| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
3. рат̇агаарабзд̇ивад̇т̇уван̣н̣анаа
3. Rathakārapetivatthuvaṇṇanā
взл̣урияат̇амбхам̣ ружирам̣ бабхассаранд̇и ид̣̇ам̣ сад̇т̇ари саавад̇т̇ияам̣ вихаранд̇з ан̃н̃ад̇арам̣ бзд̇им̣ аараб̣бха вуд̇д̇ам̣. ад̇ийд̇з гира гассабасса бхаг̇авад̇о гаалз ан̃н̃ад̇араа ид̇т̇ий сийлаажаарасамбаннаа галяаан̣амид̇д̇асанниссаязна саасанз абхиббасаннаа сувибхад̇д̇авижид̇рабхид̇д̇ит̇амбхасобаанабхуумид̇алам̣ ад̇ивияа д̣̇ассанийяам̣ згам̣ ааваасам̣ гад̇ваа д̇ад̇т̇а бхигкуу нисийд̣̇аабзд̇ваа бан̣ийд̇зна аахаарзна баривисид̇ваа бхигкусан̇гхасса нияяаад̣̇зси. саа абарзна самаязна гаалам̣ гад̇ваа ан̃н̃асса баабагаммасса васзна химавад̇и баб̣б̣ад̇арааж̇з рат̇агаарад̣̇ахам̣ ниссааяа вимаанабзд̇ий худ̇ваа ниб̣б̣ад̇д̇и. д̇ассаа сан̇гхасса ааваасад̣̇аанабун̃н̃аанубхаавзна саб̣б̣арад̇анамаяам̣ ул̣аарам̣ ад̇ивияа саманд̇ад̇о баасаад̣̇игам̣ манохарам̣ раман̣ийяам̣ богкаран̣ияам̣ нанд̣̇анаванасад̣̇исам̣ убасобхид̇ам̣ вимаанам̣ ниб̣б̣ад̇д̇и, саяан̃жа суван̣н̣аван̣н̣аа абхируубаа д̣̇ассанийяаа баасаад̣̇игаа ахоси.
Veḷuriyathambhaṃ ruciraṃ pabhassaranti idaṃ satthari sāvatthiyaṃ viharante aññataraṃ petiṃ ārabbha vuttaṃ. Atīte kira kassapassa bhagavato kāle aññatarā itthī sīlācārasampannā kalyāṇamittasannissayena sāsane abhippasannā suvibhattavicitrabhittithambhasopānabhūmitalaṃ ativiya dassanīyaṃ ekaṃ āvāsaṃ katvā tattha bhikkhū nisīdāpetvā paṇītena āhārena parivisitvā bhikkhusaṅghassa niyyādesi. Sā aparena samayena kālaṃ katvā aññassa pāpakammassa vasena himavati pabbatarāje rathakāradahaṃ nissāya vimānapetī hutvā nibbatti. Tassā saṅghassa āvāsadānapuññānubhāvena sabbaratanamayaṃ uḷāraṃ ativiya samantato pāsādikaṃ manoharaṃ ramaṇīyaṃ pokkharaṇiyaṃ nandanavanasadisaṃ upasobhitaṃ vimānaṃ nibbatti, sayañca suvaṇṇavaṇṇā abhirūpā dassanīyā pāsādikā ahosi.
