| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
9. рад̇анаваг̇г̇о
9. Ratanavaggo
1. анд̇збурасигкаабад̣̇аван̣н̣анаа
1. Antepurasikkhāpadavaṇṇanā
рад̇анаваг̇г̇асса батамз кад̇д̇ияассаад̇и кад̇д̇ияаж̇аад̇игасса, муд̣̇д̇хаабхисид̇д̇ассаад̇и кад̇д̇ияаабхисзгзна муд̣̇д̇хани абхисид̇д̇асса. анигканд̇о рааж̇аа ид̇од̇и анигканд̇арааж̇агам̣, д̇асмим̣ анигканд̇арааж̇агз, саяанигхарзд̇и ад̇т̇о. рад̇анам̣ вужжад̇и махзсий, ниг̇г̇ад̇анд̇и нигканд̇ам̣, аниг̇г̇ад̇ам̣ рад̇анам̣ ид̇од̇и аниг̇г̇ад̇арад̇анагам̣, д̇асмим̣ аниг̇г̇ад̇арад̇анагз, саяанигхарзд̇и ад̇т̇о. инд̣̇акийлам̣ ад̇иггамзяяаад̇и зд̇т̇а ад̇д̇ано ааг̇ад̇абхаавам̣ аж̇аанаабзд̇ваа саяанигхарасса уммаарам̣ батамам̣ баад̣̇ам̣ ад̇иггаамзнд̇асса д̣̇уггадам̣, д̣̇уд̇ияам̣ баажид̇д̇ияам̣.
Ratanavaggassa paṭhame khattiyassāti khattiyajātikassa, muddhābhisittassāti khattiyābhisekena muddhani abhisittassa. Anikkhanto rājā itoti anikkhantarājakaṃ, tasmiṃ anikkhantarājake, sayanighareti attho. Ratanaṃ vuccati mahesī, niggatanti nikkhantaṃ, aniggataṃ ratanaṃ itoti aniggataratanakaṃ, tasmiṃ aniggataratanake, sayanighareti attho. Indakhīlaṃatikkameyyāti ettha attano āgatabhāvaṃ ajānāpetvā sayanigharassa ummāraṃ paṭhamaṃ pādaṃ atikkāmentassa dukkaṭaṃ, dutiyaṃ pācittiyaṃ.
саавад̇т̇ияам̣ ааяасманд̇ам̣ аананд̣̇ам̣ аараб̣бха ран̃н̃о анд̇збураббависанавад̇т̇усмим̣ бан̃н̃ад̇д̇ам̣, асаад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, бадисам̣вид̣̇ид̇з аббадисам̣вид̣̇ид̇асан̃н̃ино, взмад̇игасса жа д̣̇уггадам̣. бадисам̣вид̣̇ид̇асан̃н̃исса, на кад̇д̇ияасса ваа, на кад̇д̇ияаабхисзгзна абхисид̇д̇асса ваа, убхосу ваа, убхиннам̣ ваа ан̃н̃ад̇арасмим̣ нигканд̇з саяанигхарам̣ бависанд̇асса, асаяанигхарз, уммад̇д̇агаад̣̇ийнан̃жа анаабад̇д̇и. кад̇д̇ияад̇аа, абхисид̇д̇ад̇аа, убхиннамби саяанигхарад̇о анигканд̇ад̇аа, аббадисам̣вид̣̇ид̇ад̇аа, инд̣̇акийлаад̇иггамод̇и имаанзд̇т̇а бан̃жа ан̇г̇аани. самудтаанаад̣̇ийни батамагат̇инасад̣̇исаани, ид̣̇ам̣ бана гирияаагирияанд̇и.
Sāvatthiyaṃ āyasmantaṃ ānandaṃ ārabbha rañño antepurappavisanavatthusmiṃ paññattaṃ, asādhāraṇapaññatti, anāṇattikaṃ, tikapācittiyaṃ, paṭisaṃvidite appaṭisaṃviditasaññino, vematikassa ca dukkaṭaṃ. Paṭisaṃviditasaññissa, na khattiyassa vā, na khattiyābhisekena abhisittassa vā, ubhosu vā, ubhinnaṃ vā aññatarasmiṃ nikkhante sayanigharaṃ pavisantassa, asayanighare, ummattakādīnañca anāpatti. Khattiyatā, abhisittatā, ubhinnampi sayanigharato anikkhantatā, appaṭisaṃviditatā, indakhīlātikkamoti imānettha pañca aṅgāni. Samuṭṭhānādīni paṭhamakathinasadisāni, idaṃ pana kiriyākiriyanti.
анд̇збурасигкаабад̣̇аван̣н̣анаа нидтид̇аа.
Antepurasikkhāpadavaṇṇanā niṭṭhitā.
