| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੨. ਰਤਨਸਿਕ੍ਖਾਪਦવਣ੍ਣਨਾ
2. Ratanasikkhāpadavaṇṇanā
੫੦੨. ਦੁਤਿਯੇ ਮਹਾਲਤਂ ਨਾਮਾਤਿ ਪਤਿਕੁਲਂ ਗਚ੍ਛਨ੍ਤਿਯਾ ਕਿਰ ਤਸ੍ਸਾ ਪਿਤਾ ਮਹਾਲਤਾਪਿਲ਼ਨ੍ਧਨਂ ਨਾਮ ਕਾਰਾਪੇਸਿ। ਤਸ੍ਮਿਂ ਪਿਲ਼ਨ੍ਧਨੇ ਚਤਸ੍ਸੋ વਜਿਰਨਾਲ਼ਿਯੋ ਤਤ੍ਥ ਤਤ੍ਥ ਅਪ੍ਪੇਤਬ੍ਬਟ੍ਠਾਨੇ ਅਪ੍ਪਨવਸੇਨ વਿਨਿਯੋਗਂ ਅਗਮਂਸੁ, ਮੁਤ੍ਤਾਨਂ ਏਕਾਦਸ ਨਾਲ਼ਿਯੋ, ਪવਾਲ਼ਸ੍ਸ ਦ੍વਾવੀਸਤਿ ਨਾਲ਼ਿਯੋ, ਮਣੀਨਂ ਤੇਤ੍ਤਿਂਸ ਨਾਲ਼ਿਯੋ। ਇਤਿ ਏਤੇਹਿ ਚ ਅਞ੍ਞੇਹਿ ਚ વੇਲ਼ੁਰਿਯਲੋਹਿਤਙ੍ਕਮਸਾਰਗਲ੍ਲਾਦੀਹਿ ਸਤ੍ਤવਣ੍ਣੇਹਿ ਚ ਰਤਨੇਹਿ ਨਿਟ੍ਠਾਨਂ ਅਗਮਾਸਿ । ਤਂ ਸੀਸੇ ਪਟਿਮੁਕ੍ਕਂ ਯਾવ ਪਾਦਪਿਟ੍ਠਿਯਾ ਭਸ੍ਸਤਿ, ਪਞ੍ਚਨ੍ਨਂ ਹਤ੍ਥੀਨਂ ਬਲਂ ਧਾਰਯਮਾਨਾવ ਇਤ੍ਥੀ ਨਂ ਧਾਰੇਤੁਂ ਸਕ੍ਕੋਤਿ। ਤਂ ਸਨ੍ਧਾਯੇਤਂ વੁਤ੍ਤਂ।
502. Dutiye mahālataṃ nāmāti patikulaṃ gacchantiyā kira tassā pitā mahālatāpiḷandhanaṃ nāma kārāpesi. Tasmiṃ piḷandhane catasso vajiranāḷiyo tattha tattha appetabbaṭṭhāne appanavasena viniyogaṃ agamaṃsu, muttānaṃ ekādasa nāḷiyo, pavāḷassa dvāvīsati nāḷiyo, maṇīnaṃ tettiṃsa nāḷiyo. Iti etehi ca aññehi ca veḷuriyalohitaṅkamasāragallādīhi sattavaṇṇehi ca ratanehi niṭṭhānaṃ agamāsi . Taṃ sīse paṭimukkaṃ yāva pādapiṭṭhiyā bhassati, pañcannaṃ hatthīnaṃ balaṃ dhārayamānāva itthī naṃ dhāretuṃ sakkoti. Taṃ sandhāyetaṃ vuttaṃ.
