| Library / Tipiṭaka / តិបិដក • Tipiṭaka / ខុទ្ទកបាឋបាឡិ • Khuddakapāṭhapāḷi |
៦. រតនសុត្តំ
6. Ratanasuttaṃ
១.
1.
យានីធ ភូតានិ សមាគតានិ, ភុម្មានិ 1 វា យានិ វ អន្តលិក្ខេ;
Yānīdha bhūtāni samāgatāni, bhummāni 2 vā yāni va antalikkhe;
សព្ពេវ ភូតា សុមនា ភវន្តុ, អថោបិ សក្កច្ច សុណន្តុ ភាសិតំ។
Sabbeva bhūtā sumanā bhavantu, athopi sakkacca suṇantu bhāsitaṃ.
២.
2.
តស្មា ហិ ភូតា និសាមេថ សព្ពេ, មេត្តំ ករោថ មានុសិយា បជាយ;
Tasmā hi bhūtā nisāmetha sabbe, mettaṃ karotha mānusiyā pajāya;
ទិវា ច រត្តោ ច ហរន្តិ យេ ពលិំ, តស្មា ហិ នេ រក្ខថ អប្បមត្តា។
Divā ca ratto ca haranti ye baliṃ, tasmā hi ne rakkhatha appamattā.
៣.
3.
យំ កិញ្ចិ វិត្តំ ឥធ វា ហុរំ វា, សគ្គេសុ វា យំ រតនំ បណីតំ;
Yaṃ kiñci vittaṃ idha vā huraṃ vā, saggesu vā yaṃ ratanaṃ paṇītaṃ;
ន នោ សមំ អត្ថិ តថាគតេន, ឥទម្បិ ពុទ្ធេ រតនំ បណីតំ;
Na no samaṃ atthi tathāgatena, idampi buddhe ratanaṃ paṇītaṃ;
ឯតេន សច្ចេន សុវត្ថិ ហោតុ។
Etena saccena suvatthi hotu.
៤.
4.
ខយំ វិរាគំ អមតំ បណីតំ, យទជ្ឈគា សក្យមុនី សមាហិតោ;
Khayaṃ virāgaṃ amataṃ paṇītaṃ, yadajjhagā sakyamunī samāhito;
ន តេន ធម្មេន សមត្ថិ កិញ្ចិ, ឥទម្បិ ធម្មេ រតនំ បណីតំ;
Na tena dhammena samatthi kiñci, idampi dhamme ratanaṃ paṇītaṃ;
ឯតេន សច្ចេន សុវត្ថិ ហោតុ។
Etena saccena suvatthi hotu.
៥.
5.
យំ ពុទ្ធសេដ្ឋោ បរិវណ្ណយី សុចិំ, សមាធិមានន្តរិកញ្ញមាហុ;
Yaṃ buddhaseṭṭho parivaṇṇayī suciṃ, samādhimānantarikaññamāhu;
សមាធិនា តេន សមោ ន វិជ្ជតិ, ឥទម្បិ ធម្មេ រតនំ បណីតំ;
Samādhinā tena samo na vijjati, idampi dhamme ratanaṃ paṇītaṃ;
ឯតេន សច្ចេន សុវត្ថិ ហោតុ។
Etena saccena suvatthi hotu.
៦.
6.
យេ បុគ្គលា អដ្ឋ សតំ បសត្ថា, ចត្តារិ ឯតានិ យុគានិ ហោន្តិ;
Ye puggalā aṭṭha sataṃ pasatthā, cattāri etāni yugāni honti;
តេ ទក្ខិណេយ្យា សុគតស្ស សាវកា, ឯតេសុ ទិន្នានិ មហប្ផលានិ;
Te dakkhiṇeyyā sugatassa sāvakā, etesu dinnāni mahapphalāni;
ឥទម្បិ សង្ឃេ រតនំ បណីតំ, ឯតេន សច្ចេន សុវត្ថិ ហោតុ។
Idampi saṅghe ratanaṃ paṇītaṃ, etena saccena suvatthi hotu.
៧.
7.
យេ សុប្បយុត្តា មនសា ទឡ្ហេន, និក្កាមិនោ គោតមសាសនម្ហិ;
Ye suppayuttā manasā daḷhena, nikkāmino gotamasāsanamhi;
តេ បត្តិបត្តា អមតំ វិគយ្ហ, លទ្ធា មុធា និព្ពុតិំ 3 ភុញ្ជមានា;
Te pattipattā amataṃ vigayha, laddhā mudhā nibbutiṃ 4 bhuñjamānā;
ឥទម្បិ សង្ឃេ រតនំ បណីតំ, ឯតេន សច្ចេន សុវត្ថិ ហោតុ។
Idampi saṅghe ratanaṃ paṇītaṃ, etena saccena suvatthi hotu.
៨.
8.
យថិន្ទខីលោ បថវិស្សិតោ 5 សិយា, ចតុព្ភិ វាតេហិ អសម្បកម្បិយោ;
Yathindakhīlo pathavissito 6 siyā, catubbhi vātehi asampakampiyo;
តថូបមំ សប្បុរិសំ វទាមិ, យោ អរិយសច្ចានិ អវេច្ច បស្សតិ;
Tathūpamaṃ sappurisaṃ vadāmi, yo ariyasaccāni avecca passati;
ឥទម្បិ សង្ឃេ រតនំ បណីតំ, ឯតេន សច្ចេន សុវត្ថិ ហោតុ។
Idampi saṅghe ratanaṃ paṇītaṃ, etena saccena suvatthi hotu.
៩.
9.
