| Library / Tipiṭaka / ติปิฎก • Tipiṭaka / ขุทฺทกปาฐปาฬิ • Khuddakapāṭhapāḷi |
๖. รตนสุตฺตํ
6. Ratanasuttaṃ
๑.
1.
ยานีธ ภูตานิ สมาคตานิ, ภุมฺมานิ 1 วา ยานิ ว อนฺตลิเกฺข;
Yānīdha bhūtāni samāgatāni, bhummāni 2 vā yāni va antalikkhe;
สเพฺพว ภูตา สุมนา ภวนฺตุ, อโถปิ สกฺกจฺจ สุณนฺตุ ภาสิตํฯ
Sabbeva bhūtā sumanā bhavantu, athopi sakkacca suṇantu bhāsitaṃ.
๒.
2.
ตสฺมา หิ ภูตา นิสาเมถ สเพฺพ, เมตฺตํ กโรถ มานุสิยา ปชาย;
Tasmā hi bhūtā nisāmetha sabbe, mettaṃ karotha mānusiyā pajāya;
ทิวา จ รโตฺต จ หรนฺติ เย พลิํ, ตสฺมา หิ เน รกฺขถ อปฺปมตฺตาฯ
Divā ca ratto ca haranti ye baliṃ, tasmā hi ne rakkhatha appamattā.
๓.
3.
ยํ กิญฺจิ วิตฺตํ อิธ วา หุรํ วา, สเคฺคสุ วา ยํ รตนํ ปณีตํ;
Yaṃ kiñci vittaṃ idha vā huraṃ vā, saggesu vā yaṃ ratanaṃ paṇītaṃ;
น โน สมํ อตฺถิ ตถาคเตน, อิทมฺปิ พุเทฺธ รตนํ ปณีตํ;
Na no samaṃ atthi tathāgatena, idampi buddhe ratanaṃ paṇītaṃ;
เอเตน สเจฺจน สุวตฺถิ โหตุฯ
Etena saccena suvatthi hotu.
๔.
4.
ขยํ วิราคํ อมตํ ปณีตํ, ยทชฺฌคา สกฺยมุนี สมาหิโต;
Khayaṃ virāgaṃ amataṃ paṇītaṃ, yadajjhagā sakyamunī samāhito;
น เตน ธเมฺมน สมตฺถิ กิญฺจิ, อิทมฺปิ ธเมฺม รตนํ ปณีตํ;
Na tena dhammena samatthi kiñci, idampi dhamme ratanaṃ paṇītaṃ;
เอเตน สเจฺจน สุวตฺถิ โหตุฯ
Etena saccena suvatthi hotu.
๕.
5.
ยํ พุทฺธเสโฎฺฐ ปริวณฺณยี สุจิํ, สมาธิมานนฺตริกญฺญมาหุ;
Yaṃ buddhaseṭṭho parivaṇṇayī suciṃ, samādhimānantarikaññamāhu;
สมาธินา เตน สโม น วิชฺชติ, อิทมฺปิ ธเมฺม รตนํ ปณีตํ;
Samādhinā tena samo na vijjati, idampi dhamme ratanaṃ paṇītaṃ;
เอเตน สเจฺจน สุวตฺถิ โหตุฯ
Etena saccena suvatthi hotu.
๖.
6.
เย ปุคฺคลา อฎฺฐ สตํ ปสตฺถา, จตฺตาริ เอตานิ ยุคานิ โหนฺติ;
Ye puggalā aṭṭha sataṃ pasatthā, cattāri etāni yugāni honti;
เต ทกฺขิเณยฺยา สุคตสฺส สาวกา, เอเตสุ ทินฺนานิ มหปฺผลานิ;
Te dakkhiṇeyyā sugatassa sāvakā, etesu dinnāni mahapphalāni;
อิทมฺปิ สเงฺฆ รตนํ ปณีตํ, เอเตน สเจฺจน สุวตฺถิ โหตุฯ
Idampi saṅghe ratanaṃ paṇītaṃ, etena saccena suvatthi hotu.
๗.
7.
เย สุปฺปยุตฺตา มนสา ทเฬฺหน, นิกฺกามิโน โคตมสาสนมฺหิ;
Ye suppayuttā manasā daḷhena, nikkāmino gotamasāsanamhi;
เต ปตฺติปตฺตา อมตํ วิคยฺห, ลทฺธา มุธา นิพฺพุติํ 3 ภุญฺชมานา;
Te pattipattā amataṃ vigayha, laddhā mudhā nibbutiṃ 4 bhuñjamānā;
อิทมฺปิ สเงฺฆ รตนํ ปณีตํ, เอเตน สเจฺจน สุวตฺถิ โหตุฯ
Idampi saṅghe ratanaṃ paṇītaṃ, etena saccena suvatthi hotu.
๘.
8.
ยถินฺทขีโล ปถวิสฺสิโต 5 สิยา, จตุพฺภิ วาเตหิ อสมฺปกมฺปิโย;
Yathindakhīlo pathavissito 6 siyā, catubbhi vātehi asampakampiyo;
ตถูปมํ สปฺปุริสํ วทามิ, โย อริยสจฺจานิ อเวจฺจ ปสฺสติ;
Tathūpamaṃ sappurisaṃ vadāmi, yo ariyasaccāni avecca passati;
อิทมฺปิ สเงฺฆ รตนํ ปณีตํ, เอเตน สเจฺจน สุวตฺถิ โหตุฯ
Idampi saṅghe ratanaṃ paṇītaṃ, etena saccena suvatthi hotu.
๙.
9.