2. рад̇анасигкаабад̣̇аван̣н̣анаа
2. Ratanasikkhāpadavaṇṇanā
д̣̇уд̇ияз рад̇ананд̇и муд̇д̇аад̣̇ид̣̇асавид̇хам̣. рад̇анасаммад̇анд̇и яам̣гин̃жи мануссаанам̣ убабхог̇абарибхог̇ам̣. аж̇жхаараамз ваад̇и баригкид̇д̇асса анд̇обадигкзбз абаригкид̇д̇асса д̣̇виннам̣ лзд̣д̣убаад̇аанам̣ анд̇о. аж̇жхаавасат̇зд̇и баригкид̇д̇асса анд̇обадигкзбз, абаригкид̇д̇асса мусалабаад̇аб̣бханд̇арз. аяам̣ банзд̇т̇а винижчаяо – ж̇аад̇аруубараж̇ад̇ам̣ ад̇д̇ано ад̇т̇ааяа уг̇г̇ан̣ханд̇асса ваа уг̇г̇ан̣хаабзнд̇асса ваа ниссаг̇г̇ияам̣ баажид̇д̇ияам̣ . сан̇гхаг̇ан̣абуг̇г̇алажзд̇ияанавагаммаанам̣ ад̇т̇ааяа д̣̇уггадам̣, авасзсз муд̇д̇аад̣̇ирад̇анз саб̣б̣зсамби ад̇т̇ааяа д̣̇уггадамзва. габбияавад̇т̇ум̣ ваа агаббияавад̇т̇ум̣ ваа анд̇амасо маад̇усанд̇агамби бхан̣д̣ааг̇ааригасийсзна бадисаамзнд̇асса баажид̇д̇ияам̣, д̇аад̣̇исам̣ бана ад̇д̇ано санд̇агам̣ гад̇ваа бадисаамзд̇ум̣ ваддад̇и. ‘‘ид̣̇ам̣ бадисаамзт̇аа’’д̇и вуд̇д̇з бана ‘‘на ваддад̇ий’’д̇и бадигкибид̇аб̣б̣ам̣. сажз губид̇аа баад̇зд̇ваа г̇ажчанд̇и, балиб̣од̇хо наама ход̇и, бадисаамзд̇аб̣б̣ам̣. вихаарз гаммам̣ гаронд̇аа вад̣дхагийаад̣̇аяо ваа рааж̇аваллабхаа ваа ‘‘яам̣гин̃жи убагаран̣ам̣ ваа саяанабхан̣д̣ам̣ ваа бадисаамзд̇ваа д̣̇зт̇аа’’д̇и вад̣̇анд̇и, чанд̣̇знаби бхаязнаби на гаад̇аб̣б̣амзва, г̇уд̇д̇адтаанам̣ бана д̣̇ассзд̇ум̣ ваддад̇и.
Dutiye ratananti muttādidasavidhaṃ. Ratanasammatanti yaṃkiñci manussānaṃ upabhogaparibhogaṃ. Ajjhārāme vāti parikkhittassa antopaṭikkhepe aparikkhittassa dvinnaṃ leḍḍupātānaṃ anto. Ajjhāvasatheti parikkhittassa antopaṭikkhepe, aparikkhittassa musalapātabbhantare. Ayaṃ panettha vinicchayo – jātarūparajataṃ attano atthāya uggaṇhantassa vā uggaṇhāpentassa vā nissaggiyaṃ pācittiyaṃ . Saṅghagaṇapuggalacetiyanavakammānaṃ atthāya dukkaṭaṃ, avasese muttādiratane sabbesampi atthāya dukkaṭameva. Kappiyavatthuṃ vā akappiyavatthuṃ vā antamaso mātusantakampi bhaṇḍāgārikasīsena paṭisāmentassa pācittiyaṃ, tādisaṃ pana attano santakaṃ katvā paṭisāmetuṃ vaṭṭati. ‘‘Idaṃ paṭisāmethā’’ti vutte pana ‘‘na vaṭṭatī’’ti paṭikkhipitabbaṃ. Sace kupitā pātetvā gacchanti, palibodho nāma hoti, paṭisāmetabbaṃ. Vihāre kammaṃ karontā vaḍḍhakīādayo vā rājavallabhā vā ‘‘yaṃkiñci upakaraṇaṃ vā sayanabhaṇḍaṃ vā paṭisāmetvā dethā’’ti vadanti, chandenapi bhayenapi na kātabbameva, guttaṭṭhānaṃ pana dassetuṃ vaṭṭati.
