| Library / Tipiṭaka / திபிடக • Tipiṭaka / பேதவத்து²பாளி • Petavatthupāḷi |
3. ரத²காரபேதிவத்து²
3. Rathakārapetivatthu
439.
439.
‘‘வேளுரியத²ம்ப⁴ங் ருசிரங் பப⁴ஸ்ஸரங், விமானமாருய்ஹ அனேகசித்தங்;
‘‘Veḷuriyathambhaṃ ruciraṃ pabhassaraṃ, vimānamāruyha anekacittaṃ;
தத்த²ச்ச²ஸி தே³வி மஹானுபா⁴வே, பத²த்³த⁴னி 1 பன்னரஸேவ சந்தோ³.
Tatthacchasi devi mahānubhāve, pathaddhani 2 pannaraseva cando.
440.
440.
‘‘வண்ணோ ச தே கனகஸ்ஸ ஸன்னிபோ⁴, உத்தத்தரூபோ பு⁴ஸ த³ஸ்ஸனெய்யோ;
‘‘Vaṇṇo ca te kanakassa sannibho, uttattarūpo bhusa dassaneyyo;
பல்லங்கஸெட்டே² அதுலே நிஸின்னா, ஏகா துவங் நத்தி² ச துய்ஹ ஸாமிகோ.
Pallaṅkaseṭṭhe atule nisinnā, ekā tuvaṃ natthi ca tuyha sāmiko.
441.
441.
‘‘இமா ச தே பொக்க²ரணீ ஸமந்தா, பஹூதமல்யா 3 ப³ஹுபுண்ட³ரீகா;
‘‘Imā ca te pokkharaṇī samantā, pahūtamalyā 4 bahupuṇḍarīkā;
ஸுவண்ணசுண்ணேஹி ஸமந்தமொத்த²தா, ந தத்த² பங்கோ பணகோ ச விஜ்ஜதி.
Suvaṇṇacuṇṇehi samantamotthatā, na tattha paṅko paṇako ca vijjati.
442.
442.
‘‘ஹங்ஸா சிமே த³ஸ்ஸனீயா மனோரமா, உத³கஸ்மிமனுபரியந்தி ஸப்³ப³தா³;
‘‘Haṃsā cime dassanīyā manoramā, udakasmimanupariyanti sabbadā;
ஸமய்ய வக்³கூ³பனத³ந்தி ஸப்³பே³, பி³ந்து³ஸ்ஸரா து³ந்து³பீ⁴னங்வ கோ⁴ஸோ.
Samayya vaggūpanadanti sabbe, bindussarā dundubhīnaṃva ghoso.
443.
443.
‘‘த³த்³த³ல்லமானா யஸஸா யஸஸ்ஸினீ, நாவாய ச த்வங் அவலம்ப³ திட்ட²ஸி;
‘‘Daddallamānā yasasā yasassinī, nāvāya ca tvaṃ avalamba tiṭṭhasi;
ஆளாரபம்ஹே ஹஸிதே பியங்வதே³, ஸப்³ப³ங்க³கல்யாணி பு⁴ஸங் விரோசஸி.
Āḷārapamhe hasite piyaṃvade, sabbaṅgakalyāṇi bhusaṃ virocasi.
444.
444.
‘‘இத³ங் விமானங் விரஜங் ஸமே டி²தங், உய்யானவந்தங் 5 ரதினந்தி³வட்³ட⁴னங்;
‘‘Idaṃ vimānaṃ virajaṃ same ṭhitaṃ, uyyānavantaṃ 6 ratinandivaḍḍhanaṃ;
இச்சா²மஹங் நாரி அனோமத³ஸ்ஸனே, தயா ஸஹ நந்த³னே இத⁴ மோதி³து’’ந்தி.
Icchāmahaṃ nāri anomadassane, tayā saha nandane idha moditu’’nti.
445.
445.
‘‘கரோஹி கம்மங் இத⁴ வேத³னீயங், சித்தஞ்ச தே இத⁴ நிஹிதங் ப⁴வது 7;
‘‘Karohi kammaṃ idha vedanīyaṃ, cittañca te idha nihitaṃ bhavatu 8;
கத்வான கம்மங் இத⁴ வேத³னீயங், ஏவங் மமங் லச்ச²ஸி காமகாமினி’’ந்தி.
Katvāna kammaṃ idha vedanīyaṃ, evaṃ mamaṃ lacchasi kāmakāmini’’nti.
446.
446.
‘‘ஸாதூ⁴’’தி ஸோ தஸ்ஸா படிஸ்ஸுணித்வா, அகாஸி கம்மங் தஹிங் வேத³னீயங்;
‘‘Sādhū’’ti so tassā paṭissuṇitvā, akāsi kammaṃ tahiṃ vedanīyaṃ;
கத்வான கம்மங் தஹிங் வேத³னீயங், உபபஜ்ஜி ஸோ மாணவோ தஸ்ஸா ஸஹப்³யதந்தி.
Katvāna kammaṃ tahiṃ vedanīyaṃ, upapajji so māṇavo tassā sahabyatanti.
ரத²காரபேதிவத்து² ததியங்.
Rathakārapetivatthu tatiyaṃ.
பா⁴ணவாரங் து³தியங் நிட்டி²தங்.
Bhāṇavāraṃ dutiyaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / பேதவத்து²-அட்ட²கதா² • Petavatthu-aṭṭhakathā / 3. ரத²காரபேதிவத்து²வண்ணனா • 3. Rathakārapetivatthuvaṇṇanā