เย อริยสจฺจานิ วิภาวยนฺติ, คมฺภีรปเญฺญน สุเทสิตานิ;
Ye ariyasaccāni vibhāvayanti, gambhīrapaññena sudesitāni;
กิญฺจาปิ เต โหนฺติ ภุสํ ปมตฺตา, น เต ภวํ อฎฺฐมมาทิยนฺติ;
Kiñcāpi te honti bhusaṃ pamattā, na te bhavaṃ aṭṭhamamādiyanti;
อิทมฺปิ สเงฺฆ รตนํ ปณีตํ, เอเตน สเจฺจน สุวตฺถิ โหตุฯ
Idampi saṅghe ratanaṃ paṇītaṃ, etena saccena suvatthi hotu.
๑๐.
10.
สหาวสฺส ทสฺสนสมฺปทาย 7, ตยสฺสุ ธมฺมา ชหิตา ภวนฺติ;
Sahāvassa dassanasampadāya 8, tayassu dhammā jahitā bhavanti;
สกฺกายทิฎฺฐี วิจิกิจฺฉิตญฺจ, สีลพฺพตํ วาปิ ยทตฺถิ กิญฺจิฯ
Sakkāyadiṭṭhī vicikicchitañca, sīlabbataṃ vāpi yadatthi kiñci.
๑๑.
11.
อิทมฺปิ สเงฺฆ รตนํ ปณีตํ, เอเตน สเจฺจน สุวตฺถิ โหตุฯ
Idampi saṅghe ratanaṃ paṇītaṃ, etena saccena suvatthi hotu.
๑๒.
12.
กิญฺจาปิ โส กมฺม 13 กโรติ ปาปกํ, กาเยน วาจา อุท เจตสา วา;
Kiñcāpi so kamma 14 karoti pāpakaṃ, kāyena vācā uda cetasā vā;
อิทมฺปิ สเงฺฆ รตนํ ปณีตํ, เอเตน สเจฺจน สุวตฺถิ โหตุฯ
Idampi saṅghe ratanaṃ paṇītaṃ, etena saccena suvatthi hotu.
๑๓.
13.
ตถูปมํ ธมฺมวรํ อเทสยิ 23, นิพฺพานคามิํ ปรมํ หิตาย;
Tathūpamaṃ dhammavaraṃ adesayi 24, nibbānagāmiṃ paramaṃ hitāya;
อิทมฺปิ พุเทฺธ รตนํ ปณีตํ, เอเตน สเจฺจน สุวตฺถิ โหตุฯ
Idampi buddhe ratanaṃ paṇītaṃ, etena saccena suvatthi hotu.
๑๔.
14.
วโร วรญฺญู วรโท วราหโร, อนุตฺตโร ธมฺมวรํ อเทสยิ;
Varo varaññū varado varāharo, anuttaro dhammavaraṃ adesayi;
อิทมฺปิ พุเทฺธ รตนํ ปณีตํ, เอเตน สเจฺจน สุวตฺถิ โหตุฯ
Idampi buddhe ratanaṃ paṇītaṃ, etena saccena suvatthi hotu.
๑๕.
15.
ขีณํ ปุราณํ นว นตฺถิ สมฺภวํ, วิรตฺตจิตฺตายติเก ภวสฺมิํ;
Khīṇaṃ purāṇaṃ nava natthi sambhavaṃ, virattacittāyatike bhavasmiṃ;
เต ขีณพีชา อวิรูฬฺหิฉนฺทา, นิพฺพนฺติ ธีรา ยถายํ 25 ปทีโป;
Te khīṇabījā avirūḷhichandā, nibbanti dhīrā yathāyaṃ 26 padīpo;
อิทมฺปิ สเงฺฆ รตนํ ปณีตํ, เอเตน สเจฺจน สุวตฺถิ โหตุฯ
Idampi saṅghe ratanaṃ paṇītaṃ, etena saccena suvatthi hotu.
๑๖.
16.
ยานีธ ภูตานิ สมาคตานิ, ภุมฺมานิ วา ยานิ ว อนฺตลิเกฺข;
Yānīdha bhūtāni samāgatāni, bhummāni vā yāni va antalikkhe;
ตถาคตํ เทวมนุสฺสปูชิตํ, พุทฺธํ นมสฺสาม สุวตฺถิ โหตุฯ
Tathāgataṃ devamanussapūjitaṃ, buddhaṃ namassāma suvatthi hotu.
๑๗.
17.
ยานีธ ภูตานิ สมาคตานิ, ภุมฺมานิ วา ยานิ ว อนฺตลิเกฺข;
Yānīdha bhūtāni samāgatāni, bhummāni vā yāni va antalikkhe;
ตถาคตํ เทวมนุสฺสปูชิตํ, ธมฺมํ นมสฺสาม สุวตฺถิ โหตุฯ
Tathāgataṃ devamanussapūjitaṃ, dhammaṃ namassāma suvatthi hotu.
๑๘.
18.
ยานีธ ภูตานิ สมาคตานิ, ภุมฺมานิ วา ยานิ ว อนฺตลิเกฺข;
Yānīdha bhūtāni samāgatāni, bhummāni vā yāni va antalikkhe;
ตถาคตํ เทวมนุสฺสปูชิตํ, สงฺฆํ นมสฺสาม สุวตฺถิ โหตูติฯ
Tathāgataṃ devamanussapūjitaṃ, saṅghaṃ namassāma suvatthi hotūti.
รตนสุตฺตํ นิฎฺฐิตํฯ
Ratanasuttaṃ niṭṭhitaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ขุทฺทกปาฐ-อฎฺฐกถา • Khuddakapāṭha-aṭṭhakathā / ๖. รตนสุตฺตวณฺณนา • 6. Ratanasuttavaṇṇanā