аж̇жхаараамааж̇жхаавасат̇зсуби яаад̣̇исз таанз ‘‘бхигкуухи ваа сааман̣зрзхи ваа г̇ахид̇ам̣ бхависсад̇ий’’д̇и аасан̇гаа уббаж̇ж̇ад̇и, д̇аад̣̇исзязва таанз уг̇г̇ахзд̇ваа ваа уг̇г̇ахаабзд̇ваа ваа сан̃н̃аан̣ам̣ гад̇ваа нигкибид̇аб̣б̣ам̣, ‘‘яасса бхан̣д̣ам̣ надтам̣, со ааг̇ажчад̇уу’’д̇и жа аажигкид̇аб̣б̣ам̣. ат̇а яо ааг̇ажчад̇и, со ‘‘гийд̣̇исам̣ д̇з бхан̣д̣ам̣ надта’’нд̇и бужчид̇аб̣б̣о, сажз сан̃н̃аан̣зна самбаад̣̇зд̇и, д̣̇аад̇аб̣б̣ам̣. но жз, ‘вижинаахий’д̇и вад̇д̇аб̣б̣о. д̇амхаа ааваасаа баггаманд̇зна бад̇ируубаанам̣ бхигкуунам̣ хад̇т̇з, д̇зсу асад̇и бад̇ируубаанам̣ г̇ахабад̇игаанам̣ хад̇т̇з нигкибид̇ваа баггамид̇аб̣б̣ам̣. яо бана нзва баггамад̇и, на саамигам̣ бассад̇и, д̇зна т̇ааварам̣ сзнаасанам̣ ваа жзд̇ияам̣ ваа богкаран̣им̣ ваа гаарзд̇аб̣б̣о. сажз д̣̇ийгхасса ад̣̇д̇хуно ажжаязна саамиго ааг̇ажчад̇и, д̇ам̣ д̣̇ассзд̇ваа ‘анумод̣̇аахий’д̇и вад̇д̇аб̣б̣о. сажз наанумод̣̇ад̇и, ‘‘д̣̇зхи мз д̇хана’’нд̇и жод̣̇зд̇и, самаад̣̇абзд̇ваа д̣̇аад̇аб̣б̣ам̣.
Ajjhārāmaajjhāvasathesupi yādise ṭhāne ‘‘bhikkhūhi vā sāmaṇerehi vā gahitaṃ bhavissatī’’ti āsaṅkā uppajjati, tādiseyeva ṭhāne uggahetvā vā uggahāpetvā vā saññāṇaṃ katvā nikkhipitabbaṃ, ‘‘yassa bhaṇḍaṃ naṭṭhaṃ, so āgacchatū’’ti ca ācikkhitabbaṃ. Atha yo āgacchati, so ‘‘kīdisaṃ te bhaṇḍaṃ naṭṭha’’nti pucchitabbo, sace saññāṇena sampādeti, dātabbaṃ. No ce, ‘vicināhī’ti vattabbo. Tamhā āvāsā pakkamantena patirūpānaṃ bhikkhūnaṃ hatthe, tesu asati patirūpānaṃ gahapatikānaṃ hatthe nikkhipitvā pakkamitabbaṃ. Yo pana neva pakkamati, na sāmikaṃ passati, tena thāvaraṃ senāsanaṃ vā cetiyaṃ vā pokkharaṇiṃ vā kāretabbo. Sace dīghassa addhuno accayena sāmiko āgacchati, taṃ dassetvā ‘anumodāhī’ti vattabbo. Sace nānumodati, ‘‘dehi me dhana’’nti codeti, samādapetvā dātabbaṃ.
саавад̇т̇ияам̣ ан̃н̃ад̇арам̣ бхигкум̣ аараб̣бха рад̇анауг̇г̇ан̣ханавад̇т̇усмим̣ бан̃н̃ад̇д̇ам̣, ‘‘ан̃н̃ад̇ра аж̇жхаараамаа ваа, аж̇жхаавасат̇аа ваа’’д̇и аяамзд̇т̇а д̣̇увид̇хаа анубан̃н̃ад̇д̇и, саад̇хааран̣абан̃н̃ад̇д̇и, саан̣ад̇д̇игам̣, анун̃н̃аад̇адтаанз анаад̣̇ариязна уг̇г̇ахзд̇ваа анигкибанд̇асса д̣̇уггадам̣. анун̃н̃аад̇адтаанз г̇ахзд̇ваа нигкибанд̇асса, яам̣ ход̇и аамаасам̣ рад̇анасаммад̇ам̣, д̇ам̣ виссаасам̣ ваа д̇аавагаалигам̣ ваа уг̇г̇ан̣ханд̇асса, бам̣сугууласан̃н̃ааяа г̇ан̣хад̇о, уммад̇д̇агаад̣̇ийнан̃жа анаабад̇д̇и. ананун̃н̃аад̇агаран̣ам̣, барасанд̇агад̇аа, виссаасаг̇г̇аахабам̣сугууласан̃н̃аанам̣ абхааво, уг̇г̇ахан̣ам̣ ваа уг̇г̇ахаабанам̣ ваад̇и имаанзд̇т̇а жад̇д̇аари ан̇г̇аани. самудтаанаад̣̇ийни сан̃жарид̇д̇асад̣̇исаанийд̇и.
Sāvatthiyaṃ aññataraṃ bhikkhuṃ ārabbha ratanauggaṇhanavatthusmiṃ paññattaṃ, ‘‘aññatra ajjhārāmā vā, ajjhāvasathā vā’’ti ayamettha duvidhā anupaññatti, sādhāraṇapaññatti, sāṇattikaṃ, anuññātaṭṭhāne anādariyena uggahetvā anikkhipantassa dukkaṭaṃ. Anuññātaṭṭhāne gahetvā nikkhipantassa, yaṃ hoti āmāsaṃ ratanasammataṃ, taṃ vissāsaṃ vā tāvakālikaṃ vā uggaṇhantassa, paṃsukūlasaññāya gaṇhato, ummattakādīnañca anāpatti. Ananuññātakaraṇaṃ, parasantakatā, vissāsaggāhapaṃsukūlasaññānaṃ abhāvo, uggahaṇaṃ vā uggahāpanaṃ vāti imānettha cattāri aṅgāni. Samuṭṭhānādīni sañcarittasadisānīti.