саа д̇ад̇т̇а бурисзхи винаава д̣̇иб̣б̣асамбад̇д̇им̣ анубхаванд̇ий вихарад̇и. д̇ассаа д̇ад̇т̇а д̣̇ийгхарад̇д̇ам̣ ниббурисааяа васанд̇ияаа анабхирад̇и уббаннаа. саа угган̣тид̇аа худ̇ваа ‘‘ад̇т̇зсо убааяо’’д̇и жинд̇зд̇ваа д̣̇иб̣б̣аани амб̣абаггаани над̣̇ияам̣ багкибад̇и. саб̣б̣ам̣ ган̣н̣амун̣д̣абзд̇ивад̇т̇усмим̣ ааг̇ад̇анаязнзва взд̣̇ид̇аб̣б̣ам̣. ид̇ха бана б̣аараан̣асиваасий зго маан̣аво г̇ан̇г̇ааяа д̇зсу згам̣ амб̣апалам̣ д̣̇исваа д̇асса бабхавам̣ г̇авзсанд̇о ануггамзна д̇ам̣ таанам̣ г̇анд̇ваа над̣̇им̣ д̣̇исваа д̇ад̣̇анусаарзна д̇ассаа васанадтаанам̣ г̇ад̇о. саа д̇ам̣ д̣̇исваа ад̇д̇ано васанадтаанам̣ нзд̇ваа бадисант̇аарам̣ гаронд̇ий нисийд̣̇и. со д̇ассаа васанадтаанасамбад̇д̇им̣ д̣̇исваа бужчанд̇о –
Sā tattha purisehi vināva dibbasampattiṃ anubhavantī viharati. Tassā tattha dīgharattaṃ nippurisāya vasantiyā anabhirati uppannā. Sā ukkaṇṭhitā hutvā ‘‘attheso upāyo’’ti cintetvā dibbāni ambapakkāni nadiyaṃ pakkhipati. Sabbaṃ kaṇṇamuṇḍapetivatthusmiṃ āgatanayeneva veditabbaṃ. Idha pana bārāṇasivāsī eko māṇavo gaṅgāya tesu ekaṃ ambaphalaṃ disvā tassa pabhavaṃ gavesanto anukkamena taṃ ṭhānaṃ gantvā nadiṃ disvā tadanusārena tassā vasanaṭṭhānaṃ gato. Sā taṃ disvā attano vasanaṭṭhānaṃ netvā paṭisanthāraṃ karontī nisīdi. So tassā vasanaṭṭhānasampattiṃ disvā pucchanto –
439.
439.
‘‘взл̣урияат̇амбхам̣ ружирам̣ бабхассарам̣, вимаанамааруяха анзгажид̇д̇ам̣;
‘‘Veḷuriyathambhaṃ ruciraṃ pabhassaraṃ, vimānamāruyha anekacittaṃ;
д̇ад̇т̇ажчаси д̣̇зви махаанубхаавз, бат̇ад̣̇д̇хани баннарасзва жанд̣̇о.
Tatthacchasi devi mahānubhāve, pathaddhani pannaraseva cando.
440.
440.
‘‘ван̣н̣о жа д̇з ганагасса саннибхо, уд̇д̇ад̇д̇аруубо бхуса д̣̇ассанзяяо;
‘‘Vaṇṇo ca te kanakassa sannibho, uttattarūpo bhusa dassaneyyo;
баллан̇гасздтз ад̇улз нисиннаа, згаа д̇увам̣ над̇т̇и жа д̇уяха саамиго.
Pallaṅkaseṭṭhe atule nisinnā, ekā tuvaṃ natthi ca tuyha sāmiko.
441.
441.
‘‘имаа жа д̇з богкаран̣ий саманд̇аа, бахууд̇амаляаа б̣ахубун̣д̣арийгаа;
‘‘Imā ca te pokkharaṇī samantā, pahūtamalyā bahupuṇḍarīkā;
суван̣н̣ажун̣н̣зхи саманд̇амод̇т̇ад̇аа, на д̇ад̇т̇а бан̇го бан̣аго жа виж̇ж̇ад̇и.
Suvaṇṇacuṇṇehi samantamotthatā, na tattha paṅko paṇako ca vijjati.
442.
442.
‘‘хам̣саа жимз д̣̇ассанийяаа манорамаа, уд̣̇агасмиманубарияанд̇и саб̣б̣ад̣̇аа;
‘‘Haṃsā cime dassanīyā manoramā, udakasmimanupariyanti sabbadā;
самаяяа ваг̇г̇уубанад̣̇анд̇и саб̣б̣з, б̣инд̣̇уссараа д̣̇унд̣̇убхийнам̣ва гхосо.
Samayya vaggūpanadanti sabbe, bindussarā dundubhīnaṃva ghoso.
443.
443.
‘‘д̣̇ад̣̇д̣̇алламаанаа яасасаа яасассиний, наавааяа жа д̇вам̣ аваламб̣а д̇идтаси;
‘‘Daddallamānā yasasā yasassinī, nāvāya ca tvaṃ avalamba tiṭṭhasi;
аал̣аарабамхз хасид̇з бияам̣вад̣̇з, саб̣б̣ан̇г̇агаляаан̣и бхусам̣ вирожаси.
Āḷārapamhe hasite piyaṃvade, sabbaṅgakalyāṇi bhusaṃ virocasi.
444.
444.