យេ អរិយសច្ចានិ វិភាវយន្តិ, គម្ភីរបញ្ញេន សុទេសិតានិ;
Ye ariyasaccāni vibhāvayanti, gambhīrapaññena sudesitāni;
កិញ្ចាបិ តេ ហោន្តិ ភុសំ បមត្តា, ន តេ ភវំ អដ្ឋមមាទិយន្តិ;
Kiñcāpi te honti bhusaṃ pamattā, na te bhavaṃ aṭṭhamamādiyanti;
ឥទម្បិ សង្ឃេ រតនំ បណីតំ, ឯតេន សច្ចេន សុវត្ថិ ហោតុ។
Idampi saṅghe ratanaṃ paṇītaṃ, etena saccena suvatthi hotu.
១០.
10.
សហាវស្ស ទស្សនសម្បទាយ 7, តយស្សុ ធម្មា ជហិតា ភវន្តិ;
Sahāvassa dassanasampadāya 8, tayassu dhammā jahitā bhavanti;
សក្កាយទិដ្ឋី វិចិកិច្ឆិតញ្ច, សីលព្ពតំ វាបិ យទត្ថិ កិញ្ចិ។
Sakkāyadiṭṭhī vicikicchitañca, sīlabbataṃ vāpi yadatthi kiñci.
១១.
11.
ឥទម្បិ សង្ឃេ រតនំ បណីតំ, ឯតេន សច្ចេន សុវត្ថិ ហោតុ។
Idampi saṅghe ratanaṃ paṇītaṃ, etena saccena suvatthi hotu.
១២.
12.
កិញ្ចាបិ សោ កម្ម 13 ករោតិ បាបកំ, កាយេន វាចា ឧទ ចេតសា វា;
Kiñcāpi so kamma 14 karoti pāpakaṃ, kāyena vācā uda cetasā vā;
ឥទម្បិ សង្ឃេ រតនំ បណីតំ, ឯតេន សច្ចេន សុវត្ថិ ហោតុ។
Idampi saṅghe ratanaṃ paṇītaṃ, etena saccena suvatthi hotu.
១៣.
13.
តថូបមំ ធម្មវរំ អទេសយិ 23, និព្ពានគាមិំ បរមំ ហិតាយ;
Tathūpamaṃ dhammavaraṃ adesayi 24, nibbānagāmiṃ paramaṃ hitāya;
ឥទម្បិ ពុទ្ធេ រតនំ បណីតំ, ឯតេន សច្ចេន សុវត្ថិ ហោតុ។
Idampi buddhe ratanaṃ paṇītaṃ, etena saccena suvatthi hotu.
១៤.
14.
វរោ វរញ្ញូ វរទោ វរាហរោ, អនុត្តរោ ធម្មវរំ អទេសយិ;
Varo varaññū varado varāharo, anuttaro dhammavaraṃ adesayi;
ឥទម្បិ ពុទ្ធេ រតនំ បណីតំ, ឯតេន សច្ចេន សុវត្ថិ ហោតុ។
Idampi buddhe ratanaṃ paṇītaṃ, etena saccena suvatthi hotu.
១៥.
15.
ខីណំ បុរាណំ នវ នត្ថិ សម្ភវំ, វិរត្តចិត្តាយតិកេ ភវស្មិំ;
Khīṇaṃ purāṇaṃ nava natthi sambhavaṃ, virattacittāyatike bhavasmiṃ;
តេ ខីណពីជា អវិរូឡ្ហិឆន្ទា, និព្ពន្តិ ធីរា យថាយំ 25 បទីបោ;
Te khīṇabījā avirūḷhichandā, nibbanti dhīrā yathāyaṃ 26 padīpo;
ឥទម្បិ សង្ឃេ រតនំ បណីតំ, ឯតេន សច្ចេន សុវត្ថិ ហោតុ។
Idampi saṅghe ratanaṃ paṇītaṃ, etena saccena suvatthi hotu.
១៦.
16.
យានីធ ភូតានិ សមាគតានិ, ភុម្មានិ វា យានិ វ អន្តលិក្ខេ;
Yānīdha bhūtāni samāgatāni, bhummāni vā yāni va antalikkhe;
តថាគតំ ទេវមនុស្សបូជិតំ, ពុទ្ធំ នមស្សាម សុវត្ថិ ហោតុ។
Tathāgataṃ devamanussapūjitaṃ, buddhaṃ namassāma suvatthi hotu.
១៧.
17.
យានីធ ភូតានិ សមាគតានិ, ភុម្មានិ វា យានិ វ អន្តលិក្ខេ;
Yānīdha bhūtāni samāgatāni, bhummāni vā yāni va antalikkhe;
តថាគតំ ទេវមនុស្សបូជិតំ, ធម្មំ នមស្សាម សុវត្ថិ ហោតុ។
Tathāgataṃ devamanussapūjitaṃ, dhammaṃ namassāma suvatthi hotu.
១៨.
18.
យានីធ ភូតានិ សមាគតានិ, ភុម្មានិ វា យានិ វ អន្តលិក្ខេ;
Yānīdha bhūtāni samāgatāni, bhummāni vā yāni va antalikkhe;
តថាគតំ ទេវមនុស្សបូជិតំ, សង្ឃំ នមស្សាម សុវត្ថិ ហោតូតិ។
Tathāgataṃ devamanussapūjitaṃ, saṅghaṃ namassāma suvatthi hotūti.
រតនសុត្តំ និដ្ឋិតំ។
Ratanasuttaṃ niṭṭhitaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ខុទ្ទកបាឋ-អដ្ឋកថា • Khuddakapāṭha-aṭṭhakathā / ៦. រតនសុត្តវណ្ណនា • 6. Ratanasuttavaṇṇanā
