| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
2. рад̇анасигкаабад̣̇аван̣н̣анаа
2. Ratanasikkhāpadavaṇṇanā
муд̇д̇аад̣̇ид̣̇асавид̇ханд̇и ‘‘муд̇д̇аа ман̣и взл̣урияо сан̇ко силаа баваал̣ам̣ раж̇ад̇ам̣ ж̇аад̇аруубам̣ лохид̇ан̇го масаараг̇алла’’нд̇и (баажи. 506) д̣̇асавид̇хам̣ рад̇анам̣. аж̇жхаавасат̇зд̇и г̇зхз. д̇знааха ‘‘баригкид̇д̇ассаа’’д̇иаад̣̇и, баригкид̇д̇асса аавасат̇ассаад̇и ад̇т̇о. аавасат̇од̇и жзд̇т̇а анд̇ог̇аамз нивидтаг̇зхам̣ ад̇хиббзд̇ам̣. аараамз нивидтаг̇зхам̣ бана аж̇жхаараамаг̇г̇ахан̣знзва г̇ахид̇ам̣. ‘‘аавасат̇од̇и жзд̇т̇а анд̇оаараамз ваа ход̇у, ан̃н̃ад̇т̇а ваа, ад̇д̇ано васанадтаанам̣ вужжад̇ий’’д̇и (саарад̇т̇а. дий. баажид̇д̇ияа 3.506) гзжи. саб̣б̣зсамби ад̇т̇ааяа д̣̇уггадамзваад̇и ад̇д̇ано ваа д̇зсам̣ сан̇гхаад̣̇ийнам̣ ваа ад̇т̇ааяа уг̇г̇ан̣ханд̇асса ваа уг̇г̇ан̣хаабзнд̇асса ваа д̣̇уггадамзва. сажз бана маад̇аабид̇уунам̣ санд̇агам̣ авассам̣ бадисаамзд̇аб̣б̣ам̣ габбияабхан̣д̣ам̣ ход̇и, ад̇д̇ано ад̇т̇ааяа г̇ахзд̇ваа бадисаамзд̇аб̣б̣анд̇и ааха ‘‘д̇аад̣̇исам̣ банаа’’д̇иаад̣̇и. д̇аад̣̇исанд̇и яам̣ маад̇аабид̇уунам̣ санд̇агам̣ авассам̣ бадисаамзд̇аб̣б̣ам̣ габбияабхан̣д̣ам̣, д̇аад̣̇исам̣. чанд̣̇знаби бхаязнабийд̇и вад̣дхагиаад̣̇ийсу чанд̣̇знаби, рааж̇аваллабхзсу бхаязнаби.
Muttādidasavidhanti ‘‘muttā maṇi veḷuriyo saṅkho silā pavāḷaṃ rajataṃ jātarūpaṃ lohitaṅko masāragalla’’nti (pāci. 506) dasavidhaṃ ratanaṃ. Ajjhāvasatheti gehe. Tenāha ‘‘parikkhittassā’’tiādi, parikkhittassa āvasathassāti attho. Āvasathoti cettha antogāme niviṭṭhagehaṃ adhippetaṃ. Ārāme niviṭṭhagehaṃ pana ajjhārāmaggahaṇeneva gahitaṃ. ‘‘Āvasathoti cettha antoārāme vā hotu, aññattha vā, attano vasanaṭṭhānaṃ vuccatī’’ti (sārattha. ṭī. pācittiya 3.506) keci. Sabbesampi atthāya dukkaṭamevāti attano vā tesaṃ saṅghādīnaṃ vā atthāya uggaṇhantassa vā uggaṇhāpentassa vā dukkaṭameva. Sace pana mātāpitūnaṃ santakaṃ avassaṃ paṭisāmetabbaṃ kappiyabhaṇḍaṃ hoti, attano atthāya gahetvā paṭisāmetabbanti āha ‘‘tādisaṃ panā’’tiādi. Tādisanti yaṃ mātāpitūnaṃ santakaṃ avassaṃ paṭisāmetabbaṃ kappiyabhaṇḍaṃ, tādisaṃ. Chandenapi bhayenapīti vaḍḍhakiādīsu chandenapi, rājavallabhesu bhayenapi.