‘‘ид̣̇ам̣ вимаанам̣ вираж̇ам̣ самз тид̇ам̣, уяяаанаванд̇ам̣ рад̇инанд̣̇ивад̣дханам̣;
‘‘Idaṃ vimānaṃ virajaṃ same ṭhitaṃ, uyyānavantaṃ ratinandivaḍḍhanaṃ;
ижчаамахам̣ наари аномад̣̇ассанз, д̇аяаа саха нанд̣̇анз ид̇ха мод̣̇ид̇у’’нд̇и. –
Icchāmahaṃ nāri anomadassane, tayā saha nandane idha moditu’’nti. –
имаа г̇аат̇аа абхааси.
Imā gāthā abhāsi.
439. д̇ад̇т̇а д̇ад̇т̇аад̇и д̇асмим̣ вимаанз. ажчасийд̇и ижчид̇ижчид̇агаалз нисийд̣̇аси. д̣̇звийд̇и д̇ам̣ аалабад̇и. махаанубхаавзд̇и махад̇аа д̣̇иб̣б̣аанубхаавзна саманнааг̇ад̇з. бат̇ад̣̇д̇ханийд̇и ад̇д̇ано бат̇абхууд̇з ад̣̇д̇хани, г̇аг̇анад̇аламаг̇г̇зд̇и ад̇т̇о. баннарасзва жанд̣̇од̇и бун̣н̣амаасияам̣ барибун̣н̣аман̣д̣ало жанд̣̇о вияа виж̇ж̇од̇амаанаад̇и ад̇т̇о.
439. Tattha tatthāti tasmiṃ vimāne. Acchasīti icchiticchitakāle nisīdasi. Devīti taṃ ālapati. Mahānubhāveti mahatā dibbānubhāvena samannāgate. Pathaddhanīti attano pathabhūte addhani, gaganatalamaggeti attho. Pannaraseva candoti puṇṇamāsiyaṃ paripuṇṇamaṇḍalo cando viya vijjotamānāti attho.
440. ван̣н̣о жа д̇з ганагасса саннибход̇и д̇ава ван̣н̣о жа уд̇д̇ад̇д̇асин̇г̇ийсуван̣н̣зна сад̣̇исо ад̇ивияа манохаро. д̇знааха ‘‘уд̇д̇ад̇д̇аруубо бхуса д̣̇ассанзяяо’’д̇и. ад̇улзд̇и махаарахз. ад̇улзд̇и ваа д̣̇звад̇ааяа аалабанам̣, асад̣̇исаруубзд̇и ад̇т̇о. над̇т̇и жа д̇уяха саамигод̇и д̇уяхам̣ саамиго жа над̇т̇и.
440.Vaṇṇoca te kanakassa sannibhoti tava vaṇṇo ca uttattasiṅgīsuvaṇṇena sadiso ativiya manoharo. Tenāha ‘‘uttattarūpo bhusa dassaneyyo’’ti. Atuleti mahārahe. Atuleti vā devatāya ālapanaṃ, asadisarūpeti attho. Natthi ca tuyha sāmikoti tuyhaṃ sāmiko ca natthi.
441. бахууд̇амаляаад̇и гамалагувалаяаад̣̇иб̣ахувид̇хагусумавад̇ияо . суван̣н̣ажун̣н̣зхийд̇и суван̣н̣аваалугаахи. саманд̇амод̇т̇ад̇аад̇и саманд̇ад̇о огин̣н̣аа. д̇ад̇т̇аад̇и д̇аасу богкаран̣ийсу. бан̇го бан̣аго жаад̇и гад̣̇д̣̇амо ваа уд̣̇агабижчилло ваа на виж̇ж̇ад̇и.
441.Pahūtamalyāti kamalakuvalayādibahuvidhakusumavatiyo . Suvaṇṇacuṇṇehīti suvaṇṇavālukāhi. Samantamotthatāti samantato okiṇṇā. Tatthāti tāsu pokkharaṇīsu. Paṅko paṇako cāti kaddamo vā udakapicchillo vā na vijjati.
442. хам̣саа жимз д̣̇ассанийяаа манорамаад̇и имз хам̣саа жа д̣̇ассанасукаа манорамаа жа. анубарияанд̇ийд̇и анувижаранд̇и. саб̣б̣ад̣̇аад̇и саб̣б̣зсу уд̇уусу. самаяяаад̇и сан̇г̇амма. ваг̇г̇ууд̇и мад̇хурам̣. убанад̣̇анд̇ийд̇и вигууж̇анд̇и. б̣инд̣̇уссараад̇и ависадассараа самбин̣д̣ид̇ассараа. д̣̇унд̣̇убхийнам̣ва гхосод̇и ваг̇г̇уб̣инд̣̇уссарабхаавзна д̣̇унд̣̇убхийнам̣ вияа д̇ава богкаран̣ияам̣ хам̣саанам̣ гхосод̇и ад̇т̇о.