੫੦੬. ਆવਸਥਸ੍ਸ ਪਨ ਸੁਪ੍ਪਪਾਤੋ વਾ ਮੁਸਲਪਾਤੋ વਾ ਉਪਚਾਰੋ ਨਾਮਾਤਿ ਯੋਜੇਤਬ੍ਬਂ। ਆવਸਥੋਤਿ ਚੇਤ੍ਥ ਅਨ੍ਤੋਆਰਾਮੇ વਾ ਹੋਤੁ ਅਞ੍ਞਤ੍ਥ વਾ, ਅਤ੍ਤਨੋ વਸਨਟ੍ਠਾਨਂ વੁਚ੍ਚਤਿ। ਛਨ੍ਦੇਨਪਿ ਭਯੇਨਪੀਤਿ વਡ੍ਢਕੀਆਦੀਸੁ ਛਨ੍ਦੇਨ, ਰਾਜવਲ੍ਲਭੇਸੁ ਭਯੇਨ। ਤਮੇવ ਭਿਕ੍ਖੁਂ ਆਸਙ੍ਕਨ੍ਤੀਤਿ વਿਸ੍ਸਰਿਤ੍વਾ ਗਮਨਕਾਲੇ ਅਤ੍ਤਨੋ ਪਚ੍ਛਤੋ ਅਞ੍ਞਸ੍ਸਾਭਾવਾ ਆਸਙ੍ਕਨ੍ਤਿ। ਪਤਿਰੂਪਂ ਨਾਮ ਰਤਨਸਮ੍ਮਤੇ ਪਂਸੁਕੂਲਗ੍ਗਹਣਂ વਾ ਰਤਨੇ ਨਿਰੁਸ੍ਸੁਕ੍ਕਗਮਨਂ વਾ। ਯਦਿ ਹਿ ਤਂ ਰਤਨਸਮ੍ਮਤਂ ਆਮਾਸਂ ਚੇ, ‘‘ਨਤ੍ਥਿ ਏਤਸ੍ਸ ਸਾਮੀ’’ਤਿ ਪਂਸੁਕੂਲਂ ਗਹੇਸ੍ਸਤਿ। ਅਨਾਮਾਸਂ ਚੇ, ‘‘ਨਤ੍ਥਿ ਏਤਸ੍ਸ ਸਾਮੀ’’ਤਿ ਪਂਸੁਕੂਲਛਿਨ੍ਨਪਲਿਬੋਧੋ ਨਿਰਪੇਕ੍ਖੋ ਗਮਿਸ੍ਸਤਿ। ਸਮਾਦਪੇਤ੍વਾਤਿ ਅਞ੍ਞਂ ਸਮਾਦਪੇਤ੍વਾ, ‘‘ਉਦ੍ਦਿਸ੍ਸ ਅਰਿਯਾ ਤਿਟ੍ਠਨ੍ਤਿ, ਏਸਾ ਅਰਿਯਾਨਯਾਚਨਾ’’ਤਿ (ਜਾ॰ ੧.੭.੫੯) વੁਤ੍ਤਨਯੇਨ ਯਾਚਿਤ੍વਾਤਿ ਅਤ੍ਥੋ। ਸੇਸਮੇਤ੍ਥ ਉਤ੍ਤਾਨਮੇવ। ਅਨਨੁਞ੍ਞਾਤਕਰਣਂ, ਪਰਸਨ੍ਤਕਤਾ, વਿਸ੍ਸਾਸਗ੍ਗਾਹਪਂਸੁਕੂਲਸਞ੍ਞਾਨਂ ਅਭਾવੋ, ਉਗ੍ਗਹਣਂ વਾ ਉਗ੍ਗਹਾਪਨਂ વਾਤਿ ਇਮਾਨਿ ਪਨੇਤ੍ਥ ਚਤ੍ਤਾਰਿ ਅਙ੍ਗਾਨਿ।
506. Āvasathassa pana suppapāto vā musalapāto vā upacāro nāmāti yojetabbaṃ. Āvasathoti cettha antoārāme vā hotu aññattha vā, attano vasanaṭṭhānaṃ vuccati. Chandenapi bhayenapīti vaḍḍhakīādīsu chandena, rājavallabhesu bhayena. Tameva bhikkhuṃ āsaṅkantīti vissaritvā gamanakāle attano pacchato aññassābhāvā āsaṅkanti. Patirūpaṃ nāma ratanasammate paṃsukūlaggahaṇaṃ vā ratane nirussukkagamanaṃ vā. Yadi hi taṃ ratanasammataṃ āmāsaṃ ce, ‘‘natthi etassa sāmī’’ti paṃsukūlaṃ gahessati. Anāmāsaṃ ce, ‘‘natthi etassa sāmī’’ti paṃsukūlachinnapalibodho nirapekkho gamissati. Samādapetvāti aññaṃ samādapetvā, ‘‘uddissa ariyā tiṭṭhanti, esā ariyānayācanā’’ti (jā. 1.7.59) vuttanayena yācitvāti attho. Sesamettha uttānameva. Ananuññātakaraṇaṃ, parasantakatā, vissāsaggāhapaṃsukūlasaññānaṃ abhāvo, uggahaṇaṃ vā uggahāpanaṃ vāti imāni panettha cattāri aṅgāni.
ਰਤਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Ratanasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੯. ਰਤਨવਗ੍ਗੋ • 9. Ratanavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਰਤਨਸਿਕ੍ਖਾਪਦવਣ੍ਣਨਾ • 2. Ratanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨. ਰਤਨਸਿਕ੍ਖਾਪਦવਣ੍ਣਨਾ • 2. Ratanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਰਤਨਸਿਕ੍ਖਾਪਦવਣ੍ਣਨਾ • 2. Ratanasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨. ਰਤਨਸਿਕ੍ਖਾਪਦਂ • 2. Ratanasikkhāpadaṃ
