| Library / Tipiṭaka / তিপিটক • Tipiṭaka / খুদ্দকপাঠপাল়ি • Khuddakapāṭhapāḷi |
৬. রতনসুত্তং
6. Ratanasuttaṃ
১.
1.
যানীধ ভূতানি সমাগতানি, ভুম্মানি 1 ৰা যানি ৰ অন্তলিক্খে।
Yānīdha bhūtāni samāgatāni, bhummāni 2 vā yāni va antalikkhe;
সব্বেৰ ভূতা সুমনা ভৰন্তু, অথোপি সক্কচ্চ সুণন্তু ভাসিতং॥
Sabbeva bhūtā sumanā bhavantu, athopi sakkacca suṇantu bhāsitaṃ.
২.
2.
তস্মা হি ভূতা নিসামেথ সব্বে, মেত্তং করোথ মানুসিযা পজায।
Tasmā hi bhūtā nisāmetha sabbe, mettaṃ karotha mānusiyā pajāya;
দিৰা চ রত্তো চ হরন্তি যে বলিং, তস্মা হি নে রক্খথ অপ্পমত্তা॥
Divā ca ratto ca haranti ye baliṃ, tasmā hi ne rakkhatha appamattā.
৩.
3.
যং কিঞ্চি ৰিত্তং ইধ ৰা হুরং ৰা, সগ্গেসু ৰা যং রতনং পণীতং।
Yaṃ kiñci vittaṃ idha vā huraṃ vā, saggesu vā yaṃ ratanaṃ paṇītaṃ;
ন নো সমং অত্থি তথাগতেন, ইদম্পি বুদ্ধে রতনং পণীতং।
Na no samaṃ atthi tathāgatena, idampi buddhe ratanaṃ paṇītaṃ;
এতেন সচ্চেন সুৰত্থি হোতু॥
Etena saccena suvatthi hotu.
৪.
4.
খযং ৰিরাগং অমতং পণীতং, যদজ্ঝগা সক্যমুনী সমাহিতো।
Khayaṃ virāgaṃ amataṃ paṇītaṃ, yadajjhagā sakyamunī samāhito;
ন তেন ধম্মেন সমত্থি কিঞ্চি, ইদম্পি ধম্মে রতনং পণীতং।
Na tena dhammena samatthi kiñci, idampi dhamme ratanaṃ paṇītaṃ;
এতেন সচ্চেন সুৰত্থি হোতু॥
Etena saccena suvatthi hotu.
৫.
5.
যং বুদ্ধসেট্ঠো পরিৰণ্ণযী সুচিং, সমাধিমানন্তরিকঞ্ঞমাহু।
Yaṃ buddhaseṭṭho parivaṇṇayī suciṃ, samādhimānantarikaññamāhu;
সমাধিনা তেন সমো ন ৰিজ্জতি, ইদম্পি ধম্মে রতনং পণীতং।
Samādhinā tena samo na vijjati, idampi dhamme ratanaṃ paṇītaṃ;
এতেন সচ্চেন সুৰত্থি হোতু॥
Etena saccena suvatthi hotu.
৬.
6.
যে পুগ্গলা অট্ঠ সতং পসত্থা, চত্তারি এতানি যুগানি হোন্তি।
Ye puggalā aṭṭha sataṃ pasatthā, cattāri etāni yugāni honti;
তে দক্খিণেয্যা সুগতস্স সাৰকা, এতেসু দিন্নানি মহপ্ফলানি।
Te dakkhiṇeyyā sugatassa sāvakā, etesu dinnāni mahapphalāni;
ইদম্পি সঙ্ঘে রতনং পণীতং, এতেন সচ্চেন সুৰত্থি হোতু॥
Idampi saṅghe ratanaṃ paṇītaṃ, etena saccena suvatthi hotu.
৭.
7.
যে সুপ্পযুত্তা মনসা দল়্হেন, নিক্কামিনো গোতমসাসনম্হি।
Ye suppayuttā manasā daḷhena, nikkāmino gotamasāsanamhi;
তে পত্তিপত্তা অমতং ৰিগয্হ, লদ্ধা মুধা নিব্বুতিং 3 ভুঞ্জমানা।
Te pattipattā amataṃ vigayha, laddhā mudhā nibbutiṃ 4 bhuñjamānā;
ইদম্পি সঙ্ঘে রতনং পণীতং, এতেন সচ্চেন সুৰত্থি হোতু॥
Idampi saṅghe ratanaṃ paṇītaṃ, etena saccena suvatthi hotu.
৮.
8.
যথিন্দখীলো পথৰিস্সিতো 5 সিযা, চতুব্ভি ৰাতেহি অসম্পকম্পিযো।
Yathindakhīlo pathavissito 6 siyā, catubbhi vātehi asampakampiyo;
তথূপমং সপ্পুরিসং ৰদামি, যো অরিযসচ্চানি অৰেচ্চ পস্সতি।
Tathūpamaṃ sappurisaṃ vadāmi, yo ariyasaccāni avecca passati;
ইদম্পি সঙ্ঘে রতনং পণীতং, এতেন সচ্চেন সুৰত্থি হোতু॥
Idampi saṅghe ratanaṃ paṇītaṃ, etena saccena suvatthi hotu.
৯.
9.
