| Library / Tipiṭaka / तिपिटक • Tipiṭaka / खुद्दकपाठपाळि • Khuddakapāṭhapāḷi |
६. रतनसुत्तं
6. Ratanasuttaṃ
१.
1.
यानीध भूतानि समागतानि, भुम्मानि 1 वा यानि व अन्तलिक्खे।
Yānīdha bhūtāni samāgatāni, bhummāni 2 vā yāni va antalikkhe;
सब्बेव भूता सुमना भवन्तु, अथोपि सक्कच्च सुणन्तु भासितं॥
Sabbeva bhūtā sumanā bhavantu, athopi sakkacca suṇantu bhāsitaṃ.
२.
2.
तस्मा हि भूता निसामेथ सब्बे, मेत्तं करोथ मानुसिया पजाय।
Tasmā hi bhūtā nisāmetha sabbe, mettaṃ karotha mānusiyā pajāya;
दिवा च रत्तो च हरन्ति ये बलिं, तस्मा हि ने रक्खथ अप्पमत्ता॥
Divā ca ratto ca haranti ye baliṃ, tasmā hi ne rakkhatha appamattā.
३.
3.
यं किञ्चि वित्तं इध वा हुरं वा, सग्गेसु वा यं रतनं पणीतं।
Yaṃ kiñci vittaṃ idha vā huraṃ vā, saggesu vā yaṃ ratanaṃ paṇītaṃ;
न नो समं अत्थि तथागतेन, इदम्पि बुद्धे रतनं पणीतं।
Na no samaṃ atthi tathāgatena, idampi buddhe ratanaṃ paṇītaṃ;
एतेन सच्चेन सुवत्थि होतु॥
Etena saccena suvatthi hotu.
४.
4.
खयं विरागं अमतं पणीतं, यदज्झगा सक्यमुनी समाहितो।
Khayaṃ virāgaṃ amataṃ paṇītaṃ, yadajjhagā sakyamunī samāhito;
न तेन धम्मेन समत्थि किञ्चि, इदम्पि धम्मे रतनं पणीतं।
Na tena dhammena samatthi kiñci, idampi dhamme ratanaṃ paṇītaṃ;
एतेन सच्चेन सुवत्थि होतु॥
Etena saccena suvatthi hotu.
५.
5.
यं बुद्धसेट्ठो परिवण्णयी सुचिं, समाधिमानन्तरिकञ्ञमाहु।
Yaṃ buddhaseṭṭho parivaṇṇayī suciṃ, samādhimānantarikaññamāhu;
समाधिना तेन समो न विज्जति, इदम्पि धम्मे रतनं पणीतं।
Samādhinā tena samo na vijjati, idampi dhamme ratanaṃ paṇītaṃ;
एतेन सच्चेन सुवत्थि होतु॥
Etena saccena suvatthi hotu.
६.
6.
ये पुग्गला अट्ठ सतं पसत्था, चत्तारि एतानि युगानि होन्ति।
Ye puggalā aṭṭha sataṃ pasatthā, cattāri etāni yugāni honti;
ते दक्खिणेय्या सुगतस्स सावका, एतेसु दिन्नानि महप्फलानि।
Te dakkhiṇeyyā sugatassa sāvakā, etesu dinnāni mahapphalāni;
इदम्पि सङ्घे रतनं पणीतं, एतेन सच्चेन सुवत्थि होतु॥
Idampi saṅghe ratanaṃ paṇītaṃ, etena saccena suvatthi hotu.
७.
7.
ये सुप्पयुत्ता मनसा दळ्हेन, निक्कामिनो गोतमसासनम्हि।
Ye suppayuttā manasā daḷhena, nikkāmino gotamasāsanamhi;
ते पत्तिपत्ता अमतं विगय्ह, लद्धा मुधा निब्बुतिं 3 भुञ्जमाना।
Te pattipattā amataṃ vigayha, laddhā mudhā nibbutiṃ 4 bhuñjamānā;
इदम्पि सङ्घे रतनं पणीतं, एतेन सच्चेन सुवत्थि होतु॥
Idampi saṅghe ratanaṃ paṇītaṃ, etena saccena suvatthi hotu.
८.
8.
यथिन्दखीलो पथविस्सितो 5 सिया, चतुब्भि वातेहि असम्पकम्पियो।
Yathindakhīlo pathavissito 6 siyā, catubbhi vātehi asampakampiyo;
तथूपमं सप्पुरिसं वदामि, यो अरियसच्चानि अवेच्च पस्सति।
Tathūpamaṃ sappurisaṃ vadāmi, yo ariyasaccāni avecca passati;
इदम्पि सङ्घे रतनं पणीतं, एतेन सच्चेन सुवत्थि होतु॥
Idampi saṅghe ratanaṃ paṇītaṃ, etena saccena suvatthi hotu.
९.
9.