рад̇анасигкаабад̣̇аван̣н̣анаа нидтид̇аа.
Ratanasikkhāpadavaṇṇanā niṭṭhitā.
3. вигаалаг̇аамаббавзсанасигкаабад̣̇аван̣н̣анаа
3. Vikālagāmappavesanasikkhāpadavaṇṇanā
д̇ад̇ияз санд̇ам̣ бхигкум̣ анаабужчаад̇и ид̣̇ам̣ жаарид̇д̇з вуд̇д̇анаяамзва. вигаалзд̇и маж̇жханхигаад̇иггамад̇о бадтааяа анд̇оарун̣з, зд̇асмим̣ анд̇арз ‘‘вигаалз г̇аамаббавзсанам̣ аабужчаамий’’д̇и ваа, ‘‘г̇аамам̣ бависиссаамий’’д̇и ваа анаабужчид̇ваа асад̇и д̇ат̇ааруубз ажжааяигз гаран̣ийяз баригкид̇д̇асса г̇аамасса баригкзбам̣ ад̇иггаманд̇асса, абаригкид̇д̇асса убажаарам̣ оггаманд̇асса батамабаад̣̇з д̣̇уггадам̣, д̣̇уд̇ияабаад̣̇з баажид̇д̇ияам̣. сажзби самб̣ахулаа гзнажи гаммзна г̇аамам̣ бависанд̇и, саб̣б̣зхи ан̃н̃аман̃н̃ам̣ аабужчид̇аб̣б̣ам̣. ‘‘д̇асмим̣ г̇аамз д̇ам̣ гаммам̣ на самбаж̇ж̇ад̇ий’’д̇и ан̃н̃ам̣ г̇аамам̣ г̇ажчанд̇аанам̣ буна аабужчанагижжам̣ над̇т̇и. сажз бана уссаахам̣ бадиббассамбхзд̇ваа вихаарам̣ г̇ажчанд̇аа анд̇араа ан̃н̃ам̣ г̇аамам̣ бависид̇угаамаа хонд̇и, аабужчид̇аб̣б̣амзва. гулагхарз ваа аасанасаалааяам̣ ваа бхад̇д̇агижжам̣ гад̇ваа д̇злабхигкааяа ваа саббибхигкааяа ваа жарид̇угаамзна сажз бассз бхигку ад̇т̇и, аабужчид̇аб̣б̣о, асанд̇з ‘над̇т̇ий’д̇и г̇анд̇аб̣б̣ам̣. вийт̇им̣ од̇арид̇ваа бана бхигкум̣ д̣̇исвааби аабужчанагижжам̣ над̇т̇и. яо бана г̇аамамаж̇жхзна маг̇г̇о ход̇и, сажз д̇зна г̇ажчанд̇асса ‘‘д̇злаад̣̇ийнам̣ ад̇т̇ааяа жариссаамий’’д̇и жид̇д̇ам̣ уббаж̇ж̇ад̇и, бассз бхигкум̣ д̣̇исваа аабужчид̇аб̣б̣ам̣. маг̇г̇аа аноггамма жаранд̇асса бана аабужчанагижжам̣ над̇т̇и, оггаманд̇асса вуд̇д̇анаязнзва баажид̇д̇ияам̣.
Tatiye santaṃ bhikkhuṃ anāpucchāti idaṃ cāritte vuttanayameva. Vikāleti majjhanhikātikkamato paṭṭhāya antoaruṇe, etasmiṃ antare ‘‘vikāle gāmappavesanaṃ āpucchāmī’’ti vā, ‘‘gāmaṃ pavisissāmī’’ti vā anāpucchitvā asati tathārūpe accāyike karaṇīye parikkhittassa gāmassa parikkhepaṃ atikkamantassa, aparikkhittassa upacāraṃ okkamantassa paṭhamapāde dukkaṭaṃ, dutiyapāde pācittiyaṃ. Sacepi sambahulā kenaci kammena gāmaṃ pavisanti, sabbehi aññamaññaṃ āpucchitabbaṃ. ‘‘Tasmiṃ gāme taṃ kammaṃ na sampajjatī’’ti aññaṃ gāmaṃ gacchantānaṃ puna āpucchanakiccaṃ natthi. Sace pana ussāhaṃ paṭippassambhetvā vihāraṃ gacchantā antarā aññaṃ gāmaṃ pavisitukāmā honti, āpucchitabbameva. Kulaghare vā āsanasālāyaṃ vā bhattakiccaṃ katvā telabhikkhāya vā sappibhikkhāya vā caritukāmena sace passe bhikkhu atthi, āpucchitabbo, asante ‘natthī’ti gantabbaṃ. Vīthiṃ otaritvā pana bhikkhuṃ disvāpi āpucchanakiccaṃ natthi. Yo pana gāmamajjhena maggo hoti, sace tena gacchantassa ‘‘telādīnaṃ atthāya carissāmī’’ti cittaṃ uppajjati, passe bhikkhuṃ disvā āpucchitabbaṃ. Maggā anokkamma carantassa pana āpucchanakiccaṃ natthi, okkamantassa vuttanayeneva pācittiyaṃ.