যে অরিযসচ্চানি ৰিভাৰযন্তি, গম্ভীরপঞ্ঞেন সুদেসিতানি।
Ye ariyasaccāni vibhāvayanti, gambhīrapaññena sudesitāni;
কিঞ্চাপি তে হোন্তি ভুসং পমত্তা, ন তে ভৰং অট্ঠমমাদিযন্তি।
Kiñcāpi te honti bhusaṃ pamattā, na te bhavaṃ aṭṭhamamādiyanti;
ইদম্পি সঙ্ঘে রতনং পণীতং, এতেন সচ্চেন সুৰত্থি হোতু॥
Idampi saṅghe ratanaṃ paṇītaṃ, etena saccena suvatthi hotu.
১০.
10.
সহাৰস্স দস্সনসম্পদায 7, তযস্সু ধম্মা জহিতা ভৰন্তি।
Sahāvassa dassanasampadāya 8, tayassu dhammā jahitā bhavanti;
সক্কাযদিট্ঠী ৰিচিকিচ্ছিতঞ্চ, সীলব্বতং ৰাপি যদত্থি কিঞ্চি॥
Sakkāyadiṭṭhī vicikicchitañca, sīlabbataṃ vāpi yadatthi kiñci.
১১.
11.
ইদম্পি সঙ্ঘে রতনং পণীতং, এতেন সচ্চেন সুৰত্থি হোতু॥
Idampi saṅghe ratanaṃ paṇītaṃ, etena saccena suvatthi hotu.
১২.
12.
কিঞ্চাপি সো কম্ম 13 করোতি পাপকং, কাযেন ৰাচা উদ চেতসা ৰা।
Kiñcāpi so kamma 14 karoti pāpakaṃ, kāyena vācā uda cetasā vā;
ইদম্পি সঙ্ঘে রতনং পণীতং, এতেন সচ্চেন সুৰত্থি হোতু॥
Idampi saṅghe ratanaṃ paṇītaṃ, etena saccena suvatthi hotu.
১৩.
13.
তথূপমং ধম্মৰরং অদেসযি 23, নিব্বানগামিং পরমং হিতায।
Tathūpamaṃ dhammavaraṃ adesayi 24, nibbānagāmiṃ paramaṃ hitāya;
ইদম্পি বুদ্ধে রতনং পণীতং, এতেন সচ্চেন সুৰত্থি হোতু॥
Idampi buddhe ratanaṃ paṇītaṃ, etena saccena suvatthi hotu.
১৪.
14.
ৰরো ৰরঞ্ঞূ ৰরদো ৰরাহরো, অনুত্তরো ধম্মৰরং অদেসযি।
Varo varaññū varado varāharo, anuttaro dhammavaraṃ adesayi;
ইদম্পি বুদ্ধে রতনং পণীতং, এতেন সচ্চেন সুৰত্থি হোতু॥
Idampi buddhe ratanaṃ paṇītaṃ, etena saccena suvatthi hotu.
১৫.
15.
খীণং পুরাণং নৰ নত্থি সম্ভৰং, ৰিরত্তচিত্তাযতিকে ভৰস্মিং।
Khīṇaṃ purāṇaṃ nava natthi sambhavaṃ, virattacittāyatike bhavasmiṃ;
তে খীণবীজা অৰিরূল়্হিছন্দা, নিব্বন্তি ধীরা যথাযং 25 পদীপো।
Te khīṇabījā avirūḷhichandā, nibbanti dhīrā yathāyaṃ 26 padīpo;
ইদম্পি সঙ্ঘে রতনং পণীতং, এতেন সচ্চেন সুৰত্থি হোতু॥
Idampi saṅghe ratanaṃ paṇītaṃ, etena saccena suvatthi hotu.
১৬.
16.
যানীধ ভূতানি সমাগতানি, ভুম্মানি ৰা যানি ৰ অন্তলিক্খে।
Yānīdha bhūtāni samāgatāni, bhummāni vā yāni va antalikkhe;
তথাগতং দেৰমনুস্সপূজিতং, বুদ্ধং নমস্সাম সুৰত্থি হোতু॥
Tathāgataṃ devamanussapūjitaṃ, buddhaṃ namassāma suvatthi hotu.
১৭.
17.
যানীধ ভূতানি সমাগতানি, ভুম্মানি ৰা যানি ৰ অন্তলিক্খে।
Yānīdha bhūtāni samāgatāni, bhummāni vā yāni va antalikkhe;
তথাগতং দেৰমনুস্সপূজিতং, ধম্মং নমস্সাম সুৰত্থি হোতু॥
Tathāgataṃ devamanussapūjitaṃ, dhammaṃ namassāma suvatthi hotu.
১৮.
18.
যানীধ ভূতানি সমাগতানি, ভুম্মানি ৰা যানি ৰ অন্তলিক্খে।
Yānīdha bhūtāni samāgatāni, bhummāni vā yāni va antalikkhe;
তথাগতং দেৰমনুস্সপূজিতং, সঙ্ঘং নমস্সাম সুৰত্থি হোতূতি॥
Tathāgataṃ devamanussapūjitaṃ, saṅghaṃ namassāma suvatthi hotūti.
রতনসুত্তং নিট্ঠিতং।
Ratanasuttaṃ niṭṭhitaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / খুদ্দকপাঠ-অট্ঠকথা • Khuddakapāṭha-aṭṭhakathā / ৬. রতনসুত্তৰণ্ণনা • 6. Ratanasuttavaṇṇanā
