̣асан̇каад̇зсу таанзсу. наг̇ахзд̇аб̣б̣асса хзд̇ум̣ д̣̇ассзд̇ум̣ вуд̇д̇ам̣ ‘‘балиб̣од̇хо на ход̇ий’’д̇и. яасмаа балиб̣од̇хо на ход̇и, д̇асмаа на г̇ахзд̇аб̣б̣анд̇и ад̇хиббааяо. згод̇и зго бхигку бассад̇ийд̇и самб̣анд̇хо. оггаммаад̇и оггамид̇ваа.
Tatthāti mahārāme. Yatthāti yasmiṃ ṭhāne, saṅkā uppajjatīti sambandho. Mahājanasañcaraṇaṭṭhānesūti bahūnaṃ janānaṃ sañcaraṇasaṅkhātesu ṭhānesu. Nagahetabbassa hetuṃ dassetuṃ vuttaṃ ‘‘palibodho na hotī’’ti. Yasmā palibodho na hoti, tasmā na gahetabbanti adhippāyo. Ekoti eko bhikkhu passatīti sambandho. Okkammāti okkamitvā.
руубасад̣̇д̣̇о бхан̣д̣абарияааяод̇и ааха ‘‘бхан̣д̣а’’нд̇и. бхан̣д̣ам̣ руубам̣ наамаад̇и яож̇анаа. бхан̣д̣иганд̇и бхан̣д̣зна нияуд̇д̇ам̣ будагам̣. г̇ан̣зд̇ваад̇и г̇ан̣анам̣ гад̇ваа. нимид̇д̇анд̇ийд̇и зд̇т̇а ид̇исад̣̇д̣̇о наамабарияааяо. лан̃чанаад̣̇и нимид̇д̇ам̣ наамаад̇и хи яож̇анаа. лан̃чанаад̣̇ийд̇и аад̣̇исад̣̇д̣̇зна нийлабилод̇игаад̣̇аяо сан̇г̇ан̣хаад̇и. лаакааяаад̇и ж̇ад̇унаа.
Rūpasaddo bhaṇḍapariyāyoti āha ‘‘bhaṇḍa’’nti. Bhaṇḍaṃ rūpaṃ nāmāti yojanā. Bhaṇḍikanti bhaṇḍena niyuttaṃ puṭakaṃ. Gaṇetvāti gaṇanaṃ katvā. Nimittantīti ettha itisaddo nāmapariyāyo. Lañchanādi nimittaṃ nāmāti hi yojanā. Lañchanādīti ādisaddena nīlapilotikādayo saṅgaṇhāti. Lākhāyāti jatunā.
бад̇ируубаа наама ид̇ха лаж̇ж̇игуггужжагаад̇и ааха ‘‘лаж̇ж̇ино гуггужжагаа’’д̇и. т̇ааваранд̇и ж̇ан̇г̇амаа ан̃н̃ам̣ т̇ааварам̣. ад̣̇д̇хунод̇и гааласса. самаад̣̇абзд̇ваад̇и ан̃н̃з самаад̣̇абзд̇ваа. уд̣̇д̣̇исса арияаа д̇идтанд̇и, зсаа арияаана яаажанаа’’д̇и (ж̇аа. 1.7.59) вуд̇д̇анаязна яаажид̇ваад̇и ад̇т̇о.
Patirūpā nāma idha lajjikukkuccakāti āha ‘‘lajjino kukkuccakā’’ti. Thāvaranti jaṅgamā aññaṃ thāvaraṃ. Addhunoti kālassa. Samādapetvāti aññe samādapetvā. Uddissa ariyā tiṭṭhanti, esā ariyāna yācanā’’ti (jā. 1.7.59) vuttanayena yācitvāti attho.
507. рад̇анасаммад̇анд̇и мануссаанам̣ убабхог̇абарибхог̇анд̇и. д̣̇уд̇ияам̣.
507.Ratanasammatanti manussānaṃ upabhogaparibhoganti. Dutiyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. рад̇анаваг̇г̇о • 9. Ratanavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. рад̇анасигкаабад̣̇аван̣н̣анаа • 2. Ratanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 2. рад̇анасигкаабад̣̇аван̣н̣анаа • 2. Ratanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. рад̇анасигкаабад̣̇аван̣н̣анаа • 2. Ratanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. рад̇анасигкаабад̣̇аван̣н̣анаа • 2. Ratanasikkhāpadavaṇṇanā