ये अरियसच्चानि विभावयन्ति, गम्भीरपञ्ञेन सुदेसितानि।
Ye ariyasaccāni vibhāvayanti, gambhīrapaññena sudesitāni;
किञ्चापि ते होन्ति भुसं पमत्ता, न ते भवं अट्ठममादियन्ति।
Kiñcāpi te honti bhusaṃ pamattā, na te bhavaṃ aṭṭhamamādiyanti;
इदम्पि सङ्घे रतनं पणीतं, एतेन सच्चेन सुवत्थि होतु॥
Idampi saṅghe ratanaṃ paṇītaṃ, etena saccena suvatthi hotu.
१०.
10.
सहावस्स दस्सनसम्पदाय 7, तयस्सु धम्मा जहिता भवन्ति।
Sahāvassa dassanasampadāya 8, tayassu dhammā jahitā bhavanti;
सक्कायदिट्ठी विचिकिच्छितञ्च, सीलब्बतं वापि यदत्थि किञ्चि॥
Sakkāyadiṭṭhī vicikicchitañca, sīlabbataṃ vāpi yadatthi kiñci.
११.
11.
इदम्पि सङ्घे रतनं पणीतं, एतेन सच्चेन सुवत्थि होतु॥
Idampi saṅghe ratanaṃ paṇītaṃ, etena saccena suvatthi hotu.
१२.
12.
किञ्चापि सो कम्म 13 करोति पापकं, कायेन वाचा उद चेतसा वा।
Kiñcāpi so kamma 14 karoti pāpakaṃ, kāyena vācā uda cetasā vā;
इदम्पि सङ्घे रतनं पणीतं, एतेन सच्चेन सुवत्थि होतु॥
Idampi saṅghe ratanaṃ paṇītaṃ, etena saccena suvatthi hotu.
१३.
13.
तथूपमं धम्मवरं अदेसयि 23, निब्बानगामिं परमं हिताय।
Tathūpamaṃ dhammavaraṃ adesayi 24, nibbānagāmiṃ paramaṃ hitāya;
इदम्पि बुद्धे रतनं पणीतं, एतेन सच्चेन सुवत्थि होतु॥
Idampi buddhe ratanaṃ paṇītaṃ, etena saccena suvatthi hotu.
१४.
14.
वरो वरञ्ञू वरदो वराहरो, अनुत्तरो धम्मवरं अदेसयि।
Varo varaññū varado varāharo, anuttaro dhammavaraṃ adesayi;
इदम्पि बुद्धे रतनं पणीतं, एतेन सच्चेन सुवत्थि होतु॥
Idampi buddhe ratanaṃ paṇītaṃ, etena saccena suvatthi hotu.
१५.
15.
खीणं पुराणं नव नत्थि सम्भवं, विरत्तचित्तायतिके भवस्मिं।
Khīṇaṃ purāṇaṃ nava natthi sambhavaṃ, virattacittāyatike bhavasmiṃ;
ते खीणबीजा अविरूळ्हिछन्दा, निब्बन्ति धीरा यथायं 25 पदीपो।
Te khīṇabījā avirūḷhichandā, nibbanti dhīrā yathāyaṃ 26 padīpo;
इदम्पि सङ्घे रतनं पणीतं, एतेन सच्चेन सुवत्थि होतु॥
Idampi saṅghe ratanaṃ paṇītaṃ, etena saccena suvatthi hotu.
१६.
16.
यानीध भूतानि समागतानि, भुम्मानि वा यानि व अन्तलिक्खे।
Yānīdha bhūtāni samāgatāni, bhummāni vā yāni va antalikkhe;
तथागतं देवमनुस्सपूजितं, बुद्धं नमस्साम सुवत्थि होतु॥
Tathāgataṃ devamanussapūjitaṃ, buddhaṃ namassāma suvatthi hotu.
१७.
17.
यानीध भूतानि समागतानि, भुम्मानि वा यानि व अन्तलिक्खे।
Yānīdha bhūtāni samāgatāni, bhummāni vā yāni va antalikkhe;
तथागतं देवमनुस्सपूजितं, धम्मं नमस्साम सुवत्थि होतु॥
Tathāgataṃ devamanussapūjitaṃ, dhammaṃ namassāma suvatthi hotu.
१८.
18.
यानीध भूतानि समागतानि, भुम्मानि वा यानि व अन्तलिक्खे।
Yānīdha bhūtāni samāgatāni, bhummāni vā yāni va antalikkhe;
तथागतं देवमनुस्सपूजितं, सङ्घं नमस्साम सुवत्थि होतूति॥
Tathāgataṃ devamanussapūjitaṃ, saṅghaṃ namassāma suvatthi hotūti.
रतनसुत्तं निट्ठितं।
Ratanasuttaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / खुद्दकपाठ-अट्ठकथा • Khuddakapāṭha-aṭṭhakathā / ६. रतनसुत्तवण्णना • 6. Ratanasuttavaṇṇanā
