| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
၂. ရတနသိက္ခာပဒဝဏ္ဏနာ
2. Ratanasikkhāpadavaṇṇanā
၅၀၆. ဒုတိယေ အာဝသထသ္သာတိ ဧတ္ထ အန္တောအာရာမေ ဝာ ဟောတု အညတ္ထ ဝာ, ယတ္ထ ကတ္ထစိ အတ္တနော ဝသနဋ္ဌာနံ အာဝသထော နာမ။ ဆန္ဒေနပိ ဘယေနပီတိ ဝဍ္ဎကိအာဒီသု ဆန္ဒေန, ရာဇဝလ္လဘေသု ဘယေန။ အာကိဏ္ဏမနုသ္သေပိ ဇာတေ။ပေ.။ အာသင္ကန္တီတိ တသ္မိံ နိမ္မနုသ္သဋ္ဌာနေ ပစ္ဆာ အာကိဏ္ဏမနုသ္သေ ဇာတေပိ ဝိသရိတ္ဝာ ဂမနကာလေ အညသ္သ အဒိဋ္ဌတ္တာ တမေဝ ဘိက္ခုံ အာသင္ကန္တိ။ ပတိရူပံ နာမ ကပ္ပိယဘဏ္ဍေ သယံ ပံသုကူလံ ဂဟေတ္ဝာ အကပ္ပိယဘဏ္ဍေ ပတိရူပာနံ ဥပာသကာဒီနံ ဒသ္သေတ္ဝာ စေတိယာဒိပုညေ နိယောဇနံ ဝာ ဒာပေတ္ဝာ နိရပေက္ခဂမနံ ဝာ။ သမာဒပေတ္ဝာတိ ယာစိတ္ဝာ။ ပရသန္တကတာ, ဝိသ္သာသဂ္ဂာဟပံသုကူလသညာနံ အဘာဝော, အနနုညာတကာရဏာ ဥဂ္ဂဟဏာဒိ စာတိ တီဏိ အင္ဂာနိ။
506. Dutiye āvasathassāti ettha antoārāme vā hotu aññattha vā, yattha katthaci attano vasanaṭṭhānaṃ āvasatho nāma. Chandenapi bhayenapīti vaḍḍhakiādīsu chandena, rājavallabhesu bhayena. Ākiṇṇamanussepi jāte…pe… āsaṅkantīti tasmiṃ nimmanussaṭṭhāne pacchā ākiṇṇamanusse jātepi visaritvā gamanakāle aññassa adiṭṭhattā tameva bhikkhuṃ āsaṅkanti. Patirūpaṃ nāma kappiyabhaṇḍe sayaṃ paṃsukūlaṃ gahetvā akappiyabhaṇḍe patirūpānaṃ upāsakādīnaṃ dassetvā cetiyādipuññe niyojanaṃ vā dāpetvā nirapekkhagamanaṃ vā. Samādapetvāti yācitvā. Parasantakatā, vissāsaggāhapaṃsukūlasaññānaṃ abhāvo, ananuññātakāraṇā uggahaṇādi cāti tīṇi aṅgāni.
ရတနသိက္ခာပဒဝဏ္ဏနာ နိဋ္ဌိတာ။
Ratanasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၉. ရတနဝဂ္ဂော • 9. Ratanavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၂. ရတနသိက္ခာပဒဝဏ္ဏနာ • 2. Ratanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၂. ရတနသိက္ခာပဒဝဏ္ဏနာ • 2. Ratanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၂. ရတနသိက္ခာပဒဝဏ္ဏနာ • 2. Ratanasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂. ရတနသိက္ခာပဒံ • 2. Ratanasikkhāpadaṃ