442.Haṃsā cime dassanīyā manoramāti ime haṃsā ca dassanasukhā manoramā ca. Anupariyantīti anuvicaranti. Sabbadāti sabbesu utūsu. Samayyāti saṅgamma. Vaggūti madhuraṃ. Upanadantīti vikūjanti. Bindussarāti avisaṭassarā sampiṇḍitassarā. Dundubhīnaṃva ghosoti vaggubindussarabhāvena dundubhīnaṃ viya tava pokkharaṇiyaṃ haṃsānaṃ ghosoti attho.
443. д̣̇ад̣̇д̣̇алламаанаад̇и ад̇ивияа абхиж̇аланд̇ий. яасасаад̇и д̣̇звид̣̇д̇хияаа. наавааяаад̇и д̣̇он̣ияам̣. богкаран̣ияан̃хи бад̣̇уминияам̣ суван̣н̣анаавааяа махаарахз баллан̇гз нисийд̣̇ид̇ваа уд̣̇агагийл̣ам̣ гийл̣анд̇им̣ бзд̇им̣ д̣̇исваа звамааха. аваламб̣аад̇и аваламб̣ид̇ваа абассзнам̣ абассааяа. д̇идтасийд̇и ид̣̇ам̣ таанасад̣̇д̣̇асса г̇ад̇инивад̇д̇и ад̇т̇ад̇д̇аа г̇ад̇ияаа бадигкзбаважанам̣. ‘‘нисаж̇ж̇асий’’д̇и ваа баато, нисийд̣̇асижжзвасса ад̇т̇о д̣̇адтаб̣б̣о. аал̣аарабамхзд̇и взллид̇ад̣̇ийгханийлабакумз. хасид̇зд̇и хасид̇амахаахасид̇амукз. бияам̣вад̣̇зд̇и бияабхаан̣иний. саб̣б̣ан̇г̇агаляаан̣ийд̇и саб̣б̣зхи ан̇г̇зхи сунд̣̇арз, собханасаб̣б̣ан̇г̇абажжан̇г̇ийд̇и ад̇т̇о. вирожасийд̇и вирааж̇зси.
443.Daddallamānāti ativiya abhijalantī. Yasasāti deviddhiyā. Nāvāyāti doṇiyaṃ. Pokkharaṇiyañhi paduminiyaṃ suvaṇṇanāvāya mahārahe pallaṅke nisīditvā udakakīḷaṃ kīḷantiṃ petiṃ disvā evamāha. Avalambāti avalambitvā apassenaṃ apassāya. Tiṭṭhasīti idaṃ ṭhānasaddassa gatinivatti atthattā gatiyā paṭikkhepavacanaṃ. ‘‘Nisajjasī’’ti vā pāṭho, nisīdasiccevassa attho daṭṭhabbo. Āḷārapamheti vellitadīghanīlapakhume. Hasiteti hasitamahāhasitamukhe. Piyaṃvadeti piyabhāṇinī. Sabbaṅgakalyāṇīti sabbehi aṅgehi sundare, sobhanasabbaṅgapaccaṅgīti attho. Virocasīti virājesi.
444. вираж̇анд̇и виг̇ад̇араж̇ам̣ нид̣̇д̣̇осам̣. самз тид̇анд̇и самз бхуумибхааг̇з тид̇ам̣, жад̇урассасобхид̇ад̇ааяа ваа самабхааг̇з тид̇ам̣, саманд̇абхад̣̇д̣̇аганд̇и ад̇т̇о. уяяаанаванд̇анд̇и нанд̣̇анаванасахид̇ам̣. рад̇инанд̣̇ивад̣дхананд̇и рад̇ин̃жа нанд̣̇ин̃жа вад̣дхзд̇ийд̇и рад̇инанд̣̇ивад̣дханам̣, сукасса жа бийд̇ияаа жа сам̣вад̣дхананд̇и ад̇т̇о. наарийд̇и д̇ассаа аалабанам̣. аномад̣̇ассанзд̇и барибун̣н̣аан̇г̇абажжан̇г̇ад̇ааяа анинд̣̇ид̇ад̣̇ассанз. нанд̣̇анзд̇и нанд̣̇анагарз. ид̇хаад̇и нанд̣̇анаванз, вимаанз ваа. мод̣̇ид̇унд̇и абхирамид̇ум̣ ижчаамийд̇и яож̇анаа.