саавад̇т̇ияам̣ чаб̣б̣аг̇г̇ияз аараб̣бха вигаалз г̇аамаббавзсанавад̇т̇усмим̣ бан̃н̃ад̇д̇ам̣, ‘‘санд̇ам̣ бхигку’’нд̇и жа ‘‘анаабужчаа’’д̇и жа ‘‘ан̃н̃ад̇ра д̇ат̇ааруубаа ажжааяигаа гаран̣ийяаа’’д̇и жа имаа банзд̇т̇а д̇иссо анубан̃н̃ад̇д̇ияо, асаад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, гаалз вигааласан̃н̃ино, взмад̇игасса жа д̣̇уггадам̣. гааласан̃н̃ино бана, яо жа ажжааяигз ваа гаран̣ийяз, санд̇ам̣ ваа аабужчид̇ваа, асанд̇ам̣ ваа анаабужчид̇ваа бависад̇и, анд̇араараамабхигкунубассаяад̇ид̇т̇ияасзяяабадиггаманзсу ваа ан̃н̃ад̇арам̣ г̇ажчад̇и, д̇асса, г̇аамзна маг̇г̇о ход̇и, д̇зна г̇ажчад̇о, аабад̣̇аасу, уммад̇д̇агаад̣̇ийнан̃жа анаабад̇д̇и. санд̇ам̣ бхигкум̣ анаабужчад̇аа, анун̃н̃аад̇агааран̣аабхааво, вигаалз г̇аамаббависананд̇и имаанзд̇т̇а д̇ийн̣и ан̇г̇аани. самудтаанаад̣̇ийни гат̇инасад̣̇исаанзва, ид̣̇ам̣ бана гирияаагирияанд̇и.
Sāvatthiyaṃ chabbaggiye ārabbha vikāle gāmappavesanavatthusmiṃ paññattaṃ, ‘‘santaṃ bhikkhu’’nti ca ‘‘anāpucchā’’ti ca ‘‘aññatra tathārūpā accāyikā karaṇīyā’’ti ca imā panettha tisso anupaññattiyo, asādhāraṇapaññatti, anāṇattikaṃ, tikapācittiyaṃ, kāle vikālasaññino, vematikassa ca dukkaṭaṃ. Kālasaññino pana, yo ca accāyike vā karaṇīye, santaṃ vā āpucchitvā, asantaṃ vā anāpucchitvā pavisati, antarārāmabhikkhunupassayatitthiyaseyyapaṭikkamanesu vā aññataraṃ gacchati, tassa, gāmena maggo hoti, tena gacchato, āpadāsu, ummattakādīnañca anāpatti. Santaṃ bhikkhuṃ anāpucchatā, anuññātakāraṇābhāvo, vikāle gāmappavisananti imānettha tīṇi aṅgāni. Samuṭṭhānādīni kathinasadisāneva, idaṃ pana kiriyākiriyanti.
вигаалаг̇аамаббавзсанасигкаабад̣̇аван̣н̣анаа нидтид̇аа.
Vikālagāmappavesanasikkhāpadavaṇṇanā niṭṭhitā.
4. суужигхарасигкаабад̣̇аван̣н̣анаа
4. Sūcigharasikkhāpadavaṇṇanā
жад̇уд̇т̇з бхзд̣̇анамзва бхзд̣̇анагам̣, д̇ам̣ асса ад̇т̇ийд̇и бхзд̣̇анагам̣. д̇асмаа зваруубз суужигхарз гаран̣агаараабанзсу д̣̇уггадам̣, бадилаабхзна бана д̇ам̣ бхинд̣̇ид̇ваа баажид̇д̇ияам̣ д̣̇зсзд̇аб̣б̣ам̣.
Catutthe bhedanameva bhedanakaṃ, taṃ assa atthīti bhedanakaṃ. Tasmā evarūpe sūcighare karaṇakārāpanesu dukkaṭaṃ, paṭilābhena pana taṃ bhinditvā pācittiyaṃ desetabbaṃ.
саггзсу самб̣ахулз бхигкуу аараб̣бха б̣ахусуужигхаравин̃н̃аабанавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, саан̣ад̇д̇игам̣, ад̇д̇анаа виббагад̇ам̣ ад̇д̇анаа ваа, барзхи ваа, барзхи виббагад̇амби ад̇д̇анаа ваа, барзхи ваа барияосаабзд̇ваа лабханд̇асса жад̇уггабаажид̇д̇ияам̣. ан̃н̃ассад̇т̇ааяа гаран̣агаараабанзсу, ан̃н̃зна гад̇ам̣ бадилабхид̇ваа барибхун̃ж̇анз д̣̇уггадам̣. г̇ан̣тигз аран̣игз вид̇хз ан̃ж̇анияаа ан̃ж̇анисалаагааяа ваасиж̇адз уд̣̇агабун̃чанияаад̇и зд̇зсу яам̣гин̃жи адтиаад̣̇ийхи гаронд̇асса, уммад̇д̇агаад̣̇ийнан̃жа анаабад̇д̇и. суужигхарад̇аа, адтимаяаад̣̇ид̇аа, ад̇д̇ано ад̇т̇ааяа гаран̣ам̣ ваа гаараабзд̇ваа ваа бадилаабход̇и имаанзд̇т̇а д̇ийн̣и ан̇г̇аани. самудтаанаад̣̇ийни сан̃жарид̇д̇асад̣̇исаанийд̇и.