д̇аад̣̇исз таанзд̇и махаавихаарасад̣̇исасса махаараамасса баагаарабаригкид̇д̇з баривзн̣з. сан̃н̃аан̣ам̣ гад̇ваад̇и ‘‘зд̇д̇агаа гахаабан̣аа’’д̇иаад̣̇инаа руубзна ваа лан̃чанаад̣̇инимид̇д̇зна ваа сан̃н̃аан̣ам̣ гад̇ваа, саллагкзд̇ваад̇и ад̇т̇о. бад̇ируубаанам̣ бхигкуунам̣ хад̇т̇зд̇и лаж̇ж̇ийнам̣ гуггужжагаанам̣ бхигкуунам̣ хад̇т̇з. лолаж̇аад̇игаанан̃хи хад̇т̇з табзд̇ум̣ на лаб̣бхад̇и. нзва баггамад̇ийд̇и нзва д̇амхаа ааваасаа баггамад̇и. ‘‘т̇ааварам̣ сзнаасанам̣ ваа’’д̇иаад̣̇инаа ад̇д̇ано жийвараад̣̇имуулам̣ на гаад̇аб̣б̣анд̇и (баажи. адта. 506) д̣̇ассзд̇и. д̇ам̣ д̣̇ассзд̇ваад̇и яам̣ т̇ааварасзнаасанаад̣̇и гад̇ам̣, д̇ам̣ убаасага д̇ава санд̇агзна ид̣̇ам̣ наама гад̇анд̇и звам̣ д̣̇ассзд̇ваа. самаад̣̇абзд̇ваад̇и ан̃н̃ам̣ самаад̣̇абзд̇ваа, ‘‘уд̣̇д̣̇исса арияаа д̇идтанд̇и, зсаа арияаана яаажанаа’’д̇и вуд̇д̇анаязна яаажид̇ваад̇и ад̇т̇о.
Tādise ṭhāneti mahāvihārasadisassa mahārāmassa pākāraparikkhitte pariveṇe. Saññāṇaṃ katvāti ‘‘ettakā kahāpaṇā’’tiādinā rūpena vā lañchanādinimittena vā saññāṇaṃ katvā, sallakkhetvāti attho. Patirūpānaṃ bhikkhūnaṃ hattheti lajjīnaṃ kukkuccakānaṃ bhikkhūnaṃ hatthe. Lolajātikānañhi hatthe ṭhapetuṃ na labbhati. Neva pakkamatīti neva tamhā āvāsā pakkamati. ‘‘Thāvaraṃ senāsanaṃ vā’’tiādinā attano cīvarādimūlaṃ na kātabbanti (pāci. aṭṭha. 506) dasseti. Taṃ dassetvāti yaṃ thāvarasenāsanādi kataṃ, taṃ upāsaka tava santakena idaṃ nāma katanti evaṃ dassetvā. Samādapetvāti aññaṃ samādapetvā, ‘‘uddissa ariyā tiṭṭhanti, esā ariyāna yācanā’’ti vuttanayena yācitvāti attho.
анун̃н̃аад̇адтаанзд̇и аж̇жхаараамааж̇жхаавасат̇з. аамаасанд̇и аамасид̇аб̣б̣ан̃жзва бадисаамзд̇аб̣б̣ан̃жа вад̇т̇аад̣̇и.
Anuññātaṭṭhāneti ajjhārāmaajjhāvasathe. Āmāsanti āmasitabbañceva paṭisāmetabbañca vatthādi.
рад̇анасигкаабад̣̇аван̣н̣анаа нидтид̇аа.
Ratanasikkhāpadavaṇṇanā niṭṭhitā.