444.Virajanti vigatarajaṃ niddosaṃ. Same ṭhitanti same bhūmibhāge ṭhitaṃ, caturassasobhitatāya vā samabhāge ṭhitaṃ, samantabhaddakanti attho. Uyyānavantanti nandanavanasahitaṃ. Ratinandivaḍḍhananti ratiñca nandiñca vaḍḍhetīti ratinandivaḍḍhanaṃ, sukhassa ca pītiyā ca saṃvaḍḍhananti attho. Nārīti tassā ālapanaṃ. Anomadassaneti paripuṇṇaaṅgapaccaṅgatāya aninditadassane. Nandaneti nandanakare. Idhāti nandanavane, vimāne vā. Moditunti abhiramituṃ icchāmīti yojanā.
звам̣ д̇зна маан̣авзна вуд̇д̇з саа вимаанабзд̇ид̣̇звад̇аа д̇асса бадиважанам̣ д̣̇знд̇ий –
Evaṃ tena māṇavena vutte sā vimānapetidevatā tassa paṭivacanaṃ dentī –
445.
445.
‘‘гарохи гаммам̣ ид̇ха взд̣̇анийяам̣, жид̇д̇ан̃жа д̇з ид̇ха нихид̇ам̣ бхавад̇у;
‘‘Karohi kammaṃ idha vedanīyaṃ, cittañca te idha nihitaṃ bhavatu;
гад̇ваана гаммам̣ ид̇ха взд̣̇анийяам̣, звам̣ мамам̣ лажчаси гаамагаамини’’нд̇и. –
Katvāna kammaṃ idha vedanīyaṃ, evaṃ mamaṃ lacchasi kāmakāmini’’nti. –
г̇аат̇амааха. д̇ад̇т̇а гарохи гаммам̣ ид̇ха взд̣̇анийяанд̇и ид̇ха имасмим̣ д̣̇иб̣б̣адтаанз вибажжанагам̣ вибаагад̣̇ааяагам̣ гусалагаммам̣ гарохи басавзяяааси. ид̇ха нихид̇анд̇и ид̇хуубанийд̇ам̣, ‘‘ид̇ха нинна’’нд̇и ваа баато, имасмим̣ таанз ниннам̣ бон̣ам̣ баб̣бхаарам̣ д̇ава жид̇д̇ам̣ бхавад̇у ход̇у. маманд̇и мам̣. лажчасийд̇и лабхиссаси.
Gāthamāha. Tattha karohi kammaṃ idha vedanīyanti idha imasmiṃ dibbaṭṭhāne vipaccanakaṃ vipākadāyakaṃ kusalakammaṃ karohi pasaveyyāsi. Idha nihitanti idhūpanītaṃ, ‘‘idha ninna’’nti vā pāṭho, imasmiṃ ṭhāne ninnaṃ poṇaṃ pabbhāraṃ tava cittaṃ bhavatu hotu. Mamanti maṃ. Lacchasīti labhissasi.
со маан̣аво д̇ассаа вимаанабзд̇ияаа важанам̣ суд̇ваа д̇ад̇о мануссабат̇ам̣ г̇ад̇о д̇ад̇т̇а жид̇д̇ам̣ бан̣ид̇хааяа д̇аж̇ж̇ам̣ бун̃н̃агаммам̣ гад̇ваа нажирассзва гаалам̣ гад̇ваа д̇ад̇т̇а ниб̣б̣ад̇д̇и д̇ассаа бзд̇ияаа сахаб̣яад̇ам̣. д̇амад̇т̇ам̣ багаасзнд̇аа сан̇г̇ийд̇игаараа –
So māṇavo tassā vimānapetiyā vacanaṃ sutvā tato manussapathaṃ gato tattha cittaṃ paṇidhāya tajjaṃ puññakammaṃ katvā nacirasseva kālaṃ katvā tattha nibbatti tassā petiyā sahabyataṃ. Tamatthaṃ pakāsentā saṅgītikārā –
446.
446.