Sakkesu sambahule bhikkhū ārabbha bahusūcigharaviññāpanavatthusmiṃ paññattaṃ, sādhāraṇapaññatti, sāṇattikaṃ, attanā vippakataṃ attanā vā, parehi vā, parehi vippakatampi attanā vā, parehi vā pariyosāpetvā labhantassa catukkapācittiyaṃ. Aññassatthāya karaṇakārāpanesu, aññena kataṃ paṭilabhitvā paribhuñjane dukkaṭaṃ. Gaṇṭhike araṇike vidhe añjaniyā añjanisalākāya vāsijaṭe udakapuñchaniyāti etesu yaṃkiñci aṭṭhiādīhi karontassa, ummattakādīnañca anāpatti. Sūcigharatā, aṭṭhimayāditā, attano atthāya karaṇaṃ vā kārāpetvā vā paṭilābhoti imānettha tīṇi aṅgāni. Samuṭṭhānādīni sañcarittasadisānīti.
суужигхарасигкаабад̣̇аван̣н̣анаа нидтид̇аа.
Sūcigharasikkhāpadavaṇṇanā niṭṭhitā.
5. ман̃жабийтасигкаабад̣̇аван̣н̣анаа
5. Mañcapīṭhasikkhāpadavaṇṇanā
бан̃жамз ман̃жанд̇и масаарагаад̣̇ийсу ан̃н̃ад̇арам̣. бийтамби д̇аад̣̇исамзва, д̇ам̣ бана ман̃жо вияа ад̇ид̣̇ийгхам̣, аасанд̣̇иго вияа жа самам̣ жад̇урассам̣ на ход̇и. чзд̣̇анагам̣ бхзд̣̇анагасад̣̇исамзва.
Pañcame mañcanti masārakādīsu aññataraṃ. Pīṭhampi tādisameva, taṃ pana mañco viya atidīghaṃ, āsandiko viya ca samaṃ caturassaṃ na hoti. Chedanakaṃ bhedanakasadisameva.
саавад̇т̇ияам̣ убананд̣̇ам̣ аараб̣бха ужжз ман̃жз саяанавад̇т̇усмим̣ бан̃н̃ад̇д̇ам̣, бамаан̣игам̣ гаронд̇асса, бамаан̣аад̇игганд̇ам̣ лабхид̇ваа чинд̣̇ид̇ваа яат̇аа бамаан̣амзва убари д̣̇иссад̇и, звам̣ никан̣ид̇ваа ваа, уд̇д̇аанам̣ ваа гад̇ваа, аддагам̣ ваа б̣анд̇хид̇ваа барибхун̃ж̇анд̇асса, уммад̇д̇агаад̣̇ийнан̃жа анаабад̇д̇и. бамаан̣аад̇игганд̇аман̃жабийтад̇аа, ад̇д̇ано ад̇т̇ааяа гаран̣ам̣ ваа гаараабзд̇ваа ваа бадилаабход̇и имаанзд̇т̇а д̣̇вз ан̇г̇аани. сзсам̣ саб̣б̣ам̣ суужигхарасигкаабад̣̇асад̣̇исамзваад̇и.
Sāvatthiyaṃ upanandaṃ ārabbha ucce mañce sayanavatthusmiṃ paññattaṃ, pamāṇikaṃ karontassa, pamāṇātikkantaṃ labhitvā chinditvā yathā pamāṇameva upari dissati, evaṃ nikhaṇitvā vā, uttānaṃ vā katvā, aṭṭakaṃ vā bandhitvā paribhuñjantassa, ummattakādīnañca anāpatti. Pamāṇātikkantamañcapīṭhatā, attano atthāya karaṇaṃ vā kārāpetvā vā paṭilābhoti imānettha dve aṅgāni. Sesaṃ sabbaṃ sūcigharasikkhāpadasadisamevāti.
ман̃жабийтасигкаабад̣̇аван̣н̣анаа нидтид̇аа.
Mañcapīṭhasikkhāpadavaṇṇanā niṭṭhitā.
6. д̇уулонад̣̇д̇хасигкаабад̣̇аван̣н̣анаа
6. Tūlonaddhasikkhāpadavaṇṇanā
чадтз д̇уулам̣ онад̣̇д̇хамзд̇т̇аад̇и д̇уулонад̣̇д̇хам̣, жимилигам̣ бад̇т̇арид̇ваа д̇уулам̣ багкибид̇ваа убари жимилигааяа онад̣̇д̇ханд̇и вуд̇д̇ам̣ ход̇и. уд̣̇д̣̇ааланагам̣ бхзд̣̇анагасад̣̇исамзва.
Chaṭṭhe tūlaṃ onaddhametthāti tūlonaddhaṃ, cimilikaṃ pattharitvā tūlaṃ pakkhipitvā upari cimilikāya onaddhanti vuttaṃ hoti. Uddālanakaṃ bhedanakasadisameva.
саавад̇т̇ияам̣ чаб̣б̣аг̇г̇ияз аараб̣бха д̇уулонад̣̇д̇хагаараабанавад̇т̇усмим̣ бан̃н̃ад̇д̇ам̣, ааяог̇з гааяаб̣анд̇ханз ам̣саб̣ад̣̇д̇хагз бад̇д̇ад̇т̇авигааяа бариссааванз б̣имб̣оханз, ан̃н̃зна гад̇ам̣ д̇уулонад̣̇д̇хам̣ бадилабхид̇ваа уд̣̇д̣̇аалзд̇ваа барибхун̃ж̇анд̇асса, уммад̇д̇агаад̣̇ийнан̃жа анаабад̇д̇и. б̣имб̣оханан̃жзд̇т̇а сийсаббамаан̣амзва ваддад̇и, сийсаббамаан̣ам̣ наама яасса вид̇т̇аарад̇о д̇ийсу гон̣зсу д̣̇виннам̣ анд̇арам̣ вид̣̇ад̇т̇ижад̇уран̇г̇улам̣ ход̇и, маж̇жхз мудтирад̇анам̣, д̣̇ийгхад̇о д̣̇ияад̣дхарад̇анам̣ ваа д̣̇вирад̇анам̣ ваа. д̇уулонад̣̇д̇хаман̃жабийтад̇аа, ад̇д̇ано ад̇т̇ааяа гаран̣ам̣ ваа гаараабзд̇ваа ваа бадилаабход̇и имаанзд̇т̇а д̣̇вз ан̇г̇аани. сзсам̣ вуд̇д̇анаязнзва взд̣̇ид̇аб̣б̣анд̇и.
Sāvatthiyaṃ chabbaggiye ārabbha tūlonaddhakārāpanavatthusmiṃ paññattaṃ, āyoge kāyabandhane aṃsabaddhake pattatthavikāya parissāvane bimbohane, aññena kataṃ tūlonaddhaṃ paṭilabhitvā uddāletvā paribhuñjantassa, ummattakādīnañca anāpatti. Bimbohanañcettha sīsappamāṇameva vaṭṭati, sīsappamāṇaṃ nāma yassa vitthārato tīsu koṇesu dvinnaṃ antaraṃ vidatthicaturaṅgulaṃ hoti, majjhe muṭṭhiratanaṃ, dīghato diyaḍḍharatanaṃ vā dviratanaṃ vā. Tūlonaddhamañcapīṭhatā, attano atthāya karaṇaṃ vā kārāpetvā vā paṭilābhoti imānettha dve aṅgāni. Sesaṃ vuttanayeneva veditabbanti.
д̇уулонад̣̇д̇хасигкаабад̣̇аван̣н̣анаа нидтид̇аа.
Tūlonaddhasikkhāpadavaṇṇanā niṭṭhitā.
7. нисийд̣̇анасигкаабад̣̇аван̣н̣анаа
7. Nisīdanasikkhāpadavaṇṇanā
сад̇д̇амз нисийд̣̇ананд̇и сант̇ад̇асад̣̇исам̣ сант̇арид̇ваа згасмим̣ анд̇з суг̇ад̇авид̣̇ад̇т̇иббамаан̣ам̣ д̣̇вийсу таанзсу паалзд̇ваа гад̇аахи д̇ийхи д̣̇асаахи яуд̇д̇асса баригкаарассзд̇ам̣ наамам̣.
Sattame nisīdananti santhatasadisaṃ santharitvā ekasmiṃ ante sugatavidatthippamāṇaṃ dvīsu ṭhānesu phāletvā katāhi tīhi dasāhi yuttassa parikkhārassetaṃ nāmaṃ.
саавад̇т̇ияам̣ чаб̣б̣аг̇г̇ияз аараб̣бха аббамаан̣игаани нисийд̣̇анаани д̇хааран̣авад̇т̇усмим̣ бан̃н̃ад̇д̇ам̣, ‘‘д̣̇асаа вид̣̇ад̇т̇ий’’д̇и аяамзд̇т̇а анубан̃н̃ад̇д̇и, асаад̇хааран̣абан̃н̃ад̇д̇и, бамаан̣игам̣ ваа уунагам̣ ваа гаронд̇асса, ан̃н̃зна гад̇ам̣ бамаан̣аад̇игганд̇ам̣ бадилабхид̇ваа чинд̣̇ид̇ваа барибхун̃ж̇анд̇асса, вид̇аанаад̣̇ийсу яам̣гин̃жи гаронд̇асса, уммад̇д̇агаад̣̇ийнан̃жа анаабад̇д̇и. нисийд̣̇анасса бамаан̣аад̇игганд̇ад̇аа, ад̇д̇ано ад̇т̇ааяа гаран̣ам̣ ваа гаараабзд̇ваа ваа бадилаабход̇и имаанзд̇т̇а д̣̇вз ан̇г̇аани. сзсам̣ вуд̇д̇анаязнзва взд̣̇ид̇аб̣б̣анд̇и.