‘‘саад̇хууд̇и со д̇ассаа бадиссун̣ид̇ваа,
‘‘Sādhūti so tassā paṭissuṇitvā,
агааси гаммам̣ д̇ахим̣ взд̣̇анийяам̣;
Akāsi kammaṃ tahiṃ vedanīyaṃ;
гад̇ваана гаммам̣ д̇ахим̣ взд̣̇анийяам̣,
Katvāna kammaṃ tahiṃ vedanīyaṃ,
убабаж̇ж̇и со маан̣аво д̇ассаа сахаб̣яад̇а’’нд̇и. –
Upapajji so māṇavo tassā sahabyata’’nti. –
осаанаг̇аат̇амаахам̣су. д̇ад̇т̇а саад̇хууд̇и самбадижчанз нибаад̇о. д̇ассаад̇и д̇ассаа вимаанабзд̇ияаа. бадиссун̣ид̇ваад̇и д̇ассаа важанам̣ самбадижчид̇ваа. д̇ахим̣ взд̣̇анийяанд̇и д̇асмим̣ вимаанз д̇ааяа сад̣̇д̇хим̣ взд̣̇ид̇аб̣б̣асукавибаагам̣ гусалагаммам̣. сахаб̣яад̇анд̇и сахабхаавам̣. со маан̣аво д̇ассаа сахаб̣яад̇ам̣ убабаж̇ж̇ийд̇и яож̇анаа. сзсам̣ уд̇д̇аанамзва.
Osānagāthamāhaṃsu. Tattha sādhūti sampaṭicchane nipāto. Tassāti tassā vimānapetiyā. Paṭissuṇitvāti tassā vacanaṃ sampaṭicchitvā. Tahiṃ vedanīyanti tasmiṃ vimāne tāya saddhiṃ veditabbasukhavipākaṃ kusalakammaṃ. Sahabyatanti sahabhāvaṃ. So māṇavo tassā sahabyataṃ upapajjīti yojanā. Sesaṃ uttānameva.
звам̣ д̇зсу д̇ад̇т̇а жирагаалам̣ д̣̇иб̣б̣асамбад̇д̇им̣ анубхаванд̇зсу бурисо гаммасса баригкаязна гааламагааси, ид̇т̇ий бана ад̇д̇ано бун̃н̃агаммасса кзд̇д̇ан̇г̇ад̇абхаавзна згам̣ б̣уд̣̇д̇ханд̇арам̣ д̇ад̇т̇а барибун̣н̣ам̣ гад̇ваа васи. ат̇а амхаагам̣ бхаг̇авад̇и логз уббаж̇ж̇ид̇ваа бавад̇д̇ид̇аварад̇хаммажаггз ануггамзна ж̇зд̇аванз вихаранд̇з ааяасмаа махаамог̇г̇аллаано згад̣̇ивасам̣ баб̣б̣ад̇ажааригам̣ жарамаано д̇ам̣ вимаанан̃жа вимаанабзд̇ин̃жа д̣̇исваа ‘‘взл̣урияат̇амбхам̣ ружирам̣ бабхассара’’нд̇иаад̣̇игаахи г̇аат̇аахи бужчи. саа жасса аад̣̇ид̇о бадтааяа саб̣б̣ам̣ ад̇д̇ано бавад̇д̇им̣ аарожзси. д̇ам̣ суд̇ваа т̇зро саавад̇т̇им̣ ааг̇анд̇ваа бхаг̇авад̇о аарожзси. бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. д̇ам̣ суд̇ваа махааж̇ано д̣̇аанаад̣̇ибун̃н̃ад̇хамманирад̇о ахосийд̇и.
Evaṃ tesu tattha cirakālaṃ dibbasampattiṃ anubhavantesu puriso kammassa parikkhayena kālamakāsi, itthī pana attano puññakammassa khettaṅgatabhāvena ekaṃ buddhantaraṃ tattha paripuṇṇaṃ katvā vasi. Atha amhākaṃ bhagavati loke uppajjitvā pavattitavaradhammacakke anukkamena jetavane viharante āyasmā mahāmoggallāno ekadivasaṃ pabbatacārikaṃ caramāno taṃ vimānañca vimānapetiñca disvā ‘‘veḷuriyathambhaṃ ruciraṃ pabhassara’’ntiādikāhi gāthāhi pucchi. Sā cassa ādito paṭṭhāya sabbaṃ attano pavattiṃ ārocesi. Taṃ sutvā thero sāvatthiṃ āgantvā bhagavato ārocesi. Bhagavā tamatthaṃ aṭṭhuppattiṃ katvā sampattaparisāya dhammaṃ desesi. Taṃ sutvā mahājano dānādipuññadhammanirato ahosīti.
рат̇агаарабзд̇ивад̇т̇уван̣н̣анаа нидтид̇аа.
Rathakārapetivatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 3. рат̇агаарабзд̇ивад̇т̇у • 3. Rathakārapetivatthu