Sāvatthiyaṃ chabbaggiye ārabbha appamāṇikāni nisīdanāni dhāraṇavatthusmiṃ paññattaṃ, ‘‘dasā vidatthī’’ti ayamettha anupaññatti, asādhāraṇapaññatti, pamāṇikaṃ vā ūnakaṃ vā karontassa, aññena kataṃ pamāṇātikkantaṃ paṭilabhitvā chinditvā paribhuñjantassa, vitānādīsu yaṃkiñci karontassa, ummattakādīnañca anāpatti. Nisīdanassa pamāṇātikkantatā, attano atthāya karaṇaṃ vā kārāpetvā vā paṭilābhoti imānettha dve aṅgāni. Sesaṃ vuttanayeneva veditabbanti.
нисийд̣̇анасигкаабад̣̇аван̣н̣анаа нидтид̇аа.
Nisīdanasikkhāpadavaṇṇanā niṭṭhitā.
8. ган̣д̣уббадижчаад̣̇исигкаабад̣̇аван̣н̣анаа
8. Kaṇḍuppaṭicchādisikkhāpadavaṇṇanā
адтамз ган̣д̣уббадижчаад̣̇инд̇и ад̇хонаабхиуб̣бхаж̇аан̣уман̣д̣алам̣ ган̣д̣убийл̣агаассаават̇уллагажчааб̣аад̇хаанам̣ бадижчаад̣̇анад̇т̇ам̣ анун̃н̃аад̇ам̣ жийварам̣.
Aṭṭhame kaṇḍuppaṭicchādinti adhonābhiubbhajāṇumaṇḍalaṃ kaṇḍupīḷakaassāvathullakacchābādhānaṃ paṭicchādanatthaṃ anuññātaṃ cīvaraṃ.
саавад̇т̇ияам̣ чаб̣б̣аг̇г̇ияз аараб̣бха аббамаан̣игааяо ган̣д̣уббадижчаад̣̇игааяо д̇хааран̣авад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, сзсам̣ нисийд̣̇анз вуд̇д̇анаязнзва взд̣̇ид̇аб̣б̣анд̇и.
Sāvatthiyaṃ chabbaggiye ārabbha appamāṇikāyo kaṇḍuppaṭicchādikāyo dhāraṇavatthusmiṃ paññattaṃ, sādhāraṇapaññatti, sesaṃ nisīdane vuttanayeneva veditabbanti.
ган̣д̣уббадижчаад̣̇исигкаабад̣̇аван̣н̣анаа нидтид̇аа.
Kaṇḍuppaṭicchādisikkhāpadavaṇṇanā niṭṭhitā.
9. вассигасаадигасигкаабад̣̇аван̣н̣анаа
9. Vassikasāṭikasikkhāpadavaṇṇanā
навамз саавад̇т̇ияам̣ чаб̣б̣аг̇г̇ияз аараб̣бха аббамаан̣игааяо вассигасаадигааяо д̇хааран̣авад̇т̇усмим̣ бан̃н̃ад̇д̇ам̣, сзсамзд̇т̇а яам̣ вад̇д̇аб̣б̣ам̣, д̇ам̣ нисийд̣̇анз вуд̇д̇анаяамзваад̇и.
Navame sāvatthiyaṃ chabbaggiye ārabbha appamāṇikāyo vassikasāṭikāyo dhāraṇavatthusmiṃ paññattaṃ, sesamettha yaṃ vattabbaṃ, taṃ nisīdane vuttanayamevāti.
вассигасаадигасигкаабад̣̇аван̣н̣анаа нидтид̇аа.
Vassikasāṭikasikkhāpadavaṇṇanā niṭṭhitā.
10. нанд̣̇асигкаабад̣̇аван̣н̣анаа
10. Nandasikkhāpadavaṇṇanā
д̣̇асамз саавад̇т̇ияам̣ ааяасманд̇ам̣ нанд̣̇ам̣ аараб̣бха суг̇ад̇ажийвараббамаан̣ам̣ жийварам̣ д̇хааран̣авад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, сзсам̣ нисийд̣̇анз вуд̇д̇анаяамзваад̇и.
Dasame sāvatthiyaṃ āyasmantaṃ nandaṃ ārabbha sugatacīvarappamāṇaṃ cīvaraṃ dhāraṇavatthusmiṃ paññattaṃ, sādhāraṇapaññatti, sesaṃ nisīdane vuttanayamevāti.
нанд̣̇асигкаабад̣̇аван̣н̣анаа нидтид̇аа.
Nandasikkhāpadavaṇṇanā niṭṭhitā.
рад̇анаваг̇г̇о навамо.
Ratanavaggo navamo.
ган̇каавид̇аран̣ияаа баад̇имогкаван̣н̣анааяа
Kaṅkhāvitaraṇiyā pātimokkhavaṇṇanāya
суд̣̇д̇хабаажид̇д̇ияаван̣н̣анаа нидтид̇аа.
Suddhapācittiyavaṇṇanā niṭṭhitā.
